اغاني العزيز ايمن ماو كلها عن ثورة سبتمبر المجيدة بتنفع خصوصا كل الاطفال حافظنها في السودان استغربت جدا لمن مشيت اخر مرة ولقيت كل الاطفال تقريبا بغنوها . خصوصا الشعب قام من المنام .
01-13-2019, 06:46 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
احنا غايتو دقة قديمة يا ريس! كنت افضل ان تلحن الكلمات الجميلة على الحان الملحمة أو الاكتوبريات أو غيرها لكن هذا جيل معلم, الشفناه منه من وعي وبسالة و تضحيات يخلينا نتنحى جانبا و نحترم خياراته ونحترم لغته وفهمه و ذوقه حتى لو لم يعجبنا
01-20-2019, 00:11 AM
بكرى ابوبكر
بكرى ابوبكر
تاريخ التسجيل: 02-04-2002
مجموع المشاركات: 18728
أغنية جميلة و حميمة علي طريقة غناء الدلوكة تشبه أغنيات الجعليين التراثية التي منها أفاد ما نسميه غنا البنات هذه الأغنية ذات اللحن الحنين غاية في الجسارة و الثبات و هذه هي خصال الإنسان السوداني القِدّامي و الإنسانة السودانية القِدّامية و هي تعني المبادر و الجسور فالسودانية و السوداني من هذا النوع بيجرح و يداوي و يا بكري فلتكن هذه الاغنية من شعارات الثورة
طه جعفر
01-20-2019, 06:04 AM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
عزيزي بكري مع الاحترام للمغنييم فان الاغنية راثصة مستمدة من اغنية اعراس ما مشكلة هاك غنا الثورة وعناك الكثير من اعمال الشباب الحر
الشباب في حالة انتاج مستمر ياجمرة يا معصوبة العينين وبتشوفي ياجمرة يامبتورة الساقين وبتطوفي طلي من كل الشوارع من خشم باب البيوت محال وهجك يصير هبوت يا جمرة وللواطيكي قدي البوت ------------ شعر الراحل محمد الحسن حميد
01-20-2019, 07:51 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11833
السيدة نفيسة عثمان (ام لين) رفيقة الدرب جادت قريحتها بالأبيات التالية وكلفتني بايصالها لكم والثوار:
وسع شوارع الحي خلي السرب يدخل يهتف بكل قوى تسقط حكم عسكر جات الجموع تهدر من كل فج وصوب
تحلف تقول صنديد بي قدلة يتبختر لا خاف رصاصا حي.. لا دوشكا لا اتوتر مشى والمشي القدام ورصاصة جات تغدر سالت دموم اولاد .. شجعان بياكلو النار ..بي دمو اتحرر يايمه خبر الشين ..ولادنا ماتو قبيل ..كيف يهتفو ترحل؟.. بوشي الرقيص لاقاهم يوعد ويتزمجر .. قايل الحكم باقي .. ماعارف الايام بيناتنا تبقى دول.. يايمه مااتبكي ولدك قااعد وحي في الجنة يتبختر موعود عرسو الحور وفردوس على الكوثر دم ااشهيد مابروح الصاافي ماهو عكر يايمه ماتبكى معروف حشاك محروق . . يمه الظلم لي متين لازم نقيف قدام ونقول كفاك انزل.. لا خجلة لا خشية الطاغية اتجبر ماكل حقوق الناس لي موتو مابيذكر اتواعدو الاولاد ساعة الدقيقه ظهر لا خوف غشاهم تب لارجعه لا بخزل صوت الصفوف تهدر.. صوت النحاس اندق.. ويد الشباب عزل في جوفو ما شايل لا مطوى لا خنجر في خشمو تسقط-بس سلميه ما اكتر وصدى الهتاف لي فوق.. يسقط حكم عسكر يا شهدا انتو الفوز زفيتو للكوثر والحاكم الرقاص قام للحوامه وعاس .. لا خفت دين لا رب .. الاخره بيك حطب لا خفت دين لا زول في الاخرة لينا عزول ويسقط كمان يسقط يسقط حكم عسكر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة