|
|
|
 Re: يا جماعة ... انتو شنو حكاية توقيع ناس نداء ا (Re: isam elzein)
|
تحيايت الأخ عصام الزين
المشكلة شنو في إنهم يوقعوا ؟؟ هم قوى سياسية وأحزاب عندها جمهور
انت زاتك لو عاوز توقع أمشي وقع
بعدين المربع الأول ياتو ؟ قصدك الديمقراطية..
أمال الناس دي مرقت عشان شنو
أي مربع غير مربع القمع والتنكيل والسرقة والفساد الذي تمثله الانقاذ يعتبر رحمة للشعب السوداني
| |
 
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: Elhadi)
|
سلام يا عصام والهادي
والشكر لك يا الهادي. قوة الشعب السوداني في هذه اللحظة تكمن في توحده ووحدته ضد الظلم والقهر والإذلال والإرهاب..
من صفحة حزب المؤتمر السوداني:
الاستاذة/ سارة نقدالله الامينة العامة لحزب الامة القومي في مخاطبتها للمعتصمين بكافوري امام منزل الشهيد د.بابكر عبدالحميد تدعو كل السودانيين للانضمام للثورة واسقاط نظام الكيزان
| |
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: Yasir Elsharif)
|
تحيايت الأخ عصام الزين
المشكلة شنو في إنهم يوقعوا ؟؟ هم قوى سياسية وأحزاب عندها جمهور
انت زاتك لو عاوز توقع أمشي وقع
بعدين المربع الأول ياتو ؟ قصدك الديمقراطية..
أمال الناس دي مرقت عشان شنو
أي مربع غير مربع القمع والتنكيل والسرقة والفساد الذي تمثله الانقاذ يعتبر رحمة للشعب السوداني
يسلم قلمك
الاخ عصام الظاهر عليهو راكب البص الغلط
الثوره دى عاوزنها ترجعنا لمربع الديمقراطيه ودوله القانون والعداله والمساواه
عشان لو حزب المهدى ما عاجبنا نشيلوا ونختار زول تانى ديمقراطيا
ماعاوزين تانى زول يجى يغشنا ويقنعنا بان الدكتاتوريه افضل من الديمقراطيه وتكون النتيجه ضياع تلت البلد وحروب مدوره فى القبل الاربعه و5 مليون على الاقل بره البلد
وفساد ما انزل الله به من سلطان والمحزن ده كلو باسم الله والدين
الاحزاب السياسيه فى اى بلد هى الاداه الوحيده للحكم حتى الدكتاتوريات بتعمل احزاب صوريه وتحكم من خلالها
هذا الحراك المبارك هو نتاج 30 سنه الا 5 شهور ونص من العمل السياسى المنظم ضد الانقاذ وانشاء الله سياتى اكله فى قادم الايام
حدتنا هى الطريق الوحيد لانجاح هذه الثوره الشبابيه
دودى
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: Mohamed Doudi)
|
تشييع الطبيب الشهيد الشجاع يجب ان يكون حدثا وطنيا
03:42 PM January, 18 2019
سودانيز اون لاين
ياسر عرمان-
مكتبتى
رابط مختصر
اغتيال الطبيب بابكر عبدالحميد ومهاجمة المستشفيات جرائم في القانون الدولي ولابد من مواجهتها بحملة شاملة في كل انحاء العالم
بتحريض علني وبتوجيهات مباشرة من قادة النظام وراسه عمر البشير ومنظر النظام علي عثمان محمد طه، قامت اجهزة النظام ومليشيات الحركة الاسلامية وامنها الشعبي بجرائم واسعة في اغتيال المتظاهرين السلميين وايقاع اصابات في المئات من الجرحى بالرصاص الحي، شمل ذلك الاطفال والنساء والشباب والشيوخ ودخلت جرائمهم مرحلة جديدة بمهاجمة المستشفيات، كما حدث في مستشفى امدرمان والفيصل، واليوم تم اغتيال الطبيب بابكر عبدالحميد وهو يسعف الجرحى وهذه جرائم حرب في القانون الدولي، كذلك تم اغتيال الطفل محمد عبيد (14عام) كما تم منع فرقة طبية من اسعاف المصابين في بري، وتشير مصادر في اوساط الاطباء ان التقديرات بان عدد القتلى قد تجاوز (70) وليس (40) لان اجهزة النظام قد قامت بدفن بعض القتلى سرا دون ابلاغ اسرهم.
هذا الوضع سيتصاعد مع تصاعد الثورة، ولابد من حملة دولية شاملة من شبكات السودانيين في الخارج وباسرع وقت وان تتداعى لها منظمات المجتمعين المدني والسياسي ولابد من جذب اصوات ومؤسسات ذات ثقل عالمي للتعبير عن رفضها لاغتيال المتظاهرين السلميين والجرائم ضد المؤسسات الطبية والعاملين بها، وهذا يحتاج لعمل منسق بين كافة قوى الثورة داخل وخارج السودان.
ان من واجب المجتمع الدولي حماية المدنيين، نقوم وغيرنا باتصالات يومية بجهات اقليمية ودلية وعلينا ان نطور ذلك في عمل مشترك.
ياسر عرمان
مسؤول العلاقات الخارجية بنداء السودان
18 يناير 2019م
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: Yasir Elsharif)
|
ما قصدته بالمربع الأول هو العودة لأيام السيدين وهمج الطائفية. المهدى الذى يتزعم نداء السودن هو من ظل يهادن ويساوم هذا النظام منذ أن أتى ويحاول جاهدا أن بجد لهم مخرج آمن فهو فاشل وقد حان وقت تجاوزه وإخراجه من الصورة أما رفيقه الآخر الميرغنى فحدث ولا حرج.
المهدى والميرغنى عليهم أن يمارسوا الديمقراطية فى داخل أحوالهم أولا وبعدها يأتوا ليقودوا الثورات ويحافظوا على النظام الديمقراطى فى السودان الذى تلاعبوا به وفرطوا فيه مرات ومرات من أجل مصالحهم الشخصية.
مرحبا بالديمقراطية الحقة والمعافاة من اى هوس دينى وجهل طائفى.
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: isam elzein)
|
.ما قصدته بالمربع الأول هو العودة لأيام السيدين وهمج الطائفية. المهدى الذى يتزعم نداء السودن هو من ظل يهادن ويساوم هذا النظام منذ أن أتى ويحاول جاهدا أن بجد لهم مخرج آمن فهو فاشل وقد حان وقت تجاوزه وإخراجه من الصورة أما رفيقه الآخر الميرغنى فحدث ولا حرج. المهدى والميرغنى عليهم أن يمارسوا الديمقراطية فى داخل أحوالهم أولا وبعدها يأتوا ليقودوا الثورات ويحافظوا على النظام الديمقراطى فى السودان الذى تلاعبوا به وفرطوا فيه مرات ومرات من أجل مصالحهم الشخصية. مرحبا بالديمقراطية الحقة والمعافاة من اى هوس دينى وجهل طائفى.
هذا ظلم غير عادى يا عصام
الميرغنى وحزبه جزء من النظام بل خرج ممثله متحدثا فى لقاء الساحه الخضراء
اما المهدى فهو الوحيد الذى لم يهادن او يشارك فى الانقاذ وحاليا يراس اكبر تكتل معارض (نداء السودان) وهو من اقترح على المعارضه بالتوقيع على مذكره وتسليمها للبشير تطالبه بالتنحى
وهو صاحب الفكره التى غيرت اتجاه الانتفاضه لان مسيريه المهنيين كانت تطالب بتحسين الاجور فقط وكانت مسيره متجهة للبرلمان فتم التوافق على رفع السقف والاتجاه للقصر وتوقيع تحالف
قوى الاجماع ونداء السودان والتحالف الاتحادى المعارض
هل نفهم من كلامك ده سوف يتم تجاوزنا كحزب امه وانصار اذا نجحت الثوره على الرقم من عدم مشاركتنا ابدا فى الانقاذ ويتم الترحيب بناس ابوعيسى رغم مشاركته وكذلك الحزب الشيوعى؟
يعنى نحن موعودون بالانقاذ 2 يا عاصم
قايتو لو فى ناس تانيه عندها نفس فهمك ده الرماد كال حماد!!!!
بالمناسبه ايام السيدين كانت من اكثر الديمقراطيات نجاحا قياسا بارقام مصلحه الاحصاء...لقد تم انجاز الكثير ولكن استغلت الجبهه واليسار مناخ الديمقراطيه والحريه وعملت على نشر الاكاذيب والياس
مما ساهم فى عدم مقاومه الانقلاب فى حينه.
حكومه السيدين يا سيد عصام اتت نتيجه لاختييار الناخب والذى من حقه ان يختارك
دودى
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: Mohamed Doudi)
|
سلامات يا عصام
اي زول عاوز ينضم للثورة مرحب بيه ويشتغل في الشارع
كل النضالات معلومة، ومافي طريقة تاني نحكم برموز الفشل التاريخية
مهما كانت الظروف.. السودان اخذ خطوة لي قدام عاوزين ناس احرار
للبناء مافي طريقة لي شيخ طريقة أو زعيم قبلي أو ديني يجي يركب تاني
عاوزين ناس متحررين من التبعية اي زول عنده بيعة في رقبته يختها بعيد ويجي يشتغل ويعبر عن نفسه، مافي شغل بالوكالة تأتي.. عاوزين ناس واعين ما بتحركوا بالإشارة داخلية كانت أم خارجية
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: Mohamed Doudi)
|
يا دودي ياخي ما تزايد على زول بالنضال
كل واحد بيعرف نفسه عمل شنو وييعمل في شنو
لكن اقولها ليك بالفم المليان التجارب السابقة ما حتتكرر تاني
الناس بيكاتلوا في الإنقاذ عشان تاني يجي الصادق أو واحدة من بناته
أو الميرغني وواحد من أولاده أو أي كوز موهوم..
الثورة ختت شخيت. دولة جديدة وسودان مختلف
ما معقول بعد التعب يحي تاني واحد زي الصادق أو الميرغني ينط تاني
ديل طلعوا دين السودان
النقاش دا ما وقته، لكن صدقني إذا الشباب الفي الشارع ديل وصلهم خبر انه الصادق حيجي تاني
بكرة دي زول يطلع الشارع مافي
دا الوعي اللي بترتكز عليه الثورة مافي طريقة تاني يا الحبيب
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: عبدالعظيم عثمان)
|
برضو يا عبدالعظيم ما على كيفك؟
انت فرقك من الانقاذ شنو؟
لم نسمع ولم نقرأ فى التاريخ ان حزب الامه او الاتحادى الديمقراطى قاما بعمل انقلاب ضد الديمقراطيه
اكرر مره اخرى الشعب من حقه ان ينتخب الترابى وهو فى قبره اذا اراد ذلك طواعيته فى مناخ ديمقراطيه تتساوى فيه فرص الجميع
انت وغيرك غير وصى على الشعب السودانى
امشى نظم نفسك اولا واستعد وتعال نافس عند نجاح الثوره باذن الله
نحن يا عبدالعظيم فى حزب الامه دفعا فاتوره النضال دما ومالا وسجنا وتهجيرا وغربه اكثر من كل القوى السياسيه الاخرى المدنيه
ونحن الحزب الوحيد الذى دفع فاتوره هذا الحراك شهداءا فى عطبره والقضارف والجزيره ابا وربك
نحن لا نمن على شعبنا لان ذلك واجبنا منذ الازل
فاحترام قادتنا احتراما لنا لاننا انتخبانهم واخترناهم يا عبدالعظيم
فالوقت للوحده والتكاتف وانجاز المهمه لان المشوار طويل
دودى
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: Mohamed Doudi)
|
يا دودي احترم جدا إلتزامك الحزبي وحتي بيعتك للإمام (إذا كنت شايل بيعة في رقبتك)
بس يا حبيب انا بحاول اخليك تشوف المشهد وانت متحرر من الإلتزام ومتحرر من البيعة عشان ما تكون مقيد بأي قيد آخر غير قيد الوطن.. الولاءات القديمة لازم تتغير إذا كنا فعلا عاوزين سودان مختلف، لابد أن يكون الولاء للبرنامج وليس للطائفة أو الحزب أو الأشخاص.. المرحلة ما بتتحمل زول يجينا مدرع بإرث طائفي أو عائلي أو أي نوع من أنواع الزعامة عشان نقفل الباب في وجه الوراثة السياسية
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: عبدالعظيم عثمان)
|
عثمان
تاريخ التسجيل: 29-06-2006
مجموع المشاركات: 5337
للتواصل معنا
FaceBook
تويتر Twitter
YouTube
Google Plus
Re: يا جماعة ... انتو شنو حكاية توقيع ناس نداء ا (Re: Mohamed Doudi)
يا دودي ياخي ما تزايد على زول بالنضال
كل واحد بيعرف نفسه عمل شنو وييعمل في شنو
لكن اقولها ليك بالفم المليان التجارب السابقة ما حتتكرر تاني
الناس بيكاتلوا في الإنقاذ عشان تاني يجي الصادق أو واحدة من بناته
أو الميرغني وواحد من أولاده أو أي كوز موهوم..
الثورة ختت شخيت. دولة جديدة وسودان مختلف
ما معقول بعد التعب يحي تاني واحد زي الصادق أو الميرغني ينط تاني
ديل طلعوا دين السودان
النقاش دا ما وقته، لكن صدقني إذا الشباب الفي الشارع ديل وصلهم خبر انه الصادق حيجي تاني
بكرة دي زول يطلع الشارع مافي
دا الوعي اللي بترتكز عليه الثورة مافي طريقة تاني يا الحبيب
** فى الصميم
لا للهوس الدينى ولا للطائفية
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: isam elzein)
|
| Quote: وهو صاحب الفكره التى غيرت اتجاه الانتفاضه |
الأخ محمد دودي
تحياتي
وأتمنى أن تقودنا الثورة لديمقراطية تسع الجميع ولا تعزل أحداً إلا بحكم الدستور والقانون.
الجملة المقتبسة أعلاه تحتاج لتوثيق حتى لا يتم تزور تأريخنا في زمن قادم.
ياريت تجيب لينا بعضاً من الوثائق التي تحكي مساهمة السيد الصادق في الثورة الحالية.
| |
|
|
|
|
|
|
|
|
 Re: يا جماعة ... انتو شنو حكاية توقيع ناس نداء ا (Re: Hafiz Bashir)
|
وهو صاحب الفكره التى غيرت اتجاه الإنتفاضة
هكذا يحاولون سرقة الثورة بالالتفاف حولها.
لا تحدثونا عن الديمقراطية والطائفية البائدة ودعاة الهوس الدينى هم من نحر على الديمقراطية عندما طردوا نواب الحزب الشيوعى المنتخبين ديمقراطيا من البرلمان بالرغم من قرار المحكمة العليا بعدم دستورية قرارهم وهم من قام بإصدار حكم الردة على الأستاذ الشهيد محمود محمد طه لا لشيئ غير أفكاره وخطورته عليهم وعلى افكارهم الشيطانية ولم يدافعوا عن الديمقراطية وحرية الرأى عندما قرر سيى الذكر النميرى اعدامه.
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: عبدالعظيم عثمان)
|
الأخ محمد دودي تحياتي وأتمنى أن تقودنا الثورة لديمقراطية تسع الجميع ولا تعزل أحداً إلا بحكم الدستور والقانون. الجملة المقتبسة أعلاه تحتاج لتوثيق حتى لا يتم تزور تأريخنا في زمن قادم. ياريت تجيب لينا بعضاً من الوثائق التي تحكي مساهمة السيد الصادق في الثورة الحالية.
الاخ حافظ
ارجع للمؤتمر الصحفى للمهدى يوم 22 او 21 ديسمبر انا ما عارف انزلو كيف من التلفون لكنه متوفر فى الاسافير وراجع فى اول منشور لنقابه المنهنين ومطالبه ...الكلام ده كلو مسجل
وخليلك من ده كلو الصادق المهدى ليهو اكثر من عشره سنه كان بيتكلم عن حاجه اسمها مذكره التحرير يدعو كل الشعب للاعتصام فى الميادين والمدن والسفارات بالخارج...الكلام ده كله موثق فى المنبر ده
ذى ما قلت حزب الامه لم يشارك ابدا وظل ملتزم بنفس المنهج والمبادئ ولم يتغيير سوى التكتيك اذ حمل الحزب السلاح عندما كاد مضطرا الى ذلك وعاد للعمل السلمى بعد ذلك
دودى
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: Mohamed Doudi)
|
19/1/2019م بسم الله الرحمن الرحيم
شاهد على قبري شهيدين
بلغني من أبنائي وبناتي وحفدتي المشاركين في هبة الخميس 17/1/2019م في العاصمة الخرطوم أن د. بابكر عبد الحميد سلامة قتل برصاصة في الرأس وأخرى متشظية في الظهر، وقيل إنه كان متطوعاً لعلاج الجرحى أثناء الموكب. وبلغني كذلك أن الشهيد معاوية بشير خليل وهو من أهالي بري، لاذ ببيته بعض المتظاهرين والمتظاهرات في موكب أمس حينما صبت عليهم قوى القمع وابلاً من البمبان والرصاص الحي والمطاطي وكان الباطشون يلاحقونهم، فأمنهم في داره وأغلق خلفهم باب منزله رافضاً تسليمهم فما كان من ملاحقيهم إلا أن صوبوا الرصاص الحي على الباب الذي كان أوصده للتو فأصابته طلقتان وتوفي جراء إصابته صباح اليوم. هذان شهيدان ضمن هذه الثورة المباركة وقد فاق عدد الشهداء الأربعين منذ تفجرها في 19 ديسمبر وحتى الآن في مختلف أنحاء السودان. وقصتاهما تحكي أولاها بطشاً بطبيب معالج والقانون الدولي الإنساني يحرم التعرض للعاملين في معالجة الجرحى حتى في الحروب ناهيك عن المظاهرات، أما القصة الثانية فتحكي قتل مواطن آمن داخل منزله.
لم يكن هؤلاء المتظاهرون يحملون سلاحاً، بل كان هتافهم المدوي: سلمية، سلمية.
لقد تعرض مواطنون عزل لإصابات من بمبان ورصاص مطاطي ورصاص حي، وبمقاييس شرعية، ودستورية، بل وإنسانية دولية هم يمارسون حقوقهم، بل يؤدون واجباً لأن الساكت عن كلمة الحق شيطان أخرس كما في الأثر، وقال نبي الرحمة عليه الصلاة والسلام: "أَعْظَمِ الْجِهَادِ كَلِمَةَ عَدْلٍ عِنْدَ سُلْطَانٍ جَائِر"[1]، والآية الكريمة تشجب الخنوع للذل: (إنَّ الَّذِينَ تَوَفَّاهُمُ الْمَلَائِكَةُ ظَالِمِي أَنفُسِهِمْ قَالُوا فِيمَ كُنتُمْ ۖ قَالُوا كُنَّا مُسْتَضْعَفِينَ فِي الْأَرْضِ)[2].
إن الذين أمروا هؤلاء الوحوش والذين نفذوا هذه الأوامر آثمون لا بد من عقابهم مهما طال الزمن.
هؤلاء استمرأوا سفك دماء الأبرياء، وما يقال عن تحقيق بلا مصداقية، لأنه تحقيق الخصم والحكم، ولا صدقية لتحقيق إلا على يد اللجنة الفنية التابعة للأمم المتحدة لتجري تحقيقاً في كل هذه الممارسات الباطشة لمعرفة الحقائق ومساءلة الجناة.
علمت أن الشهيد بابكر عمره 25 عاماً وهو وحيد أبويه وله أربع أخوات وهو خريج جامعة الرباط. كما علمت أن الشهيد معاوية يبلغ من العمر 60 عاماً وله ثلاثة أبناء وثلاث بنات وهو يكدح ليعولهم، تقبلهما الله مع الذين أنعم عليهم من الصالحين، وسوف يسجل اسماهما في تاريخ الوطن شهيدان للثورة مع من سبقوهما في سجل الخلود من شهداء القضارف وعطبرة وكريمة والجزيرة أبا، وبربر والعبيدية والخرطوم من مختلف أرجائها، جنباً إلى جنب مع الأيقونة الشهيد أحمد قرشي طه.
أحسن الله عزاء أسرهم الخاصة وأسرتهم العامة كافة أحرار الوطن الجريح. (إِنَّا لِلَّهِ وَإِنَّا إِلَيْهِ رَاجِعُونَ).1
الصادق المهدي
آخر رئيس وزراء شرعي
رئيس حزب الأمة القومي وإمام الأنصار
رئيس المنتدى العالمي للوسطية.
[1] رواه الترمذي
[2] سورة النساء الآية رقم 97.
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: عمر دهب)
|
عبد العظيم بيتكلم صح .. وصندوق الإقتراع سياتى بمن يصفهم بجيل جديد متحرر من تبعيه
لم يعترض على الأحزاب ولكن على (أشخاص) بعينهم) وأكيد من ممارسات الديقراطية
النقد والمواجهة وتقييم أدوار شخصيات وزعامات سياسية . (لتسقط الأشخاص) ..
والأحزاب لتبقى فى المشهد لتقوم تجريتها ولتقدم قيادات مناسبة .. الممارسة الديمقراطية
ستصطرها لذلك .. والديقراطية ليست فقط صندوق الإقتراع .. ونجاح صندوق الإثتراغ
أن يأتى بالأصلح نتيجة (الوعى الديمقراطى) وهذا قد يحتاج لزمن ولكن لا بد من البداية
والمواجهة.
والثورة لم تقم لكى عندما تنتصر للإسراع بإنتخابات ديمقراطية عمياء تأتى بمن هم الأسوأ.
فالأولية للتحقيق والمحاكمات العادلة لمدبرى ومعاونى تنفيذ إنقلاب الإنقاذ المشؤم هذه وحده
يحدث فلترة، .. ومن الأولويات إستصحاب تجربة السودان منذ 1956 لإعادة صياغة
الدستور الدائم، وربما من ضمنه مراجعة ما يسمح به للأحزاب بحيث يكفل عدم إستغلال
الدين أو إزدرائه أو العنصرية أو الجهوية فى النشاط الحزبى، مع نصوص عامة
لإحترام الأديان والأفكار والثقافات والأثنيات الأعراف والعادات والتقاليد ..
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: نادر الفضلى)
|
لا يزال السؤال قائم يا عبد العظيم ويا نادر, في ظل دستور ديمقراطي طيف تعزل او تمنع اصحاب الارث العائلي و الطائفي من مجرد الترشح فقط ناهيك عن الفوز و الحكم!
اعيد السؤال بصيغة وعبارات اوضح, كيف يمكن منع بالتحديد السيد الامام الصادق و ابناء الميرغني من الترشح للحكم!
ما هي الوسيلة التي لا تتعارض مع روح الديمقراطية ونصوص الدستور!
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: Arif Nashed)
|
السلام عليكم ورحمة الله تعالى وبركاته اولا تحية اجلال وتقدير واحترام لهؤلاء الشباب الذين
خرجوا فى يوم ١٩ ديسمبر مطالبين بتصحيح الاوضاع المعيشية مجتمعة وهم اصحاب رايحة
وزى ما بقول المثل سيد الرايحة فتح خشم القربة لذا نحن نقف معهم فى الحارة والباردة
ونتمنى من النظام ان يتحاور معهم لا ليقتلهم ويشردهم داخل بلدهم ونترحم على الشهداء
ونسال الله الشفاء العاجل للجرحى ونتمنى من الله ان يتحقق الهدف بالتفاف كل اهل السودان
تحت هذه المقولة وهى لرجل حكيم حب السودان وحبه الا وهو الامام عبدالرحمن المهدى
طيب الله ثراه الذى قال (لاشيع ولا طوايف ولا احزاب ديننا الاسلام ووطننا السودان )
ملحوظة
اذن الدين خط احمر
ولا يمكن نحن نكون حقل تجارب لليمين واليسار
فاليفهم الجميع السودلة دولة مسلمة وجل الشعب مسلم
لذا الناس اولا تتفق على ذلك وبعد داك الانتخابات لو جابت
اى مجموعة نقبل بها وتاخذ فترتها ٤ سنة دون اعتراض من حد
وهكذا حيث الناس تقبل بخيار الشعب والا سوف نكون فى دوامة الخصومة السياسية الى الابد
اللهم هل بلغت والان الكرة فى ملعب الشعب
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: محمد البشرى الخضر)
|
سلامات نادر وعمر ود البشري
طبعا يا ود البشري كل شئ حيكون محكوم بالقانون والدستور
الناس ديل بيستخدموا هالة القداسة والإرث الطائفي والعائلي
مافي آلية لعدم استغلال الناس ديل للبسطاء غير التوعية وضرب هالة القداسة
يعني يتم التعامل معهم كأناس عادين زيهم وزي باقي الناس.. الكلام دا ما صعب وما يساعد على ذلك التغيرات الكبيرة التى حدثت وإنتشار الوعي ودا بيساعد في تغيير أسس الولاء والإنتماء
مفروض الناس تقفل أبواب الدروشة دي بصورة كويسة عشان الناس ديل ما يجوا بخشو بي شباك الديمقراطية ومعاهم أدوات التجهيل والإستغفال ويخموا بيها الناس.. مافي توريث في السياسة، حدوث تغيير داخل هذه الأحزاب سيصبح ضرورة ملحة تفرضها حالة الوعي أو نشوء أحزاب جديدة أو حركات شبابية جماهيرية جديدة تسحب منها البساط.. مسؤوليتنا جميعا أن نقطع الطريق على التوريث لنساند الثورة ونعمل على سودان جديد يلبي طموحات الشباب الثائر في الشارع.. مافي فايدة إذا عاد أبناء الطائفيين ليكملوا مسيرة الفشل والهرجلة تاني....
الوقت ليس لنقاش هذه القضايا ولكن ليطمئن الثوار الشباب أننا كأجيال اكتوينا من تسلط الطوائف والعوائل والمحاصصات سنعمل على عدم تكرار هذه الفوضى مرة أخرى
تسقط بس
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: Mohamed Doudi)
|
يا دودي انا قاصد الولاء في السياسة
أيهما أفضل أن يكون ولائك للبرامج والأفكار؟
أو يكون ولائك للأشخاص والعوائل إلى أن يتم توريثك كتركة للجيل الجديد؟
دي واحدة من التحديات الكبيرة قدام الناس جوة الأحزاب الطائفية
خليني اديك مثال : شباب الختمية المسيسين حزبهم مشارك وهم على خلاف ولا يرغبون في هذه الشراكة، لأن ولائهم للميرغني وأسرته وفي اعناقهم بيعة غير قادرين على إتخاذ موقف مخالف لموقف الميرغني وأسرة الميرغني.. أسقط هذا علي أسرة المهدي وشباب الأنصار وإتباع الإمام وأبنائه... دي تشوهات لابد من إيجاد حل يبعد تأثيرها السلبي على مصالح البلد والجماهير
تسقط بس
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: عبدالعظيم عثمان)
|
أيهما أفضل أن يكون ولائك للبرامج والأفكار؟
هل انت مقتنع بكلامك ده يا عبدالعظيم ولا طق حنك
ياريت تكون مقتنع بيهو
رئيس حزبى يا عبدالعظيم عندو اكثر من ميه مؤلف (كتاب) وهو يعتبر من المفكريين القلائل فى العالم الاسلامى وتم تكريمه عالميا
انت بتفكرنا نحن نتبع شيخ طريقه بالوراثه...لو كانت الشغلانه بالوراثه كان اولى بها السيد المحترم الحبيب احمد المهدى ابن الامام عبدالرحمن
مافى اى زول فى التاريخ السياسى السودانى اكثر غزارة فى كتبه وتحليلاته من الصادق المهدى
ياريت تمشى تسال اقرب انصارى محل ما تسكن وتساله عن مؤلفات الصادق عن
الاسلام والعصر
الفن
الاقتصاد
الشباب
وووووو
دودى
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: Mohamed Doudi)
|
بسم الله الرحمن الرحيم
توضيح
انتشرت رسالة مجهولة المصدر في وسائط التواصل الاجتماعي مفادها أن الإمام الصادق المهدي وصف ثورة الشعب السوداني الحالية بأنها لا تشكل مخاضاً حقيقياً او بتعبير الرسالة 'ليست وجع ولادة'.
هذا الخبر عار تماما عن الصحة، فالامام احتفى بهذه الهبة المباركة التي تنم ليس فقط عن تغيير سياسي بل عن ميلاد جيل واعد صاعد إلى العلياء بإذن الله، وقد عبر الإمام عن استبشاره بها وأشاد بجسارة وقودها من الشباب الباسل الذي تصدى للظلم والطغيان.
وتأتي التلفيقات المتكررة من هذه الشاكلة كمحاولة لشق وحدة الصف الوطني الصلبة الحالية في المطالبة بزوال هذا النظام الفاسد الدموي وإقامة نظام جديد يتجاوز كل عثرات الماضي بإزالة كافة المظالم وإقامة السلام العادل الشامل والتحول الديمقراطي الكامل، ولما يمثله الإمام كرمز تجتمع حوله جماهير عريضة، وكفاعل مؤثر في صياغة إجماع وطني حقيقي حول الأجندة الوطنية بإزالة نظام الجور والقهر والدم وإقامة البديل المطلوب.
ان نشاط وحدات التضليل الإلكتروني والإعلام الأمني في التشويه والتلفيق مفهوم في إطار نظرية 'فرق تسد' التي درج عليها الزبانية، لكن انجرار البعض داخل صفوف المقاومة وراء هذه الترهات يجعلهم يبتلعون الطعم الماكر ويخدمون أجندة الشمولية وضلالها، فالمرجو الحرص كل الحرص على وحدة الصف، والتثبت من سيل الأخبار التي يروجها سدنة النظام الآثمون.
(إِنَّ مَوْعِدَهُمُ الصُّبْحُ أَلَيْسَ الصُّبْحُ بِقَرِيبٍ).
رباح الصادق
نائبة مدير المكتب الخاص للإمام الصادق المهدي
20 يناير 2019
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: Mohamed Doudi)
|
سلام ود البشرى
إجابة على إستفسارك .. فكله بالدستور والديمقراطية .. سيأتى الأصلح للحكم
وحسب ما أسلفت فى مداخلتى السابقة قد يحتاج لزمن .. ولكن المحصلة الديمقراطية
مع الوعى .. أى ممارسة الديمقراطية وإعطائها الفرصة لمعالجة اخطائها ستأتى
بالأنسب .. على المدى القصير لا بد من أوليات كنس آثار الإنقاذ والتحقيق
والمحاكمات لمدبرى ومتعاونى ومنفذى الإنقلاب المشؤوم .. تعديل الدستور قبل
الإنتخابات وسيسدد ثقوباً فى تصاريح وومارسات الأحزاب، وشباب الثورة
سيكونون أكثر وعياً فى نشر وعيهم ومن ينتخبون .. وأبناء المهدى والميرغنى
ريما يفوزوا فى دوائر إنتخابية فى مناطق الولاء وقد يعانون فيها أيضاً، أما
ترشحهم للحكم أى كرئيس مجلس وزراء ينتخب من البرلمان أو رئيس جمهورية
ينتخبه الشعب سيترددون كثيراً للترشح وستتردد أكثر أحزابهم فى ترشيحهم
والمرجح إذا أترشحوا لن يفوزوا. لو فى واحد منهم كفؤأً فمرحب وسيفوز.
ورأى الشخصى أن كل الناشطون منهم سياسياً لا يصلحوا للترشح للحكم..
منهم من جربوا مراراً وفشلوا والآخرين ما شايف لى رقشة.
عمنا المرحوم يحيى الفضلى قالها وكتبها زمان "مذبح القداسة على أعتاب
السياسة" .. وهذه المقولة ستنشط مرة أخرى فى الديمقراطية القادمة
الأحزاب القديمة إذا لم تراجع نفسها وتعيد تأهيلها فلن تبقى فى الساحة
وكما قال عبد العظيم .. أحزاب جديدة قد تتكون وهذا له إيجابيات وسلبيات
من السلبيات كثرة تعدد الأحزاب وهذه إشكالية يجب أن يكون لها علاجاً
فالممارسة الحزبية ستكون متعثرة إلى أن يتعلم السودانيون والكوادر الحزبية
نكران الذات وتقديم الأخر.
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: isam elzein)
|
Quote:
الجملة المقتبسة أعلاه تحتاج لتوثيق حتى لا يتم تزور تأريخنا في زمن قادم.
ياريت تجيب لينا بعضاً من الوثائق التي تحكي مساهمة السيد الصادق في الثورة الحالية.
|
الأخ حافظ سلامات.
والله شكلنا كدا ياما حا نشوف تزوير وكمان إحتكار لمجد الثورة قادم بالهبل.
هسه كنت بتناقش مع زول في الفيسبوك علق على مقالي الأخير المنشور أيضا في صفحة آراء حرة ومقالات.
وهو أخ شيوعي.. رد علي بالآتي :
( الثورة دي القام بيها تجمع المهنيين
هذا الجسم زماااااان كان فى حاجة اسمها التجمع الديمقراطي. ..وبعد جاء حاجة اسمها الفجر الجديد ...وعيييييك الألف الأجسام والرسين والكرعين. .الخ ) .
تأملوا بس في الهرمية التي بدأ وضعها.. راس وكرعين ورجلين!!
رده هذا يوحي بأن الأجسام التي أعطيت الحق بالتوقيع على وثيقة تجمع المهنيين السودانيين.. ولم يعطى هذا الحق لغيرها.. لإسباب غير معلومة..
أن هذا الاجسام هي فقط التي فجرت الثورة منذ البداية.. وليس حراك الشعب افي مدن الأقاليم.
وطبعا هذه مقدمة لاحتكار المجد الثوري بعدين.. وقفل الطريق على الاخرين في أن يكون لهم الحق في المشاركة في الحكومة الانتقالية.
لذلك كلام الصادق أعلاه غير مستغرب.
يبدو أن البعض قد جهز نفسه منذ الان لسرقة الثورة.
وهذا عين ما كان يخشاه الشعب منذ البداية..
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: AMNA MUKHTAR)
|
ما كنت أخشاه.... بدأ يحدث الآن..
الإمام الحبيب يحاول سرقة الثورة بعد ما لبنت..
وأيضا يحاول أن يجد مخرجا آمنا لهم ولأبنائه الذين يتمرغون فى
نعيم الإنقاذ... فلم يذكر من بين أهم المطالب محاكمة كل من تسبب أو شارك فى جريمة دمار السودان.
الثورة ناجحة ومنتصرة بإذن الله ب أو بدون الصادق المهدى.
تسقط بس
| |
|
|
|
|
|
|
|
|
|
Re: يا جماعة ... انتو شنو حكاية توقيع ناس نداء ا (Re: isam elzein)
|
فتحي الضو
ظهور السيد الحبيب الصادق المهدي برفقة أبنه عبدالرحمن الصادق مساعد رئيس الجمهورية، معلناً دعمه للثورة والثوار .. ؟ اي مبادرة يتحدث عنها الحبيب يجب ان لا تمر مرور الكرام ، الصادق ظل المنقذ دوما لحكومة الانقاذ ( نسابته) هذه الحكومة التي اتى بها نسيبة المرحوم الدكتور الترابي ، وبحسب مصادري الخاصة فأن الحبيب الامام ظل في اجتماع دام اربعة ساعات مع مدير الامن والمخابرات الوطني صلاح قوش و السيد وزير الدفاع ونائب رئيس المؤتمر الوطني الدكتور فيصل حسن ومساعد رئيس الجمهورية أبنه عبد الرحمن عبد الصادق المهدي وعبد الرحمن الخضر الامين السياسي للمؤتمر الوطني بشقة بضاحية العمارات وحتى يتم التوميه اللازم هذالاجتماع الخطير اعلنت الشرطة السودانية عن محاولة تفجير طرمبة وقود من مطلوب جنائياً لصرف النظر عن المجتمعين تأمين سرية اجتماعهم عن اعين المخابرات الاجنبية، ولكن مصادري الخاصة داخل اجهزة النظام استطاعت ان تكسر حاجز السرية وتأتي بإجندة الاجتماع كما اتت من قبل باجندة اجتماعات الامن الشعبي ( بيت العنكبوت) ومن اهم اجندة اجتماع العمارات الاتي :
١/ تمت مبايعة السيد الصادق المهدي قائد للحراك ليسطر علي شباب الانصار ويقود بهم شباب الثورة الي بر الامان ..
٢/ ازالة الهيمنة اليسارية والعلمانية المحركة للمظاهرات و المطالبة بمحاكمة الاسلاميين واقصائهم
٣/ تبنى وجهة نظر اسلامية وسطية
٤/ مفاوضة النظام بأسم الثورة الثوار
٥/ الدعوة الي انتخابات مبكرة حرة ونزيهة بضمانات دولية
٦/ امتصاص الغضب الشعبي الذي استغلة تجمع المهنيين السودانيين واقامة حوار مع قيادة التجمع يساهم في تخفيف الضغط علي الحكومة او في شق صف وحدتهم .
| |
|
|
|
|
|
|
| |
isam elzein
Elhadi
Yasir Elsharif
Mohamed Doudi
عبدالعظيم عثمان
Hafiz Bashir
محمد البشرى الخضر
منتصر عبد الباسط
عمر دهب
Arif Nashed
صديق مهدى على
Bashasha
فيس بوك
تويتر
انستقرام
يوتيوب
بنتيريست