مظاهرة الحكومة بالسندوتشات مدعومة!

Quote: مابحلك أب كباس👌 طارق اللمين وين تمشي ياقناص الفاس وقع في الراس نحن انتصرنا خلاص ماشين لكورة الكاس هاجت قلاع ام در واتراجف الرقاص قلنا الهتاف المر كورتنا خانه وباص لاخفنا من رصاص لا الأمنجي البصاص شتناهو بالحصاص والقوه والإخلاص لاساقنا زول بي فول لا جابو لينا الباص جابنا اليقين الحي المنو مافي مناص عدمت بلدنا الضي واستأسد القراص جابنا الحديث الني والعسكري الهجاص ودفقه دم المظلوم للظالم المصاص حكم الشريعه الفيك (أبتكو) ليهو أساس لاشفنا قي القاروق لا سوا إبن العاص مطلبنا واضح ليك حريه -عدل -قصاص وحريه كامله عدييل مابتنفع الأنصاص أرجانا جايين ليك قاصدين محلك راس حق الرميتو زمان تربستو بالترباس والشافع المسكين الهادي ود الناس شم الصباح بنزين لاحصه لا كراس والفات قريقو وجاك كمساري جوه الباص والسايق الرفاس لي عامل المولاص كملت عضم الناس قرقشتو لما اتماص كرسيك من الألماظ كرشك حقوق الناس هذي الرساله اليك لافيها عام لا خاص مش لو تجيب بنزين فنطاس ورا فنطاس لو تبقي زين عابدين وتقول فهمت خلاص تاني الشراد ببح والدم قصادو قصاص مش لو تجيب قناص او روس يخمو الماس كان جبت غول عفاص وديجانقو بالعكاز وجاك (اردوقان) حجاز ونوعت قي الحراس وجبت (الأسد) رفاس او ( بوتن ) البلباص ولو جبت وليم تيل ومعاهو كم جرقاس ماح تضوق النوم راجيكا لسه دواس ما تبقي زول وسواس تفضحنا جنب الناس مرقت جموعنا عليك مابحلك اب كباس --------- طارق اللمين كدي جرب ( اقعد_ بس#)