|
|
|
 Re: التكالب او(قزازة السمن) ... (Re: عبداللطيف حسن علي)
|
سيسقط النظام عاجلا أو آجلا - قد تكون هذه الحلقة الأخيرة الثورية أو ماقبلها - ولكن التصاعدوالذخم الثوري مستمر فلنختزل السلبي ولنبني علي الإيجابي - يجب : أن تبقي جذوة النار مشتعلة ! ومشاعل النور والنار سامقة! والرهان علي الجماهير في الميدان - المهم أن تتمسك الناس بالمبادئ - وتتجاهل الأنبياء الكذبة ودعاة إستمرار سلطة الإنقاذ بثياب جديدة ! لاوصاية علي خيارات الناس فليدعو كل للثورة ولكن هذا لايعني الإتفاق مع الإطروحات التي تبقي جوهر السلطة وتغير شكلها !
| |
 
|
|
|
|
|
|
|
|
Re: التكالب او(قزازة السمن) ... (Re: كمال عباس)
|
لاخ كمال
تجاهلت البوست عمدا لصالح الزخم الثوري المتصاعد
ولكن اعود له حاليا بسبب بروز ظاهرى التكالب علي الثورة
لما راوا نجاحها وحتمية سقوط النظام أ سننظر في امر مرتزقة
المناصب العاطلين عن كل شئ عدا تجارة السياسة
القائمة المنشورة لاحزاب في الاخبار حاليا كان متوقع ظهورها
وهي قائمة الخزي والعار وتحاول تعطيل الثورة باصطفاف القوي
التي تقف في وجه الثورة من قدامي المستفيدين من كافة الانظمة السابقة
كي يكون هناك موكبين متزامنين ، موكب الثورة وموكب سارقي المناصب
| |
|
|
|
|
|
|
|
|
|
Re: التكالب او(قزازة السمن) ... (Re: عبداللطيف حسن علي)
|
الحراك الثورى ده نشأ عن وعى يخص الشباب
و فاتو الاحزاب و النظام و الحركات المسلحة مسافة
متوقع جداّ الهروب من جيفة الانقاذ
متوقع جداّ القفز من مركب الانقاذ
و متوقع جدا ركوب مركب الثورة
و ده دليل قوة ثورة الشباب
مهما جصل فالفيصل صندوق الانتخاب
والكلمة للثوار
و قزازة السمن محروسة بأذن الله ثم ارادة الثوار
| |
|
|
|
|
|
|
|
|
|
Re: التكالب او(قزازة السمن) ... (Re: جلالدونا)
|
تحياتي يا جلة
Quote: الحراك الثورى ده نشأ عن وعى يخص الشباب
و فاتو الاحزاب و النظام و الحركات المسلحة مسافة
متوقع جداّ الهروب من جيفة الانقاذ
متوقع جداّ القفز من مركب الانقاذ
و متوقع جدا ركوب مركب الثورة
و ده دليل قوة ثورة الشباب
مهما جصل فالفيصل صندوق الانتخاب
والكلمة للثوار
و قزازة السمن محروسة بأذن الله ثم ارادة الثوار |
المسالة المقلقة اكثر هي عقلية الطبقة المسيطرة
وهي عقلية كامنة داخل اذهان ممن هم ليسوا منها
يعني حتي الثوار المنوط بهم صياغة تشريعات وقوانين
مرحلة الانتقال ، ممكن ان يتراخوا او يدقسوا ويملكون هذا
الامر الخطير والحاسم لذات العقليات المسيطرة او بالوكالة عنها افراد
كهيئة السمكة التي لم تري شيئا غير الماء فاعتقدت ان قوانين الطبقة المسيطرة
قوانين طبيعية ولاغضاضة فيها رغم انها التمهيد لتصفية كل الارث المتراكم للثورة
وكل فعل التنوير علي مدي عقود من الزمن ...
المهم ماعايز اكون قزازة سمن كبيرة الان وعلينا متابعة اصطفاف القوي من اجل
الهدف الاساسي والمرحلي : تسقط بس ....
| |
|
|
|
|
|
|
|
|
|
Re: التكالب او(قزازة السمن) ... (Re: عبداللطيف حسن علي)
|
شباب اقوياء وعنيدون في مصارعة الطغاة ولاحل امام المتكالبين سوي المزيد من التكالب هههه
ـــــــــــــــ
في المعتقل اتعرفت بشباب مشاءالله عليهم من ما اعتقلونا ونحن في البوكسي يضربوا فينا يقولوا #تسقط_بس العساكر يقولوا لينا اسكتوا ونحن نردد الطلقة ما بتكتل، ، بكتل سكات الزول..
خالد عمر الأمين خريج كلية العلوم جامعة الخرطوم..
محمد النذير طب الخرطوم كان شايل معاه حبوب للصداع ومخدر ساعدنا في الضرب ما كنا بنحس بالالم..
عمار ابراهيم من كلية الاداب اتعرفت بيهم ونحن في الشريحة مرحلنا المعتقل وكانوا بضربونا في العربية ويشتمونا بالفاظ زي يا ك....م ويا دين اسكت دورنا بونية في العربية وقفوا العربية نزلوا بالسلاح ونزلونا واحد واحد طلعوا ملاية شرطوها ربطونا بيها وركبونا تاني العربية..
في المعتقل كانوا بضربونا والشباب يغنوا تسقط ..تسقط..تسقط ..
المضحك لما يجيبوك من برا وتقول اااااه الشباب يقولوا ليك عشانك يا وطن ويغنوا ليك تنسي الضرب وتغني معاهم و العساكر من برا اسكتوا يا دين عشان ما يضربوكم..!
تسمع الشباب الألم جوة القلب والوجع للوطن..
عمار ابراهيم يقول لي يا سامي الله ينصر دينك قول لينا محجوب الشريف قال شنو..؟؟
تسمع مساجينك..مساجينك
عصافيرا تغرد في زنازينك
نغني ونحن في اسرك
وترجف وأنت في قصرك
العساكر يفتحوا الباب وضرب جماعي..
والشباب يقولوا تسقط تسقط بس..
الفنا قصيدة بتقول..
يا جلاد الحزب الحاكم
يا حراس الحزب الظالم
قول للزول القال أنا كافر
قول لسيدك أنا ثائر..
والعجب البنات و النسوان وقت مودننا التحقيق يغنوا لينا ماك الوليد العاق لا خنت لا سراق تسقط تسقط تسقط...
انشاءالله حا اسرد ليكم القصة من بداية المظاهرة لحد الافراج عننا بس خلو الجسم ياخد راحته من الضرب يااااخ
الحرية للمعتقلين و الوطن..
منقول
#تسقط_بس
| |
|
|
|
|
|
|
| |
عبداللطيف حسن علي
كمال عباس
جلالدونا
فيس بوك
تويتر
انستقرام
يوتيوب
بنتيريست