الضكران لو ما دارك بخاف الله فيك .. لا بيشتّمك بيك ولا بيبشّع بيك .. ولايستخدم مايعرفه عنك من نقاط ضعف .. ليؤذيك ويمعن في التنكيل بك .. يصاحبك راجل ويخاصمك راجل .. يا أب سن صاحبك الضكران .. إن شاكلته ساي وعاركته وضربك مابعوقك .. أخير ألف مرة خصام زي ده .. من صحوبية العيفة والتليفة .. كمالة العدد للرجال والرجالة ..
11-30-2018, 08:26 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
مرحب جلال وودالقوز فعلا ود القوز فالرجل الحق حين يخاصم لا يتجاوز اخلاق الرجولة للنيل منك قال الرسول صلي الله علية وسلم تشبهوا بالرجال .. فإن التشبه بالرجال فلاحة
12-01-2018, 06:29 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
معاوية عبيد الصايم مثال حي في الخصام بدون أسباب وزيادة عليه يتهمك باي شئ ساقط ولو انك ليس رجل ( مثلي ) ويزيد في انتهاك. العرض ويصل معاك. ابعد الحدود في اسرتك وكله. بهتان وتأليف من خياله. المريض. لم اجد أسوا منه في الواقع وفي الأسافير
12-01-2018, 08:39 AM
kamal omer
kamal omer
تاريخ التسجيل: 01-07-2013
مجموع المشاركات: 1063
مرحب محمد المسلمي كمال عمر اميرة حسين اتمني ان لا يكون بوست ضرار وجدت المثل في كتاب بابكر بدري للامثال واعجبني المثل وعبقرية الشعب السوداني التي تعجبني دوما . وتراثنا وحقيقة لم يمر علي سابقا رغم اهتمامي بالتراث السوداني ف شنو اتمني ان لا يكون بوستا للشقاق والخلاف
12-01-2018, 11:13 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
لا فض فوك يا أبو الحواتم يا كاتبي المفضل، تعرف الرجال الهنابيل ديل ما بتلقاهم إلا في النت، لو لاقيتو برة المنبر والُبنية دورت عادي بكب السيجة، بالله ديل رجال ديل؟!
12-03-2018, 09:42 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
تحياتي للجميع ماهي الضكرنة ؟ قوة العضل ولا قوة الحنك ولا المواقف الانسانية المساندة للضعيف والمنتصرة لقيم التعاضد والنجدة واغاثة الملهوف ورفع الظلم ثم من تعاديه كيف يتعامل معك ؟ اقصد مع عدواته لك هل يتصيدك حين غفلة . او يتجاوز معك السقف الاخلاقي المتعارف عليه ضمنيا ؟ قال الشاعر لو صحيح اعز في النساوين الرجال انثي ولا دستة تمشي وما بتطاطي ما بين بير وشاطي نهارها مع السواقي وليلها مع الطواقي وعمرها للجهال ف شنو اظننا محتاجين لتأصيل مصطلح الضكرنة
12-08-2018, 06:53 PM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
Quote: ماهي الضكرنة ؟ قوة العضل ولا قوة الحنك ولا المواقف الانسانية المساندة للضعيف والمنتصرة لقيم التعاضد والنجدة واغاثة الملهوف ورفع الظلم ثم من تعاديه كيف يتعامل معك ؟ اقصد مع عدواته لك هل يتصيدك حين غفلة . او يتجاوز معك السقف الاخلاقي المتعارف عليه ضمنيا ؟
كلام يستاهل يتكتب بمداد من ذهب أوسكار أبوسن
12-09-2018, 05:47 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة