شكرا للمغردين القطرين البشير راجع بخفي حنين من الدوحه

Quote: السلام عليكم ورحمة الله،، ود الأمير، ما اعتقد انه حكومة قطر رجعت البشير بخفي جنين عشان خاطر الشعب السوداني، لكن لانها اكتشفت انه عمر البشير ما عنده خوة بالمعنى القبيح، في السياسة ما في خوة، مصلحتي ومصلحتك، وزي ما قال بشاشة دا شأن سوداني بحت، واعتقد والله أعلم انه البشير ح يكون اتصل بكم رئيس (أنا لو مكانه ببدا بسلمان) وممكن يكونوا اعتذروا عن استقباله، لو حكومة قطر فعلا مايلة للشعب السوداني (وما اظن انه السياسة تدار هكذا) ما كان استقبلت رئيس ملفوظ من شعبه، إلا لو كان في عرض قبيح جدا لدرجة أنه (الفطيس) رفضه، أو انهم لاموه في حكاية نطيطو زي الجربوع من حتة لحتة، على العموم قطر تنظر لمصحتها البحتة، وكذلك نحن كشعب مفروض ننظر لمصلحتنا، عايز (حلايبنا) و(شلاتينا) و(فشقتنا) و(سواكنا) وقبلهم كلهم عايزين (مرتزقتنا) ال بيحاربوا في بلدا طيرها (عربي)، ما عجمي