وسع شوارع الحي خلي السرب يدخل يهتف بكل قوى تسقط حكم عسكر جات الجموع تهدر من كل فج وصوب من جوه تتبختر تحلف تقول صنديد بي قدلة يتبختر لا خاف رصاصا حي.. لا دوشكا لا اتوتر مشى والمشي القدام ورصاصة جات تغدر سالت دموم اولاد .. شجعان بياكلو النار ..بي دمو اتحرر يايمه خبر الشين ..ولادنا ماتو قبيل ..كيف يهتفو ترحل.. بوشي الرقيص يرجف يوعد ويتزمجر .. قايل الحكم باقي .. ماعارف الايام بيناتنا تبقى دول.. يايمه مااتبكي ولدك شهيدا حي في الجنة يتبختر موعود عرسو الحور وفردوس على الكوثر دم الشهيد مابروح الصاافي ماهو عكر يايمه ماتبكى معروف حشاك محروق . . يمه الظلم لي متين لازم نقيف قدام ونقول كفاك انزل.. لا خجلة لا خشية الطاغية اتجبر ماكل حقوق الناس للموت مابيذكر اتواعدو الاولاد ساعة الدقيقه ظهر لا خوف غشاهم تب لارجعه لا بخزل صوت الصفوف تهدر.. صوت النحاس اندق.. ويد الشباب عزل في جوفو ما شايل لا مطوى لا خنجر في خشمو تسقط-بس سلميه ما اكتر وصدى الهتاف لي فوق.. يسقط حكم عسكر يا شهدا انتو الفوز زفيتو للكوثر والحاكم الرقاص قام للحوامه وعاس .. لا خفت دين لا رب .. الاخره بيك حطب لا خفت دين لا زول في الاخرة لينا عزول ويسقط كمان يسقط يسقط حكم عسكر
01-16-2019, 07:30 AM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48856
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة