يا ثوار الخارج يا سودانيو الأعماق🔥 \ 1- وقفات احتجاجية قدام سفارات السودان وتسليم مذكرات تطالب بالتنحي ومحاكمة قتلة الشهداء.. الخ (الما جمبو سفارة يعمل وقفة احتجاجية براو -الفرد الحشود- قدام باب الشقة ولا العمارة.. تي شيرت ابيض اكتب فيهو البشير قاعد يكتل في أهلي وقطع النت منهم #السودان.. ولا اكتبو في كرتونة بي قلم شيني.. الخواجات براهم بتلمو فيك وبصوروك وبتنتشر ده لو ما عملوك خبر في اذاعة ولا تلفزيون المقاطعة.. الخ).. 2- أضغطوا لينا بعلاقاتكم وخبراتكم بالذات في جبهة الانترنت دي.. يدونا ستلايت ولا أي دبارة ناجعة (القصة المرة دي واسعة طالما بعض خطوط الطيران العالمية أعلنت إيقاف رحلاتا للخرطوم).. احسن من حلول القطاعي وvpn على ما توفره. 3- التضامن العالمي مع الشعب السوداني(؟؟)
*وآهو.. إنتو معانا هنا بقلوبكم ودعمكم.. ونحن معاكم هناك بكامل صفاء الوجدان السوداني وأشواق الثورة..
12-21-2018, 05:20 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة