|
Re: عضو جديد هل من مرحب؟ (Re: نصر الدين عشر)
|
اهلا نصر الدين عشر و مرحب بيك النصيحة لله بعد الترحيب جابنتني ايقونة الوش الضاحك الختيتها دي كرهتي في الدنيا قصة عضو جديد هل من مرحب دي و ما بدخل على سيدها في البوست المعنون بيها لكن زول البخت ايقونة الضحكة من اول مداخلة دا زولي بلا شك فكان لابد من تجاوز مرارة العنوان و كدا
| |
|
|
|
|
|
|
Re: عضو جديد هل من مرحب؟ (Re: ياسر السر)
|
Quote: الف مرحب بك الاخ نصر الدين واتمنى ان يطيب لك المقام في هذا المكان الوسيع .... في انتظار ما تجود به قريحتك ...
تحياتي : ياسر العيلفون ... |
الاخ العزيز ياسر العيلفون, اثلجت صدري بهذا الترحيب الحار اتمنى ان يطيب بنا المقام ويسعنا جميعا
| |
|
|
|
|
|
|
Re: عضو جديد هل من مرحب؟ (Re: محمد مجيدو)
|
الأخ الحبيب نصر الدين ..
أهلاً وسهلاً .. بقدومكم الى ساحتنا الشاسعة .. و الحوش المرشوش .. و كراسى الخيزران .. و كمان عندنا بروش .. وعناقريب .. وبيغادى الشية شغالة تش فوق الكوانين .. و الهبابة كمان شغالة .. بالمناسبة شيتنا .. بالشطة والليمون ..
الحوش وسيد الحوش و ناس الحوش يقولوا ليك .. حبابك عشره يا حبيبنا نصر الدين عشر ..
أها .. بعد الشية .. بالشطة والليمون .. عندنا .. .. الشاى أبو نعناع .. والجبنة أم شرغرغ بالفناجين .. تقول يا ليل .. يا نا نحنا ناس السودان القديم .. سودان حق زمان .. يا نا نحنا .. ناس لمة زمان وكيف كنا نرحب بالضيوف الحبايب .. الغاليين .. .. مرة تانية .. ومرة تالتة .. حبابك عشرة .. بلا كشره ..
أخوكم .. وعمكم العجوز .. ارنست +++
| |
|
|
|
|
|
|
Re: عضو جديد هل من مرحب؟ (Re: MOHAMMED ELSHEIKH)
|
مرحب بيك نصرالدين عشر الف مرحب وكونك من أيوا ذكرتنا بالراحل نصرالدين نجم الدين فقد كان يقيم بها أعرف آت ليست كم نصر الدين في امريكا منهم نصرالدين هجام (كوستاوي) في واشنطون ونصرالدين العارقي في كلورادو مرحب بيك ===
Quote: ابوحجل الرباطاب بتاعين الباقير و ندي؟ |
يا ود الشيخ نسيت دُلم ببي مالك؟ ديل أجداد حبيبنا الشاعر والفنان العوض مصطفى العوض أبوسن
| |
|
|
|
|
|
|
Re: عضو جديد هل من مرحب؟ (Re: عبدالله عثمان)
|
Quote: مرحب بيك نصرالدين عشر الف مرحب وكونك من أيوا ذكرتنا بالراحل نصرالدين نجم الدين فقد كان يقيم بها أعرف آت ليست كم نصر الدين في امريكا منهم نصرالدين هجام (كوستاوي) في واشنطون ونصرالدين العارقي في كلورادو مرحب بيك === Quote: ابوحجل الرباطاب بتاعين الباقير و ندي؟
يا ود الشيخ نسيت دُلم ببي مالك؟ ديل أجداد حبيبنا الشاعر والفنان العوض مصطفى العوض أبوسن |
استاذنا عبد الله عثمان
انا حضرت الى مدينة ايوا بعد ان رحل الاستاذ نصر الدين نجم الدين سمعت به, كان طيب السيرة والسريرة, ربنا يرحمه ويتقبله في عليين
كوستاوي برضو سمعت به وهو لازال يكتب ربنا يمتعه بالصحة والعافية اما نصر الدين العارقي, فلم اسمع به, فله منى التجلة والتقدير
لك التحية والتقدير
| |
|
|
|
|
|
|
Re: عضو جديد هل من مرحب؟ (Re: Sudany Agouz)
|
Quote: الأخ الحبيب نصر الدين ..
أهلاً وسهلاً .. بقدومكم الى ساحتنا الشاسعة .. و الحوش المرشوش .. و كراسى الخيزران .. و كمان عندنا بروش .. وعناقريب .. وبيغادى الشية شغالة تش فوق الكوانين .. و الهبابة كمان شغالة .. بالمناسبة شيتنا .. بالشطة والليمون ..
الحوش وسيد الحوش و ناس الحوش يقولوا ليك .. حبابك عشره يا حبيبنا نصر الدين عشر ..
أها .. بعد الشية .. بالشطة والليمون .. عندنا .. .. الشاى أبو نعناع .. والجبنة أم شرغرغ بالفناجين .. تقول يا ليل .. يا نا نحنا ناس السودان القديم .. سودان حق زمان .. يا نا نحنا .. ناس لمة زمان وكيف كنا نرحب بالضيوف الحبايب .. الغاليين .. .. مرة تانية .. ومرة تالتة .. حبابك عشرة .. بلا كشره ..
أخوكم .. وعمكم العجوز .. ارنست +++ |
الاخ العزيز والعم الغالي سوداني عجوز ما لهذه الروعة والجمال !! وما لهذا الترحيب الحار!! اتابع كتاباتك من فترة, اكتر ما يعجبني فيها كمية التسامح واحترام الراي الاخر لقد صرنا نعيش في عالم تسيطران عليه الكراهية والغضب كراهية تصل لتبرير قتل الاخر والعياذ بالله لقد رسمت لي صورة مصغرة من سوداننا الذي اضعناه بايدينا وجلسنا نتحسر عليه ريحة الشية والدعاش والحوش المرشوش والرادي في الحوش المهم ,, شكرا جزيلا على هذا الترحيب الحار حرارة الشطة الدنقابة
| |
|
|
|
|
|
|
Re: عضو جديد هل من مرحب؟ (Re: محمد مجيدو)
|
Quote: مرحب بيك يا نصر الدين .. انت ابو حجل ولا زول تااني ؟؟؟
عاالم بطاالـــــــــــــــة ,, |
تسلم يا مجيدو ابدا, انا واحد تاني لكن لو عترت فيهو بقول ليك 😜
| |
|
|
|
|
|
|
Re: عضو جديد هل من مرحب؟ (Re: نصر الدين عشر)
|
اهلا وسهلا نصر الدين المنبر العام بيرحب بيك ترحيب حار..وان شاء الله تلقى الوقت تشارك بنشاط وتنشط المنبر الذي كاد ان يصيبه الكساد،،ويا حليل ناس ود العبيد وود المنسي وود البوش وود شيقوق وود بلة،،ومن تعليقك الظريف في البوست التاني عرفناك دمك خفيف وحتنشط المنبر العام...ويا الف مرحب...
| |
|
|
|
|
|
|
|