|
Re: © من شر البليلة ما يفقع من الضحگ π√ (Re: دفع الله ود الأصيل)
|
والله يا دفع الله ود الاصيل اخير مرارتنا تنفقع من الضحك بدل تنفقع من الحسرة والزعل والغضب،،، وما شاء الله حكاويك كلها طاعمة وبتخفف لينا الكثير من الام الغربة القساية وبعد نشوف اخبار العالم المليانة ماسي واحزان وكوارث وبوستات سودانيز اون لاين المليانة مشاحنات، بنجي نفتش بوستات الريلاكسيشن، البتبعد مننا التوترات النفسية زي قفشات ود المدير وود ابو سن، وحكاوي البطانة والريف لود البوش وود شيقوق وود بلة( الله يطراهو بالخير) وود العبيد، وحكاويك الكلها ابتسامات وبسمات. ودمت بخير وعافية بسمات
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
اقتباس المشاكسة الأصلية كتبت بواسطة ا . الهادي ابراهيم محمود مشاهدة المشاركة هههههههه تعرف يا ود ا لاصيل و لا سنمار، لو كان ولع الحفرة لي المرة الجديدة دي و غتاها بالشملة كان الولية دي قالتلو ياخي مرتك الجديدة دي و لعت فيني النار. قلت ليكانت اسم سنمار دة يعني شنو. *****(((((3)))))***** ي اخي قول: الحمد لله الما اتشالق، سوا شغلة زول أمبدة داك أخو البنات داك القالومسويلو (حفرة) (لتفوير العجلاات المبنشرات) والعقدة للواحدة بخمسة جنيهات طبعن، كانت الولية بي نفختا ديك ح ترميه في الحفرةو يلقى نفس مصير عمك الباشمهندس / سنمار. بالمناسبة أنا حكايتو حاكيها لود تهامي. علا عشانما نكلفك مشوار . هدي جبناها ليك تحت:_ //الملكُ النُعمانُ و جَزاءُ سِنِمَّارٍ// *****(((((+)))))***** @ من أشهر مضارب الأمثال العربية، إلى يومنا هذا / جَزاءُ سِنِمَّارٍ) فقد ذكر في كتب السير أن إمارة الحيرة، إمارة عربية وكان سكانها أصلهم م ن بني لخم وهم مزيج من قضاعة والأزد الذين هاجروا من اليمن، بعد انهيار سد مأرب، كانت الحيرة تابع لدولة الفرس، وكان على رأس الحيرة في ذلك الوقت النعمان بن امرء القيس بن عمر اللخمي، وكان يطلق عليه ملك العرب، كعادة ملوك الحيرة في ذاك الوقت.أراد النعمان م لك الحيرة أن يبني قصراً ليس كمثله قصرٌ، يفتخر به على العرب، و يفاخر به أمام الفرس ، حيث أن ابن سابور ملك الفرس كان سيقيم بهذا القصرو قد وقع اختيار النعمان على سِنِمَّارٍ لتصميمِ و بناءِ ذاك القصر، و زعموا أن سِنِمَّاراً هذا كان بَنَّاْءً رومياً مبدعاً في البناء. بل ، يقال إنه مهندسٌ آراميٌّ نبطيٌّ من أصلاء أهل اليمامة؛ و ينسب إليه بناءُ قصرِ الخَوَرْنَقِ الشهيرِ. *****(((((+)))))***** @ استدعَى النعمانُ هذا البَنَّاء وكلفه ببناءِ قصرٍ ليس له مثيلٌ، يليقُ بسيده/ ابنِ سابورٍ الذي سينزل فيه. و يُعْتَقدُ أن سِنِمَّاراً قد عربدت به أحلامٌ طائشة و عقد عليها آمالاً عراضاً لِيظفرَ بعطيةٍ مجزيةٍ من ملك العرب فور انجازِه لتحفة قصره الأعجوبة الذي يقال إنه استغرق في بناءِه عشرين سنة ، و يزيد. *****(((((+)))))***** @ ما أن فرغ سِنِمَّارٌ من بناء القصر على أتم ما يرام ؛ وأطلقوا عليه اسم{ الخورنق}، حتى انهمرت الجموع تعجبون من من حسنه و بهائه . ثم خرج النعمان متفقدا ليعاين البناء؛ يستعرضه و يطوف بأرجائه، ثم بعد محادثة قصيرة مع سِنِمَّارٍ، أمر رجاله بإلقائه من أعلى القصر فسقط سِنِمَّارٌ و قال و هو يلفظ أنفاسها الأخيرة:" جزاني لا جزاهُ الله خَيْراً إنْ النعمانُ شراً جزاني رَصَصْتُ بُنيانَه عشرين حِجَّة؛ و حينَ أتممتُهعنه رمانِي". و لكن الحوار لم ينته بمقتل سِنِمَّارٍ. *****(((((+)))))***** @ يزعم كتاب السير أن سِنِمَّاراً قال للنعمان:" أما و الله لو شِئْتٌ حينً بنيتٌهجعلتٌه يدورُ مع الشمسِ حيثُما دارتْ. فسأله النعمان : إنك إذاً، لتُحسنُ أنْ تبنيَأبدعَ من هذا ؟ ثم أمر برميه على عنقه من أعلى القصر ليلقى حتف أنفه) و يقولون أن سِنِمَّاراًقال له : إني أعرف موضع أجَرَةٍ - يعني حجرةَ أو طوبةً - لو زالت انقض البنيان من قواعده فيخوي الصرح على عروشه ! فسأله الملك : أويعرفها أحدٌ سواك؟ قال: لا. فقال : لأدعنَّها و ما يعرفُها أحدٌ بعدَك. فأمر به فقذف به من أعلى الصَّرْحِ ليَقْضِيَ نحْبَه كأسوأِ جزاءٍ لخير صَنيعِ في التاريخ) و أيَّاً كان السَّببُ فذاك جزاءُ المعروف عند سُلطانٍ جائِرٍ، و من يومها طارت مثلاً يقولون:" جزاء سنمار". لكل من صنع البر لغير أهله!! *****(((((+)))))**
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
و الله يا ابو الدفاع حكيك و أسلوب كتابتك ظريف يجمع بين اللماحية و السخرية و التلاعب باللغة بصورة ساخرة فكتابات بحق تمثل استراحة خفيفة الظل و بتعتمد على المفارقات اللي بتخلي الزول مش يضحك و يبتسم بس و لكن تجعله يفكر في كثير من المسلمات الموروثة ... يعني ما يأخذ الأمور على علاتها...بالجد بوستاتك لها طعم خاص. إلى الأمام
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
جانا ناطي قشير ود التهامي دايمن مطلش و صيدو ناجع بالمشاكسة التالية، قال : الراجل ده بتاع سجارة و مرتو برضو وجارتا زاتا بتاعتسجارة خدراء و جمرا حي ...؟! (ياخ يقطع البنفو وسنينو)؟؟!! ******(((((6))))))******* قلنالو: لا لا ي صاحبي بشة . ثم السجارة ظاطا ما دايرا ليها ميزانية فس الزمن المكرتح دا. علا ممكن يكونو كرعو من شربوت ناس عمك داك الخلا جارتم السعوية ديك تلغلغ و تمش سبعة تمانية و لامن مسكت ليك شافعا بالقلبة، قال إيه ، دايرة ترضعو بي صلبو.{ارقد آ بلح أنا جرابك} مرة عارف واحد فتلا ليكح لقاها كافرة مرتن واحدة. وشو دا قلب بي قفاه. ففضل مساهر الليل كلو يجابد فيه و تاني يرجع؛ يبجبدو و تاني يتكرفس متل برش اليعف يرجعيا زول الزول دا لامن صبح ، لقالك وشو كلو منخش بالله التقول بس جرف بامية كاويق. ***(((+)))***
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(7) ® خواف ربى عيالوπ√
[} قرية من القرى فيها مرة صعبة شنافة و لسانا سليط لامن متبري منها ... تلقاك قاعد فى الضل تشبكك..يا عاطل يا باطل ..تلقاك ماشى تقول: ليك : حايم لي زى كلب الحر .
[} حتى النساوين بخافن من لطعاتا: اصبري انتى ملاياتك من العيد ما غيرتيهن .. و لا سجم خشمگ إتي ي العدتك وسخانة و لا : بري ما بشرب بى كوزكم المطرقع دا الشاهدإنو الحلة كمان فيها واحدن كدي خواف لامن مرعة .. دا الكيس لو كشكش وراهو بالنهار و الشارع فاضى بتلفت و يفتح بنمرة 5 ......و ينط من ضلو. و بعداگ قاعد يقول على روحو: " أنا لا بخاف ، و لا بعرف الخوف؛ علا كان كشكش كديس تلفانه قايم صوف"
[} و الحلة زاتا على العليها جنبها غابة غزيرة ..و فيها وحش گاسر ..الغنماية البتدخل الغابة دى تانى ما بتمرق ..الفار لو دخل فى غضب الله .. ياخ باللختسار ، مافى إنس و لاجن دخل الغابة دى و جا مارق حي... *****(((((+)))))***** [} أها، البيوت ماتت فيهن بقرة معگية وجدوعها ورا الحلة ...المره أم لسانن فلقة دي ما صدقت لقت ليها موضوع( فطيسة و دايرة تشبع فيهل لطم).
[} عمتگ بقت لافة الحلة دي بالله على ساق گلب ..تلقاك مع مرتك ..تشبكك انت بس لاصق فى صلب مرتك المتل الصارقيلة دي .. ضاربين الهمبريب .. و بهناك عفنة الفطيسة ظايطة الحلة ..انتو يا يابا عاد رجال التابة وواليابة..متندلين متل الجقور المدغتة( عندها ضغط دم)، النايمن لها شني با يمة تنومو نومة أهل الگهف... *****(((((+)))))***** [} بس مرة طالعة كدي ، عترت ليك في زولنا الخواف لي التسودا عليهو.. زولك انهجم قام ناطى . بلا و لمت لگ فيهو انت ياخايب الرجا تقامز من كشكشة الكديس ..و تخاف من ضلك ..امش من وشى كدى ..و لا كدى.
[} صاحبك شالتو الهاشمية انحمق، و سألا: مالك يا حاجة فى شنو؟؛...قالت لي الرجال الليهم شنة و رنة ما نفعوا؛ انت مع شنو گمان آقريعتي راحت..الفطيسة دى ..ماف راجلن كدي يخمها يوديها الغابة... صاحبك دق سدرو و قال ليها ..الليلة عصرن بدري بنريحك منها ..تانى دايرة شنو ..و أنا بجمع الرجال ديل.. و الموضوع أنا بتمو تب، بس أرقدي قفا.
[} عمتك عارفاه خواف عشان تمسكو بالسابتة و النجيضة قالت ليو تعال ...راحت ادتو ليك حبل و قالت ليو حبلي دا يروح و ما يجى ما بريحك ...و مسعول منو إتا دا براك ...اتا عنك ما تجى مقلع ؛ لكن حبلى دا بس لازم يجى. *****(((((+)))))***** [} الزول شال الحبل ...و بقى فى ورطة مع المرة دى ..قام لف الحلة دي سگة عمي، بيت..بيت..و لم الرجال ..غايتو اتشودعو مرقو معاه زى 13 نفر ..ربطوا البقرة و جروها ..لما قربوا للغابة..اخونا الكاشف جاتو رجفة الخوف...قال للجماعة "ياناس هوى انا فعلن خايف ..علا اربطونى بى حبل المرة الشوم دي في گراع الفطيسة ..عشان لو جريت يمسكنى"..الجماعة قاموا ربطوه... قالوا نوديها جنب الغابة شوية ... لما وصلوا جنب الغابة .. لافى وحش مفترس لا شيتين..قالوا ندخل بها الغابة شوية ..و فعلن مافى شيء يخوف ؛ وگأنو دي أوشعات ساي. [} الجماعة اطمنو و قالوا نتوگر بالنصيبة دى لا عند نص الغابة..و فعلن..وصلوا هناك.. بس قبال ما يرموها و يفكوا الحبل .. قام الوحش گرف ليك ريحة دم ود ابن آدم و جا كابس ليگ عليهم .الناس فگت البيرق جرت جرى نضيف..كل زول مرق مشتت بى جيهة.. علا صاحبنا الخواف الفضلى مزرود بالحبل مع الفطيسة.. *****(((((+)))))***** [} غايتو جنب الحلة..الناس بقت تظهريجوا واحد ..واحد .. حتبن جبدو أنفاسم و قعدو يتفاقدو: فلان وين فلان ماظهر ...فلان داك ظهر ..واحد جاى من صباح..واحد جاى من سافل و لا من صعيد ...المهم فقدوا الخواف لقوه ما جاء ...الجماعة قالوا نمشى نكلم اهلو نوريهم الحصل ..و ناس قالوا حبل الجولگينة مربوط بالبقرة .. نخش الحلة كيف بدون حبل ... اتفقوا ناس يمشوا لأهل الخواف قالو: نختهم في الصورة ..و اأنو زولهم غلتان المرحوم لحسو ود أم بعللو..و رسلو وفد رفيع يمشوا يقنعوا الحاجة تتعوض الله في حبلا الما جاء دا.
[} أها الجماعة اللي راحوا بيت الخواف..دقوا الباب ..للمفاجأة ، فتح لهم الباب عمك الخواف سخشيا ظاطو ..الجماعة استغربوا ..يازول ، إتا قمت بعاتي و لا جيت كيف؟؛ قاللهم: يعني ماكون شايفني ؛ جيت جارى في نصكم. نان و حبل عمتك وين آشقي؟؛ ...قال ليهم .. وگان لحبل المحويب بى فطيستو في الحفظ و الصون .. هديلك ورا البيت. قلت : يا روخ ا بعدگ روح؛ ف فجيت جارها راجع بها .. تحين گدي ، امشو حلو منها الحبل.. و رجعوه لي ستو و گافونا البلا بالبليلة!!! *****(((((+)))))*****
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(8) {ما تقرطا شديد ، و فرفش مع الناس}
امبارح وانا راكب المواصلات، السواق كان مشغل أغاني سيرة وهجيج بصوت عالي جداً جداً، لامن مزعج. فشعرت إني متضايق شديد. و الغريبة الناس كلهم ماف زول اتكلم...بالعكس كانو مبسوطين للآخر و ظاقين حنك يتونسو. فلما فاض بي الكيل ومليت بالجد، قمت نطيت ليو في لهاتو ؛ و قلت ليو: يا عمك وطي الكواريك ديل اضنينا صنت عديل كدا و كمان قاعد بتكلم بكل ثقة...الناس الراكبة كلها عاينت لي بأستغراب، و فيهم اللي قاعد يلكز في الجنبو و يضحك. بديت أحس بأنو في حاجة غلت. و قام و السواق قال لي: اسمع هوي يا شيخنا، أولن في التبادي ، انتا اساساً الراكبو معانا دا بص سيرة. حقتنا برانا .و الشايفم ديل كولهم أهلي و ماشين فرح اختي ، و لامن إنتا أشرت لينا حنينا في حالتك ما مارضينا نكسفك؛ فقمنا وقفنا ليكا ، عملاً لوجه الله الكريم . أها يازول أنا غايتو من الاحراج والخجلة دا تمممم سكتا و التقول صبت فوقي مطرة؟!حسيت إني عكيت، و زي الكأني بايل في هدومي . فطوالي طلعت من المود بسرعة ، وو اعتذرت لجماعة ديلفرداً فرداً . حتين يا زولانفشيت شوية و فريت الكشمةو قعدتا أنطط.. أصفق..أبشر معاهم . فااا شايف ليك بالله جنس شلاقة و متل ما قالو: الشلاقة عاقة؟!!
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(9) // كول زول في همو //
حتى شفع الزمن دا ي حفيان موهن فاضيين عشان كل زول في همو حتى ناس العم جحا و عمو (و لعل من شر البليلة ما يضحك!!!!!) فقد سأل الصبي جده الجولكين : هل لديك أسنان يا جدو؟! تلقـف عمك السؤال بلهفةس شديدةٍ ، إذ لم يصدق أن يجد ضالته أخيراً ، في أحدٍ ليصغي إليه حتى يشبـع فيه نهـمـه للثرثرة في الفاضي و المليان. فراح يُنظِّر و يقول الأسنان يا بني نعمة من الخــالق و أحياناً نقمة في ذات الوقت. تماماً كما الأخلاء، الذين بعضهم لبعض عدوٌّ إلا من رحم ربي من المتقين. تجدهم مصطفون قمامك كالبنيان المرصوص ، واضعن كل إمكاناتهم في خدمتك من حيث لواكة مغايس الدنيا دي (دار الغش أم بناين قش) و لكن لو أراد الله و تمرد عليــك سنٌّ أو ضرس فسوف يظـل ينغزك بإيلامٍ شديد حتـى تتخلص منه بالخلع مما يترك لكفجوةً وفراغاًعريضاً ، قلما يسده أو يملؤه سواه . تماماً كفقدان صديـقٍ قديمٍ حميمٍ يؤرقك و سوف لن يعود بتاتاً و تظل أنت لفراقه محزوناً تدمع عيناكو تعتصر قلبك ألماً لأجله . لكن فقط إلى حينٍ ، ريثما تتماثل للشفاء من وطأة ألمه . إلى أن تتناساه مرةً، ثم إلى الأبد. و لكن ربما ترك لديك فراغاً عريضاً لتستغله كمجرىً لشريط الذكريات. طبعن الشويفع عاوز من الآخر . قاللو:يعني يا جدو أنتبس باختسار كدي إتا عندك سنينات تمدغ بهن و لامو عندك؟! الجولكين قاللو: للأسف يا بني،جدك قاعد لهله ساي عادم السن . و دي ياها الدايـــرا الشويفع فنط قاللو: طيب الحمد لله،اكان كدي هاك تفاحتي دي أمسكا لي معاك،كمان أوعك بس تقوم تعافر تقرم منها ؛ لحدت ما أجيها راجع.
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
// درافت شيك فالصو// *******(((11)))******** أخونا دا مرطب شديد و قام لمن شعر بقرب المنية ، حذر مرتوإنو: الموت حقة، و الحياة باطلة علا، حسك عينك و أوعي لو عرستي بعد ما أنلحس، ثروتي الطايلة دي تمشي تمخمخي بيها مع عريس الغفلة الحا يجيك. زولتك بت أبو الشوش ملحلحة ؛ قالتلو: حاضر على عيني. يلا من عينو شخصت و جهَّزو الجنازة تب جابت ليها علبة حشرتا جوة الكفن قامت واحدة صاحبتا ناقشة الموضوع ، قالت ليها: إنتي يا خية جنيتي، تدفني ليك أموال طايلة قدر دي في تربة؟!! قالت ليها : ما تخافي، أنا نفذت ليه وصيتو بالحرف الواحد: قمت سيلت التركة كولها و أودعتها في حسابي ؛ بعدينك حررت ليه درافت شيك بالمبالغ، و ح يندفن معاه ، أها عاد كان بقى راجل خليه يقدر يقوم يمش يصرفو!! *******(((+)))******* *فَمَنْزِلِيَ الفَضَاءً و سًقْفُ بًيْتِي** سَمَاءُ الله أو كٌتًلُ السَّحَابِ فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
// ي حليلو، نايم على حيلو// ******(((((12))))))******* عمك الجولكين كان راقد مسدَّح في فراش الموت و عينو شاختة في السما، بقول لي مرتو: شفتي و صيتي ، لو اتزوجتي بعدي، جلابيتي السكروتة الصفراء ديك ، أوعي كمان تمشي تورِّثيها لعريس غفلتك الحا يجيك، أثلي ماني عافي منگ مفهوم؟!! قامت زولتك مدردحة واقعة من السما بي سنونا؛ .. حدرت ليه كدا بعين فيها محقرة و قالت: ياخوي مي ياها ديك القصيرة ؟! اطمن ياخوي أرقد قفا ؛ ماگ عارف تلباقية ياي ؛ هو ظاتو كان قبال كدي جربا وبعينگ لقاها زاتا ميها ظابطةقدرو!!! أها تحين شفت جنس كيف بالله ؟!! ******(((((*))))))******* فَمَنْزِلِيَ الفَضَاءً و سًقْفُ بًيْتِي** سَمَاءُ الله أو كٌتًلُ السَّحَابِ فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
اقتباس المشاركة الأصلية كتبت بواسطة سارة عمر مشاهدة المشاركة مسطول قاعد مع حبيبتوووو جنب النيل في التراب وقالعين جزمهم قال ليها: شفتي القمره دييييييييييييييييك.. قالت ليهوووو بكل خجل ااااي شايفاهااا حبيبي.. قال ليهااا اقسم بالله ريحة جزمتك دي بتكون واصلاهاااا اقتباس المشاركة الأصلية كتبت بواسطة/ بشير ود التهامي مشاهدة المشاركة: هيا زوله هوووي اقيفي قبلك ده ما بوستن المساطيل ده بوستن (تبسم فأنت على مشارف بوست اسمو:" من شر البليلة ما يفقع من الضحك" وكدي .ساره انتي الظاهر من كترة ما انت غائبة (بقيتي ما بتفرزي)؟؟!! يا زوله هوووي انقرعي واطري اللينة لا تودري. **********(13)********* ي بشة ياخ ما تتطفش علينا الحمام. ما كلو ياخي عند العرب ليمون!!!عمومن وكتين فضيت وجيتنا براك بي كرعينك ، هاك دي. *******andandandandand******* // عندما يصبح الدين تهمةً يتبـــــرؤون منها // حكى الشيخ الدكتور / عائض القرني شفاه الله و عافاه: أن مواطنا سويديا هداه الله لاعتناق ديننا الحنيف لتوه؛ ثم ما لبث أن وافاه عيد الأضحى ، فأتى بعجلِ سمينِ للأضحية، ثم شرع في ذبحة. و لكن نظرا لحداثة عهده لم يوفق، قام (حرجم) العجل المسكين و الذي و لى منه مدبراً و لم يعقب بعد أن لامست الشفرة بلعومه. فسقط في يد الرجل ثم أ إلى أقرب مسجدٍ طلب يد العون . دخل على المصلين يلوح بالسكين في بيده و هي تقطر دما. سألهم : أليس فيكم مسلمٌ يذبح؟! فأوجسوا منه خيفة , إذ ظنوه (داعشياً) خطيراً ؛ و كأنما يمتشق حزاماً ناسفاً و تنازعوا أمرهم بينهم ، ثم دلوه على إمامهم الراتب، و الذي انتفض بدوره مستنكرا : أنا و مين قال ليكم؟! إنتو ح تشبهوني ليه و تلفقولي تهمة باطلة ليه؟! يعني الواحد ما يعرفش يصلي قدا ركعتين بس، إلا طوالي تقولو عليه مسلم؟!!!!!! *******andandandandand******* فَمَنْزِلِيَ الفَضَاءً و سًقْفُ بًيْتِي** سَمَاءُ الله أو كٌتًلُ السَّحَابِ فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(16) ® الخوخ البيقلع الضروس π√ ههههههههههههه
[} و الله شرقتني لا أشبع الله لك بطناً علا بالحلالياخ ديل ما ناس عُضَّ فؤادي و لا تَعُضَّ رغيفي. أهاا بمناسبة المرقة دي عارف ، ياخ إحنا ظاطنا أبسط مما تتصور.
[} مرة معاي فردتي/ خال الأولاد معزومين لمة عرس عن ناس ترطيبة.قعدونا في صينية مكبوس عملاقة بحجم مصفاة الجيلي؛ مبركين فوقا بعير له خوار؛ مو ياهو الليهو موقلة؟!كمان حاشينو بجداد ؛ و الجداد محشي بحمام ؛ و الحمام محشي بي قطا و طيور السمان. و أطيار الجنة هذه محشية مكسرات؛ و هلم جرا. أها بقيت ليك أنا غاتس بي جاي ؛ و زولي دا بهناك؛ غرقانين في دهن الضلعة دي لي كيعانا و لامن مانا عارفين كوعنا ظاطو من بوعنا. وكتين شِفق فقدني قعد يكورك لي:"يا زول إت تمام ؟! قت لو تمامين، أها و أنت كيف؟!".
[} أها يلا بعد قمنا جاء ليك دور بوفيه {الحلو} العجيبة. مشينا عليها؛ جابو سلال الفاكهة عاد المي خمج{أُتينا بها متشابهةً}؛فيها أصناف كدي مشيقحة خاتفة ألوان.. صفرا و محومرة كدي. قام زولي سألني دا شنو؟! وليس المفتي بأفقه من المستفتي؛ قت لو: " دا ظنيتو خوخ على ما أعتقد. قالي:"خوخ شنو يا زول ؛ بس نعلو القاعد يدعُّونا بيه داك؛ البقلع الضروس".
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
{17}
[} الدراما الجاية ملطوشة من فردتي و صاحبي اللدود و أيضاً أمير شعراء حملنتيش الفُطْحُل/ سوماعين ود البشير ود المحينة ، أدمن منتديات الكواهلة لمسادير الدوبيت بقرية(العريجاء و ما بها عرجٌ ، اللهم إلا إذا صحَّ إنو الهميج أهْلُها هَمَجٌ). *******((((((+++))))))******* [} بتحكي عن واحد عمك قال: ذات يوم، جايِّنِّي ضيوف هجعتن عُزاز بلحيل. فصَحَّيْت المرة قت لها : أوقدي دوكتك عوسي. و من حيسي جريت السوق هتَّشتْ لهم طب مليت الخرج دا، ما خليت لي فضن ناقص. *******((((((+++))))))******* [} و لامن رجعت ألقى ليك المرة منسدحة راقدة في رقدتا الخليتا فيها. فيا زول انحمقت، فلخت لگي مطرق لعوت من أقرب بُتُّقة، يلا بربحتها سمح، و وقعتفي المرة دي سلجتها ليك قلبتها بطن و ضهر؛ خليتا تدردق تحت القمرا، متل السنسنة الحمرا. *******((((((+++))))))******* [} و جيت منسل مارق بي نفختي ديك، فإذا بي أكتشف بعد فوات الأوان، و وقوع الفاس في الراس، إنو دا ظاطو مو بيتنا و بالتالي المرة المفشوخة لامن أكلت أصابعيها دي مي تبعي. إنما كانت مرت جارنا. *******((((((+++))))))******* [} يا زول راسي دا كبر قدر الكارجلقة و مشيت بيتنا لقيت مرتي عايسة و فاركة ز1و ضاربة بُلَّامة قناعا راجياني. علا بس من الُخلعة، جية ضيوفي زاتا طارت لي في نخريني؛ و بقيت شايل الليل حيح مساهر أقلب في درب المخارجة من النصيبة البقت. و مستني العوة البي دمها مع جاري المُعْتَدَى على حرمته لا إيدا لا كراعا. قلت دي عاد كان جلت أم دُلْدُم دي ما بتجلي . أها يا زول اليوم داك من صباحو لي مطاحو و أنا مراقب الموقف عن كثب.و كمان مشيت السوق دقيت غو يشة دهب؛ قلت لزوم قولة الروب و كسير تلج للضحيةالمسكينة اللي انهانت في صمة خَشُما و انهانت لا إيدا لا كراعا. قلت أول ما راجلا يسعلني بلهمو ياها و بعتذر لو و نخلص.
[}علا أصلو زولك ما جاب لي سيرة. بس كلما أحدر لو يقعد يتكشم لي متل نار القصب و يمش .يلا ، لا حس لا خبرلحدت ما أتشالقت سعلو براي: - إتا آ ود الشيخ تحين ماك زعلان مني لا شيء؟! في شنو يا شيخنا، إتا ماك عارف السويتا ساي! - ي زول و الله أنا غلتان و متأسف لامن ساف التراب و غايتو گدي هاك دي غويشة للمرة سكتا لينا بيها - يا زول هوسسس وطي حسك ما تسمعك! ياخي دي هسي مصدقة إنو دا أنا اللي الكسرتها، لأول مرة في حياتنا و يلا من ديك زولتك مندرشة تقوم و تقع قدامي عينا دي ما بترفعا تملاها في وشي و خدماتنا الفندقية اتحسنت گتير بقت خمسة نجوم راسو عديييييل كدي لامن موباااالغة. بالله موش ياهو ناس تخاف ما تختشيش؟!!! ***********
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
{ أبونيه آبو ، آبو ضراع} {18} [][]عندنا خط بصات الحصاحيصا - المناقل[][]. كانو بقيفو لشفع المدارس في حلال الطريق، يشيلوهم مجاني بنظام الأبونيه { بطاقة لإعفاء الطلبة من نصف أو گل أجرة الترحيل} . فيوم واحد تربال( طياني) خامجلو حوض زبالة في أم قرية عضام و ركب معاهم نازل ببيت في تنوب و يرجع باگر، و على العليه كمان تمتام.فالكمساري شايفو محكر وسط الشفع ، و مكفكف عراقيه بي دبارة على أكتافينو و ريحتو زبالة تطىد أبو العفين. فجاء ماش عليه يفرطق في أصابعينو : - يلا ي عمك ، خلسنا النمش؟! - ها ها هاااا أبونيه ،ها آ بو ضراع! - أنونيه شنو، يا زول دا للطبة بس؟! - ما هاهااااا أنا حتانا طططهالب! - و طالب وين آسقي ااحال ،إن شاء الله إتا كمان! - ما قلناگ ياخي طهطهطهههههالب في جامعة الخرتوم الكوبرى! فبالله شفتا ليگ جنس محن؟!!! [][][][][
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
يلا خلاس هاك النودعك بي دي. يمكن ما نتلاقى بقرب و لا كمان نضطر نملص جلدنا. (20) // راكوبة استراحة طابت الشيخ عبد المحمود الحفيان// ذكرتني في موقف الحصاحيصا ، البفوتنو عربات السوق لأهلو، بمش راكوبة طابت يلقالو داوودي زبالة يتراوح. مرة نقطة التجمع مكتظة و العصر أذن، جبدو أكبر عمة قدموه يصلي بم. أها يلا في مستقر سجودهم جا لوري داير يلقط حق جازو . و مساعد بي الحلة يكورك أم دوانة- وادي شعير - ود البليلة.إلخ . @ زولك الإمام مركوبو جنب إضنينو، أصلاً داب وردة. عمل تقدير موقف سريع.و يلا تترب قمزفرد قمزتن واحدة لقى روحو ملاصق المساعدي محكر فوق راس التندة.خلاهم ساجدين لحدما أحد المارة لحقم نبهم يرفعو.
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(21) [} واحد أخونا دا كرستلاوي مشى سنن ملأ قرنو صاح لامن غلبو ليك المشي. قام طلبلو تكسي سواقو طلع شحمان جداً جداً و ما مستحمي.أخونا شم ريحة ثنان الأباطات طاقة تجيب الضهبان؛ لامن الطشمة ظاطو فكت منو. قال ليه: هق .. هقق أرقد آعيش أنا جرابك، اسمع ياخينا، إنت عربيتك دي قوة مكنتا كم حصان؟ قام داك قاللو بگل براءة: قوتا 4 حصين! صاحبك:ههق، يا زول إتا بي صحك؟ الحصين ديل 3 بس! السواق قاللو: كلام شنو يا زول؟! أيوة فاضلات3 حصين بس، كدي عليگ أقيف و خزن يمين شوية، أنا شاگي إنو في واحد حصان ميت هنا جوة!! ***********^^^^^^************ فَمَنْزِلِيَ الفَضَاءً و سًقْفُ بًيْتِي** سَمَاءُ الله أو كٌتًلُ السَّحَابِ فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(22) عمنا دا شغال(لَيَّاس بيوت) و مفلس عادم التعريفة؛ يومو داك شانق يدين عراقيهو بي دبرار فوق كتافينو؛ كمل ليه ريح حيطة خمج حوض زبالتو و خلاه يخمر لباكر و مرق ماش من بركات، متراوح أهلو في حتة اسما بقادي ،جنوب الجزيرة. قال عشمان يلقالو بو مروة يصولو. @فعلا، وقف ليو لوري هوستن داوودي حق طوب و تراب و زبالة. و گان ركبن معاهم نسوان ماشات لموجب عزاء، غادي في الطريق. فقباليتوهطو سمح قام مساعدي الحلة داير يخلس منهم ، يلقط حق الجاز:- - يلا يا حاجات أدونا الفيها النصيب؟! - عمك قالو : لا ، ما تخلس منهن! - طيب، كدي أدينا إتا حقك أول و حقهن! - و الله ما عندي! - يلا يا حاجات إنتن، عمنا دا شكلو بيهرج يقابض ساي! - يا زول قتا لبك حررم ما تشيل من الحريم! - طيب يا عمنا حك جيبك و خلسنا يا بنزلك هنا في الخلا . - يا ولدي ما قتا لك معلم الله! - طيب ي حاج وكت عدمان ، مالك بتتشوبر؟! @ هنا في ولد شاب راكب في التندة كان مراقب الموقف المؤثر دا،و لاحظ إنو عمك دا فيه شحنة شهامة و مروءة لامن خرافية.علا يظهر العين بصيرة ؛ لكن الحيلة قليلة و الإيد قصيرة . فطوالينزل سلم على عمنا في جبينو؛ و نادي الكومساري دفع لهم گولهم ؛ و كفاهم شر المذلة.
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
{ يا عشمان لك في ودكة من (دِفْرِنْش) النملة،ترا حرممانة عليك الرشوشة}
{23} { يا عشمان في الودكة من صلب النملة، ترا حرمت عليك الرشوشة} ياخ عمك دا شدة مو جلدة شديد، لامن يكطع الخميرة من بيت النمل ظاطو. فقام ليك مرة كدا جابو ليهم خدامة حبشية في البيت و يلا عاد قعد يساوم لك فيها على الماهية قام سألها: الناس الكنتي شغالة معاهم كانو بدوكي كم؟عشان ما نقوم كمان نظلمك بعدين؛ قالت ليهو بكل براءة و صدق و أمانة : الصراحة كنت شغالة بي بطني ساي ؛ يعني كنتا بضوق معاهم ياها لهيمت الكسرة دي آكل و أشرب بس و اتنفض افوت أتراوح أهلي ؛ قام هنا زولك طوالي شغل ليك فيروس الجشع انعدل في قعدتو ،بعدين اتنحنح و قال ليها: طيب يا بت الناس نحنا ترانا ح نبقى ليك متل أهل أمك و أكتر ، وح تبقى بيناتنا عُشْرَة عُمُر طولية ،فيا بتي لو يعني إتعشمنا فيك ساي تراعينا شوية ، أها طيب ،ما بتجاملينا تخلي لينا حاجة و لو بسيطة يعني!!!- قامت الحبشية قالت لو بي حدرة سخرية: علا لاكين يا عمو كدا (ما بتكون عسرتا عليا شديد)؛ تيب أقول ليك حاجة، خلاس بعفيكم من أية أتعاب ، بس بجيب لي رغيفةأغمسا في عطرابة دخان شيتكم، و لامن أفوت أشربفي بيتنا.كدا كويس معاك؟! بالله ياعمك ، مو ياهو داا لفضل 😂😂😂😂😂 فغايتو جنس غياتو ،بالله شوف جنس دا !!قلنا ليك الوضع أصبح أليم شديد
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(26) ]{ عوداً على ما فرعنا به هذا البوست، حسب الصيغة أعلاه ( يا عشمان في الودكة من ورك النملة ، حرمت عليك الرشوشة). فقد ورد مضرب المثل في شأن البخلاء الأشحاء، كما أسهب في وصفهم الجاحظ ، أو كقوم جريرٍ، حين هجاهم . بقصيدة عصماء من عيون الشعر، حيث أجاد و برع ، إلى أن قال فيهم: > قومٌ إذا استنبح الأضياف كلبهمُ قالوا لأمّهمُ بُولي على النّارفتمسك البول بُخلا أن تجود به و لا تبول لهم إلا بمقدار
[} كذلك يصلح المثل أن يساق أيضاً في حال المواهيم من ذوي الآمال العراض و الشبحات العُراض، الحالمين بالمحال ، المادِّين أرجلهم إلى أبعد من مقاسات ألحفتهم، الناظرين لأبعد من أرانب أنوفهم، و الممتطون إلى شُرَفٍ فوق هامات الثريا لعقد قرانهم بالقمر هناك. خريبيشة:- وجب التنويه إلى أن السياق المذكور للمثل عاليه ، له في نسخته الأصلية صيغ و ألفاظ أظرط و ألعن من هذه و جدناها نابيةً مشاترةً إلى حدٍ كبيرٍ؛ و قد لا تليق بمقام النخوباب.و خشية أن يندى لها جبين حرية الملكية الفكرية، فتشمئذ لها ذوائق ذوي النفوس الرهيفة الشفيفة. لذا، فقد ارتأينا حجبها بشيء من التصرف. فرجاء ممن كان يعرفها أن يمدُغ و هو ساكت، و من لا يعرف أن يگف عنا جشاءه و يكفينا شر السؤال.
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(28) المشاكة الأصلية كتبت بواسطة عادل القاسم مشاهدة المشاركة وحيات الله الناس دي راحت ليهم ساكت.. ترا بقى غالبون اليعملوهو سااااااي.
الموشكلة يا عضولي ، نحنا كشعب بنؤمن بخزعبلاتم دي سريع و بتنتشر كما النار في الهشيم و تصبح قاعدة و عرف و قانون هسي شوف الولية دي بترقص في السهلة. وصلتني للتو و اللحظة. جديدة وحصرية عمتك حاجة كبيرة في ملجة الخدار بحري، فجاة و قفت ترقص و تغني وتحت فيهو حت نضيف: ورى ورى ورى .. ورى ورى طوااااالي . قال ليك الناس اتهجمت ووقفت تعاين ليها واحد قال ليها دا شنو يا حاجة. قالت ليه يا ولدي مواعيد دواي جات قالوا لي الرقصة دي كل سته ساعات عندي التهاب مفاصل 😂😂😂😂
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
{29} من أطرف طرائف أيام حنتوب الجميلة}: مرات ملامحك براها تخونك ، و ترميك في مطبات نواعم
[} طيب نمرق بكم من حتة النواعم دي كاتمة شوية: ود أب ظن ، عربي مقرم من من ظرفاء قاع المدينة في حنتوب. مرة على خشبة المسرح عاين في الجمهور شاف أحمد منقة/ رجل رزين و هادي جدن و بتاع كسر قراية رياضبات بس {أدشنل}، كنا بتسمبهم الترزية (لطول جلسوهم للذاگرة ليل نهار). لاكينو متلش و شكلو بصراحة و شكلو يوحي بإنو أخطر شرامي. قام ود أب ظن حب يخرج بيه عن النص و يظمج الجمهور معاه. فناداه: ي منقة هووي د، تعال بالله جيب سفة!! _ زعى أحمد منقة و قال ليه: يا زول قول بسم الله منو القال ليك أنا قاعد أسف، تسف الجردقة و الرماد البكيل حماد، إن شاء الله. _ ود أب ظن طبعن مصر يشاغب: و الله ي منقة ، بحگم التخصص، فالمعطيات كولها عندك ، علا ماك قادر تبرهن بس!!
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(30) الجاية دي كان حكيناها خصيصاً لعمنا عمران على أساس إنو قريب من بيئة ثقافة {الحلب و الصر}. و لكن يبدو أنه تحنش كما تحنكش الذين من قبله ، فلم ينقش منها شئاً فما جابت دهل لذلك قررنا نجيبا راجعة هنا للارشيف، عسى و لعل يعتر فيها زول يضحك فيها. @ بتحكي عن حياة أهلنا الغُبَش أبان مسوحن موية مع {السعية} في البطانة. و هي قديمة منكوتة من تحت بيت الكلاوي ؛ و دايرالا زولن غنامي مقرقح متلولدنا/ود بادي؛ شان يفهم في مصطلحات ثقافة بيئتنا المحلية في أم هَبَج
¶ فديل شَفَّع ، وليد و أختو قاعدين يلعبو {العيتنوبة} يتناقزو {يقلبو الهوبة} فوق سدر جدهم. قام الوليد مرق طهارتو و قاللو هاك يا جدي صررني. جدو ماخدو على قدر عقلو ختف لو تلقون شرطو و بلاهو بشوية بزاغ و ربط للشويفع طرف الهناية {الحميميسة} و قاللو يلا خلاس صرررناك ، قوم أجر ، و انتهى الموضوع. ¶ لحدت هنا و الأمور عادية جدن، على عاد البنية إخيتو لامن شافت المنظر قام حركا ليك الفضول و ربما نهشتا ليك الغيرة.و للشلاقة ليها و على حسب جهلا و غباها، جات جارية من هنووووك فاتحة (حاجاتا)، يلاتصر و تلح على جدها ، ستين يمين بالتلاتة، علا حتنا يصررني متل ما سويتو لأخوي. لحد ما دخلت عمك الجولكين ظاطو في حيصة بيصة. ففام اتلفت منها كدي و قال لها: والله عاد يا بنيتي المتلك إنتي ماني عارف لك صرفة ، علا بس كان يخمجو لك شوية بعر{يلوطوك} بيه لواط عديييل ساااه؛ و ننفك من شبكتك. بالله بس ما تخذلونا. دي نكتة متكلفة و متعوب عليها ؛نكتنااها جبناها ليكم هنا مخسوس ،شان تفر الكشمة تورونا سنيناتكم تضحكو.
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(33) المشتهي الحنيطير يطير, إن شاء البن. [} دا كمان واحد زهجي لمان شايل أخلاقو هنا في رأس نخرينو. ياخي دا من شدت رويحتو مي مكركرة براها، شفت مرات لامن يزهج من ضلو الواحد المباريه دا ظاطو يقول ليه: يا زول بقول ليك أحسن لك تختاني بي الله واحد، و لا تكترو و تقللو ، أقوم أقبل عليگ انشبك فيك ، علا بعدين يفرزونا باللباسات.
[} أها مرة كدي عارف زولنا دا عندو معزاية ماخدا جديدة و محيَّنة لبن ، جاب قرعتو داير يحلبا و هي ملقلقة و نفسا عاجباه بالحيل. قامت بعفةية گدا أتمنعت ليك عليه رفستو مرة و مرتين(يعني نظام غنج غنمايات و گدي)، فغايتو دي فوتا ليها ، أگلا في لباد حنانو ساي،
[} علا لاگين الرفسة التالتة دي الظاهر جاتو ليك الحالة قام قال لها إتي بترفسيني أنا آ بت الغلفاء إنتي ظنيت أهلك ما حدسوك بي؟ يلا قام جاب لو سلبة عكما دورجا و ربطا ليك على الشبعة سمح لمن قطعا النفس ، و حكل كريعاتا حلبا ليك بالغسب لامن ملأ قرعتو رسفا لبن ، و يلا مسكا ليك من نخريها كباه ليها سعطا ليك باللبن في نخريها لامن شرقت.و قام فايت و قال لها: أها يلا أريتك تشبعي بيه.. و إن شاء الله المشتهي الحنيطير يطير.
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
( 34) ®كيدهن لبعضهن أعظمπ√ {دي قصة أدهشتني حتى أضحگتني ، ثم أجهشتني بالبگاء} . [} من أعجب ما ستقرأ ، يحكى أن امرأتين دخلتا على القاضي ابن أبي ليلى، وكان قاضياً معروفاً وله شهرته في زمنه. فقال القاضي : من تبدأ؟ فقالت إحداهما : ابدئي أنتِ.
[} فقالت الثانية : أيها القاضي مات أبي وهذه عمتي وأقول لها يا أمي لأنها ربتني و كفلتني حتى كبرت.قال القاضي: وبعد ذلك؟ قالت: جاء ابن عم لي فخطبني منها فزوجتني إياه. و كانت لها بنت فكبرت البنت و عرضت عمتي على زوجي أن تزوجه ابنتها بعد ما رأت بعد ثلاث سنوات من خلق زوجي. و زيّنت ابنتها لزوجي لكي يراها. فلما رآها أعجبته. قالت العمة: أزوجك إياها على شرط واحد أن تجعل أمر ابنة أخي (زوجتك الأولى) إليّ .
[} فوافق زوجي على الشرط. و في يوم الزفاف جاءتني عمتي وقالت : إن زوجك قد تزوج ابنتي وجعل أمرك بيدي فأنت طالق فأصبحت أنا بين ليلة وضحاها مطلقة . [} ثم بعد حين من الدهر، ليست ببعيدا، جاء زوج عمتي من سفر طويل، فقلت له يازوج عمتي: تتزوجني؟ و كان زوج عمتي شاعراً كبيراً. فوافق زوج عمتي. و قلت له لكن بشرط أن تجعل أمر عمتي إلي، فوافق زوج عمتي على الشرط، فأرسلت لعمتي وقلت لها: قد جعل أمرك إلي،ّ و أنت طالق . ثم تزوجته. فأصبحت عمتي مطلقة و واحدة بواحدة. أطال الله عمرك. فوقف القاضي عندما سمع الكلام من هول ما حدث. :و قال : يا الله . فقالت: له اجلس ! إن القصة لم تبدأ بعد فقال: أكملي ...
[} قالت : وبعد مدة مات هذا الرجل الشاعر الهرم، فجاءت عمتي تولول و تطالب بالميراث من زوجي الذي هو طليقها. فقلت لها ؛هذا زوجي فما علاقتك أنت بالميراث ؟
[} و عند انقضاء عدتي بعد موت زوجي جاءت عمتي بابنتها وزوج ابنتها الذي هو زوجي الأول وكان قد طلقني و تزوج ابنة عمتي ليحكم بيننا في أمر الميراث . فلما رآني تذكر أيامه الخوالي معي ، وحن إليّ . فقلت له: تعيدني ؟ فقال: نعم .قلت له: بشرط أن تجعل أمر زوجتك ابنة عمتي إلي.فوافق. فقلت لابنة عمتي أنت طالق! فوضع أبو ليلي القاضي يده على رأسه وقال : أين هو السؤال ؟
[} فقالت العمة : أليس من الحرام أيها القاضي أن نُطلّق أنا و ابنتي ثم تأخذ هذه المرأة الزوجين والميراث؟فقال ابن أبي ليلي :و الله لا أجد في ذلك حرمة وما الحرام في رجل تزوج مرتين ، وطلق ، وأعطى وكالة؟ و بعد ذلك ذهب القاضي للخليفةالمنصور وحكى له القصة ، فضحك حتى تخبطت قدماه في الأرض وقال : قاتل الله هذه العجوز ،من حفر حفرة لأخيه وقع فيها . و هذه وقعت في البحر..
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
قم للمعلم وفه التبجيلا
و زي ما قلت لود التهامي ماك طالبني حليفة، ما تتصور السعادة البتغمرني في الساعة البنحس فيها إنو فرينا الكشمة على شلاطيم الغلابة و بالظاط كمان الناس(المِعْطَرِبِين) ديل.. لأنني ملدوغ من نفس الجحر. و طوووول يا ليل على الواعيك و يا جمرة أحرقي الواطيك. ***********$$$$$$$************** سمح كدي هاك شوف دي:- عمك دا أستاذ جغاريف معاشي مشالو لفكهاني قالْلُو: عليك الله أدني بس موزتين، شوفن بيوزنن نص لهن كيلو!؟🍌🍌 ، و فرد برتكانة، ما دستة 🍋🍋 و باقي ناس جوافة وكيوي و سفرجل و جنس التماطيث ديلك عاد، علا نشمهن كروفة ساه!! (لزوم رِوَّيح شحتفة الروح)، يعني متل شوف العين الما كتل لو غزال . بتاع الفواكه نقش أستاذو، و ناغم: يا ولد ، تعال ارفع للأستاذ دا 10 كيلو 🍌🍌🍌 و كرتونة برتكان و كرتونة تفاح 🍎🍎 و كيلو عنب بناتي 🍒🍒و كيلو🍓🍓 شنو داك و ظ£ بتاتيخ 🍉🍉 المهم جيه عمك طب جيه شديدة و قالو:يا أستاذ عندك عربيه طبعاً ، دحين البرادو الواقف داك مو هيلك؟ عمك شعر بالاستفزاز و قاللو!: لا يا ولدي. بتاع الفواكه قال يا ولد وقف ليك أمجاد وارفع فيها حاجات الأستاذ و قبل عيله قالولو: طلَّك بالتلاتة يا أستاذ ما تدفع فيهن ولا ملينة حمراء ، عمك لامن انبهط قاللو: يا ولدي، و الله عقدني عدييل كدي، و ما عرفتك بتاع الفواكه قال تزكر يا فندي زمان المدرسة يومك المعرتني ليك بي حبل عاشميق و أنا تولب نطيت منك بالشباك، يلامن ديك و عيك الشوفة يا روفة للقراية أم دق، كبدتي أبتا ساه، و ختيت لها ختتن سوداء أصلي تاني ما قبلت عليها، و دقشت البنادرلام هدا بقيت زول. عمك صفق كف على كف؛ ثم أدارها علي علي (جضومو)، و قال للفكهاني: هي نان يا و لدلي ما أريتك يوم داك أكان أمهلتا لي، تحين ما كنت تلبت وراك و جريت معاك، ترانا قعدنا نتزحزح مع شغلانة الطباشيرة المهببة دي لامن عصيبنا هديل انشمط و ركينا بقن سايحات تراهن متل القارشات بِلْلِي و حاتات سفايف. لحدت ما نزلونا المعاش. و علي قلة عمك/ سيد خليفة (أنا كان رضيت بالهم ما يرضي بي همي) *****$$$$$$***** 😂😂😂😂😂😂😂
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
والله يا ود الاصيل قصة الفكهاني والاستاذ المعاشي المشى يشتري منه موزتين وتفاحة واحدة قصة اوسكار اوسكار اوسكار ، وفيها معاني نبيلة وفيها طرفة تنتزع البسمة من وسط الدموع، وخاصة قول الاستاذ المعاشي القال للفكهاني ،،كان امهلتني كنت نطيت وراك من الشباك،، من المعاني الكثيرة سوف وفاء الفكهاني لاستاذه،،،وفعلا قم للمعلم ووفه التبجيلا ..كاد المعلم ان يكون رسولا،، ومن المعاني ، وفي هذا الزمن القمئ تجد المتعلمين واصحاب الشهادات العلمية فقراء ،،،..والجهلاء اغنياء،،، وشكرا مرة ثانية ود الاصيل فانك تزرع البسمات والضحكات في نفوسنا ونحن نبحث عن الفرحة وسط الاحزان ومع وافر تقديرنا وامتناننا وشكرنا
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(40) # لعمري لأنتم الذين حللت بطين و أذين قلبي أهلاً و نزلتم ساحتي سهلاً لمجالستي القرفصاء كي نبوح و نفضفض. هذا بخلاف صديقٍ ل ي لدود و مشاگس/ حين زجرني و قال لي: مافي سبب يخليكم تحـزنو وأ نتم طافشون في بلادٍ طيرها أعجميٌّ و عربيٌّ. أعمنو يعني قاعد جوة و إيدو في الموية و عايش في الطراوة.
® و لگنني قلت له: عارف حركاتك جيداً يا فردة ، أنك ربما أعمق مني حزناً و لكنك تريد فقط استفزازي لأكي أنداح لك و أبوح بالمزيد. . و لكن لم لا؟! فما أشبه حالي بحالك و ما أشبه ليلة كلينا ببارحة الشاعر / نائل الحريري حين يرثي نفسه ويقول: :*****(((((+)))))***** إذاً ، تعالوا ، دثروني .. زملوني إنَّ في صوتي حريقاً يأكل الأخضر و اليابسَ حزناً!! فتعالوا أشعلوه! فإن نصف الموت أن تحيا طريـــداً!! و نصف العقل أن نهوى الجنونْ.. زّملوـني...!! غلّقوا الأبوابَ و الأستــارَ.. و أجفانَ العيــــونْ!! بعدَ حينٍ سوفَ ألقي عامداً كلَّ ثيابي وسأشدو راقصاً حتَّى أقعْ . و ستمحو الشمس مني كبريائي و عذابي و سأبقى بعضَ روحٍ ...نصفَ قلبٍ و أشلاء... *****(((((+)))))***** @ زّملوني ملءَ كفَّين.. ثم صلِّوا كي أموتْ!! ..إنَّهمْ ...قد غلّقــوا كلَّ الحكايــــا..والبيـــوتْ!! أوصدوا بالشَّمعةِ الحمراءِ بابَ فمي و غاريِ غطَّاهُ الحمامْ.. و على البــــابِ ..تجلَّى فوقَ عرشي خيط العنكبـــــوتْ! .زّمليوـني...لم يعد في العمر ما أبكي عليهْ ليــــلةٌ أخرى ...و سوف يلقي قاتلي عنّي يدَيهْزّمليـوني..إنّ روحــــي ضدًّ قلبي ثائرةْ وجراحي غائراتٌ في حنايا الخاصرةْ طعنوني...زرعوا فيالظهر سكيناًوفي القلب الظلامْ تركوني نازفاَ في اللّيل موسيقا وحزناًَ لا ينامْ *****(((((+)))))***** @ تركوني تحتَ قاعِ البئرِ أبكي سلبوني صدرَ أمِّي و قميصي خبَّؤوهْ.. ألصقوا بالذئبِ و الموتِ الجريمهْ.. أحضَروا الذئبَ أمامي ...مزَّقوهْ ثمَّ باسمِ الرَّبِّ.. ثُم قاموا جعلوا الذئبَ وليمةْ.. آهِ يا كلَّ المواويلِ القديمةْ.. ألفُ آهٍ ...كلَّما مزَّقتُ من عريي ثيابي.. ألفُ آهٍ...كلَّما فصَّلتُ أحلامي على ذاكَ الجسدْ ألفُ آهٍ! حينما ترفض مني كلُّ أوطانيَ أوراقَ انتسابي ألفُ آهٍ ...كلَّما أدركتُ أنِّي لا أحدْألفُ آهٍ .. وأنا في عتمتي خلفَ الزوايا و أنا المسؤولُ عن كلِّ الخطايا وأنا طعمُ المرارةْ.. وأنا الأبكمُ ..إمَّا صِحتُ قاموا رجموني بالحجارة و أنا عشرونَ نصفاً، ميِّتٌ يبكي وحيٌّ لا يُفيقْ و أنا (روما) و(روما) ضمَّها عشرونَ نيروناً وأطفـــــــــــأها الحريــــــقْ .. و ينــــــــــدلق الرحيــــــــــق
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(42) آسف جداً يا جماعة للعصف الذهني بس لأني والله خايف ما نتلاقى تاني،، و لكم مني صباحاتٍ و أماسيَ رابحات و بكل خير نافحاتٍ . و فعلاً معاكم حق . بس ياريت لو نقتنع بإنو أحلى يومٍ لم نعشه بعدُ ؛ و أوسع بحرٍ لم ترتده أشرعتنا بعدُ . و عشان ما أدبرس بيكم أكتر. فزي ما قالو: لو تشوف محنة غيرك تهون عليك همومك ؛ و لو كانت مثل زبد البحر. فلم أصدق الآن، و أنا عائدٌ أدراجي من آخر مشية للبلد. و لكن، و يا لسخرية المفارقة : فعند فجر اليوم قابلني شاب عربي قادم من بلاد واغ الواغ. يطلب اللجوء إلى بلادي التي لم يجد بداً منها بعد أن ضاقت به أرض الله ذرعاً كالمستجيرٍ من الرمضاء بالنَّار أو (كمن تعذر عليه العثور على الماء أو استخدامه ، فاضْطُر للتيمم بالتراب). أو كمن (أضطر لغسل نجاسة غربة الأبدان ببول اغتراب الروح في بلدي يا حبوب). سألني الشاب عن كيفية الحصول على فيزة للإقامة الحرة هناك. فنسيت كل معاناتي ، و رحت لا إرادياً أكضب أحاسيسي و ما رات أم عيني، (أغالط نفسي بي إصراب و أقول يمكن أ نا الما جيت)؛ ثم أقلب 180 درجة من السخط و السب و اللعن إلى مدحٍ بما يشبه الذم و ثناءً على أوضاعٍ كأنها من ف راديس ألف ليلة وليلة ،و سكانها خلائق نورانيةٍ من وحي خيال كليلة و دمنة. و لماسألني عن إمكانية الاستعانة بوكالةٍ للسفر و السياحة قلت له: إن بلدنا مضيافٌ طبعاً لا تطبعاً ( وحتى الطير يجيها جعان، و تلقاه من طرف تِقِيها شِبِع) ، و إنو السواح في قاموسنا هم فقط (الدراويش و الفقرا أهل الله) تراهم في كل وادٍ يهيمون في ملكوته الفسيح . و الفندقة عندنا هناك في بيوت من القش يشيدهاالنفير، والونسة الدقاقة في خلوة ناس جدي و الإعاشة ما تشيل همها: بتلقاها (ملحوتي) من(تكل) ناس حبوبة و أنه لا داعي حتى لحمل وثائقَ سفرٍ أو هويةٍو لا هم يحزنون .إذ يكفي ياخ العرب أنك ضيفنا ف(يا ضيفنا إن زرتنا لوجدتنا نحن الضيوف و أنت رب المنزل). فلْنخطو معاً بلحاظ ترقب الشوق و تثير ذاك الصحو المعطن بالحفاوة .. فنرتشف أريج كل من نضحتينابيع الذكر من فمه حديثاً ذو طلاوة دمت خالداًو القمر يستديرترقباً لكل من أخذ نصيبه من الأيام. ودَّ الأَصِيل (عــــــــابــــر ســـبيـــل)
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(43) حقيقي، يؤسفني القول إنني عائد لتوي من أسوأ ، و لكنها ربما كانت (أفيد) سفرةٍ في حياتي ، راعني ما سمعت فيها و روعني ما رأيت.. فهل شاهدتم يوماً كلباً عض يداً ترعاه؟!! هل صادفتم ذئباً في البرية أكل أخاه؟!!! لا بل هل قابلتتم فيلاً يكذب, يسرق, يزني، يشهد زوراً، ينكر حقاً, يفشي سراً، يمشي مغروراً بين يديْ مولاه!!! *لا والله لا والله لا والله كلامك ده مايطمن ابداُ يعني (البحر خلفكم والعدو امامكم) مقولة : طارق بن زياد (حسبنا الله ونعم الوكيل) أكان كدي عاد قلبكن و وحدكن يا (المعطربين) ********(((^^^^^^^)))******** ألا يا وطناً و كت نشتاقلو بنرحل ليه من غير زاد.. ذلك اليومَ تقاسمنا الليلَ نفترشُ الأرض و نلتحفُ السماءَ، ملتصقين كجمرتين علي مبخرٍ يفوح بالعنبر. كان الليل وردياً بلون ردائك الذي تقلص كما العرجون القديم من رقعةٍ كانت تسعُ مليونَ ميلٍ. نتمايل برقصة البجع على أنغامٍ أوتار قيثارة جنائزيةٍ لا أعيها إذ أسمع وشواشها مع وقع قدميك، كما يستبين بريحٍ عشرجٌ زجلُ ، نهيم كما المجرات عبر الكون و المارة حولنا شهبٌ تتهاوى كما الفُقَّاع من فرطما ثملوا.. قلبي على و طني ، و بينهما حجابٌ من غشاوات الاغتراب.ساعدايَ خاتمان علي خاصرة الوطن الطري كعجينة حنطةٍ، و مشذبة جوانحه كما أشواك التمر هندي .. كم أخشي عليك الاندثار إلي حفناتٍ من غبار . و لا أخشى في هواك طعنةَ طاعنٍ ، قلتها هامساً في أذني ليلك البهيم ، ثم انحنيت لأطبع على خدك المحمر و شماً بلون مسمارالقرنفل. حتي حلمتُ أن أسلافي بعانخي و تهراقا ينصباني إماماً للمصلين في محرابك. ********(((^^^^^^^)))******** و كفكفتُ عبراتي و فرشتُ دربك بمنديلي المبلل بدمع العاشقين.حتي لم أعد أعرف أيُّ قلبٍذاك الذي كان يدق نابضاً بين صدرينا!نظراتك تفتت قسمات وجهي إلي دوائر من بخارٍ.أنفاسك ترقى إليعلى من مراقي خيالي.إنها هفافةٌ بحيث تهش منابت شاربيحين تمر عليه من حين إلىحين. ألا أيها الليلُ الطويلُ، يامانح الدنيا همساً يمر مراً كبساط ريحٍ و يجعل البوح نشوى و السهرحُمَّى و الهجود عبادة و النجوم نيامٌ تتعثرعلى آثارها قدميَّ بقارعة الطريقِ.. فيندلقُ الرحيقُ!! ********(((^^^^^^^)))********
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(44)
اقتباس المشاكسة الأصلية كتبت بواسطة عادل القاسم مشاهدة المشاركة ود الأصيل ياوي.. الدنيا دي ابتسم ليها بس واعمل رايح .٪٪٪٪٪٪٪٪٪٪٪(((+++)))٪٪٪٪٪٪٪٪٪٪٪٪ ياخي ما عملنا رايحين اللخو وغرقانين في شبر موية عديل، جينا لقينا حقنا كولو راح (في رمشة عين أبعدوك يا حنين!!) *****(((((+++)))))******® # تعرف ي عضولي ، ذات يومٍ تنامى إلى علمي ، و طبعن ، نحنا دايماً ، آخر من يتنامى إلى علمن، أنهم قاعد يوزعون أراضٍ للفئويين في (وادي عبقرٍ أخضرَ، على تلة زعتر). و لكن يبدو أنه كان وادياً غير ذي زرعٍ .
© و بما أنني فئويُّ مثلي مثل غيري الألوف المؤلفة من المساحيق في الأرض ، فقد حزمتُ بقجة أوراقي ، و حقبتُ عصا ترحالي و ذهبتُ مع الذاهبين إلى منطقة شرق النيل، و لميت لي في قطعة واطة درجة ثانية، قلنا:كتيرةٌ على المحنة. كان أول شبر أناله ضمنَ خطةٍ أسكانيةٍ. الشاهد أنه مع تسلمي لعقد ملكية المنفعة المُبرم مع الدولة ، تملكني شعور نشوة بأنني صرت و لأول مرةٍ في عمري (مواطناً) كامل السودنة و ساري الأهلية و كأنما صار لي نصيبٌي تراب (بلدي يا حبوب) تماماً مثلما لجدود جدي بعانخي و تهراقا و ود حبوبة و علي عببد اللطيف و كمنانعبد الفضيل الماظ (مين عبد الفضيل الماظ، بالله في زول بتذكرو ، هسي ؟!)!. ما علينا يخاي،. فالشاهد إني أ:اد لا أُصَدِّقُُ يانني حصلت على صك( شهدة بحث) تفبيد و يثبت ملگيتي لشبر من تراب بلادي. و بقيت لعداگ ماني سائل في أي حد يقدر يسأنلي عن تلت التلاتة كم .***********(((((+++)))))************ @ فا كنت مشخبت لي خريتة بُنْيان كدي كاطحَّا من راسي ساااه و من سنين عَدَداً . علا عاجباني بلحيل لامن شايفا متل خرطة سنمَّار يومو البنا للملك النُعْمان بن المنذر قصر الخَوَرْنَق. علا غايتو أصلي ماني قايل يجي اليوم الممكن تتحول فيه أضغاث أحلامِ ظلوط على خرقة ورقٍ إلى هيكل حقيقةٍ ماثلةٍ على الطبيعة. ياخي لدرجة كنت عاوز لي زول يقرصني عشان أفوق و أعرف أنا وين يا ربي . كنت داسها متل جنا الحرام و مرقتها متل السنسة الحمراء ، أعاين فيها و أتأملو أتكشم متل نار القصب. @ في ألأثناء دي ، قام شافني ليك واحد فلسطيني واقف جنبي. بدا و كأنه مهندس معماري ؛ و دخل معاي عشرة ونسة على عواهنها طقينا حنك لامن قلنا بس .و لا من اطمأن لعفويتي ، تبرع لي بإبدائه لي ملاحظاتٍ فنيةٍ حول عيوب خرطتي الشايلا و التي بخسها لي على أنها لم تكن تَمُتُّ باية صلةٍ و لا ناقة لها و لا بعير ، بهندسة و فن العمارة.
∆ و بالفعل، وجدته محقاً، فطأطأت رأسي الفاضي يعني زي الفاهم، بينما هز لي رأسه و مضى لحال سبيله في عجاله و هو يغالب دموعه فهُرِعْتُ وراءه أصبح به ، و أنوي الأخذ بتلابيبه و كأنه جاسوس قد شم في ثيابي رائحة رجال موساد أو مخابراتٍ مركزيةٍ، أو حتى دواعش ولِمً لا ؟!.عمومن ، فأمام بإصراري على اللحاق به فوجئت بالرجل يمسك فروة رأسه بكفيه و يهم بسحقها و تهشيمها بعرض الحائط و يحدجني بنظراتٍ مغرورقة بالدموع خلف الرموش مكبوتة بي حسرة و ضياع .. ورعشة الكف الخضيب .. مقرونة بي نظرة وداااع جابو القدر في سكتي) . حسسني بحزنٍ دفينٍ لا يقرؤه إلا من عاش مثل مأساته.!
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
لله دَرُّكم أيها المك الهُمامُ. لأأنك جئتَ (باسطاً) يدك إليَّ لا لتقتلني ، و إنما لتأخذ بيدي لكي تدفعي قُدُماً. و بما أننا ظللنا هائمين، لا بل مُنَْزلِقينَ على حافَّة جدار الخَاطِرةفإن شُعُورِي حيالَك و كل مَنْ يَقْرَأُنِي أنه يظل هو منيو أنا منه، على مقربةِ ما بين مِرْآتَيْ رهانٍ، بل هي مرآةٌ واحدة ٌ.. قسمتها عصا الترحالنصفَينِ، لِتَعْكَسَ لي، عن بعدٍ سحيقٍ، تفاصيلَ فسيفساءَبواطن أمري. گأقرب ما توهمني، فتوحي به إلي أضغاث أحلامي، و تهاويم بعض ظني ، حد تشابكبنات أفكاري و تشابه أبقاري. ¶ هذا ، و لواعج الحنين لو عجزت أن ترتق فتقاً أحدثه ألم البعاد ما بين ضفتي نَهَرِ، فحتما سوف لن تفشل أن تضعنا ضمن مزاجية أن نسترق السمع لما يدور من هَمْسٍ على الضفة الأخرى. حيث: {بسمة ٌبالسن.. و نظرة بالعين ، و البادئ دوماً يكون ألذُّ و أطعم. @ و لكنِّي لا أخفي عليك اندهاشي من مواقف بعض الناس مني. إنهم لا يطرحون عَليك إلا أسئلة غبيةً، فيُجبرونك على الرد عليها بأجوبة أشدَّ منها سذاجةً و غباءً . يسألونك مثلاًع( تِفَّةِ) شعرك، لا عما إذا كان تحت تلك القبة فكيأم فأراً ميتاً؟! أو يسألونك: في أي مجال تعمل، لا ماذا كنت تصبو لتكون بارعاً؟!أو يسألونك كم تملك لاعن كم ضيعتُ من عصارة جُهْدِك و وقتك سدىً؟! أو يسألونك عن أخبار المرأة التي تزوجتها ، لا عن أخبار تلك التي كنت ولا تزال تَعشقُها؛ و يُحِبُّ ناقَتَها بعيرُك؟! أو يسألونك :ما أسمك لا ما إذا كان لهذا الاسم شنَنٌ يوافق طبقك؟! أو يسألونك: كم عمرك لا: عن عُمُرِك فيم بعزقته، أو عن شبابك فيم ضيعته ، أو مالك فيم أفنيته؟! أو يسألونك: أي مدينهتسكن لا عن أي مدينةٍ أفلاطونيةٍ فاضلة تسكن وجدانك و لم ترتد أشرعتك شواطأها بِعْدُ؟!ا أو أنهم يسألونك: هل تُصلي لا هل تخشى لومة الله تعالى ، في صلاتك؟!! لذلك ، فقد آثرْتُ فتعودْتُ أن أُجيب على هكذا سخافاتٍ في صمتٍ و بهدء غالباً ما تأتي بعده انفجار هُبُوبِ العاصفة. فنحن حين نصمت نُجبر الآخرين على تدارك أخطائهم حتى لا يستفحل أمرُها إلى خطايا. و من يُعاتِبُني على ذلك قلت له: لا تُؤاخذني، حيثُ إنَّ"يَدَاكَ أوْكَتَا ، و فُوكَ نَفَخَ"
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(46) بالعودة إلى صديقي الفلسطيني فقد سألته بنبرة عتاب: - ماك سامعني يا خي بنادي عليك؟! فجائني رده يقطر حزناً: - أسف و أبدأً و الله يا أخي الكريم ، لم أسمعك مطلقاً!... - سألته : لماذا تركني هكذا و أدبر و استكبر،ثم عبس و بسر: - قال: دعني يا أخ العرب أرد على سؤالك بسؤالٍ عويصٍ؟ - يا زول ،ما في أي مانع بس تفهمنا حكايتك شني ، مالك زهجان! - أولأً ، هلا خرَرْتَ يا أخي ساجداً شاكراً لأنعم الله على أن حباك بوطنٍ حدادي مدادي و يكون لك فيه رقعة أرضٍ لتشيَّدها ولو بقصور من الرمل!؟ في الحقيقة، لا أملك سوى القول بأن سؤاله ذاك قد فاجأني و أربكني لمان ظاتو دخلني في حَيْصَ بَيْصَ من الإحراج و الخجل و..قلت مجيباً: لا و الله لم أفعلها قط من ذي قبل ، و لكنك لو مُصِر عليها شديد، نسجد هسي دي و مالو! قال: إذن عليك أن تخر الآن ساجداً أمام كل خلق الله، معلناً على رؤوس أشهادهم أنك مَدينٌ لربك بنِعَمٍ إن تُعَدُّ فلا تحصى .فوالله إن قيمة أن يكون لك مأوىً و لو كان بيت نملٍ ، لهي أعظم نعمةٍ، ناهيك أن يكون لك وطن مترامي الأطراف، و لو كان مصاباً بغرقرينة تبتر من أطرافه شيئاً فشيئاً. أخذت الرجل في أحضاني و إحساسٌ لا يقاوم بالعقوق يغمرني ،إذ تذكرت كم مرةٍ شاهدت جرافات بني صهيون و هي تهدم بدم بارد بيوتاً و صوامعَ و بِيَعاً و وصلواتٍ و مآذن يذكر فيها اسم الله كثيراً بين يدي عويل النساء و ذهول الرجال! و كم تداعت إلى مخيلتي صورٌ لحالٍ باتَ من بعضه في عديد من بقاع الدنيا عربيها و أعجميها كلهم في القهر و الهم سواء فبنيان لا تهدمه جرافة الصهاينة تجده لا محالةً خاوٍ على عروشه بأيدي أبنائه، و لا حتى بيد عمرو ، جراء هرج و مرج لا يبقي و لا يذر...فاللهم نعوذ بك من علمٍ لا ينفعُ، و من قلبٍ لا يخشعُ، و من بُطونٍ لا تشبعُ، و من عيونٍ لا تدمعُ، و من وطنٍ نراه يُطرحُ فلا يُجمع ُ،و من دعاءٍ لا يسمعُ فلا يستجاب له. اللهم آآآآآآآآآآآآآميييين!! *****^^^^^*****
فَمَنْزِلِيَ الفَضَاءً و سًقْفُ بًيْتِي** سَمَاءُ الله أو كٌتًلُ السَّحَابِ فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(47)
® هَمْسُ البُعادِ عبر الفيافي و الوهادπ√ *******^^^^^******* © عبر شريط الذكريات و بوح قرين الذات للذات في جوف ليلٍ طويلٍ لا ينجلي ، و إذا انجلى، فبصبح ؛ و ما الإصباح منه بأمثل. و الذكرى إكسيرٌ يربط كل طائرٍ مرتحل عبر البحر..فاقد الأهل و ربما سيعود يوماً ليجد مكانه محفوراً على قسمات وجوه العابرين..تُهامسها دوزناتٌ من أوتار الحنين.
@ نريد تجريد ذو اتنا من غشاوات تضرب حاجزاً من الصمت بيننا و بين بيادرَ عطشى، ننقش ليها حروف الريد ناصعة كحبات الخرز علي أجنحة حمائم زاجلة. تظل تجوب كل مجاهل الغربات إلى أن ترسو هناك لديها..و تبوس يديها
∆ و تلقى العشيرة بتشتغل منديل حرير گبيييير.. لحبيب بعيد خلاها أوهن من بيت عنكبوت و فارق دفء أحضانو.. جحيمٌ ما هويناه..و لكنّا قبلناه برضا على عواهنه.. لعله يعزينا كلما استرجعنا وقع خطى مشيناها ذات يوم ٍفي شعابه .عابري سبيلٍ في حنايا الشوق!! فصبرٌ جميلٌ و الله المستعان على ما يصفون!
[} يا أيها الوطن الجريح متى يعود خرير الدم مدراراً في ثنايا عروقك؛ و تعود كقبطانٍ أضناه عناء البحث عن حطام قاربه المهشم .حتى تلم شتاتنا كقراصنة كلٌ جاء يحمل غراباً على كتفيه!!
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(48) @ لقد بات قلمي يزرع نطف مداده خبط عشواءَ، جيئة و ذهاباً بين السطور على صفحاتي ، دون أن يسجل شيئاً يذكر. كحال طاولةٍ عرجاءَ فقدَتْ إحدى سيقانها ذات عراكٍ عبثيٍ في ملهىً ليليٍّ.. أو ذات زحامٍ في حلبة صراعٍ للثيران.
® و رحتُ أنفض غبار نور الذاكرة من على شرفةٍ مائلةٍ في ركنٍ قصيٍّ لنثر الخاطرة. و جئتُ أحمل فوق رأسي رغيف خبزٍ يأكل النمل منه..و على كَتِفِي خارطةٌ مطويةٌ دُسَّت بين سقط متاعِي.. لوطنٍ كان عملاقاً، بيد أنه بات مصاباً ب(غرقرينة) عنيدةٍ في كافة أطرافه، ظلوا على إثرها يبترون في كل مرة ربعاً خالياً من ربوعه الشاسعة الممددة على رقعة قارَّةٍ. حتى أوشك أن يصبح قزماً أو قرداً أعمش.كأن سيرة ذاتي بقعةدمٍ كذبٍ دُلقت على قميص خنزيرٍ برٍّيٍّ ..و ظلت تتمدد على طرقاته. و طرت أبحث عن مرلفئ غرباتي في محطات ترانسيت لمطاراتٍ و موانئَ علها تقبل عذراً لي أقبح من ذنبي.. لدخولها بدون ثبوتياتٍ. و لدى خرجةٍ خرجناها منذ نيفٍ و نيفٍ، و ربما لا نعود بعدها أبداً ونحن في ظلمات يضائلُ بعضُها بعضاً، في همٍ لجي حتى إذا أخرج أحدنا يده لم يكد يراها.
© فتروح أصابعك تفرك عبثاً في عينيك، علَّهما تدران لك بقطرة ( دمعة حزنٍ تسكبها فوووق ذراعك). لكنهما تجمدان و لا تجودان و لو بشيء ذراً للرماد على الدقون. و لكن لا ضير فإن أسقطتني الخطوب فذاك شأنها، و شأني أنا أن أسقط منتصب القامة. ∆ أمشي، و أنا أمشي.و أنا أمشي سمهري القوام، حتى لو كلفني ذلك شرخاً أبدياً في ظهري أو أن أموت دونه واقفاً كنخلةٍ حمقاء. أقول قولي هذا و أنا شاردٌ بكل ذهني في كلمات أمير الشعر و الشعراء شوقي: عصفورتان في الحجاز حلتا على فنن في خامل من الرياض لا ندٍ و لا حسن بينا هما تنتجيان سحر اً على الغصن مرّ على أيكهما ريحٌ سرى من اليمن حيّا وقال درتان في وعاء ٍ ممتهن؟! لقد رأيت حول صنعاء و في ظل عدن خمائلاً كانها بقيةٌ من ذي يزن الحب فيها سَّكر و الما ء شههدٌ و لبن لم يرها الطير و لم يسمع بها إلا افتتن هيا أركبا فنأتها في ساعة من الزمن قالت له أحداهما و الطير منهن الفطن يا ريح أنت ابن السبيل ما عرفت ما السكن هب جنة الخلد اليمن،،،،لا شيء يعدل الوطن!! صدر تحت توقيعي بكامل قواي العقلية المعتبرة شرعا و قانونا،،،،
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
(49)
/نجوت و فزت و رب الكعية //
® و أما عني, شخصياً، و بما أن عُمْر الشقي باقي، فلقد نجوتً كثيراً لأعيش, ككلبٍ بسبع أرواحٍ ، فقط ، لأن طلق عيار نارياً عشوائياً كثيراً ما مر قريباٌ جداً من شحمة أذني ، أو من بين فخذَيَّ ، أو تحتَ إبطي، أو فوق ذراعي، دون أن يستقر في تمرة خافقي . كما لم يَشُجّني جلمود صخرٍ طائشٌ حطه السيل من علٍ ،على فاخورتي.
@ و نجوت أيضا، لأن سائقَ ناقلة جندٍ تنبه ذات وخزة ضمير أفعى، و في آخر لحظةٍ، لوجود طفلٍ رضيعٍ يئن بين مؤخرة مجنزرته و بين جدار فصلٍ عنصريٍّ عازلٍ، كانت توشك على دهسي ثم سحقي معه ، فحقن دمي و لا أدري لماذا، من خطر محقق؛ لأعود ك(تابوت موسى) إلى حجر أمي اليائسة، كي أجد قلبها بات فارغاً، و هي تقلب كفيهابأسوأ الفروض على جمر الخوف و الرجاء . فحمداً كثيراً على أيةحالٍ ، لمن لا يحمد على مكروهٍ أبداً سواه: إذ كم مرة يومياً يموت أحدنا و لم يُلْقِ بلاً. و كلما مات أحدنا و تنبه، كلما استأنف التهام الحياة بشَغفٍ و لهفـةٍ و شراهـةٍ كحبة خوخمخستكة،أو كتمرة (دفيق) ساقطة من غصنها. فلا وقت طويلاً للخوف من مجهول، ما دامت الدنيا، و هي أنثى مغرورٌ فيها كثير من الناس؛ و كثير حق عليه العذاب. وهي مشغولة عن سكرات الموت بتجديد صباها و فجورها و تقواها، و على مرأى من المساحيق في الأرض،،،
«« التوقيـــع/ ود الأصيـــــــــــــل »»
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
ود الأصيل الترحال لا يقف عقبة امام التواصل والكتابة والتكنلوجيا الحديثة تتيح لك مواصلة الكتابة وانت بين طيات السحاب ولذا نرجو أن لا تغيب عن المنبر لان غيابك سيكون فقد كبير للقراء من اعضاء المنبر ومن غير الأعضاء..بلاش تفارق..ود الكنزي مش تجي تقول حاجة لصديقك مع وافر التقدير
| |
|
|
|
|
|
|
Re: © من شر البليلة ما يفقع من الضحگ π√ (Re: امتثال عبدالله)
|
{ 50} [}> ودع هريرة إن الرگب مرتحل و هل تطيق فراقا أيها الخبل؟!! لا بل، هل لديگ خيار سوى ال(امتثال) تشبثا بشرف البقاء هنا؟! أمام طلتگم الرشيقة, گما الحسن أسفر بالحجاب; قمر توشحَ بالسَحابْ; و غَبَش توغل, حالما, بفجاجِ غابْ; فجر تحمم بالندى ..و أطل من خلف الهضابْ; [}> الورد في أكمامه, ألق اللآلئ في الصد فْ. سُرُج تُرفرفُ في السَدَفْ, ضحكات أشرعة يؤرجحها العبابْ; و مرافئ بيضاء تنبض بالنقاء العذبِ من خلل الضبابْ;
[}> من أي سِحرٍ جِئت أيتها الجميلهْ!؟ من أي باِرقة نبيلهْ!؟ هطلت رؤاك على الخميلةِ فانتشى عطرُ الخميلهْ!؟ من أي أفقٍ ذلك البَرَدُ المتوجُ باللهيبِ, و الشمسُ الظليلَهْ!؟ من أي نَبْعٍ غافِل الشفتينِ تندلعُ الورودُ؟! من الفضيلَهْ!!!
[}> هي ممكنات مستحيلهْ قمر على وجه المياهِ, يلُملم شعثهُ العشب الضئيلُ و ليس تُدركه القبابْ; قمر على وجه المياه سكونه في الإضطرابو بعده في الإقترابْ; غَيب يمد حُضورَه وسْطَ الغيابْ وطن يلم شتاته في الإغترابْ; روح مجنحة بأعماق الترابْ و هي الحضارةكلها تنسَل من رَحِم الخرابْ; و تقوم سافرة لتختزل الدنا في كِلْمتين : (أنا الحِجابْ )
[}> الحُسْنُ أسفرَ بالحجابِ فمالها حُجُبُ النفورْ نزلت على وجهِ السفورْ؟! واهًا أرائحة الزهورتضيرُ عاصمة العطورْ !؟ أتعف عن رشْفِ الندى شَفَةُ البكورْ ؟!أيضيق دوح بالطيورْ ؟
[}> يا للغرابة- لا غرابهْ يا بسمة ضاقت بفرحتها الكآبهْ; يا نغمة جرحت خدود الصمت و ازدرت الرتابهْ; يا وقدة محت الجليد و عبأت بالرعب أفئدة الذئابْ; يا عِفة و طهارة بينَ الكلابْ;;;;;;;;;;;;;;;;;;;;;;;;;;;;;;;;;;:;;;;
[}> يا لستُ غانية و كأسا;;; نَعلاكِ أطهرُ من فرنسا كلهاجَسَدًا و نفْسا; نعلاك أجْملُ من مبادئ ثورةٍ ذُكِرَتْ لتُنسى; مُدي جُذورَكِ في جذورِكِ و اتركي أن تتركيها; قري بمملكةِ الوقارِ و سَفهي الملِكَ السفيها;;;; يا حرة ما دامَ صوتُكِ مِلءَ فيگ. و جميلة ما دُمتِ فيها;
[}> هي مالَها من مالِها شيء سِوى (سِيدا *) بَنيها !هي كلها ميراثُكِ المسروقُ: أسفلت الدروبِ,حجارةُ الشرفاتِ;;;; أوعيةُ المعاصِرْ..النفطُ , زيتُ العِطرِ ,مسحوقُ الغسيلِ; صفائحُ العَرباتِ ,أصباغُ الأظافرْ .خَشَبُ الأسِرةِ , زئبقُ المرآةِ; أقمشةُ الستائِرْ .غازُ المدافئِ , مَعدنُ الشَفَراتِ ,أضواءُ المتاجرْ; و سِواهُ من خيرٍ يسيلُ بغيرِ آخِرْهي كلها أملاكُ جَدكِ في مراكشَ, أو دمشقَ أو الجزائِرْ;
[}> هي كلها ميراثك المغصوبُ فاغتصبي كنوزَ الإغتصابْ . زاد الحسابُ على الحسابِ و آنَ تسديدُ الحسابْ; فإذا ارتضتْ..أهلاً ,و إنْ لم ترضَ, فلترحَلْ فرنسا عن فرنسا نفسِها, إن كانَ يُزعجُها الحجابْ;;;!!!
® حاشية: [}> (سيدا) بنيها، لعل الشاعر أحمد مطر يقصد تعريبا لعبارة (CIDA) من الفرانگفونية، و هي ختصار لمرض نقص المناعة المگتسبةأي:(الأيدز) يضرب أطنابه بتلگ الإمبراطورية العجوز، و يفتگ بشبابها؛ و هي تحارب الحجاب بوثفه أيقونة دينية و نذير شر للتعصب ،التطرف و الإرهاب،إلخ.
(عدل بواسطة دفع الله ود الأصيل on 12-22-2017, 05:34 PM) (عدل بواسطة دفع الله ود الأصيل on 03-11-2018, 09:23 AM)
| |
|
|
|
|
|
|
Re: © من شر البليلة ما يفقع من الضحگ π√ (Re: دفع الله ود الأصيل)
|
ابداع وروعة ولا شك،، يعجبني ان الحروف العربية تاتيك طائعة مختارة تشكلها وتعجنها وتصوغها سطورا يمكن وصفها بالسهل الممتنع،، سطورا تشع وهجا ونورا وحبورا،،،تسيطر على حروف اللغة العربية، والتي يصفها البعض بانها من سلسلة اللغات الصعبة والصعيبة، كما كان شكسبير يسيطر على حروف اللغة الانجليزية، وسنغور على حروف اللغة الفرنسية،،،فمنكم نتعلم ،، مع وافر التقدير والاحترام
| |
|
|
|
|
|
|
Re: © من شر البليلة ما يفقع من الضحگ π√ (Re: امتثال عبدالله)
|
يا امتثال انت خليتي حاجة تتقال عن ودالاصيل؟ قولك جواهر وذهب لا تجمعني اي معرفة او علاقة أو صلة بود الاصيل ولو التقينا في مجمع لن يعرف احدنا الاخر ولكن عطر كلماته الفواحة بالمنبر اجبرتني ان اتخذ مجلساً في حديقته الغناء وكنتُ مصاباً بالتعب والحمى فاذهب حديثه عني وعثاء السفر وكأبة المنظر وانقلبتُ لأهلي مسروراً وبحمل بعير من المشاعرالانسانية التي تريح القلب وتنظم ضرباته وحفاوة بود الاصيل افترعت طرحاً لانه وصف لي المنبر وصفاً لو بقينا مئة عام لمهتدينا لمثل ما قال. فقد قال واصفاً المنبر بما قل ودل لك والود وانت تتجولين في هذا المنبر وتكادي ان يكون حضورك فردا من بنات جنسك مودتي لكلاكما وإن عدتم عدنا
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
( 55) تماطيق [}> طيب و نحن مارقين على التيگ أوف، خلينا نختم ليگم الجزئية دي بواحدة قريبة من أجواء بين طبات السحاب.
[}> دا زول لهفان و شرفان لامن موبالغة. النوع البقول لأمو:( يا جماعة رصو لبنا الغدغ) ففي الطيارة المضيفة جابت الوجبة ختت ليهو الصيينة فيها شوية (لغاويس گدي، ما تبل الريق)، فال إيه؟! گطعة رغيف سغيرة (گورواصان) تتدول في اللهاء، وحبات رز و لحمة مارتديلا رهيفة ه، گان عاينو ليها براها تتلاشى، و تلات حبات فول صوبا في صحي أم امين و معاهن الموية زولك خمشهن لهمقن كولهن شفطن ليگ في لهمة فرد واحدة و قال ليها: آاي. يا زولة ، الشيء دا نجض طب يلا خلاص اغرفي ياي ، بعد دا .
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(59) ® عمرة و گبت زوغة في أركويتπ√ الطيب ود رحيمان كان ماشي نوظام حجة و عمرة و بي تحت تحت گدا في البال نية زوغة. مشى قدم أوراقو في مكتب في أركويت و التأشيرة اتأخرت الطيب يوميا يمشي الوكالة وبتاع الوكالة يقول ليهو لسة ما طلعت تعال بكرة الطيب بكرة يمشي ليهو وبرضو لسة ما طلعت المهم الموضوع طول و الطيب يوم سخن في الزول قام بتاع الوكالة حاني في حالو قال ليهو والله يا الطيب لي مراد اجيب ليك الكعبة في اركويت هنا و لا حتى في أمبدة دي عشان تحج و تعمر يا الطيب و ترتاح ساااه . الطيب قاليهو: هي ونان آ اللخو و أزوغ ليك وين ، في الصحافة زلط؟!! يعني و لا في ناس أمبدة كرور و أب نيران؟! ههههههههههههههه 😂😂😂😂😂😂
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(62) @ برضو دا واحد سطلنجي ، متلحنو ليك ناس الفبريق شفاقنين عليه دايرن يستأجرو فيهو يوصلوه المسجد بأي طريقة و بعد داك يفكوه هناك. و إن شاء الله بعد داك بتكون أمرو طيبة.
# المهم و كتين النقة كترت عليه زولك قام يومو داكأظن فجأتن كدا نزلت عليهو نوبة هداية كدا من ربنا ساي(زي فجة الموت) و لا جاه مزاج كدا يمش لصلاة العصرفي المسجد. فأول ما سمع الأذان طوالي مرق مشى قال : يعملا ليهم مفاجأة سارة و كدي .
# الشاهد، لاامن فتح الباب هناك لقى ليك كمان جماعة الدعوة التبليغ ديل خارجين ليك في الجامع ، و ماخدين راحتم على الآخر ، بهنا حلل ملحاتم تجقجق، و واحدين بهناك مغسلين سراويلم و شارنها فوق الحبال. فما كان من زولنا ، و أصلاً براهو متحيل، إلا إنو جاء منسرق مارق براحة و قفل الباب وراهو و يلا من حيسو انزغم فات. أها جماعتولاقوه ليك يا دوبك جايين لحقين الإقامة فما صدقو لقوهو سابقم ، قالولو بي فرحة شديدة:يا جودو خدر عودو، بالله اللليلة دي عملتها كيف ، كمان بقيت حمامة مسجد مرة واحدة كدي من قولت تيت؟!! قاللهم : حمامة مين ياخوانا، كدي أبقو راجعين ، هداك جامعكم ظاطو هدي جيتي منو لقيتو مأجرنو لعزابة.
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
® من طرائف بيوت العزبةπ√ (63) من طرائف بيوت العزابة.
(هبشات ما قبل جر االبطانية) ® ديل عزابة شىرامة بتاعين ربة. بس معاهم واحد كدا زول الله في بلد الله. و على العلينو ألتغ ( ألجن).
© فيوم عصروه قالولو الليلة أصلو ما بنخليك علا تورينا اسم الحنان بتاعك منو. لاكين حلف بي التكطعو ما يجيب اسمو و قال: " لا لا خايف الهوى يقسمو" يلا بعد تحانيس و مسك كرعين؛ حتين قبل على مضض ينطق حرف فرد واحد (بث) من اثما. قالولو يلا خلاس قول و خلصنا. و برضو تاني قعد يتنحنح و لامن جاتو ع شراقة و ياااا الله حتين فتح خشمو ، بعد سل روح. قالهم : اثما ، إثما؛ يلا اثمعوني ثمح عشان تاني أثلي ما بعيدو. إثمااا إثماااااا( فاطنة بت عبد القا...) أها ، ما خلاس ارتحتو؟!!.
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
® من طرائف أهل الفن π√ {64} ® من طرائف أهل الفن π√ ©عندليبنا الأسمر الراحل/ زيدان إبراهيم گان يتمتع بروح مرحة لا تقل فگاهة عن فرفشة أبو داؤود ، رحمهم اللله جميعاً بذگر زمان يوم استضافوه في برنامج منوعات(مطرب و جماهير) فقبل وصلة الغناء، بدأ تعارف على خفيف ؛ قال:الاسم: طبعن غني التعريف ؛ من أبناء أمدرمان، حي العباسية ؛ بيتنا جوار جامع (مرفعين الفقرا). و أضاف:"طبعن أول مرة تسمعو بأنو أوليانا الصالحين عندهم مرفعين". علا ما تخافو، ما بعضي.
∆ الشاهد إنو زيدان بموت الأكلات الشعبية. ففي ست طعمية مقرر ليه عندها طلب ثابت يوماتي ترجيه ياه متين ما يجيها راجع، إن شاء الله كان لآخر الليل. فيوم جاي مساهر غشاها يشيل مجعولو. قالتلو: و الله ي ولدي شايفاك أتأخرت؛ و جاني الاسمو/ الأمين عبد الغفار دا اندرع فيها خماها شالا گولها. فزيدان عمل زعلان و قال ليها: ي حجة، هو العربي دا "يشيل الريد ؛ و يشيل ودو ؛ و يشيل نفحات عبير وردو" دا كلو عرفناه ، بس كمان شن سببوالمسلطو علي طعميتي يخمها جت عليها؟! عمتك الظاهر تفتيحة، قالتلو: هي و نان ي ود أم الحسين يا ولدي، و إتا كمانحتك ماك مقصر. تحين وكتين" في الليلة ديك شلت الجراح و الابتسامة و كل حرمان اليتامي؛ تحين في زولن سعلك؟! فسقط في يد زيدان إبراهيم و انصرف ضاحكا. قال ليها :ي ولية. إتي ست طعمية فعلن ؛ و لا تكوني شاعرتنا الجميلة/ حكمت ياسين بس متنكرة؟!!
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(65) {47} ® و دي حكاها ناصر أدروب في النيل الأزرق لأسرة اليوم الأول في العيد. قال زمن شباب فب كسلا يوم مشينارحلة للسواقي الجنوبية. فعملنا برنامج (قبعة) بأغاني خالدة لناس عمنا علي إبراهيم عشان غنى لكسلا الوريفة الطير الخداري و زبظان طبعن (أبو الدقيق القاش).
¶ فكتبنا عدة أغنيات في وريقات و طبقناهن صغار كدا، نظام بخرات و قلنا: يلا، كل زول يفتح بخرتو ؛ الأغنية البلقاها لازم يغنيها لينا. ففينا واحد طيبان كدا كان بيموت في زيدان عديييل. فما صدق لامن فتح البخرة لقى ليك أغنية "ما هماك عذابنا. لا دموعنا و شقانا" بس ضرب جبهتو بي حسرة شديدة و قال: علا لاكين ناقصة ياخ! قلنالو شني ياخي الحاجة الناقصة ؟! يلا قعد يتهوزز و يقول: أيا يا يا يا يا يااااه. بالله زيدان دا ضحك فيها لامن شرق ؛ و لحقوه بي كباية موية.
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(66) طيب قبال نمرق من حوش أهل الفن ® دي من طرايف ملك العودπ
® الياقوت عبدالعظيم ياخ يجازي، محنك و تراني ماني ختيان عليك أكان سيحت ركبنا معاك بالضحك.
© ياخ دي طويلة جدا، بقدرما هي مشوقة. بس ي ريت لو تجازف لينا جزء تاني و تالت إن شاء الله تنجرن هسي، گطع أخدر .
¶ اصبر ، تحين قوت لي يعني" گسرة يا بو علي و كدي ، موش" !؟
¶ طيب، بمناسبة عمنا ملك العود/ الراحل حسن عطية، و نحن بنترحم عليه و بنحيه من هنا، طبعن قالو كان عندو تاكسي شغالبو طرحة من أبو جنزير للخرتوم نمرة (2) و بالعكس. فمرة قالو : راكب معاه واحد مقندف كدا؛ و قام عمك شغللو شريط بأغانيه، فأول ما فتح خشمو بدا بي"خداري البي حالي ماهو داري" الراكب قاللو بالله عليك الله تقفل لينا العواليق البنيص دا. قام عمك طنقر زعل؛و جنب فجأة وقف و قاللو:عواليق أنا ي معفن، طيب هاك قروشك و اتفضل انزل.
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
® رب ضارة نافعة جدن £ {68} ® رب ضارة نافعة جدن £ دي حافلة قايمة ماشين بها لمشوار عزاء . و الجماعة جو ليك اتشعبطو إدررعوهها متل الزرزور؛ غلقوها ليك في ثوان معدودات. علا واحدن أخويا لينا كدي ظروفو ملكلكة شوية و حالتو بالبلا: عراقيه مشرط و سفنجتو مربوطة بي دلقون متل سن الورم أها جا جاري لاحق الملح داير يركب يمش يشيل الفاتحة مع الجاعة ، قامت لسوء أو بالأحرى حسن حظو النعال تگ انگطعت قفلتا ليك معاه للطيش، فا لامن دنقريصلحا و رفع را سو لقا الحافلة فوووو قامت خلتو فيمحلو. فتولى إلى أقربضل حيطة و يلا بس صنقر يسب و يلعن في ضلو و يندب في حظو العاثر دوما. ¶ لاكين و بينما هو على حالته ذاك. إذا يخبر مفجع ورد للتو، بأنو الحافلة قبال تطلع الظلط و تمسك الدرب سمح ، انقلبت و گتلت لها 5 تنفار و جرحت الباقيين. فالناس هبو لنجدتهم بين ثكالى و مواسين. ¶ علا بس زولنا الطيبان داك ، بس مسك سفجتو وقعد يسلم عليها ، بفرحة هستيرية عارمة ؛ ما فاضل علا يلتهما يبلعا بحذافيرها و قعد يناجي فيها: " أنا بشكرك انتي ياخ من جوة قلبي الانگطعتي لي في أسعد لحظات حياتي!؛ و لو لاك كنتا أروح فيها شمار في مرقة! و هلم جرا.
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(70)® رومانسية شرم برم π√ {48} ® واحد طيبان و على نياتو. زول أمسك لي و النكطع ليك ساااه. يوم طالع مع ختيبتو لمطعم؛ و ساقو معاهم اختو تفتيحة.فطوال قعدتم و اللخو متبلم و صانين ساكتين، في ترقب حذر.
¶ الختيبة لامن حست بالملل و تقالة الدم مشت الحمام. قامت أختو لكزتو قالت ليه: ها العوقة، التلقوقة دا، مالك متنح، إتلحلح قول أي حاجة. - قالها:أسوي و لا أقول شنو يعني؟! - ياخ خليك رومنسي كدا و دلع البت بشوية بكش؛ ما تحرجنا. قال. سمح اصبري؛ بظبطا ليك! فمن شاف ختيبتو جاية راجعة قعد يخفف دمو ، و يصفق ليها. و هي عاد ما صدقت ؛ قعدت تتبسم و قالت: هييي ي جودو..الليلة خدر عودو. يلا أبو الهول نطلق و أريتو كان ما نطق: - وينك ي عسل، يا أرض أحفظي ما عليكي.الظاهر قمرنا ، خلاس مشى {بال}و جانا يتكشم متل نار القصب.(أختو دي لامن دخلت في أضافريها) ياخ، ينعل أبو الزفت ظاطو؛ أهو كدا الدولدماسية الشعبية و لا بلاش!!!!!!
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(72) ® نظرية "كيف تصنع من أيقونة الفشل شربات " £
{ 51} ® نظرية "كيف تصنع من أيقونة الفشل شربات " £
¶ حصولك على شبه رسوب، بتقدير (د) في مادة ما.. لايعني رسوب فقد يكون سبباً في كتابة نفس الحرف بالجانب اليمين من اسمك مستقبلًا (دكتور)
¶ و لا تزعل إذا كان تقديرك في مادة في الجامعة (مقبول ) .. لأن الله إذا أحب عبداً كتب له القبول في الأرض.
¶ و أما الإمتياز لم ترد في الكتاب والسنة إلا في آية واحدة "وامتازوا اليوم أيها المجرمون "
¶ طبعن ، دا واحد ساقط بحاول يقنع أبوه بجدوى خيبة الرجاء و يباب الأمل�� © صدق أنا ظاطي لامن قربت اصدقوا؟!!! ����������������
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
® رومانسية زي محنة كتكت£ {73} ® رومانسية زي محنة كتكت£ © في الحديقه العامة بمتنزه المقرن العائلي...و علي بساط العشب الأخضر جلسا يتسامران في جو شاعري (جو فول عديييل)..كل مرة يقطع ليها وردة و يهديها ليها(نظام بتحبني ..و لا ما بتحبنيش)؛ ثم يقبض لو فراشة مزركشة كدا، و يناولا ياها، تعبيرا عن حبه الخرافي...
¶ حتى إفترقا..ثم إتصل عليها بعد يومين: ألو, كيفك ؟ آها نتقابل بكرة في نفس المكان، ياخ ، أ نا حاسس من هسي إ ني مشتاق ليك شديد!
¶ قالت ليو : آي ، سمح بقابلك. علا لكن ، شوف آللخو، عاد خسمتك بالله ما تنبطح لي هنا مغرود عويناتك؛ وتنش في ا لنجيلةلامن تملأ لي طرفي دا قش؛ و لا تقعد تساكك لي في أبو الدقيق طول النهار ؛ و ترجعنا أهلنا متراوحين بطونا يصوصن و مكوفرين من الجوع.. و بعدين ترقدنا بايتين القوا.
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
{ 75} ® الحسنة في المنعول... π√ز ® الحسنة في المنعول.. متل الشرا في القندول€âˆڑ © عمتك قلبا حار.. النوع الحمش و گان حفيانة ، فوق النار تمش..جات تركب باص الوالي ما لقت كرسي فاضي و لا في زول هببا قام ليها.. فاضطرت تمسك لها في شماعة و وقفت تطوطح.. علا في حبشي طيبان گدي حنا في حالا قام ليها على حيلو عشان تقعد.. علا زولتك قبال توهط صلوبا سمح ، قبلت لك على الباقيين فتحت فيهم صوايخ نبز أرض جو: _ اصبرو لي إنتو يا جنيات البلد دا . عاد بقيتو رجال التابة.. حليل ناس عشا البايتات و موقنع الگاشفات .. أخوان فاطنة.. البدرجو العاطلة. علا إتو يا الما بتختشو.. المعنى لامن يقوم لي الحبشي دا أب لسانن أغلف.. و ريحة صونان أباطاطو متل التيس.. و إنتو.. إنتو منجعصين گل واحد لاصق حنگو في حنك واحدة ممصرنة متل الصارقيلة.. و تنسنسو.. بتقولو في شنو.. و ما بتجوني تقعدوني؟! تجيكم يا يمة الطاوية حبالا.. و شادة رحالا، ضقلا يكركب!!
© طبعن الحبشي الكلام دا ما رضاهو أبدا، و قعد حتو يبرطم .. محمبك من حرگات الجولگؤنة أم لسانن فاگي دي.. فعبر عن مشاعرو على حسب فهمو المشاتر لمثلنا الدارجي:
¶ - فقال بگل براءة :" و الله ياهو دا ظاطو مثلگم البقول: حسن المنعول يشتري قندول"
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
® محنة بايريكسπ√ {16 } (77)® محنة بايريكس د€ âˆڑ
دا واحد عامل فيها مطوع متشدد قال لأختو( البايريكس) بكل براءةٍ و عفويةٍ لقد غضضت بصري عن جنس النساء كي يغض الرجال أبصارهم عنك : فراحت مقبقباه ليك وقالتلو بآخر نفس : شاحدة ليك ربي داك الفي سماه يعميك جد جد.. يخليك ( ليسة) أتاريك أصلك من يومك عارض. عامل دقنك الزي التيس دي و تاريني أنا زمني ديا كلو قاعدة أقول لنفسي: البورة المصاقراني دي من شنو؟ إلاهي يجازي الكان السبب.
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
{78} ® تور الوزير (دقس) π√
® في إحدى الملحيات بجمهورية موزنا الگضبن گاضب. حضر وزير بموگبه المهيب لقص الشريط إيذانن بتدشين بعض المشاريع (اللاحضارية)بامتياز. و قد خرج لاستبقاله جمع غفير من جموع أهلي {الغبش أبان مسوحن موية}؛ تتقدم صفوفهم الهادرة ، بطبيعة الحال جوقات شرف متنفذة من زبانية(هؤلاء).
© و جيئ بعجل حنيذ ، فذبحوه أمام معالي الوزير ليتطفره و يمضي إلى قص الشريط، وسط تكبيرات (الله أگبر) و تهليلات (هي لله و ما لدنؤا قد عملنا).
¶ و لامن جو ناس{قريعتي راحت} شايلين مواعينم يمنون نفوسهم ااجوعىبي (عضة العمر) ، لم يتهنوا بشيء من ذلك/ و قيل لهم: ( يا عشمان في الودگة من دفرنش النملة، ترا ، حرمت عليك الرشوشة).
¶ إذ سرعان ما حضر عتاولة شداد من بلاطجة النظام و حملو التور المذبوح و بدمه المسفوح، عائدين به أدراجهم إلى حانوت صاحبه (الجزار) و الذي استأجروه منه خصيصا لتمرير المناسبة على عين معالي وزير (الغفلة) ؛ و الذي تم على شرفه تقييد فاتورة بثمن ذاگ التور (الماسورة) و گلو من جزلان الدولة. فااا شايف گييبيف ،بالله؟!!!
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(80) بوبار حبوبات حناكيش من الألفية الرابعة (منقول) [}>سامحونا يا جماعة و الله لو لا خشية الملل وضيق ذات الوقت مع قرب دخول الأشهر الحرم ، لأوساعناكم نضماً و أخبارا عن حبوباتنا في الأزمنة الغابرة ولكن قلنا لا بأس بمرور سريع( خم رماد) قبل أن نشد رحالنا.
[}> فتعالو هذه المرة نخترق جدار الزمن باتجاه المستقبل .. لنتصور حياة حبوبات الأزمنة القادمة بعد سنين ضوئية إلى أن يرث الأاله الأرض ومن عليها .كحبوبات الألفية الرابعة مثلاً والألفيات التي سوف تليها، ثم التي تليها، حبوبات آخر زمن!!!!!!!! كلام عجيب في ذلك الزمان حتماً سوف يتغير كل شيء.. ستبلغ حبوباتنا درجة عالية من التشرب بمعطيات التكنولوجيا.
[}> فهيا لندخل في عالم حبوبات الألفية الرابعة..قالت حبوبة (نانسي) مخاطبة حاجة "شاهيناز" التي كانت منهمكة في فرك البامية المحورة جينياً!!!!! - والله يا شاهيناز ياختي أنا ما عارفاك بتفركي كيف بي (مفراكة الليزر) دي الناس بقو يفركو بي (المفراكة الكهرومغناطيسية . فقام ردت عليها حبوبة (نانسي) وهي تطفئ البوتجاز الذي يعمل بنظرية الأوتار الفائقة: - نسوي شنو يا بت أمي نحنا لسه ما دخلنا في عصر الصرخة العلمية لكن أسكتي ساي ما وريتك أمس حاجة هيام بت هيثم ود لؤي عملت شنو؟! .. نططت حاجة شاهيناز عيونها تهيؤاً لاستقبال الشمار وقالت: - مالا ؟! .. أنا عارفاها دي زولة عندها (ضلالات عدمية) تلقاها سوت ليها عملة كبيرة!! أجابتها حبوبة نانسي: - أمس مشيت ليها البيت كنت دايرة لي (ثالث كرومات السايكوبالتيك) عشان ألون الخبيز .. لقيتا ليكي ماسكة (اللا بتوب) بتاعا وعاملة (شات) مع واحد عجوز من (هضبة التبت) .. تصوري المرا الما بتخجل دي! .ثم إمعاناً في هذه عشرة (النميمة الإلكترونية) قالت حاجة شاهيناز: أنا زاتي المره دي) بقيت مكجناها) مما سوت لينا القهوة في الجبنة الصانعنها من (معدن التيتانوم) ، يعني المتخلفة ما سمعت بي (جبنة الألياف الضوئية؟ ) ولا شنو يعني؟! أضافت حاجة نانسي في استهجان بعد أن صعرت خدها الأيسر:- والله صحي (الماوس ما بزيل بلم) .. العالم بتقدم و ديل لسة في التخلف، لكن إنتي أمس مالك ما مشيتي معانا لي الاحتفال بالذكرى السنوية لـ (جولدن جلاشو) عالم الفيزياء المشهور؟أجابتها حاجة شاهيناز: أمس بعيد عنك مشيت غشيت طبيب أسرتنا أفحص (الجينات) بتاعتي .. أصلو عندي زي ما تقولي طفيرة (جينية) كدا مغلباني بلحيل قلت أقلعا أرتاح منها مرة واحدة .. وبالمرة غشيت الصائغ بتاعي غيرت غوايشي بي معدن نفيس جديد إسمو (الزرانكلينيوم) جابوه من كوكب ما متذكراهو لكن بدور حول نجم اسمو (لالاند) مننا زي تمانية سنين ضوئية بس.! هزت حبوبة نانسي رأسها و قالت: و الله بقيتي خطيرة عديييل كدا .. غوايش البتاع القلتيهو ده أنا زاتي ما سمعت بيها .. كدي وريني واحدة!!!!قالت لها حبوبة نانسي:
- ديل يابت أمي للمناسبات بس ما بطلعو بيهن ساي ثم رفعت حاجبها الأيمن بنوع من الغنج ودهاء مصطنع أصلو لمان موبالة ثم أضافت: وبعدين إنت الظاهر عليكي برضو ما سمعتي بي شنطة اليد الجديدة العاملنها من (رقائق السيلكون)؟ اتنشقت حاجة شاهيناز نفساً عميقاً وهي تجهز عبارات مناسبة لترد بها هذه الهجمة الشرسة لترد لها البوبار بمثله بوبارين ثم قالت:حاجاتك القلتيها دي أنا صاح ما نقشتها .. لكن إنتي برضو ما سمعتي بي الكفتيرات الجديدة البتعمل بي (ألترا ساوند) و (موجات ألفا) و لا بـ (الكمشة الاستقطابية) .. ودي كمشة بتغرف الملاح براها وبتكبو في الصحن ..وعندك كمان (الحلة الفوتونية) ودي بتنجض الملاح بـ (الطاقة القمرية.....) في هذه اللحظة دخل عليهن (حاج رامي) عمك جلكين كدا ، زوج حبوبة نانسي وهو يناهز في الثمانمائة و نيف من عمره .. و توقف موارباً للباب وركب مجسات السونار ليتنصت على هذا (البوباريشن) المعتق، سمع حاجة شاهيناز تستطرد في حديثها لزوجته حبوبة نانسي وهي تقول: وبعدين أنا ولدي المغترب في (كوكب نبتون) جاب ليهو (شويفع آلي) صغيروني يساعد مرتو في تقطيع السلطة وغسيل العـدة .. وفي هذه اللحظة دخل حاج رامي وقال: قومن يا نسوان سون لينا الغدا وخلن (الفشخرة) الفاضية دي .. وأضاف في سره بغضب وان شاء الله تقوم بيكن قنبلة (بوزوترونية).تريحنا من نقتكن الكتيرة دي. تعيش كتير تشوف كتير إن شاء الله عمرا طويل يحضرنا زمن حبوبة نانسي وشاهيناز وجدو رامي وعمو هيثم وحاجة تغريد وعماتو ناس غريتا و سندريلا!!! إلى القاء ودمتم سالمين
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
{81} [} الأناقة في البساطةπ√ ® لِبَاُس عَمٌّكً الفّرَّانِي π√
[}> زمان كان عمگ الخباز (الفراني الواحد دا) لامن يصحو و الناس تودع أفرشة التثاؤب و التثاقل إلى براحات الگدح و الرحيح و الگسب الشريف للقمة(العيش) النظيفة، يبدأ عمنا الفراني الانخراط في عمله اليومي ، بين لتٍّ و عجْنٍ و طبطبةٍ و(أيلاجٍ) ثم (إخراجٍ)للطاولات محملةً بشطائر الرغيف الحار من نارو، بيكون مسخن شديد ،بالذات أثناء تعرضه وجهاً لوجه إلى حمو نيران التنور.
© ف بيضطر الراجل يخلع ملابسه الداخلية(تحديدن:لباسو) لزوم التنفيس عن نفسه شوية و تَفَادِيا لالتصاقها بجسمه بفعل السخانة الشديدة و العرق (المالح) و كدي .
[}> فلامن مرات يقع خلاف حاد بينه و بين رب العمل ، لحد ما يصلو إلى درب مسدود و يختوه ليك قرض، و لامن خلااس يبقو مع الحركرك ، يقوم المعلم يطنقر و تأخذه العزة بالإثم ، ( يحرد) الشغل و يقبض آخر يدو و يلبس(لباسو) القبيل ملصو و يبقى متخارج؛ يخلي للزول عجينو مجمبع. كان دا بمثابة صيغة(خطاب رسمي) و شعبي لتقديم استقالته نهائياً.
[}> في مثل هذه الحالة ، قد يلجأ سيد الطابونة إلى الأجاويد ليتدّخَّلوا لإنقاذ الموقف. فمسلن يقوللهم مستجديا: "عليگم الله أرح گدي نمش نلحق الزول دا، هداگ لبس لباسو و مرق فات خلانا خشمنا ملح ملح!! و يلا، يبدو ليگ مشوار التوسل و التحانيس مع عمگ الفراني . فمسلن يقولولوو بكل عفوية وحسن نية : كدي يا معلم ياخي إتا أولن استهدى بالله و (أملص) لباسك دا ، و خلَّنا نقول:رجعنــــاك في مسمـــاك، عشان (تجي تواصل شغلتگ) فا شايف كييييف بالله عليگ الأناقة لامن تگون في البساطة ؟!!
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(82) كتب عمنا سالم قطبي: دي ما سمعنا بيها قبال كدي، يا ود الأصيل!! .. هم خبازين الجزيرة ديل. .كانوا متحضرين ...للدرجة دي...! ========{×××}========== [}> عمنا الوريف Salim Abella Mohammed Gotbi, طبعن إذا من تالا گدي فهم بالتاگيد متحضرين و (جاهزين) موية و نور. عمومن هي طريقة مبتگرة و بلدية خالس، لإبرام و (فسخ) العقود لزوم (الشغل). و زي ما گلو شيخ و ليهو طريقتو فا گلو عيش و ليهو (خبازو)!!
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(83) كتب عبد الباقي مگائيل: إستقالة إرتجالية مُبسطة و مُحكمة.يا إتخيل حال العجانيين والعجين لامن يفور-و يقولو للطولجي أرفع والفران مافي- غايتو الأفرام الإدارة الدكتاتورية ما بنفع معاهُ... +++±++++++++++++++ [}> Abdalbagy Micheal, أخونا الزول الموسوعة و الراجل الحمش، ياخي و الله دايمن ليك علينا و في ذمتنا يد سلفت و دين مستحق. و طبعن لروعة گلامگ الديگ/تا/تور/ ية في أي شيء ما بتنفع. و الفراني هنا عارف وكت حوبتو ، و متين (يلبس) و لا (يملص) سروالو. وقدر يمسگ سيد الطابونة من إيدو البتوجعو.
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(84)
[}> أخونا الوريف/ Abdalbagy Micheal ،
[}> أريت حالگ زبن ياخ. و أحي صمودگ معنا ، قابضين على جمر. البقاء هنا عبر مروج "همس البنفسج" و الذي بات يشگو قلة فئرانه.
© طبعن زي ما قتا ليگ ناسنا ديل عباقرة منسيين ، بس ما لاقيين جهة تتبناهم. ف گدي هاگ اسمع الجاية دي و أدينا رأيگ بعدين:
@ قالک: أيام أبعاج/ جعفر نميري ..في الأبيض كان في مواطن شيوعي معروف اسمه/ عبدالله الحيوان لقي طلبة خورطقت الثانوية طالعين في مظاهرة عصبان مدني(بالنظر طبعن)طوالي دخل و سطهم و بدأ يهتف:
- " لن يحكمنا طيش حنتوب " ناس الشرطة عارفينو طبعا و طوالي قبضوه و جابو المحكمة ... و دار الحوار التالي بين القاضي و المتحري الذي اعتقل عبدالله الحيوان. - القاضي :"الزول دا اعتقلتوه ليه" - المتحري:"و الله يا مولانا كان بيهتف سيادة ضد الرئيس " - القاضي :"حدد بالضبط كان بقول شنو؟" - المتحري "كان بقول لن يحكمنا طيش حنتوب " - القاضي:"و طيش حنتوب دا منو ؟" - المتحري هنا ضرب الجرسة طبعا ما يقدر يقول جعفر نميري . - قال للقاضي :والله ى جنابك مابعرفو ". - القاضى" طيب قبضت الزول دا علي اي اساس ؟" - المتحري :" قبضتو لانو شيوعي " - القاضي "و عرفتو شيوعي كيف؟" - المتحري:"بي شنبه الكاجة دا" في النهاية المتحري: يلا خلاس، ادوه درس في الأخلاق و اطلقوا سراح عبدالله الحيوان دا فورا ، ما ناقصين يجيب لينا هوى . - المتحري برا المحكمة قال ليهم "علي الطلاق القاضي دا ظاتو شيوعي .
| |
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(85) Izz Aldin Mohammedگتب: الحنكوش المترف المدلل ترباية العز �� مترف و مدلل و بس ي عزو؟! ياخ ديل لدىجة إنو الأستاذ لامن يگتب لهم كلمة (Cow-Boy) بالانجليزي يعني (راعي) بيشرحوها ليهم بي: (البفثح البقر).
ممدوح صالخ متب: الي قال انت حنكوش منو عزو استغفرالله حاشي لله يعني زوول بيتواصل معاي اقول ليهو كدي ما ممكن..... ي ممدوح ياخ تيك إت إيزي فالأمر ليس خطيرن. حنكوش يعني على أسوأ الفروض لاتعدو كونها ( أولاد ميگي) و على أحسنها شهادة عربية و (بث)
ممدوح صالح: هههههههههههههههههههاااااااااي والله ضحكت حتي افسحت المجال البيروتوني أم العجوز بتاع هضبه التبت ال قاعده تشاغلو في الﻻب توب...اوعي يكون الدﻻي ﻻما ذاته....هههههههه.
ممدوح صالح: ليس بالضروره اكون عجوزيا ود الأصيل...لدي اعداد قديمة من مجلة العربي والدوحة....واعداد من مجï»»ت قديمه تلك المجموعة توجد بها درر و كنوز نادرة و برضو ماعجوز زيك ههههههه.
¶ عجوز أنا يا راجل ي جولكين. ي بتاع مجلة العربي و الدوحة ديل ياخ مگتوبات بالورق الأصفر. و الله ذگرتني عمك إمام و خطيب دقة قديمة ، لسة قاعد يدعو لنصرة ( السلطان عبد الحميد).
ممدوح صالح ؛؟: اهه انا هسيي عمري تجاوز التسعين بقليل الجواكين فينا منو؟! لا لا عاد كان كدي قبلك و وحدك!! معقولة ياخ بس عن عمرن يناهز ال90% عشان يقولو: مقضيها في البَر (بفح الباء) و التَّقَّوِّي (بكسر و تشديد الواو)؟! بصراحة ربنا كدى ،أنا هسي شغال تحانيس بي تحت تحت مع الحناكيش ديل عشان يتاررو لي يفسحو لي معاهن فجيجة للحنكشة.
| |
|
|
|
|
|
|
|