مقالات منقولة تهم الأسرة و الشباب و المجتمع....

مرحبا Guest
اخر زيارك لك: 05-02-2024, 08:18 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2018م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-04-2018, 04:39 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
مقالات منقولة تهم الأسرة و الشباب و المجتمع....

    03:39 PM December, 04 2018

    سودانيز اون لاين
    سيف اليزل برعي البدوي-
    مكتبتى
    رابط مختصر

    التوكل مفهومه وأهميته
    التوكل مقام عظيم من مقامات العبودية، فما أحوج الناس إليه في ظل التقدم المادي الملموس، وسيطرة ضغوط الحياة على الكثير، وما أحوجهم إلى معرفة ضوابط وحدود التوكل ، وما أحوج الدعاة إلى الله تعالى إلى التعبد بهذه العبودية ولزومها في مسيرتهم المباركة في إخراج الناس من ظلمات الجهل إلى نور العلم.
    فلو أن العبد حقق التقوى والتوكل، وأخذ بالأسباب في كل شأنه، فإن أمور حياته الدنيا والآخرة تتحقق بسهولة وتيسر له، فكم من عبد فوض أمره لله كفاه الله ما أهمه، قال الله تعالى:{ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه}.(سورة الطلاق: الآيتان 2-3).
    والتوكل على الله دليل صحة إيمان العبد وصلاح قلبه، وهو اعتراف العبد بربوبية الله، وتسليمه كل أموره للخالق الواحد، المتصرف بجميع أموره، والمدبر الوحيد لأحواله، صغيرها وكبيرها.

    ماهو التوكل:
    التوكل لغة: قال ابن منظور:( وكل بالله وتوكل عليه، واتّكل: استسلم له، ويقال توكل بالأمر إذا ضمن القيام به، ووكلت أمري إلى فلان: أي ألجأته إليه، واعتمدت فيه عليه، ووكل فلان فلانا إذا استكفاه أمره ثقة بكفايته أو عجزا عن القيام بأمر نفسه). (لسان العرب).
    أما اصطلاحا:
    1- قال ابن عباس –رضي الله عنهما-:( التوكل هو الثقة بالله، وصدق التوكل أن تثق في الله وفيما عند الله، فإنه أعظم وأبقى مما لديك في دنياك).
    2- قال الإمام أحمد بن حنبل –رحمه الله- لما سئل عن التوكل:( هو قطع الاستشراف بالإياس من الخلق).
    3- وقال الحافظ ابن رجب –رحمه الله-:( هو صدق اعتماد القلب على الله –عز وجل- في استجلاب المصالح ودفع المضار من أمور الدنيا والآخرة، ولا يكون المؤمن متوكلا على الله حق توكله إلا بالثقة بالله، وحسن الظن به سبحانه، والتسليم لأمره). (جامع العلوم والحكم)
    والتوكل ثلاث درجات، وهي: التوكل، ثم التسليم، ثم التفويض، فالمتوكل يسكن إلى وعد ربه، وصاحب التسليم يكتفي بعلمه، وصاحب التفويض يرضى بحكمه.
    وعن حقيقة التوكل: قال ابن القيم –رحمه الله-:( التوكل نصف الدين، والنصف الثاني الإنابة، فإن الدين استعانة وعبادة، فالتوكل هو الاستعانة، والإنابة هي العبادة، والتوكل متعلق بكل أمور العبد الدينية التي لا تتم الواجبات والمستحبات إلا بها، ومنزلته أجمع وأوسع المنازل، ولا تزال معمورة بالنازلين لسعة متعلق التوكل، وكثرة حوائج العالمين).(مدارج السالكين).

    والتوكل أجمع أنواع العبادات وأعلى مقامات التوحيد، ولقد جاء الأمر به في كتاب الله على أوجه مختلفة، بل لقد جعله الله سبحانه شرطا للإسلام والإيمان، وكذلك جاء في السنة المطهرة:
    أما في كتاب الله:
    1- فقال سبحانه:{ إن كنتم آمنتم بالله فعليه توكلوا إن كنتم مسلمين}.(يونس: الآية 84)
    2- وفي قوله تعالى:{ وعلى الله فتوكلوا إن كنتم مؤمنين}. ( المائدة: الآية 23 )،
    3- وفي قول تعالى:{ وتوكل على الحي الذي لا يموت}. ( الفرقان: الآية 58)،
    4- وفي قوله سبحانه:{ فإذا عزمت فتوكل على الله إن الله يحب المتوكلين}( آل عمران: الآية 159). والقرآن مليء بالآيات التي تحث على التوكل وتدعو إليه.
    أما في السنة المطهرة:
    1- فعن عمر بن الخطاب –رضي الله عنه- قال: قال رسول الله –صلى الله عليه وسلم-:" لو أنكم تتوكلون على الله حق توكله لرزقكم كما يرزق الطير تغدو خماصا وتروح بطانا"(رواه الترمذي والنسائي).
    2- وعن ابن عباس –رضي الله عنهما- أن النبي –صلى الله عليه وسلم- قال في بيان صفات السبعين ألفا الذي يدخلون الجنة بغير حساب:"هم الذين لا يتطيرون ولا يكتوون ولا يسترقون وعلى ربهم يتوكلون" (صحيح البخاري).

    أصناف الناس في التوكل
    وأصناف الناس في باب التوكل ثلاثة:
    الصنف الأول: المعرضون عن الأسباب بالكلية: وهم صنف اعتمد على الله بقلبه وترك العمل بالأسباب، ولم يبذل جهدا في التحصيل، ولم يفرق بين التواكل والذي هو مسلك مذموم وبين التوكل، وهذا منهج الصوفية الذين تركوا التكسب والعمل والتزود، ويرون ذلك منافيا للتوكل، وهذا النهج مذموم عند السلف،
    الصنف الثاني: المعتمدون على الأسباب بالكلية المبالغون فيها، لم يعتمدوا على الله، فتوجهت قلوبهم وجوارحهم إلى الأسباب من غير النظر إلى مسببها، وجعلوها مؤثرة ومستقلة في جلب الخير ودفع الشر، وهذا مسلك مذموم، لأنه مسلك الماديين والعقلانيين، وهذا باطل مخالف للشرع .
    الصنف الثالث: الجامعون بين الاعتماد على الله سبحانه وتعاطي الأسباب التي أذن الله بها: حيث تقوم الجوارح بالأسباب والقلب معتمد على مسبب الأسباب، وهذا هو الموافق للشرع ، وصريح العقل، ومقتضى الفطرة السليمة، فأثبت للأسباب تأثيرا في مسبباتها لكن لا بذاتها، لأن المؤثر حقيقة والمستقل بالنفع والضر هو الله.

    ثمار التوكل
    إن التوكل شجرة عظيمة، ثمارها يانعة، وخيراتها كثيرة:
    الأولى: الفوز بمحبة الله تعالى، قال تعال:{ إن الله يحب المتوكلين} ( آل عمران: الآية 159).

    الثانية: التوكل سبب في دخول الجنة، قال تعالى: {والذين آمنوا وعملوا الصالحات لنبوئنهم من الجنة غرفا تجري من تحتها الأنهار خالدين فيها، نعم أجر العاملين ، الذين صبروا وعلى ربهم يتوكلون}(العنكبوت: الآية59).

    الثالثة: يورث النصر والتمكين، والقوة الروحية، وقوة القلب وشجاعته، ويرد كيد الأعداء، قال تعالى:{الذين قال لهم الناس أن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل، فانقلبوا بنعمة من الله وفضل لم يمسسهم سوء واتبعوا رضوان الله والله ذو فضل عظيم} ( آل عمران: الآية 174).

    الرابعة :الثبات على الحق، قال تعالى:{فتوكل على الله إنك على الحق المبين}. (النمل: الآية 79)

    الخامسة: تحقيق الإيمان، قال تعالى:{ وعلى الله فتوكلوا إن كنتم مؤمنين}( المائدة: الآية 23)،

    السادسة: كفاية الله المتوكل في جميع شؤونه، قال تعالى:{ ومن يتوكل على الله فهو حسبه} ( الطلاق: الآية 3).

    السابعة: التوكل سبب في جلب الرزق، قال النبي –صلى الله عليه وسلم-:" لو أنكم توكلون على الله حق توكله لرزقكم كما يرزق الطير تغدو خماصا وتروح بطانا" (رواه الترمذي والنسائي).

    الثامنة: يقوي العزيمة والثبات على الأمر، قال تعالى:{فإذا عزمت فتوكل على الله}.( آل عمران: الآية 159)

    التاسعة: يقي من تسلط الشيطان، قال تعالى:{إنه ليس له سلطان على الذين آمنوا وعلى ربهم يتوكلون}.(النحل: الآية 99)

    العاشرة: يدفع السحر والعين والحسد، قال تعالى على لسان يعقوب عليه والسلام:{وقال يا بني لا تدخلوا من باب واحد وادخلوا من أبواب متفرقة وما أغني عنكم من الله من شيء إن الحكم إلا لله عليه توكلت وعليه فليتوكل المتوكلون}.( يوسف: الآية67)


    إسلام ويب




















                  

12-04-2018, 04:41 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    أول مره أفهم معني الآيه اللي بتقول : وإذا سألك عبادي عني فإني قريب أُجيب دعوة الداعِ إذا دعانِ فليستجيبوا لي وليؤمنوا بي ..
    طيب إزاي ربنا بيقول إنه بيلبي دعوة الواحد اللي بيدعي .. وساعات كتيره
    - الواحده تدعي تتجوز شخص معين وميحصلش نصيب !
    - أو حد يدعي يقبل في شغلانه معينه وتضيع منه
    - او غيره يدعي ربنا يرزقه بفلوس كتير وبرضه ظروفه متتحسنش ؟
    - إنسان يدعي بالذريه وربنا ميراضيهوش بالخِلفه ..
    - كتير دعواتنا مبتُستاجبش، و طلباتنا مبتحققش .. ليه ؟!
    - لو كملت الآيه هتلاقي ربنا بيقول : فليستجيبوا لي وليؤمنوا بي لعلهم يرشدون .. معني " فليستجيبوا لي " إنك بتتجاوب مع ربنا .. يعني بتسمع لقراراته وتقول حاضر و بترضي باللي قمسهولك .. ورجع ربنا قال : وليؤمنوا بي : و معني الايمان بالشيء هو القناعه التامه بإني واثق إنه الشيء ده هو الافضل وإن ربنا هيدلني للخير ولايُمكن يضلني ! .. إذًا ربك بيقولك ادعي وإطلب وانا قريب بس إستجيب لقراري وخليك مؤمن بإختياري ليك وإني بوفقلك وأيفلك المُناسب والافضل بالنسبالك
    - مين قالك ان الجوازه دي خير ليك ؟ مش جايز هتتطلقوا او هتعيشوا في مرار بعد الجواز ؟
    - مين قالك ان الشغلانه دي كويسه ؟ مش جايز مديرك يكون مُتسلط وظالم ويإذيك نفسيًا
    - إيش دراك إن الذريه هتكون عُكاز يسندك ؟ مُش يمكن عيالك يكونوا عاقين بيك ويكسروا ضهرك ؟
    - مين عرفك إن الفلوس خير ؟ مايمكن لما تجيلك هتُفجر وتنسي ربنا وتنسيك نفسك .. واللي ع البر عوام ! ولما تنزل في بحر المال هتتوه وتغرق بعيد عن سكة الخالق !
    - ربنا بيقرر الافضل ياخونا .. بيراضينا بالخير لينا .. سيدنا عمر بيقول : انا مبحملش هم الإستجابه لكني بحمل هم دعوتي ! لان ممكن الدعوه متكونش بركه وخير ليا، وربنا يبتليني بيها لما يقبلها ..
    وساعات كتير دعوات تُستجاب لكن قبولها بيكون إبتلاء لصاحبها، فيارب ما يجعل إبتلائك من أحب الاشياء إليك ..
    - ولذلك سيدنا علي قال : لما ربنا بينولني دعوتي بفرح مره واحده، إنما لما مينولهاش ليا بفرح عشر مرات ! لان دعوتي كانت إختياري إنما عدم استجابتها إخيار ربنا وديمًا ربنا بيختار الافضل لأنه بصير .. عالم بخبايا الامور وتجاعيد معاناة تحقيق الأمنيه عن قُرب ..
    - واللي يبقي عارف كده ومؤمن بيه بيوصل لمرحلة الرُشد لان ربنا قال : لعلهم يرشدون .. والرُشد هو النُضج والوعي والدماغ الشغاله لما بيتجمعوا في الشخص فبيقي متاكد ومؤمن تمامًا إن كل أموره خير .. والجي مليان بركه واللي رايح أكيد كان كُله شر وعكننه .. فاللهم إخترلي ولا تُخيرني فإني لا أُحسن الإختيار 🤲🏻

    #فليؤمنوا_بي .. ☝🏻

    #احمد_ايمن ..
                  

12-04-2018, 04:41 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    تعرف .. أنا بقالي أكتر من سنه ونُص مدعتش ربنا أدخل الجنه .. بكلمك جد ! .. مبقولش يارب إرزقني جنتك .. لإني عرفت معلومه غيرت نظام دعوتي لطلب الجنه من ربنا ..
    المعلومه : إن مفيش حد قال : " لا إله الا الله مُحمد رسول الله " إلا وهيبقي من أهل الجنه .. طيب أومال النار لازمتها إيه بقي !
    لما كان الواحد زمان يعمل حاجه غلط ضروري كان بيكونلي عقاب من أمي او ابويا وبعد العقاب خلاص الميه بترجع لمجاريها والدُنيا بتتظبط لإني إبنهم ومهونش عليهم..
    وساعات كتير تلاقي الواحد يغلط بس أبوه يعدي الغلطه بمزاجُه ويفوتهالُه.
    ولله المثل الاعلي : كذلك ربنا بيحبنا لكنه بيعاقبنا علي غلطاتنا لما بيدخلنا النار وبعد ما ناخد جزائنا بندخل الجنه .. وده السبب اللي خلاني مدعيش ربنا أدخل الجنه وأسكت، لأن كُلنا هندخلها .. لكن في نوعيه من الناس هتدخل الجنه من غير حساب او عقاب سابق، ودول المرضي عليهم .. المحظوظين .. وممكن تكون منهم لما تدعي ديمًا وتقول : اللهم إعفُ عني وأدخلني جنتك بلا حساب أو عقاب .. كده إنت دعيتها صح، لأنك دعيت بالعفو والعفو معناه إن غلطاتك تتمحي بأستيكه وكأنك معملتهاش، فخلي الدعوه دي مرفقاك .. ساعتها ربنا بإذنه يوم القيامه هيفوتلك ويتغافل عن أخطائك ويقولك سماح وكأنك معملتش حاجه .. ولو إنت ذكي بقي عرفها لغيرك لأنه لما يدعي لنفسه بيها هيبقي ليك زي اللي هينوله منها لأنك السبب في معرفته .. فبكده تضمن سواء نسيت تدعيها مثلاً غيرك فاكرها وبيدعيها بسببك، وربنا يرزقنا راحة البال والتوفيق في الدُنيا وصُحبة النبي ومرافقته في الجنه 🤲🏻❤️
    #احمد_ايمن ..
                  

12-04-2018, 04:44 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    لما قالوا لسيدنا عُمر إن في نوع من الطعام غالي رد وقال : رخصوه بالتَرك .. متجريش وراه وهو هيرخصلك ويبقي في مُتناول إيديك ..
    ياجماعه :
    - الحبيب اللي يتقل عليك ويكلمك ساعه ويسيبك أيام دوس علي نفسك وسيبه .
    - الصاحب اللي يقل منك ويضايقك وديمًا يخنقك بتصرفاته إهجُره ..
    - لو شيء إتكبر عليك عاتبه بإجتنابك ليه وهو هيرجعلك ولو مرجعش تبقي كسبت نفسك وراحة بالك هتتعب شويه من البُعد عنه لكن هترتاح شويات لما ربنا يقربلك الأحسن واللي يبقي عاوزك ومحتاجك ..
    - مترخصش نفسك لأي سبب من الاسباب لأنك أحسن وأكبر من كده بكتير .. سواء بقي الرُخص ده في انك تتعلق بحد مش عاوزك .. تقبل بشيء أقل من إحتياجك .. تجري ورا حاجه بتجري منك .. الشيء اللي تسعالُه وتحتاجه هو رضي ربنا، وحلم نفسك توصله، والقُرب من اللي بيتمناك ومحتاجلك بنفس قدر إحتاجك ليه .. غير كده لاء .
    وعلي رأي اللي قال : اللي يحب مقابلتك واعدُه.. واللي يحاول يخسرك ساعدُه.. واللي تلاقيه في الشدة بيباعد .. زوّد كمان بُعدين على بُعده ! .

    #احمد_ايمن
    =======================================

    ميصحش تفضل مُكتئب بعد ماتشوف البوست ده !
    تقرأ القرآن تلاقي إن العاصي وقت موته بيقول : يا ليتني قدمت لحياتي .. مقالش : في حياتي، ولكن : لـ حياتي .. للي جاي .. معني كده إن الدُنيا دي محطه مش نهاية المطاف .. حياتنا مش هنا يا جماعه .. حياتنا في الجنه .. اللي لا هنحزن فيها أو نتفارق .. لا هنتفقر أو نتضايق .. لا هتسلعنا شمس ولا هنحس بالإحتياج والنقص .. هتتعدل وربنا هيراضيك قريب في الدُنيا وهيدهشك بكل خير في الآخره .. والآخرة خير وأبقي ..

    #الله_كريم ☝🏻
    ======================================

    زعلت من نفسي عشان لسه عارف إمبارح بس إن سيدنا أبو بكر الصديق كان من عوايده يحط تحت لسانه زلطه صغيره بحيث يشيلها الاول علشان يعرف يتكلم وفي اللحظات اللي بيشيلها من تحت لسانه فيها يكون فكر في الكلام اللي هيقوله ياتري صح ولا غلط ياتري مؤذي ولا لاء ..
    الموقف ده علمني اعرف قيمة الكلمه وإيقاعها علي قلب اللي بيسمعها وعلي مشاعره .. وأقدم إحترامي لكل :
    - اللي بيفكر في الوعد قبل ما يقوله لان ممكن بالوعد ده يخلي غيره يبني أحلام وحياه وأمل كبير بيتمني يوصله ..
    - وللي مبيهزرش هزار جارح وغبي وبسببه يخلي اللي هزر معاه مينامش الليل بطوله .
    - وللي بيكون قد كلامه أو كلامه بيبقي علي قده .
    - للي بيدي مواعيد وبيعتبر تنفذيها سيف علي رقبته .
    - للي بيجبر بخاطر مراته ويحسسها إن مفيش غيرها ويديها يقين في قيمتها وجمالها ..
    - اللي بيشجع إبنه أو بنته ولو بكلمه ويديله ثقه في نفسه وعارف إنه لما يقوله إنت قدها وقدود هتخلي ضناه يهد الصخر وينحته .
    - للي مبيقولش لحد إنت فاشل ومنتاش نافع .. ولا بيشوف إبن غيره ويقوله إبنك إسود أو قصير أو وحش لان الكلام ده حتي ولو بالضحك بيزعل ويضايق ! ..
    - للي مبيديش كلمه لواحده إنه هيتجوزها ويخلع بعد ما يعلقها بيه ..
    - لكل اللي عارف ان الكلمه الطيبه صدقه فبيقولها، وللي بيفضلوا السكوت عن الكلام مادام مالوش لازمه او معني .. للجدعان والطيبات .. لاهل الخير ولاد الاصول اللي عندهم دم وتربيه .. لا بيتريقوا علي حد ولا بيقللوا من شأن الناس وأوضاعهم وشكلهم وعلاقتهم بربنا، ولو جت سيرة غيرهم قدامهم يقولوا الله يسهلهم حتي ولو عارفين عنهم بلاوي ! .. للي صمتهم عظمه وكلامهم روعه وحشمه .. صدق من قال : الكلمه الطيبه هي أجمل الهدايا وأقلها سعرًا .

    #الكلمه..

    #احمد_ايمن
                  

12-04-2018, 04:44 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    هقولها كمان مره ..

    أبويا طول عمره كان نفسه اول خِلفته تبقي بنت .. ولكن للاسف خلفني انا اول واحد .. إتصدم ;D .. أقوله ياعم إحمد ربنا .. دنا لو كُنت بنت مكنتش هتلاقيلي جوازه ؛D .. يمسكني من دقني ويقولي : تصدق صح, الحمد لله ;D ... أنا كمان كان نفسي اول خلفتي تبقي بنت .. لأن :
    - البنت مع ابوها لو رحمها وعلمها وكان عطوف معاها .. زي ما قال النبي بتكون سبب في دخوله الجنه ..
    - البنت مع اخوها .. لو رحمها وبقي صديقها وتفاهم معاها .. برضه بيكون بسببها رفيق النبي في الجنه ..
    - البنت لما تبقي زوجه .. إكرامها والموده والرحمه بيها .. بتكون سبب في دخول زوجها الجنه ..
    - البنت لما تبقي أم، برها ووفائك ليها بيكون سبب في دخولك الجنه ..
    - تبقي عمه او خاله . صلة رحمك ليها بتكون سبب في دخولك الجنه ..
    لما كنت ف قعدة وناس قالولي مُعظم متابعينك بنات !! . رديت فورًا وقولت : شرف ليا !! ..
    - يكفيني شرف ان اول من سجد لله ست " خديجه " ..
    - اول من صَدق النبي انه رسول الله امراه " خديجه " ..
    - اول لما النبي نزل عليه الوحي وكان مرعوب ونازل بيجري من الغار راح لحُضن امراه " خديجه " ..
    - اول من ساعد النبي ووقف جنبه بأموالها ودافعت عنه بروحها " امرأه " خديجه ..
    - الشخص الوحيد اللي ربنا بشره قبل وفاته بقصر في الجنه وأرسل سلامه ليه كانت إمراه " خديجه " !! ..
    - وأحب الناس الي قلب رسول الله امراه " عائشه " ..
    - ومات رسول الله علي صَدر امراه " عائشه "..
    - والنبي في غزوة أُحد اول حد دافع عنه لما الكفار هجموا عليه كانت إمرأه " أم عماره " ووقفت قُدام الكُفار وكانت بتضرب بالسيوف علي كتفها لحد لما كتفها اتخلع وابدًا مرضيتش تسيب النبي ..
    - اللي كانت بتحارب الموت وتروح تودي الاكل للنبي وهو في الغار مع سيدنا ابو بكر كانت امراه " أسماء بنت ابي بكر " ..
    - الست اللي ربنا سمع جدالها للنبي من فوق سبع سموات ونزلها سوره مخصوص في القران " خَوله بنت ثعلبه " وكانت سورة " المُجادله " ! ..
    - سبب وجود بير زمزم اللي بيشرب منه الملايين لحد الآن كان عَطش امرأه " هاجر " ..
    - سيدنا عُمر جعل جنود المُسلمين ميغيبوش عن زوجاتهم اكتر من 3 شهور بسبب امرأه اشتاقت لزوجها المُحارب !! ..
    - سيدنا عُمر كان مُستشاره اللي بيتابع معاه أحوال الاسواق ويراقب التُجار ويمنعهم من الغِش وغلاء الاسعار كانت امرأه " الشفاء بنت عبد المَلك " ...
    - سيدنا عُمر غير قرار بعد إعلانه للناس واعتذر عنه بسبب امرأه قالتله انت اخطأت " الشفاء بنت عبد الملك " !! ...
    - اول طبيب في الاسلام امراه " رُفيده " .،
    - اول شهيد في الاسلام امراه " سُميه " ...
    - يمكن تكون الست مخلوقه من ضِلع الراجل .. لكن الراجل كُله علي بعضه حته من السِت .. يكفيني شَرف ان مُعظم متابعيني بنات كُلهم تمًا بعتبرهم اخواتي .. ويكفي إن اخر كلام للنبي قبل وفاته كان بيوصي ويقول : استوصوا بالنساء خيرًا " .. واول الناس لحاقًا بالنبي وتوفي بعده مباشرةً كانت بنته فاطمه .. وسلالة النبي موجوده لحد النهارده بفضل بنته فاطمه، ومن اجل كدا يابخت اللي خلف بنت لأنه فعلاً عنده باب كبير من أبواب الجنه .. البنت علي رأي سيدنا معاويه بن أبي سُفيان لما قال علي بنته : هي تُفاحة القلب ومُتعة الحياه ❤️ !
    #أحمـد_أيمن ..
                  

12-04-2018, 04:46 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    تعرف إمته إن عندك علامات النُضج ؟
    - لما تبطل تنبهر بالناس .. ومتاخدش بالمظاهر لانها خداعه ..
    - لما تبقي عارف ان الحياه الزوجيه عامله زي الكيس البلاستك المليان مسؤليات، فلازم يتشال من الودنين مش من ودن واحده .. يعني الحياه مشاركه ومحدش بيشيل الشيله لوحده لاراجل ولا ست والا هتتفرط العلاقه وتتقطع الموده .
    - لما كلامك يبقي قليل، وتسمع أكتر ماتقول ..
    - لما متسألش كتير وتعرف إن إجابة السؤال اللي في بالك هتتقال قدامك من غير ماتسأل ..
    - لما متشوفش بودانك، بمعني إنك متقتنعش بحاجه غير لما تشوفها ..
    - لما متجبش سيرة حد ولو جت سيرة غيرك تقول الله يسهله ..
    - تحب القعده لوحدك ومتحبش كتر الجدال والمناهده ..
    - لما متزعلش ان حبايبك إتغيروا معاك، وتعرف إن ربك هيعوضك باللي يتغير علشانك ..
    - لما تقتنع ان الارزاق بيد الله وانك احسن من غيرك، وإن اللي عنده نعمه متستكرهاش عليه لانه فاقد قصاد وجودها حاجات كتير عندك ..
    - لما متخاصمش علي خصام حد، ومتساويش الناس ببعضها لان زي مافي الوحش فيه الاصيل ..
    - لما تاكل الموجود وإنت مبسوط ومتقللش منه ..
    - لما تقيس كل خطوه في حياتك بإنها حلال ولا حرام ودي قمة النُضج والانسانيه .
    - لما تسيب اللي يغضب ربنا رغم تعلقك الشديد بوجوده علشان ترضي ربك ويبقي عندك ثقه إنك هتتعوض بالافضل والاصلح ..
    - لما متقبلش الاهانه وجرح كرامتك حتي ولو علي حساب الحُب لان الحب من غير إحترام قلة قيمه وخسارته مكسب ..
    - لما تعرف إن ربنا بيغفر الذنوب كلها مهما كانت ومتخليش الشيطان ييأسك، وتبقي واثق إن كلمة " أستغفر الله " قادره تنسف معاصيك ..
    - لما تقول يارب إهدي كل ضال بدل ما تقول يارب إنتقم منه ..
    - لما ينشرح صدرك وتحس بأمل في ربك لما تسمع إسم النبي فتصلي عليه، وتبقي واثق الصلاه علي حبيبك مُحمد مفعولها جبار بالنسبه لراحة القلب والبال وتحقق اللي بتتمناه ..

    #النُضج .. 💪🏻

    #احمد_ايمن ..
    =================================

    لعل الله يُحدث بعد ذلك أمرًا !
    وكأن ربنا بيقولك : متيأسش يابو قلب طيب، هبسطك وأدهشك بأمر يجعلك تنسي من جماله قُبح كُل اللي فات !
                  

12-04-2018, 04:46 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    بمناسبة بداية الدراسه .. انا لو عندي أخ رايح أولي جامعه أو أُخت هوصيهم بالوصيه دي :
    - متسألش الدكتور كتير في المُحاضره ومترسمش نفسك .. لان لو وشك إتعرف هتبقي أمك داعيه عليك ..
    - إنت مُش موظف فمتحاسبش لحد من زمايلك، وإعمل كده من أولها عشان ميتخربش بيتك ومحدش يستغفلك .. سواء في أكل، شُرب، مواصلات، وخلافُه .. الا لو صديق قريب منك تقدروا توفقوها سوا ..
    - متقعدش في المواصلات علي الكرسي القلاب عشان مش كل شويه حد يقومك، ومتحاولش تلم الاجره بحيث هتتلخبط ومنظرك هيبقي مسخره .. إسأل مجرب ;D
    - أنا مبحبش الأسر بتاعت الكُليه بيبقي فيها أفوره وإختلاط زياده عن اللزوم .. إلا من رحم ربي طبعًا .. فمتشركيش في جمعيه خيريه فيها شباب، وإعملي لله لوحدك أو مع صحباتك ..
    - لو عندك صاحبه او معاك زميل عنده عربيه مش لازم يوصلك للموقف كل يوم خليك حسيس إلا لو طريقكم واحد فده موضوع تاني ولو انا منك هلزقله ؛D
    - ربنا بيساعد اللي بيساعد غيره محدش هياخد رزقك فمتبخلش علي زمايلك بكشكول محاضرتك أو بمعلومه عارفها " إن الله في عون العبد مادام العبد في عون أخيه "
    - هتلاقي مستوايات في الكليه أعلي وأقل منك وزيك ..فمتستكرتيش علي حد حاجه وخلي نظرتك طيبه لان الحقد بيبان وده لو إتعرف عنك هتتكره بالجامد .
    - إحنا كشباب بنعرف البنت من نظرتها لو في حالها ورافعه راسها ومبتعبرش حد صدقيني بنحترمها جدًا .
    - إنت لسه في أولي كليه متعلقش واحده بيك وانت معندكش ثقه في مشاعرك وياما هتشوف غيرها بعدين .. فلو مش ناوي تعمر بيت في الآخره يبقي متدخلش القلب من الاول .. قلوب الناس مهياش شُخشيخه ..
    - متثقيش في اي حد ومتصاحبيش واحد حتي ولو بدافع إنك بتساعديه في دراسته .. عنده معيد وعنده دكتور وعنده زمايل شباب .. الكلام الحلو بيجرجر القلب لسكه اولها جميل ونصها متعب وآخرها وجيعه .. غلفي مشاعرك وحافظي علي نفسك محدش أقوي من الوقوع في الحب ولا يتحمل دهولته ..
    - الاكل في المطاعم الغاليه بلاش منه خاصةً لو معاك واحد صاحبك ظروفه ضيقه .. ممكن يوم في الاسبوع والباقي مشوها ع القد .. بحيث مترهقش غيرك او تكلف نفسك بإستمرار، وابعد عن كنتاكي فراخه فيها دم .
    - حاولي متحطيش مكياج وتبقي بطبيعتك بحيث تتحبي زي ما انتي ومتقلقيش العريس كده كده جي .. ضحكتك لوحدها بتمكيجك ..
    - هتعرف في الجامعه البخيل والندل والاناني واللي ميتعاشرش، واكبر عتاب منك ليهم انك تتجنبهم ومتقلدهمش انت بن اصول .
    - متضربيش روحك سُمعه .. بمعني : متقعديش في مكان مُلفت للنظر ومتطرف، او علي باب مدخل اللي رايح واللي جي يشوفك، ولا تقعدي علي سلم ولازم كل طالع واللي نازل يقولك عديني،! ومتضحكيش ضحكه تخلي الناس تلف وشها وتشوف مين اللي بيضحك، او تتصوري بشكل مايع يقل قيمتك، ولا تبصي علي اللي رايح واللي جاي وكأنك منتظره نظرته اللي تأكد حلاوتك لنفسك ! انتي اكبر من كده بكتير ..
    - مبنقولش انك حلوه باللبس الواسع ووحشه وانتي مضيقه لبسك .. بس احنا بنقول ان ده امر ربنا وواجب نرضيه في اللي بنلبسه .. ولو مقصره وعارفه إنك مقصره فده في حد ذاته شيء كويس .
    - متتكلمش في السياسه حتي ولو بهزار ..
    - متتريقش علي دكتور الجامعه اللي بيحب يتكلم عن نفسه لانك لما توصل لمكانه هتعرف انك تعبت جدًا فحابب تشارك غيرك نجاحك اللي تستحقه .. طبعًا من غير أفوره .
    - اللي معاهم آي فون مهماش احسن ولا أذكي من حد، ولا انت لو معاك تبقي برنس .. عادي يعني كل واحد له ذوق في نوع الموبايل اللي يشيله ..
    - لو زميلتك جايه من بعيد خدي جنب وقعديها جنبك، ولو زميلك نفسك تكسبه هاتله هديه وليكن سندوتش شاورما مثلاً، ولو مجاش يوم رن عليه وإطمن وعرفه انك سجلت المحاضره وهتديهاله .. الهديه والتقدير هيخلوك تدخل قلب اللي قدامك بسُرعة الصاروخ واللي يقدم السبت أكيد هيلاقي الحد ..
    - مغلطش اللي قال : إجعل كل من يراك يدعو لمن رباك .. لأن وزير خارجية أي بلد بيمثل دولته ومكانتها في بلاد الناس ..ف إنت وإنتي وزراء خارجية بيوتكم .. شخصيتك وتصرفاتك هتحدد قيمة بيتك وأهلك ومكانتهم في نظر غيرك واللي يعرفوك .. فياتري تحبوا تصدروا أهلكم للي حواليك بأنهي شكل ؟

    #الوصيه .. ✋🏻

    #احمد_ايمن ..
                  

12-04-2018, 04:49 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    الدُنيا علمتني ..
    - إن مُش كُل اللي شكله حلو تبقي شخصيته كويسه، لكن كُل اللي شخصيته كويسه ضروري يبقي حلو ..
    - وإن اللي جسمهم مليان غالبًا بتكون قلوبهم رقيقه ودمهم زي العسل ..
    - وإتعلمت إني زي ما مبفرحش علي الحاجه مرتين برضه مزعلش علي نفس الشيء أكتر من مره ..
    - إتعلمت أقرأ آية الكرسي بعد كُل صلاه لأنها بوصية النبي تأشيرة دخولي الجنه لو مُت بعد ما أقرأها ..
    - مبقتش أستكتر نعمه ظاهره قدامي عند غيري لأنه أكيد بيعاني من هموم متداريه عني ..
    - إكتشفت إن مفيش إنسان مفهوش عيوب .. فقررت آخد الحلو من كُل واحد وأسيب الوِحش ..
    - اللي عاوز يكلمني هيلاقي أي باب يقربلي منه مهما كانت مشاغلِه، ولو مُش حابب هيخترع أي عُذر حتي ولو فاضي اليوم بطوله ..
    - إن لو ضميري أنبني وقت ما افتكر ذنب عملته وقتها أعرف إني لسه نضيف وإن ذنبي إتغفر بسبب ندمي علي عمايلُه ..
    - إن الرزق مش شرط يبقي فلوس .. ممكن في الصحه .. في راحة البال والنوم بسرعه .. في قلة الكوابيس .. في صاحب يحبني او حبيب ميهملنيش ..
    - محطش نفسي في سكه أو طريق هيسوأ سمعتي وأرجع ألوم الناس علي ظنهم البايخ فيا لأن كل الحروف معوجه ماعدا الألف فلازم أبقي معدول منعًا للقُول ✋🏻

    #احمد_ايمن 💪🏻
    ==============================

    كريم الشاذلي .. كاتب وصاحب دار نشر .. من فتره كان باعتلي ٥٠٠٠ جنيه علي فودافون كاش بسبب تعاملات ماديه بيني وبينه .. المهم روحت علشان أسحبهم والمفروض إن كل ١٠٠٠ جنيه بيتخصم عليه ١٠ جنيه خدمه، يعني المفروض أسحب ٤٩٥٠ بدل ٥٠٠٠، الموظف بتاع الشركه لقيته بيقولي حضرتك جالك ٥٠٥٠ يعني هتستلم ٥٠٠٠ مقفولين لان اللي بعتهملك بعتلك مبلغ تسديد الضريبه فوق الفلوس .. قولتله والله ياسيدي راجل محترم، ورغم إنه ممكن يبان موقف عادي إلا إنه كان في نظري حاجه شيك ولفتة ذوقيه ..

    - حاتم الأصم .. يعني الأطرش اللي مبيسمعش .. هو فعلاً مكانش بيسمع ؟ .. لأ كان بيسمع و كويس جدًا كمان .. طيب ليه قالوا عنه أصم ! .. قالك لان حاتم الاصم ده راجل عالم من علماء المُسلمين وكان الناس بتروحله بيته تحكيله مشاكلها وتشوره.. فواحده راحتله علشان تستشيره في أمر من أمور حياتها .. وهي قاعده بتتكلم خرج منها ريح " غازات " وكان ليها صوت كمان ! يعني قمة الإحراج والكسفه .. الست وشها بقي ألوان من الخجل فحاتم الاصم حس بكسوفها .. قام مزعقلها وقالها إرفعي صوتك وإنتي بتتكلمي لأني سمعي تقيل ! ف الست فرحت وقالت أكيد مسمعش صوت اللي خرج من جسمي، ومن يوميها إتسمي حاتم الاصم .. بسبب ذوقه وأخلاقه ..
    - أكيد قريت عن سيدنا عُمر إنه شاف واحده ست جايبه شوية حطب ومولعه نار تطبخ بيها وتنور ليها ولابنها الرضيع .. فوقف سيدنا عُمر بكل أدب علي جنب وعنيه في الارض، ولما نده مقالش : يا أهل النار، ولكنه قال : السلام عليكم يا أهل الضوء ! .. لأنه راجل ذوق وملافظه سعد ..

    - حسِّن ملافظك .. الشكل بيلفت النظر إنما الذوق والإحترام بيلفت القلوب .. وبين إنك تكسب قلب وتخسر قلب خيط رفيع جدًا وهو " الاسلوب " .. وتقرأ في الاثر تلاقي بياع العسل بيسأل بياع الخل وبيقوله: لماذا تُقبل الناس عليك ولا يشترون مني ؟فقال: لاني أُبيع الخل بلسانٍ من عسل وانت تبيع العسل بلسانٍ من خل ! .. إسمع الموقف ومثل إنك أول نوبه تعرفه علشان متحرجش اللي بيقوله .. جالك هديه مُش عجباك إعمل إنك مُنبهر بيها وخليك ذوق لان أسعد شخص بالهديه هو اللي جايبها ومنتظر رد فعل يبسطه .. مُش علشان غيرك ضايقك يبقي تتعامل مع الناس كلها وحش ! التاج والجزمه بيتلبسوا .. بس واحد فوق الراس والتاني في الرجلين ! فلازم تحافظ علي اللي مخلينك ملك بوجودهم ! .. الاسلام إنتشر في دول كتيره مش بسبب جيوش مُسلمه فتحتها ولكن بسبب أسلوب وذوق التُجار المُسلمين مع زباينهم اللي جعلهم ينبهروا بيهم ويبقوا زيهم ! .. إذًا إحفظ ديمًا المقوله اللي بتقول : إهتم بإسلوبك وذوقك جيدًا فهما يشرحا من أنت !

    #الاسلوب_الذوق ..

    #احمد_ايمن ..
                  

12-04-2018, 04:50 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    ما تصلي بينا علي حبيبك النبي : )) ..
    كل عام وإنت طيب بمناسبة هجرة رسول الله من مكه للمدينه .. تعرف ؟
    - إن النبي كان لما يعدي علي حجر أو شجر يسمع صوت سلامهم عليه " السلام عليك يارسول الله "
    - و لما كان يمسك طوبه بين إيديه كان يسمعها تقول " اللهم صل وسلم وبارك عليك يا نبي الله "
    - لما واحد سلم بإيده عليه فضلت ريحة إيده عطر لمدة أسبوع ! ..
    - تعرف إن ريحة عرق حبيبك النبي كانت تشبه للمسك.. لدرجة ان في ليله شديدة الحر واحده من الصحابيات شافت النبي نايم وكان عرقه بينزل من علي جبهته ودراعه فجابت إزازه وبدأت تعبي عرقه فيها وبقت تستخدم عرق النبي في تعطير نفسها !
    - تعرف ان سيدنا خالد بن الوليد مكانش بيلبس غير خذوه بسيطه رغم قوته وإنتصاراته، ولما ضاعت منه في معركه كان هيتجنن ! فسالوه عن سر تمسكه بيها قال : فيها خُصله من شعر النبي صلي الله عليه وسلم..
    - مكانش الرسول حيلته غير عبايه فواحده من الصحابيات فصلت لُه عبايه يلبسها فوق جلبيته، وكان النبي مبسوط بيها جدًا .. فواحد من الصحابه قاله نفسي فيها يارسول الله .. النبي مناولهاش لُه وخلاص! لكنه قام لبسهاله بنفسه بكل طيب خاطر، ولما الصحابه زعلوا من الصحابي اللي طلبها وقالوله النبي معندوش غيرها قالهم : والله أخذتها طمعًا، ولكني أخذتها لتكون كفني عند موتي لعلها تشفع لي في قبري ..
    - هل تعلم إن النبي لو حد لمحه من بعيد يقول الشمس طلعت من كُتر نوره، ولو شوفته من قريب تقول طلع القمر من كُتر حلاوته! ..
    - تعرف إن النبي لو صليت عليه يعتبر بر والدين لان اسمك واسم اهلك بيتذكر عنده في قبره، فلان بن فلان بيسلم عليك يارسول الله او فلانه بنت فلان .. فيعرفك النبي بالاسم !
    - تعرف إن النبي كان ابعد ما يكون عن التعصب لدرجة انه كان بيخطب الجُمعه فواحد غريب دخل المسجد ووقف يتبول في المسجد! ف الصحابه غضبوا جدًا ، وقتها النبي منعهم يؤذوه وقالهم غطوا بوله بالتراب ومتجرحهوش !
    - تعرف ان النبي في نوبه ملس بإيده علي راس واحد من اصحابه ففضل الصحابي عايش اكتر من ١٠٠ سنه ومعندوش شعرايه بيضه بسبب بركة ايد النبي ولمسته !
    - تعرف إن الرسول كان ذوق جدًا لدرجة إنه لو شافك جاي من بعيد لازم ياخد جنب ويقعدك جنبه ..
    - عارف لو قولت " اللهم صلّ علي حبيبك النبي " ربنا يرحمك عشر مرات .. يعني لو هتخدل النار بإحتمال ١٠ من عشره بصلاتك علي النبي إحتمال دخولك النار صفر من عشره !
    - تعرف إن بسبب دعوه منه لواحد من الصحابه كان إبنه مات فقاله ربنا يباركلك في اللي جي .. ربنا رزق الصحابي بولد، و الولد خلف عشر اولاد، و العشر اولاد كُلهم حفظوا القرآن وعلموه للناس ..
    - تعرف إن النبي قال إن أبخل البُخلاء مهواش البخيل بالمال والأكل والشُرب، لكنه اللي يسمع إسم مُحمد وميقولش : يارب صل وسلم وبارك عليه .. 🤲🏻

    #سيدنا_النبي ..

    #احمد_ايمن ..
    ==================================

    بأمانه انا زيي زي كتير مكانش عندي المعلومه دي غير من قريب وهي معلومه بسيطه وفي نفس الوقت مُهمه ويمكن لما تعلمها لغيرك ربنا يجعلك من اهل جنته .. ربك رب قلوب ..والعلماء بيقولوا : لا تحتقر من المعروف شيء فلا تدري بأي عمل تدخل الجنه !
    بعد السجود بتقعد وبعدين تسجد تاني .. ياتري في قعدتك بين السجدتين بتقول إيه ؟ ممكن تسأل حد يقولك بقول " استرني يارب .. إحفظني .. او بدعي باللي يجي في بالي .. وواحد تاني يقولك انا بسكت .. كل الدعوات دي جميله وعلي دماغنا .. بس النبي مكانش بيسكت او بيقولها .. أومال النبي كان بيقول إيه بين السجدتين في قعدته ؟ في حديث صحيح عن الرسول بيقول إنه كان بيردد دعوتين .. الاولي : "رب اغفر لي، رب اغفر لي" ويفضل يكرر دعوته لحد ما يسجد او يقول الدعوه التانيه وهي : "اللهم اغفرلي وارحمني وعافني واهدني وارزقني" ..
    إذًا إختارلك دعوه منهم وقولها او قولهم الاتنين ومفيش مشكله تزود دعوات من عندك فيزيد ثوابك وفُرص إجابتك .. وتخيل مثلا حد عرف المعلومه دي عن طريقك فقرر يصلي طول عمره ويقول الدعوتين في صلاته .. إنت عندك فكره وخلفيه عن كمية الحسنات وجبال الخير اللي هتضاف في ميزان اعمالك الطيبه في الدنيا والآخره ويمكن تتفتحلك بسببها ابواب الرزق والفرج والبركه! .. ربنا كبير وبيشوف عملك الطيب بعين ذاته .. إنه عمل كبير وعظيم مهما كان قليل وضعيف في نظرك .. المهم ربك يبارك في العمل ويرزقك القبول
    احمد_ايمن ..
                  

12-04-2018, 04:53 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    هو أنا لو ليا حد بحبه و مات، سواء بقي " اخ، صاحب، صاحبه، أب، أم، جد، جده " ووصيت إني أتدفن معاه بعد موتي هيحس بيا وأحس بيه ونتونس ببعض ؟!
    الاجابه أيوه .. بدليل ان سيدنا بلال قبل موته بليله كان بيقول : غدًا ألقي الأحبه مُحمدًا وصحبه !
    معني ذلك ان بمجرد وفاتك روحك بتتلاقي بأمر ربنا مع حبايبك في ملكوت الله وتآنسوا بعضكم ..
    وفي غزوة أُحد لما مات ٧٠ واحد من أصحاب النبي وقتها سيدنا مُحمد قال لاصحابُه دوروا بين الصحابه اللي إستشهدوا هتلاقوا عمرو بن الجموح و عبد الله بن حرام .. سألوا وقالوا ليه ندور عليهم يا رسول الله ؟ قالهم : إدفناهما سويًّا، فإنّهما كانا متحابين في الدنيا !
    قال رسول الله صلي الله عليه وسلم : يُحشر المرء مع من أحب ..
    فمتقلقش عمرك ما هتبقي لوحدك .. بس إدعي ديمًا وقول : اللهم إرزقني الحبيب الطيب في دُنيتك وإجعله رفقًا لي بعد الموت برحمتك وألحقني به يوم القيامة في جنتك
    ===============================

    أخجلتني وكسفتني بكرمك عليا يارب .. مقصر في حقك وإنت باسطلي الرزق والبركه .. بعيد عنك وإنت قريب مني وجنبي ..
    كان يوم جميل والمكان مُكتمل ورغم إني والله ما كنت محضر بالشكل المطلوب والحفله جت صُدفه الا إن ربنا مكسفنيش وألهمني بالخير وفتح عليا .. شكرًا لكل اللي جه وكل اللي إستفاد ولو بشيء بسيط وشكرًا لدار الرسم بالكلمات علي رعايتها الطيبه لليوم .. ربنا يديمكم نعمه ويرضي عنكم قادر ياكريم 🤲🏻❤️
    ==============================

    #السِحر ..
    هو في سحر فعلاً ؟ وممكن حد يعملي سحر يضرني بيه في حياتي ؟
    الحقيقه إن السحر موجود و مذكور في القرآن، والنبي نفسه إتسحر وإتأذي، ! وفي ناس دلوقت ومن قديم الزمان بتسخدمه، لكن محدش يقدر يضر بيه مخلوق غير بإذن ربنا، وممكن بسببه تحصل مشاكل كتيره بين الواحد ومراته علي أتفه الحاجات .. او تلاقيك حاسس بيأس وإحباط وكسل وضاربها طناش .. وممكن تلاقي واحده مُكتئبه وظروفها النفسه ملطشه وحتي ولو جالها عريس ميحصلش نصيب بدون حجج مُقنعه للفركشه ! .. طب الحل إيه ؟ بحيث ربنا يحميني من إن حد يسحرلي ويوقفلي حياتي ويلخبط دُنيتي المتلصمه أساسًا !
    إمبارح وأنا بقلب ع اليوتيوب صادفني فيديو للشيخ الشعراوي بيحكي فيه عن إقتناعه بوجود السحر وإنه قدر يتوصل لدعاء عامل زي السور بيحجب بين السحر والسحره وبين اللي بيقول الدعاء ويحميه منهم .. فلو إنت او إنتي رددتيه دلوقت باذن الله ربك هيحوش عنك البلاوي والمستخبي ويهدي سرك ويقوي قلبك ويرزقك بعزيمه وهِمه متتخيلهاش زي ماتكون واخد حباية الشجاعه وده طبعًا مع اليقين في الله والسعي طبعًا، وياريت لو ليك حد حاسس إنه متعكنن او متغير ياريت تدله علي الدعاء لعل وعسي يكون سبب إرتياحه وتاخد ثوابه من فضل ربنا الواسع، والدعاء اللي الشعراوي قاله هو : اللهم إنك قد أقدَّرت بعض خلقك علي السحر والشر، ولكنك إحتفظت لذاتك باذن الضُر، فأعوذ بما إحتفظت به مما أقدرت عليه بحق قولك : وماهم بضارين به من احدٍ الا باذن الله ..
    متستقلش بالدعوه الشعراوي بيقول إن بسببها ناس كتيره جدًا أمورها أتغيرت للافضل .. وإحنا عشمانين ومتشعبطين في كرم ربنا وحبال الامل فيه، وأنا واثق إن ربنا لايُمكن يخذلك☝🏻 ..

    #احمد_ايمن ..
                  

12-04-2018, 04:54 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    حلا شيحا ..
    - بما إنها قلعت حجابها فبقت حاليا حديث الناس .. منهم اللي بيشتمها, واللي بيدافع عنها, واللي بيدعيلها .. آراء كتيره حواليها ..
    النبي صلي الله عليه وسلم لما واحد من الصحابه شِرب الخمره فالصحابه بقوا يشتموه ويلعنوا فيه .. فـ النبي غضب وقال : لا تسبوه, ولا تكونوا أعوانًا للشيطان علي أخيكم .. لما اضربك واقولك إنت فاشل وافضل اهينك .. غصب عنك هتعاند وهتبقي بالفعل فاشل ..
    - الشيخ الشعراوي الله يرحمه كان بيتناقش مع شاب مُتشدد شويتين .. فالشيخ ساله وقاله : لو في ديسكو او كباريه في بلد من بلاد المُسلمين .. تفتكر لو حد دخل وفجره باللي فيه حلال ولا حرام ؟ رد الشاب بسرعه وقال حلال طبعًا ! .. فالشعراوي قاله : لما الناس اللي في الكباريه يموتوا بسبب التفجير هيدخلوا الجنه ولا النار ؟ رد الشاب وقال : النار طبعًا .. الشعراوي قال : والشيطان حابب الناس دي تدخل الجنه ولا النار ؟ قاله : برضه النار طبعًا .. ضحك الشعراوي وقاله : يبقي إنت كده بتشترك مع الشيطان في نفس الهدف وهو إن الناس دي تدخل النار ! وكمل الشعراوي كلامه وفكره بموقف للنبي صلي الله عليه وسلم لما مرت من عليه جنازة راجل يهودي فوقف إحترامًا وحُزنًا .. فالصحابه سألوه وقالوله : لماذا وقفت يا رسول الله ؟ قالهم : أليست نفس ؟! .. شوف بقي الفرق بينك وبين رسول الله ؟ انت عاوزهم يدخلوا النار وهو نِفسه ينقذ الجميع منها ووقف من حُزنه علي إنسان مصيره العذاب.. النبي في سكه وإنتم في سكه تانيه ..
    - لما واحد من الصالحين كان ماشي في الطريق مع طالب من طُلابه .. فقابلهم في سكتهم مجموعة شباب بيشربوا خمره وبيضحكوا بإنبساط .. الطالب غضب وقال للراجل الصالح إدعو عليهم يا سيدي ! .. رفع الصالح إيديه للسما وقال : اللهم كما متعتهم في الدُنيا .. متعهم في الآخره .. اللي بيروي القصه بيقول ان مفاتش 6 شهور الا وربنا كان هدي الشباب وإمتنعوا عن شُرب الخمره !
    - غلطت ؟ أيوه غلطانه .. بس مين فينا مبيغلطش ؟ كُلنا مليانين بلاوي .. انا نفسي لو إتعرف الذنوب اللي بعملها هتلغي متابعتك ليا .. علي رأي المثل : محدش مغسل وضامن جنه .. بلاش نسن السكاكيين لبعض, إرفع إيدك للسما وقول يارب ردها لدينك رد جميل .. ساعتها دعوتك هتبقي في ميزان حسناتك وربنا هيرزقك باللي يدعيلك .. حُسن اخلاقك في التعامل مع الموقف هو اللي هيثبت إن طريقك هو الصح .. لان لو كُنت فظًا غليظ القلب لإنفضوا من حولك .. الراجل اللي قتل 99 واحد وسأل واحد وقاله : ليا توبه ؟ رد وقاله اعوذ بالله منك طبعًا ملكش ! قام قتله هو كمان .. متخليش اللي قدامك يقول هفجُر منا كده كده مُش نافعلي توبه .. ربنا يهدينا جميعًا ويزرع جوانا حُب القرب من طريقه ويكفينا شر الانتكاسه وإنقلاب الحال وميجعلناش سند للشيطان علي غيرنا ..
    ونصيحه : مادُمت حياً فلا تأمن على نفسك الفتنة ، ولا تعيّب أحداً بمعصية ، ولا تتعجب من ذنب فعله غيرك ، ولا تستكثر طاعتك ، فما تدري بماذا يُختم لك !

    #أحمد_أيمن ..
    ====================================

    - أنا بحب الناس اللي بتبقي عارفه الموقف او النكته اللي بحكيها وتعمل نفسها اول مره تسمعها عشان متكسفنيش ..
    - بحب اصحاب المحلات اللي مبيقفوش علي راسي وانا داخل اشتري لبس او اي حاجه ويسبوني اتفرج براحتي ..
    - بحب الشخص اللي اتكلم معاه ميبصش في موبايله ويبص في عيني ويحسسني إنه مهتم ..
    - وبحب اللي مبيسألش علي مجموعي او تقديري في النتيجه كان إيه ..
    - وبحترم الشخص اللي لو قولت قدامه معلومه وسط ناس ميفضلش يغلطني ..
    - وياسلام ع الناس اللي مبتقولكش كل لما تشوفك إنت تخنت قوي ولازم تخس ! ..
    - وبعشق الناس اللي تشوف بنت او ولد لسه مولود ومتقولش إبنك او بنتك وحشين ليه كده !
    - وأفرح بالفلوس اللي الاقيها منسيه في جيب البنطلون ..
    - وبحب الصاحب اللي ميعاتبنيش بزياده علي قلة سؤالي، وبرتاح للبني آدم اللي يقابلني واكون ناسي اسمه وميسألنيش ويقولي : أنا مين ؟
    - وبقدر اوي الابن او البنت اللي مبيقللوش من فهم امهم و ابوهم لمعلومه ع الفيس مثلاً وبيشرحوها بهدوء من غير زهق ونفخ، لانهم عارفين انهم معرفوش الفيس و التكنولوجيا غير بسبب اهاليهم اللي علموهم وصرفوا عليهم عشان يبقوا كده ..
    - وبعز اوي الناس اللي بتقدر الموقف .. يعني مثلاً تيجي تزورك في الصباحيه وتنقطك لانها عارفه ان الفلوس احسن بالنسبالك من الجاتو والفاكهه عشان تلاجتك مليانه اكل وحلويات ..
    - اما بقي الناس اللي كلامهم طبطبه دول حكايه لوحدهم .. اللي ميخوفوش الواحده من خطوة الجواز، و ميقللوش من كليه دخلتها .. ديمًا فاتحين بكلامهم باب للخير ومنورين الدُنيا في وشوش معارفهم ..
    - سيدنا عمر صدق لما قال : البر شيء هين وجه بشوش ولسان ليِّن .. زي ما الفلوس والصحه والعيال رزق .. برضه الناس الكويسين رزق .. ربنا يجعلنا مُرزقين بناسنا .. سواء اللي نرتبط بيهم .. او نشتغل معاهم .. او نخلفهم .. او نصاحبهم .. يجعلهم قاعدين في قلوبنا مش عليها .. يكونوا سبب في إرتياحنا مش في تعبنا و تجريحنا ..

    #ولاد_الاصول ..

    #احمد_ايمن ..
                  

12-04-2018, 04:56 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    قريت قصه زمان بس عجبتني ..
    عن قريه في الصين كان فيها بير الناس بتشرب منه .. لكن جت فتره كان أهل القريه كل لما يدلدلوا الجردل في البير ويجوا يشدوا الحبل ميلاقوش الجردل ! جابوا جردل تاني وربطوه في الحبل ونزلوه برضه نفس الحكايه الحبل طلع من غير الجردل ! قالوا البير ساكنه عفريت ولا ايه ! .. قرروا يدوروا علي واحد يتبرع ينزل في البير ويشوف إيه اللي جواه .. لحد ما واحد وافق إنه ينزل البير بس علي شرط إن أخوه يكون من ضمن الناس اللي واقفه قدام البير وماسكين الحبل اللي هيربطوه وينزلوه في البير بيه .. الناس قالوله بلاش اخوك أحسن يجراله حاجه لو الحبل إتشد أو حصل مُشكله وإحنا كتير وهنمسكه ومُستحيل يفلت مننا .. رفض وصمم إن اخوه يكون معاهم، ومرضيش يقول سبب إصرارُه علي وجود أخوه .. المهم إنهم ربطوه في الحبل ونزلوه بهدوء في البير الغويط .. نزل لقي " قرد " في البير ! قام شايل القرد علي كتفُه وبدأت الناس تشد وتطلع الراجل لفوق بالحبل .. اول لما راس القرد المتغطيه بالطين ظهرت من علي وش البير.. الناس كلها إتخضوا وسابوا الحبل وقالوا يا فكيك .. جريوا كلهم ماعادا اخوه اللي فضل متبت بإيديه وسنانه في الحبل ومثبت رجليه في الارض وخايف يسيب الحبل لأنه لو سابه اخوه هيقع في البير وهيموت جواه، وعلشان كده الاخ كان مصمم يكون اخوه من ضمن الناس اللي هيشدوا الحبل لأنه كان واثق في إن مهما الناس خذوله لا يُمكن أخوه يفلت الحبل ويخذله ..
    - جه في بالي اول لقاء بين ربنا سبحانه وتعالي وسيدنا موسي .. لما ربنا قاله انت هتبقي نبي يا موسي .. سيدنا موسي قاله تسمحلي يارب ان يكون اخويا هارون رفيق ليا في رسالتي لانه هيقف جنبي ويشجعني ويقويني وقت ضعفي ويسندني لما اقع !
    - الاخ زي العُكاز بيسند .. وميبانش معدنه غير وقت الشده والعوزه .. وممكن يحصل بيني وبين أخويا مُشكله وآجي عليه .. لكن وقت ما هيتحوج هيلاقيني اول الموجودين معاه ..
    - واحد يقول انا مش لاقي نفسي مع اخويا ومش حاسس بقربه مني .. او ماليش اخ او أخت ..
    - ساعتها يجي في بالك ان يوم القيامه في ناس هتبقي في الحر غرقانه في عرقها وناس هتبقي في الضل تحت عرش ربنا .. من ضمن الناس دي .. الاخوات في ربنا .. من اب وام مُختلفين لكن الروح متشابهه .. هما دول اللي ربنا هيضلل عليهم ويحاجي يوم القيامه .. علشان كده لو عرفت واحد مجدع إوعي تتخلي عنه، ولو ربنا رزقِك بواحده بتحبك تبتي فيها ومتسبيهاش .. الناس دي عُمله نادره .. رُبَ أخٍ لك لم تلده أمك .. بيحس بيك من غير كلام وبيفهمك من غير شرح ويقف جنبك من غير سؤال ..
    --لما الامام الشافعي راح يزور صديقه الامام احمد بن حنبل ولقاه مريض .. تعب لما شافه في حالته دي، ورقد في السرير من حُزنه علي مرض صديقه ..فلما الامام احمد عرف ضغط علي نفسه رغم مرضه وراح يزوره .. اول لما الامام الشافعي شافُه قام من علي سريره من فرحته وقال : مَرِضَ الحبيبُ فزرته . فمرضت من اسفي عليه ! .. شُفي الحبيب فزارني .. فشُفيتُ من نظري إليه !
    - فعلا كان له حق سيدنا عمر لما قال : ان مفيش نعمه من بعد نعمة الاسلام أعظم من صديق صالح ..
    - شكرًا لكن أخ متخلاش .. ولكن صديق مستغناش .. شكرًا لكل اللي جه في بالك لما قريت الكلام ده سواء اخ .. اخت .. صاحب .. او صاحبه ..
    - و صدق من قال : بعض الاصدقاء ليسوا أصدقاء وإنما إخوه تختلف أسمائنا مع أسمائهم !

    #السند .. ❤️

    #احمد_ايمن
    =========================
    لما قالوا لسيدنا علي : أين نجد راحة القلب ؟ رد وقال : راحة القلب في قلة الإهتمام ! .. متديش إهتمام للي مبيقدرش قيمتك وإنت قلبك يرتاح
    ===========================

    لاموآخذه يعني .. أكيد انا وإنت نعرف ناس متجوزين عندهم مشاكل في بيوتهم .. من ضمن الناس اللي أعرفهم شاب في التلاتينات من عُمره .. صديق مقرب ليا .. كل يوم والتاني يحكيلي مشكله جديده بينه وبين مراته .. مُش مريحين بعض خالص .. قالي تعرف انا جوايا شعور باليقين إن مشاكل جوازي دي سببها اللي كان بيحصل بيني وبين مراتي لما كُنا مخطوبين من تجاوزات .. إن ابوها وامها يسيبونا في الصالون المعزول عن باقي الشقه لوحدنا فغصب عني وعنها بنضعف، وكأن دلوقت ربنا بيعاقبنا بقلة الراحه وفشل التفاهم بسبب اللي عملناه ..
    وقتها إفتكرت الآيه اللي بتقول " ولا تقربا هذه الشجره " ربنا حذر سيدنا آدم والسيده حواء انهم يقربوا ناحية الشجره اللي نهاهُم عن الأكل منها .. مقالهمش مثلاً : " ولا تأكلوا من الشجره " .. لأ ده قالهم متقربوش .. متعدوش من جنبها من أصله ..
    - متآمنيش لعلاقه ملهاش ملامح مع شخص مدخلش بيتك علشان يثبتلك حُبه وترجعي تقولي كسرلي قلبي !
    - ماتمشيش مع شِله مبتقربكش من ربنا أو ع الأقل بيستروا ذنوبهم وترجع تقول الناس بتقول عني وحش زيهم !
    - متخليش إبنك طول النهار في الشارع وتيجي تشتكي من اسلوبه ! مهو طبيعي ياخد من اللي حواليه مادام إنت بعيد ..
    - متنامش عريان في التكييف او تحت المروحه وتاني يوم تشتكي من البرد !
    - متقللش من نفسك او تدي غيرك مقام اكبر من اللي يستحقه، وبعدها ترجع تكتئب من قلة إحترامُه ليك ..
    - متدخلش نفسك في اللي ملكش فيه أو تهزر في كل الاوقات وترجع تقول فلان أحرجني!، و متملاش بطنك بأكل مسبك وحراق قبل النوم وتيجي تشتكي من الحرقان والحموضه ..
    - طب إفرض انا عملت ذنب وحاسس اني بتعاقب عليه حاليًا .. أعمل إيه عاوز اروق ؟ .. سهله .. قول يارب سامحني .. اوعد ربنا مترجعش للذنب تاني وهيغفرلك وينقي حياتك .. متكررش غلطك .. .. إعمل حدود .. مهواش عيب .. الباب اللي يجلك منه الريح سِده وإستريح .. متسبش نفسك لشيطانها، ومتسلمش عقلك لهواك .. ربنا يكفينا شر العواقب والمستخبي والاعراض الجانبيه، ويحفظنا من اللي بره بيلمع ومن جواه مصدي ومقُرف ! ..

    #ماتستهونش .. ✋🏻

    #احمد_ايمن ..
                  

12-04-2018, 04:59 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    لعل البوست ده يكون سبب راحتي وراحتك ..
    - معظمنا الفتره دي عندنا إحساس غريب ملهوش تفسير .. عباره عن زهق وضيقه و قفلة دماغ, و جو عام من الاكتئاب و غشاوه ع القلب والروح ..
    - لكن زي ما الجنزبيل بيعالج الصدر من أي خشونه وخرفشه بسبب البرد..
    - وشوية الميه الساقعه بتعالج الزُغطه ..
    كذلك النبي صلي الله عليه وسلم قال : إن الانسان مننا لو نام متوضي ربنا بيبعتله ملك من السماء يلازُمه لحد لما يصحي تاني يوم .. الملك ده ربنا مكلفه بحاجه واحده بس .. إنه يستغفر للشخض اللي نايم متوضي .. مثلاً إسمك " محمد " تلاقي الملك يقول طول ما إنت نايم : يا رب إغفر لمحمد وسامُحه .. اسمك " هُدي " يفضل يستغفرلك ويدعيلك ربنا يسامحك بإسمك .. واول لما تصحي من النوم الملك يقول : اللهم اغفر لعبدك فلان، فإنه بات طاهرًا" .. الواحد مننا بيتشعبط في نُص فُرصه تقربه من ربنا وتريحه .. جربها مُش هتخسر حاجه .. الاستغفار بيجلب الرزق وراحة البال .. بيجلب الذريه الصالحه .. ويغفر الذنوب .. الإستغفار عباره عن عصايه سحريه بتحقق الاحلام .. وكأن حياتك مكركبه زي دولاب هدومك وتصحي الصُبح تلاقيه مترتب وآخر شياكه .. ربنا هيعدلك ظروفك ويصلح حالك ويرستك جميع امورك .. طيب إفرض مش هتعرف تتوضي او كسلت شويتين ؟ بسيطه ياسيدي .. أي انسان هيعرف المعلومه دي عن طريقك ويطبقها ربنا هيصُب في ميزان حسناتك نفس الثواب اللي هو هياخده بالظبط .. لأن الدال علي الخير كفاعله .. إتوضي الوضوء بيغسل القلب والروح قبل الجسم والاعضاء .. ربنا ينقينا من عُقدنا ويجعلنا متصالحين مع نفسنا قادر يا كريم ..

    #اللهم_طهرني_من_كل_ذنب_وغم_وهم .
    =======================
    انا وحسن ايمن اخويا اتفقنا إن مفيش زعل ما بينا لما اكتب الموقف ده ..
    - حسن وهو في ابتدائي كان في إتنين زمايله بيغلسوا عليه ويضايقوه .. لما إشتكالي خدت واحد صاحبي ورحت اشتريت علبة شيكولاته وعلبة توفي، ودخلت مدرسته واستأذت من الاستاذ اللي كان بيدي الحصه اني اوزعهم علي الفصل، وجيت علي الولدين وغمزتهم بيني وبينهم بشوية شيكولاته وتوفي زياده عن زمايلهم، وقولتلهم ملكوش بركه الا حسن يارجاله .. ابتسموا بخجل و قعدوا فتره طويله ميغلسوش عليه ..
    - انا فكرت في ٣ حلول :
    - الاول: إني اروح ازعق ليهم ..
    - التاني : أشتكي لاهلهم و يرزعوهم علقه ..
    - التالت : إني اتعامل مع الموقف عن طريق الحنيه والعقل ؟ وانا اخترت الحل التالت .. و الولدين بقوا دلوقت اصحاب حسن ..
    - قبل ما سيدنا ابو بكر يموت كان متعود يروح يخدم ست كفيفه " مبتشوفش " ويأكلها، وبعد لما مات .. سيدنا عُمر راح ليها علشان يديلها شوية بلح ومقالهاش خبر وفاة سيدنا ابو بكر لكنها هي اللي قالتله : أمات صاحبك ؟ قالها : كيف علمتي ذلك الخبر ؟ قالتله : لان صاحبك كان يأتيني بالتمر من غير النوي .. أما أنت فأحضرته بنواه ! .. وقتها سيدنا عمر بكي لانه عارف ان سيدنا ابو بكر احن منه، وان حنانه علي الست ساب علامه في قلبها لدرجة انها افتقدته وشافت غيابه بقلبها وبصيرتها رغم فقدانها بصرها ونور عنيها !
    - كل لما اصلي بسوره قصيره بحب اقرأ سورة الكوثر .. مليانه حنان رباني غير عادي .. النبي كان معروف انه معاشلوش ولد .. اولاده " القاسم .. ابراهيم .. عبد الله " كُلهم ماتوا .. وزي ما انت عارف ان الولد بيشيل اسم ابوه من بعده، والنبي لحكمه ربانيه مكانش عنده ولد يشيل اسمه .. فكان في واحد من الكُفار كل لما يشوف النبي يقوله : يا أبتر .. يعني يا مقطوع النسل .. كلمة أبتر جايه من البتر يعني " القطع " .. فكان النبي يتغم ويحزن .. لحد ما ربنا بعتله بُشري وهي عباره عن سوره تطبطب علي روحه وتفرحه .. قاله : إنا أعطيناك الكوثر " ليك نهر في الجنه بتاعك انت لوحدك يا مُحمد اسمه الكوثر .. فَصَلِّ لربِكَ وإنحر " قوم بقي صلي واحمد ربنا وادبح الدبايح ووزعها ع الغلابه " .. إن شانك هو الابتر .. اللي شتمك ده اللي هيجي يوم القيامه مالوش عيل ولا تيل هيبقي وحداني .. اما انت يا مُحمد ملايين هيصلوا عليك وهيفتكروك وسيرتك هتعيش اكتر من جسمك متزعلش ياحبيبي يابن عبد الله .. ساعتها النبي فرح .. ربنا حن عليه وطيب خاطره ..
    - المسايسه و الحنان هما تأشيرة دخول سريعه لعمق اي روح .. كام بن بيفكر دلوقت لو ابوه ياخد رايه ويحسسه بقيمته؟ .. كام بنت نفسها ف ام تسمعلها ؟ كام زوجه نفسها ف كلمه حلوه تبل ريقها من جوزها .. زي ما الاكسجين بيغزي الرئتين كذلك الحنان بيغزي القلب والعين .. كلمة وحشتني تعبتر حنان .. كلمة شاركني برأيك تعتبر حنيه .. تلاقي العيل الصغير يضحك علي دراعك واول لما يلمح طرف امه وهي معديه من قدامه يفضل ينهنه ويفرد درعاته وعاوز يروحلها .. لان امه هي مصدر ومنبع الحنان الاكبر بالنسبالُه .. خليك حنين الله يحن عليك ويرحمك يوم القيامه .. و ربنا يكفينا شر استخسار الحنيه علي الناس اللي عندها عشم فينا، ولو بتشتكي من قسوة القلب قول في سرك " لا اله الا الله " لان الجُمله دي قادره تمحي صدي قلبك وجموديته، وصدق فعلاً اللي قال : الجمال يَلفت الانظار لكِن الحنان يلفت القلوب ❤️

    #الحنان ..

    #احمد_ايمن ..
                  

12-04-2018, 05:00 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    مليار مبروك للناجحين وربنا يوفقهم .. وللي زعلان علي نتيجته عاوز اقولك انك اكيد بتحب قصة سيدنا يوسف ..
    ومن ضمن قصته انه لما دخل السجن كان معاه ٢ شباب خرجوا قبله من سجنهم .. طبعًا اكيد هتفتكر انه تأخير خروجه شر .. لكن لما تعرف ان الاولاني لما خرج إتقتل بعدها!، والتاني لما خرج بقي خدام بقيت حياته، وان سيدنا يوسف رغم انه خرج آخر واحد لكنه بعدها بقي وزير إقتصاد مصر !
    ساعتها هتعرف إنه ربك محوشلك خير في الجيات .. مدبقلك توفيق في المُستقبل القريب .. بس عشان انت عندك قُصر نظر فمُش شايفه في لحظتك .. لكن صدقني بفضل الله هتبقي من احسن الناس وانتي كمان .. متحكمش علي روحك ورزقك حالاً .. محدش عارف الخير فين، وإفتكر ديمًا الآيه اللي بتقول : لعل الله يُحدث بعد ذلك أمرًا
    ==============================

    بقالي يومين بفكر أبدأ البوست ده إزاي !..
    - لما الواحد بيحب واحده ويلاقي إنه يبيجيلها عرسان كتير، ضروري علشان يحافظ عليها بيتقدملها ويتحدي الظروف ..
    - لما بتجيبي موبايل جديد أول حاجه بتفكري تجيبيها جيراب علشان يحفظلك الموبايل ..
    - لو عندك شوية أكل في الجو النار ده لازم تحطه في التلاجه علشان تحافظ عليه و ميحمضش ..
    طيب في الظروف اللي إحنا فيها دي .. لو عندك بنت او ولد ونفسك تأمن مٌستقبله وتحافظ عليه من الدُنيا وتوفرله حياه كريمه من بعدك, واكتر حاجه بتخوفك مش إنك تموت قد ما إنك قلقان تسيبهم لوحدهم من بعدك أو تسيبيهم .. طب والحل .. إزاي يكون اولادي بخير من بعدي ؟
    وأنا بقلب ع اليوتيوب .. صادفني فيديو للشيخ الشعراوي .. بيحكي فيه موقف وعن طريق الموقف ده بيفسر آيه من القرآن .. بيقول : إن الخليفه العادل سيدنا عُمر بن عبد العزيز لما مات ساب 18 دينار ودول كانوا كُل ثروته .. وهو عنده 11 ولد .. و مصاريف جنازة سيدنا عُمر " تمن الكفن والمقبره " إتكلفوا 9 دنانير .. يبقي فاضل 9 دنانير من الـ 18 .. اولاده ال 11 قسموهم علي بعض ميراثهم من ابوهم كل واحد طلعله اقل من دينار ميراث, وبيكمل الشعراوي و بيقول : إن هشام بن عبد الملك حاكم المُسلمين لما مات .. ساب 4 زوجات واولاد كتير .. بيقول ان نصيب الزوجه الواحده كان 80 الف دينار ! يعني زوجاته الاربعه كان 320 الف دينار .. دي فلوس سايله كده غير القصور والبيوت والحدائق يعني تقريبًا كل ولد من اولاده ميراثه كان 500 الف دينار غير العقارات والاراضي والمواشي .. الشعراوي بيقول : ان اللي بيروي القصه بيقسم بالله إنه شاف ولد من اولاد عُمر بن عبد العزيز بيجهز 100 فرس بكُل محتواياتهم علشان يجاهدوا في سبيل الله, وشاف ولد من اولاد هشام بن عبد الملك بيشحت في الاسواق وبيطلب صدقه! .. وده تفسير الآيه اللي بتقول : وليخشَ الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدا .. ياللي خايفين علي عيالكم من بعدكم مش الفلوس لوحدها اللي هتأمن مستقبلهم ولكن تقوي ربنا هي اللي هتنفعكم .. ياما اولاد اهاليهم معاها فلوس وتلاقيها بتشرب مُخدرات وبعيده كُل البُعد عن ربنا، وتلاقي الاب يقولك معرفش إبني طالع لمين ! .. إلا من رحم ربي طبعًا ..
    - سيدنا ابو بكر لما تصدق بكٌل فلوسه لله .. سيدنا النبي قاله : ماذا تركت لاولادك يا ابا بكر ؟ قاله : تركت لهم الله ورسوله يا رسول الله ! .. انا إتقيت ربنا فيهم وخليت ربنا يتكفل بيهم من بعدي .. مبقولكش تتصدق بكل فلوسك .. بس بقولك تسيبها لله ومتقلقش عليهم .. تتصدق بنية صلاح عيالك .. بنية إن ربنا يحميهم بحماه من بعدك ..
    - بيتهيألي مر عليك موقف سيدنا موسي وسيدنا الخضر في سورة الكهف لما دخلوا بلد ولقوا جدار مايل ولسه هيقع فشمروا هدومهم وعجنوا طينه وعدلوا الجدار من جديد .. لأن الجدار كان تحته كِنز لطفلين ايتام ولو الجدار وقع اهل البلد هيسرقوا الكنز من الطفلين الغلابه .. فربنا حب يأخر خروج الكِنز لحد ما يكبروا وعودهم يشتد ويطلعوا كنزهم بنفسهم .. تعرف ده كُله ليه ؟ لأن ربنا قال صفه من صفات ابوهم فـ القرآن قال ايه؟ كان غني ؟ لأ .. كان شكله وسيم ؟ برضه لأ ! .. أومال قال ايه ؟ قال : وكان ابوهما صالحًا " ابوهم كان راجل محترم .. امهم كانت ست طيبه .. ياما مليونيرات سابوا لعيالهم فلوس متلتله وعيالهم بقوا شحاتين من بعدهم, وياما غلابه تلاقي ربنا يكرم عيالهم ويبقوا اغنياء واكيد انت تعرف ناس كده ..
    يعني اسيب عيالي ع الحديده ؟ طبعًا لاء .. بس إبنيهم متبنيش ليهم .. إصنعهم متصنعلهمش .. علمهم كويس .. إديهم كورسات .. إحتويهم .. إنصحهم بالمُصاحبه .. عرفهم إزاي يعتمدوا علي نفسهم ويقدفوا في بحر الدُنيا الغريق .. علمهم إن الغني غني النفس .. مبقولكش تتقي الله يعني تبقي ملاك .. ربنا بيقول : واتقوا الله ما استطعتم " علي قد مقدرتك خاف ربنا علشانهم مش علشانك وهتُرزق .. لو بتعمل ذنب بطله علشانهم .. أو اعمل خير كتير يكفر ذنبك .. لو بتعملي حاجه مترضيش ربنا سيبيها, عيالك يستاهلوا ترضي ربنا لأجل عيونهم .. وساعتها ربنا هيفتحلك بدل الباب ابواب, وهيرزقك ويراضيك من حيث لا تدري ولا تحتسب, وماتنساش الآيه اللي بتقول : فالله خير حافظًا وهو أرحم الرحمين " قول دلوقت حتي ولو لسه متجوزتش هتتسجلك عند ربنا لان الاعمال بالنيات ومادام نيتك خير يبقي هتُفرج عليك وربك هيرزقك ذريه صالحه.. يالا قول : اللهم إني إستودعتك أبنائي وذريتي فإحفظهم بحفظك يارب .. دي الوديعه في البنك مبتروحش .. مابلك بالوديعه اللي عند ربنا !
    وإفتكر ديمًا الجُمله اللي بتقول : التقوي بتنفع الذريه .. 🤚

    #أصلحني_يا_الله .. ❤

    #أحمد_أيمن ..
                  

12-04-2018, 05:02 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    البوست ده إشاره ربانيه ليك وليكي ..
    للطالب اللي قلقان من نتيجته..
    للي شايل مسؤليه وحامل هم رزقُه..
    ياللي عندك مُشكله وملعبكه حياتك وعندك يقين إنها مُش هُتفرج !
    انا مش هضربلك مثل عني او عن حد صاحبي واستشهدلك بيه .. لأ .. أنا هرجعلك بالزمن ورا واقولك علي موقف من كلام ربنا اللي مفهوش شك او تشتُت ..
    فاكر لما فرعون كان بيقتل كل طفل بيتولد في مصر وام سيدنا موسي خافت علي سيدنا موسي إنه يتقتل وهو كان وقتها طفل رضيع ضعيف لا حول له ولا قوه ؟ .. ربنا قال لام سيدنا موسي : إرميه ف البحر وانا هنجيهولك .. وفعلاً ربنا نجاه وجنود فرعون طلعوه من البحر وسيدنا موسي عاش نُص عُمره في بيت فرعون واتربي عنده ..
    يمر الزمن والعُمر وسيدنا موسي يبقي نبي وفرعون يبدأ يطاردُه لحد ما يوصل الحال بفرعون رغم قوته وجبروته إنه غرق في نفس البحر اللي سيدنا موسي ربنا نجاه منه وهو لسه طفل رضيع معندوش اي وسيله من وسائل القوه !
    وهي دي الحكمه اللي انا حابب اوصلهالك .. ان ربنا عالم انك غريق وبتسنجد بيه، وانك ضعيف ومحلتكش غير دعوه وامل متشعبط فيه وهو الامل في الله .. وانا بكلمك بكل يقين ان ربنا هيلحقك و ينشلك من الضياع ويوفقك ويكرمك وييسر امورك ويفرجها من وسع وقريب كمان .. " وعسي ان تكرهوا شيء وهو خير لكم " .. ام سيدنا موسي كانت كارهه انها ترميه في البحر واكتشفت انه خير لابنها وليها .. كذلك خلي عندك يقين ان كل محنه بتترمي فيها هتتحول منحه وفرج من وسع .. محدش عارف الخير فين .. هُترزق ووشك هينور والهم هيغور بأمر ربنا بلا رجعه .. بس إنت تسلمها لله وتقول يارب 🤲🏻

    #هُتفرج 💪🏻❤️

    #احمد_ايمن ..
    ==============================

    آسف بجد ع الغيبه .. حقك عليا ..
    ايام الكليه كنت متعود أركب مع سواق تبع السنبلاوين .. مُحترم .. جدع، وبيحبني .. من كام يوم سمعت انه مات .. زعلت جدًا .. لانه كان لما يشوفني بيرحب بيا و يحجزلي كرسي جنبه .. بيتعامل معايا بذوق وود ويحكيلي عنه وعن حياته، وانا كنت بتعامل معاه بأدب بس عمري ماقولتله اني بحبه أو مثلاً جبتله ازازة حاجه ساقعه من الكشك اللي ع الموقف وانا رايح اركب معاه .. إزاي انا كنت بالغباء ده ! معبترلوش عن تقديري لإحترامه ليا وجدعنته معايا قبل ما يموت ! .. الهم إني دعتله وقريتله الفاتحه .. إمبارح بقي لقيته ماشي بعربيته ومعدي عليا !! ازيك يا بشمهندس احمد ؟ اول لما شوفته إتخضيت وروحتله و قولتله اخبارك ايه ؟ وحشتني ياجدع وفتحت باب العربيه وسلمت عليه بحراره ! لدرجة انه إتعجب .. واتبسط قوي بسلامي عليه .. وبعد ما مشي سالت صاحب ليا مش فلان كانوا بيقولوا مات ؟ قالي لا ياعم ده واحد قريبه مش هو .. فرحت بجد والله .. واتعلمت درس إني اقدر قيمة الناس والنعم اللي معايا قبل ما يجي اليوم اللي اندم فيه علي فقدانها ..
    - لو كل واحد خاطب عرف إنه هيخسر خطيبته بسبب غلطه فيها وقلة تقديره مكانش عمل اللي بيعملُه ..
    - لو كل اخ او يعرف إن اخته مش هيشوفها تاني كان إحتواها وصاحبها ومفكرش ولو لحظه يقسي عليها ..
    - كل زوجه لو تعرف إن جوزها اللي عامل ليها كيان وقيمه وسط الناس هيضيع منها كانت قربت منه اكتر وعبرتله عن مشاعرها .
    - كل صاحب عرف إن صاحبه هيقابل رب كريم كان سأل عنه ومطنشوش بالايام والشهور ..
    - مكانش حبيب تجاهل حبيبه .. مكانش أب او أم أحرجوا إبنهم او غصبوا علي بنتهم ف كليه ولا جوازه ..
    - علي راي الشاعر مصطفي ابراهيم " لو كنت عارف إن دي اللحظه الاخيره .. ميه ميه كات هتفرق ف الوداع ..
    - عبروا عن مشاعركم ياجماعه .. متكتموهاش لحد ما تختفي وتموت .. الإعتراف بالحُب عامل زي الفريزر بيحفظ المشاعر والقلب من العفونه والقسوه .. لو جبت رغيف عيش وسبته يومين تلاته بره الفريزر هيعفن وينشف .. كذلك مشاعرك متسبهاش لحد ما تبقي ملهاش معني ! عبر وميهمكش ..
    اعمل بوست لصاحبك عرفه انك بتحبه .. إعملي مينشن لصاحبتك قوليلها انك متقدريش تستغني عنها مهما قصرتي ف حقها .. قول لاخوك انك بتخاف عليه وانك مهما عاملته وحش مبتكرهوش .. مبتعرفش تقول انك بتحب؟ عبر بالاهتمام .. بالسؤال .. بهديه ولو واحدة آيس كريم او شيكولاتايه ب ٥ جنيه .. تفاصيل بتفرق وبتعلم ف قلب اللي يهمهم امرك ووجودك معاهم .. متهجرهاش ..
    - وحط ديمًا المقوله دي قصاد عنيك : عندما أموت لا تأتي الي قبري لتُخبرني كم تفتقدني وكم تشتاق إليّ، فقط أخبرني بذلك وأنا علي قيد الحياه ..

    #ريحة_الحبايب .. ❤️

    #احمد_ايمن ..
                  

12-04-2018, 05:04 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    اللهم عالجني من التقصير في الصلاه .. و إرزقني بفضلك نجاحًا يدهشني .. وإجعلني حريصًا علي قراءة القرآن .. ولا تُعلقني بمن يأذي مشاعري ويُرهقني 🤲🏻
    ===================
    زمان ..
    - لما كان يجي لقطه في فيلم البطل بيبوس فيه البطله كُنا نغمي عيونا ونقول من الكسوف : يا ارض انشقي وابلعينا، ونقلب في لحظه ..
    - لما كان يموت حد من قرايبنا او جيرنا نطفي التليفزيون بالشهور ونعتبرها عيبه لما نفتحه..
    - لو شوفنا المُدرس بتاعنا في الشارع كُنا نلف من شارع تاني من كتر الخوف ..
    - المصروف كان ربُع ونُص جنيه وبيجيب كل اللي إحنا عاوزينه وبنرضي ..
    - مكانش في نت ولا موبايلات .. السؤال كان بالزيارات في البيوت اللي مبتتقطعش ..
    - زينة رمضان وصلاة التراويح والابتهالات والكنافه والقطايف وبوجي وطمطم ولحظة مدفع الافطار اللي متتعوضش ..
    - لبس العيد اللي كنُا نفرجه لكل اللي يجي البيت ونفرده علي السرير وميجلناش نوم طول الليل عشان العيد بُكره .
    - كـنا نضايق اما حد يجيب حلقه للشيخ الشعراوي اللي معرفناش قيمته غير لما كبرنا ..
    - كنا بنقفل التلاجه بالراحه علشان نشوف النور بيطفي إزاي ! ..
    - برنامج " مواقف وطرائف " بتاع عالم الحيوان اللي بيجي كل يوم جُمعه و بنستناه بشوقه ..
    - كُنا غلابه بنصدق اي حاجه .. لدرجة اننا كنا مصدقين ان عادل امام هيحطوا صورته علي الجنيه ويسدد ديون البلد ..
    - يوم الامتحان ووجع البطن اللي كُنا بنحس بيه من القلق وندعي ربنا ان المدرسه تتفجر قبل ما ندخلها ..
    - لما حد من زمايلنا يتعب نلم من بعض و نجيبله فاكهه و مانمشيش غير لما ناكلها عنده ..
    - مظاهرات المدارس عشان فلسطين، ونحرق علم الصهاينه ونردد بعلو الصوت " خيبر خيبر يا يهود جيش مُحمد سوف يعود " ..
    - كُنا طيبين، ابسط حاجه تسعدنا سواء درس يتلغي .. مُدرس يغيب .. مصروف يزيد .. حد يبعتنا نجيب حاجه ويقول خد الباقي .. مصيف مع العيله .. كُنا اطهر وانضف واغلب وذنوبنا صغيره.. كانت عيونا تشبه لعيون الجمل شايفيه كل حاجه صغيره وبسيطه .. مشاكنا قليله وافراحنا كتيره .. كبرنا وللاسف مشاكلنا كترت وافراحنا قلت ..

    #قول_للزمان_ارجع_يا_زمان .. ❤️ !

    #احمد_ايمن ..
                  

12-04-2018, 05:05 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    ديما الواحد يشوف في الافلام البطله او البطل لما يكون مأجر اوضه في فُندق و ينسي المُفتاح بتاع اوضته او يضيع منه, تلاقيه ينادي علي موظف في الفُندق كُل مُهمته إنه بيتمشي قصاد الغُرف و شايل في ايده مُفتاح بيفتح اي باب من ابواب الغُرف اسمه " الماستر كاي " المُفتاح الرئسي اللي بيفتح اي باب بسهوله .. مبيعصلجش معاه قفل ولا كالون ..
    طيب ده بالنسبه للابواب اللي بتتقفل وليها مُفتاح معروف بيفتحها .. إيه بقي ظروف الناس اللي عليها إمتحانات والدُنيا مقفله في وشهم ؟ الناس اللي خايفه من بُكره ؟ .. اللي حاملين هم الرزق والجيات ؟ اللي الدُنيا خنقاهم وضاغظه علي نفسيتهم واعصابهم ؟ يفُكوا الضيقه دي ازاي ؟ يتخطوا المِحن إزاي ؟ .. الناس اللي عملوا اللي عليهم بس عاوزين زقه من فوق .. من عند ربنا تحدفهم في إتجاه الامل وراحة البال .. يتصرفوا إزاي ؟
    النبي صلي الله عليه وسلم .. صلي عليه .. كان معاه المُفتاح الرئيسي " الماستر كاي " لاي مِحنه بيمر بيها .. كان بعد ما ياخد بالاسباب .. ويحس إنه الغُمه اللي هو فيها مُش هتنزاح غير من عند ربنا وحده .. تلاقيه يرفع راسه للسما ويقول : يا حي يا قيوم برحمتك أستغيث, أصلح لي شأني كُله ولا تكلني إلي نفسي طَرفة عين, .. قسمًا بربي دُعاء جبار .. مفعوله سِحري .. إرفع راسك للسما وقوله وهُتفرج عليك .. إرفعي راسك وردديه .. هتلاقي الامور بتترتب .. والضيق بيتهد وينزاح .. والامل بيعلي جواك ويزيد .. إرمي تُكالك علي ربنا, و لو بتحب حد في الله دِله علي الدُعاء ده وخليه يردده خاصة اننا في وقت مُفترج ومُستجاب فيه الدُعاء, فإذن الله هتروق وتحلي وتنجح وتفرح وكل حاجه هتبقي تمام بأمر الواحد الاحد ..

    #إفرجها_يارب .. ☝️<3

    #احمد_ايمن ..
    ==================

    - متجبش في بيتك سجاجيد الوانها فاتحه ..
    - اول لما يجي ف بالك ذنبك فتزعل انك عملته إعرف إن ربنا باذنه غفرهولك ..
    - اللي له أخت ومصاحبها و حنين عليها إعرف إنه من المُبشرين بالجنه بوصية النبي صلي الله عليه وسلم ..
    - ممكن تكون فاشل دراسيًا ناجح عمليًا، الارزاق بيد الله وإختلاف شُغلاناتنا رحمه ..
    - لو بتشوف كوابيس اعمل بوصية النبي لسيدنا خالد بن الوليد لما كان مبينامش من كوابيسه وقول : أعوذ بكلمات الله التامات التي لا يجاوزهن بَار ولا فاجر، من شر ما ينزل من السماء وما يعرج فيها، ومن شر فتن الليل والنهار، ومن شر كل طارق إلا طارقًا يطرق بخير يا رحمان " .. قوله و باذن الله مش هتشوفها تاني ..
    - عاوز جسمك يخس ؟ متاكلش بعد الساعه ٦ المغرب غير فاكهه .. لو عرفت تعملها ابقي علمني ;D
    - متطلبش الطلب من حد مرتين مهما كنت محتاجه ..
    - الحلو اللي خسرته بمرور الوقت هتقول حلو إنك خسرته ..
    - الصاحب اللي يلاقيك بعيد عن سكة ربنا و ميفكرش بيه ماينفعش يتصاحب ..
    - مفيش بنت وحشه بس كل راجل ليه بنت بتشبهلُه واكيد هتلاقيه لانه نصيب، فخليكي واثقه في نفسك ..
    - محدش " مُغفل " ممكن يكون اللي قدامك بيحبك
    لدرجة إنه " بيتغافل " عن غلطاتك علشان ميخسركش ..
    - قبل لما تشتري اي مُنتج " اكل .. شُرب .. دوا " بص علي صلاحيته لو عدي عليه اكتر من رُبع المُده متشتريهوش خاصة الحاجات اللي صلاحيتها ٦ شهور او اقل ..
    - المشكله الكبيره بتحصل لانك بتطنش الصغيره فبيحصل تراكمات .. لبسك كل سنه مبيدخلش فيك لانك مروحتش الجيم .. الموبايل اللي كان نفسك فيه غلي الضعف لانك مجبتوش اول لما نزل .. الحياه فُرص ومبتستحملش التأجل اللي عاوزه هاته، واللي نفسك فيه كُل منه، والبنت اللي بتحبها اتقدملها قبل ما تتلطش منك ..
    - ربنا ارحم من انه يعلقك : بحُب .. امل في النجاح .. الشُغل .. البركه في العيال، ويحرمك منها، واعرف انه مادام جاب في بالك اللي بتتمناه يبقي منتظرك تدعي دلوقت وتقول يارب لانه حابب يستجيبلك وينولك مُرادك .. ف ادعي بقلب جامد وإطمن هيحصل، ومتناسنيش بدعوه حلوه بقي الله يباركلك ;D ❤️

    #كلمتين_ع_الماشي ..

    #احمد_ايمن ..
                  

12-04-2018, 05:08 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    جالي فتره وزني كان زاد شويه وانا شخصيًا مبحبش وزني يزيد .. فكنت بتكسف البس تيشرت ضيق عليا لاني كان جوايا احساس إن اللي رايح واللي جاي بيركز ويعرف إني جسمي ملي .. خايف قوي علي مظهري قصاد الناس .. لحد لما الحمد لله قدرت ارجع زي ما كُنت وظبت نفسي ..
    اي واحد مننا بيخاف جدًا علي مظهره .. اسلوبه، لبسه، شكله، تسريحة شعرُه ..
    اي بنت برضه تحب يكون مظهرها قصاد الناس كويس وميبقاش فيها العيبه بالشكل المناسب ليها ..
    بعد فتره استحقرت نفسي ! .. خايف قوي علي شكلك قصاد الناس ! لبسك، كلامك، جسمك .. طب وشكلك قصاد ربنا ؟ مبيفرقش معاك ؟ كام اذان سمعته بودانك وطنشتُه ؟ ده حتي وجع الضمير والقلب مبقتش تحس بيه .. قد كده بقيت جاحد ؟
    افتكرت الايه اللي بتقول : أتخشونهم ؟ والله احق ان تخشوه! .. خايف قوي من الناس مع ان ربنا هو الاحق بخوفك واحترامك ليه ؟ ..
    بس طبعًا كلامي ده ميمنعش ان الواحد يهتم بمظهره و بشكله العام ! ..
    لكنه جه ف بالي قد اي ربنا ستير .. عملت بلاوي ومعاصي و برضه بيسترني ويدنيني فرصه والتانيه للرجوع .. ده حبايه لو طلعت في وشك بتجيب كريمات وتعمل مسكات عند الحلاق عشان تخفيها .. والذنوب اللي ماليه روحك مفكرتش تشيلها بكريم الاستغفار وتقول يارب سامحني .. مع ان الامام بن المُبارك قال : من أعظم المصائب للشخص أن يعلم من نفسه تقصيرًا في حق الله ثم لا يبالي، ولا يحزن عليه !
    حسيت إني محتاج اغسل قلبي واقول : سامحني يارب وفوقني من غفلتي .. حسِّن مظهري قدامك وإرزقني الهدايه .. نضف روحي من القسوه والتعود علي بُعدك ..
    وفكرت وقولت : ياتري ربنا هيقبلني وانا كل شويه اقول سامحني يارب وارجع للذنب تاني واقول سامحني وارجع ! لحد لما جه قصادي سؤال اتسأل للامام الحسن البصري من واحد بيقوله ؛ الواحد بيغلط وبيتوب، يغلط ويتوب، يغلط ويتوب، لحد إمته ؟! وقتها رد الحسن البصري وقال : تلك أخلاق المؤمنين !. يعني لو قولت دلوقت " يارب سامحني واغفرلي " هتتكتب عند ربنا من المؤمنين، ولو غيرك قالها عن طريقك هيترفع مقامك ودرجة ايمانك عند ربنا بسببُه ..
    وقتها ربنا هيحبك ولما يحبك هيحدف محبتك في قلوب الخلق مهما كان شكلك ومظهرك .. بقُصرك وتُخنك بلون بشرتك ولبسك هتتحب بمحبة ربنا كُلك علي بعضك ..
    سامحني يارب أنا وكل من قال آمين ..
    ======================

    مبدأيًا كده .. أنا معرفش أبتدي إزاي أو اقول إيه .. بقالي شهر تقريبًا مبكتبش وده غلط مني وعيب .. ظروف أجبرتني معرفش أكتب .. يمكن لاني نسيت إن لا يُكلف الله نفسًا الا وسعها وإن مهما كانت ظروفي اكيد هقدر اتحملها لان ربنا بيبعت الحمل علي قد طاقة اللي هيشيله، ويمكن ده اثبتلي واكدلي مقولة سيدنا علي " ضيقي ضيقي حتي تنفرجي " وفعلاً ما ضاقت الا أما فُرجت .. الكلام ده انا مقولتوش من الهوا جايز علشان جالي واحد صاحبي من اسكندريه لحد الشرقيه مخصوص وشرب كوباية شاي وقالي الكلمتين دول .. وقالي الحياه عباره عن قطر ماشي لو مسبقتوش هيفرمك وهتدي فُرصه لليأس يتنهش فيك ويقضي عليك .. كل إنسان مننا دماغه بتقفل وساعات كتيره بيحس باليأس والملل من كل حاجه .. كاس وداير وفتره وبتمر ع الكل .. بس الجدع اللي يتخطاها وميبقاش زي الريشه وهوا المِحن يطيره ويتحكم فيه زي ما يحب .. انا اسف لو كنت سبب من اسباب ربنا علشان ابعتلك شوية امل يصبروك وقصرت .. اسف لو كنت سبب من ربنا تعرف معلومه بشكل بسيط وبعدت ٣٠ يوم .. اسف ٣٠ مره لكل شاب ولكل بنت ولكل ام ليا هِنا وثقوا فيا وقرولي في يوم من الايام وانا اصلاً ولا استاهل او استحق .. بس اهي خبطه من الدُنيا والخبطه اللي متموتش تقوي وانا عندي عشم في الله إنه هيقويني علي الجي مهما كان طبيعته .. يمكن نجاح كتابي اللي انا اصلاً مأعلنتش عنه بشكل يستحق رغم ذلك ربنا كرمني فيه يكون رساله من ربي بيقولي فيها جعلت بفضلي عليك القبول في كلامك ودي نعمه وانت ترفضها وتقفل علي نفسك وع الناس اللي حبتك رغم ستري عليك ومتشدش حيلك وتتجدعن ! .. انا آسف يارب .. قررت أفوق وبإذنك هستمر ومش هقصر بالشكل ده تاني .. وبشكر كل بني آدم سأل عني او حس بينه وبين نفسه بغيابي وقال : فينه ؟! .
    لان ده فكرني بموقف السيده عائشه اتهموها بالزنا وكانت نفسيتها صفر وف الوقت ده قبل ما ربنا يقول في القرآن إنها بريئه، السيده عائشه بتقول في عز محنتها دخلت عليها واحده ست وعيطت من غير ما تقول ولا كلمه وبعد ما عيطت قامت مشيت.. السيده عائشه بتقول : لا انساها لها .. دمعتها عشاني في وقت محنتي.. منسهاش ليها ابدًا ..
    فعمري ما انسالك ابدًا افتقادك ليا في غيابي حتي ولو مبعتليش او بينت ليا ده يكفيني مشاعرك .. شكرًا واسف علي تأخيري وتقصيري يا اهل الله ❤️

    احمد ايمن ..
                  

12-04-2018, 05:10 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    الدكتور أحمد خالد توفيق قال الكلمتين دول قبل لما يموت إمبارح : أنا أخشي الموت كثيرًا، ولستُ من هؤلاء المُدّعين الذين يرددون في فخر طفولي : نحن لا نهاب الموت ! .. كيف لا أهاب الموت وأنا غير مُستعد لمواجهة خالقي !
    - فاللهم إن احمد توفيق لو جاء الي بيتي ضيفًا لأكرمته كرمًا واسعًا ولكنه الآن ضيفك وأنت أكرم الاكرمين فإكرمُه بجنتك .. وإن لم يكن عمله يؤهله أن يصل الي رحمتك فإن رحمتك قادرة علي أن تصل إليه وتحتويه .. فإرحمُه وإكرمه يا رب العالمين 🤲🏻
    ======================
    بمناسبة الجو اللي إحنا فيه .. إيه رأيك أقولك معلومه عن الرياح .. وبسبب المعلومه دي تقريبًا إتغير مسار حياتي ؟
    شُكرًا إنك كملت قرايه ..
    الاول خلينا نقول إن في فرق كبير بين الرياح وبين الريح .
    تلاقي ربنا يقولك علي عقاب الكُفار في القرآن : فَأَرْسَلْنَا عَلَيْهِمْ رِيحًا صَرْصَرًا فِي أَيَّامٍ نَّحِسَاتٍ .. ربنا بعتلهم في ايام نحس عليهم ريح دمرتهم وقلعت خيامهم والشجر وجابت أعاليها واطيها ..
    لكن لما يجي سيرة الرياح يقولك " وأرسلنا الرياح لواقح " الرياح بتشيل حبوب اللقاح وبذور الثمار وتنقلها للشجر و النخل، او بتخلي الزهور والنخل يلمس بعضه فيحصل عملية تلقيح فتطرح بلح وثمار وتجلب الخير والبركه علي اصحابها ..
    إذا الرياح خير .. والريح شر وعقاب من ربنا .. فديمًا ندعي ربنا لما يجي شوية هوا إنها تبقي منفعه وخير لينا متبقاش شر ..
    طيب إيه علاقة الريح بتغيير مسار حياتي ؟
    لما كنت في اعداديه المُدرس بتاع الدراسات كان ديمًا يحكي ف آخر ربع ساعه فـ الحصه عن اي موضوع جانبي , ممكن يحكي عن الحرب العالميه، يحكي في الدين، اللي يجي في باله .. المهم انه اتكلم عن غزوة الخندق " الاحزاب " وبدأ يوصفلنا خوف الصحابه من الغزوه وضعفهم الشديد والجوع اللي هلك صحتهم .. لدرجة ان بطن النبي كانت لازقه في ضهره من قلة الاكل ورابط علي بطنه حجرين يضغطوها فـ يصبر علي الجوع ! 1600 صحابي كلهم رابطين حجاره علي بطونهم .. حفروا في قلب الصخره خندق تقدر تقول داير ميدور حوالين المدينه المنوره، عُمق الخندق 5 متر وعرضه 6 متر ! مجهود رهيب حصل في 10 ايام تقريبًا، كانوا بيسابقوا الزمن قبل وصول الكُفار اللي عددهم 12 الف فارس وجندي ! .. بعد حصار طويل علي المُسلمين تيجي ليله صعبه جدا بردها مُخيف، وبعد نُص الليل الرياح إشتدت .. الصحابه بيبصوا لبعض وخايفين وحسوا إنهم هيتهزموا ! .. المانع الوحيد بينهم وبين الكفار هو الخندق اللي حفروه وصعب إن اي فارس من المُشركين يتخطاه .. بدأ النبي يختار واحد من اصحابه يعدي الخندق ويروح يتجسس علي المُشركين ويشوفهم بيفكروا في ايه .. الريح شديده طفت النار من شدتها و الدُنيا بقت كُحل .. لدرجة إن خيام المُشركين إتخلعت وكل نيرانهم إنطفت والرمل غرقهم والخيول هاجت وصوتها بقي يُرج المكان .. تقدر تقول كانت حالة فزع رهيبه .. ريح صعبه فعلاً.. خرج سيدنا حُذيفه بن اليمان يتجسس علي الكُفار .. وقتها كان " ابو سفيان" زعيم الكُفار فسمعُه بيقول لقادة الجيش يتجمعوا لأنه هيقولهم امر وقرار خطير ! .. طبعًا مفيش نار والعه بسبب الجو ومحدش شايف كف إيديه من الظلام, سيدنا حذيفه أول لما سمع أبو سُفيان بيقول كده قام جري وقعد جنبهم ورشق وسط القاده كأنه واحد منهم .. لكن ابو سفيان كان ذكي .. قالهم أنا خايف مُحمد يكون باعت جاسوس يسمع اخبارنا وصعب نشوفه بسبب عدم وجود نور النار .. فكل واحد يتأكد مين اللي جنبه قبل ما اقولكم علي اللي جوايا .. سيدنا حُذيفه إتخض وقال في نفسه لو عرفوا إني وسطهم هيقتلوني ! .. فبدأ هو بالسؤال ومسك إيد الشخص اللي قاعد جنبه علي يمينه و قال : من الرَجل ؟! طبعًا لما تدخل خناقه وتضرب إنت الاول هتلاقي اللي قدامك ياخد خطوه لورا .. لان افضل وسيله للدفاع هي الهجوم ;D .. فلما سيدنا حُذيفه قال من الرَجل ؟ رد اللي جنبه وقاله : انا عمرو بن العاص ;D .. وقال للي علي شماله من الرَجل ؟ قاله : عكرمه بن ابي جهل ! ;D طبعًا لما سألهم محدش منهم سأله هو مين, وقدر يفلت من وسط اذكي واقوي 2 في جيش المُشركين ! بستر ربنا و بذكاؤه عرف يضحك عليهم ;D طبعًا بعد لما سيدنا عمرو وسيدنا عكرمه أسلموا وعرفوا المقلب اللي حصل فيهم بقوا يضحكوا كل لما يفتكروا الموقف ويتعجبوا إزاي قدر يفلت منهم ويستغفلهم ;D .. المهم بعد ما اتأكدوا ان مفيش حد غريب وسطهم .. ابو سفيان قالهم هقولكم امر يحدد مصير المعركه, و المُدرس سكت و مرضيش يكمل .. انا بدافع الفضول طلبت منه يكمل، ولما الاستاذ حس بشغفي بدأ يغلِّس عليا .. قولتله كمل يا استاذ بالله .. رفض .. كان بينه وبين بلدي 10 كيلو .. ركبتلُه عربيه وروحت بيته قولتله كملي القصه .. مرضيش .. تاني يوم قولتله ابو سفيان قال ايه ؟ برضه مرضيش يقولي .. قومت قايل ما بديهاش بقي، وروحت جايب كتاب السيره وعرفت قصة حياة الرسول وعرفت ابو سفيان قالهم إيه ف الموقف ده .. لأ لأ متحلمش مُش هقولك ;D .. قالهم : الريح شديده والنار انطفت من قوتها والخيام إتلخعت وأنا شايف إن الحصار مفيش منه فايده ومن بُكره هرجع مكه فإرحلوا لأني هرحل, وفعلاً : الكُفار كلهم رجعوا لبلادُهم .. وربنا نصر النبي بسبب الريح بعد حصار طويل ومشقه .. علشان كده في تكبيرات العيد تلاقيك تقول : لا اله إلا الله وحده ، صدق وعده ، ونصر عبده ، وأعز جنده ، وهزم الأحزاب وحده .. ربنا اللي هزم جيش الاحزاب بالرياح لأنها خلتهم يفُكوا الحصار ويسيبوا المعركه وعز المُلسمين و مذلهُمش لحد وإنتصرلهم علي كُل ظالم وقوي بقوته سُبحانه ! ..
    ف ربك اللي نصر النبي في عز ضعفه بجُند من جنوده وهو الرياح ... قادر ينصرك ويقويك ويعينك علي كُل شر بجنوده الخفيََه .. ولعل باب السماء متوارب دلوقت وكُل دعوه تدعيها مقبوله وهتتحط في رف الدعوات المُستجابه .. إدعي .. مين عالم لعل ربنا يلقح قلبك بالأمل ويطرح في حياتك البركه والسعاده و ينصرك بنصره ويفرجها ويوفقك بقدرته ويحتويك بكرمُه وبسعة فضله ☝️

    #إجعلها_خير_يارب ❤

    #أحمد_أيمن ..
                  

12-04-2018, 05:12 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    هاتلك فصين توم وحطهم في بوقك وإمضغهم، وإقعد جنب أي حد مهما كان بيحبك صدقني هتلاقيه يضايق ويكتم نَفسُه ومش طايقك ولا طايق ريحتك، وهاتلك لبانه كلورتس أو تشيكلز بالنعناع وكُلهم .. هتلاقي اللي جنبك متقبل كلامك وريحتك ومُش متضرر منك ..
    الكلمه الوحشه والاسلوب الدبش عامل زي التوم تقيل علي روح اللي قدامك وبيخليه ياخد منك جنب، والكلمه الحلوه إنبطاعها خفيف علي روح اللي حواليك وبتحسن صورتك في نظر اللي بيحبوك وبتحبهم وتلاقيهم قابلينك وحابين قُربك ..
    الكلمه الطيبه صدقه .. وصداها بيرن في مشاعر اللي يهمهم أمرك ..
    أنا شخصيًا بحب الشخص اللي :
    - يركب ميكروباص يستأذن قبل ما ينزل ويقول : علي جنب يا إسطي بعد إذنك
    ..
    - اللي قاعد قدامه في نفس الميكروباص يقوله " إتفضل " الاجره قبل ما ينولوها لُه
    - اللي يقومله من علي الكرسي القلاب علشان يعديه وينزله فيقوله : تسلم ياباشا كتر خيرك .
    - ينزل من التاكسي يقول للسواق شكرًا .. طبعًا الشكر ده في حالة إنه لو مزودش الاجره عليه ; D
    - جوزها جايب لها حاجه حتي ولو بسيطه تقوله : ربنا يباركلي فيك وميحرمنيش منك ..
    - عاوز كوباية شاي يقول لمراته او امه أو أخته : والنبي يا فلانه اعمليلي كذا ربنا يحفظك ليا ..
    - عاوزه حاجه من جوزها او ابوها تدعيله قبل ما تطلبها : ربنا يطول عمرك كنت محتاجه كذا ..
    - علي راي المثل : كُله بالحنيه بيفُك .. تقدر ترغم اللي قدامك انه يحترمك ويديلك عينه ويتعامل معاك بإسلوب كويس لما انت تتكلم حلو وتنقي كلامك .. متغلطش عمال علي بطال في اختك او خطيبتك او اخوك الصغير وتقولي ده بيرد عليا وبيبجح ! او انتي تنرفزي جوزك وترجعي تقولي بيعاملني وحش وبيغلط ! الله يمسيه بالخير أبويا ديمًا يقول : سعادة الإنسان من حلاوة اللسان ..
    وعجبتني المقوله اللي بتقول : الكلمة الطيبة طائر جميل فور أن تطلق سراحه من لسانك سيغرد في صدور الاخرين ..
    يارب هذبنا وعلمنا الذوق في الكلام وإرزقنا بالمعارف اللي ميفضحوناش قدام الخلق بإسلوبهم وغلطهم ع الفاضي والمليان .

    #الاسلوب_يا_جماعه ..

    #احمد_ايمن ..
    =======================
    لعل البوست ده رساله جيالك مخصوص و فيه راحة بالك وقلبك ..
    الدكتور عُمر عبد الكافي بيقول إنه في عصر الخلافه الامويه كان في تاجر وقع في ضيق رزق و الديون أرهقته لحد لما بقي مديون بـ ٥٠٠ دينار، وطبعًا وقتها ده كان رقم ضخم .. للاسف مقدرش يسدهم وبدأ أصحاب الدنانير يطالبوا بيها .. ف المديون راح لواحد من التجار وإستلف منه ال ٥٠٠ دينار واتفق يردهمله بعد فتره قصيره وحددوها سوا، وخد المبلغ وسدد بيه ديونه المتأخره .. مرت الايام والوضع زاد تعقيد لحد ما أزف ميعاد سداد الدين للتاجر وطبعًا المديون مايحتكمش لا علي درهم ولا دينار .. واللي زاد وغطي التاجر صاحب الفلوس جاله يطلبها فلما ملقاش حيلته شيء .. راح للقاضي وإشتكاه .. فـ القاضي إستدعاه و حكم عليه بالسجن .. فقال للقاضي : يا سيدي أمهلني الي الغد ولا تسجني اليوم حتي أذهب الي زوجتي وأخبرها بالامر لكي لا تنشغل بي هي وأولادي .. فرد القاضي وقاله : وما الضمان علي أنك سترجع غدًا ؟! فقال الراجل: ضماني هو رسول الله صلي الله عليه وسلم فإن لم أرجع فإشهد عليَّ في الدُنيا والآخره أنني لست مسلمًا ولست من أُمة محمد صلي الله عليه وسلم .. القاضي كان صالح وفوق كده كان ذكي ومر عليه بحُكم عملُه اشكال والوان من الناس فيقدر يفرق بين الكذاب والصادق من نبرة كلامه ونظرة عنيه .. فقبل يأجل سجنُه لتاني يوم .. فلما رجع المديون لبيته وحكي لزوجته الامر كله .. قالتله : بما إنك قولت للقاضي إن النبي عليه الصلاة والسلام هو الضامن علي رجوعك فتعالي نصلي عليه لعل ببركة النبي يفرجها ربنا علينا ويحلها، وفعلاً قعد هو وزوحته وبدأوا يصلوا علي النبي لحد ما غلبه النوم في مكانه .. فلما نام شاف النبي صلي الله عليه الصلاة والسلام في منامه وقاله : إذا جاء الصباح إذهب الي حاكم المدينه وأخبره أن النبي يُسلم عليك، وقل له رسول الله يطلب منك أن تُسدد عني الدين، وإن سألك عن علامة صدقك .. فقل له : هناك علامتين : الاولي : أنه يصلي عليّ في كل ليله ألف مره لا ينساها أبدًا مهما شغلته أمور الحكم .. والعلامه الثانيه : أنه أخطأ في عدها ليلة البارحه وأخبِرهُ بأن الله قد حسبها له كامله، ولم ينقص من أجره شيء ..
    فلما الراجل المديون قام من نومه جري لمقر " الوالي " حاكم المدينه وسلم عليه وقاله : رسول الله يُسلم عليك ويطلب منك أن تسدد ديني .. فقاله : وكم دينك ؟ .. قال : ٥٠٠ دينار .. فقال الوالي : وما علامة صدقك على ما تقول ؟ .. فقال الرجل : هناك علامتان : الأولى : انك تصلي على رسول الله كل ليلة ألف مره .. فبكي الوالي وقاله : صدقت .. فقاله : وأما العلامة الثانية أنك أخطأت بعدها ليلة البارحة ويبشرك رسول الله بأنها قد وصلت كاملة .. فقال الوالي : صدقت، و أعطاه ٥٠٠ دينار من بيت مال المسلمين، وزود عليهم ٢٥٠٠ دينار من ماله الخاص، وقال : هذه إكراما لك ولحملك لي سلام رسول الله صلي الله عليه وسلم .. فخرج الراجل بسرعه للقاضي علشان يوفي بوعده و يسد دينه .. فلما دخل لقي القاضي منتظره وماسك في إيده كيس جواه دنانير وبيقوله : أنا سأسدد الدين عنك، وهذه خمسمائة دينار مني إليك ؛ لأنني رأيت رسول الله ببركتك وبسببك ! وقال لي : إن أديت عن هذا الرجل دينه أدينا عنك ديونك يوم القيامة، وفجأه دخل التاجر صاحب الـ ٥٠٠ دينار وبيقول للقاضي : يا سيدي لقد عفوت عنه وسامحته وهذه خمسمائة دينار هدية مني إليه ؛ لأني رأيت رسول الله بسببه، وقال لي إن عفوت عنه عفونا عنك يوم القيامة !
    خرج الراجل من عند القاضي في قمة السعاده وراح لزوجته وقالها : إنه كان بيتمني يلاقي اللي يسد عنه ٥٠٠ دينار ودلوقت راجع بيته ب ٤٠٠٠ ! وكل ده حصله ببركة صلاته علي النبي مُحمد صلي الله عليه وسلم ..
    - يا كل طالب إعمل اللي عليك وزود عملك بالصلاه علي النبي ..
    - ياكل مخطوبه .. متزوجه .. ياللي نفسك يتلم شملك مع اللي بتحبيه ويهديهولك .. صلي علي النبي وهيحصل ..
    - يا مديون و ياللي ظروفك ملطشه اعمل اللي عليك وزود عملك بالصلاه علي سيدنا النبي وهتفرج ..
    - ببركة النبي تتحل العُقد وتتردم حُفر الالم ويتلم الشمل ويرتاح البال .. جربها وصلي عليه ودِل غيرك عليها وخُد ثواب زي ثوابه ومين عالم لعلها الباسورد والكود السري لطاقة القدر بالنسبالك ..
    - اللهم صل على مُحمد صلاه تنحل بها العقد وينفك بها الكرب وتُفتح لنا بها أبواب الفرج.❤️

    #يا_بركة_النبي .. 🤲🏻

    #احمد_ايمن ..
                  

12-04-2018, 05:14 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    معرفش انت هتفتكرني بألف ولا بشتغلك ولا إيه لكن ربنا وحده اللي يعلم إن كلامي ده حصل ..
    - إمبارح بنت بعتتلي بتقولي إنها إتخطبت لشخص محترم جدًا وأخته صديقه لأختها .. بعد الخطوبه بشهرين البنت إكتشفت إن خطيبها وأبوه شغالين في السلاح والمُخدرات .. طبعًا إتصدمت وسابته من غير أسباب لأنها خافت يعرف إنها عرفت فيحصلها مشاكل .. ما علينا يعني .، البنت بتقولي تفتكر دي إستجابة أمنيه ودعوه كنت بتمناها ؟ لاني كنت اما اقعد مع صاحبتي اقولها يارب اتجوز تاجر مخدرات يكون غني كده ويهنيني وكل اللي أتمناه الاقيه ! .. شايفك ياللي بتقولي إبعتهولي أتجوزه أنا ;D
    - سيدنا يوسف لما زوجة عزيز مصر والستات صحباتها عرضوا عليه إنه يزني معاهم لإما هيسجنوه .. سيدنا يوسف مقالش يارب نجيني من السجن ومن شرهُم ! لكنه قال السجن أحسن ليا وأحب علي قلبي من إني اقربلهم .. وقتها ربنا كتب عليه السجن لمدة ١٢ سنه وزياده كمان .. بس لأنه طلب السجن ومطلبش الفرج من الحرام والسجن ..
    - يارب اجيب أي مجموع المهم أنجح ..
    - أنا عندي يارب أموت ومتجوزش فلان ..
    - يارب خدني وريحني من الهم اللي انا فيه ..
    دعوات كتيره وأماني بتتمناها لنفسك وربنا بيستجيبها في وقت إجابه وإنت متعرفش .. متقول يارب نجحني بتقدير .. يارب متحوزش فلان ونجيني من كل شر .. يارب طول عمري وريح بالي .. ده النبي قال : بشروا ولا تنفروا .. ليه التشاؤم والكئابه حتي في مخاطبة ربنا وتوسلك إليه ؟! سيدنا إبراهيم لما اترمي في النار دعي ربنا يحميه .. منها مقالش يارب اتحرق وأموت ولا أتذل قصاد الكافرين بيك ! فديمًا إدعي ربنا يطلعك من كل شر .. وإطلب الخير .. مثلاً وقت زي اللي إحنا فيه ده وقت من اوقات استجابة الدعاء فخدها فرصه ادعي لنفسك بالخير ومتتمناش الحلو بس لا إتمني كمان الاحلي منه .. لعل ربك يفتحلك أبواب الخير والبركه من اوسع أبوابها .. سعادة الانسان في حلاوة اللسان خلي لسانك ينطق بالحلو مع ربنا وقتها ربنا هيبعتلك سعاده تدهشك من كُترها .. بطلوا كئابه بقي ! ..
    فعلاً مكذبش اللي قال : لعل أقداركم تأتي علي ألسنتكم ..

    #إجعله_خير_يارب ..

    #احمد_ايمن ..
    ============================

    كل واحد مننا له قرين .. تعرف إيه عن القرين بتاعك ؟
    - الاول خلينا نتفق إن أكتر سورتين معظمنا حافظينهم .. هي سورة : قل أعوذ برب الفلق .. وسورة : قل أعوذ برب الناس ..
    طيب إيه الفرق اللي بين السورتين دول ؟!
    طبيعي كتير مننا بيحصله سقطات في حياته وبتيجي بصور و اشكال مُختلف، منها مثلاً : فشل في علاقتك العاطفيه .. في شُغلك و رزقك .. تعب نفسي .. فشل دراسي .. أنواع كتيره من خيبة الامل بتحصلك بسبب غيرك أحيانًا .. لكن غالبًا بيكون بسببك إنت !
    بسببي أنا ؟ ازاي ؟ وإيه هو القرين ده ؟ وإيه الفرق بين السورتين ؟!
    صلي علي النبي . .. الاول سورة الفلق لما بتقول : قل اعوذ برب الفلق .. يعني إحفظني يارب من الشر الخارجي .. ما تسمعش مثل بيقول " قال يا قاعدين يكفيكوا شر الجايين ؟ .. الجايين دول يعني مهماش منك حاجه خارجه عنك وجيالك من حيث لا تدري .. وإيه نوع الشر ده ؟ ده الشر اللي بيحصل في وقت الفلق اللي هو وقت غياب القمر وسواد الليل، ودول الاوقات اللي فيها سحر وتحضير جن، وبيبدأ يإذيك بيها اللي بيحقد عليك وبيكرهك وبيغير منك : فلما بتقول قل أعوذ برب الفلق : ربنا بيحميك من شرهم ..
    - أما سورة الناس .. لما بتقول قل اعوذ برب الناس .. بتدعي ربنا يحفظك من الشر اللي جواك اللي هو من شر نفسك وضعفك قدام رغباتك وشهواتك، وتاني حاجه في الشر اللي جواك هو قرينك، وده شيء ملزوق في شخصيتك ملازمك .. مكان ما تروح مبيفرقاكش .. ما تسمعش واحده تقول لجوزها لو خارج ف اي حته " رجلي علي رجلك " ؟ اهو القرين ده رجله علي رجلك وبيوسوس ليك بالشر .. حتي النبي نفسه كان له قرين لكنه تاب وربنا قوي النبي عليه فمبقاش يعين النبي غير ع الخير ..
    يبقي الشر الخارجي " السحر .. الحقد.. الحسد " أمرهم سهل وتقدر تبعد عنهم .. لكن الشر الداخلي ساكن جواك وملازمك ومتقدرش تبعده عنك وامره صعب ..
    علشان كده لو تفتكر لما بتقرأ سورة الفلق تلاقيك تقول : قل اعوذ برب الفلق .. مره واحده، وبعدين تقول الاضرار الخارجيه اللي انت متخوف منها ..
    لكن سورة الناس بتقول " قل اعوذ برب الناس .. ملك الناس .. إله الناس " ٣ مرات، وبعد كده تقول الشر اللي جواك و خايف منه !
    يبقي إهتميت قريت سورة الفلق .. ربنا هيكفيك شر البلاوي الخارجيه ومستخبيالك .. ولو قريت سورة الناس ربنا هيحوش عنك شر نفسك وشيطانك وقرينك ويعينك علي هواك ويسهل امورك كلها ويقويك علي كسلك وضعف نفسك، ومؤشر حسناتك وحمايتك هيعلي كل لما غيرك يتعلم الكلام ده ويلتزم بقرآءة السورتين بسببك لأنك هتاخد ثوابه ونفس أجره وحمياته من كل شر ..

    #إكفينا_شر_البلاوي_يارب 🤲🏻❤️

    #احمد_ايمن ..
                  

12-04-2018, 05:30 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    - نفسك تحدث تليفونك لأنه مش عاجبك ؟
    - بتواجه صعوبات في دراستك والمنهج ؟
    - تعبان أو عندك حد غالي عليك مريض فزعلان علشانه ؟
    - خسرت حبيب ؟ صديق ؟ فرصة شغل مثلاً ؟
    - ساعات بتتخنق من غير سبب ومبتبقاش طايق نفسك ؟
    - بيحصلك مشكله في شغلك.. او في حياتك العاطفيه وديمًا العلاقه متوتره ..
    - عيالك مُتعبين ومطلعين عينك
    يابختك .. آه والله يابختك .. ربنا بيحبك .. لأن ربنا بيحب عبد بيرزقه بشوية مشاكل بتجيله بأشكال مُختلفه .. طب إيه فايدتها ؟
    - أول حاجه تثبتلك إن ربنا بيحبك ..
    - ثانيًا بتكفر ذنوبك وتخففها .. حتي صباعك لما بيتخبط في حرف السرير بتاخد حسنات وذنوبك بتقل !
    - ثالثًا : ربنا بيختبر صبرك لو قولت الحمد لله بيرقيك عنده ويرفع مقامك بين اهل الارض والسماء وبيكتبك من اهل الجنه .. مابتشوفش في الافلام لما يجي بطل الفيلم مثلاً يطلع عليه ناس يضربوه علشان يعترف علي ناس المفروض إنه قريب منهم، ومهما يتضرب ميرضاش يقر ولا يضعف ؟ وبعد شويه يكتشف إنه كان إختبار لرجولته، وإنه بقوة تحملُه وصبره علي الآه نجح في الإختبار وبقي له مكانه وسط القريبين منه ؟ كذلك ولله المثل الاعلي صبرك علي اي محنه أو ضيقه وكلمة الحمد لله بتجعل مكانك عند ربنا يعلي وشأنك يزداد قيمه .. " دا كان إختبار يا مُحيي" ;D
    واضح إن الستات كلهم واحد .. دماغهم متعرفش فيها إيه و عليهم حاجات عجيبه ;D لما واحده من صحابيات النبي جوزها كان ربنا موسعها عليه وعمرها ما شافته زعلان او عيان ولا مديون والحياه معاه زبادي في الخلاط .. زوجته شكت في ايمانه وقالت مادام ربنا مبيبتليهوش يبقي أكيد غضبان عليه فقررت توديه للنبي بدون علمُه تستشيره في زوجها وهل هو شخص ربنا بيحبه ولا العكس ؟ .. فقالته تعالي معايا للنبي وهما في الطريق الراجل إتكعبل و رجليه إتلوت تحت منه وإتألم ألم شديد .. ضحكت الزوجه وقالته الآن تأكدت من صحة ايمانك و أن الله يُحبك ;D !
    الابتلاء بيتحاش بالحمد، ودعوة اللهم لا تحملني مالا أُطيق .. قول دلوقت " الحمد لله " وإدعي ربنا يهون ويفرجها وهُتفرج بالرضا وبكلمة " راضي بكل اللي تجيبه يارب " .. لأن الشيخ الشعراوي قال : إن أنت رضيت بقدر الله أعطاك الله علي قدِّر كرمه .. فاللهم إني رضيت بكل ما قسمت فإدهشني وإكرمني كرمًا يتعجب له أهل الأرض والسماء ..
    #إذا_أحب_الله_عبدًا_إبتلاه ..
    #إجمد_ربنا_بيحبك ☝️❤️

    #احمد_ايمن
    ========================

    الناس اللي :
    - بتكسل تصلي ومعندهمش قوه يتغلبوا علي كسلهم ..
    - القلوقين اللي ديمًا بيخافوا من بكره وبيتوتروا من أقل حاجه ..
    - اللي معندهمش نِفس للمذاكره ولا عندهم طاقه ياخدوا خطوه في مشوارهم العلمي ..
    - اللي عندهم مشاكل في حياتهم العاطفيه أو في بيوتهم وقلوبهم مُرهقه ومبقوش قادرين يكملوا ..
    - اللي بيعانوا من إكتئاب نفسي أو خمول وضعف جسدي ..
    = هقولك دعوه عباره عن سطر لسانك يردده دلوقت وبإستمرار .. هتندهش بمفعولها وبإذن الله بسببها أمور كتيره هتلاقيها إتغيرت في حياتك للأفضل .. عارف الموبايل لما يبقي بطاريته فاصله فتوصله بالشاحن فيشتغل والبطاريه تقوم ؟ أهو الدعوه دي عباره عن طاقه بتشحنك وتقومك من نومتك و خمولك وضعفك وتقويك وتفوقك بإذن الله، رددها وعلمها لغيرك وخليه يقولها، لعل ربنا يكرمك بزياده لأنك حاولت تساعد بيها اللي محتاجلها، ويرزقك برزقه بأمر الله .. الدعوه بتقول : اللهم إني أبرأ إليك من حولي وقوتي إلي حولك وقوتك، فلا حول ولا قوة لي إلا بك ☝️👐

    #القوه_بالله .. 💪
    احمد_ايمن ..
                  

12-04-2018, 05:31 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    إعتبر البوست ده إشاره ربانيه جيالك ..
    - مبروك يا ستي .. إتخطبتي وطالعه إنتي وطنط تجيبوا مفارش السرير, الله يسهل ويتمم بخير .. دخلتوا محل لقيتوا مفرش السرير الواحد بـ 1500 جنيه, يا خبر أبيض ! .. هتعملي إيه لو السعر غالي بالنسبالكم ؟ اكيد هتبصوا لبعض وتضحكوا وتنسحبوا بهدوء لأنكم مُش هتقدروا تشتروا من المكان ده !
    - ما تصلي بينا علي النبي ؟ .. لما الصحابه خرجوا يحاربوا الروم بأمر من رسول الله .. وكان عدد المُسلمين 3000 .. وعدد جيش الروم 200 ألف ! يعني معركه غير مُتكافئه عدديًا .. وإتقتل قائد جيش المُسلمين الأول " سيدنا زيد بن حارثه " وإتقتل القائد التاني " سيدنا جعفر بن أبي طالب " وإتقتل التالت " سيدنا عبد الله بن رواحه " ومسك راية القياده سيدنا : خالد بن الوليد .. وكان سيدنا خالد ذكي جدًا .. عمل خطه حربيه بإنه يهجم هجوم مُباشر ويقدر يخرج بأقل خساير من المعركه وفعلاً قدر يعمل كده, وإنسحب بذكاء وقتل هو وجيشه 12000 واحد, وإستشهد من المُسليمن 12 واحد بس .. مُتخيل ؟ وإنسحب سيدنا خالد لأنه عارف إنه لو كمل هيقضوا عليه هو وجيشه, ووصلوا المدينه .. لقوا ستاتهم واقفين علي مدخل المدينه و بتحدفهم بالطوب وتعايرهم وتقولهم : يا فُرار .. يا جُبناء ! بتنحسبوا ؟ بتهربوا ؟ .. يخرجلهم النبي ويفتح لرجالتُه درعاته ويبتسم ويقول : بل هم الكُرار بإذن الله .. هيعدوا الكَره ويرجعوا يحاربوا بعدين وينتصروا لأن إنسحابهم كان موقف فـي قمة الذكاء والحكمه, وإتبسطت بيهم النبي إنبساط غير عادي ..
    - إنسحب إنت كمان :
    = لو إنت فـ كليه حاسس إنك مُش شايف نفسك فيها .. إنسحب منها وإدخل كليه بتحبها حتي ولو بقالك سنتين فـ الكليه اللي مبتبحبهاش .. يضيع سنتين أحسن ما يضيع عٌمرك ..
    = إنسحبي من أي علاقة بتتعاملي فيها بإهانه أو إهمال أو قلة تقدير ..
    = إنسحب من أي نقاش هيقل منك ويتعب أعصابك .
    = الرزق علي الله .. لو شايف الشغلانه مُش مناسبه سيبها حتي ولو الكل شايفها لقُطه إنسحب وهتُرزق ..
    = إخرج من حياة اي حد محسسك إنك إختيار تاني عنده .. ديمًا رقم 2 في حياته .. صاحب بقي .. حبيب .. أيًا كان .. متكملش !
    - الضعف فعلاً هو إنك تضعف نفسك .. تكبًَر في غيرك وغيرك بيصغرك .. طبعًا ده ميديش ليك الحق إنك تسيب حلمك أو هدفك بسبب الصعوبات أنا بكلمك عن الامور اللي ماتشبهش ليك وبتنقصك مبتزودكش لأنك لو عندك حوض سمك وحطيت إيدك فيه علشان تمسك سمكه هتلاقيها بعدت عنك لأنها حست إنك هتأذيها .. إختفي وإبعد عن اللي يإذيك .. هتتعب شويه لكن هترتاح شويات .. تراجع فـ الوقت المُناسب .. جدي ابو والدي كان رايح يزور ناس من اهله ولسه هينادي سمعهم بيغلطوا فيه .. لف وشه وروح بيته .. إنسحب .. لأنه عارف إنه هيدخل معركه هتخسره كتير .. الحوار هيكبر وهيزعل أضعاف .. نفسيتك وأعصابك وإكتئابك ده إنت السبب فيه .. لأن ربنا حطلك علامات كتير بتقولك : إبعد .. متكملش, وإنت للأسف مُصر ماتنسحبش عنها وبتتعب روحك بزياده .. خُد قرار, وإنت باذن الله قده .. لازم ترتاح لأنك تستحق الراحه .. هون علي قلبك ونفسيتك عشان لو مقدرتش تبر نفسك مُش هتقدر تدي أي حاجه لغيرك, وعلي رأي الكاتب الفرنسي ألبير كامو : الإنسحاب من حياة بعض الأشخاص, لا يعني الاستسلام , بل يعني أنك صمدت طويلاً , من أجل شيئ لا يستحق !

    #إجري_يامجدي ;D !
    #إنسحب ..

    #أحمد_أيمن ..
                  

12-04-2018, 05:33 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    كان معايا موبايل بقاله ٣ سنين .. بستخدمه ساعه ونص ساعتين بالكتير والبطاريه بتفرغ وتحتضر مني ;D .. وانا مبسوط وماشي بيه عادي ..
    من كام يوم بقي جالي موبايلي جديد بطاريته بتكفيني اليوم وحجمه أكبر وبقدر اتواصل بيه بسهوله، ومريحني "
    لكن للاسف الشديد اكتشفت فيه عيب صناعه هيخليني اوديه التوكيل فتره بحيث يعالجوا المشكله او أستبدلُه، وطبعًا رجعت أمسك الموبايل القديم ومتعجب من حجمُه الصغير مقارنه بالجديد، وإزاي كنت ماشي بيه الفتره اللي فاتت دي كلها ؟!
    - نعمة إنك تطلع من تحت لفوق و تكون في مستوي أقل وتعلي دي متعتها عظيمه، و ميعرفهاش غير اللي جربها ..
    - إنما تكون ف مستوي عالي وتنزل ! دي متعبه وبتوجع، وكتير جدًا بيعانوا منها حاليًا خاصةً اللي مرتبه كان بيكفيه وف الظروف اللي إحنا فيها دلوقت مبيعملش حاجه، وعايش بالستر ..
    - ربنا ما يوصلك لمستوي وينزلك منه أبدًا ..
    ولا يوقعك فاللي يطلعك بكلامه لسابع سما وافعالُه تنزلك لسابع أرض .. لأنك مثلاً لما بتكون متعود تبقي لوحدك فمبيفرقش معاك ومقضيها.. إنما يدخل حياتك حد يهتم ويملي فراغك ويشاركك في تفاصيل التفاصيل، وبعدين يختفي ! للاسف دي بتكسر وبتعمل شرخ مؤذي للمشاعر !
    = فلإما تسيبونا زي ما إحنا ومتعشومناش بحاجه
    = لإما متوعدنيش وتعلقني بحلم ليل نهار اتمني تحقيقه، وبعدين تختفي وتِخّلِّف كلمتك ! دي بقي اللي تهد الحيل والقلب وبتصعَّب رجوع الواحد لطبيعته، ويمكن ده السبب اللي جعل النبي يغضب ويقول في أكتر من حديث: إن الكذب حرام الكذب فجور الكذب ضلال ! لأنه بيضر اللي قدامك ويإذيه ..
    ربنا يرزقنا باللي يكون قد كلامه أو باللي كلامه علي قده .

    #إجعلنا_في_الزياده_يارب 👐🏻❤️

    #احمد_ايمن..
    ===================
    لو شوفت طقم عجبك في اي محل و دخلت تقسيه إحتمال كبير يطلع لونه مُش مُناسب أو واسع عليك، و القَصه نفسها مُش راكبه علي جسمك ..
    وبتحصل إنك تلاقي بنات كتيره ياعيني يشوفوا فستان ع النت فيروحوا للخياط يفصلهم اخوه تيجي تلبسه تحس انها لابسه شوال ! ..
    شوفت صورة جاكت عجبني قولت هروح اشتريه روحت اسال عنه و لبسته .. كان منظره بايخ عليا وواسع من الكُم والكتاف !
    - كل حاجه بتحصل ف حياتنا وليها غرض، وأكيد الحلم اللي خسرته او الشغلانه او الحُب .. او اي خطوه كان نفسك تاخدها و ماشي فيها، ومحصلش نتيجه إيجابيه معاك .. كان سببها إنها مكانتش عل مقاسك ومُش ليقالك .. ربنا بيليَّق الحلم، الحُب، النجاح .. في الاتجاه اللي إنت هتأدي فيه، و مظبوط عليك .. سواء بقي " دراسي .. بحثي .. عملي .. قلبي .. أُسري .. " ويجعل الإتجاه ده توبك وكارَك، فيمكن الدعوات اللي متحققتش خير .. الماده اللي تقديرك مضروب فيها خير .. العلاقه اللي مكملتش حصل ده لانها مُش شبهك وهتندم لو كملت فيها .. كل شيء ربنا خلقه بحكمه .. يمكن لان زاوية الرؤيه عنده أوضح و ده لاننا نظرتنا للامور ضيقه وخاليه من الخبره فمنعرفش السبب دلوقت لكن بمرور الايام وتغيير الظروف هنعرف حكمته، وعلشان كده ربنا خلق العوض بحيث يراضيك بأحسن من اللي خسرته ويجعلك تلاقي حاجات أنضف واغلي من اللي ضاعت منك، وتقول بكل طمأنينه فعلاً " ربنا عوضني "
    وتعرف إنه مغلطش اللي قال : الخيره فيما إختاره الله ☝🏻❤️

    #إختارلي_يارب ..👐🏻

    #احمد_ايمن ..
                  

12-04-2018, 05:34 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    - لو جبت صابون و مسحوق غسيل، وجبت جبنه رومي وكيس شيبسي وعلبة زبادي .. لازم تحط الصابون والمسحوق ف كيس، والكيس التاني هتحط فيه الشيبسي والزبادي والجبنه علشان مايلقُطوش من ريحة المسحوق صح ؟
    الإنسان مننا بيلقُط .. سواء الحاله النفسيه .. الإسلوب .. تكوين شخصيته .. فلازم يعرف هو محطوط ف انهي كيس ؟ أكبر دليل مثلاً إنك أوقات تكون مخنوق فتخرج مع صحابك تفك شويه وتفرفش؟ معني كده إن الانسان بيتأثر باللي قدامه ..
    - اللي بيتابع صفحات كئيبه تلاقي مزاجه ديمًا متعكر ..
    - أُمك لو لقت أسلوبك متغير ساعات تقولك إنت ملموم علي مين ؟ معني كده انك من غير ما تحس بتاخد من شخصية اللي حواليك ..
    - أكيد كتير بيصادفك إتنين متجوزين وتلاقي ملامحهم فيها من بعض !
    - شوفت فيديو من شويه لراجل بيضحك ف المترو ف اللي جنبه ضحك بسبب ضحكته، والناس اللي راكبين كلهم ضحكوا لانهم شافوا غيرهم بيضحك و ده لان الضحك مُعدي !
    - علي راي المثل من عاشر القوم ٤٠ يوم صار منهم ..
    - = لو مرتبطه بشخص أناني او غلاط غضب عنك هتبقي مُكتئبه وديمًا حزينه وعصبيه
    - لو صاحبت واحد جدع غصب عنك هتتعلم منه وتبقي زيه وذوقك هيتغير ويبقي فيه من ذوقه
    - خُد اللي ترتقي بيه ويرتقي بيك .. سواء صديق بقي .. عريس.. عروسه.. صاحبه ..
    - النبي قال : المرء علي دين خليله .. إنت شبه اللي تصاحبُه
    - ولو إنت حاسس انك مش كويس يبقي دور ع الكويس وصاحبُه وإلقُط منه .. لانك متعرفش هيحصل ايه يوم القيامه لو لاقدر الله دخلت النار ! هتلاقي صاحبتك الكويسه او صاحبك المُخلص هيقول لربنا وهو ف الجنه : يارب لا اشعر بلذة الجنه ومُتعتها بدون صاحبي فلان أو صاحبتي فلانه .. فربنا يبعتله ملك من الملائكه يجيب صديقه من النار او صديقتها .. ف اهل النار يستغربوا ! طلع من النار ليه ؟! عمل حسنه تغفرله ؟ له حد من اهله إستُشهد إفتكره ؟ فترد الملائكه وتقول : إشتاق له صاحبه في الجنه فقبل الله شفاعته وغفر له وأدخله جنته !
    قال رسول الله صلي الله عليه وسلم :يُحشر المرء مع من أحب ..
    - يارب إرزقنا باللي يحلينا ميوحشناش يرقينا مينزلناش يخافك فينا وميتخلاش 👐🏻❤️

    #الصاحب_ساحب ..

    #احمد_ايمن
    =====================

    - لو خلفت عيل صغير وكل شويه تضربه علي الكبيره والصغيره .. هيستهون بغضبك ، ويقول قلمين وشتمتين وهتعدي ..
    - إتعود ديمًا ف علاقتك مع مراتك أو خطيبتك, و إنتي كمان ف علاقتك بإبنك .. بجوزك .. إنك متزعليش علي اي حاجه وفوتي .. علشان يتعمل لزعلك ١٠٠٠ حساب .. ميتقالش مثلا : ده الطبيعي بتاعها و شويه وتروق ! .. خلي نُصك التاني او صاحبك يعرف إن عقلك كبير وإنك بتفوت بمزاجك بس وقت ما تزعل بيبقي زعلك علي حق وله هيبه لانه مبيجيش بسهوله ..
    - حتي ربنا سبحانه وتعالي بيعدي لعبادُه بيقولك هزارك مع صاحبك دردشتك مع اهلك كل دي امور مغفوره باذنه وفضله لكن يجي علي السرقه علي شرب الخمره والبلاوي التقيله ويقولك لحد هنا وفي عقاب وغضب مني .. ربنا بيقول " والذين يجتنبون كبائر الإثم والفواحش إلا اللمم " واللمم هنا مقصود بيها الفضفضه والهزار والحاجات البسيطه اللي متخربش البيوت وتدمر مشاعر الناس ..
    - كل انسان مننا عنده حدود جوا قلبه .. خطوط حمره في مشاعره لو حد داسلُه عليها مبيقدرش للاسف يصفي ويرجع زي الاول معاه .. عمرك جبت بلونه ونفختها وفرقعت .. عرفت تنفخها تاني ؟ طبعًا لاء ! .. فحاول بقدر الامكان تعرف إيه الحاجه اللي بيتوصل اللي قدامك لمرحلة الانفجار ونهايته معاك، ومتقربلهاش ..
    - ناس ممكن بتجيب آخرها من الاهمال
    - الخيانه .. الكذب .. قلة التقدير .. التقليل منهم .. ايًا كان ايه السبب ياريت تقدر ومتعملش ده ..
    - وصدق اللي قال : أحيانًا لابُد تُدير ظهرك للبعض .. ليس غرورًا ولا ضعفًا وإنما قيل في المثل : علاج الجاهل التجاهُل ✋🏻
    -
    #نقطه_ومن_اول_السطر ..

    #احمد_ايمن ..
                  

12-04-2018, 05:37 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    صدقًا وده كلام ربنا هيحاسبني عليه يوم القيامه ..
    - كُنت متصاحب علي شخص هو وأسرته، وبحبه من كل قلبي .. تشاء الاقدار تحصل توترات في صداقتنا بسبب خارج عن ارادتي وإرادته، وظروف تمنع إننا نتعامل مع بعض زي الاول، ويشاء ربنا إني من فترة أتعرف علي شخص هو وأسرته وهو يتعرف علي أهلي ونبقي اصدقاء ونتقابل ونفضفض لبعض، وحسيت إن ربنا بيعوضني بشخص أصاحبه بدل اللي تقريبًا خسرته .. ولاني بختار الصاحب اللي أتعامل معاه بعنايه، بحمد ربنا علي شعوري بإن إختياري لصداقته كان صح ..
    - لما سيدنا مُحمد عليه الصلاة والسلام خسر السيده خديجه بسبب وفاتها بكي وحزن حُزن شديد، وربنا ميهونش عليه زعل النبي فيعوضه بعدها بحُب عمره السيده عائشه ..
    - لما لعيب كوره بيتصاب بتلاقي المُدرب بيعمل عملية تبديل وينزل واحد زميله مكانُه ..
    - ولله المثل الاعلي ربنا بيبدل ويراضي بالاحسن .. النور ساعات تلاقيه يقطع في مكان و مفيش لحظه تلاقي النور الاحتياطي إشتغل ويخلي الحته منوره زي وقت الضُهر.. ربنا مبيطفيش بريق شخص من جواك إلا لما يكون محضرلك أزهي وألمع منه .. يمكن لان ربنا حكمتُه سابقه معرفتنا فإنت تفتكر إنه كلام وخلاص لكن لما تلاقي العمليه ظبطت والامور إترستكت هتزعل علي سوء ظنك في ربك .. عمرك روحت تصيف مثلاً وتخيلت إنك تلاقي البحر نشف مفهوش ولا نقطة ميه ؟ ازاي إحساسك إن البحر عمره ما يفضي يبقي اقل من يقينك ف إن كرم ربك مبينتهيش وعطاؤه مبيخلصش ؟! إدعي ديمًا إن ربك يختارلك لان إختياره أنسب وأرّيَّح من اللي إنت عاوزه لانك متعرفش الغيب و مستقبل اللي إنت إختارتُه هيكون شكله إيه معاك، ومع الوقت هتفتكر مقولة أحد علماء المسلمين لما قال :
    خروج بعض الاشياء أو الاشخاص التي تعلقت بها من حياتك رحمه من الله، ولسوف تُدرك ذلك مع الوقت 👌🏻

    #إجمد_بربك_هيراضيك 💪🏻❤️

    #احمد_ايمن ..
    ==========================

    - إلبس الشراب قبل ما تلبس البنطلون علشان ميغلسش عليك في لبسُه ..
    - خُد اللي بيحبك لأنه من حُبه فيك هيحببك فيه ..
    - متقارنش نفسك بحد وتسّتكّتر عليه نعمه كسبها ف حياتُه لأنك متعرفش هو خسران إيه قصاد وجودها عنده ..
    - قول النصيحه مره وإتنين لانك لما تزودها هيتفهم نيتك غلط ومش بعيد يتقال إن ليك مصلحه من ورا نصيحتك ..
    - متتجوزيش غير اللي يملي عينك، ولو اهلك فرضوا عليكي حد متقبليش ومفيش عليكي ذنب اطمني ..
    - لما تتعزم عند صديق او قريب كُل براحتك لان الاكل الحلال بيشفي الروح والجسم ويداوي القلب .
    - لما تسلف حد فلوس بتتكب ليك عند ربنا صدقه لحد لما يردهالك ..
    - الاسلوب أهم من الشكل خليك جدع و لسانك حلو هتسرق قلب اللي قدامك ..
    - ربنا بيقول إعذر اللي قدامك مره وإتنين والتالته فارقه، ولو كملت وتهاونت يبقي إنت اللي بتجيب التعب لنفسك ..
    - هزر مع إبنك وإحكيله سر عنك وشوره، عمره ما هينسي ده وهيبقي عنده احسن من ما تديله فلوس ..
    - مفيش شخص او داعيه ديني وحش خد من كل واحد الكويس اللي فيه وسيب اللي ميعجبكش .. الكمال لله.
    - الصاحب اللي يلاقيك ماشي ف سكه غلط ومينبهكش يبقي ندل وهتندم علي معرفته قريب .
    - الحُب اللي يتعارض مع كرامتك قلته احسن ..
    - ماتثقش في شخص كداب حتي ولو ف حاجه بسيطه اللي يكدب في الصغيره يكدب ف الكبيره ..
    - الحاجه الطيبه ف نظرك وضاعت منك بكره هتحمد ربنا علي ضياعها لأنه هيجعلك تلاقي الاطيب منها ..
    - إنك تقرأ الكلام ده وتلاقي نفسك ف حاجه منه يبقي أكيد ماشفتهوش صدفه ولعلها تنبيه ورساله جيالك 👌🏻 ✋️

    #احمد_ايمن ..
                  

12-04-2018, 05:40 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    ده مُش إعلان ممول ولا حاجه ..
    - لما بتجيب واحده راني, وخليها بالخوخ عشان أنا بحبُه .. المُهم يعني .. بعد ما تُرجها و تشربها لازم تلاقي حتة خوخ جوا العلبه مُش راضيه تطلع .. تحط العلبه علي بوقك وتفضل تحرك وتقاوح فيها لحد لما تخرج وتاكلها, وبعدين ترمي العلبه ..
    - مفيش دعوه مبتحققش ولو متحققش ربنا بيعوض بالاحسن منها بس تعند وتزن في الدُعاء وهو هيخرج للنور ..
    - مفيش علاقة حُب بتفشل غير لو طرف من الاتنين مكانش متمسك بالتاني وشادد في حبل العلاقه بعزم ما فيه وأكيد كان مُستهتر ..
    - مفيش حلم مبيتحققش .. صوت مبيتشهرش .. موهبه مبتظهرش .. إلا وكان صاحبها مدهاش حقها من التعب, حتي ولو تعب ومتحققش يكفيه إنه حاول !
    - تصدق بالله ؟ كُنت راكب في عربيه وشوفت واحد مسك علبة الراني دي وطبقها لحد ما طلع حتة الخوخ اللي فيها .. طربق الدُنيا لحد ما تاخد اللي بتحبها ومتبقاش هفأ .. إدعي ومتيأسش وهتُرزق .. قاوح وإنت هتوصل .. فـ الزمن اللي إحنا فيه ده محدش هيساعدك قدك .. لو وقع منك جنيه في المواصلات تحت الكُرسي بتفضل طول الطريق تحاول تجيبه, وتمد إيدك لحد ما تطلعه .. مُش حُب في الفلوس مثلاً او الجنيه حاجه .. لكنها غريزه في الإنسان إنه لو عاوز حاجه هيوصلها .. هيعملها .. مُهما كان اللي قُصاده .. طبعًا بنعمل اللي علينا وربنا عليه التساهيل بقي حصلت خير محصلتش يبقي الجي أحسن ..
    - لما سيدنا موسي فرعون كان بيجري وراه هو وجنوده وسيدنا موسي معاه قومه ومفيش معاهم سلاح يحاربوا .. موقفش وإستسلم للموت ! بالعكس جري لحد لما وصل للبحر .. خلاص مُهمته إنتهت عمل اللي عليه .. الباقي علي ربنا بقي .. يحصل إيه ؟ ربنا يشُقله البحر ويفتحله سِكه يمُر منها هو وقومه بسلام .. خلي عندك يقين وإجري .. وهتلاقي تساهيل ربنا بتظهرلك .. والسكك بتسلكلك .. والابواب المقفوله بتتفتحلك .. ربنا سُبحانه وتعالي مبيخذلش عبادُه وحاشاه يزرع جواك حلم الوصول لحاجه ويحرمك منها .. لإما ينولهالك لإما يعوضك بخير منها .. بس متيأسش وخلي جواك يقين وإثبتله إنك تستحق .

    #هتوصل .. <3

    #أحمد_أيمن ..
    ==================================

    أقسم بالله سعيد سعاده لا توصف .. وجودكم فعلاً شرفني ونورني دار النشر بلغوني إن كتابي " ليطمئن قلبي " خلص منه الطبعه الاولي " ٢٠٠٠ " كتاب ومن فضل الله تخطاهم النهارده بما يُعادل ٥ طبعات بأمر ربنا .. انا حقيقي سعيد جدًا بيكم وبوقفتكم معايا في يوم زي ده .. ربنا يعلم راجع البيت مهدود ومُرهق جدًا لانه مهانش عليا اقعد والناس واقفه .. كنت اقعد دقيقه واقف ساعه من خجلي من الناس ووقفتهم حواليا .. بجد انتوا شرفتوني .. بتمني ميكونش حد زعلان مني والكل متراضي .. انا بعتز بيكم والله العظيم ..
    الناس متزاحمه وواحد واقف يقولي هتطنشني عشان مشهور ولا هتتواضع و تمضيلي ؟ إتعجبت قولت بعلو صوتي كتير جدًا الذنب بيبقي احسن من الحسنه .. لان ممكن واحد يعمل حسنه ويُعجب بنفسه فربنا مبيكتبهاش لُه، وواحد تاني يعمل ذنب يفضل فاكره وندمان عليه وانا عملت ذنوب ندمان عليها كل لما تكبروني في الكلام بيصغرني في نظر نفسي ف انا اقل الناس وكلي عيوب وذنوب ولولا ستر ربنا عليا مكانش حد منكم بقي موجود معايا النهارده .. فده مُش تواضع انا بعتز بيكم وبعتبركم كنز ونعمه جايه من ربنا بسبب ستره وفضله .. كان يوم جميل بيكم وكان هيبقي اجمل بالناس اللي ماقدرتش تيجي .. أنا مبسوط بإنبساطكم .. وربنا ديمًا يجعلني كبير في نظره ونظركم وصغير في نظر نفسي 👐❤️
    احمد_ايمن ..
                  

12-04-2018, 05:41 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    أنا عامل زي اللي عليه إمتحان الصُبح ومذاكرش ولا كلمه .. إحساس غريب ومُريب .. واللي باسطني إني هقابلك بُكره وجهًا لوجه وأتعرف عليك عن قُرب .. دار النشر كلموني النهارده وبلغوني إن كتابي من فضل الله محقق مبيعات كبيره وعليه ضغط طلب في المعرض .. حامل الهم .. نفسي ينول إعجاب كل اللي جابوه، واللي هيجبوه باذن الله ..
    أسرتي جايه معايا بُكره في حفلة توقيعي ف المعرض ف أنا هتعبر كل اللي جي وواقف جنبي ومشاركني فرحتي في يوم زي ده فرد من اهلي وأسرتي وده يزدني شرف والله، واللي كان نفسه يجي ومُش هيقدر متعوضه بإذن الله وإحساسك الطيب واصلني بجد ، وباذن ربنا الكتاب من اول الاسبوع هيبدًا يتوزع علي جميع محافظات مصر وبره مصر كمان، وهكتب عندي عن اماكن وجوده وإن شاء الله يكون كتاب طمأنينه وكشاف ينورلك عتمة روحك وحياتك ومتندمش أبدًا إنك فكرت تجيبه ..
    - انا بكره بإذن الله موجود في معرض الكتاب من اول الساعه ٢ ونص لحد ٧ بالليل .. هتركب مترو وتنزل محطة ارض المعارض هتدخل من بوابة صلاح سالم وتمشي طوالي هتلاقي علي شمالك في العرض المكشوف جناح " دار اجيال " تبص جوه تلاقيني واقف مستنيك .. ❤️
    ف اللي جاب الكتاب وحابب يوقعه يشرف وينور واللي مجابوش يجي واوقعهوله علي راسي .. الكتاب تمنه هو والكُتيب ٤٠ جنيه وعلي مسؤليتي لو معاك اقل من كده هتاخد برضه الكتاب .. زي ما النحت علي الصخر بيعلم ومبيروحش كذلك كل وش واحد فيكم هيتنحت جوايا ويستحيل أنساه بعد مقابلتي بيه بكره ابدًا .. هستناكم ..
    وبما إن ناس كتير بتوزع كتب هدايا .. ف أنا هختار ٤ تعليقات بشكل عشوائي من اللي هيعلقوا علي البوست ده وأديلهم الكتاب بُكره في الحفله ومعاه الكُتيب هديه مني بإذن الله ..

    #حفل_توقيع_كتاب_ليطمئن_قلبي ..
    #الجمعه_٢_فبراير ..

    #اخوكم_احمد_ايمن ..
    ========================

    عارف يعني إيه ربنا يتولاك ؟ يعني زي ما قال الشيخ الشعراوي : يسهلك كُل صعب، ويخلي أمورك تمشي زي ما إنت حابب، وينولك اللي بتتمناه حتي ولو إنت شايفُه من رابع المُستحيلات !
    اللهم إحتويني برحمتك وتولَّني بقُدرتك ولا تخزني ابدًا فأنت الكريم 👐
    ===========================

    لسه جي من عند دكتور ف الزقازيق إسمه " عاطف نُصير " كنت بكشف علي بن عمي الصغير .. حصل موقف لفت نظري ف العياده .. عيل صغير كان ف ايده صباع بسكويت محشي .. وقع علي الارض فأمه قامت جابت البسكوته ومسكتها ف إيدها .. الولد حاول ياخدها لكنه مقدرش .. الام رافضه تناولها له .. الولد بقي يعيط ويتنطط وامه تقوله " كِخ ! " .. والواد مُش مدرك إن أمه خايفه عليه ولو أكلها ممكن يجيله مغص في معدته يضايقه ويسهره الليل بطوله، وطلعت تليفونها واتصلت علي حد تقريبًا منتظرها تحت العياده طلع ومعاه كيس مليان حاجات حلوه ..
    - لما سيدنا موسي ركب السفينه مع سيدنا الخصر وسيدنا الخضر ربنا علمه بعض من امور الغيب .. اول لما ركبوا السفينه سيدنا الخضر خرمها ! سيدنا موسي غضب ! إزاي تخرقها وهما ناس جدعان ركبونا ومطلبوش مننا اي مقابل ! ومع الوقت سيدنا الخضر قاله انا خرقتها لان في مملكه بيحكمها ملك حرامي بياخد أي سفينه تعجبه وهو جي وراهم بجنوده، واصحاب السفينه مساكين مفيش حيلتهم اي حاجه غيرها بياكلوا منها عيش وهي مصدر رزقهم الوحيد .. فحبيت اعيب السفينه بحيث إنها متعجبش الملك ويسيبها تمر من عنده بسلام ..
    - زعلان قوي علي الفركشه اللي حصلتلك ؟
    - مخنوق عشان محلتش كويس في الماده ؟
    - خسرت شغلانه ؟ فرصة جوازه ؟ كان نفسك في حاجه حلوه ومحصلتش !
    - ربك عالم انك شبطان وقلبك عشمان في حلم ودعوه ونفسك تتقبل .. لكن ايش عرفنك انها عشان متحققتش كانت خير ؟ بنت عمي ف البيت عندنا عندها سنتين ونص بنجيب لها شيبسي وشيكولاته وعصير يوميًا .. فبقت لما تبكي ونيجي نقولها نجيبلك عصير؟ تعيط ماتسكتش، لو جيبنا ليها حاجه حلوه مبتفرحش ! لانه بقي عادي .. لو متعودتش علي كده كان هيبقي الشيكولاته بالنسبالها سبب كافي لسكوتها .. ربنا بيحرمك علشان لما يدوقك الحلو ترضي بيه ويعجبك .. وتحس بقيمته .. فبعد حرمانك ده صدقني هيحلي روحك وقلبك وبقك، رزقك في دراستك .. جوازك .. عيالك .. ف كل حاجه هتاخده .. متنكسرش .. لو عرفت الغيب هتشتم نفسك علي كل لحظه ظنيت ظن سوء في الله .. كل شيء بيحصل له حكمه من ربنا .. إنت شوفت البوست ده لانك ربنا بيوصلك رساله معينه إنك متيأسش .. إتعشم في ربنا وإطمع، رزقك هتاخده وهتتراضي ع الآخر وتقول شبعت وقريب قوي كمان، وبُكره تفتكر الكلام ده ..
    اللهم علمني حسن الظن بك وارزقني اليقين فيك وهب لي سعادة تُنسيني حزني وتُطيب خاطري يا الله 👐❤️

    #ربنا_هيدهشك_بالخير .. ☝️❤️

    #احمد_ايمن
                  

12-04-2018, 05:45 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    ناس بتسألني كتابك" ليطمئن قلبي " بيتكلم عن إيه ؟
    كتابي بيتكلم عني وعنك .. عاميه متطعمه بالفُصحي ..
    - عن الخطوبه وإيه اللي تلبسه وإنت رايح تخطب وإيه تقوله ومتقلهوش وإنتي ازاي تستقبليه وتلبسي إيه وتتعاملي ازاي معاه ومع اهله وهكذا ..
    - عن الملل من الطاعه وازاي استعيد نشاطي في العباده ..
    - عن الثقه في نفسك وعن حُب ذاتك بكل صفاتها وشكلها ..
    - عن تربية اولادك من طفولتهم لحد شبابهم ونُضجهم ..
    - عن رمضان وازاي تسقبله وتستغله صح ..
    - عن خلفة البنات وقصص كتيره عن النبي واصحابه عن دلوقت وبُكره مواضيع تهمك بإذن الله .. لانه بيتعمق في حياتك ويساعدك حتي ف مذاكرتك وإمتحاناتك .. كتاب يقرأك لما تقرأه ..
    - طيب إيه سبب الصوره دي وليه بدأت مقدمة الكتاب بيها ؟ لاني قريت عن الامام مالك رحمة الله عليه إنه لما مات أقرب اصحابه شافه في المنام ولقاه في الجنه، فسأله وقاله : بما دخلت الجنه يا إمام ؟ رد الامام مالك وقاله : دخلتها لاني كتب في مقدمة كتابي " اللهم صل علي سيدنا محمد عدد ما ذكره الذاكرون وغفل عن ذكره الغافلون " !
    طبعًا فرق شاسع بين الامام مالك وبين واحد زيي لكني عبد عشمان وطمعان في كرم ربنا إنه يتجاوز عني ويسامحني بالكتاب ده باذن الله ولعلك دلوقت لما تصلي علي النبي تتفاجيء يوم القيامه بالملايكه وهي شداك من ايديك ووخداك علي الجنه إنت وكل اللي هيصلي علي رسول الله بسببك إن شاء الله ..

    #ليطمئن_قلبي ..

    #احمد_ايمن ..
    ========================
                  

12-04-2018, 07:04 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    لا تحقرن من المعروف شيئا:-
    كلمات نبوية مباركة ووصية تحوي الكثير من المعاني والإشارات، تلك التي وصى النبي بها أصحابه واتباع دينه، وذلك في الحديث الذي رواه الإمام مسلم في صحيحه عن أبي ذر رضي الله عنه أن النبي صلى الله عليه وسلم قال: [لا تحقرَنَّ من المعروفِ شيئًا، ولو أن تلقَى أخاك بوجهٍ طلِق].

    إنها دعوة لصنع المعروف وفعل الخير مهما قل، فإن العبد يسعى في عظيم المعروف فإن عجز عن كبيره فلا يحتقرن صغيره أن يفعله، فإن عجز فلا أقل من أن يصنع من ابتسامته معروفا يقدمه لمن يخاطبه، أو يتحدث معه، أو يخالطه، أو لكل من حوله.

    دعوة لصنع المعروف:
    إن أول ما يتبادر لذهن السامع من هذا الحديث أن يسعى في اكتساب المعروف وصنعه، فهي دعوة لصنع المعروف ابتداءً، أي معروف وكل معروف. فإن "شيئا" هنا نكرة في سياق النفي تفيد العموم فتشمل كل معروف.

    فاحرص على فعل المعروف: فإن الأيام تمضي والصالحات تبقى، والآجال تنتهي ولكن الآثار الطيبة باقية، والإنسان يموت وتتوقف أعماله، ولكن ثواب أعمال البر الذي فعله قبل موته ما زالت تتدفق عليه حسناتها إلى يوم القيامة.

    اصنع الخير ولا تتوقف عن المعروف؛ ففي يوم القيامة سينبهر أناس من ثواب أعمالهم الكبيرة في الدنيا، بل سيذهلهم ثواب أعمال ظنوها صغيرة لكنها كانت عند الله عظيمة، فأثابهم عليها ثوابا لم يتخيلوه، وجزاهم عليها جزاء لم يتوقعوه.

    احرص على فعل الخير فإن الله تعالى لن ينسى خيرا قدمته، ولا هما فرجته، ولا دينا قضيته، ولا عينا كادت أن تبكي هما وحزنا فأسعدتها.

    احرص على فعل الخير، ونشر الخير، والتحدث بالخير، ونية الخير؛ فإن هذا دلالة إيمان كما قال عليه الصلاة والسلام: [لا يشبع المؤمن من خير حتى يكون منتهاه الجنة].

    احرص على فعل الخير واطرق أبوابه، فإن الله لا يفتح أبواب الخير إلا لمن طرقها (كما يقول الطنطاوي)، فمن أقبل أقبل الله عليه، ومن أعرض أعرض الله عنه.
    احرص على فعل الخير وأنت قادر، فربما يأتي وقت لا تقدر عليه:
    احرص على عمل المعروف مجتهدا ... فإن ذلك أرجى كل منتظر
    وليس من حالة تبقى كهيئتها ... فاغنم زمان الصفا خوفا من الكدر
    وكما قال بعضهم:
    إذا هبت رياحــك فاغـتنمها .. .. فإن لكــل خافــقـة سكون
    ولا تغفل عن الإحسان فيها .. فما تدري السكون متى يكون

    افعل الخير حيث سنحت فرصة، وعود نفسك عليه ولا تترد، فعمل الخير طبع يكتسب، وعادة تُتعلم، وكما أن العلم بالتعلم والحلم بالتحلم، فهنا كذلك.

    لا تحقرن من المعروف شيئا
    إياك أن تحتقر شيئا من المعروف وإن قل؛ فمن عجز عن عظيم الخير وكبير المعروف فلا يعجزن عن يسيره، هكذا وصى الرسول عليه الصلاة والسلام، حتى يشيع الخير بين الناس وينتشر المعروف.

    لا تحقرن من المعروف شيئا وإن كنت مقصرا، وإن كنت مفرطا، وإن كنت مذنبا، وإن كنت عاصيا. فإن امرأة بغيا سقت كلبا فغفر الله لها. قال عليه الصلاة والسلام: [بينما كلبٌ يطيفُ برَكِيَّةٍ قد كاد يقتلُه العطشُ، إذ رأَتْه بَغِيٌّ من بغايا بني إسرائيلَ. فنزعتْ موقَها، فاستقَتْ له به، فسقَتْه إياه، فغُفِر لها به](متفق عليه واللفظ لمسلم).

    لا تحقرن من المعروف شيئا" وإن كان يسيرا، وإن كان قليلا، وإن كان بسيطا، ولو ريالا، ولو درهما؛ فإن الله يجعله بالقصد الصالح كثيرا. قال عليه الصلاة والسلام: [سبق درهم مائة ألف درهم].

    لا تحقرن من المعروف شيئا ولو رغيفا، ولو لقمة، ولو تمرة، بل ولو شق تمرة. فإن : [من تصدق بعدل تمرة من كسب طيب ولا يقبل الله إلا الطيب وإن الله يتقبلها بيمينه ثم يربيها لصاحبه كما يربي أحدكم فلوه حتى تكون مثل الجبل](رواه البخاري)، وقال صلى الله عليه وسلم قال: [فاتقوا النار ولو بشق تمرة].

    لا تحقرن من المعروف شيئا ولو صلاة ركعة، ولو تلاوة آية، فإن رجلا أحب سورة الإخلاص فقال عليه الصلاة والسلام: [حبك إياها أدخلك الجنة].

    لا تحقرن من المعروف شيئا ولو تسبيحة لو كلمة طيبة ولو دعوة، ولو دمعة. [فعينان لا تمسهما النار، عين بكت من خشية الله، وعين باتت تحرس في سبيل الله]، [والكلمة الطيبة صدقة].

    لا تحقرن من المعروف شيئاً ولو أن تزيل من الطريق غصن شوك أو حجرا يؤذي الناس.. فقد روى البخاري ومسلم عن أبي هريرة أن النبي صلى الله عليه وسلم قال: [بينما رجلٌ يمشي بطريقٍ، وجَد غُصنَ شَوكٍ على الطريقِ فأخَّرَه، فشَكَر اللهُ له فغَفَر له]. وقطع رجل شجرة من الطريق فرآه النبي يتقلب في الجنة.. [لقد رأيت رجلا يتقلب في الجنة في شجرة قطعها من ظهر الطريق، كانت تؤذي الناس](رواه مسلم).

    إن قوله عليه السلام: [إماطة اﻷذى عن الطريق صدقة] ليس توجيها عابرا؛ بل يؤسس للشعور بالمسؤولية، وحسن الصلة بالناس، فمن أزال غصن شوك رأفة بهم، ﻻ يتصور إيذاؤهم بأي أمر! وإذا كان هذا في تأخير غصن شوك فكيف بمن أزال ضغائن القلوب وأحقادها، فكيف بمن يزيل هموم الناس ويخفف عنهم آلامهم؟

    لا تحقرن من المعروف شيئاً ولو أن تسقي حيوانا أو تطعم حيوانا، أو تزرع زرعا يأكل منه طائر؛ ففي الصحيحين من حديث أبي هريرة عن النبي صلى الله عليه وسلم قال: [بينا رجل بطريقٍ، اشتدَّ عليه العطشُ، فوجد بئرًا فنزل فيها، فشرِب ثم خرج، فإذا كلبٌ يلهثُ، يأكلُ الثرى من العطشِ، فقال الرجلُ: لقد بلغ هذا الكلبُ من العطشِ مثلَ الذي كان بلغ مني، فنزل البئرَ فملأ خفَه ماءً، فسقى الكلبَ، فشكر اللهُ له فغفر له. قالوا: يا رسولَ اللهِ، وإن لنا في البهائمِ لأجرًا؟ فقال: في كلِّ ذاتِ كبدٍ رطبةٍ أجرٌ].

    سقى الكلب فشكرَ اللهُ له فغفر له، هذا في كلب فكيف لو إنسان، فكيف لو مسلم، فكيف لو يتيما أو أرملة أو مسكينا؟ فكيف بمن يُحسِن للمسلمين، ويتفقَّد المحتاجين، ويتصدَّق على المعوزين، ويرحم المستضعفين؟

    لعلها تكون المنجية
    لا تتهاون في صدقة، ولا تستصغرن طاعة، ولا تحتقرن حسنة فلعلها تكون المنجية، فكلما وجدت عملا فبادر إليه وقل لعلها المنجية، ثم التي بعدها وقل لعلها هذه، والتي بعدها وقل هذه هذه. وﺳﺘﺮﻯ ﻛﻴﻒ ﺗﺘﺤﻮﻝ ﺣﻴﺎﺗﻚ ﺇﻟﻰ ﺳﺒﺎﻕ ﻣﺘﻮﺍﺻﻞ ﻟﻠﺒﺬﻝ ﻭﺍﻟﻌﻄﺎﺀ.

    لقد اشترى سيدنا عثمان بئر رومة فقال النبي عليه الصلاة والسلام: [ما ضر عثمان ما فعل بعد اليوم]. وجهز جيش العسرة فقال فيه مثل ذلك، ودخل بلال الجنة بركعات كان يؤديها بعد كل وضوء، وتجاوز الله عن عبد كان يتجاوز عن الناس، وشهد النبي لرجل بالجنة لأنه كان سليم القلب تجاه المسلمين، فأنت لا تدري أي عمل لك سيكون دليلك وسبيلك إلى الجنة، فلا تتركن عملا، ولا تحتقرن عملا.
    مسلمون في بلد ليس عندهم مسجد، ابن لهم مسجدا، وقل: عساها تكون المنجية.
    مسلمون ليس عندهم بئر يستقون منه، احفر لهم بئرا، وقل: عساها تكون المنجية.
    فقراء مرضى لا مستشفى لديهم أو لا يقدرون على تكاليف العلاج، أقم لهم مستوصفا خيريا يتعالجون فيه، وقل: عساها تكون المنجية.
    يتيم فقير لا يجد مصاريف التعليم، ادفعها له لعلها تكون هذه، أرملة عندها أولاد لا تستطيع الإنفاق عليهم، تولهم واكفلهم، لعلك تدخل بهم الجنة وتكون هي المنجية.
    فتاة توقف زواجها لعدم قدرة والديها على تجهيزها، فوقف حالها، جهزها وزوجها عساها تكون هذه.

    أبواب الخير كثيرة
    إن أبواب الخير كثيرة وطرائق المعروف وفيرة، فنفس عن المسلمين فقد قال عليه الصلاة والسلام: [من نفس عن مؤمن كربة من كرب الدنيا، نفس الله عنه كربة من كرب يوم القيامة، ومن يسّر على معسر، يسّر الله عليه في الدنيا والآخرة، ومن ستر مؤمنا ستره الله في الدنيا والآخرة، والله في عون العبد ما كان العبد في عون أخيه](رواه مسلم).. وفي الحديث: [أحب الناس إلى الله أنفعهم، وأحب الأعمال إلى الله عز وجل سرور تدخله على مسلم، أو تكشف عنه كربة، أوتقضي عنه ديناً، أوتطرد عنه جوعاً، ولأن أمشي مع أخي المسلم في حاجة أحب إلي من أن أعتكف في المسجد شهراً](رواه الطبراني)

    ولا يعجزن فقير ولا مسكين عن فعل خير فإن من المعروف إرشاد التائه، وتأمين الخائف، ومساعدة العاجز، وقضاء حاجة، ولو أن يفرغ من دلوه في دلو أخيه، أو يصنع لأخرق، أو يحمل رجلا على دابته، أو يعينه في حمل أغراضه. فإن لم يجد فبكل تسبيحة صدقة، وبكل تحميدة صدقة، وبكل تهليلة صدقة، وأمر بمعروف صدقة، ونهي عن منكر صدقة، وكلمة طيبة صدقة، ودعوة بظهر الغيب صدقة. فإن عجز عن كل ذلك فتبسمك في وجه أخيك صدقة. فإن لم يمكنه ذلك، قال عليه السلام، فأمسك شرك عن الناس فإنها صدقة منك على نفسك.

    وأخيرا..
    اعلم أن فعل الخير دين سريع السداد، سعة في الرزق، ونور في الوجه، وذكر حسن، ودعوات في ظهر الغيب.
    واستكثروا من سرائر الخير فإن لها رائحة تفوق كل رائحة: عبيرها الذكر الحسن، وأثرها حُسن الختام.
    نسأل الله أن يعيننا وإياكم على طاعته، وأن يتقبل منا ومنكم صالح الأعمال.
    إسلام ويب
                  

12-04-2018, 07:06 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    انا خطبت ! 💍 😄
    معلش الوقت إتأخر .. بس لسه جاي من عندها دلوقت .. 😄
    - كنت بستغرب جدًا ! لما الناس تسمي الفتره اللي ماتت فيها السيده خديجه وعم النبي ابو طالب ( عام الحُزن ! ) المفروض يقولوا ( سنة الحُزن ) ! لان السنه معناها ان ايامها كلها حزن وهم والشقا .. لان ربنا بيقول في القرآن ( ولقد ارسلنا نوح الي قومه الف سنة الا خمسين عاما ) سيدنا نوح قعد يصنع ف السفينه ٩٥٠ سنه يتشتم ويتهان ويشقي ويجمع خشب ويتبهدل ! الا خمسين عام معناها انه عاش بعد لما ربنا نجاه هو وقومه المؤمنين ٥٠ عام كلهم فرحه وسعاده وهنا من غير تعب او وجع قلب .. وبرضه ربنا وصف الفتره اللي حصل فيها المجاعه في قصة سيدنا يوسف ( سنين عجاف ) ! وبعدها قال علي فترة المطر والزرع والخير ( عام فيه يُغاث الناس ! ) معني ذلك ان العام هو الفتره اللي فيها خير والسنه هي الفتره اللي فيها تعب وهم وشقا ! طب ليه بنقول عام الحُزن مش سنة الحُزن ؟! لان في نفس السنه اللي ماتت فيها خديجه وابو طالب ربنا بعت للنبي سيدنا جبريل علشان يروح رحلة الاسراء والمعراج ! يصلي بجميع الانبياء في المسجد الاقصي وف نفس اليوم يطلع للسما ويتكلم مع ربنا ! وفي علماء قالوا انه شاف ربنا ! ودخل الجنه ! ف ربنا مقبلش ان السنه تفوت من غير ما يحصل للنبي حاجه تفرحه زي ما حزن علي موت اعز الناس ليه ،، وعوضه بفرحه كبيره انه يسمع صوت ربنا ويوصل لدرجه محدش وصلها ابدا من البشر ! ف العلماء قالوا ان مينفعش نقول سنه الحُزن لان الفرحه بمقابلة الله اعظم من الحُزن علي وفاة اهل النبي وربنا لملم جرحه وفرحه ف اتجمع الحُزن مع الفرحه واتسمي ( عام الحُزن ) ! من رحمة ربنا بالنبي صلي الله عليه وسلم ! :))
    - انا شوفت اسوأ ايام في حياتي وانا ف الجيش .. تعبت جدًا بمعني كلمة تعبت السنادي .. و ف وسط القرف والهم اللي بشوفه هناك ( اربط بطني اوقات م الجوع .. اتغطي ف عز البرد انا واربعه صحابي ببطانيه واحده وانام ف الشارع والطل ! .. وغيره ) ! .. فجأه لقيت نفسي بتقدم وبخطب بنت اصول .. بتقولي التراب من ايديك دهب ! .. جبتلها شبكه بسيطه كدا ربط كلام تلبسها يوم الاربع باذن الله وسط اهلنا وحبايبنا .. وبعد الجيش اعمل شبكه تانيه كبيره باذن الله والدعوه تكون عامه للجميع لاني بجد وجودك يشرفني وهشيلك فوق دماغي :)) ..و هنا فعلا لقيت اللي يهون عليا الايام اللي بعيشها حاليًا ف الجيش .. وكأنها الايد اللي بتسند ضهري وتقويني وتحميني من اني اقع واتهد .. والله دي من رحمة ربنا .. يطلع من قلب المُعناه فرحه وحياه وميعديش سنة جيشي غير لما يزرعلي فيها فرحه تصبرني وتقوي قلبي ! .. فعلاً ( إن مع العُسر يُسرا ) مش بعد العُسر قال معاه ! .. الله يصبرها عليا ;D .. احب اقولك الناس كلها عايشه في الارض .. وانتي الوحيده اللي عايشه فيا وبين ضلوعي .. انتي فعلاً قوتي وجيشي الوحيد .. الله يفرحك ويجعلني اعاملك زي ما كان النبي بيعامل زوجاته ومحدش احسن من النبي بس باذن الله هحاول بكل قوتي اقتدي بيه وياكي .. فصدقني ربنا يستحيل يعدي ايامك كدا ! لابد يحدفلك حاجه تقويك .. يبعتلك تصبيره .. يدلك زقه ويطلعك لقدام .. ربنا مبينساش .. ربنا بيحبك .. فمتكشرش .. احد علماء المسلمين قال ( لو علمت ما يدبره الله لك في الغيب من خير كثير لبكيت خجلاً من سوء ظنك به ! )
    ما تسمعونا زغرووووطه 😄❤️
    #لولولولولولولولي ❤️
    #قريب_هتفرح_بزياده ! ^^
    احمد ايمن
                  

12-04-2018, 07:07 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    لما يكون في شباب حواليكي حابين يصاحبوكي وانتي مترديش علي اي مُكالمه منهم او رساله .
    - لما تكون صايم وتشم ريحة الاكل او هتموت من العطش ومتشربش .
    - لما امك او ابوك يكونوا ضاغطين عليك نفسيًا وانت صابر ومتزعلهمش بكلمه .
    - لما تكوني بتحبي واحد لدرجة الجنون وكاتمه ف قلبك ومتقبليش يعرفك الا ف الحلال .
    - لما تشتاق تعمل ذنب وسهل قوي انك تعمله بس مبترضاش .
    - لما تعرف فضيحه عن بنت او شاب ونفسك تحكيها لصاحبك وتكتمها جواك وتستُره .
    - لما حد يجي عليك وانت قادر تنتقم منه ومترضاش .
    - لما ولما ولما .. تبقي قدامك حاجات كتير مترضيش ربنا سهل انك تعملها وتقول " لاء " ..
    لما تكون فيك صفه ولو واحده من المكتوبين دول .. فـ اقدر اقولك انك مذكور في القرآن ومعروف بالاسم عند ربنا ! " ربنا بيقول " أولائك الذين امتحن الله قلوبهم للتقوي " كلمة امتحن جايه من امتحان .. يعني اختبار .. ربنا يختبر قلوبهم في التقوي ! " لما يديلهم الفرصه انهم يعصوه .. هل ساعتها العبد هيرفض يعصي ويتقي ربنا .. ولا هيبقي مدب ويقع في الذنوب ؟! .. طيب يارب اللي ينجح في الاختبار .. لُه ايه ؟! ربنا يرد ويقولك " لهم مغفره واجر عظيم .. ربنا وقتها هيغفر جميع ذنوبهم .. ومش بس كدا .. دول اجرهم عظيم " سعة رزق في الدُنيا وتحقيق احلامهم .. وفي الآخره .. مرافقة النبي صلي الله عليه وسلم في الجنه :)) !
    وزي ما قال سيدنا عُمر بن الخطاب " ان الذين يشتهون المعصية ولا يعملون بها،اولئك الذين امتحن الله قلوبهم للتقوى لهم مغفرة وأجر كريم " :))
    #ربنا_يقويك_ع_الفتن_ويثبت_قلبك
    احمد ايمن
    ======================
    ( الايميل .. الفيس .. الموبايل ) اي حاجه من دول ليها رقم سري علشان يفتحوا ..
    طب انا بقي جبتلك كلمة السر اللي لما تقولها ربنا يفرحك ويفتح الدُنيا في وشك ! .. ومُش بس كدا لا .. دا يحقق كمان اللي بتتمناه ! وتشفيك من ٩٩ حاجه تعباك اقل حاجه فيهم الهَم !! .. معقوله ؟! اه والله :)) !!
    ايه هي ؟! :
    النبي قال : من قال لا حول ولا قوة الا بالله شفاه الله من ٩٩ داء ايسرهم الهم ! :)) .. عن تجربه قولها كذا مره هتلاقي نتيجه مُبهره .
    - حاجه تانيه :
    لو تعبان من حاجه او ليك حد مريض تعب نفسي او جسدي .. جبتلك الاسبرين .. الحُقنه والعقار الشافي .. المصل اللي لما تاخده ربنا يشفيك ويريحك بسببه .. بجد ؟! .. بس يكون في يقين جواك ان ربنا اللي بايده كل حاجه :)) .. الامام بن القيم بيقول :
    من قال ربي اني مسني الضر وانت ارحم الراحمين 7 مرات .. شفاه الله من ضُره ومرضه عاجل او آجل باذن الله :)) !
    ===============
    مش عوايدي انتقد اي حاجه .. بس انا هقول وجهة نظري ف حاجه لقيتها منتشره ع الفيس الايام دي .. زي :
    شوية صور لمجموعة بنات كل بنت ماسكه ورقه وكتبه فيها جُمله ..
    الاولي كاتبه :
    انا مش محجه بس بصلي ..
    انتي انسانه كويسه .. وجميل انك بتصلي .. و مبقللش منك .. ياما شيوخ وفي النار وياما ناس مقصره مع ربها وهتبقي في الجنه .. لكن زي ما الصلاه فرض .. كمان الحجاب فرض .. فلو ملتزمتيش بالحجاب .. اذًا تقولي انا معترفه ان الحجاب فرض وانا مقصره في النقطه دي .. ومن هنا تطلعي بره دايرة الكِبر وانكار اوامر ربنا .. وربنا يهدينا ويهديكي وتلزمي بالحجاب والصلاه وجميع اوامر ربنا .
    - انا بضحك بصوت عالي .. انا مُش قليلة الادب .
    طبعًا مُش قليلة وبنت ناس مقولناش حاجه .. بس ربنا بيقول ( فلا يخضعن بالقول فيطمع الذي في قلبه مرض ) متخليش الناس اللي قلوبهم مريضه تطمع فيكي وتظن فيكي ظنون مهياش ولا بد علي راي سيدنا عُمر " من وضع نفسه في الشُبهات فلا يلومن من اساء الظن به ) !.. مبيقولش انك متتكلميش او تتعاملي بالعكس اتكلمي واتعاملي وشاركي في المجتمع .. ولكن ضحكك يكون بعقل وبرزانه يكفي في الشارع او ف مطعم تكوني هاديه في ضحكتك وابتسامك مبقولش تخيطي بوقك .. ومع صحباتك او مع اهلك في بيتك .. انشاله ترقعي بالصوت .. محدش لُه حاجه عندك .
    - انا بحط مكياج .. انا محترمه .
    خلي شخصيتك واسلوبك ورحك مع الناس هي اللي تحدد جمالك .. المكياج دا لجوزك لاهلك في بيتك ربنا بيقول ( ولا يبدين زينتهن الا لبعولتهن ) تبقي راجل وسط الناس وست مع جوزك واهلك .. عندك اعظم مذيعه في العالم ( اوبرا ) مفيش بيت ف امريكا والغرب مبيتفرجش عليها .. ليه ؟! علشان بتحط مكياج ؟! ابدا .. لكن علشان اسلوبها وشخصيتها فرضوا علي الناس يسمعوها ويحبوا كلامها .. اعتقد ان اعظم مكياج في الدنيا هو شخصيتك اللي تفرضيها ع اللي حواليكي ( الحلاوه حلاوة الروح ) مبقولش تكوني منعكشه ومبهدله ولكن بقولك تكوني #انتي . ^^
    - انا عندي صحاب ولاد انا مش قليلة الادب .
    لا عاش ولا كان اللي يقول عنك قليلة الادب .. ممكن نكره منك خُلق ونحب التاني .. والنبي لما راحله راجل وقاله فلان بيعمل فاحشه ( بيزني ) النبي قاله لو سترت عليه بهدومك احسن من انك تفضحه قدامي .. بس حابب اقولك حاجه .. ربنا بيقول في القرآن ( ولا متخذات اخدان ) مينفعش البنت يكونلها صحاب شباب .. هو ميقبلش ان اخته يكونلها صاحب .. ولا انتي تقبلي ان جوزك يصاحب واحده .. ولا جوزك هيقبل يكونلك صديق دا لو راجل حقيقي .. فبلاش تفرقي قلبك وتوزعي مشاعره وتستنزفيها ! جايز تيجي الطوبه ف المعطوبه وتقعي ف حُب حد منهم ساعتها هتندمي ندم عُمرك .. ربنا جعلنا الحدود حفاظًا علي مشاعرنا وقلوبنا لان محدش مننا ضامن مشاعره ولا نفسه .. التعلق والحب حاجه بنت لذينا عامله زي المرض بتيجي للواحد من حيث لا يدري .. طب وعلي ايه الوقايه خير من العلاج ;D .. طيب يعني تكوني انطوائيه ! طبعًا لا .. الصحابيات كانوا بيحاربوا مع النبي ويقعدوا معاه ويشاركوه وكانوا بيعالجوا الجرحي .. والسيده رفيده كانت اول طبيب في الاسلام ..فمبقولش تعتزلي المُجتمع ! بالعكس شاركي ف كل شيء ولكن بحدود مش هقولك هي اي .. بس كل موقف ف حياتك قولي لو النبي واقف هل هيرضي بالوضع دا ولا لا .. التدين مش بعد عن الحياه ولكن بعد عن الحرام .
    وان كان ولا بُد .. تعملي اي ذنب .. فخليه لنفسك وبس .. بلاش تنشريه بين الناس .. ( كفايه الواحد يشيل ذنب روحه وميتاجرش في المعاصي ويعلمها لغيره ) النبي قال ان ربنا هيغفر للجميع الا نوع واحد من الناس .. مين يارسول الله ؟! قال المجاهرون اللي بيقولوا انهم بيعصوا للناس .. عارف انك متقصديش كدا .. وعارف انك حابه تكوني حره .. تمام .. فاعترفي بذنبك دا اولا .. ثانيًا اعملي خير كتير مع ذنبك لان الحسنات بتضيع السيئات وتخليكي مع الوقت تبطليها .. ثالثًا ارجوكي .. متجيش علي معتقدات الناس .. لان للاسف حاليًا بقي كتير جدا مش عاجبهم الاسلام وحاسين انه مبقاش لايق للزمن دا .. وطبعا مينفعش يسيبوا الاسلام ويغيروا دينهم .. فقرووا يغيروا في الاسلام نفسه ! وربنا ما يجعلني ولا يجعلك منهم .
    وحابب اقول للناس اللي بتنتقد الصور او اي فعل غلط حواليها .. اكيد عارفين انه لما الناس لقوا راجل بيعصي ربنا وبيشرب خمره بداوا يشتموه ويجرحوا كرامته .. رد عليهم سيدنا العباس وقال : لا تكونوا اعوانًا للشيطان عليه ! بدل ما تدعوله تقللوا منه وتطردوه من رحمة ربنا وكأن النار والجنه ملككم ! .. مشكلتنا ان مجتمعنا فيه ناس طريقة كلامهم ونصيحتهم بتخلي اللي قدامهم يعملوا اللي ف دماغهم وهما ضمايرهم مرتاحه .. كونوا رحماء في النصيحه والانتقاد ! رحم الله كل هين لين سهل قريب من الناس :)) !!
    - ديمًا بدعي دعاء قوليه ديمًا يابنت النبي وانت قوله ديمًا يا صديقي .. ( اللهم اني اعوذ بك ان اموت ولي ذنوبًا تعيش بين الناس من بعدي ) 👐❤️
    #احمد_ايمن
                  

12-04-2018, 07:07 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    مش عوايدي انتقد اي حاجه .. بس انا هقول وجهة نظري ف حاجه لقيتها منتشره ع الفيس الايام دي .. زي :
    شوية صور لمجموعة بنات كل بنت ماسكه ورقه وكتبه فيها جُمله ..
    الاولي كاتبه :
    انا مش محجه بس بصلي ..
    انتي انسانه كويسه .. وجميل انك بتصلي .. و مبقللش منك .. ياما شيوخ وفي النار وياما ناس مقصره مع ربها وهتبقي في الجنه .. لكن زي ما الصلاه فرض .. كمان الحجاب فرض .. فلو ملتزمتيش بالحجاب .. اذًا تقولي انا معترفه ان الحجاب فرض وانا مقصره في النقطه دي .. ومن هنا تطلعي بره دايرة الكِبر وانكار اوامر ربنا .. وربنا يهدينا ويهديكي وتلزمي بالحجاب والصلاه وجميع اوامر ربنا .
    - انا بضحك بصوت عالي .. انا مُش قليلة الادب .
    طبعًا مُش قليلة وبنت ناس مقولناش حاجه .. بس ربنا بيقول ( فلا يخضعن بالقول فيطمع الذي في قلبه مرض ) متخليش الناس اللي قلوبهم مريضه تطمع فيكي وتظن فيكي ظنون مهياش ولا بد علي راي سيدنا عُمر " من وضع نفسه في الشُبهات فلا يلومن من اساء الظن به ) !.. مبيقولش انك متتكلميش او تتعاملي بالعكس اتكلمي واتعاملي وشاركي في المجتمع .. ولكن ضحكك يكون بعقل وبرزانه يكفي في الشارع او ف مطعم تكوني هاديه في ضحكتك وابتسامك مبقولش تخيطي بوقك .. ومع صحباتك او مع اهلك في بيتك .. انشاله ترقعي بالصوت .. محدش لُه حاجه عندك .
    - انا بحط مكياج .. انا محترمه .
    خلي شخصيتك واسلوبك ورحك مع الناس هي اللي تحدد جمالك .. المكياج دا لجوزك لاهلك في بيتك ربنا بيقول ( ولا يبدين زينتهن الا لبعولتهن ) تبقي راجل وسط الناس وست مع جوزك واهلك .. عندك اعظم مذيعه في العالم ( اوبرا ) مفيش بيت ف امريكا والغرب مبيتفرجش عليها .. ليه ؟! علشان بتحط مكياج ؟! ابدا .. لكن علشان اسلوبها وشخصيتها فرضوا علي الناس يسمعوها ويحبوا كلامها .. اعتقد ان اعظم مكياج في الدنيا هو شخصيتك اللي تفرضيها ع اللي حواليكي ( الحلاوه حلاوة الروح ) مبقولش تكوني منعكشه ومبهدله ولكن بقولك تكوني #انتي . ^^
    - انا عندي صحاب ولاد انا مش قليلة الادب .
    لا عاش ولا كان اللي يقول عنك قليلة الادب .. ممكن نكره منك خُلق ونحب التاني .. والنبي لما راحله راجل وقاله فلان بيعمل فاحشه ( بيزني ) النبي قاله لو سترت عليه بهدومك احسن من انك تفضحه قدامي .. بس حابب اقولك حاجه .. ربنا بيقول في القرآن ( ولا متخذات اخدان ) مينفعش البنت يكونلها صحاب شباب .. هو ميقبلش ان اخته يكونلها صاحب .. ولا انتي تقبلي ان جوزك يصاحب واحده .. ولا جوزك هيقبل يكونلك صديق دا لو راجل حقيقي .. فبلاش تفرقي قلبك وتوزعي مشاعره وتستنزفيها ! جايز تيجي الطوبه ف المعطوبه وتقعي ف حُب حد منهم ساعتها هتندمي ندم عُمرك .. ربنا جعلنا الحدود حفاظًا علي مشاعرنا وقلوبنا لان محدش مننا ضامن مشاعره ولا نفسه .. التعلق والحب حاجه بنت لذينا عامله زي المرض بتيجي للواحد من حيث لا يدري .. طب وعلي ايه الوقايه خير من العلاج ;D .. طيب يعني تكوني انطوائيه ! طبعًا لا .. الصحابيات كانوا بيحاربوا مع النبي ويقعدوا معاه ويشاركوه وكانوا بيعالجوا الجرحي .. والسيده رفيده كانت اول طبيب في الاسلام ..فمبقولش تعتزلي المُجتمع ! بالعكس شاركي ف كل شيء ولكن بحدود مش هقولك هي اي .. بس كل موقف ف حياتك قولي لو النبي واقف هل هيرضي بالوضع دا ولا لا .. التدين مش بعد عن الحياه ولكن بعد عن الحرام .
    وان كان ولا بُد .. تعملي اي ذنب .. فخليه لنفسك وبس .. بلاش تنشريه بين الناس .. ( كفايه الواحد يشيل ذنب روحه وميتاجرش في المعاصي ويعلمها لغيره ) النبي قال ان ربنا هيغفر للجميع الا نوع واحد من الناس .. مين يارسول الله ؟! قال المجاهرون اللي بيقولوا انهم بيعصوا للناس .. عارف انك متقصديش كدا .. وعارف انك حابه تكوني حره .. تمام .. فاعترفي بذنبك دا اولا .. ثانيًا اعملي خير كتير مع ذنبك لان الحسنات بتضيع السيئات وتخليكي مع الوقت تبطليها .. ثالثًا ارجوكي .. متجيش علي معتقدات الناس .. لان للاسف حاليًا بقي كتير جدا مش عاجبهم الاسلام وحاسين انه مبقاش لايق للزمن دا .. وطبعا مينفعش يسيبوا الاسلام ويغيروا دينهم .. فقرووا يغيروا في الاسلام نفسه ! وربنا ما يجعلني ولا يجعلك منهم .
    وحابب اقول للناس اللي بتنتقد الصور او اي فعل غلط حواليها .. اكيد عارفين انه لما الناس لقوا راجل بيعصي ربنا وبيشرب خمره بداوا يشتموه ويجرحوا كرامته .. رد عليهم سيدنا العباس وقال : لا تكونوا اعوانًا للشيطان عليه ! بدل ما تدعوله تقللوا منه وتطردوه من رحمة ربنا وكأن النار والجنه ملككم ! .. مشكلتنا ان مجتمعنا فيه ناس طريقة كلامهم ونصيحتهم بتخلي اللي قدامهم يعملوا اللي ف دماغهم وهما ضمايرهم مرتاحه .. كونوا رحماء في النصيحه والانتقاد ! رحم الله كل هين لين سهل قريب من الناس :)) !!
    - ديمًا بدعي دعاء قوليه ديمًا يابنت النبي وانت قوله ديمًا يا صديقي .. ( اللهم اني اعوذ بك ان اموت ولي ذنوبًا تعيش بين الناس من بعدي ) 👐❤️
    #احمد_ايمن
                  

12-04-2018, 07:08 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    عارف ربنا حرمك من اللي اتعلقت بيه ليه ؟!
    لان بن عطاء الله السكندري بيقول :
    انك لو حبيت اي حد بتبقي زي العبد لُه ! بيمتلكك .. وربنا مُتكبر " يعني عنده كبرياء " .. وكبريائه بيرفض انك تكون عبد لغيره .. ف بيغير عليك لو اتعلقت زياده عن اللزوم فبيكشفلك اللي حواليك ويوريك حقيقتهم علشان بيحبك ! .. ولاجل كدا سمي نفسه " الكافي " يعني هيكفيك ويغنيك عن اي حد .
    #استكفي_بالله
    =================
    جمال البنت ف عنيا ..
    ماهوش بالسن او بالاهل ..
    ولا بسعر الهدوم و الشكل !
    جمال البنت فـ كسوفها . .
    ولون الوش لو مخطوف ..
    كأن الخد طارح ورد ..
    ومـ البُستان يادوب مقطوف ..
    أحب البنت تستحيا ..
    تكون هاديه ويادوبك خام ..
    أهننها علي ايديا ..
    و أعيش ليها لسنين قُدام ..
    بتضحك ..
    بس تحت لتحت ..
    إيديها تغطي شفايفيها ..
    تشوفها وسط مليار بنت ..
    ف لحظه واحده تعرفها ..
    بتتلخبط وتداري ..
    وخطوتها تكون أسرع ..
    كلامها صعب يتلملم ..
    فـ جُمله مفيده يتجمع ..
    رزينه وراسيه بين الناس ..
    جميله ف كُل تفاصيلها ..
    تشوفها تقول ماشاء الله
    فتتبسِم و تدعيلها ..
    دي عارفه إمته تكون راجل ..
    وإمته تكون بؤنثتها !
    وروعه وقت ما بتضحك ..
    واجمل حتي ف عياطها !!
    بتعشق كُل شيء فيها ..
    كـزهره حلمت تُقطفها ..
    كلامي شويه ميكفيش ..
    في بنت ..
    في بنت جمالها فـ كسوفها !
    #جمال_البنت ☺️✋
    #احمد_ايمن
    =======================

    - رجعت امبارح من الجيش .. الاسبوع اللي فات كُله بالنسبالي .. كان حر وزهق وتعب جسدي ونفسي غير طبيعي .. طلعت اول الاسبوع اللي فات العنبر علشان انام علي سريري .. لقيت عسكري تاني فرش علي السرير اللي بنام عليه وخده بدون اذني .. مبقتش لاقي سرير انام عليه .. اضايقت بطريقه غبيه .. خصوصًا انه سريري وكمان لاني مرهق جدًا .. مرضتش اشد معاه ولا الومه .. خدت الملايه بتاعتي وقررت انام الاسبوع كله ع الارض .. لسه بفرش ع الارض لقيت واحد صاحبي اسمه امير .. قالي انت بتعمل ايه ؟ قولتله هنام ع الارض . قالي لا تعالي نام جنبي .. قولتله ياجدع السرير بيساعك بالعافيه ! " عرض السرير صغير " قالي تعالي بس هيساعنا متقلقش .. لقيته خلي جزء من جسمه ع الهوا والنص التاني ع السرير وقام فارد دراعه اليمين ع السرير وعملهولي مخده انام عليه .. يوميًا يعمل كدا لمدة اسبوع .. انام جنبه ودراعه مخده .. " افتكرت وقتها حديث النبي : رحم الله كل هين لين سهل قريب من الناس .. وافتكرت اني كنت مضايق لما عسكري خد سريري .. بس ربنا جعلني اكتشف واحد تاني جدع .. فرحت بمعرفته وطيبة اصله .. وصبرني علي التعب اللي انا فيه .
    - يُغلق الله في وجهك بابًا بحكمته ! ويفتح لك ابوابًا برحمته !
    - النبي مكنش بيعيش لُه اولاد .. كل لما يخلف ولد يموت " عبد الله .. القاسم .. ابراهيم " ماتوا كلهم .. وف يوم النبي كان ماشي ف مكه .. واحد من الكُفار قاله : يا أبتر .. عارف لما تقول فلان عمل عملية بتر لرجله ؟ يعني قطعها ! اهو دا كان بيقول للنبي يا أبتر يعني يا مقطوع النسل ! بمجرد موتك هتتنسي مع الزمن لان ملكش حد يشيل اسمك من بعدك ! عيالك ماتوا ! .. النبي كان يسمع الكلمه ويتضايق ويخزن حزن شديد .. لحد لما ربنا قاله في القرآن : إنا أعطيناك الكوثر : يا مُحمد انا هعطيك نهر في الجنه ليك انت لوحدك اسمه الكوثر .. محدش هيشرب منه غيرك فمتزعلش ! فصلي لربك وإنحر .. قوم بقي صلي واستهتدي بالله وانحر " ادبح الدبايح ووزعها ع الغلابه .. إن شانئك " الراجل اللي شتمك .. ماله يارب ؟! قاله : هو الابتر .. هيجي يوم القيامه ابتر مقطوع النسل ملوش بن يعبره ويسأل عنه ولا عيله تقف جنبه هيجي بطوله جبان ! كله هيتبري منه ويسيبه .. فمتضايقش يا مُحمد ولا تزعل نفسك ! .. فرح النبي بالسوره دي جدًا ان ربنا يمكن حرمه من الخلفه لكن عوضه بنهر في الجنه وعوضه بان اسمه يتذكر للابد في الدنيا ويصلي عليه اكتر من مليار بني ادم يوميًا .. والراجل اللي شتمه يتنسي في الدنيا والآخره ! :))
    - من قريب كان ذكري وفاة فاطمه بنت النبي ..
    افتكر ف اليوم دا .. من اكتر من ١٤٠٠ سنه .. النبي كان تعبان جدًا وف سكرات الموت وبيطلع ف الروح .. كان واقف جنبه اهل بيته كلهم ومن ضمنهم السيده فاطمه بنت النبي .. النبي شاور بايده للسيده فاطمه وقالها تقربله .. وشوشها ف ودنها .. مرتين .. ف المره الاولي قالها كلام ف سرها خلاها بكت بحُرقه ! .. وف المره التانيه ضحكت وفرحت .. ايه الحكايه ؟! .. بعد لما مات النبي .. سألوها النبي قالك ايه بكاكي ؟! قالت لما وشوشني اول مره قالي انه هيموت الليله وفعلاً مات .. ولما وشوشني تاني مره وضحكت .. لانه قالي اني اول حد هموت بعده وهتلاقي بيه بعد موتي .. ففرحت .. وفعلاً ماتت بعده ب ٦ شهور بالظبط .. ومن هنا نستنتج ٣ حاجات .. ٢ لفاطمه والتالته لينا كمسلمين تريحنا .. اما الاولي : انها فقدت النبي وبكت .. والتانيه .. انها ضحكت وربنا قالها هعوضك انك ترافقي النبي قريب ودا طمنها وصبرها .. والتالته اللي لينا .. انك لو ليك حد عزيز عليك ومات سواء اخ اب جد جده اي حد .. بعد عمر طويل باذن الله اول لما تسيب الدنيا هتقابله وتعيش معاه وارواحكم هتتونس ببعض .. مش هتبقي لوحدك متخافش .. ربنا بيعوض وبيلم الشمل :))
    - ربنا بيقطع منها ويوصل من هنا .. كريم .. بتحس انها بتضيق قوي .. وان ملهاش مفر .. وفجأه تروق وتحلي .. وتلاقي شيء يصبرك ع اللي انت فيه .. هات خيط من اللي بتحطه ف الابره .. ولفُه حوالين صابعك وشد .. هتلاقي عُقلة صُباعك لونها بيبقي احمر وتحس ان الدم هيتعقد .. شد الخيط جامد ! هيتقطع ! ويجري الدم من تاني .. كذلك مهما اتعقدت واتخنقت .. هتُفرج .. اي لعبه ليها شفرات بتحلها " ماريو .. جاتا " مهما كان الدور صعب الشفره بتسهله وتخليك تعديه .، اعتبر انك ف لعبه مليانه صعبوات ! واعرف ان اكيد في شفره ومخرج لكل شيء ! اهم شيء تكون حريف ولعيب كويس وعندك بصيره ان ربنا له حكمه وهيخليك تخطي .. " ربنا مخلقش داء الا لما يخلقله الدوا " اعتبره رساله ليك من ربنا " وبشر الصابرين " خلي جلدك تخين واصيل واجمد ! " هات كيلو حديد .. هتلاقي تمنه ٥ جنيه .. هات نفس الكيلو واعمله حدوه لحُصان .. هتلاقي تمنه بقي ٢٥ جنيه .. هات نفس الكيلو واعمله ابر للحُقن ! هتلاقي تمنه ٣٠٠٠ جنيه ! انت اللي بايدك تتحكم ف كل حاجه حواليك وتشخصها بمزاجك .. عيونك عامله زي عيون الجٓمل .. بتشوف كل حاجه كبيره وضخمه .. بس ف عيون ربنا تافهه وصغيره وملهاش قيمه .. متديش الامور اكبر من حجمها .. عيش ببساطه .. هيهون عليك ويعوضك ويصبرك .. متعرفش قيمة العسل وحلاوته غير لما تدوق الملح ومرارته !! واقسملك بالله هتعدي وتضحك ع الايام دي .. وتعرف قد ايه ربنا كان رحيم بيك .. فلعل ما ترجوه سوف يكون ! .. اجمد بربك .. وتفائل .. انت مصدر سعاادتك .. انت دكتورك النفسااني <3 !
    #متضايقش !
    #احمد_ايمن
                  

12-04-2018, 07:09 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    عمي اخو ابويا عايش ماعنا في نفس البيت .. بيشتغل في السعوديه في ادراة سلسلة فنادق .. الناس من فضل الله بتعمله وضع بينهم وحساب .. دخل من كام يوم علي مرات عمي لقاها مهدوده في الشقه مسح وكنس وطبيخ .. و كمان حاطه سجاجيد شقتنا وشقتها ومجهزاهم يتغسلوا .. عمي تلقائًا .. شمر بنطلونه وقام موطي ونزل علي رجله ومسك الفُرشه وقعد يغسلها السجاجيد ! .. دخلت اتفاجئت !! .. ايه اللي بتعمله دا ياعمي ؟! ;D قالي ايه ياض مالك في ايه ؟! شقيانه ليل نهار ! ايه ابقي جبله ؟! اخلي اعصابي ف تلاجه !! مش لازم تقول عشان نساعد ! لازم يكون عندك ذوق واحساس باللي حواليك .. ايه هيقلل مني يعني ! ما سيدنا النبي كان بيخيط هدومه ويغسلها ! .. وخيركم خيركم لاهله !! ثم انت بتبصلي كدا ليه ؟! الايد البطاله نجسه ;D مد ايدك !! وقام مناولني فُرشة غسيل وقالي اغسل .. اعمل بلقمتك ;D
    - سيدنا ابو هريره .. كان بيصرخ من كُتر الجوع .. لدرجة ان الناس طلعت عليه اشاعه انه عنده صرع ! مكنش يحس بيه غير النبي وسيدنا ابو بكر .. وفي يوم النبي جابه هو وفقراء المسلمين .. وقال للسيده عائشه تجيب طبق بلح .. وادي لكل واحد منهم بلحتين .. سيدنا ابو هريره .. عمل حاجه استغرب منها النبي .. كل بلحايه .. والتانيه خباها ف هدومه ! علي عكس كل الفقرا الموجودين .. كل واحد كل البلحتين بتوعه .. ف النبي استغرب وسأله ( لماذا خبأت التمره يا ابو هريره ؟! ) .. قاله ( خبأتها لأمي يا رسول الله " امي جعانه مكلتش .. النبي فرح وابتسم واحترم احساسه بأمُه وقاله ( كُلها يا أبو هريره وسوف أُعطيك تمرتين لأمك .. مقالش بطني اولي بالبلحايه ! مقالش للنبي متبحبح ايدك شويه يا رسول الله بلحتين بس ! لكن كان عنده احساس .. كل بلحه وخبي التانيه لانه حس بجوع امه والنبي كان عنده ذوق .. واداله بلحتين كمان لأمه . ( فعلاً : وانك لعلي خُلقٍ عظيم ) !
    - الهولندية أديليندي بطلت العالم في سباق الخيل السنتين اللي فاتوا .. كانت مكسره الدنيا بشهرتها .. السنادي مشاركتش ف السباق .. الناس كلها استغربت .. عملوا معاها لقاء صحفي .. مالك ؟! ايه سر غيابك السنادي .. قالت الخيل بتاعي درجة حرارته عاليه .. واخاف عليه يموت لو شارك .. قالولها تضحي بمادليه ذهبيه ! عشان مرض الحصان ؟! .. طب ما تديله منشطات !! قالت المنشطات هتجيب اثر عكسي علي صحته بعدين .. قالولها مش مشكله المهم تكسبي .. قالت الحصان دا كان سبب في فرحتي سنتين ورا بعض لما وصلني للذهبيه .. ازاي اكون سبب في تعاسته ومرضه ! متلزمنيش المادليه ! يلزمني الحصان يفضل سليم لانه صاحب فضل وجميل عليا .. ومن الذوق والاحساس اني منسالوش اللي عمله .. مش هشارك في السباق .. خسرت المادليه .. بس كسبت حُب الحُصان ( لانه عارف اني حاسه بيه ومقدراه .. ودا يكفيني ) .
    - في يوم الصحابه كانوا متجمعين مع سيدنا عُمر .. وكان قبل صلاة العصر والُكل متوضي .. فجأه .. واحد من اللي قاعدين اخرج من جسمه " ريح " فسيدنا عُمر غضب ! وقال من فعل ذلك فليقم وليتوضأ ! سيدنا العباس عم النبي كان قاعد .. وكان عارف ان اللي عمل كدا محطوط في موقف مُحرج .. فحس بيه .. وقال : بل نقم جميعًا نتوضأ يا امير المؤمنين .. ابتسم سيدنا عمر وقال نعم فلنتوضأ جميعًا .. علشان ميحرجوش اللي عملها .. وقاموا فعلاً اتوضوا كلهم ومحدش عرف مين عملها !
    - سنة ١٦٤٤ ميلاديه .. كان في طفل اسمه " جوزيف " فقير .. هدومه مرقعه .. معندوش حتي كوتش يلبسه في رجله .. وفي ليله .. كان الجو برد .. السما بترُخ .. تلج .. وكان جوزيف مستخبي ف شارع جانبي في " كرواتيا " وكانت كرواتيا وقتها تحت حكم الدوله العثمانيه " تركيا حاليًا " .. واحده ست مسلمه فقيره .. شافته ،، صعب عليها جدًا .. طبطبت عليه وعيطت .. وادته جزمه يلبسها ف رجله ! .. وكانت دي اجمل هديه خدها طول حياته .، عدت السنين والايام .. باب بيت الست دي خبط .. قامت تفتح الباب بصعوبه وبتتعكز .. بتبص لقت جزمه قديمه مليانه دهب علي اخرها .. بتبص علي شمالها لقت شاب وسيم .. قوي .. بيبتسم ليها .. ايوه ! كانت هي نفس الجزمه اللي ادتها للطفل المتشرد من سنين .. ابتسم الشاب ليها وقالها انا الطفل ! لكني اصبحت طبيبًا .. واسلمت .. وغيرت اسمي .. " يوسف " .. حس بيها ومنسبيش جميلها وقدرها .. يوسف باشا كان من اعظم الاطباء والقاده العثمانين في القرن ال ١٦ .. بيكتب في مذكراته ( لم انسي شعور هذه السيده بي طوال حياتي .. لقد علمتني ان اشعر بالاخرين .. ولهذا اصبحت طبيبًا كي اشعر بآلام الناس واعالجها .. الاحساس بالاخرين .. صفه لا يتمتع بها الا الانقياء ) !
    - من اعضم علماء المسلمين كان سيدنا " حاتم الاصم " يعني " الاطرش اللي مبيسمعش " ' اكتشفت انه كان بيسمع عادي زي اي حد ! طب ليه سموه كدا ؟! قالك لان كان فيه واحده ست راحت عنده تسأله في امر من امور الدين .. ف وهي بتتكلم بتلقائه .. خرج من جسمها " ريح بصوت عالي " ! موقف محرج بن لذينا ! الست اتكسفت جداا ووشها احمر .. حاتم الاصم حس بإحراجها و قالها " علي صوتك شويه ! انا مبسمعش ! سمعي ضعيف جدا .. الست اتبسطب واتأكدت انه مسمعش الصوت اللي خرج منها ! وهو قبل يعيش طول عمره الناس تقول عنه " اصم " علشان ميجرحش احساس واحده ست . :) !!
    -الاحساس .. الاحساس ف كل شيء نعمه ياجدعان .. بتعرفك انك كويس ولا لاء ف علاقتك بربنا وتحس انك مقصر " وضميرك طول مهو بيعاتبك .. ويلومك ديمًا علي ذنبك .. اقدر دلوقت اني اقولك .. مبروك ياصديقي .. انت نضيف :))) " ! حس بتعب ابنك او اختك ف دراستها .. هديه حلوه مش مهم تمنها .. قدر مراتك بخروجه حلوه .. صاحبك بكلمة " ليك الجنه والله دنا متطاقش يابو الصحاب ;D " .. قدروا الناس ياجماعه .. احد علماء المسلمين بكي لما صاحبه جاله وقاله محتاج قرشين لاني واقع في ضيقه ! سالوه بكيت ليه ؟! قال لاني محستش بصاحبي من قبل ما يطلب مني !! .. ممكن تلاقي واحده بتبكي بسبب تافه ! هي مبكتش عشان السبب التافه .. لكن في تراكمات جواها وصلتها للمرحله انها تستني نص سبب تبكي عليه " قلة التقدير والاحساس بالغير " بتوصل للانفجار .. القلوب زي البلالين .. لو اتملت واتنفخت وجع وقلة تقدير واحساس بتوصل لمرحلة الانفجار .. فرغوا وفضوا اللي جوا حبايبكم باحساسكم بيهم وكلمه حلوه تهون ! في كلام بيطبطب وكلام بيدبح.. خليك طبطبه ! ..قدر ولو ببوسه ع الراس .. بكلمة انشاله يخليكي ليا يا ام العيال .. بمدح قدام الناس للحد اللي ف حياتك .. سيدنا الحسن لما كان بيدي للمساكين صدقه مكنش يديله غير لما يبوس راس المسكين الاول علشان يقوله حاسس بيك وبقدرك وانت مش قليل ! النبي قال المسلم لاخيه المسلم كالجسد الواحد ( بتحسوا ببعض ) ! .. بلاش تخلي طرف شادد ( ديمًا بيسأل .. بيهتم .. بيقدر ويحس بيك .. وانت جبله ولا الهوا ! ف الطراوه ) ! .. انك تاكل وتشرب وتعيش معني دا انك " بني ادم " لكن تحس بغيرك وتسمع وقلبك يدمع .. فمعني ذلك انك " إنسان :) ❤️"
    #الاحساس_والتقدير ❤️
    #احمد_ايمن :))
                  

12-04-2018, 07:10 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    حلو انك بقيت تتوقع غياب اي حد وتسطح علاقاتك علي قد ما تقدر .. إجمد .. مع الوقت هتكتشف ان مهما كان حواليك لمه .. مفيش حد هيسندك غير عمودك الفقري ! ( وربنا اسمه الكافي يكفيك ربنا متضايقش ) !
    والله صدق سيدنا علي لما قال ( أحبب من شئت فإنك مُفارِّقُه ) إدعي وقول : يارب علقني بك وحدك وارزقني فرحه مصدرها من عندك وحدك ليس لها علاقه بأحدٍ من خلقك .. حتي لا ترحل سعادتي برحيل اي شخص من حياتي 👐
    ====================
    - احمد عبد المُحسن .. محاسب في الكويت .. " صاحبي " كان بيحب واحده واتخطبت .. ابوه فرض عليه يتجوز بنت قريبتهم .. قاله انت اخترت مره وخذلتك !! سيبلي انا اختارلك بنت بلد ومن طينتك ! .. ولانه كان يآئس فمش فارقه ! اي بنت والسلام .. وافق .. مبيحبهاش .. بس هيعمل ايه ما باليد حيله .. قيداله صوابعها شمع ومش عاجبه .. احمد اكتشف انه عنده الكبد في مرحله متأخره .. سافر الصين قالوا انه لازم يعمل عملية زرع كبد .. عاوزين متبرع .. نفس فصيلة الدم .. مراته قالتله سهله ومحلوله .. انا هتبرعلك بجزء من الكبد بتاعي وان شاء الله التحاليل تقول اني كويسه ونفس الفصيله من دمك .. انتي اتجننتي !!! .. قالتله ابقي فعلا اتجننت لو سبتك تروح مني بعد ما حبيتك عمري كله !! .. بكي .. و حضنها .. باعت دهبها وكملتله تمن العمليه و اتربعتله بجزء من كبدها !! .. كبدها اكتمل .. ورجعت سليمه .. وهو عاش والعمليه نجحت .. بس كبده مكتملش لوحده .. حياته كلها اكتملت .. اكتملت بيها .. ويمكن لو اتجوز اللي حبها مكنتش اصلا هتتبرعله ولو بجنيه ! اسأذنته اكتب البوست وهكتب انه محبهاش .. قالي موافق بس تنيهه باني عشقتها ! .. وان بغبائي اللي كنت مش طايقها اصبحت احب الناس لقلبي .. ايوه سميت بنتي علي اسم مراتي .. ولو طلبوا اني اتبرعلها بقلبي .. صدقني مش هتردد ولو للحظه .. الله يصلح حالها ويفرحها دنيا وآخره ويرزقني بيها تاني ف الجنه .. اصل حياه واحده ف خدمة الست دي ( مش كفايه ) !
    - في دعوه ديمًا بدعيها ( اللهم ان لم يحدث ما أحُب فحببني يا الله فيما حدث وما قسمت ) !
    من اعجب المواقف اللي حصلت لام كلثوم وبتحكيه في مذكراتها .. انها ف يوم غنت للكراسي ! اه والله .. كان ابوها هو المسؤل عنها .. وديمًا تروح تغني وتبتهل في افراح الارياف البسيطه .. وف يوم واحد من قريه جه لابو ام كلثوم وقاله عاوزين بنتك تغني في فرح ابني .. واداله نص جنيه .. تمن حضورها الفرح وغُناها .. تاني يوم ابو ام كلثوم شالها وركبها ع الحُمار وركب قدام وساق الحُمار وراحين الفرح وطول الطريق بيغنوا ويهزورا .. فضلوا ماشيين ٧ ساعات !! مشوار ابن لذينا .. وف الاخر وصلوا الفرح .. لقوا الجو برد جدا والسما بتسرج .. ومفيش ولا مخلوق في الفرح .. الكراسي مرصوصه والكوبايات محطوطه .. وكام لمبه جاز ع المسرح .. بس محدش حضر الفرح لان الجو كان وحش .. ثم دي عيله ١١ سنه مش عبد الوهاب اللي هيغني يعني عشان يخرجوله ! .. فمحدش خرج يسمعها .. وأجلوا الفرح .. ابو ام كلثوم راح لابو العريس وقاله اتفضل النص جنيه بتاعك اهو .. قاله سيبه للبت .. قاله ازاي اسيبهولها دي متستحقوش لانها مغنتش .. قاله ياجدع اعتبرها زكاه !! ابو ام كلثوم كان عنده عزة نفس .. قالتله وهي حزينه هنعمل ايه يابويا ؟! قالها هتغني .. قالتله هغني للكراسي ؟! قالها ايوه وفيها ايه ..احنا مبنشحتش ومش هنقبل ناخد صدقه !! ام كلثوم وقفت علي المسرح .. غنت ٣ ساعات للكراسي !! ابوها بينام من الاجهاد والحمار واقف مغمض عنيه .. وهي بتغني وتبدع في ابتهلاتها .. ام كلثوم بتحكي وبتقول .. انه نعكشت علي الجانب الكويس في الموضوع لان كل حاجه ربنا بيعملها حتي ولو مش عجبانا اكيد بيبقي فيها خير مش شايفينه وهنعرفه مع الوقت ! .. قالت اه والله فعلا دا احسن فرح حضرته وغنيت فيه ف حياتها .. غنيت ٣ ساعات من غير ماحد يقاطعني اول مره اغني براحتي .. لاني عمري ما حضرت فرح غير لما اغني نص ساعه وبعدها اهل العريس والعروسه يضربوا بعض بالكراسي والقلام وتقلب خناقه لمدة ٣ ساعات.. واجري انا وابويا بالحمار من غير ما نتضرب .. الحمد لله.. والله ربنا مبيجبش حاجه وحشه ابدا ;D
    - لما سيدنا موسي والخضر كانوا مسافرين .. ركبوا سفينه اصحابها ناس مساكين بيشتغلوا ف البحر واكل عيشهم من السفينه .. سيدنا الخضر خرم السفينه !! لانه كان عارف ان في مملكه هيعدوا عليها .. الملك بتاعها كل اما تعجبه سفينه بياخدها غصب عن اصحابها واللي ميعجبوش بيقتله ! سيدنا موسي اضايق وغضب ! قاله خرمتها عشان تموت اهلها اللي اكرمونا !!! واكيد اصحاب السفينه لما شافوا الخرم فيها وانها ميعوبه زعلوا جدًا واترعبوا .. بس الاكيد انهم لما عدوا من علي المملكه والملك شاف سفينتهم ولقاها معيوبه ومخرومه وسابهالهم لانها معجبتوش !! فرحوا قوي ان ربنا سترها علي باب رزقهم وصلحوا العيب ورجعت السفينه زي ما كانت وفضلوا يشتغلوا عليها ! جايز كرهوا زي سيدنا موسي ان السفينه بقت معيوبه .. لكن بعد ما عرفوا ان بسبب العيب بيوتهم متقفلتش .. وسفينتهم متاخدتش !! .. اكيد فرحوا وزقططوا ;D !
    - " جوان كاثلين رولينج " .. مؤلفة رواية وسلسلة افلام " هاري بوتر " .. كانت متجوزه راجل مطلع عنيها .. اهانه وقلة قيمه .، طلبت الطلاق .. بطلوع الروح والشحططه ف المحاكم طلقها من غير ما تاخد ولا مليم وهي عندها ٤٠ سنه!! ملهاش وظيفه تاكل منها عيش .. كانت عايشه علي الصدقه من الدوله !! و ف نفس يوم طلاقها امها ماتت .. نفسها اتكسرت .. معدلهاش حد غير بنتها .. شالت بنتها علي دراعها وقررت تهاجر و تروح انجلترا تقعد عند اختها .. القطر فاتها .. قعدت في المحطه اللي توديها السفاره ١٢ ساعه .. بنتها نايمه قدامها ! وهي بكت ومن التعب نامت .. نامت ساعه .. شافت كابوس مرعب !! .. الكابوس دا كان هو مصدر الالهام انها تكتب القصه !! .. صحيت من النوم فتحت شنطتها و طلعت ورقه وقلم وكتبت اول جزء في سلسله هاري بوتر !! راحت تعرض الكتاب علي دور نشر ينشروه .. اتريقوا عليها .. ١٢ دار نشر رفضتها .. الدار ال ١٣ مديرها وافق ينشرها .. لان بنته اللي عندها ٨ سنين عجبتها القصه !! واداها ١٥٠ جنيه استرليني وبشرط ميكتبش غير حرف واحد من اسمها واول حرف من اسم جدتها علي الكتاب نظرًا لانها مش معروفه اصلا ! .. يعني اشتري الروايه برخص التراب وكمان حرمها من ان اسمها يتعرف .. مقدمهاش حل تاني وافقت .، يوم توقيع الروايه محضرش غير ٤ بس !! اتريقوا عليها وقالوا انها فشلت .. فجاه العرض زاد علي الروايه ف انجلترا وامريكا طلبت الروايه .. بدون اي دعايه !! بدون اي اعلان سابق عنها .. هاري بوتر بتكسر الدنيا .. اكتر من ٤٠٠ مليون نسخه اتباعت من الكتاب ! واتجرم ل ٦٥ لغه في العالم !! .. كسب ١٥ مليار دولار .. والقصه اتعملت فيلم دشدش الدنيا .. عملت ٨ اجزاء ودلوقت بتعمل في الجزء التاسع !! بقت اول ست ف العالم ثروتها توصل مليار دولار من الكتابه !! حاليًا رصيدها ف البنك بيزيد ١٠ دولار في الثانيه الواحده !! بقت اغني من ملكة انجلترا نفسها !! وبتعمل جمعيات خيريه واخر كتابين ليها اتبرعت بمكسبهم للاعمال الخيريه ! .. حتي الكرسي اللي كانت بتقعد تكتب عليه الروايه .. اتباع في مزاد علني ب ٤٠٠ الف دولار ! يعني ب اكتر من ٥ مليون جنيه !! .. كله بيعملها الف حساب .. حتي لما حصل انفجار فرنسا قالوا ان المسلمين السبب .. طلعت بتصريح ناري .. قالت فيه كفاكم ظلم للاسلام والمسلمين .. ودافعت عن الاسلام وكله احترم رأيها ! بتقول لو مكنش امي ماتت وجوزي طلقني ونمت من الزعل .. مكنتش شوفت الكابوس اللي منه بدات اكتب سلسلة هاري بوتر !! .. واتجوزت راجل بيعاملها زي الملكه وعوضها عن كل تعب شافته ! قالت : " لابد ان الله له حكمه من كل موقف نمر به .. ولابد انا في باطن الالم منبعًا لسعة الرزق والراحه .. ولكننا لا نكتشف ذلك الا بمرور الوقت " !
    شاب وسيم جدًا .. بيخاف ربنا .. ف ليله كان هيموت م الجوع .. ماشي ف الطريق لقي بُستان تفاح .. قطف تفحايه من شجره وكلها .. شبع .. بس ضميره انبه .. سأل علي صاحب البستان .. قاله انا كنت جعان وعديت علي بستانك وخدت تفاحه منه .. سامحني .. قاله : والله لا اسامحك ابدًا انت خصيمي يوم القيامه !! بكي الشاب وقاله ارجوك سامحني .. صاحب البستان سابه ومشي .. الشاب مشي وراه يترجاه .. والراجل مبيردش عليه .. ودخل بيته ورزع الباب في وشه .. الشاب قعد قدام البيت مبيتحركش .. خرج الراجل صاحب البستان يصلي العصر .. لقي الشاب لسه واقف .. قاله سامحني ومستعد اشتغل فلاح عندك العمر كله من غير اي مقابل .. قاله هسامحك لكن بشرط تتجوز بنتي .. بس هي ( عمياء صماء بكماء قعيده لا تمشي ) ! لا بتشوف ولا بتسمع ولا بتتكلم ولا بتمشي ! رد الشاب وقاله موافق اتجوزها !! قاله اذًا تجيلي بكره بعد صلاة العشاء واجوزكم لبعض .. تاني يوم خرج الشاب من بيته كئيب .. بيجر رجله بالعافيه .. دبس نفسه !! .. مخنوق وعلي اخره .. خبط علي باب بيت صاحب البستان .. دخل .. وقاله انا جاي اتجوز بنتك زي ما وعدتك ! نده الراجل علي بنته .. دخلت بنت .. شديدة الجمال زي الاميرات ! سلمت عليه .. لقاها بتشوف وبتسمع وبتتكلم وبتمشي .. برقلها واتصدم ! هي فهمت وقالتله انا فعلاً صماء ! مبسمعش للحرام .. بكماء : مبقولش كلمه حرام .. عمياء. عن النظر للحرام .. قعيده لا امشي الي مالا يرضي الله .. فرح قووي !! واتجوزها وحبها .. بعد سنه بالظبط خلف منها ولد ! الولد دا بقي من اعلم علماء الاسلام ! الامام ابو حنيفه النعمان !! ;D كان كاره انه هيتجوز واحده ميعرفهاش ! لكن ربنا ادهشه وابهره بزوجه مكنش يحلم بيها ! وخلف منها بن اعماله كلها في ميزان حسناته لحد يوم القيامه .. اكيد قال : لعل الشيء الذي كرهت حدوثه .. يخرج منه سعادتك فتُحبه وتحمد الله علي انه قد حدث !
    - علي راي المثل ( مفيش حلاوه من غير نار ) ! من حضن العتمه الفجر بيشقشق .. ربنا العظيم بيقول في القرآن (إنا كل شيء خلقناه بقدر ) كل شيء معمول حسابه بالملّي .. كل حاجه مترتبه .. قال علي نفسه ( يُدبر الامر ) ! ولعل ربنا يفتحلك الخير من باب كنت فاكره من غير مفتاح ! قريت ف كتاب خيالي اجنبي ( بيقول ان في قوقعه كانت حاسه بألم جواها .. و مضايقه وكارهه نفسها بسبب المها .. الكاتب كمل وقال عن القوقعه ؛ مسكينه ! متعرفش ان هيجي غواص ويكتشفها ويفتحها فتعرف سبب الالم دا ان فيها لؤلؤ لا يقدر بثمن !! خلاها غاليه ومُختلفه عن غيرها من الصدف والقواقع !! ) .. القلم الرصاص لما نبريه خطه بيحلو ! فمش كُل نقص بيحصلك بيقلل منك .. يمكن بيبريك علشان تكون احسن !! .. عارف لما تسيبها لربنا وتقول حسبي الله ونعم الوكيل ربنا بيعمل ايه ؟! ربنا بيرد عليك فورًا ويقول ( وعزتي وجلالي لانصرنك ولو بعد حين ) ربك هينصرك .. مع الوقت هتعرف حكمته .. هتعرف انه بيحبك وهتبكي من خجلك انك اسأت الظن فيه .. مبيحطش ف ظروف غير وهو عالم ان كتفك هيشيل وانت قدها .. يختبر صبرك .. لقي معندك اصيل بيرقيك عنده ويشيل عنك ويفرحك .. اطمن ومتشلش طاجن ستك فوق نافوخك ! كله مترتب وكله هيبقي زي الفُل !! ربك كتب علي نفسه الرحمه من قبل حتي ما يخلقك ! ربنا خلاص قال كلمته هيفرجها و هيفرحك .. علي راي واحد صاحبي ( خلصانه ومعاها حصانه صبه وخرصانه 😂✋ )
    #جوا_الزعل_زقططه !
    #حكمتك_يارب 👐❤️
    #احمد_ايمن
                  

12-04-2018, 07:10 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    النبي اتجوز " المُطلقه .. وبنت البنوت .. واللي كانت مخطوبه قبل كدا .. واتجوز العجوزه .. واللي أكبر منه .. واللي اصغر منه .. واتجوز اللي كانت مسيحيه ! .. واتجوز اللي اهلها يهود .. واتجوز الارمله ! " وكأنه بيبعت رساله لكل راجل فينا وبيقول " انا مُحمد خير خلق الله .. اتجوزت الست في جميع حالتها .. وبقولكم ان مفيش ست يعيبها حاجه ( سواء اهل او سن او شكل او او الخ ) مين انتم بقي علشان تبيعوا وتشتروا فيها زي ما تكون سلعه بتستهلكوها !!
    #استوصوا_بالنساء_خيرًا !
    ======================

    #محشيه_دهب ;D
    - موسم جواز بقي كل عام وانتم طيبين .. سبع البرومبه يتقدم .. تدخلي عليه وعينك ف الارض ومكسوفه قال يعني اول مره تشوفوا بعض ;D .. ربنا يسهلها وتقروا فاتحه .. تتفقوا ع التفاصيل .. تاني يوم تاخدي مامتك وتروحوا تجيبوا حاجات لجهازك .. فجأه لقيتي امك بتشدك من ايدك وبتقولك تعالي .. ودخلتك صيدليه وبتقول للدكتور : يا دكتور .. والنبي ياخويا الله يباركلك عاوزين نشتري من عندك تلاجه ايديال ١٦ قدم ;D .. تقومي انتي حاطه ايدك علي بوقك وتشديها من ايدها وتخرجوا برا .. واكيد هتقولي امي جرالها حاجه .. دي لو شاربه نص كيلو بانجو مش هتعمل كدا ;D .. هو انا عاوز اقول ايه ؟! ..
    هحكيلك حكايه لطيفه توصلك قصدي .. اشطه :)) ؟ ..
    - في عصر الدوله العباسيه كان في واحده ست اسمها زُبيده وشهرتها ب أم جعفر .. وكان معروف إنها ست مفيش حد اكرم منها .. جه اتنين مكفوفين .. قعدوا قدام عتبة بيتها .. واحد منهم قال ( ياااارب .. ارزقني من فضلك ) .. والتاني قال ( يااارب .. ارزقني من فضل ام جعفر ) .. ام جعفر سمعتهم وهما بيدعوا .. فعجبها قوي دعوة الراجل اللي بيطلب من ربنا يعطيه من فضلها ،، فقررت تكرمه اعلي كرم .. فكانت بتعمل ايه بقي .. تقوم باعته للي بيطلب من فضل الله .. درهمين فضه .. وكانت تبعت للي بيطلب من فضلها فرخه مشويه وجوا الفرخه عشر دنانير دهب ! ;D .. فكان كل يوم الراجل اللي معاه الدرهمين .. يشتري الفرخه من التاني بالدرهمين ! ومكنش يعرف ان الفرخه جواها حاجه !! وبقي يشتريها كل يوم .. وقعد ع الحال دا لمدة عشر ايام ! .. وبعد عشر ايام .. ام جعفر راحت للي كان بتديله الفرخه وقالتله ( أما اغناك فضلنا ) ؟! ها بقيت غني لما غني طلبت فضلي .. قالها كيف ذلك ؟! قالتله ١٠٠ دينار ف عشر ايام !! .. قالها لا !! بل دجاجه .. وكنت ابيعها لصاحبي بدرهمين كل يوم !! قالتله سُبحان !! الله طلبت من فضلي فحرمك ،، وطلب هو من فضل الله فأعطاه و أغناه !! .. ولله المثل الاعلي .. إدي العيش لخبازه .. !! اللي يطلب العزه من غير ربنا بيتذل .. بيطلب الغِني من غير ربنا بيفتقر .. بيتعلق بحد اكتر من ربنا بيتحرم منه !! الفضل لله .. .. ربك فضله مبينتهيش .. بيعطي من غير ما يعد ويحسب .. فإتعود ديمًا تدعي وتقول ( اللهم لا تحوجني الا اليك ولا تجعلني اتوكل الا عليك .. وارزقني من فضلك الواسع ) ☝️❤️
    والف مبروك التلاجه وربنا يتمم بخير ;D
    احمد ايمن
    ===============================

    #انا_شخصيًا_انبهرت .؛D
    فعلا واقسم بالله .. الانسان مننا علي راي سيدنا عُمر مجالوش نعمه بعد الاسلام .. افضل من انه يلاقي صاحب صالح يحبه بضمير ؟! .. او صاحبه تحبها بشهامه وجدعنه !!
    الجو حر ولعه .. الشمس طالعه بعزمها وقوتها .. ناس عرقها واصل لحد سُرتها .. و ناس غرقانه في عرقها يوم القيامه !! .. وانت وصاحبك او انتي وصاحبتك واقفين في الضِله تحت عرش ربنا !! .. لا ليكوا دعوه بصهد ولا حر ولا شمس ولا زحمه وخنقه ورُعب ! .. ليه ياعم ؟! اشمعنا احنا ؟! .. لانكم ف الدنيا حبيتوا بعض بضمير ! بس كدا ؟! اه والله .. !!
    - سهران بره مع صحابي .. لقيت اختي من شويه بترن وبعتالي رساله وبتقولي رد عليا ضروري .. قولت باااس يبقي في بلوه سوده حصلت يابومه .. خير يا حاجه ؟! قالت .. الله يسعدك يا احمد ديمًا بقول عنك جدع .. قولت اااه يبقي في مصلحه ;D مبشوفش الوش الكيوت دا غير وقت المصالح .. قالتي الصراحه كدا .. كنت بتكلم مع صاحبتي فلانه الفلانيه ع التليفون من شويه .. قالتلي انها المفروض كانت معزومه هي واهلها ع العشا بره .. ودلوقت هي مراحتش معاهم وقعدت مع جدتها .. وقالت انها مكلتش حاجه من الصُبح .. ف انا حضرتلها لقمه ونفسي اوديهالها تعالي معايا نروح واعملهالها مفاجئه .. استأذنت اصحابي .. وقولت لاختي اقفي قدام البيت وانا جاي اهو .. المشوار لصاحبتها حوالي ١٠ كيلو .. خدت عربيه وروحت عند البيت لقيتها مستنياني .. .. وصلنا ورنت عليها وقالتها انا قدام بيتك انزلي .. وقفت انا علي اول الشارع .. صاحبتها نزلت لقت اختي واقفه بكيس فيه اكل .. عن كمية الفرحه والاحضان الصادقه اللي حضنوها لبعض .. وقد ايه البنت اتصدمت وفرحت ان اختي تروحلها ١ الصُبح بس علشان بتحبها ومحبتش تنام جعانه !
    الصاحبه الجدعه مبتتلقاش كتير .. عُمله نادره .. الواحد من غير صاحب عامل زي اللي واقف ف مكان واسع فتره طويله ومش لاقي حيطه يتسند عليها !! الصاحب والصاحبه حيطه وضهر وسند .. سيدنا عُمر لما كان بينام .. اوقات كتيره كان بيصحي من النوم الساعه ٣ الصُبح .. ويقول ما اصعب الشوق .. اشتقت الي اصحابي !! ويدعي ان الفجر يأذن واول لما يدخل المسجد يقابل صاحبه ويحضنه ويقوله اشتقت اليك !! ويكون لسه شايفه في صلاة العشاء ! بس الصاحب مهما قربتوا واتكلمتوا يستحيل تزهق منه او تمل .. اخ امك مولدتوش .. نفذ وصية النبي واحجزلك مكان تحت عرش الرحمن دلوقت حالاً يالا .. النبي بيقول : اذا احب احدكم احدًا فليخبره ! قول لصاحبك انك بتحبه .. قولي لصاحبتك انك بتحبيها .. الاعتراف بالحُب خيط بينسج ويقوي قُربكم لبعض اكتر .. والنبي قال ( الكلمه الطيبه صدقه ) ومفيش اجمل ولا اطيب من كلمة #بحبك ! ❤️
    #الحُب_في_الله ☝️
    احمد ايمن
                  

12-04-2018, 07:12 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    #اقرا_وهتحب_تصلي ^^
    صديقي المهندس محمود عبد المُغني .. معيد في هندسة السلاب المنصوره .. كنت معاه من كام يوم .. ف وهو سايق .. عدينا علي جنازه .. مكنش فيها غير ٥ او ٦ .. قالي تصدق الواحد خايف من يوم زي دا ! الناس تنساه ومحدش يفتكره بعد موته نفسي الاقي حد يدعيلي بعد موتي ويفتكرني بالخير ! .. قولتله وايه المشكله؟! دا الطبيعي الناس تنسي .. بس هقولك حاجه ..
    - انت اصلاً مش لازم حواليك ناس كتير !! علشان يكون مقياس انهم يفتكروك .. متنساش ان النبي قال ياما مشاهير علي الارض وبين الناس .. ومحدش من الملايكه يعرفهم ولا بيديهم اهتمام .. وياما ناس مجهولين في الارض ومشهورين في السما والملايكه وربنا عارفينهم بالاسم فلانه بنت فلان وفلان بن فلان !!
    محمود وانا بساعد العُمال ف شغل شقتي .. الراجل اللي بيدهن .. وقع علي بنطلوني بوهيه .. عملت بُقعه .. امي تغسل فيه مش راضيه تطلع !! مفيش فايده .. خلاص البوهيه لزقت ومش هتروح ابدًا !!
    قالي انت عاوز تقول ايه ؟!
    قولتله : تعرف ان لما البني ادم مننا بيموت .. كل مكان صلي فيه ف الدُنيا بيبكي عليه ! ويدعيله كمان .. ومش بس كدا .. دا المكان دا يوم القيامه ربنا بيجيبه ويخليه يتكلم .. سواء بقي المكان بيت او جامع او شارع او او الخ .. بينطق بامر ربنا و يشهد ويقول يارب فلان صلي فيا او فلانه والمكان يطلب من ربنا يرحمه وميعذبهوش !! .. الصلاه ف المكان بتكون عامله زي البوهبه ع البنطلون .. .. لا يُمكن تروح .. لا يمكن تتمحي .. خلاص رشقت ولزقت للابد .. قالي جبت الكلام دا منين ؟! قولتله العالم الكبير عطاء الخرساني بيقول : ﻣﺎ ﻣﻦ ﻋﺒﺪ ﻳﺴﺠﺪ ﻟﻠﻪ ﺳﺠﺪﺓ ﻓﻲ ﺑﻘﻌﺔ ﻣﻦ ﺑقاع ﺍﻷ‌ﺭﺽ، ﺇﻻ‌ ﺷﻬﺪﺕ ﻟﻪ ﻳﻮﻡ ﺍﻟﻘﻴﺎﻣﺔ انه صلي فيها وعليها ، ﻭﺑﻜﺖ ﻋﻠﻴﻪ ﻳﻮﻡ ﻳﻤﻮﺕ !! ) .. محمود .. مش مهم الناس .. المهم رب الناس .. والارض لا تنسي جباه الساجدين .. والله لا ينسي صلاة المُسلمين .. فجأه لقيته بيركن العربيه وقالي انزل .. قولت فيه ايه ؟! قالي انزل .. نزلنا .. قالي هنصلي ف الجامع دا وكل لما ادخل بلد غريبه هصلي فيها .. هخلي ليا ذكري ف كل ارض وبلد ادخلها .. لعلهم يدعولي طول منا تحت التراب ويشفعولي يوم القيامه .. هحفر اسمي عند ربنا زي النقش ع الحجز .. زي البوهيه ع البنطلون 😂 ..
    #اطمن !! يمكن انت حاسس ان سعرك قليل ف الارض ووسط الناس .. بس صدقني انت غالي في السما وعند رب الناس ! .. ومبروك عليك ثواب كل بني ادم هيصلي وينوع اماكن صلواته بسببك بعد لما يقرأ الكلامدا .. ومبروك عليك ثواب الدعوات وبُكاء ارض الله عليك وشهادتها ليك بالخير بعد موتك .. ومتنساش اللي بيعمل عمل حسن ف الدُنيا مبيضعش .. ربك اسمه العدل .. هيديلك حقك تالت ومتلت ! لانه قال علي نفسه : 👇
    "إِنَّا لَا نُضِيعُ أَجْرَ مَنْ أَحْسَنَ عَمَلاً "️
    ربنا يجعل ديمًا عملك جميل وقلبك متشعبط في طلب رضاه :))
    #صلي_وسيب_بصمتك !
    #احمد_ايمن ..
    ==========================

    اخويا بن امي وابويا .. لما كان في ثانويه عامه .. فاشل درجه اولي .. جاب مُلحق في مادة العربي!! .. خرج ب ٦٩٪ ! بكي .. فاشل ! رايح جاي يعايروه وصحابه اتجنبوه .. دخلناه كلية تجاره خاصه ! .. قرر يطلع غضبه في حاجه بيحبها .. جاب آلات يتدرب عليها ف البيت علي الملاكمه والكنغو فو .. يسمع كلمه تضايقه .. يضرب اكتر ويتدرب اكتر .. ! ينزل يجري تحت المطره ٤ الفجر .. يجري ٦ الصبح ١٠ كيلو .. يجيب صور ونصايح محمد علي كيلاي بطل الملاكمه ويعلقها ويبروزها ف الصاله وف اوضته ! محمد علي بيقول ( مش عيب انك تقع ! العيب انك تفضل علي الارض ومتقومش ) !! كاتب علي مرايته ( لا تكن ضعيفًا بل كن قويًا ) .. ( الماء تثقب الحجر .. ليس بسبب قوتها !! ولكن بكثرة سقوطها ) ! .. بدا يروح مسابقات ملاكمه .. مبيتغلبش ! غلب ٤ بالقاضيه ف يوم واحد وتاني واحد كسر ايد اخويا و غلب الاتنين التانيين بايد واحده ! قالي لاما اغلب لاما اموت .، ويصور نفسه ويبعت لمنظمات غربيه تتبناه .. اول امبارح جاله رساله من مركز تدريب ف انجلترا يبعتوله ويستقبلوه ويتبنوه ويحقق حلمه هناك .. لا شهاده ولاغيره .. في رب في السما بيدبر ارزاق عباده علي الارض .. وربك رب خير مبيعملش غير الخير !! وعلي راي الشاعر محمد ابراهيم : انا عندي يفوتك قطر .. احسن ما تركب قطر غلط !
    احد علماء المسلمين بيروي موقف لراجل من اهل الصحراء .. الراجل دا وقع ف بير ! وقعد يناااادي لحد لما الناس سمعوه وانقذوه .. طلع من البير بيتنهنه ويتنفس بصعوبه ( هااااه هااااه هاااه .. ) الناس جابوله شوية لبن يبل ريقه .. شربهم .. وبعد لما هِدي وبقي كويس .. قالوله اوصف لينا ازاي وقعت !؟ وقف علي بوز البير وفضل يوصفلهم.. وهو بيحكي رجليه داست علي طرف جلبيته ! اتعكبل وقع تاني ف البير مات !! العالِم اللي بيحكي الموقف قال ان الراجل دا كان فاضل في رزقه من الدنيا شوية لبن يشربهم .. فشربهم وبعدها مات !! :))
    سيدنا علي قال : يأتي الرزق للعبد حتي ولو اغلق علي نفسه بابه .. فقالوله : كيف ذلك يا امير المؤمنين ؟! ازاي الواحد رزقه يجيله ولو بابه مقفول عليه !! قالهم : كما يأتي له الموت وهو يُغلق عليه بابه ! فرب الموت هو رب الرزق !!
    راجل انجليزي اسمه توماس .. بيشتغل ميكانيكي علي قد حاله .. اللي جاي علي قد اللي رايح .. مبيعرفش يوفر تعريفه .. في يوم خلف بنت وبعد لما تمت ٥ سنيين .. جالها نقص في هرومنات عضلات جسمها .. فمبقتش بتكبر !! .. كل لما يدخل عليها يلاقيها بتعيط .. يبصلها بحسره ويدخل اوضته .. يخبط سريره برجله .. يفضل يضرب بايده علي الحيط ويقول لربنا اشمعنا انا ؟! ما كل الناس بتخلف بنات سليمه .. ليه بنتي انا اللي متبقاش طبيعيه !! فضل علي الحال دا فتره طويله يدخل عليها يلاقيها بتبكي .. وف يوم رايح المصنع اللي بيشتغل فيه .. حكي لصاحبه حكايته .. فقاله ( البنات يا صديقي من اسرار جمال الله .. فإستمتع بقُربها .. ولسوف يُريك الله جمال وجودها ذات يوم ) ! .. خرج من شُغله في نُص الورديه الاولي .. مع انه ديمًا كان بيطبق ورديتين .. جري علي بيته .. دخل لقي بنته زي العاده بتبصله وتبكي .. قام شايلها علي ضهره ( بلاص العسل 😄 ) .. البنت سكتت .. قام رافعها علي كتفه .. فإبتسمت .. جري بيها ف الشقه وفرد درعاته كأنها جناحين .. البنت بقت تشهأ من الضحك ! خدها ونزل بيها ع الشارع وجري بيها .. فضلت تضحك اكتر. .. كل يوم بقي يجري بيها ف الشارع مسافات طويله وبقي يشتغل نُص يوم بس ويقول ( اعظم الارزاق .. ان يرزقك الله حُب ابنتك وابتسامتها ) .. وف ليله شافُه جاره وهو بيجري بيها .. وكان يوميًا يركز معاه .. فنزله الشارع وقابله قاله : انت سريع جدًا ف الجري وموهوب .. ايه رايك تقدم في مسابقة الجري الجماعه اللي بتنظمها الملكه سنويًا؟! .. توماس عجبته الفكره و مكذبش خبر .. راح فعلاً قدم في المسابقه ودخلها وهو شايل بنته علي كتفه !! .. وجري .. وصل المركز التالت ! .. الناس مكنتش بتبص علي اللي ف المركز الاول .. كله كان بيبص علي توماس لانه بيعمل حاجه مُختلفه .. شايل بنته ! .. والاعلام كله ركز معاه والجرايد بدات تتكلم عنه .. وتاني سنه شال بنته ودخل المسابقه .. بنته تضحك وهي علي كتافه ! .. وهو عمال يعافر ويقاوح .. ووصل للمركز الاول .. وابهر الناس كلها .. وخد بسبب بنته ٩ مليون دولار مكافئه واصبح الاب المثالي !! و من اغنياء انجلترا بعد لما كان ممعاهوش ولا تعريفه !! وكل دا بسبب بنته !!ودا اقرب مثال وتفسير لمقولة ( ويرزقكم من حيث لا تعلمون ) رزقه جه من ناحيه لا يُمكن كان يتوقعها ابدًا !.. وافتكر مقولة صديقه وبروزها وحطها ف مكتبه ( البنات يا صديقي من اسرار جمال الله .. فإستمتع بكل جميل .. وانظر إليها بعين قلبك ! ولسوف يُريك الله جمال وجودها ذات يوم !
    كنت قرأت ان الكاتب العظيم أنيس منصور الله يرحمه .. كان حاجز تذكرة طياره ومسافر امريكا .. وفجأه أُمه تعبت .. اضايق جدًا لتعبها .. واضايق برضه انه هيلغي السفر لانه كان عنده لقاء مهم لابد يحضره وافتكر ان الفرصه ضاعت والدنيا اتقفلت .. ولغي الحجر .. وكان اخر كرسي علي الطياره .. اللي خد التذكره بداله الفنانه كاميليا ..وفعلا ركبت الطياره .. بس حصل اللي مكنش متوقع ،، الطياره اتفرتكت مليون حته وهي ف الجو وكُل رُكاب الطياره ماتوا بما فيهم كاميليا ! انيس منصور اتصدم .. مصدقش .. حصله حاجه بيكرهها انه يأجل سفره .. تكون سبب في ان ربنا يرزقه الحياه بعدها ل اكتر من ٤٠ سنه ويبهر العالم بكُتبه اللي ليها طابع خاص وقيمه ملهاش مثيل ! فعلاً ( رَب الخير لا يأتي إلا بالخير ! ) !!
    الشيخ الشعراوي بيقول : لعل الله حرمك مما تُريد ليُعطيك ما تحتاج !!
    اتصدمِت .. اتذهلت .. مصدقتش نفسها .. معقوله .. اكون حامل ومفيش راجل لمسني ؟! .. دي كارثه .. مصيبه .. الناس هتقول عني ايه ؟! يا الله .. يااااارتني مُت قبل لما يحصلي كدا .. وكنت اتنسيت وغطي عليا الزمن .. محدش هيسيبني ف حالي .. يارب اموت .. الدنيا اتقفلت ف وشها بالضبه والمُفتاح ! السيده مريم قالت اكتر من الكلامدا .. لما عرفت انها حامل .. مكنتش تعرف ان في الرحم اللي جواها ساكن نبي .. هيغير مسار العالم .. ويتكلم وهو في اللفه .. وهي بسببه تبقي من اكمل واعظم نساء الدُنيا .. واسمها يتحفر في التاريخ للابد .. رِزقها جالها من شيء كانت كرهاه .. سُبحان الله :)) !
    لما مات عبد الله بن سيدنا ابو بكر .. وكان متجوز السيده عاكته وبيحبها جدًا .. وهي كمان حبته جدًا جدًا .. بعد وفاته .. قالت لايمكن هتجوز .. ولا هخلي حد يتقدملي لان مفيش راجل احسن من جوزي والدنيا اسودت واتقفلت ف وشها .. و بعد ٤ شهور و١٠ ايام لما انتهت عِدتها مباشرةً .. اتقدملها راجل عظيم كل الناس بتحلف بعدله وقوته ورحمته لحد النهارده .. ربنا رزقها واتجوزت بسيدنا عُمر بن الخطاب !
    لما سيدنا سليمان شاف نمله وقالها يكفيكي كام حباية رُز في السنه .. قالتله واحده ! قام اعطاها اتنين .. قالها دول للسنادي والسنه اللي بعدها .. قالتله ربنا اكرم منك .. انت هتديهملي وتنساني باقي عُمري .. لكن ربنا بيرزق ومبينسانيش !!
    شوف .. ربنا قال في القرآن : وفي السماء رزقكم وما توعدون .. مهما عصلجت الدنيا معاك .. رزقك هيجيلك لحد عندك علي ملا وشه وغصب عنه .. ربك هيجبِره .. لو ربنا مكتبش علي نفسه الرحمه مكنش سقي الكافر من الدنُيا نُقطة ميه ! ربك رزاق .. مقفله ؟! هتتفتح .. اليأس مهواش من صفات المؤمن بالله .. ربك اسمه الوكيل .. يعني هو المُدبر لأمورك .. الشيء اللي فاتك وف نظرك حلو ! ف يوم هتقول حلو انه فاتني .. سيدنا عمر كان ديمًا بيقول .. انا مبيفرقش معايا اصحي الصبح علي حاجه بحبها او بكرهها لاني معرفش الخير في اللي بكرهه ولا اللي بحبه ! وسيدنا علي لما كان بيدعي ربنا بحاجه وتتحقق كان بيفرح مره ولما متتحققش كان بيفرح ١٠ مرات !! سالوه عن السبب !! قالهم لانها لما اتحققت كانت اختياري ولما متحققتش كانت اختيار الله واختيار الله ديمًا انسب وافضل .. طول ما انت حي . رزقك م الدُنيا جي .. عا رف انها ايام مُره وصعبه .. بس ربك هيحليها ويسهلها .. ربك كبير .. قسمًا بالله ربنا قادر .. يفتحها عليك ويزيح همك .. ولكنه بيقيس ايمانك .. وبيعرف كام درجة صبرك .. الرزاق مبيموتش !! والرزق مبيخلصش .. ربك لو بصلك بنظرة رضا .. هيمرمرغك في كرمه وفضله ورزقه الواسع وباذن الله يبصلك النظره دي دلوقت وانت بتقرأ وقلبك متشعبط ومتعشم في رضاه وفضله .. هتُفرج ياصاحبي .. محدش يعرف الخير فين .. والله العظيم كل حاجه هتكون تمام وزي الفُل .. قول يارب ومتقلقش .. رزقك م الدُنيا هتاخده .. لو حتي ف بطن حوت او ف بُق سبع :))
    #هون_علي_نفسك !
    #الارزاق_بيد_الله !!
    #احمد_ايمن ^^
                  

12-04-2018, 07:13 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    اقسم بالله مقصدش انكد عليكي ;D .. بس العيد خلاص جانا .. يعني يوم الوقفه وهدة الحيل والتنضيف وتساعدي طنط ف لم عزاويل البيت والكراكيب .. و تغسلوا السجاجيد اللي مليانه تراب صح ؟! وربنا اخويا الصغير مره موبايله وقع فـ الارض فتح الحنفيه وغسله ;D .. الغسيل تقريبًا اول حل بيخطر في بالك لما حاجه عندك تتعفر او يجي عليها اي تراب .. عمري ما اشتريت كوتش ابيض غير لما اسأل صاحب المحل .. لو سمحت هو بيتغسل لو لم تراب ؟! .. انا عمال اقول غسيل غسيل .. هو ايه الحكايه ؟! القلب عامل زي السفنجه بيمتص الذنوب وانت عاوز تنضف قلبك تعمل ايه ؟! اكيد مش هتجيب برسيل وتاخده فومين ;D : بس النبي قال ( ان الصلاه تِشبه النهر العذب الجاري تغسل القلب وتطهره من الذنوب والمعاصي ) ! .. يعني اما اصلي قلبي هيلمع من طهارته ويبقي نضيف مفهوش تنتوفة معصيه ؟! دنا عملت بلاوي ياعم !! وربي اي ذنب عملته ربنا هيغفرهولك .. هيغطَس في بحر رحمة ربنا الواسع وعُمره ما هيقب تاني ! لو قومت صليت ! .. حيث كدا بقي قدامك حل من ال ٣ ..
    #الاول : تسيب قلبك قاسي متعفر بالبلاوي السوده اللي عملتها !!
    #التاني : تقوم تنضفه بركعتين وتخليه انضف من الصيني بعد غسيلُه !
    #التالت .. تدبي خناقه ما يعلم بيها الا ربنا وتروحي تقعدي يومين عند خالتك لحد لما شغل البيت يخلص وترجعي تاني ;D وربنا يقدرنا علي فعل الخير ;D وبرضه تقومي تصلي الفجر :)) !
    يالا الله يباركلك :))
    #صلاة_الفجر .. الله يملي قلبك بالفرحه لحد لما تدلدق من كُترها ومتبقاش عارف توديها فين
    ====================
    عارفه لما يجيلك عريس محترم كدا ومالو هدومه وجاي فارد شعره بجيل هير كود وحاطط برفم لولوا ابو نص جنيه 😂 .. وانتي بقي فرحانه اوي وداخله متزوقه وحاطه نص كيلو دقيق علي وشك 😂 ولابسه طقم جديد وشايله الشربات بقي ومفيش حد قدك عريس يابوي 😂 .. وماشيه بأدب وحياء ولا زيك واحده .. حلمك اتحقق و الشاب اللي دعيتي الله تتجوزيه من سنين جالك .. ووانتي بتقدمي الشربات وعينك عليه بقي من تحت لتحت وبيضحكلك و مش واخده بالك .. هوووب رجلك تشبك في طرف السجاده يقوم الشربات واقع علي بدلة عريسك اللي مأجرها من المكوجي وعليها قساط 😂 وترقعي بالصوت ليله سوخه 😂 .. صحيح هو انتي كنتي شايله ايه ؟! شربات صح ؟ والشربات وقع ليه ؟ لما وقعتي صح ؟! سيدنا الحسن البصري بيقسم بالله ويقول ان ذنوب الانسان ربنا بيجيبها كلها وقت الصلاه علي راس العبد واول لما يسجد الذنوب بتقع من علي راسه .. اذًا تخيل ذنوبك فوق راسك .. واول لما تنحني في السجود الذنوب بتتفرغ من عليك وتتساقط !! تخيل ؟! اذًا لما تتكعبلي في سجادة الشربات هيقع ،، وانت لما تتكعبل في السجاده وتسجد الذنوب هتقع!! اذًا لكل انحناء نتائج ونتيجة انحنائك الغفران ياسلام :)) .. بالله عليك لتقوم تفرغ شُحنة المعاصي اللي شايلها طول حياتك لعل الله يعفو عنك ويغفر ذنبك ويجعلك من اصحاب جنته وتبقي بعد ركعتين الفجر طاهر من الذوب #صلاة_الفجر وعلي فكره صلاة الفجر في رمضان كأنك صليت ٦ سنين الفجر في الايام العاديه ! بركه والله .. و مليون مبروك مقدمًا يا عروسه 😂 .. ونسمع احلي تحيه وعقبال عندكم جميعًا طاخ طاخ طاخ طاخ
    احمد ايمن
    ====================================

    كل حد هيشوف الكلام دا بسببك ويعمل بيه .. هيكون ليك نفس اجره بدون ما ينقص من اجره شيئ !! :)) #شير_يا_شباب :))
    العشره الاواخر من رمضان .. ربنا قال عن ليلة القدر : ليلة القدر خير من الف شهر .. يعني لو عملت فيها اي حسنه افضل من انك تعملها في 84 سنه في الايام العاديه !! مُتخيل الرقم الرهيب !؟ ليلة القَدر هي ليله فرديه محدش يعرف اي يوم بالظبط ف الايام الفرديه ( 21 . 23 . 25 .27 .29 ) هي يوم من الايام دي .. عاوزك تلحقها يا صديقي ...
    انا جبتلك شوية افكار تعملها .. في العشر ايام دول وان شاء الله ثوابهم عظيم .
    أولاً : تِخلص النيه لله تبارك وتعالي وانك هتعمل الحاجات دي لله ومتقلقش امور بسيطه :))
    ثانيًا : عاوزك تطلع كُل يوم 10 او 5 جنيه او 3 او جنيه واحد لله .. هتقولي ليه ؟! هقولك لان لو اليوم اللي طلعت فيه الصدقه صادف ليلة القَدر ! افضل من انك طلعت صدقه لمدة 84 سنه متواصل صدقه !! مُتخيل الثواب الرهيب ؟! ..
    #ثالثًا : الاستاذ عمرو دياب .. منير .. انغام .. اصاله اي مُطرب انت بتسمعه .. اعتذرله وقوله اسف مُش هسمعك الـ 10 ايام دول .. واسمع قُران .. لانك لو سمعت قران في العشر ايام دول !! افضل من سمعاك 84 سنه قرآن !! الامر مُش هين زي ما انت فاهم ! لعل الامر دا ينجيك من النار يا صديقي !! ..
    ثالثًا : لو قولت كُل يوم : 100 مره " لا اله الا الله .. استغفر الله العظيم .. سُبحان الله .. افضل من ذكرك الله 84 سنه !! " ياسلام !! :))
    رابعًا : ربنا قال : تتنزل الملائكه والروح فيها .. يعني الملايكه بتنزل من السماء والروح يعني سيدنا جبريل الروح القُدس بينزل معاهم .. ليه يا صديقي بينزلوا ؟! عارف بيكون عددهم كام ؟! اكتر من عدد رمَل وحصي الارض !! نازلين ليه ؟! نازلين لُمهمه واحده فقط .. انك تدعي فهما يقولوا : آمين " وراك ! دي كُل مهمتهم !! ادعي كتير يا طيب عاوز تتجوز " سماح جارتك ؟! قول يارب ارزقني بيها 😄 ! والملايكه هتقول آآمين وصوتهم يسمع ف السما !! عاوزه ربنا يهدي جوزك الخنيق البخيل👐 ! قولي يارب اهديه وربنا هيستجيب لان اللي بيأمن الملائكه ! اقرب عباد الله الي الله .. النبي قال ان المُسلم لو استغفر او دعي للمسلمين والمُسلمات ربنا هيعطيله علي كُل مُسلم حسنه عارف يعني ايه !؟ يعني امة الاسلام مليار و 300 مليون بُني آدم ! لو قولت يارب ارحم واغفر للمسلمين والمُسلمات في ليلة القدر هتاخد مليار ونُص حسنه بدعوه !! ومُش بس كدا بل افضل 84 سنه دعاء .. اعتقد انت داخل الجنه ان شاء الله بزُحليقه 😂! صااااروووخ #شنوهاازااااع.. يا جمال النبي 😳!!
    خامسًا : بالله عليك اعزم حد ع الفطار " انا عن نفسي معنديش مُشكله .. اكتبلي العنوان وجايلك 😂اعطيك الثواب #بهزر_طبعًا ربنا يجعله عامر😄 .. ولكن فطر صائم ولو بتمره افضل من انك فطرت صايم 84 سنه .. يا ربنا !! :))
    الليله دي لابد نلحقها يا صاحبي ! مهما كانت الظروف لابد منسبهاش .. لو سبت ذنب في الليله دي وانت مستمر عليه !! كأنك تُبت وتركت ذنب من اجل الله افضل من 80 سنه توبه!!
    #سادسًا : بكل كلمة حاضر تقولها لامك او لابوك ومتشوحيش بايدك او تنفخي او تُردي او انت تعلي صوتك علي والدك .. هيتكتبلك ثواب البر سنين طويله يا صديقي .. عارف ان ابوك صعب شويه والدتك مبتفهمكش.. بس كُون جدع واصبر وبرهم لعل الله يرزقك بولد صالح يبرك ويكون عُكازك علي الدُنيا وع الايام ! #صدقني انا بكتب البوست وامي بتحدفني بالمخده فـ دماغي حاجه غُلب خالص 😂.. ببرك لاهلك ربنا هيكون فرحان جدًا بيك وقتها ومتجيش امك تزعقلك تبص فـ النتيجه ! تلاقيها ليله فرديه تقولها خدامك يا حاجه .. ليله زوجيه تقوليها عاوززه ايييييييييييييه ارحميني يا وليه انتي😂! يا حبيبي مينفعش !! اتق الله فيهم ف كُل وقت وكُل لحظه هتكبر جدًا في نظر الله #يارائع :))
    #سابعًا : القيام يا طيبه .. القيام يا مُحترم .. اهم شيئ .. الصحابه بيقولوا ان النبي كان في اول عشرين يوم من رمضان بيصلي وبينام .. لكن اخر عشر ايام مكنش بيغمض عيونه وينام !! كان بيصلي .. بس انا مُش عاوزك تصلي طول الليل يا طيب .. انا عاوز منك كُل ليله فرديه تصلي نُص ساعه بس قيام ليل صفحتين فـ كُل ركعه في اوضتك تختلي بنفسك مع ربنا .. هقولك المعاد اللي تنشن عليه فـ الجول " ربنا بينزل من السماء في الثُلث الاخير من الليل صح ؟! اذا " من الساعه 1 لحد 1 ونص .. ملاقيش واحد يمسك ساعه فـ ايديه وهو بيصلي واول لما الساعه تِدُق 1 ونص يقوم .. لا يا حبيبي 😄!! احنا هُنخم ! عيش مع ربنا وحس بلذة القُرب من الله وفضفض وبوح يا ابو قلب كُله جروح ..
    تلقي الجراح طابت منك اوام غابت .. :))
    #ثامنًا : 4 صفحات قران تقراهم كُل يوم .. وِش بس .. مُش مطلوب اكتر من كدا :))
    #تاسعًا : اضحك فـ وشوش الناس بكل ضحكه هتاخد ثواب صدقه .. افتح بوقك 😂 ! يا خرابي ع العثل ☺️😂.. هتلم حسنات بالهبل .. بس بالله عليك اوعي تضحك لواحده ومعاها جوزها " هتاكل علقه مكلهاش حُمار فـ مطلع لا تقولي صدقه ولا مُش صدقه ليلتك سوخه .. فاٍقصر الشَر واختار اللي مُش مرتبطه 😂 ! طبعا بهزر .. رجاله بس ياعم .. وحافظ علي الصلوات الخمسه لان صلاتك هتكون افضل من صلاة 84 سنه .. والله ثُم والله فرصه لا تُعوض .. مين ضامن اني هعيش لحد ليلة قدر جديده ؟! اذا استغلها حاليًا :))
    وربنا يتقبل مننا جميعًا يا صديقي الطيب .. ورمضان مُبارك عليك وعلي كُل حبايبك ^_^ ❤️
    #احمد_ايمن
                  

12-04-2018, 07:14 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    هو انا اعرف منين ان ربنا بيحبني ؟! اديني دليل او عَمل سهل اعمله يخلي ربنا يحبني ... وانا ف الكليه كنت معتقد اني أفشل طالب فـ الدُفعه مُش حافظ غير حاجات بسيطه من المنهج .. لكني كنت بتفاجئ ان اللي انا فاهمه من المنهج هوا اللي بيجيلي ف امتحاني بدون زياده او نُقصان اه كنت بعرق كتير واستغفر ٢٠٠ مره واوعد ربنا اتوب عن اي ذنب بس نجحني ياااارب أنا آسف 😂🙌 .. بطه بلدي فـ اللجنه 😂 والاقي ربنا يسهلي وينجحني ..في ناس مننا مُش حافظين سور كتير من القرآن " اللي هو المنهج " ! ويمكن يكونوا مبيصلوش غير بالسور القصيره زي ' قل هو الله أحد ' !! وحاسين ان ربنا مبيحبهمش معقوله سوره قصيره بصلي بيها هتنجحني وتخليني اكسب حُب الله ؟! صعبه اوي صح ؟ :)) .. النبي فـ يوم ارسل بعض اصحابه في مُهمه وعين عليهم قائد يصلي بيهم ولكن غريبه جدًا !! كان كل لما يصلي بيهم ميصليش غير بقُل هو الله احد في الركعه التانيه !! .. ف بعد لما رجعوا اشتكوا للنبي وقالوله لا يُصلي بنا الا بُقل هو الله احد يا رسول الله !!فالنبي قالهم اسألوه لماذا يُصلي بيها واخبروني فذهبوا وسألوه لماذا لا تُصلي الا بقل هو الله احد ؟! فقال : لانها صفه الرحمن .. انه واحد احد لا شريك له ' وانا احب ان اصلي بها .. فذهبوا للنبي واخبروه انه يقول انها صفة الرحمن ويحب ان يُصلي بها .. فقال لهم رسول الله اخبروا ذلك الرجل أن الله يُحبه .. ربنا بيحبك يا صديقي حتي بقل هو الله احد المهم تكون صادق مش شرط حافظ قد ايه المهم قلبك مُقتنع بايه لان ربنا رب قلوب #صلاة_الفجر الله يحبك ويرضي عليك يارب ويجعلك ديمًا مُنشكح ومزقطط كدهون 😄 ^_^
    #احمد_ايمن
    ================================

    والله ما تحيُز ولا غيره .. بس الست مهما جوزها يجي عليها ويزعلها ويعمل اللي متعملش .. لو بصلها وضحكلها غلبانه بتصفي وتضحك وتنسي كل حاجه .. كأن ضحكته ليها او كلمة متزعليش زي الخبطه علي الراس .. تخليها تفقد ذاكرة الزعل وتنسي اللي عمله وتسامحُه .. علي راي المثل " عدوك يتمنالك الغلط وحبيبك يبلعلك الزلط " ! تلاقي صاحبك بيسامحك من اول كلمه تقولها ويقولك عيب عليك ياواد دا انت عِشره وعيش وملح ولو مش هسامحك مين هيسامحك خُش في حُضن اخوك يا معلم ! .. ولله المثل الاعلي .. مين هيحبك قد ربنا ؟ والله مافي .. بتعمل بلاوي وبيسترك وتعصاه ويكرمك وتبعد عنه ويقربلك وتروحله ويستحيل يكسفك .. طب الراجل بيقول لمراته متزعليش تسامحه وتصفي .. والصاحب يقول لصاحبه حقك عليا بياخده ف حُضنه ويقوله محصلش حاجه .. ولله المثل الاعلي .. طب وربنا ؟ اصطلح معاه ازاي ؟ البُعد عنه خنقه وانا عملت ذنوب بالهبل ! تعرف ان سيدنا ابو ذر الغفاري دخل علي النبي ف مره فلقاه نايم .. ف النبي صحي وقاله كدا من غير مقدمات : يا ابا ذر من قال لا اله الا الله دخل الجنه ! ف سيدنا ابو ذر قاله " وان زني وان سرق ؟ حتي لو سرق وزني يارسول الله ؟ النبي قاله تاني " وان زني وان سرق ! فبقي سيدنا ابو ذر كل لما يقابل حد يقوله من قال لا اله الا الله ومات عليها دخل الجنه .. لانه عارف ان اي حد هيقولها بسببه هتبقي في ميزان حسناته ورحمه لربنا لُه يوم القيامه ! .. عاوز تفهمني اني لو قولت دلوقت لا اله الا الله من قلبي وبكل صدق مع ربنا ابقي كدا اصطلحت معاه ويغفرلي كل شيء حتي ولو زنيت وسرقت وعملت وعملت ؟ اه والله مهما عملت .. الملايكه اتعجبوا من رحمة ربنا الواسعه بينا .. فربنا قالهم لو خلقتموهم لرحتموهم !! .. مافيش احن من امن امك عليك عشان ولدتك مابالك بقي باللي صنعك وخلقك ؟! الذنوب بتخلي العقل مشلول والقلب قاسي والاحباط مكلبش ومسيطر . . طب ايه يمحي دا كله ؟ انك تقول حالاً لا اله الا الله ..
    والله حاسس انك لما تقول لا اله الا الله حالاً ربنا هيفرح والملايكه هتقول لبعض هنئوا فلانه او فُلان فقد اصطلح الليله مع الله ☝️❤️
    #لا_اله_الا_الله !..
    #احمد_ايمن ..
                  

12-04-2018, 07:15 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    سيدنا داوود لما شاف ميزان الحسنات عند ربنا .. اتصدم واتذهل من ضخامته وحجمه الواسع فقال يارب ! من منا يستطيع مليء هذا الميزان الواسع !! فرد عليه ربنا وقاله : ان أنا رضيت عن عبدي .. ملأتُه له ولو بشِق تمره !!
    فاللهم : ارزقني رضاك والجنة
    ================
    ربنا بيقول "و عزتى و جلالى لادبرنَّ الامر لمن لا حيلة له حتى يتعجب اصحاب الحيل" !!
    #هتُفرج
    ================
    بوست مُهم .. وانك شوفته دليل علي حُب ربنا ليك :))
    رمضان كريم .. حاسس اننا بدأنا نتكاسل عن الطاعه والواحد بدأ يحن لذنبه من جديد بعد مرور ١٠ ايام من رمضان .. جبتلك شوية حلول تعملها تخليك مترجعش للذنب تاني بأمر الله .. يارب يفيدوك
    اقرأهم ووريهم لحد قريب ليك لعله ينفعه وتاخد أجره :))
    لو مُستمر علي ذنب وعايز ابطله اعمل ايه ؟!
    لان ربنا بيقول : ومن اعرض عن ذِكري فاِن له معيشةً ضنكا .. اللي يبعد عن طريقي حياته هتبقي غم ونكد وقرف .. وانا الصراحه قرفان من الذنوب قولي الحل ! :))
    صلّ علي النبي :))
    اولاً : الذنب دا بيفرحك .. اذا لابد تشوف حاجه حلال تفرحك بنفس درجة فرحتك بالذنب .. بمعني؟! انك بتزني والعياذ بالله .. اذا اتجوز ! مثلاً بتشرب حشيش .. اشرب مخدرات 😂 .. بهزر طبعًا ✋ .. متشبطش 😂 .. بس حاول تلاقي بديل حلال يسعدك بنفس درجة سعادتك بالذنب نفسه بحيث متحسش بالنقص والاشتياق للذنب .
    ثانيًا : انت عندك وقت فراغ والفراغ هو السبب فـ يكون عندك حيز من التفكير في الذنوب لانك زهقان مُش لاقي حاجه تعملها .. تلاقي البنت تقول اووووف ايه الملل دا ؟! اما اقوم اكلم الواد فوزي وحشني واخرج معاه 😂✌ ! اذا الفراغ بيجلب الذنوب .. الامام بن الجوزي بيقول انه مبيثقش في الشخص اللي مبيشغلوش علم او عمل ! اذًا لابد تشوف شغل .. او تتعلم حاجه جديده .. وهكذا .. :))
    ثالثًا : الوِحده .. انت وحداني يا معلم .. والوِحده بتخليك عندك فُرصه للذنوب .. تعمل ذنب شهواني .. تسمع فيلم اباحي .. خليني صريح تكلم بنت مُعينه تعصوا ربنا ف الموبايل وتقولوا كلام ميصحش فاهمني انت ؛D .. ليه قافل علي نفسك اوضتك وقاعد ؟! اخرج شوف ابوك وامك واخواتك واقعد معاهم .. مُستفزين ؟! مبيفهمكش ؟! اشطه كلم صديق ليك يملي حياتك ويجيلك .. هات قُطه ربيها .. انزل فرح الناس و فرح نفسك .. اخرج اتمشي وسط الناس .. روح مطعم شعبي وكُل .. المُهم متسبش نفسك لوحدك .. :))) 🙇
    رابعًا : الصُحبه .. صاحبي اللي يفكرني بربنا لو نسيته .. غير كدا ميبقاش صاحبي !! .. اختار صاحب صالح يفكرك بالله .. مُش شرط صالح بس يكون عنده خير في قلبه .. يمسكك من ياقتك ويهزك جامد ويقولك اتق الله !! ينصحك بحُب وامانه .. مش مثلاً تقولي لصاحبتك ياختااي الواد دا قمر يابت .. تقولك لا لا مش اوي دا ياخد ٧ ع العشره ! 😂.شايفه اللي جاي دا بقي ! ٩ ع العشره مستريح ،، جرا ايه يابت انتي وهي ؟! انتي ف حصة رياضه ! مفيش واحده تقول للتانيه عيب 😂 ..، انا ولا حاجه واقل الناس وبحب الصالحين ولست منهم .. بس لو انت معندكش اصحاب اعتبرني صاحبك .. واقرألي واعتبر كلامي موجه ليك شخصيًا وشرف ليا انك تكون صاحبي ..يمكن اقول كلمه تنفعك باذن الله .. البانجو ياللي جوااا :))) 😂✌
    خامسًا : لو بتعمل ذنب ومُتمسك بيه قوي .. اوعي تبطله مره واحده .. بتعمله مثلاً مرتين فـ اليوم مثلاً وليكن بتكلمي ولد فـ الحرام 5 مرات ف اليوم خليها 4 .. وبكره 3 .. ولو بتكلميه ساعتين كلميه ساعه .. قللي تدريجيًا لان دا زي الادمان منفعش نبطله مره واحده .. قسمًا برب الكعبه انتي قدها وقد انك تبطلي الذنب وربنا هيكون فرحان بيكي يا زهرة الاسلام .. صدقيني الكلام دا موجه ليكي شخصيًا .. وليك انت يا صديقي كفايه لحد كدا ! ربنا منتظرك .. هيفرح بتوبتك ويباهي بيك الملايكه .. اكسر القيود .. بجد هقدر اكسرها ؟! ايوه طبعًا .. طب وسع كدا يا ايمن .. هتعمل ايه ؟! ياعم بس وسع كدا .. حاضر .. نيهاااااااا ايوه كدا اكسر ياعم .. عنتر بن شداد بيقرأ البوست ياناس " يا حبيبتي يا عبله " 😂 .. عسل يا معلم ☺😂
    سادسًا : السيده عائشه بتقول اول بدعه ابتدعها الناس بعد وفاة النبي هي الشبع ! اكل لحد لما ميبقاش في بطني مكان .. انت بتاكل كتير ودا غلط لابد تقلل من الاكل بحيث عقلك يتشغل بالجوع ! مش بالشهوه والذنوب لان طول منتا شبعان بتفكر في امور تطلع فيها طاقتك ! اذا قلل الاكل لاما تصوم ومتزخمش بطنك حفاظًا عليك .. يا ابو كرش رقيق وصغير 😂
    سابعًا : لما تسلمي نفسك لشاب مُعين قبل ما يخطبك ويتجوزك .. وتديله مشاعرك وكلام بينكم وكل حاجه .. فين بقي عنصر المفاجئه 🙊😂 مفيش !! .. اذا كان انا لاقي كل حاجه دلوقت هيجوزك ليه ؟! فرخه بتبيض ليا كل يوم بيضه .. ببلاش .. هشتريها ليه ؟! منا بنتفع بيها #بك_بك_بك_بكبكااااااااااك 🐓😂 .. كاكي ياحاجه كاكي .. بجد مينفعش تعطيه نفسك بسهوله .. افرضي مبقاش نصيبك ؟! او انت مبقتش نصيبها .. ذنب اللي هيتجوزك ايه ؟! يلاقيك فاضي من جوا معندكش شيئ تقدمه ؟! لانك استفذت كُل طاقات الحُب والرومانسيه والمشاعر من جواك .. ووالله كل دا بيكون حلو ف البدايه انما النهايات مُش حلوه خالص لانكم مش لاقيين حاجه تقولوها .. اذا متضيعش نفسك ع الفاضي !! حافظ علي قلبك للي تضمن انه نصيبك .. ومتحبش الذنب اكتر من ربنا وانت منتاش حاسس !! او تتكسف تبطل ذنب بتعمله مع حد علشان خايف تخسره ويزعل ! ومش خايف تخسر ربنا وتغضبه ؟! معقول يا صديقي ؟! .. .. قول بينك وبين نفسك هختارك يارب خلاص .. مُش هنحني لمعصيه ابدًا ولو علي حساب مشاعري وقلبي .. انت اهم .. يارب متعلقش قلبي غير بيك .. برافو بجد عليك .. انت قدها :)) !
    اذًا دول السبع وصايا لترك الذنوب.. اعملهم .. وقول يارب حببني في طاعتك وكرهني ف عصيانك .. الله يثبتك ويحبك ويقويك علي اي ذنب :))
    #بك_بك_بك_بكبكاااااااك 🐓 😂
    #احمد_ايمن ..
    ================================

    أمي لما تقلي او تشوي سمك .. لازم تعمل معاه سلطة طحينه .. عشان عارفه اني بحبها و ماكلش السمك من غيرها .. ولله المثل الاعلي طبعًا .. لان ربنا عالم ان البني ادم مننا يموت في حُب القصص والحكايات .. خلي تلتين القرآن الكريم قصص !! علشان يقولك : انا ضيفت ليك الحاجه اللي بتحبها في القرآن علشان متزهقش ولا تمل مهما قرأته او سمعته ابدًا :)) !
    #ربنا_جميل_بيخفف_عليك ^^
    ===================
    واحده كانت بعتتلي مشكلتها من فتره .. انها مرتبطه بواحد بتحبه جدًا جدًا .. بس مشكلته انه بيطلب منها امور مترضيش ربنا قبل اوانها .. ( تجاوزات يعني ) اكيد فاهمين قصدي .. المهم .. قالتلي اتصرف ازاي ؟! انا رافضه تمامًا ،، لكني بحبه .. قولتلها حذريه وانصحيه وفهميه يقف عند حده والا هتفارقي .. غابت يوم والتاني ورجعت ويبقي الوضع علي ما هو عليه .. قولتلها من ترك شيئًا لله عوضه الله خيرًا منه .. عارف انك بتحبيه .. بس حُب ربنا اغلي واعظم .. مينفعش تكملي خلاص .. سيبيه وفركشي وربنا يعوضك خير منه لانه كريم .. واللي انتي فكراه كويس وراح هيجي اليوم اللي تقولي فيه كويس قوي انه راح .. قالت يعني انت شايف كدا ؟! .. قولت مفيش حل تاني .. عصرت علي قلبها لمونه وزحلقته من قلبها وفركشت الخطوبه .. تمُر الايام وعدي عليها ١٨ شهر .. لقيت رساله منها ( متشكره جدًا علي نصيحتك .. قولت نصيحة ايه ؟! قالت كذا كذا وحكتلي وفكرتني ) قالتلي ان كان في واحد صاحب اخوها اكبر منها ب ٣ سنين .. كان بيحبها من وهو ف تانيه ثانوي ومقالش عشان ميخسرش اخوها ولانه مكنش جاهز متقدمش .. وبعد ٤٣ يوم من فركشتي مع الشخص الاولاني ربنا عوضني بيه ( اب وصاحب واخ وزوج وكل حاجه ) قضينا شهر العسل عند رسول الله في المدينه وبعدها وداني اسبوع لتركيا ! .. بيحترمني ويقدرني وعمره ما غضب ربنا فيا .. معايا منه عُمر .. بتدعيله ياما والله .. قالتلي فعلاً ( من ترك شيئًا لله .. عوضه الله خيرًا منه ) .. هو انا ليه بحكيلك الحكايه دي ؟ بحكيها علشان عاوز اقولك : ان عشان سابت حاجه بتحبها من اجل ربها .. ربنا عوضها بحاجه احب واغلي منها ١٠٠٠ مليون مره ! .. كذلك انت دلوقت لو تركت النت وقعدتك تحت غطاك وقومت لله تتوضي ل #صلاة_الفجر وتقابلُه .. ساعتها ربنا هيعوض قومتك دي بالجنه لان النبي قال حديث فيما معناه من صلي الفجر دخل الجنه !! معقوله ؟! اه والله تخيل .. والجنه مالا عين رأت ولا أذن سمعت ولا جمالها خطر علي قلب بشر :)) .. قوم ياصديقي وسيب كل اللي ف ايدك في سبيل ربنا ووالله هيعوضك بكل خير .. ربك كريم عظيم .. اذا أعطي أدهش وأذهل :)) .. ربنا يجازيك كل خير ويبارك فيك ويهدي نصيبك ويجعله يخاف الله فيك في وجودك وغيابك :))
    #الله_يتقبل_ويحبك ^_^
    احمد ايمن
                  

12-04-2018, 07:17 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    إبقي حرك شفايفك وانت بتقرأ القرآن .. لانك لو محركتهاش متعتبرش قراءه !! .. ولو قرات بشفايفك تبقي قراءه وعليها ثوابين
    ==================
    هقولك حاجه عني ماشي :)) ؟ .. كنت زمان بآمن لاي حد بيضحك في وشي .. بحكي وبفضفض بالفطره بدون قيود او خوف .. بثق في الغير بسهوله جدًا .. مكنتش حدودي لحد لما اتخدعت ياما في ناس عمري ما كنت اتوقع غدرهم .. فجالي واحد صاحبي بثق فيه زي نفسي .. قعد عندي ف البيت وطلع القرآن من جيبه وقالي بُص ! وشاور علي آيه بتقول ( ومن الناس من يُعجبك قوله في الحياة الدُنيا ويشهد الله علي ما في قلبه وهو ألد الخصام ) مش اي حد يقولك كلمتين حلوين وعاجبينك يبقي بيحبك.. جايز بيجرجر قلبك علشان يوجعك ومنتاش حاسس !! فمتبقاش مدب وتتدلق وتآمن بدون مواقف تعرفك حقيقة اللي قصادك .. قالي هحكيلك حاجه .. كان في واحد بيشتغل مدير بنك وجايب عربيه آخر موديل تحفه .. وزي العاده بيركنها قصاد العماره اللي ساكن فيها .. وف يوم وهو خارج للشغل .. بيبص ملقاش عربيته !! العربيه اتسرقت .. الراجل اتجنن .. يوم والتاني .. فص ملح وداب ! وف تالت يوم .. لقي عربيته مغسوله غسله حلوه .. ومركونه قصاد العماره اللي ساكن فيها .. جري ع العربيه فتحها .. لقي جواها بوكيه ورد وكارت مكتوب فيه ( أنا اسف جدًا اني اخدت عربية حضرتك بس مكنش عندي حل تاني غير كدا .. مراتي كانت بتولد ومكنتش لاقي تاكس اوديها المستشفي .. ف اضطريت اخد اي عربيه مفتوحه قدامي .. ياريت تسامحني مراتي ولدت وعرفت اسم حضرتك من بطاقتك اللي كنت سايبها ف العربيه وسميت ابني علي اسمك .. لانك السبب في انقاذ حياته وحياة مراتي .. وتانك العربيه مليان بنزين وهتلاقي جنب الورد تذكرتين سينما لاخر فيلم اجنبي نازل .. ياريت تقبلهم مني وتخرج انت وزوجة حضرتك وتستمتعوا بيوم لطيف ) ! الراجل قرأ الورقه وبكي من فرحته والكلام الجميل اللي قرأه وقد ايه حس ان الدنيا لسه بخير .. وفعلاً خرج هو ومراته وشافوا الفيلم وقضوا يوم لطيف جدًا .. رجع آخر الليل مبسوط هو ومراته .. بيفتح الشقه لقاها مسروقه مفهاش ولا اي حاجه !! بص ع الارض لقي جواي مكتوب فيه ( ياااارب يكون الفيلم عجبك 👐😃😂 ) !!
    العبره :
    #متآمنش_بسهوله
    #متبقاش_مدب !
    احمد ايمن
    ========================

    النبي علمنا دُعاء وقالنا اللي يقوله بعد لما يتوضي .. ربنا بيأمر الملايكه تفتحلُه جميع ابواب الجنه الـ ٨ !! .. ويقولك ادخل من اي باب تختاره :)) .. معقوله ؟! اه والله ;D .. طب ايه الدعاء اللي اقوله بعد الوضوء ؟! .. قول : اللهم اجعلني من التوابين واجعلني من المتطهرين ) .. ومبروك عليك خُش بقي اي مكان تختاره ف الجنه بأمر الله .. وربنا يجعل ثواب اللي يعرف الدعاء بسببك ويقوله في كفة حسناتك ويوسع عليك رزقك ف الدُنيا والآخره :))
    ==================
    هفضفضلك بحاجه لتاني مره :))
    :
    وانا في ابتدائيه .. كنت عيل دماغي ناشفه وعنيد ( عاوز الحَرق ) 😄 .. جِدي ابو والدي الله يرحمه .. مكنش يحب ياكل معايا !! رغم اني كُنت بحبه جدًا .. بس لو أكلت معاه في طبق واحد وليكن " رُز مثلاً " كان يقسم الطبق نُصين " !! نص ناحيتي ونُص ناحيته " !! ويقولي متقربش من النُص بتاعي !! .. أقوله ليه ؟! يقولي لانك مبتصليش !! والملايكه بتلعن وبتكره اي حد ياكل وهو مبيصليش والاكل اللي انت بتاكله دا دلوقت بيكرهك وانا محبش اكل حاجه بتكرهني و ربنا والملايكه يبغضوها .. طول ما انت مبتصليش انا هقسم الطَبق بينا .. كُنت ديمًا اتعمد اغسل راسي واقوله انا صليت علشان آكل معاه !! .. يكتشف برده اني مصلتش ويقولي بتكذب !! .. اسأله عن السبب ؟! يقولي وِشك مِضلم ربنا بينور وش اللي بيصلي ! قوم صلي .. ولما كنت اصلي كان يلغي القِسمه واكل معاه فـ طبق واحد بدون فُروق .. بلاش تخلي اللقمه اللي بتاكلها فـ رمضان تكرهك بسبب تركك للصلاه .. بلاش تخلي الملايكه وربنا يبغضوك بسبب تركك للصلاه .. بلاش تخلي نور وشك يختفي والنبي قال ان صلاة الفجر بتجعل في الوجه نور يحبب فيك اي حد يبصلك ! .. #صلاة_الفجر الله يغفر ذنبك وينور وجهك ويفرح قلبك ويحبك :)) !
    ==============
    بيقولوا الانسان لو حب ترتفع نسبة غبائه 50% .. ولو شاف اللي بيحبه صُدفه وكان الحُب من طرفه بس .. بتعلي نسبة غبائه 90% وممكن يقول كلام ف سره تلقائي من الصدمه زي " يالهوي يابا يمه .. ايه اللي جابه ف الشارع دا .. يا ارض انشقي وابلعيني وابلعي اللي خلفوني.. ولو ماشي معاه صاحبه يفضل يخبط فيه ويترجاه ميتكلمش .. وهي لو شافته ممكن تقرص صاحبتها من الكسوف ولو ممعاش صاحبتها ممكن تُقرص روحها 😂 ووشه يبقي احمر وحالته تصعب ع الكافر😂 .. بيقولوا برضه ان الانسان لو حب قوته وشجاعته بتزيد 200% وممكن يتحدي العالم علشانها او هي تتحدي الدُنيا علشانه .. بالرغم انك لو شوفتها صُدفه وهي خرجت من الشارع ممكن تشوط برجلك طوبه وتقول ياااااااارتني كلمتها يارتني قولتلها عاوز اتقدملك 😂 .. بس ف اللحظه دي شجاعتك بتكون 0% لان الطوبه اللي شوطتها .. وجعتك وفضلت تعمل حركات بهلوان و باليه من كُتر الالم والتنططه 😂 .. اذا الحُب لكل انسان مهما كان بيقويك فـ انت بشر غصب عنك بتتألم وتتعب وقوتك فانيه وضعيفه .. هو انا عاوز اقول ايه ؟ عاوز اقول ان البني آدم لو حب ربنا... بياخد من قوة الله في روحه ويبقي اقوي البشر ... جواه طاقه جباره .. إمرأه من الصالحات رجليها اتعثرت في طوبه وضافرها اتخلع فضحكت !! فقالوا لها كيف تضحكين وقدمك تنزف بالدماء !؟ فقالت : والله ان لذة ثوابه أنستني الالم .. ثواب الصبر ع الالم بتكفر الذنوب وتهون الوجع .. تعرف ان سيدنا عُروه بن الزبير .. جاله غرغرينا فـ رجله ف الاطباء قالوا لابد نقطع رجلك فورًا !! فقالهم اقطعوها وانا بأصلي لاني عندما اكون مع الله انسي الالم !.. وفعلاً قطعوها وهو بيصلي !! ولم يصرخ حتي صرخه !! عاوز تبقي قوي ؟! عندك مُتلازمه الخوف من كُل شيئ ؟! علق حٌبك وقلبك وحياتك بربنا .. هتبقي أقوي من اي حد !! انت قدها قوم لـ #صلاة_الفجر .. واستمد طاقتك من القوي ! خُدلك جُرعة يقين قوله يارب خليك جنبي .. ووالله هتبقي واحد تاني خالص .. وبالله عليك متنتظرش مُناسبه للمُصارحه بحُبك لان وقوعك فـ الحُب لوحده اكبر مُناسبه !! اٍشرب بريل واسترجل وروح اٍخطبها 😂 .. والف مبروك وماتنسوش الشربات والجاتو وساندوتش البسطرمه 😂.. سمعونا زغروطه 😂 !!
    #استقوي_بالله :) !
    #احمد_ايمن
                  

12-04-2018, 07:18 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    في ساعة فضفضه مع واحد دُفعتي .. بقوله ايه اغرب موقف مريت بيه في حياتك ؟! .. قالي تصدق بمين ؟! قولت لا اله الا الله .. قالي ف يوم كان عندي أرق .. الساعه ١ او ٢ بالليل .. اقوم اخد دش .. برضه قرفان .. مش عارف انام ولا مرتاح .. قولت انزل اتمشي شويه ف الشوارع .. عديت علي مسجد ع الطريق .. عربيه مرسيدس أحدث موديل واقفه قدامه .. وباب المسجد علي غير العاده كان مفتوح .. دخلت بهدوء .. حسيت براحه نفسيه عجيبه .. لقيت واحد لابس بدله ومتشيك .. وواقف بيصلي ورافع ايديه للسما.. وسامع شهقته ونهنهاتُه وعياطه .. بيقول اغفرلي ! معنديش غيرك اروحله يغفرلي .. ارجوك يا رب تغفرلي .. بيلح زي الطفل .. مكنش يعرف اني ف المسجد .. قولت اقعد شويه .. ركنت علي عمود المسجد .. اقسملك بالله النوم جاني ازاي معرفش .. اتخطفت .. حلمت اني في نفس المسجد .. ونايم نفس النومه وضهري للعمود .. وجالي واحد يصحيني .. بكل هدوء .. بصيت بإستغراب .. انت مين ؟! قالي : انا رسول الله .. وطيت علي رجله بوستها .. قالي قوم .. قول للشاب اللي بيصلي .. وبيدعي ربنا انه يغفرله .. رسول الله بيبشرك بالجنه وبيقولك : قبل الله توبتك و غفر ذنبك وجعلك كيوم ولدتك أمك .. واختفي ! .. صحيت من النوم جريت ع اللي بيصلي .. لقيته خلص .. قولتله اللي حصلي وازاي جيت المسجد وان ربنا جابني لحد هنا .. ونمت ف المسجد وجالي رسول الله في المنام وباعتلك رساله بيقولك فيها :ربنا قبل توتبتك وغفر ذنبك .. وانك جاره في الجنه .. لقيته بكي كأن ماتلُه حد وسجد .. وفضل يقول .. آآآآه آآآآه .. رحمتك يارب .. رحمتك يارب .. حضنته .. اتمنيت يكون عندي قلب رُبع قلبه .. جُزء من شعور الندم اللي عنده .. انضف شاب قابلته .. واغرب موقف صادفني وعشته .. وتوبت بسبب توبته ! #لحظة_ندم_وتوبه_صادقه :) !
    سيدنا سعيد بن المُسيب لما سألوه عن اعبد الناس .. اكتر بني ادم نضيف وبيحب ربنا .. قال : من تذكر ذنبه فإحتقر نفسه .. فإعلم انه اعبد الناس . !
    - سيدنا الفُضيل بن عياض كان بيقطع الطُرق ويسرق البيوت بالليل .. وف ساعة فجريه والدُنيا هُس خالص .. كان بيتسحب وبيجري ينط من علي سور عالي علشان يسرق بيت مُعين .. وهو بينط .. سمع الشيخ ف صلاة الفجر بيقول ( ألم يأنِ للذين آمنوا أن تخشع قلوبهم لذكر الله وما نزل من الحق ) مآنش الاوان يا مؤمنين بالله قلوبكم تتوب وتندم وترجع لربها بقي وتقرأ قرآنه وتتأثر بيه وتتوب ) بكي سيدنا الفُضيل وقال ( آآآن يارب آآآن يارب ) وتاب ف لحظتها . !
    - سيدنا علي قال : ما ألهم الله عبدًا الاستغفار الا وكان يريد ان يغفر له ) مفيش حد بيجي علي باله كلمة استغفر الله .. الا وكان ربنا حابب يغفرله ف لحظتها .. أستغفر الله 👐
    عشم ابليس ف الجنه .. دي كلمه بجد مش تهريج .. من كتر عدد البشر المهول اللي هيدخل مع بعضه الجنه يوم القيامه .. ابليس بنفسه هيفتكر ان ربنا هيرحمه ويدخله الجنه .. اوعي تيأس من رحمة ربنا .. هيغفرلك ويسامحك مهما عملت ولو ايه .. المهم انك تكون صادق دلوقت ف توبتك وندمك .. ومادام تبت عن ذنب ربنا مش هيسالك عنه اطمن .. لما صفحه تنطوي ربنا مبيقلبهاش .. ولو كان ذنبك كبير .. فالله أكبر .. رمضان فُرصتك .. ربنا يوميًا بيعتق رقاب من النيران .. ف ان شاء الله لو تبت وقولت يارب انا تبت ربنا هيتقبلك ويحفظك من النار .. تُبت اليك يارب .. علي كل ذنب عملته فاكره او ناسيه .. بقصد او بدون قصد .. صغير او كبير .. استغفر الله .. استغفر الله .. استغفر الله 👐☝️
    #احمد_ايمن
    ==============================

    بتشوف العروسه يوم فرحها وهي متصوره بالفُستان وواقفه ورا جوزها ومطلعه لسانها 😜 ؟! علي فكره هي متقصدش العِند هي تقصد ان بقي ليها ضهر بتتحامي فيه من الدُنيا .. لقت امانها .. لما اخوك الصغير يكون بيتضرب من حد فـ الشارع واول لما يشوفك جاي تنصره بيعمل ايه ؟! تلاقيه اشتد اوي وبدأ يضرب الولد اللي كان بيتضرب منه فقط علشان لقاك قُريب وهتدافع عنه .. شوفت مُحي الشَرقاوي ؟! لما كان واقف قُدام ابو موته .. ومحي ضخم بعضلاته الفشنك 💪.. فـ ابو موته اول لما شافه قال : هو الشرقاوي باعت لينا فاندام ولا ايه ؟! 😂💪وبدأ محي يقوله كِلمة السِر اللي كُلنا حفظينها .. يوم ورا يوم 💪 😂 .. محي الشرقاوي كان بتحامي ف عضلاته الوهميه صح ؟! ودي كانت مسبباله القوه انه يخوف اللي قُدامه ...طب انت ازاي تقوي علي الدنيا الصعبه دي ؟! اللي مينفعش يحميك منها حد ؟! سواء الهَم والغم والمشاكل والمرض وكل شيئ مُتعب ممكن تمر بيه ؟! ولله المثل الاعلي طبعًا : النبي قال من صلي الفجر فهو في ذمة الله .. يعني ايه ذمة الله ؟! يعني أمان الله وحمايته .. قوم اتحامي فـ ربنا وحس انه واقف جنبك فـ ضهرك وهيحميك ووالله لو نزلت صاعقه من السماء بعد لما انت تصلي الفجر ما هتصيبك بسوء ولا هتلمسك !! لانك فـحماية ربنا الاقوي من اي شيئ .. #صلاة_الفجر الله يقويك ويحميك من كُل شَر وصعب .. يوم ورا يوم ؟! 😄😂
    #احمد_ايمن
                  

12-04-2018, 07:19 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    النبي قال ( لخلوف فم الصائم اطيب عند الله من رائحة المسك ) .. يعني ريحة بوقك دلوقت وانت صايم احلي واجمل عند ربنا من رائحة المسك !
    #ربنا_بيحبك :))
    =====================
    الكراسه الصفره 😄😂✌️
    وهسدد فلوسك يا نعيم 💪😂✌️
    #الجدول .:))
    - ارجوك متقولش البوست طويل وتكسل لعله رساله من الله ليك ويكون هو مفتاح الجنه ورضا الله عليك اقسملك بالله .. اقرأ ولو لاول مره بوست طويل ! :))
    - انا عاوز البوست دا ينتشر فـ الفيس كُله .. شير يا شباب او كوبي وخُدوا الثواب .. وياريت تجيب ورقه وتكتب الكلام دا هينفعك جدًا وهو دا زاد السفر في باذن الله :))
    كُل عام وانتم طيبين رمضان خلاص جانا 😃 .. ودا جدول باذن الله نمشي عليه فـ رمضان مع بعض .. :))
    - قبل اي شيء اعرف انك بتتولد من جديد .. انسي بقي انك كنت عاصي او فاجر او او بلا بلا بلا .. انت دلوقت بتبدأ صفحه جديده مع ربنا علي طهاره .. :))
    - النبي قال : اذا جاء رمضان فُتِّحَت ابواب الجنه وغُلقَّت ابواب النار .. حس الجنه قريبه منك اوي خُد نفس عميق وشِم ريحتها كأنها قريبه جدًا جدًا ليك :)) .. هقولكم كذا حديث جمعتهم من الصحاح عن فضل رمضان وبعد كدا نبدأ فـ جدولنا باذن الله 😄 ♥
    - اولاً : من صام رمضان ايمانًا واحتسابًا غُفر له ما تقدم من ذنبه : لو انت صومت ل ربنا مُش عشان دي عادات وتقاليد واحتسبت الثواب والاجر عند الله : مبروك عليك : كُل ذنوبك اللي انت عملتها زمان اتمسحت .. طب انا عملت كبائر !! .. اتمسحت !! اتمسح كُل شيئ اتمسح لو صومت رمضان كامل .. والستات ليهم نفس الثواب حتي ولو فطروا بعُذر شرعي : متقلقوش 😄 !
    - طب واحد يقولي افرض ضاع مني ليله ف رمضان ومصومتش بجد وعملت ذنب بالنهار او مصلتش فرض مثلاً ؟! ساعتها ضاع عليا ؟! اقولك لاء !
    - النبي قال: من قام رمضان ايمانًا واحتسابًا : غفر الله له ما تقدم من ذنبه : يعني لو صليت التراويح وركعتين بالليل لله : مبروك عليك جميع ذنوبك اتغفرت .. مهما كانت :))
    واحد يقولي طب افرض ضاع مني ليله ف رمضان مقومتش فيها للصلاه بالليل ؟! ضاع مني الغُفران ؟!
    اقولك لاء ! النبي قال : من صام ليلة القدر ايمانًا واحتسابًا غًقر له ما تقدم من ذنبه وليلة القدر في اخر 10 ايام ودي هنتكلم عليها لو انا عِشت باذن الله وعن مواصفتها ونعمل ايه فيها عشان نكسبها .. :))
    - وكمان النبي قال : للصائم عند فطِره دعوه لا تُرد .. يعني وانت بتقربع كُوباية العصير ع الفطار قول اللي نفسك فيه وربنا هيحققهولك : حتي ف القران لما ربنا قال : ادعوني استجب لكم " قال الايه دي بعد آيات الصيام ويكأن الله بيقولك لو عاوز فعلاً احقق حلمك ؟! بانك تتجوز شخص معين او اي شيء نفسك فيه .. صوم وادعي وانت بتفطر .. !! :))
    - النبي قال : لله عُتقاء كُل ليله في رمضان : تخيلي تكوني انتي ربنا قال عليكي فُلانه بنت فُلانه عُتقدت من النار ؟! وربنا لما يعتق حد يستحيل يأثره تاني ف النار لانه كريم .. قول ايوه انا يارب اختارني يارب ارفع راسك وقول اختارني يارب انا هصوم بجد .. !!
    -النبي قال : ان رمضان شهر البركه ف كُل شيئ حتي ف الطاعات .. لو عملت خِصله من خِصل الخير يعني لو شلت طوبه من الشارع حطتها ف جمب .. كأنك عملت فريضه .. يعني هتاخد عليها ثواب حجه مثلاً تخيل ؟! طيب واللي يعمل فريضه زي الصلاه ؟! كأنه أدي 70 فريضه : يعني لو صليت العصر : كأنك صليت 70 عصر !! اضرب فـ 30 يوم رمضان ؟! يعني تقريبًا كأنك صليت 2100 عصر !! يا الله ؟! يعني تقريبًا كأنك صليت ٦ سنين متواصل العصر :))
    - وكمان النبي قال حديث : ان الجنه لتتزين من السنه الي السنه ف رمضان .. لان في ناس بتتكب من اهل الجنه ... فـ الجنه بتتزوق عشانهم .. وتقول لربنا يارب إجعل لي من عبادك في هذا الشهر سُكانا ! ياسلام .. عارف العروسه لما تبقي ليلة فرحها مُش بتحط ميك اب وتلبس احسن فُستان علشان تستقبل عريسها ؟! اهو انت العريس وعروستك الجنه .. وكذلك البنت عريسها بيلبس اشيك بدله وكأنك عروسه وعريسك جنة الله .. ياسلام مُتخيل معايا المشهد وباب الجنه مفتوحلك وربنا بيقول اٍدخل ؟! ياسلام شِدوا حيلكم يا جماعه قسمًا بالله بكتب وانا ببكي 😊
    - النبي قال : من افطر صائمًا : كان له مثل اجره .. يعني اعطيت لحد كوباية ميه وقت المغرب يفطر عليها هتاخد نفس ثوابه وثوابه هيفضل زي ماهو .. حتي ولو فطرت اخوك مُش شرط حد غريب :))
    - والاخيره : النبي قال : ان ربنا بيفرح ودي اجمل حاجه .. ربنا بيفرح اوي اوي بينا يا جماعه ويباهي بينا الملايكه ويقول يا ملائكتي : عبدي ترك طعامه وشرابه وشهوته من اجلي : اشهدوا يا ملائكتي .. اني قد عتقته من النار .. ياسلام يارب اسيب كُل شيئ علشانك ولو حياتي هعبدك بكل نبض في قلبي ونُقطه ف دمي ..طب واحد يقولي يعني لو ربنا اعتقني من النار منا ممكن اعصي بعد رمضان : ربنا لما يعتقدك هيجعلك كويس ويجعل كل عملك بعد كدا خير ولو غلطت هتتوب هيثبت قلبك علي طاعته :)) .. ربنا بيقولك انا هغفرلك يعني ههغرلك !! 😄😂 رمضان يا جماعه فُرصة العاصي والصالح .. فُرصتنا جميعًا .. متقوليش ان رمضان للشيوخ او التُقاه ربنا مبيفرقش المهم اللي يسابق والسباق بدأ من النهارده في صلاة التراويح .. حاول توصل لعل الله يختارك :))
    نبدأ ف الجدول :
    - اولاً اهم شيئ النيه : وانك بتصوم لربنا وقول يارب نويت اصوم رمضان كامل عشانك .
    - ثانيًا : تنوي التوبه والاقلاع عن الذنب نهائيًا ..
    - ثالثًا نبدأ باذن الله .. هتصلي الفجر وبعد الفجر تقول اذكار الصباح وخُد بالك الفجر ب 2100 فجر ف الايام العاديه .. يعني اظن ميضعش منك بالله عليك .. وبعد الفجر تقرأ قُران : النبي قال الحرف بعشر حسنات " يعني لو قولت : ألم .. بـ 30 حسنه .. تخيل ؟! طيب ف رمضان ؟! اضرب 30 في 70 !! يعني ٢١٠ حسنه طيب الجُزء في كام حرف ؟! حوالي ٧٠٠٠ حرف .. نضربهم في ١٠ ؟! لان الحسنه بعشر امثالها ف الايام العاديه .. يعني ٧٠ الف حسنه .. طيب في رمضان ؟! نضرب في ٧٠ .. يعني ٤ مليون و٩٠٠ ألف حسنه تخيل عدد رهيب ياصديقي من الحسنات والله يُضاعف لمن يشاء .. طيب اقرأ قد ايه ؟! انا مش عاوزك تقرأ كتير قد ما تفهم معانيه .. بمعني ؟! هنختم القرآن مره واحده بعيدًا طبعًا عن التراويح .. طيب يعني اقرأ قد ايه ؟! اقرأ بعد الفجر ٤ صفحات .. بعد الضهر ٤ .. المغرب ٤ .. العشاء ٤ .. بكدا هتختمه مره .. عاوز تختمه مرتين يبقي ٨ صفحات بعد كل صلاه .. طيب في كلام او آيات بتقف قدامك معانيها .. سيبهالي ف كومنت وانا هفسرهالك باذن الله طبعًا بعد الرجوع لاراء العلماء .. طيب دا بالنسبه للقران .. والصلاه ؟! انت سهران للفجر صلي الفجر واقرا قران هتنام خلينا واقعيين .. قول هتصحي بعد الضهر بساعه تصحي تصلي الضهر وتقرأ ٤ صفحات من القرآن .. خلي بالك اي عمل بتعمله ولو بسيط بتاخد عليه ثواب يعني تذكر الله ١٠٠ مره .. تستغفر ١٠٠ جبال من الحسنات هتجيلك .. طيب وصلت للعصر مثلا لو هتساعد اهل بيتك وبرده هتاخد ثواب كبير .. هتسمع برنامج ديني لاي داعيه محترم ... وبعد كدا قبل المغرب تحضر السُفره .. وهتفطر باذن الله ..
    - خُد بالك اننا قولنا : لو فطرت صايم ليك ثوابه .. اذا اقف قدام البيت واعطي الناس تمر وميه وتاخد ثواب اي يفطر علي ايدك .. طيب الستات مشغوله ف البيت بتطبخ بصي يا امي او يا اختي : كون انك تشاركي ف صناعة طعام اهل بيتك اذا انتي ليكي نفس ثواب صيامهم .. تمام :)) ..
    - طيب بيجيلك ايام عليكي الحيض مبتصوميش او تصلي متقلقيش ربنا هيعطيكي ثواب الصيام والصلاه .. طيب عاوزه اقرا قران ومينفعش اقراه وانا حائض : اقرايه من الموبايل ببرامج القران : يجوز .. طبعًا دا راي اهل العلم مش رايي لوحدي .. تمام اكلت وكرشك اتحمل بنجاح الحمل لله 😄😂 .. بالله عليك متقلش ف الاكل حاول تاكل خفيف وطبعًا ولا كأني قولت النصيحه دي 😄😂 ،.. هتصلي المغرب طبعًا .. الاذان يأذن تاكل اي حاجه وتصلي .. تمام .. طبعًا حاول متخليش حاجه تعطلك عن الطاعه بالله عليك قلل ال Tv .. تمام :))
    - هتنزلي وانت كمان هتنزل بعد شويه تصلوا العشاء والتراويح وابوس ايدك متقولش هصلي ف المسجد اللي بيخلص بسرعه .. 😄 .. اختار مسجد بترتاح لُه وشيخ صوته مُريح وتمعن القران .. وطبعًا قولتلك بعد كل صلاه ٤ صفحات من القُران .. تمام بعد التراويح .. اقعد مع اهلك اخرج مع صحابك .. وانتوا قاعدين اذكروا الله .. طلعوا صدقه لله هتاخد ثواب عظيم .. هتقعد ع النت شويه مثلاً وحاول متعصاش ربنا بالله عليك علشان الشيطان متسلسل ملكش حجه .. رن علي صحابك هنيهم برمضان :))
    - قيام الليل .. مش انا قولتلك لو صليت القيام ربنا هيغفرلك كل ذنوبك ولو جبال سيئات ،! القيام من الساعه ١ بالليل صلي ولو نص ساعه .. افتح المصحف واقرأ ولو صفحتين .. ف كل ركعه .. هما ركعتين .. واقرا بعدهم آية الكرسي .. واذكر الله وقول سبحان الله والله اكبر ٣٣ مره .. تمام .. بعد كدا لو هتقعد ع النت شويه هتذاكر شويه لو ثانوي عن تجربه اعظم وقت للمذاكره بعد صلاة الفجر رائع يا صديقي .. طيب انت صليت القيام وذكرت الله واخدت ف اول يوم حوالي ١٠ مليون حسنه تخيل ؟! لعلك تكون من الناس اللي ربنا عتقها من النار وغفر ذنوبها انا عن نفسي غرقان في الذنوب ورمضان فرصتي وفرصتك ..:))
    - طيب بعد شويه .. السحور تصحي اهلك ولا اقولك متصحهمش كدا كدا صاحيين ؛D .. تتسحروا وقول انك هتتسحر علشان تقلد النبي ... هتاخد ثواب .. اعطي لامك ميه قبل الفجر واهل البيت .. اه ياريت تاكل علي السحور( موزه .. او تمر .. او خيار ) بكدا مش هتعطش خالص باذن الله .. لان التمر والحليب والموز فيهم بوتاسيوم والبوتاسيوم بيمنع العطش .. تمام :)) .. احمد ايمن بتاع جداول رمضان وأخصائي طعام لحد لما يجيبوا اخصائي 😂 ..
    - بعد السحور تصلي الفجر.. خد اختك معاك المسجد او مراتك .. واكسب ثوابهم .. النبي قال لا تمنعوا إماء الله من بيوت الله .. متمنعش ستات اهل بيتك من الصلاه في المسجد ! :))
    - عيش بقي حياتك بطبيعه اضحك هزر اخرج ولكن طيع ربنا سبحانه وتعالي ف اهلك وتعاملك ولسانك وقاوم شهوتك واستغل رمضان ارجوك لانه فرصتك .. ( القران .. الصدقه .. الصلاه .. بر الوالدين .. القيام .. ذكر الله والصلاة علي النبي .. وافطار صائم ) .. الله يصلح حالك .. باذن الله ربنا هينادي باسمك ويقول : فلان بن فُلان او فُلانه بنت فُلان غُفرت ذنوبها وعُتقت من النار .. الله الله الله الله يابختك يابختك بجد .. رمضانك كله بركه .. ومغفوره جميع ذنوبك باذن الله .. اكتب الكلام دا وامشي عليه وان شاء الله هكون جنبك باستمرار :)) .. ربنا يكرمك يارب ويرضي عنك ^_^
    #كل_عام_وانتم_طيبين ☺️❤️ ..
    #احمد_ايمن
                  

12-04-2018, 07:20 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    - واحد صاحبي دكتور علم نفس .. مراته اسلوبها طيب جدًا قمة الاحترام ولو دخلت ضيف مع جوزها .. تشيلك فوق دماغها .. بقوله ماشاء الله زوجتك ذوق جدًا ربنا يحفظها .. قالي تعرف .. مكنتش كدا نهائًا .. كان ممكن يجيلي صديق تدخل وتنام ومتجبلناش واجب .. تهملني ف الاكل والسؤال .. عصبيه بطريقه غريبه .. لدرجة اني طهقت وقرفت وقررت الانفصال .. لكن قولت ليه ميكونش العيب مني ! مراتي زي الزهره .. ليه مسقيهاش .. يمكن دبلانه من قلة الاحتواء ليها فبتجرح زي الزهره الدبلانه الناشفه .. بقيت اقعد مع اهلي وهي موجوده واقول مراتي زي التاج والله بحس اني ملك طول مهيا في حياتي .. الله يحفظها .. دي اكلها تحفه مبدوقش اطعم منه ربنا يبارك ف عمرها .. لما بيجيلي حد بتشرفني وتقدمله اعلي واجب .. يوميًا علي كدا امدح فيها ف بوست ع الفيس .. قصاد اهلي .. مشتكيهاش لحد ومخرجش سرنا بره .. بنصحها بكل هدوء بس بطريقه غير مباشره .. بنت اللذينه اتغيرت .. لقيتها جايه ف ليله بتبوس دماغي وانا تعبان وسهرانه علي الارض جنبي .. بتهتم بنفسها .. بتعتذرلي كتير علي تقصيرها بتهاديني .. اكتشفت ان النصيحه بهدوء والمدح واني اذكر قيمتها ومنكرهاش .. اقرب سبيل لاني اسرق قلبها .. وتبقي زي ما انت شايف .. مشرفاني ورافعه راسي .. سكرك قد ايه يا احمد ؟! قولتله ٣ معالق .. قالي ثواني واعملهولك .. قولتله ومراتك ؟! قالي انت عاوزها تطردنا ! اصحيها ١٢ بالليل تعمل شاي ! دي بتنام بدري ياعم 😂😄 .. قولتله الله الله .. نصايحك عامله شُغل 😂 .. قالي ياعم بهزر دقيقه وتلاقيها جايبه الشاي :))
    -
    قالولي مره ان شاب كان بيصلي في المسجد ف موبايله رن .. الناس زعقوله وجرحوه .. مدخلش المسجد تاني !! ..
    - وشاب غيره كان ماشي ف الطريق فغصب عنه خبط في صنية شاي علي القهوه ف كسر الكُبايات اللي فيها .. صاحب القهوه ضحكله وقاله فداك ١٠٠ ألف كُبايه .. الشاب بقي زبون دايم علي القهوه .. بسبب اسلوب صاحب القهوه !!
    - الامام احمد بن حنبل دخل عليه بالليل حرامي وهو بيصلي ف بيته .. عمال يدعبس ف الكراكيب ويدور مهواش لاقي اي حاجه .. الامام احمد خلص صلاه وقاله : ملقتش حاجه من الدُنيا في البيت .. ايه رايك لما يبقالك نصيب من جنة الاخره ؟! قاله ازاي .. الامام احمد ضحكله وقاله الاول تتوضي وتصلي .. علمُه الوضوء والصلاه .. وخلاه يصلي ركعتين ونصحُه بكل طيبه .. الفجر أذن .. خرجوا سوا للصلاه .. الناس شافوا الحرامي والامام احمد معاه .. اتعجبوا .. معقوله !! بيعمل معاك ايه الراجل دا يا امام ؟! .. قالهم : جه يسرقنا .. فسرقنا قلبُه ! .. بحُسن الاسلوب وبالطريقه سرق قلبه .. ممسكش عصايه ونزل فوقيه ضرب .. او شتمه او بلا بلا بلا ..
    - واحد راح لسيدنا عُمر بن عبد العزيز وقاله هنصحك نصيحه بس شديده شويه ممكن تقبلها ؟! قاله متنصحنيش ومش هقبلها ! دا ربنا قال لسيدنا موسي ينصح فرعون بقول لين وطيب وهو طاغيه وفاجر .. تيجي انت تنصحني بعُنف وانا موحد بالله ؟!
    - لما راح شاب للشيخ الغزالي وقالي ايه حُكم تارك الصلاه ؟! .. الغزالي رد عليه رد صادم .. قاله حُكمه أن تأخذه معك الي المسجد !
    - ولما شاب مراهق في سن العشرينات .. راح للشعراوي وقاله انه حلال نفجر اي ديسكو او بار ليلي باللي فيه .. لانهم فجره عُصاه .. الشعراوي قاله الشيطان عاوزهم يدخلوا النار ولا الجنه ؟! قاله النار طبعًا .. قاله وانت عاوز تفجرهم وتموتهم وهما علي معصيه وتدخلهم النار وتساعد الشيطان !! الاولي انك تنصحهم وتدعيلهم بالهدايه !
    النصيحه ياجدعان .. إحنا داخلين علي رمضان ،، ناس كتير هتتكلم في الدين وهتنصح .. ف بالله عليك وانت بتنصح حد .. إنصحه بهدوء .. بإبتسامه .. بينك وبينه ومتجرحهوش !! النبي صلي الله عليه وسلم مكنش بيجرح حد .. ويستحيل كان يتكلم في الدين وينصح إلا وهو مُبتسم ! فاكر سيدنا الحسن والحسين لما لقوا راجل عجوز بيتوضي غلط .. مقالوش له ايه الجاهل دا ! ولكن قالوله احكم بينا وشوف مين بيتوضي احسن .. ولما اتوضوا قالهم والله انتم الاتنين بتتوضوا صح وانا الغلط ! نصحوه بدون ما يجيوا علي مشاعرُه او يقللوا منه .. علي راي احد العلماء بيقول : بُلينا بقوم يعتقدون أن الله لم يهدي غيرهم ! .. الامام الحسن البصري قال اذا نصحتني علي الملأ ( قصاد الناس ) تبقي بتفضحني ! واذا نصحتني بيني وبينك ( تبقي فعلاً بتنصحني ) اذًا اختار كلامك .. نقي اسلوبك .. لان فعلاً والله في ناس من طريقة كلامها ونصيحتها .. بتخلينا نعمل الغلط وضميرنا مرتاح !
    #بحُسن_الوعظ
    _تمتلك_القلوب ❤️
    #احمد_ايمن .
                  

12-04-2018, 07:21 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    الناس اللي بتمتحن او بتحلم باي حلم وبتتمني يتحقق .. البوست دا علشانكم :)) !
    إمام من علماء المسلمين .. كان عنده جار عاصي .. فاجر .. مسابش اي ذنب الا وعمله .. خمره .. زنا .. كل شيء .. الامام كل لما يقابله ينصحه .. ياعم يهديك يرضيك توب .. الراجل مافيش فايده معصلج واللي ف دماغه ف دماغه .. الامام زهق وتعب منه .. فسابه ومبقاش ينصحه .. يوم والتاني .. الإمام سمع عياط وصويت .. جاره مات !! طلبوا من الإمام يصلي عليه صلاة الجنازه .. مرضيش .. راجل فاجر عاصي بيشرب خمره ليل نهار .. عمري ما هصلي عليه .. وفعلاً مصلاش عليه .. يومها بالليل بعد لما دفنوه .. الامام شافه في الجنه .. مبسوط .. ساكن في قصر وعلي احسن حال .. استغرب جدًا !! معقوله ؟! الراجل قال الامام .. الحمد لله ان الحساب مهواش بايدك .. وانه بايد ربنا .. اكرمني ودخلني جنته .. صحي الامام ولبس عبايته وجري علي بيت جاره .. خبط ع الباب فتحتله زوجة الميت .. قالها انا شوفت جوزك ف الجنه .. هو كان بيعمل ايه كويس ف حياته ؟! قالتله ولا اي حاجه .. غير انه كان يشتري حلويات ويعطيها للاطفال الايتام ويديلهم فلوس ويدعي لنفسه بان ربنا يحقق مُناه ويدخله الجنه ويطلب منهم يدعوله ولان الدعوه وقت ما بنطلع الصدقه بتكون مُستجابه .. ربنا قبل دعوته وحقق اللي اتمناه واكرمه بجنته !
    مهما بلغت ذنوبك .. مهما بلغ تقصيرك .. ربنا مش ناسيك .. ٢ جنيه لاي طفل او مسكين وادعي لنفسك وانت بتتصدق بيهم .. الدعوه وقتها بترشق ف السما علي طول .. وتُستجاب .. ساعتها ربك هيرضي عنك ويوفقك .. ممكن تشوف الدنيا ملعبكه وخربانه خالص .. بس عند ربك بتبقي محلوله ومتصلحه وعال وتمام .. خُد نيه انك اول لما الصبح يشقشق تاخد اي مبلغ ولو جنيه وتديه لحد غلبان صدقه .. وادعي وقتها باللي نفسك فيه ووالله والله هيبقي من نصيبك .. متقلقش هتفرج وتعدي وتبقي عال وكل حاجه تمام ومقدور عليها .. مادام رميت حمولك علي الله اذًا متقلقش .. ربنا يغفرلك ويحقق حلمك وينحك ويسعد قلبك وميكسفكش ابدًا قادر يا كريم :)) ..
    =======================
    راكب في المواصلات وفجاه الميكروباص وقف بينا بسبب الزحمه .. يادي النيله .. الجو حر وعاوز اروح .. نزلنا وقفنا ف الشارع .. هوب لقينا خناقه بين اتنين شباب وواحد منهم طلع مطوه ! .. فورًا جري ابو الشاب اللي ممعاهوش مطوه وضرب ابنه وشتمه وقاله انجر قدامي .. واعتزر للشاب اللي بيتخانق مع ابنه وقاله حقك عليا يابني .. الراجل وابنه ركبوا معانا .. قاله يابني انا مضربتكش عشان بكرهك انا ضربتك علشان خايف عليك يضربك بالمطوه يموتك .. فمن عشمي فيك عملت كدا .. متزعلش .. بس انت هتتحملني وتفهم .. اما هو لا هيفهم ولا هيتحمل .. وباس راس ابنه قدامنا ..
    ف اللحظه دي افتكرت موقف من القرآن الكريم .. لما سيدنا موسي قال لقومه انه هيسافر يكلم ربنا لمدة ٣٠ يوم ويرجع وقالهم يستنوه .. وخلي سيدنا هارون اخوه .. هو الزعيم بتاعهم والمسؤل عنهم .. سيدنا موسي اتأخر ١٠ ايام كمان فوق ال ٣٠ يوم .. قعد ٤٠ يوم .. ف الفتره دي قوم سيدنا موسي قلقوا وقالوا سيدنا موسي مش هيرجع ولان منهم كتير ضعاف الايمان .. قرر نحات بارع من وسط بني اسرائيل انه يصنع ليهم عجل يعبدوه .. وفعلاً صنعه من الدهب .. وبني اسرائيل سجدوا للعجل وعبدوه .. وبعد ٤٠ يوم رجع سيدنا موسي .. اتصدم .. بقي يضرب كف علي كف !! مش مصدق اللي شايفه .. معقوله !! قومه اللي ربنا شقلهم البحر ونجاهم من فرعون وخلي العصايه تتحول تعبان قدامهم .. يكفروا بيه ويعبدوا عجل !! .. جري سيدنا موسي علي اخوه هارون و مسكه من دقنه وجرجره منها بكل قوته !! وقاله ازااااي تسيبهم يعبدوا العجل ؟! !! شوف ربنا وصف المشهد ازاي بين سيدنا هارون وسيدنا موسي .. قاله : ما منعك إذ رأيتهم ضلوا ألا تتبعني !! أفعَصَيّتَ امري ؟! ) !! انت ايه اللي منعك انك توقفهم عن عبادة العجل .. انت عصيت اوامري ووصيتي ليك بالمحافظه عليهم ؟! .. رد سيدنا هارون وقاله ( يا بن أُم لا تأخذ بلحيتي ولا برأسي .. إني خشيت ان تقول فرقت بين بني اسرائيل ولم ترقب قولي ) يا اخويا يابن امي متشدنيش من دقني ولا راسي انا خوفت تقول اني فرقت بينهم لو عارضتهم بالقوه .. لان كدا هتحصل حرب شديده بينهم فقررت السكوت لحد لما ترجع وتشوف حل !! .. سيدنا موسي سابه وقام لف وشه وبص للنحات اللي صنع العجل .. وقاله بدون ما يلمسه .. ما خطبُك ؟! انت ايه حكايتك ؟! .. وبعد لما شرحله حكايته وانه كفر بالله .. سيدنا موسي طرده بدون ضرب او شتيمه !! .. مع انه ضرب اخوه ! بس ضربه وجه عليه من عشمُه فيه وانه غالي قوي عنده !
    هنا بقي انا عرفت الراجل ضرب ابنه ليه .. العشم .. العشم يا جماعه .. الواحد لما يكون له حد غالي عليه من عشمه فيه بيتصرف بطبيعته بدون حساب .. اما لو حد غريب بيتصرف بحدود وحذر.. لكن لو حد قريب ليك سواء صاحب او حبيب .. تلاقيه ينصحك بقوه .. يهزر بتلقائيه .. اقرب مثال لو جبت كيس شيبسي وعزمت علي حد غريب او زميل عادي .. هيبتسم ابتسامه صفره ويقولك متشكر ومش هياخد غير واحده دا لو خد اصلاً .. انما لو جيت تدي لواحد صاحبك او واحده صاحبتك جيتي تعزمي عليها .. هتمسك كيس الشيبسي كله من قبل حتي ما تفكري تقوللها خُدي .. وابقي قابليني لو طولتيه تاني 😂 ! اذًا هنا الفرق بقي .. انا اعرف ناس بتقولي ان لما اصحابهم بيعاملوهم باحترام وحدود بيعرفوا انهم زعلانين منهم وفي حاجه غلط 😂 ! .. اذًا .. لو عندك حد بتتعامل معاه بشخصيتك الطبيعيه بدون خوف من رد فعله او تفكر ف الكلمه قبل لما تقولهاله .. اوعي تسيبه ابدًا .. لانه كنز صعب تلاقيه ف العمر مرتين :)) !
    #العشم ❤️ !
    احمد ايمن
    =====================================

    #إنا_لله_وإنا_إليه_راجعون ☝️
    كلنا طبعًا عارفين ان الجن والرياح ربنا سخرهم لسيدنا سليمان يتحكم فيهم زي ما يحب .. وفي يوم كان سيدنا سليمان كان قاعد مع الوزير بتاعه .. فدخل عليهم راجل غريب وسلم علي سيدنا سليمان واتكلم معاه .. بس الراجل طول مهو بيكلم سيدنا سليمان .. كان عمال يبص للوزير بذهول ويبرقله بنظرة استغراب وعنيه مفنجله ! .. وبعد لما خرج الراجل من عند سيدنا سليمان .. الوزير سأل سيدنا سليمان وقاله : يا نبي الله .. من هذا الرجل الذي كان عندك ؟! فوالله قد افزعني منظره .. نظراته خضتني !! ..سيدنا سليمان قاله دا ملك الموت .. بيجيلي ديمًا يزورني لكن بيظهر علي شكل بشر .. ف الوزير اترعب وجسمه اتنفض .. وقال لسيدنا سليمان .. ارجوك تخلي الرياح توديني لابعد مكان في الهند علشان ميقدرش يوصلي ! .. فسيدنا سليمان امر الرياح فشالته وودته للهند .. تاني يوم جه ملك الموت لسيدنا سليمان .. سيدنا سليمان قاله انت خوفت صاحبي امبارح من نظرتك ليه !! .. ايه السبب انك تبرقله !! .. رد ملك الموت وقاله : لما دخلت عليك امبارح ولقيته معاك قبل الضهر استغربت !! لان ربنا امرني اني اقبض روحه الضهر في الهند .. فسيدنا سليمان قاله وعملت ايه ؟! قاله خرجت من عندك وسافرت للهند .. فلقيته زي ما ربنا كتب بالظبط .. موجود في الهند .. منتظرني .. فقضبت روحه !!
    تعددت الاسباب والموت واحد .. ربنا بيقول : لكل اجلٍ كتاب .
    ربنا يرحم اموات الطياره المنكوبه .. ويرزقهم اهل خير من اهلهم وديارًا في الآخره خير من ديارهم في الدنيا .. ويحسن خاتمنا جميعًا .🙌
    وزي ما دعتلهم بالرحمه وخليت غيرك يدعليهم ربنا هيسخرلك اللي يدعيلك بالرحمه ويخلي غيره يدعيلك وباذن الله تكون دعوة الناس ليك سبب في رحمة ربنا بيك يوم القيامه :))
    فيارب احينا سُعداء وامتنا شُهداء .. وابني لنا يالله بيوتًا في الفردوس الاعلي .. بجوار حبيبك محمد .. سيد الخلق و خاتم الانبياء 👐
    ==============
    الشخص اللي بيتقرب من الله وقت امتحاناته او اي ازمه بيمر بيها مهواش انسان مُتناقض او اٍنسان وِحش !! .. هو فقط عارف اٍنه ملوش ملجأ او ضَهر يتسند عليه غير الله القادر علي كُل شيئ ... وربنا لما قال اٍدعوني استجب لكم .. مقالش ادعوني يا مُلتزمنين او يا مُتدينين !! ربنا بيخاطب جميع عباده ويقولهم قربولي وقت شِدتكم واحتياجكم ومتقلقوش انا هسمعكم واحقق اللي نفسكم فيه لانه كَريم . بس خليك جدع بقي ومتنساهوش لما يفرجها عليك ويِحل أزمتك ^_^ ♥
    #الله_يباركلك ..
    ===================
    من الحاجات المُبهجه اللي يستحيل انساها طول حياتي وهحكي لاولادي عنها باذن الله .. شاب عنده ١٩ سنه .. كُل ما برجع من أجازة الجيش .. الاقيه واقف مستني قبل معاد وصولي القاهره في موقف عبود .. ولما اوصل .. يصمم وراسه و الف سيف يشيل شنطتي بالعافيه .. ويمشي معايا لحد مكان وحدتي ف الجيش .. ولأني بنزل كل 15 يوم .. بيعد الايام .. وفـ اليوم ال 15 الاقيه واقف قُدام المُعكسر مستنيني اخرج بتصريح الاجازه .. ويوصلني للموقف ويمشي .. ياعم ليه بتعمل كدا ؟! انا مستاهلش .. يقولي لأني بحبك .. و هفضل اعمل كدا لحد لما تخلص جيش .. اللي بيحب حد يا بشمهندس بيعمل علشانه اي حاجه بدون كسوف او خجل !
    الجو حر .. وكأنها نار جهنم ف الجو .. الشمس طالعه ف السما بكل قوتها وعزمها وجبروتها .. وقتها كان النبي مهاجر من مكه للمدينه هو وسيدنا ابو بكر .. سيدنا ابو بكر ريقه ناشف .. والنبي برضه عطشان .. سيدنا ابو بكر اتصرف وجاب شوية لبن ف قِدره صغيره .. مترددش ثانيه وقال للنبي اشرب يا رسول الله .. مسكها النبي ورفعها علي بُقه .. سيدنا ابو بكر بيقول : فشرب النبي حتي ارتويت ! من كُتر ما بيحب النبي زي نفسه ! حس ان اللبن نزل في ريقه مش ريق رسول الله .. ومش بس كدا دا .. بيقول حتي ارتويت .. لحد لما شبعت ع الآخر ! وكأنه هو اللي شِرب مُش النبي !!
    سنة 1967 حصلت معجنه في نيجيريا .. حرب اهليه .. أهل نيجيريا مقسومين نُصين وبيطربقوا ف بعض .. لكن حصلت حاجه عجيبه .. فصيل من الفصيلين اللي بيتعاركوا .. طلب من الفصيل التاني .. انهم يعملوا صُلح لمُدة 48 ساعه ويأجلوا الضرب !! ليه بقي ان شاء الله ؟! لأن كان في ماتش كوره للاسطوره البرازيلي " بيليه " في مدينه من مُدن نيجيريا اسمها " لاجوس " ..من كُتر حُبهم لبيليه .. وقفوا الحَرب وقعدوا سوا ف المُدرجات وبقوا يشجعوا ويحضنوا بعض وكأنهم زي السمنه ع العسل ! .. رغم انهم اعداء الا ان حُبهم لشخص معين نساهم خلافهم !!
    واحد من علماء المسلمين العظماء جدًا اسمه ( ابراهيم بن أدهم ) .. كان مسافر مع ٣ اصحابه لبلد بعيده .. وهما في الطريق دخلوا يناموا في مسجد مهجور وبابُه مخلوع وكان الجو برد زي الرصاص .. التلاته ناموا .. وابراهيم بن ادهم وقف مكان الباب طول الليل .. صحيوا من النوم لقوه بيعطس وعنده زكام وعنيه حمره دم .. قالوله لم تنم ؟! شكلك منمتش !! قالهم البرد كان شديد فخوفت عليكم منه فوقف مكان الباب علشان امنع الهوا يوصلكم !! من شدة حُبه ليهم وقف طول الليل ف عز التلج اكتر من ١٤ ساعه علشان ميجيش عليهم نسمة برد تسقعهم وتتعبهم !!
    الحُب بيصنع المُعجزات .. متسألش دا بيحب فلان ليه .. شيء ربنا حدفه ف قلبه جعله يحبه لا اراديًا .. كل مشاكلنا تقريبًا بسبب قلة الحُب والتضحيه .. اللي بيحب حد بيتنازل .. بيضحي .. بيحس اللي بيحبه في الله حته من لحمه .. بيحبه زي نفسه .. تعرف ان سيدنا عمر قال ان مافيش نعمه بعد الاسلام اعظم ولا اجمل من انك تلاقي حد يحبك لله في لله بدون مقابل .. امسك فيه ب ايديك وسنانك لو لقيته .. ومش شرط يبقالك ١٠٠٠ صديق .. ممكن يكون عندك صديق .. ب ١٠٠٠ !! .. والفرق بين الحُب والإعجاب واضح جدًا ! اما الاعجاب ف ناس بننبهر بيهم من بعيد لبعيد بدون اي احتكاك او عِشره سابقه بينا وبينهم .. ومع او تصرف بايخ او موقف مش لطيف بيحصل منهم بينزلوا ويقلوا من نظرنا .. اما الحُب .. هو انك يكون عندك جميع الاسباب الكافيه انك تكره شخص معين ورغم كلاكيع شخصيته الا انك برضه بتحبه وراضي بيه زي ماهو بشحمه ولحمه ! 😄 .. فلو لقيت حد بيبلعلك الزلط علي راي المثل .. اوعاك تحاول تفرط فيه لانه جوهره لا تقدر بثمن .. وعلي راي ستي معرفة الناس .. كنوز :))
    #الحُب ..
    #احمد_ايمن
                  

12-04-2018, 07:22 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    من فتره مش كبيره .. امي كانت حامل .. فرحانه قوي .. هيبقي عندها مفعوص صغير نلعب بيه ف البيت ;D .. شهر ف التاني وهي ومش معرفه حد مننا نهائيًا غير ابويا سُكتم بُكتم .. عملاها مُفاجئه .. تقولش حامل ف كيس جوافه ;D .. كان نفسها تعرف هي حامل ف ايه ولد ولا بنت .. بس الدكتور قالها لابد يمر ٤ شهور تقريبًا علي الحمل علشان نحدد نوع الجنين .. امي علي احر من الجمر نفسها تعرف .. راحت بعد ٤ شهور الدكتور قالها بابتسامه هاديه مبروك انتي حامل في ولد .. فرحت قوي وعملت هُليله .. بعدها باسبوع والدتي تعبت والدكتور قالها مفيش امل ان الجنين يفضل .. لابد نعمل اجهاض .. الجنين مات في بطنك .. امي انهارت وزعلت .. الدكتور قالها متزعليش يامادام .. دا خير ليكي ولاهل بيتك .. قالتله الحمد لله .. بس تفتكر خير يموت ابني ؟! قالها طبعًا .، الجنين اللي كان في بطنك كان عنده اعاقه وهيتولد بيها ،، ومكتشفناش دا غير لما اتاخر حملك وحددنا نوع الجنين .. فلما مات ربنا رحمه من العذاب اللي كان هيعيشه ويعشهولكم .. وكمان النبي قال لما يموت بن للمسلمين وابوه وامه يقولوا الحمد لله .. ربنا بيبنيلهم بيت ف الجنه ويسميه بيت الحمد .. مبروك عليكي بيت ف الجنه .. ف كل تاخيره وفيها خيره .. عرفنا سبب يصبرنا علي فقدانه وانه اترحم بموته .. وبرضاكي ربنا بنالكم بيت ف الجنه .. امي ابتسمت واقتنعت وقالت الحمد لله :))
    البنتين اللي كانوا واقفين جنب البير علشان يملوا منه الميه .. والرجاله اللي بيرعوا الغنم سايبنهم ملطوعين ف عز الحر ومأخرينهم ومانعين انهم يملوا ميه غير لما الرجاله تسقي غنمهم الاول .. كان تأخيرهم خير ليهم !! لانهم لو كانوا ملوا الميه ومشيوا ف الاول ! مكنش سيدنا موسي شافهم ولا خد باله من وقفتهم ولا كان اتجوز واحد منهم .. ولا رعي الغنم لابوهم العجوز عشر سنين بدون أجر وكان مسؤل عن اكلهم وشُربهم وحمايتهم !! فتأخيرهم كان رحمه وخير !
    لما سيدنا موسي دخل القريه اللي اهلها بُخلاء وعدل السور اللي كان هيقع هو وسيدنا الخضر .. وبعد كدا سيدنا الخضر قاله السور تحته كنز كبير لطفلين ايتام .. ابوهم قبل لما يموت دفنهولهم تحته .. فلو السور وقع دلوقت والكنز ظهر .. الناس هتسرقه والايتام مش هيعرفوا يجيبوا حقهم .. فربنا خلانا نعدل السور ونأخر خروج الكنز لحد لما عودهم يشتد ويكبروا ويطلعوه بنفسهم .. ساعتها مفيش عفريت ازرق يقدر ياخده منهم ! فتأخير خروج الكنز كان فعلاً خير !
    ستيف جوبر مدير شركة آبل ومخترع الآي فون .. كان عنده موظفه في الشركه اتأخرت في يوم عن شغلها .. جالها ستيف جوبز تاني يوم .. ومعاه مفتاح عربيه jaguar احدث موديل .. وضحكلها وقالها متتأخريش علي شُغلك مره تانيه .. الموظفه بتقول كنت مضايقه جدًا واتخانقت مع جوزي علشان اتأخرت علي شغلي .. ولما استلمت العربيه جريت علي جوزي وحضنته وقولتله شكرًا انك اخرتني .. مُش كل اللي بنكرهه بيكون شر ساعات بيبقي هو الخير لكن الانسان بطبعه عنده قُصر نظر .. والله الخالق واسع النظر والمعرفه .
    كُل تأخيره وفيها خير .. لعل المنع بيكون هو دا عين العطاء .. لما بتحط المخلل ف البرطمان .. لابد تستني اسبوع او اتنين علشان يحلو .. الجبنه الرومي كل لما بتقدم وتتأخر ف اكلها كل لما تبقي اطعم .. البلح ع النخله لو اخضر بيبقي طعمه مُر لابد يتأخر شويه لحد لما يرطب .. هو الحقيقه معرفش ايه السوبر ماركت اللي فتحته ف البوست دا .. بس ما علينا يعني 😂 .. ربنا بيأخر لحكمه .. هتيجي ف يوم تسجد وتبكي وتقول الحمد لله ان حلمي اتأخر ف تحقيقه .. الحمد لله اني اترفدت او مقبلتش ف شغل معين لان ربنا عوضني بالاحسن .. او جوازه او او الخ .. لو كان خيرًا لكان .. ولو كان خيرًا لبقي .. ولو كان خيرًا لأتي .. ربنا عالم بمصلحتك .. متحملش هم .. حلمك بيستوي .. هيطلعلك جاهز .. صالح للاستخدام .. صلاحيته مبتخلصش .. ربنا والعياذ بالله مش هيفتقر لما يديلك اللي انت عاوزه دلوقت ! بس علي راي الشعراوي ساعات بياخد منك اللي انت عاوزه علشان يعطيك بعدها اللي انت محتاجه .. فتأكد انه هينجحك ويوفقك ويرزقك بنصيب وحياه جميله .. ولعل اللي فات من حياتك دا كان هو الجزء السيء فيها .. ولعل الجاي هو اجمل واحلي ايام وسنين عُمرك .. مش ربنا بيقول : انا عند ظن عبدي بي ؟! خلاص بقي احسن الظن بربنا .. ووالله ما هيزعلك ابدًا .. دا انت غالي عنده بزياده .. خلقك بإيديه .. فلا يُمكن ابدًا .. يكسر بخاطرك :)) !!
    #كُل_تأخيره_وفيها_خيره ..
    #القادم_اجمل_باذن_الله☝️ :))
    #احمد_ايمن ..
    ==========================

    متقلقش ربنا هيفرجها .. تعرف انك اول لما بتقول ( حسبي الله ونعم الوكيل ) ربنا بيرد عليك فورًا ويقولك : وعزتي وجلالي لأنصرنك ولو بعد حين ! :))
    #هتعدي ^^
    ===================
    البوست دا هديه للناس اللي بتمتحن .. للناس اللي مُش عارفين يركزوا ويذاكروا .. واللي شايلين هَم ومخنوقين بسبب او من غير .. للناس اللي عندهم حِلم وبيتمنوا يتحقق .. مُش هرغي كتير :))
    خلونا نتكلم كفنيين .. ;D .. من شويه كنت جعان وعاوز احمر حتة فرخه ف الطاسه .. لقيتها مصديه .. مليانه سواد .. مقولتش مُش واكل ! بالعكس .. جبت سلكة مواعين وفضلت أكحت ف الطاسه مره واتنين وتلاته لحد لما رجعت بتبرُق وحمرت الفراخ.. بس وانا بنضفها بالسِلكه افتكرت سيدنا يونس وهو ف بطن الحوت " ( محبوس .. مخنوق .. مليان هم وغم بسبب ذنب منع عنه الفرج .. طب عمل ايه .. استسلم ؟! .. بالعكس ! سيدنا يونس استخدم السِلكه .. فضل يكحت ف ذنوبه ويرجوا ربنا لحد لما فرجها عليه .. وعلاقته بربه رجعت تلمع وتُبرق من جديد .. فتحله صفحه جديده ونضيفه .. طب ايه السلكه اللي نضفت علاقته مع ربنا ؟! السِلكه كانت دعوه صادقه من القلب .. ( لا اله الا انت سُبحانك اني كُنت من الظالمين ) : مليش غيرك يارب سامحنيوافرجها مُعترف اني ظلمت نفسي بالذنوب اللي عملتها .. ! قالها لمدة 3 ايام .. فضل يقول ويقول وميأسش ومزهقش .. شوف بعدها ربنا قال ايه ف القرآن : ( فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚوَكَذَٰلِكَ نُنجِي الْمُؤْمِنِينَ ) .. فورًا ربنا استجابله ونجاه من همه وغَمه والكرب اللي هو فيه .. فرجها عليه والحوت طلعه من بطنه علي الشط .. و عاش حياه سعيده مفهاش اي ضيق ولا مشاكل !! .. نضف الصدا اللي بينك وبين ربنا .. السِلكه معاك .. اكحت ذنوبك اللي علي قلبك وطهره .. قول دلوقت ( لا اله الا انت سُبحانك اني كُنت من الظالمين .. حس انك كُل لما بتقولها علاقتك بربك بتتحسن .. ساعتها لا هيقف قدامك مُشكله ولا هيصيبك حُزن وهينجيك من كُل ضيقه وينجحك ويفرحك .. وودع الهَم بحراره لانكم مُش هتتقابلوا تاني .. قولها وانت بتاكل وبتشرب ووانت جاي تنام ووانت ماشي .. صدقني بعدها ربنا هيحولك انسان مُختلف .. مُقبل علي الحياه .. مُتصالح مع نفسك ! .. ويابختك بثواب كُل اللي يقرأ البوست دا بسببك ويعمل بيه .. في ميزان حسناتك ان شاء الله .. ثوابك عظيم يا صديقي :))
    #الله_يحلي_أيامك .. ^_^ <3
    #لا_اله_الا_انت_سُبحانك_اني_كُنت_من_الظالمين :))
    #احمد_ايمن ..
                  

12-04-2018, 07:23 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    ثانويه عامه .. ايه مالكم قلقانين ليه ؟! كُل شيئ نصيب وقسمه : أنا كـ ايمن عُمري ما اقتنعت ان في حاجه اسمها كُلية القمه في حاجه اسمها قمم في الكُليات تثبت نفسك ف الكُليه اللي تروحها مهما كانت وتبقي من أفضل طُلابها .. استهدوا بالله وبطلوا توتر .. اولاً سورة " يس " مُهمه جدًا قبل اي مذاكره اٍقرأها .. والوضوء وتصلي ركعتين قبل لما تبتدي تذاكر .. عاوزك متحطش فـ دماغك ان في ماده صعبه هتلحق يعني هتلحق أقسملك بالله انت قدها .. وعاوزك قبل المذاكره تقول : اللهم اٍني أسألك فهم النبيين وحِفظ المُرسلين والملائكة المُقربين واٍجعل ألستنا عامرةً بذكرك وقلوبنا عامرةً بخشيتك . ومتخافش من شيئ !! وياريت لو انتي او انت مُستمر علي ذنب معين ياريت ارجوكم تبطلوه .. الامام الشافعي كان بيحفظ الصفحه لما يقرأها من اول مره .. لكنه فـ يوم معرفش يحفظ ! ذهب للمُعلم بتاعه كان اٍسمه وكيع .. واشتكاله انه مبيعرفش يحفظ .. قال : شكوت لوكيعي سوء حفظي ! فأرشدني الي ترك المعاصي .. وقال لي بأن العِلم نورٌ .. ونور الله لا يُهدي لعاصي ... اذا العلم نور ونور ربنا هيجيلك بس بطل معاصي وابعد عن الذنب اللي بتعمله .. قسِم وقتك كُل ماده ليها وقت معين واٍبدأ بالماده السهله .. توكل علي الله .. اٍنت فخر للاسلام ومُش هينتصر غير بيك ! عايزين رسول الله يفرح انك علي دينه ! .. وانتي الدين مُش هيقوم غير بعلمك وذكائك واٍبداعك يا طيبه .. مهما كُنت فاتك كتير هتلحق .. ومهما كان الماده صعبه مفيش صعب علي ربنا .. وزي ما تيجي اٍعمل اللي عليك وخلاص .. ارجوك متشتش نفسك .. اٍنت قدها .. وبالله عليك آخر حاجه .. متنساش تجيبلي حاجه ساقعه لما ربنا يوفقك كدا وتجيب مجموع حلو زي مُحي الشرقاوي .. وتطلع دكتور وتفضحنا :D .. ربنا يحبك .. متقلقش هتبقي زي الفُل وتعدي ^_^ ♥
    #احمد_ايمن
    =====================
    الحقيقه انا شخصيه غيوره .. لكني مُش شكاك .. بغير بدون شك وبهتم بدون خنقه وبتقل بدون برود وتبلُد ! .. من غيرتي ممكن اكنس السلالم قدام بيتي لاني اخاف امي توطي وراجل يعدي ف يبصلها وهي موطيه ! .. غيور لدرجة اني نفسي اللي ارتبط بيها احطها ف جيب قميصي الشمال القريب من قلبي .. وألبس البلوفر فوق القميص وافضل ابص في عِبي واكلمها واغازلها كانها زي عقلة الاصبع .. مش عاوز الناس يتدخلوا ف تفاصيل حياتنا لان انجح العلاقات هي اللي بتكون بعيد عن عيون الناس وكلامهم .. ومش معني غيرتي ! اني امحي شخصيتها او اقلل منها ومن احلامها .. بل بالعكس دنا باذن الله هحارب معاها الظروف والمُجتمع والكون بحاله .. علشان توصل للي بتتمناه .. جايز معرفش انتي مين ولا اهلك ولا شكلك .. بس صدقيني .. مهما كنتي هتبقي اجمل نساء الدنيا ف عنيا .. هحترمك وأحب روحك قبل شكلك .. لان الشكل بيروح مع مرور الوقت .. اما الروح بتفضل طفله بريئه والقلب بيفضل عيل مهما تجاعيد الزمن علي الوش بانت وبقينا عواجيز .. يمكن انا اقل الناس ف كل شيء .. لكني برده بقولك إني بَحَوِّش في نفسي علشانك .. متدبقلك ومحدش هيطولني غيرك .. وحشتيني ^_^ ❤️ !
    #شوية_فضفضه ..
    #احمد_ايمن ..
    =============================

    ابن عمي الصغير زعل أُخته عندها 10 سنين .. أبوه قاله بوس راس أختك وقولها حقك عليا .. اول لما باس راسها " البنت و دموعها نازله من عنيها ضحكت وفرحت وكـأن مافيش اي حاجه حصلت .
    وعشان كدا نقول كمان :
    أختك .. أمك .. مراتك .. بنتك .. السِت بشكل عام .. لو لقيتها بتزعق وعصبيه وبتبكي وانت عاوز تهون عليها وتطيب خاطرها .. اتعلم من حبيبك النبي .. الحل بسيط يامعلم .. اقف قُدامها و شدها من ايدها وحُط راسها علي كتافك ومتتكلمش ولا كلمه .. طبطب بس علي راسها وقولها اٍهدي .. صدقني هتهدي خالص يا صديقي .. لا بأس ببعض الطيبه والاحتواء .. لان ربنا خلقها من ضلعك فصدقني هتحس ف حُضنك انه وطنها والمكان اللي بتنتمي ليه .. رسول الله قال : رفقاً بالقوارير .. وكأن النبي عارف ان الست شكل الازازه بتتأثر بأي حاجه مؤلمه واي حاجه بتشُرخ روحها حتي ولو ف نظرك بسيطه .. وعشان رسول الله عارف انها مسكينه و بترضي بسهوله لما كانت زوجته تغضب كان يطبطب عليها ويحضنها ويدعيلها ! .. فرفقًا بالقوارير التي جعلها الله في حياتك ولا تقهرها ولا تكسر لها خاطرًا .. كن رحيمًا .. يرحمك الله :))
    #الاحتواء .. ^^
    أحمد أيمن
    ===================================

    - احمد عبد المُحسن .. محاسب في الكويت .. " صاحبي " كان بيحب واحده واتخطبت .. ابوه فرض عليه يتجوز بنت قريبتهم .. قاله انت اخترت مره وخذلتك !! سيبلي انا اختارلك بنت بلد ومن طينتك ! .. ولانه كان يآئس فمش فارقه ! اي بنت والسلام .. وافق .. مبيحبهاش .. بس هيعمل ايه ما باليد حيله .. قيداله صوابعها شمع ومش عاجبه .. احمد اكتشف انه عنده الكبد في مرحله متأخره .. سافر الصين قالوا انه لازم يعمل عملية زرع كبد .. عاوزين متبرع .. نفس فصيلة الدم .. مراته قالتله سهله ومحلوله .. انا هتبرعلك بجزء من الكبد بتاعي وان شاء الله التحاليل تقول اني كويسه ونفس الفصيله من دمك .. انتي اتجننتي !!! .. قالتله ابقي فعلا اتجننت لو سبتك تروح مني بعد ما حبيتك عمري كله !! .. بكي .. و حضنها .. باعت دهبها وكملتله تمن العمليه و اتربعتله بجزء من كبدها !! .. كبدها اكتمل .. ورجعت سليمه .. وهو عاش والعمليه نجحت .. بس كبده مكتملش لوحده .. حياته كلها اكتملت .. اكتملت بيها .. ويمكن لو اتجوز اللي حبها مكنتش اصلا هتتبرعله ولو بجنيه ! اسأذنته اكتب البوست وهكتب انه محبهاش .. قالي موافق بس تنيهه باني عشقتها ! .. وان بغبائي اللي كنت مش طايقها اصبحت احب الناس لقلبي .. ايوه سميت بنتي علي اسم مراتي .. ولو طلبوا اني اتبرعلها بقلبي .. صدقني مش هتردد ولو للحظه .. الله يصلح حالها ويفرحها دنيا وآخره ويرزقني بيها تاني ف الجنه .. اصل حياه واحده ف خدمة الست دي ( مش كفايه ) !
    - في دعوه ديمًا بدعيها ( اللهم ان لم يحدث ما أحُب فحببني يا الله فيما حدث وما قسمت ) !
    من اعجب المواقف اللي حصلت لام كلثوم وبتحكيه في مذكراتها .. انها ف يوم غنت للكراسي ! اه والله .. كان ابوها هو المسؤل عنها .. وديمًا تروح تغني وتبتهل في افراح الارياف البسيطه .. وف يوم واحد من قريه جه لابو ام كلثوم وقاله عاوزين بنتك تغني في فرح ابني .. واداله نص جنيه .. تمن حضورها الفرح وغُناها .. تاني يوم ابو ام كلثوم شالها وركبها ع الحُمار وركب قدام وساق الحُمار وراحين الفرح وطول الطريق بيغنوا ويهزورا .. فضلوا ماشيين ٧ ساعات !! مشوار ابن لذينا .. وف الاخر وصلوا الفرح .. لقوا الجو برد جدا والسما بتسرج .. ومفيش ولا مخلوق في الفرح .. الكراسي مرصوصه والكوبايات محطوطه .. وكام لمبه جاز ع المسرح .. بس محدش حضر الفرح لان الجو كان وحش .. ثم دي عيله ١١ سنه مش عبد الوهاب اللي هيغني يعني عشان يخرجوله ! .. فمحدش خرج يسمعها .. وأجلوا الفرح .. ابو ام كلثوم راح لابو العريس وقاله اتفضل النص جنيه بتاعك اهو .. قاله سيبه للبت .. قاله ازاي اسيبهولها دي متستحقوش لانها مغنتش .. قاله ياجدع اعتبرها زكاه !! ابو ام كلثوم كان عنده عزة نفس .. قالتله وهي حزينه هنعمل ايه يابويا ؟! قالها هتغني .. قالتله هغني للكراسي ؟! قالها ايوه وفيها ايه ..احنا مبنشحتش ومش هنقبل ناخد صدقه !! ام كلثوم وقفت علي المسرح .. غنت ٣ ساعات للكراسي !! ابوها بينام من الاجهاد والحمار واقف مغمض عنيه .. وهي بتغني وتبدع في ابتهلاتها .. ام كلثوم بتحكي وبتقول .. انه نعكشت علي الجانب الكويس في الموضوع لان كل حاجه ربنا بيعملها حتي ولو مش عجبانا اكيد بيبقي فيها خير مش شايفينه وهنعرفه مع الوقت ! .. قالت اه والله فعلا دا احسن فرح حضرته وغنيت فيه ف حياتها .. غنيت ٣ ساعات من غير ماحد يقاطعني اول مره اغني براحتي .. لاني عمري ما حضرت فرح غير لما اغني نص ساعه وبعدها اهل العريس والعروسه يضربوا بعض بالكراسي والقلام وتقلب خناقه لمدة ٣ ساعات.. واجري انا وابويا بالحمار من غير ما نتضرب .. الحمد لله.. والله ربنا مبيجبش حاجه وحشه ابدا ;D
    - لما سيدنا موسي والخضر كانوا مسافرين .. ركبوا سفينه اصحابها ناس مساكين بيشتغلوا ف البحر واكل عيشهم من السفينه .. سيدنا الخضر خرم السفينه !! لانه كان عارف ان في مملكه هيعدوا عليها .. الملك بتاعها كل اما تعجبه سفينه بياخدها غصب عن اصحابها واللي ميعجبوش بيقتله ! سيدنا موسي اضايق وغضب ! قاله خرمتها عشان تموت اهلها اللي اكرمونا !!! واكيد اصحاب السفينه لما شافوا الخرم فيها وانها ميعوبه زعلوا جدًا واترعبوا .. بس الاكيد انهم لما عدوا من علي المملكه والملك شاف سفينتهم ولقاها معيوبه ومخرومه وسابهالهم لانها معجبتوش !! فرحوا قوي ان ربنا سترها علي باب رزقهم وصلحوا العيب ورجعت السفينه زي ما كانت وفضلوا يشتغلوا عليها ! جايز كرهوا زي سيدنا موسي ان السفينه بقت معيوبه .. لكن بعد ما عرفوا ان بسبب العيب بيوتهم متقفلتش .. وسفينتهم متاخدتش !! .. اكيد فرحوا وزقططوا ;D !
    - " جوان كاثلين رولينج " .. مؤلفة رواية وسلسلة افلام " هاري بوتر " .. كانت متجوزه راجل مطلع عنيها .. اهانه وقلة قيمه .، طلبت الطلاق .. بطلوع الروح والشحططه ف المحاكم طلقها من غير ما تاخد ولا مليم وهي عندها ٤٠ سنه!! ملهاش وظيفه تاكل منها عيش .. كانت عايشه علي الصدقه من الدوله !! و ف نفس يوم طلاقها امها ماتت .. نفسها اتكسرت .. معدلهاش حد غير بنتها .. شالت بنتها علي دراعها وقررت تهاجر و تروح انجلترا تقعد عند اختها .. القطر فاتها .. قعدت في المحطه اللي توديها السفاره ١٢ ساعه .. بنتها نايمه قدامها ! وهي بكت ومن التعب نامت .. نامت ساعه .. شافت كابوس مرعب !! .. الكابوس دا كان هو مصدر الالهام انها تكتب القصه !! .. صحيت من النوم فتحت شنطتها و طلعت ورقه وقلم وكتبت اول جزء في سلسله هاري بوتر !! راحت تعرض الكتاب علي دور نشر ينشروه .. اتريقوا عليها .. ١٢ دار نشر رفضتها .. الدار ال ١٣ مديرها وافق ينشرها .. لان بنته اللي عندها ٨ سنين عجبتها القصه !! واداها ١٥٠ جنيه استرليني وبشرط ميكتبش غير حرف واحد من اسمها واول حرف من اسم جدتها علي الكتاب نظرًا لانها مش معروفه اصلا ! .. يعني اشتري الروايه برخص التراب وكمان حرمها من ان اسمها يتعرف .. مقدمهاش حل تاني وافقت .، يوم توقيع الروايه محضرش غير ٤ بس !! اتريقوا عليها وقالوا انها فشلت .. فجاه العرض زاد علي الروايه ف انجلترا وامريكا طلبت الروايه .. بدون اي دعايه !! بدون اي اعلان سابق عنها .. هاري بوتر بتكسر الدنيا .. اكتر من ٤٠٠ مليون نسخه اتباعت من الكتاب ! واتجرم ل ٦٥ لغه في العالم !! .. كسب ١٥ مليار دولار .. والقصه اتعملت فيلم دشدش الدنيا .. عملت ٨ اجزاء ودلوقت بتعمل في الجزء التاسع !! بقت اول ست ف العالم ثروتها توصل مليار دولار من الكتابه !! حاليًا رصيدها ف البنك بيزيد ١٠ دولار في الثانيه الواحده !! بقت اغني من ملكة انجلترا نفسها !! وبتعمل جمعيات خيريه واخر كتابين ليها اتبرعت بمكسبهم للاعمال الخيريه ! .. حتي الكرسي اللي كانت بتقعد تكتب عليه الروايه .. اتباع في مزاد علني ب ٤٠٠ الف دولار ! يعني ب اكتر من ٥ مليون جنيه !! .. كله بيعملها الف حساب .. حتي لما حصل انفجار فرنسا قالوا ان المسلمين السبب .. طلعت بتصريح ناري .. قالت فيه كفاكم ظلم للاسلام والمسلمين .. ودافعت عن الاسلام وكله احترم رأيها ! بتقول لو مكنش امي ماتت وجوزي طلقني ونمت من الزعل .. مكنتش شوفت الكابوس اللي منه بدات اكتب سلسلة هاري بوتر !! .. واتجوزت راجل بيعاملها زي الملكه وعوضها عن كل تعب شافته ! قالت : " لابد ان الله له حكمه من كل موقف نمر به .. ولابد انا في باطن الالم منبعًا لسعة الرزق والراحه .. ولكننا لا نكتشف ذلك الا بمرور الوقت " !
    شاب وسيم جدًا .. بيخاف ربنا .. ف ليله كان هيموت م الجوع .. ماشي ف الطريق لقي بُستان تفاح .. قطف تفحايه من شجره وكلها .. شبع .. بس ضميره انبه .. سأل علي صاحب البستان .. قاله انا كنت جعان وعديت علي بستانك وخدت تفاحه منه .. سامحني .. قاله : والله لا اسامحك ابدًا انت خصيمي يوم القيامه !! بكي الشاب وقاله ارجوك سامحني .. صاحب البستان سابه ومشي .. الشاب مشي وراه يترجاه .. والراجل مبيردش عليه .. ودخل بيته ورزع الباب في وشه .. الشاب قعد قدام البيت مبيتحركش .. خرج الراجل صاحب البستان يصلي العصر .. لقي الشاب لسه واقف .. قاله سامحني ومستعد اشتغل فلاح عندك العمر كله من غير اي مقابل .. قاله هسامحك لكن بشرط تتجوز بنتي .. بس هي ( عمياء صماء بكماء قعيده لا تمشي ) ! لا بتشوف ولا بتسمع ولا بتتكلم ولا بتمشي ! رد الشاب وقاله موافق اتجوزها !! قاله اذًا تجيلي بكره بعد صلاة العشاء واجوزكم لبعض .. تاني يوم خرج الشاب من بيته كئيب .. بيجر رجله بالعافيه .. دبس نفسه !! .. مخنوق وعلي اخره .. خبط علي باب بيت صاحب البستان .. دخل .. وقاله انا جاي اتجوز بنتك زي ما وعدتك ! نده الراجل علي بنته .. دخلت بنت .. شديدة الجمال زي الاميرات ! سلمت عليه .. لقاها بتشوف وبتسمع وبتتكلم وبتمشي .. برقلها واتصدم ! هي فهمت وقالتله انا فعلاً صماء ! مبسمعش للحرام .. بكماء : مبقولش كلمه حرام .. عمياء. عن النظر للحرام .. قعيده لا امشي الي مالا يرضي الله .. فرح قووي !! واتجوزها وحبها .. بعد سنه بالظبط خلف منها ولد ! الولد دا بقي من اعلم علماء الاسلام ! الامام ابو حنيفه النعمان !! ;D كان كاره انه هيتجوز واحده ميعرفهاش ! لكن ربنا ادهشه وابهره بزوجه مكنش يحلم بيها ! وخلف منها بن اعماله كلها في ميزان حسناته لحد يوم القيامه .. اكيد قال : لعل الشيء الذي كرهت حدوثه .. يخرج منه سعادتك فتُحبه وتحمد الله علي انه قد حدث !
    - علي راي المثل ( مفيش حلاوه من غير نار ) ! من حضن العتمه الفجر بيشقشق .. ربنا العظيم بيقول في القرآن (إنا كل شيء خلقناه بقدر ) كل شيء معمول حسابه بالملّي .. كل حاجه مترتبه .. قال علي نفسه ( يُدبر الامر ) ! ولعل ربنا يفتحلك الخير من باب كنت فاكره من غير مفتاح ! قريت ف كتاب خيالي اجنبي ( بيقول ان في قوقعه كانت حاسه بألم جواها .. و مضايقه وكارهه نفسها بسبب المها .. الكاتب كمل وقال عن القوقعه ؛ مسكينه ! متعرفش ان هيجي غواص ويكتشفها ويفتحها فتعرف سبب الالم دا ان فيها لؤلؤ لا يقدر بثمن !! خلاها غاليه ومُختلفه عن غيرها من الصدف والقواقع !! ) .. القلم الرصاص لما نبريه خطه بيحلو ! فمش كُل نقص بيحصلك بيقلل منك .. يمكن بيبريك علشان تكون احسن !! .. عارف لما تسيبها لربنا وتقول حسبي الله ونعم الوكيل ربنا بيعمل ايه ؟! ربنا بيرد عليك فورًا ويقول ( وعزتي وجلالي لانصرنك ولو بعد حين ) ربك هينصرك .. مع الوقت هتعرف حكمته .. هتعرف انه بيحبك وهتبكي من خجلك انك اسأت الظن فيه .. مبيحطش ف ظروف غير وهو عالم ان كتفك هيشيل وانت قدها .. يختبر صبرك .. لقي معندك اصيل بيرقيك عنده ويشيل عنك ويفرحك .. اطمن ومتشلش طاجن ستك فوق نافوخك ! كله مترتب وكله هيبقي زي الفُل !! ربك كتب علي نفسه الرحمه من قبل حتي ما يخلقك ! ربنا خلاص قال كلمته هيفرجها و هيفرحك .. علي راي واحد صاحبي ( خلصانه ومعاها حصانه صبه وخرصانه 😂✋ )
    #جوا_الزعل_زقططه !
    #حكمتك_يارب 👐❤️
    #احمد_ايمن
                  

12-04-2018, 07:24 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    #انا_شخصيًا_انبهرت .؛D
    فعلا واقسم بالله .. الانسان مننا علي راي سيدنا عُمر مجالوش نعمه بعد الاسلام .. افضل من انه يلاقي صاحب صالح يحبه بضمير ؟! .. او صاحبه تحبها بشهامه وجدعنه !!
    الجو حر ولعه .. الشمس طالعه بعزمها وقوتها .. ناس عرقها واصل لحد سُرتها .. و ناس غرقانه في عرقها يوم القيامه !! .. وانت وصاحبك او انتي وصاحبتك واقفين في الضِله تحت عرش ربنا !! .. لا ليكوا دعوه بصهد ولا حر ولا شمس ولا زحمه وخنقه ورُعب ! .. ليه ياعم ؟! اشمعنا احنا ؟! .. لانكم ف الدنيا حبيتوا بعض بضمير ! بس كدا ؟! اه والله .. !!
    - سهران بره مع صحابي .. لقيت اختي من شويه بترن وبعتالي رساله وبتقولي رد عليا ضروري .. قولت باااس يبقي في بلوه سوده حصلت يابومه .. خير يا حاجه ؟! قالت .. الله يسعدك يا احمد ديمًا بقول عنك جدع .. قولت اااه يبقي في مصلحه ;D مبشوفش الوش الكيوت دا غير وقت المصالح .. قالتي الصراحه كدا .. كنت بتكلم مع صاحبتي فلانه الفلانيه ع التليفون من شويه .. قالتلي انها المفروض كانت معزومه هي واهلها ع العشا بره .. ودلوقت هي مراحتش معاهم وقعدت مع جدتها .. وقالت انها مكلتش حاجه من الصُبح .. ف انا حضرتلها لقمه ونفسي اوديهالها تعالي معايا نروح واعملهالها مفاجئه .. استأذنت اصحابي .. وقولت لاختي اقفي قدام البيت وانا جاي اهو .. المشوار لصاحبتها حوالي ١٠ كيلو .. خدت عربيه وروحت عند البيت لقيتها مستنياني .. .. وصلنا ورنت عليها وقالتها انا قدام بيتك انزلي .. وقفت انا علي اول الشارع .. صاحبتها نزلت لقت اختي واقفه بكيس فيه اكل .. عن كمية الفرحه والاحضان الصادقه اللي حضنوها لبعض .. وقد ايه البنت اتصدمت وفرحت ان اختي تروحلها ١ الصُبح بس علشان بتحبها ومحبتش تنام جعانه !
    الصاحبه الجدعه مبتتلقاش كتير .. عُمله نادره .. الواحد من غير صاحب عامل زي اللي واقف ف مكان واسع فتره طويله ومش لاقي حيطه يتسند عليها !! الصاحب والصاحبه حيطه وضهر وسند .. سيدنا عُمر لما كان بينام .. اوقات كتيره كان بيصحي من النوم الساعه ٣ الصُبح .. ويقول ما اصعب الشوق .. اشتقت الي اصحابي !! ويدعي ان الفجر يأذن واول لما يدخل المسجد يقابل صاحبه ويحضنه ويقوله اشتقت اليك !! ويكون لسه شايفه في صلاة العشاء ! بس الصاحب مهما قربتوا واتكلمتوا يستحيل تزهق منه او تمل .. اخ امك مولدتوش .. نفذ وصية النبي واحجزلك مكان تحت عرش الرحمن دلوقت حالاً يالا .. النبي بيقول : اذا احب احدكم احدًا فليخبره ! قول لصاحبك انك بتحبه .. قولي لصاحبتك انك بتحبيها .. الاعتراف بالحُب خيط بينسج ويقوي قُربكم لبعض اكتر .. والنبي قال ( الكلمه الطيبه صدقه ) ومفيش اجمل ولا اطيب من كلمة #بحبك ! ❤️
    #الحُب_في_الله ☝️
    احمد ايمن
    =============================

    اقسم بالله مقصدش انكد عليكي ;D .. بس العيد خلاص جانا .. يعني يوم الوقفه وهدة الحيل والتنضيف وتساعدي طنط ف لم عزاويل البيت والكراكيب .. و تغسلوا السجاجيد اللي مليانه تراب صح ؟! وربنا اخويا الصغير مره موبايله وقع فـ الارض فتح الحنفيه وغسله ;D .. الغسيل تقريبًا اول حل بيخطر في بالك لما حاجه عندك تتعفر او يجي عليها اي تراب .. عمري ما اشتريت كوتش ابيض غير لما اسأل صاحب المحل .. لو سمحت هو بيتغسل لو لم تراب ؟! .. انا عمال اقول غسيل غسيل .. هو ايه الحكايه ؟! القلب عامل زي السفنجه بيمتص الذنوب وانت عاوز تنضف قلبك تعمل ايه ؟! اكيد مش هتجيب برسيل وتاخده فومين ;D : بس النبي قال ( ان الصلاه تِشبه النهر العذب الجاري تغسل القلب وتطهره من الذنوب والمعاصي ) ! .. يعني اما اصلي قلبي هيلمع من طهارته ويبقي نضيف مفهوش تنتوفة معصيه ؟! دنا عملت بلاوي ياعم !! وربي اي ذنب عملته ربنا هيغفرهولك .. هيغطَس في بحر رحمة ربنا الواسع وعُمره ما هيقب تاني ! لو قومت صليت ! .. حيث كدا بقي قدامك حل من ال ٣ ..
    #الاول : تسيب قلبك قاسي متعفر بالبلاوي السوده اللي عملتها !!
    #التاني : تقوم تنضفه بركعتين وتخليه انضف من الصيني بعد غسيلُه !
    #التالت .. تدبي خناقه ما يعلم بيها الا ربنا وتروحي تقعدي يومين عند خالتك لحد لما شغل البيت يخلص وترجعي تاني ;D وربنا يقدرنا علي فعل الخير ;D وبرضه تقومي تصلي الفجر :)) !
    يالا الله يباركلك :))
    #صلاة_الفجر .. الله يملي قلبك بالفرحه لحد لما تدلدق من كُترها ومتبقاش عارف توديها فين ;D
    احمد ايمن
    ==========================

    انا راجل زملكاوي .. بس حابب اقول حاجه بعد اذنكم .. الصوره دي من فتره ل آسيا بنت شريف اكرامي ،، وقتها كان لازم تعمل عملية القلب المفتوح .. شريف اتصدم .. مستواه قل بطريقه ملحوظه .. سفرها لندن تتعالج هناك بصفه مُستمره .. وربنا شفاها .. ورجع لعزه من جديد .. والغريبه ان محدش كان يعرف انها مريضه ولا صرح بكدا غير بعد لما خفت !! وكان عنده عُذره .. المرادي بقي في خبر منتشر بقاله يومين بيقول انه المرض جد عليها من تاني !! ايًا كان .. وإن صح الخبر من عدمه .. احنا مكناش نعرف ظروف الراجل المره الاولي وجينا عليه .. وكل واحد اتكلم عنه كلمه رجع ندم عليها .. عمومٍا عمرنا ما سمعنا ان لعيبة الاهلي بتاعت دلع ولا مرقعه او بتخسع في الملعب !! .. ف بالتالي الاحتمال الاكبر انه عنده ظرف مانعاعه عن التوفيق والابداع ! .. فدا اللي خلي مستواه قل مره تانيه .. معظم الناس طالبوا برحيله عن النادي الاهلي .. وهو مبيردش ولا بيدافع عن نفسه ! .. راعوا ظروف الناس من قبل ما تعرفوها .. وافتكر ان بن سيرين قال ( إذا بلغك عن أخيك شيء فالتمس له عذرا، فإن لم تجد له عذرًا فقل لعل له عُذرًا ) ! ولو الخبر مصحش ف الراجل مش جبل .. ولا آله مصنوعه .. كل حد بيمر بفترة انتكاسه من وقت للتاني لانه بشر .. فزي ما وقفتوا وراه ف انتصاراته اقفوا جنبه في انكساره وكونوا قوته !! ودي كوره النهارده مكسب بكره خساره .. !! و الدكتور مصطفي محمود قال ( لو دخل كل منا قلب الاخر لأشفق عليه ) :))
    ===============
    ربنا بيقول "و عزتى و جلالى لادبرنَّ الامر لمن لا حيلة له حتى يتعجب اصحاب الحيل" !!
    #هتُفرج
    ========================
    بوست مُهم .. وانك شوفته دليل علي حُب ربنا ليك :))
    رمضان كريم .. حاسس اننا بدأنا نتكاسل عن الطاعه والواحد بدأ يحن لذنبه من جديد بعد مرور ١٠ ايام من رمضان .. جبتلك شوية حلول تعملها تخليك مترجعش للذنب تاني بأمر الله .. يارب يفيدوك
    اقرأهم ووريهم لحد قريب ليك لعله ينفعه وتاخد أجره :))
    لو مُستمر علي ذنب وعايز ابطله اعمل ايه ؟!
    لان ربنا بيقول : ومن اعرض عن ذِكري فاِن له معيشةً ضنكا .. اللي يبعد عن طريقي حياته هتبقي غم ونكد وقرف .. وانا الصراحه قرفان من الذنوب قولي الحل ! :))
    صلّ علي النبي :))
    اولاً : الذنب دا بيفرحك .. اذا لابد تشوف حاجه حلال تفرحك بنفس درجة فرحتك بالذنب .. بمعني؟! انك بتزني والعياذ بالله .. اذا اتجوز ! مثلاً بتشرب حشيش .. اشرب مخدرات 😂 .. بهزر طبعًا ✋ .. متشبطش 😂 .. بس حاول تلاقي بديل حلال يسعدك بنفس درجة سعادتك بالذنب نفسه بحيث متحسش بالنقص والاشتياق للذنب .
    ثانيًا : انت عندك وقت فراغ والفراغ هو السبب فـ يكون عندك حيز من التفكير في الذنوب لانك زهقان مُش لاقي حاجه تعملها .. تلاقي البنت تقول اووووف ايه الملل دا ؟! اما اقوم اكلم الواد فوزي وحشني واخرج معاه 😂✌ ! اذا الفراغ بيجلب الذنوب .. الامام بن الجوزي بيقول انه مبيثقش في الشخص اللي مبيشغلوش علم او عمل ! اذًا لابد تشوف شغل .. او تتعلم حاجه جديده .. وهكذا .. :))
    ثالثًا : الوِحده .. انت وحداني يا معلم .. والوِحده بتخليك عندك فُرصه للذنوب .. تعمل ذنب شهواني .. تسمع فيلم اباحي .. خليني صريح تكلم بنت مُعينه تعصوا ربنا ف الموبايل وتقولوا كلام ميصحش فاهمني انت ؛D .. ليه قافل علي نفسك اوضتك وقاعد ؟! اخرج شوف ابوك وامك واخواتك واقعد معاهم .. مُستفزين ؟! مبيفهمكش ؟! اشطه كلم صديق ليك يملي حياتك ويجيلك .. هات قُطه ربيها .. انزل فرح الناس و فرح نفسك .. اخرج اتمشي وسط الناس .. روح مطعم شعبي وكُل .. المُهم متسبش نفسك لوحدك .. :))) 🙇
    رابعًا : الصُحبه .. صاحبي اللي يفكرني بربنا لو نسيته .. غير كدا ميبقاش صاحبي !! .. اختار صاحب صالح يفكرك بالله .. مُش شرط صالح بس يكون عنده خير في قلبه .. يمسكك من ياقتك ويهزك جامد ويقولك اتق الله !! ينصحك بحُب وامانه .. مش مثلاً تقولي لصاحبتك ياختااي الواد دا قمر يابت .. تقولك لا لا مش اوي دا ياخد ٧ ع العشره ! 😂.شايفه اللي جاي دا بقي ! ٩ ع العشره مستريح ،، جرا ايه يابت انتي وهي ؟! انتي ف حصة رياضه ! مفيش واحده تقول للتانيه عيب 😂 ..، انا ولا حاجه واقل الناس وبحب الصالحين ولست منهم .. بس لو انت معندكش اصحاب اعتبرني صاحبك .. واقرألي واعتبر كلامي موجه ليك شخصيًا وشرف ليا انك تكون صاحبي ..يمكن اقول كلمه تنفعك باذن الله .. البانجو ياللي جوااا :))) 😂✌
    خامسًا : لو بتعمل ذنب ومُتمسك بيه قوي .. اوعي تبطله مره واحده .. بتعمله مثلاً مرتين فـ اليوم مثلاً وليكن بتكلمي ولد فـ الحرام 5 مرات ف اليوم خليها 4 .. وبكره 3 .. ولو بتكلميه ساعتين كلميه ساعه .. قللي تدريجيًا لان دا زي الادمان منفعش نبطله مره واحده .. قسمًا برب الكعبه انتي قدها وقد انك تبطلي الذنب وربنا هيكون فرحان بيكي يا زهرة الاسلام .. صدقيني الكلام دا موجه ليكي شخصيًا .. وليك انت يا صديقي كفايه لحد كدا ! ربنا منتظرك .. هيفرح بتوبتك ويباهي بيك الملايكه .. اكسر القيود .. بجد هقدر اكسرها ؟! ايوه طبعًا .. طب وسع كدا يا ايمن .. هتعمل ايه ؟! ياعم بس وسع كدا .. حاضر .. نيهاااااااا ايوه كدا اكسر ياعم .. عنتر بن شداد بيقرأ البوست ياناس " يا حبيبتي يا عبله " 😂 .. عسل يا معلم ☺😂
    سادسًا : السيده عائشه بتقول اول بدعه ابتدعها الناس بعد وفاة النبي هي الشبع ! اكل لحد لما ميبقاش في بطني مكان .. انت بتاكل كتير ودا غلط لابد تقلل من الاكل بحيث عقلك يتشغل بالجوع ! مش بالشهوه والذنوب لان طول منتا شبعان بتفكر في امور تطلع فيها طاقتك ! اذا قلل الاكل لاما تصوم ومتزخمش بطنك حفاظًا عليك .. يا ابو كرش رقيق وصغير 😂
    سابعًا : لما تسلمي نفسك لشاب مُعين قبل ما يخطبك ويتجوزك .. وتديله مشاعرك وكلام بينكم وكل حاجه .. فين بقي عنصر المفاجئه 🙊😂 مفيش !! .. اذا كان انا لاقي كل حاجه دلوقت هيجوزك ليه ؟! فرخه بتبيض ليا كل يوم بيضه .. ببلاش .. هشتريها ليه ؟! منا بنتفع بيها #بك_بك_بك_بكبكااااااااااك 🐓😂 .. كاكي ياحاجه كاكي .. بجد مينفعش تعطيه نفسك بسهوله .. افرضي مبقاش نصيبك ؟! او انت مبقتش نصيبها .. ذنب اللي هيتجوزك ايه ؟! يلاقيك فاضي من جوا معندكش شيئ تقدمه ؟! لانك استفذت كُل طاقات الحُب والرومانسيه والمشاعر من جواك .. ووالله كل دا بيكون حلو ف البدايه انما النهايات مُش حلوه خالص لانكم مش لاقيين حاجه تقولوها .. اذا متضيعش نفسك ع الفاضي !! حافظ علي قلبك للي تضمن انه نصيبك .. ومتحبش الذنب اكتر من ربنا وانت منتاش حاسس !! او تتكسف تبطل ذنب بتعمله مع حد علشان خايف تخسره ويزعل ! ومش خايف تخسر ربنا وتغضبه ؟! معقول يا صديقي ؟! .. .. قول بينك وبين نفسك هختارك يارب خلاص .. مُش هنحني لمعصيه ابدًا ولو علي حساب مشاعري وقلبي .. انت اهم .. يارب متعلقش قلبي غير بيك .. برافو بجد عليك .. انت قدها :)) !
    اذًا دول السبع وصايا لترك الذنوب.. اعملهم .. وقول يارب حببني في طاعتك وكرهني ف عصيانك .. الله يثبتك ويحبك ويقويك علي اي ذنب :))
    #بك_بك_بك_بكبكاااااااك 🐓 😂
    #احمد_ايمن ..
                  

12-04-2018, 07:25 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    هقولك حاجه عني ماشي :)) ؟ .. كنت زمان بآمن لاي حد بيضحك في وشي .. بحكي وبفضفض بالفطره بدون قيود او خوف .. بثق في الغير بسهوله جدًا .. مكنتش حدودي لحد لما اتخدعت ياما في ناس عمري ما كنت اتوقع غدرهم .. فجالي واحد صاحبي بثق فيه زي نفسي .. قعد عندي ف البيت وطلع القرآن من جيبه وقالي بُص ! وشاور علي آيه بتقول ( ومن الناس من يُعجبك قوله في الحياة الدُنيا ويشهد الله علي ما في قلبه وهو ألد الخصام ) مش اي حد يقولك كلمتين حلوين وعاجبينك يبقي بيحبك.. جايز بيجرجر قلبك علشان يوجعك ومنتاش حاسس !! فمتبقاش مدب وتتدلق وتآمن بدون مواقف تعرفك حقيقة اللي قصادك .. قالي هحكيلك حاجه .. كان في واحد بيشتغل مدير بنك وجايب عربيه آخر موديل تحفه .. وزي العاده بيركنها قصاد العماره اللي ساكن فيها .. وف يوم وهو خارج للشغل .. بيبص ملقاش عربيته !! العربيه اتسرقت .. الراجل اتجنن .. يوم والتاني .. فص ملح وداب ! وف تالت يوم .. لقي عربيته مغسوله غسله حلوه .. ومركونه قصاد العماره اللي ساكن فيها .. جري ع العربيه فتحها .. لقي جواها بوكيه ورد وكارت مكتوب فيه ( أنا اسف جدًا اني اخدت عربية حضرتك بس مكنش عندي حل تاني غير كدا .. مراتي كانت بتولد ومكنتش لاقي تاكس اوديها المستشفي .. ف اضطريت اخد اي عربيه مفتوحه قدامي .. ياريت تسامحني مراتي ولدت وعرفت اسم حضرتك من بطاقتك اللي كنت سايبها ف العربيه وسميت ابني علي اسمك .. لانك السبب في انقاذ حياته وحياة مراتي .. وتانك العربيه مليان بنزين وهتلاقي جنب الورد تذكرتين سينما لاخر فيلم اجنبي نازل .. ياريت تقبلهم مني وتخرج انت وزوجة حضرتك وتستمتعوا بيوم لطيف ) ! الراجل قرأ الورقه وبكي من فرحته والكلام الجميل اللي قرأه وقد ايه حس ان الدنيا لسه بخير .. وفعلاً خرج هو ومراته وشافوا الفيلم وقضوا يوم لطيف جدًا .. رجع آخر الليل مبسوط هو ومراته .. بيفتح الشقه لقاها مسروقه مفهاش ولا اي حاجه !! بص ع الارض لقي جواي مكتوب فيه ( ياااارب يكون الفيلم عجبك 👐😃😂 ) !!
    العبره :
    #متآمنش_بسهوله
    #متبقاش_مدب !
    ============================
    هفضفضلك بحاجه لتاني مره :))
    :
    وانا في ابتدائيه .. كنت عيل دماغي ناشفه وعنيد ( عاوز الحَرق ) 😄 .. جِدي ابو والدي الله يرحمه .. مكنش يحب ياكل معايا !! رغم اني كُنت بحبه جدًا .. بس لو أكلت معاه في طبق واحد وليكن " رُز مثلاً " كان يقسم الطبق نُصين " !! نص ناحيتي ونُص ناحيته " !! ويقولي متقربش من النُص بتاعي !! .. أقوله ليه ؟! يقولي لانك مبتصليش !! والملايكه بتلعن وبتكره اي حد ياكل وهو مبيصليش والاكل اللي انت بتاكله دا دلوقت بيكرهك وانا محبش اكل حاجه بتكرهني و ربنا والملايكه يبغضوها .. طول ما انت مبتصليش انا هقسم الطَبق بينا .. كُنت ديمًا اتعمد اغسل راسي واقوله انا صليت علشان آكل معاه !! .. يكتشف برده اني مصلتش ويقولي بتكذب !! .. اسأله عن السبب ؟! يقولي وِشك مِضلم ربنا بينور وش اللي بيصلي ! قوم صلي .. ولما كنت اصلي كان يلغي القِسمه واكل معاه فـ طبق واحد بدون فُروق .. بلاش تخلي اللقمه اللي بتاكلها فـ رمضان تكرهك بسبب تركك للصلاه .. بلاش تخلي الملايكه وربنا يبغضوك بسبب تركك للصلاه .. بلاش تخلي نور وشك يختفي والنبي قال ان صلاة الفجر بتجعل في الوجه نور يحبب فيك اي حد يبصلك ! .. #صلاة_الفجر الله يغفر ذنبك وينور وجهك ويفرح قلبك ويحبك :)) !
    ========================
    بيقولوا الانسان لو حب ترتفع نسبة غبائه 50% .. ولو شاف اللي بيحبه صُدفه وكان الحُب من طرفه بس .. بتعلي نسبة غبائه 90% وممكن يقول كلام ف سره تلقائي من الصدمه زي " يالهوي يابا يمه .. ايه اللي جابه ف الشارع دا .. يا ارض انشقي وابلعيني وابلعي اللي خلفوني.. ولو ماشي معاه صاحبه يفضل يخبط فيه ويترجاه ميتكلمش .. وهي لو شافته ممكن تقرص صاحبتها من الكسوف ولو ممعاش صاحبتها ممكن تُقرص روحها 😂 ووشه يبقي احمر وحالته تصعب ع الكافر😂 .. بيقولوا برضه ان الانسان لو حب قوته وشجاعته بتزيد 200% وممكن يتحدي العالم علشانها او هي تتحدي الدُنيا علشانه .. بالرغم انك لو شوفتها صُدفه وهي خرجت من الشارع ممكن تشوط برجلك طوبه وتقول ياااااااارتني كلمتها يارتني قولتلها عاوز اتقدملك 😂 .. بس ف اللحظه دي شجاعتك بتكون 0% لان الطوبه اللي شوطتها .. وجعتك وفضلت تعمل حركات بهلوان و باليه من كُتر الالم والتنططه 😂 .. اذا الحُب لكل انسان مهما كان بيقويك فـ انت بشر غصب عنك بتتألم وتتعب وقوتك فانيه وضعيفه .. هو انا عاوز اقول ايه ؟ عاوز اقول ان البني آدم لو حب ربنا... بياخد من قوة الله في روحه ويبقي اقوي البشر ... جواه طاقه جباره .. إمرأه من الصالحات رجليها اتعثرت في طوبه وضافرها اتخلع فضحكت !! فقالوا لها كيف تضحكين وقدمك تنزف بالدماء !؟ فقالت : والله ان لذة ثوابه أنستني الالم .. ثواب الصبر ع الالم بتكفر الذنوب وتهون الوجع .. تعرف ان سيدنا عُروه بن الزبير .. جاله غرغرينا فـ رجله ف الاطباء قالوا لابد نقطع رجلك فورًا !! فقالهم اقطعوها وانا بأصلي لاني عندما اكون مع الله انسي الالم !.. وفعلاً قطعوها وهو بيصلي !! ولم يصرخ حتي صرخه !! عاوز تبقي قوي ؟! عندك مُتلازمه الخوف من كُل شيئ ؟! علق حٌبك وقلبك وحياتك بربنا .. هتبقي أقوي من اي حد !! انت قدها قوم لـ #صلاة_الفجر .. واستمد طاقتك من القوي ! خُدلك جُرعة يقين قوله يارب خليك جنبي .. ووالله هتبقي واحد تاني خالص .. وبالله عليك متنتظرش مُناسبه للمُصارحه بحُبك لان وقوعك فـ الحُب لوحده اكبر مُناسبه !! اٍشرب بريل واسترجل وروح اٍخطبها 😂 .. والف مبروك وماتنسوش الشربات والجاتو وساندوتش البسطرمه 😂.. سمعونا زغروطه 😂 !!
    #استقوي_بالله :) !
    #احمد_ايمن
                  

12-04-2018, 07:26 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    - واحد صاحبي دكتور علم نفس .. مراته اسلوبها طيب جدًا قمة الاحترام ولو دخلت ضيف مع جوزها .. تشيلك فوق دماغها .. بقوله ماشاء الله زوجتك ذوق جدًا ربنا يحفظها .. قالي تعرف .. مكنتش كدا نهائًا .. كان ممكن يجيلي صديق تدخل وتنام ومتجبلناش واجب .. تهملني ف الاكل والسؤال .. عصبيه بطريقه غريبه .. لدرجة اني طهقت وقرفت وقررت الانفصال .. لكن قولت ليه ميكونش العيب مني ! مراتي زي الزهره .. ليه مسقيهاش .. يمكن دبلانه من قلة الاحتواء ليها فبتجرح زي الزهره الدبلانه الناشفه .. بقيت اقعد مع اهلي وهي موجوده واقول مراتي زي التاج والله بحس اني ملك طول مهيا في حياتي .. الله يحفظها .. دي اكلها تحفه مبدوقش اطعم منه ربنا يبارك ف عمرها .. لما بيجيلي حد بتشرفني وتقدمله اعلي واجب .. يوميًا علي كدا امدح فيها ف بوست ع الفيس .. قصاد اهلي .. مشتكيهاش لحد ومخرجش سرنا بره .. بنصحها بكل هدوء بس بطريقه غير مباشره .. بنت اللذينه اتغيرت .. لقيتها جايه ف ليله بتبوس دماغي وانا تعبان وسهرانه علي الارض جنبي .. بتهتم بنفسها .. بتعتذرلي كتير علي تقصيرها بتهاديني .. اكتشفت ان النصيحه بهدوء والمدح واني اذكر قيمتها ومنكرهاش .. اقرب سبيل لاني اسرق قلبها .. وتبقي زي ما انت شايف .. مشرفاني ورافعه راسي .. سكرك قد ايه يا احمد ؟! قولتله ٣ معالق .. قالي ثواني واعملهولك .. قولتله ومراتك ؟! قالي انت عاوزها تطردنا ! اصحيها ١٢ بالليل تعمل شاي ! دي بتنام بدري ياعم 😂😄 .. قولتله الله الله .. نصايحك عامله شُغل 😂 .. قالي ياعم بهزر دقيقه وتلاقيها جايبه الشاي :))
    -
    قالولي مره ان شاب كان بيصلي في المسجد ف موبايله رن .. الناس زعقوله وجرحوه .. مدخلش المسجد تاني !! ..
    - وشاب غيره كان ماشي ف الطريق فغصب عنه خبط في صنية شاي علي القهوه ف كسر الكُبايات اللي فيها .. صاحب القهوه ضحكله وقاله فداك ١٠٠ ألف كُبايه .. الشاب بقي زبون دايم علي القهوه .. بسبب اسلوب صاحب القهوه !!
    - الامام احمد بن حنبل دخل عليه بالليل حرامي وهو بيصلي ف بيته .. عمال يدعبس ف الكراكيب ويدور مهواش لاقي اي حاجه .. الامام احمد خلص صلاه وقاله : ملقتش حاجه من الدُنيا في البيت .. ايه رايك لما يبقالك نصيب من جنة الاخره ؟! قاله ازاي .. الامام احمد ضحكله وقاله الاول تتوضي وتصلي .. علمُه الوضوء والصلاه .. وخلاه يصلي ركعتين ونصحُه بكل طيبه .. الفجر أذن .. خرجوا سوا للصلاه .. الناس شافوا الحرامي والامام احمد معاه .. اتعجبوا .. معقوله !! بيعمل معاك ايه الراجل دا يا امام ؟! .. قالهم : جه يسرقنا .. فسرقنا قلبُه ! .. بحُسن الاسلوب وبالطريقه سرق قلبه .. ممسكش عصايه ونزل فوقيه ضرب .. او شتمه او بلا بلا بلا ..
    - واحد راح لسيدنا عُمر بن عبد العزيز وقاله هنصحك نصيحه بس شديده شويه ممكن تقبلها ؟! قاله متنصحنيش ومش هقبلها ! دا ربنا قال لسيدنا موسي ينصح فرعون بقول لين وطيب وهو طاغيه وفاجر .. تيجي انت تنصحني بعُنف وانا موحد بالله ؟!
    - لما راح شاب للشيخ الغزالي وقالي ايه حُكم تارك الصلاه ؟! .. الغزالي رد عليه رد صادم .. قاله حُكمه أن تأخذه معك الي المسجد !
    - ولما شاب مراهق في سن العشرينات .. راح للشعراوي وقاله انه حلال نفجر اي ديسكو او بار ليلي باللي فيه .. لانهم فجره عُصاه .. الشعراوي قاله الشيطان عاوزهم يدخلوا النار ولا الجنه ؟! قاله النار طبعًا .. قاله وانت عاوز تفجرهم وتموتهم وهما علي معصيه وتدخلهم النار وتساعد الشيطان !! الاولي انك تنصحهم وتدعيلهم بالهدايه !
    النصيحه ياجدعان .. إحنا داخلين علي رمضان ،، ناس كتير هتتكلم في الدين وهتنصح .. ف بالله عليك وانت بتنصح حد .. إنصحه بهدوء .. بإبتسامه .. بينك وبينه ومتجرحهوش !! النبي صلي الله عليه وسلم مكنش بيجرح حد .. ويستحيل كان يتكلم في الدين وينصح إلا وهو مُبتسم ! فاكر سيدنا الحسن والحسين لما لقوا راجل عجوز بيتوضي غلط .. مقالوش له ايه الجاهل دا ! ولكن قالوله احكم بينا وشوف مين بيتوضي احسن .. ولما اتوضوا قالهم والله انتم الاتنين بتتوضوا صح وانا الغلط ! نصحوه بدون ما يجيوا علي مشاعرُه او يقللوا منه .. علي راي احد العلماء بيقول : بُلينا بقوم يعتقدون أن الله لم يهدي غيرهم ! .. الامام الحسن البصري قال اذا نصحتني علي الملأ ( قصاد الناس ) تبقي بتفضحني ! واذا نصحتني بيني وبينك ( تبقي فعلاً بتنصحني ) اذًا اختار كلامك .. نقي اسلوبك .. لان فعلاً والله في ناس من طريقة كلامها ونصيحتها .. بتخلينا نعمل الغلط وضميرنا مرتاح !
    #بحُسن_الوعظ
    _تمتلك_القلوب ❤️
    #احمد_ايمن .
    =============================

    الناس اللي بتمتحن او بتحلم باي حلم وبتتمني يتحقق .. البوست دا علشانكم :)) !
    إمام من علماء المسلمين .. كان عنده جار عاصي .. فاجر .. مسابش اي ذنب الا وعمله .. خمره .. زنا .. كل شيء .. الامام كل لما يقابله ينصحه .. ياعم يهديك يرضيك توب .. الراجل مافيش فايده معصلج واللي ف دماغه ف دماغه .. الامام زهق وتعب منه .. فسابه ومبقاش ينصحه .. يوم والتاني .. الإمام سمع عياط وصويت .. جاره مات !! طلبوا من الإمام يصلي عليه صلاة الجنازه .. مرضيش .. راجل فاجر عاصي بيشرب خمره ليل نهار .. عمري ما هصلي عليه .. وفعلاً مصلاش عليه .. يومها بالليل بعد لما دفنوه .. الامام شافه في الجنه .. مبسوط .. ساكن في قصر وعلي احسن حال .. استغرب جدًا !! معقوله ؟! الراجل قال الامام .. الحمد لله ان الحساب مهواش بايدك .. وانه بايد ربنا .. اكرمني ودخلني جنته .. صحي الامام ولبس عبايته وجري علي بيت جاره .. خبط ع الباب فتحتله زوجة الميت .. قالها انا شوفت جوزك ف الجنه .. هو كان بيعمل ايه كويس ف حياته ؟! قالتله ولا اي حاجه .. غير انه كان يشتري حلويات ويعطيها للاطفال الايتام ويديلهم فلوس ويدعي لنفسه بان ربنا يحقق مُناه ويدخله الجنه ويطلب منهم يدعوله ولان الدعوه وقت ما بنطلع الصدقه بتكون مُستجابه .. ربنا قبل دعوته وحقق اللي اتمناه واكرمه بجنته !
    مهما بلغت ذنوبك .. مهما بلغ تقصيرك .. ربنا مش ناسيك .. ٢ جنيه لاي طفل او مسكين وادعي لنفسك وانت بتتصدق بيهم .. الدعوه وقتها بترشق ف السما علي طول .. وتُستجاب .. ساعتها ربك هيرضي عنك ويوفقك .. ممكن تشوف الدنيا ملعبكه وخربانه خالص .. بس عند ربك بتبقي محلوله ومتصلحه وعال وتمام .. خُد نيه انك اول لما الصبح يشقشق تاخد اي مبلغ ولو جنيه وتديه لحد غلبان صدقه .. وادعي وقتها باللي نفسك فيه ووالله والله هيبقي من نصيبك .. متقلقش هتفرج وتعدي وتبقي عال وكل حاجه تمام ومقدور عليها .. مادام رميت حمولك علي الله اذًا متقلقش .. ربنا يغفرلك ويحقق حلمك وينحك ويسعد قلبك وميكسفكش ابدًا قادر يا كريم :)) ..
    ================
    راكب في المواصلات وفجاه الميكروباص وقف بينا بسبب الزحمه .. يادي النيله .. الجو حر وعاوز اروح .. نزلنا وقفنا ف الشارع .. هوب لقينا خناقه بين اتنين شباب وواحد منهم طلع مطوه ! .. فورًا جري ابو الشاب اللي ممعاهوش مطوه وضرب ابنه وشتمه وقاله انجر قدامي .. واعتزر للشاب اللي بيتخانق مع ابنه وقاله حقك عليا يابني .. الراجل وابنه ركبوا معانا .. قاله يابني انا مضربتكش عشان بكرهك انا ضربتك علشان خايف عليك يضربك بالمطوه يموتك .. فمن عشمي فيك عملت كدا .. متزعلش .. بس انت هتتحملني وتفهم .. اما هو لا هيفهم ولا هيتحمل .. وباس راس ابنه قدامنا ..
    ف اللحظه دي افتكرت موقف من القرآن الكريم .. لما سيدنا موسي قال لقومه انه هيسافر يكلم ربنا لمدة ٣٠ يوم ويرجع وقالهم يستنوه .. وخلي سيدنا هارون اخوه .. هو الزعيم بتاعهم والمسؤل عنهم .. سيدنا موسي اتأخر ١٠ ايام كمان فوق ال ٣٠ يوم .. قعد ٤٠ يوم .. ف الفتره دي قوم سيدنا موسي قلقوا وقالوا سيدنا موسي مش هيرجع ولان منهم كتير ضعاف الايمان .. قرر نحات بارع من وسط بني اسرائيل انه يصنع ليهم عجل يعبدوه .. وفعلاً صنعه من الدهب .. وبني اسرائيل سجدوا للعجل وعبدوه .. وبعد ٤٠ يوم رجع سيدنا موسي .. اتصدم .. بقي يضرب كف علي كف !! مش مصدق اللي شايفه .. معقوله !! قومه اللي ربنا شقلهم البحر ونجاهم من فرعون وخلي العصايه تتحول تعبان قدامهم .. يكفروا بيه ويعبدوا عجل !! .. جري سيدنا موسي علي اخوه هارون و مسكه من دقنه وجرجره منها بكل قوته !! وقاله ازااااي تسيبهم يعبدوا العجل ؟! !! شوف ربنا وصف المشهد ازاي بين سيدنا هارون وسيدنا موسي .. قاله : ما منعك إذ رأيتهم ضلوا ألا تتبعني !! أفعَصَيّتَ امري ؟! ) !! انت ايه اللي منعك انك توقفهم عن عبادة العجل .. انت عصيت اوامري ووصيتي ليك بالمحافظه عليهم ؟! .. رد سيدنا هارون وقاله ( يا بن أُم لا تأخذ بلحيتي ولا برأسي .. إني خشيت ان تقول فرقت بين بني اسرائيل ولم ترقب قولي ) يا اخويا يابن امي متشدنيش من دقني ولا راسي انا خوفت تقول اني فرقت بينهم لو عارضتهم بالقوه .. لان كدا هتحصل حرب شديده بينهم فقررت السكوت لحد لما ترجع وتشوف حل !! .. سيدنا موسي سابه وقام لف وشه وبص للنحات اللي صنع العجل .. وقاله بدون ما يلمسه .. ما خطبُك ؟! انت ايه حكايتك ؟! .. وبعد لما شرحله حكايته وانه كفر بالله .. سيدنا موسي طرده بدون ضرب او شتيمه !! .. مع انه ضرب اخوه ! بس ضربه وجه عليه من عشمُه فيه وانه غالي قوي عنده !
    هنا بقي انا عرفت الراجل ضرب ابنه ليه .. العشم .. العشم يا جماعه .. الواحد لما يكون له حد غالي عليه من عشمه فيه بيتصرف بطبيعته بدون حساب .. اما لو حد غريب بيتصرف بحدود وحذر.. لكن لو حد قريب ليك سواء صاحب او حبيب .. تلاقيه ينصحك بقوه .. يهزر بتلقائيه .. اقرب مثال لو جبت كيس شيبسي وعزمت علي حد غريب او زميل عادي .. هيبتسم ابتسامه صفره ويقولك متشكر ومش هياخد غير واحده دا لو خد اصلاً .. انما لو جيت تدي لواحد صاحبك او واحده صاحبتك جيتي تعزمي عليها .. هتمسك كيس الشيبسي كله من قبل حتي ما تفكري تقوللها خُدي .. وابقي قابليني لو طولتيه تاني 😂 ! اذًا هنا الفرق بقي .. انا اعرف ناس بتقولي ان لما اصحابهم بيعاملوهم باحترام وحدود بيعرفوا انهم زعلانين منهم وفي حاجه غلط 😂 ! .. اذًا .. لو عندك حد بتتعامل معاه بشخصيتك الطبيعيه بدون خوف من رد فعله او تفكر ف الكلمه قبل لما تقولهاله .. اوعي تسيبه ابدًا .. لانه كنز صعب تلاقيه ف العمر مرتين :)) !
    #العشم ❤️ !
    احمد ايمن
                  

12-04-2018, 07:28 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    #إنا_لله_وإنا_إليه_راجعون ☝️
    كلنا طبعًا عارفين ان الجن والرياح ربنا سخرهم لسيدنا سليمان يتحكم فيهم زي ما يحب .. وفي يوم كان سيدنا سليمان كان قاعد مع الوزير بتاعه .. فدخل عليهم راجل غريب وسلم علي سيدنا سليمان واتكلم معاه .. بس الراجل طول مهو بيكلم سيدنا سليمان .. كان عمال يبص للوزير بذهول ويبرقله بنظرة استغراب وعنيه مفنجله ! .. وبعد لما خرج الراجل من عند سيدنا سليمان .. الوزير سأل سيدنا سليمان وقاله : يا نبي الله .. من هذا الرجل الذي كان عندك ؟! فوالله قد افزعني منظره .. نظراته خضتني !! ..سيدنا سليمان قاله دا ملك الموت .. بيجيلي ديمًا يزورني لكن بيظهر علي شكل بشر .. ف الوزير اترعب وجسمه اتنفض .. وقال لسيدنا سليمان .. ارجوك تخلي الرياح توديني لابعد مكان في الهند علشان ميقدرش يوصلي ! .. فسيدنا سليمان امر الرياح فشالته وودته للهند .. تاني يوم جه ملك الموت لسيدنا سليمان .. سيدنا سليمان قاله انت خوفت صاحبي امبارح من نظرتك ليه !! .. ايه السبب انك تبرقله !! .. رد ملك الموت وقاله : لما دخلت عليك امبارح ولقيته معاك قبل الضهر استغربت !! لان ربنا امرني اني اقبض روحه الضهر في الهند .. فسيدنا سليمان قاله وعملت ايه ؟! قاله خرجت من عندك وسافرت للهند .. فلقيته زي ما ربنا كتب بالظبط .. موجود في الهند .. منتظرني .. فقضبت روحه !!
    تعددت الاسباب والموت واحد .. ربنا بيقول : لكل اجلٍ كتاب .
    ربنا يرحم اموات الطياره المنكوبه .. ويرزقهم اهل خير من اهلهم وديارًا في الآخره خير من ديارهم في الدنيا .. ويحسن خاتمنا جميعًا .🙌
    وزي ما دعتلهم بالرحمه وخليت غيرك يدعليهم ربنا هيسخرلك اللي يدعيلك بالرحمه ويخلي غيره يدعيلك وباذن الله تكون دعوة الناس ليك سبب في رحمة ربنا بيك يوم القيامه :))
    فيارب احينا سُعداء وامتنا شُهداء .. وابني لنا يالله بيوتًا في الفردوس الاعلي .. بجوار حبيبك محمد .. سيد الخلق و خاتم الانبياء 👐
    =========================
    الشخص اللي بيتقرب من الله وقت امتحاناته او اي ازمه بيمر بيها مهواش انسان مُتناقض او اٍنسان وِحش !! .. هو فقط عارف اٍنه ملوش ملجأ او ضَهر يتسند عليه غير الله القادر علي كُل شيئ ... وربنا لما قال اٍدعوني استجب لكم .. مقالش ادعوني يا مُلتزمنين او يا مُتدينين !! ربنا بيخاطب جميع عباده ويقولهم قربولي وقت شِدتكم واحتياجكم ومتقلقوش انا هسمعكم واحقق اللي نفسكم فيه لانه كَريم . بس خليك جدع بقي ومتنساهوش لما يفرجها عليك ويِحل أزمتك ^_^ ♥
    #الله_يباركلك ..
    ========================
    من الحاجات المُبهجه اللي يستحيل انساها طول حياتي وهحكي لاولادي عنها باذن الله .. شاب عنده ١٩ سنه .. كُل ما برجع من أجازة الجيش .. الاقيه واقف مستني قبل معاد وصولي القاهره في موقف عبود .. ولما اوصل .. يصمم وراسه و الف سيف يشيل شنطتي بالعافيه .. ويمشي معايا لحد مكان وحدتي ف الجيش .. ولأني بنزل كل 15 يوم .. بيعد الايام .. وفـ اليوم ال 15 الاقيه واقف قُدام المُعكسر مستنيني اخرج بتصريح الاجازه .. ويوصلني للموقف ويمشي .. ياعم ليه بتعمل كدا ؟! انا مستاهلش .. يقولي لأني بحبك .. و هفضل اعمل كدا لحد لما تخلص جيش .. اللي بيحب حد يا بشمهندس بيعمل علشانه اي حاجه بدون كسوف او خجل !
    الجو حر .. وكأنها نار جهنم ف الجو .. الشمس طالعه ف السما بكل قوتها وعزمها وجبروتها .. وقتها كان النبي مهاجر من مكه للمدينه هو وسيدنا ابو بكر .. سيدنا ابو بكر ريقه ناشف .. والنبي برضه عطشان .. سيدنا ابو بكر اتصرف وجاب شوية لبن ف قِدره صغيره .. مترددش ثانيه وقال للنبي اشرب يا رسول الله .. مسكها النبي ورفعها علي بُقه .. سيدنا ابو بكر بيقول : فشرب النبي حتي ارتويت ! من كُتر ما بيحب النبي زي نفسه ! حس ان اللبن نزل في ريقه مش ريق رسول الله .. ومش بس كدا دا .. بيقول حتي ارتويت .. لحد لما شبعت ع الآخر ! وكأنه هو اللي شِرب مُش النبي !!
    سنة 1967 حصلت معجنه في نيجيريا .. حرب اهليه .. أهل نيجيريا مقسومين نُصين وبيطربقوا ف بعض .. لكن حصلت حاجه عجيبه .. فصيل من الفصيلين اللي بيتعاركوا .. طلب من الفصيل التاني .. انهم يعملوا صُلح لمُدة 48 ساعه ويأجلوا الضرب !! ليه بقي ان شاء الله ؟! لأن كان في ماتش كوره للاسطوره البرازيلي " بيليه " في مدينه من مُدن نيجيريا اسمها " لاجوس " ..من كُتر حُبهم لبيليه .. وقفوا الحَرب وقعدوا سوا ف المُدرجات وبقوا يشجعوا ويحضنوا بعض وكأنهم زي السمنه ع العسل ! .. رغم انهم اعداء الا ان حُبهم لشخص معين نساهم خلافهم !!
    واحد من علماء المسلمين العظماء جدًا اسمه ( ابراهيم بن أدهم ) .. كان مسافر مع ٣ اصحابه لبلد بعيده .. وهما في الطريق دخلوا يناموا في مسجد مهجور وبابُه مخلوع وكان الجو برد زي الرصاص .. التلاته ناموا .. وابراهيم بن ادهم وقف مكان الباب طول الليل .. صحيوا من النوم لقوه بيعطس وعنده زكام وعنيه حمره دم .. قالوله لم تنم ؟! شكلك منمتش !! قالهم البرد كان شديد فخوفت عليكم منه فوقف مكان الباب علشان امنع الهوا يوصلكم !! من شدة حُبه ليهم وقف طول الليل ف عز التلج اكتر من ١٤ ساعه علشان ميجيش عليهم نسمة برد تسقعهم وتتعبهم !!
    الحُب بيصنع المُعجزات .. متسألش دا بيحب فلان ليه .. شيء ربنا حدفه ف قلبه جعله يحبه لا اراديًا .. كل مشاكلنا تقريبًا بسبب قلة الحُب والتضحيه .. اللي بيحب حد بيتنازل .. بيضحي .. بيحس اللي بيحبه في الله حته من لحمه .. بيحبه زي نفسه .. تعرف ان سيدنا عمر قال ان مافيش نعمه بعد الاسلام اعظم ولا اجمل من انك تلاقي حد يحبك لله في لله بدون مقابل .. امسك فيه ب ايديك وسنانك لو لقيته .. ومش شرط يبقالك ١٠٠٠ صديق .. ممكن يكون عندك صديق .. ب ١٠٠٠ !! .. والفرق بين الحُب والإعجاب واضح جدًا ! اما الاعجاب ف ناس بننبهر بيهم من بعيد لبعيد بدون اي احتكاك او عِشره سابقه بينا وبينهم .. ومع او تصرف بايخ او موقف مش لطيف بيحصل منهم بينزلوا ويقلوا من نظرنا .. اما الحُب .. هو انك يكون عندك جميع الاسباب الكافيه انك تكره شخص معين ورغم كلاكيع شخصيته الا انك برضه بتحبه وراضي بيه زي ماهو بشحمه ولحمه ! 😄 .. فلو لقيت حد بيبلعلك الزلط علي راي المثل .. اوعاك تحاول تفرط فيه لانه جوهره لا تقدر بثمن .. وعلي راي ستي معرفة الناس .. كنوز :))
    #الحُب ..
    #احمد_ايمن
    ==================================

    الحقيقه انا شخصيه غيوره .. لكني مُش شكاك .. بغير بدون شك وبهتم بدون خنقه وبتقل بدون برود وتبلُد ! .. من غيرتي ممكن اكنس السلالم قدام بيتي لاني اخاف امي توطي وراجل يعدي ف يبصلها وهي موطيه ! .. غيور لدرجة اني نفسي اللي ارتبط بيها احطها ف جيب قميصي الشمال القريب من قلبي .. وألبس البلوفر فوق القميص وافضل ابص في عِبي واكلمها واغازلها كانها زي عقلة الاصبع .. مش عاوز الناس يتدخلوا ف تفاصيل حياتنا لان انجح العلاقات هي اللي بتكون بعيد عن عيون الناس وكلامهم .. ومش معني غيرتي ! اني امحي شخصيتها او اقلل منها ومن احلامها .. بل بالعكس دنا باذن الله هحارب معاها الظروف والمُجتمع والكون بحاله .. علشان توصل للي بتتمناه .. جايز معرفش انتي مين ولا اهلك ولا شكلك .. بس صدقيني .. مهما كنتي هتبقي اجمل نساء الدنيا ف عنيا .. هحترمك وأحب روحك قبل شكلك .. لان الشكل بيروح مع مرور الوقت .. اما الروح بتفضل طفله بريئه والقلب بيفضل عيل مهما تجاعيد الزمن علي الوش بانت وبقينا عواجيز .. يمكن انا اقل الناس ف كل شيء .. لكني برده بقولك إني بَحَوِّش في نفسي علشانك .. متدبقلك ومحدش هيطولني غيرك .. وحشتيني ^_^ ❤️ !
    #شوية_فضفضه ..
    #احمد_ايمن ..
    ==================
    معايا واحد صاحبي ودفعتي ف الجيش .. بيحكيلي ازاي تاب لربنا تبارك وتعالي .. بيقولي : البت محترمه ومكذبش عليك .. حبتني لاني عوضتها عن قسوة اهلها وعدم اهتمامهم بيها .. وف ليله هددتها اني خلاص هسيبها لو متقابلناش ف شقه لوحدنا .. واكيد طبعًا انت عارف زن الرجاله وتهديدهم بالفُرقه والفراق بالنسبالها كاني طلعتها سابع سما .. ونزلتها لسابع ارض ! يعني هدفنها بالحيا ! المهم .. وافقت .. ايوه وافقت .. و خرجت من بيتي ورحتلها الشقه .. كانت متزوقه وعلي سِنجة عشره .. بس مَطفيه .. عنيها بتبكي ومرعوبه وعارف انها بتبكي بسبب الحرام .. لكن قوة حُبها ونفسها كانوا اضعف من قوة ايمانها .. اصلي انا مربيها علي ايدي وعارف دماغها .. المُهم .. دخلت معاها الاوضه .. بص .. انا كُنت بقول يستحيل معملش معاها الحرام مهما حصل او كان .. لاني اصلاً ياما لحيت عليها اننا نتقابل واخيرًا جت الفُرصه .. الشقه كانت ف الدور الاولاني .. ولسه هنبدأ سوا العلاقه .. عدي متوسيكل من قدام شباك الاوضه اللي احنا فيها وكان مشغل قرآن .. و كانت الآيه اللي شغاله بتقول ( واتقوا يومًا تُرجَعُون فيه إلي الله ) خاف من يوم هترجع تقابل فيه ربنا ياتري هتقوله ايه ؟! جسمي اتنفض .. قشعرت .. حسيت ان الآيه دي مكتوبالي من ١٤٠٠ سنه مخصوص .. تُبت .. ايوه تبت .. ندمت علي كُل لحظه عصيت ربنا فيها ساعتها .. استغفرنا .. وقولتلها متخافيش .. وروحتها قبل حتي ما اشوف خُصله من شعرها .. فرحت وكأن الليله عيد .. كانت مبسوطه وبتبكي بسهتريا .. وطول الطريق انا وهي بنستغفر .. وعدتها بالجواز .. واننا مُش هنعصي ربنا تاني .. وفترة الجيش هتكون فترة نقاهه نبعد عن بعض فيها ونتوب ونبقي صالحين وربنا رحمته وسعت كُل شيء .. وباذن الله هيحتوينا برحمته ويغفرلنا كُل ذنب عملناه .. ووالله قريت الفاتحه مع ابوها وربطت كلام وبعد الجيش مباشرة هنكتب الكتاب باذن الله .
    انا ساعتها بكيت علي حالي .. كام آيه سمعتها ومدخلتش قلبي ولا قشعرت بدني .. بقيت حجر ! مبندمش مبتوبش ! استغفر الله العظيم .. استغفر الله العظيم .. قالي قول ورايا ( اللهم اني تبت علي كل ذنب فعلته بقصد او بغير قصد .. وان كان ذنبي كبير فرحمتك يا الله اكبر واوسع من اي شيء .. فإغفرلي .. قولت وراه واتعشمت ف الله انه يفتحلي صفحه جديده .. وبإذن الله يكون غفرلي وغفرله وغفر لكل واحد وواحده قرأوا البوست ولمس حته ف قلوبهم مضلمه ونورها.. لانه اكيد رساله من الله ليك وليكي .. خاف من يوم هتقابل فيه ربنا لوحدك وهيسألك عن ذنوب عملتها وانت واقف قدامه مكسوف متلجم منتاش عارف ترد .. واعرف ان حلاوة الذنب بتروح وبيفضل العقاب مستنيك .. وتعب الطاعه بيروح وبيفضل ثوابك .. قول بصدق ( تُبت الي الله .. تبت الي الله .. تبت الي الله ) .. قولت ؟! بصدق ؟! مبروك .. ذنوبك اتغفرت باذن الله وبثقتي ف رحمته .. ومبروك عليك ثواب كل حد تاب بسبب الكلام دا في ميزان حسناتك ان شاء الله .. مهما عمل ف حياته .. :))
    #احمد_ايمن ..
                  

12-04-2018, 07:28 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    تيجي نجرب نحس بحاجه بنعملها يومياً جايز شعورنا بيها يختلف .. هنجرب حالاً اننا نتفس .. طب مهو انا ديماً يتنفس .. لا المرادي عايزك تستمتع بالهوا اللي داخل جوا صدرك .. ازاي ؟! اتنفس بهدوء وببطء .. خُد النفس بالراحه ... واستنشق الهواء وخليه يوصل لموضعه الصحيح ثم بعد ذلك استخرج الهوا مره تانيه ولكن بهدوء .. ووانت بتخرج الهوا قول يارب .. خد الهوا بأنفك بهدوء واستخرجه من فمك بهدوء وبالراحه .. هتلاقي نفسك مطمئن وحاسس براحه عجيبه .. وهتعرف انها نعمه كنت ناسيها .. دور جوا التفاصيل هتلاقي نفسك وراحتك وامانك وابتسامتك :)
    #جربها !
    #احمد_ايمن
    =======================
    البوست دا هديه ليك 🎁 .. ( كُلنا عملنا ذنوب من كبيرنا لصغيرنا ) فـ ايه هو ابسط حل لغفران جميع الذنوب اللي عملناها ف جياتنا ؟! الحل سهل جدًا .. ولو حد عمل بيه بسببك هيتصب ليك نفس ثوابه في ميزان حسناتك .. النبي قال : من قال قبل نومه لا إله إلا الله .. وحده لا شريك له .. له الملك وله الحمد وهو على كل شي قدير .. لا حول ولا قوة إلا بالله.. سبحان الله والحمد لله، ولا إله إلا الله، والله أكبر ـ غُفرت له ذنوبه وإن كانت مثل زَبد البحر ..حُط راسك علي المخده وقبل لما تنام قول الادعيه بكل ثقه ف ربنا ورحمته ..و والله هتصحي الُصبحيه وانت صفحة سيئاتك اللي عملتها مهما كان حجمها مشطوبه كُلها لا مش مشطوبه بس لا دي مقطوعه كمان .. وربك مُش هيسألك عنها تاني ابدًا باذن الله .. ربك رحيم .. قلبك هيبقي كأنه مغسول بديتول نضيف وكأنك مولود النهارده .. ذنوبك ممسوحه بأستيكه ومعمولك صحيفه بتُبرُق وبتلمع .. اكتب فيها اللي يعجبك بقي .. ربنا يغفرلك ويجعل ثواب كل اللي هيقول الدعاء ويتعلمه بسببك في ميزان حسناتك لحد يوم القيامه باذن الله :)
    #احمد_ايمن
    =======================
    اللي يفكرك بماضيك وقد ايه انت كُنت سيئ او انتي كُنتي بتعصي الله ! قوله : النُص الاول من حياة " الغامديه " كان زنا وبُعد عن الله .. والنُص التاني صلاح وبر وقُرب من الله وتوبه وكذلك سيدنا عُمر كان رايح يقتل النبي فـ النُص الاول من حياته .. وحاليًا عُمر مدفون جنب رسول الله !! والفُضيل بن عياض وكتير جدًا من الصالحين .. والنص الاول من حياة ابليس كان سجود لله وعباده وطاعه واخلاص ! .. والنُص التاني من حياته كُفر وضلال وآخرته الجحيم .. اٍحنا بنسأل الله حُسن الخاتمه ومبنسألوش حُسن البدايه .. فـ مُش مهم زمان كُنت ايه .. الأهم دلوقت انت ازاي
    ==========================
    زي ما الراجل بيختار الست بمواصفاتها الاربعه اللي وصاه بيهم النبي ( لمالها ولجمالها ولحسبها ونسبها ولدينها ) كذلك الست من حقها تقرأ القرآن وتقف عند آيه بتقول ( الرجال قوامون علي النساء ) يعني من الحق الست انها تختار راجل اقوم منها يعني اذكي منها واغني منها ومستواه الفكري والاخلاقي عالي علشان يرتقي بيها ومتقبلش بأي حد والسلام .. راجل يبني معاها احلامها ميهدمهاش .. إختاري بعنايه اللي تشوفيه يصلُح يبقي شريك حياتك وأبو عيالك .
    ==========================
    وهقول تاني :
    - انا امي ايديها بتخدل وبتوجعها من شغل البيت وبتنام مبتدراش من هدة الحيل .
    -امي كل يوم تصحي ٣ الفجر من احلي نومها علشان تغطيني وتشربني لانها عارفه اني بعطش جدًا وانا نايم .
    -امي لما عرفت ان الفلوس مقصره معايا اليومين اللي فاتوا ادتني مرتب الشهر بتاعها كله وهي مبسوطه .
    -ف المناسبات .. بضحك واسهر واخرج مع صحابي .. وهي رايحه ف النوم بلبس شغل البيت المبلول من المسح والغسيل .. وبتنام ومبتلحقلش تغير بسبب تعبها وارهاقها .
    -امي اول حد حببني ف الصلاه.. و قالتي تعالي نصلي وندخل الجنه سوا ومقالتش علشان متدخلش النار .. مخوفتنيش من ربنا قد ما حببتني فيه .
    -عمرها ما قللت من شكلي ولا شعري القصير .. ديمًا تقولي اني اجمل شاب في الدنيا وِبتحبني ف كل حالاتي .. بعكس البنت اللي حبتها ورمت السلسله اللي جبتهالها وانا ف ثانويه في الارض وقالتلي مبحبكش !
    -امي كانت ف فتره مضغوطه ف بيت العيله وانا ف ابتدائي ولانها مش عارفه توفق بين تعليمي بعض امور الحياه .. بعتتني بيت اهلها عند جدي وجدتي عشت معاهم سنه بحالها اتعلم الاكل .. النضافه الشخصيه .، القرايه والكتابه وطريقة الكلام .
    -لما كنت اغلط .. كانت تقول لابويا يضربني .. واول لما يقربلي تقف قدامه وتقوله خلاص سيبه .
    -لما طلعت من الكليه الحربيه دخلت اوضتي ونمت حزين هي اللي دخلت ونامت جنبي وعيطت وتقولي متزعلش .
    -وانا عندي ١٨ سنه مراهق امي طبخت اكل معجبنيش قولتها مش هاكل من ايدك تاني ايه الاكل دا .. حطت الصنيه علي الارض وقعدت تعيط علشان قولتها مش واكل من ايدك .. وغيرها كان هيقولي انشاله مطفحت .
    -برغم تعلقها الشديد بيا بتقولي لما تتجوز هقعدك لوحدك انت ومراتك لان محدش له حق يتدخل ف حياتكم او يشاركم فيها .
    -اقولها لو مت هتزعلي ؟ تضحك وتقولي الاعمار بيد الله مش هزعل .. ويوم ما راسي اتخبطت واتعورت كانت بتحط عليها بُن و بتصرخ من البُكا .
    -وانا ف اعدادي رجلي اتجبست وتاني يوم كان العيد.. قعدت جنبي وفضلت تلاعبني وتضحكني وضحكتها متغمسه بدموعها لاني مش قادر اتنطط والعب دي العيال .
    -امي اسرع واحده تبكي وبرضه اسرع واحده تضحك وتتراضي بأقل كلمه طيبه .
    -كل يوم وهي رايحه المدرسه الصبح تدخل عليا وتحضني قبل لما تمشي كأنها آخر مره هتشوفني بتقعد علي حرف سريري وتحكيلي يومها و تشتكيلي من كل الظروف وتفضفضلي وانا ساعات كتير مبكونش مهتم وابص للموبايل وهي بتحكي .. لكني لو حكتلها حاجه بتهتم وتسمع وتبص ف عيني .
    - لما دخلت الجيش مبترضاش تكلمني ف الموبايل لانها بتعيط اول لما تسمع صوتي وبتعيط لو عملت اكل بحبه وانا مش موجود وبتعيط لما تدخل اوضتي وتلاقي فَرشِة سريري مظبوطه ومش ملخبطه لاني مسافر ومش موجود وغيرها مبيبكيش عليا ولا بيفتكرني اصلاً .
    -اوقات كتير بضحك وهي تقولي مالك متغير ليه ؟ وبتفهم حزني بدون ما اعبر عنه او اقوله .
    -امي عمرها ما قالتلي هي عملتي ايه او ضحت قد ايه او سهرت قد ايه او لفت معايا ع الدكاتره قد ايه و لما جابت الروشته بتاعتي عيطت قد ايه او او او او الي اخره مع ان اللي بتعمله مستحيل اعرف آخره .
    -امي عملت كل الكلام دا واكتر بدون ما تطلب مليم ولا اي مقابل ولا تحسسني اصلاً بيه .
    -امي اللي عارف اني لو ورتها الكلام دا هتبكي من كل قلبها ..
    -الوحيده اللي حبتني قبل اي حد ما يحبني وقبلتني قبل اي حد ما يقبلني .. البوست دا مكتوب في حُب الست دي .. في حُب أمي . ❤️ !
    #احمد_ايمن ..
                  

12-04-2018, 07:29 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    لـ :
    -كُل اللي ماتله عزيز .. خسر حبيب .. واقع في محنه .. ظروفه صعبه من اي نوع ماديًا او نفسيًا .. البوست دا علشانك .. :))
    السيده أُم سَلمَه لما زوجها مات .. فضلت تبكي بكاء شديد .. وكانت من جواها معتقده خلاص ان حياتها زي عقارب الساعه اللي وقفت ويستحيل تمشي من جديد .. ولا يُمكن هتلاقي راجل زي جوزها تاني .. بعدها قالت دعاء جميل .. اعتبره رساله ليك عن طريقي .. قوله ديمًا .. صدقني لو قولته بيقين وثقه في ربنا .. الوضع اللي بتمر بيه .. هيتشقلب ويتحل .. بعد من كانت مقفله ف وشك زي الضُمنه .. و هتلاقي الدُنيا بقت عال وربك بيرزقك بكل خير وبيعوضك بأحسن من اللي خسرته ١٠٠ ألف مليون مره :)) .. وكل اللي هيقوله بسببك هتاخد ثوابه وربنا هيرزقك برزقه :)) .. قالت : اللهم أجرني في مُصيبتي وأخلِف لي خيرًا منها .. ( يعني : يارب اجعلي اجر وثواب علي صبري ع اللي بيحصلي وعوضني بشيء احسن وافضل من اي شيء خسرته ) .. تعرف السيده أم سَلمه لما قالت الدعاء دا حصلها ايه ؟! ربنا كافئها علي صبرها وعوضها براجل افضل واحسن من زوجها بكتير .. عوضها بخير خلق الله .. إتجوزت النبي صلي الله عليه وسلم ! :) ❤️
    ============================
    - مافيش واحده نكديه .. الا لو كانت مرتبطه بشخص كئيب ..
    - ومافيش ست مسترجله .. الا لوكانت مرتبطه براجل ضعيف الشخصيه .
    - ومافيش ست مُهمله .. الا لو مرتبطه براجل مبيهتمش بيها .
    -ومافيش واحده عاصيه .. الا لو كانت مرتبطه براجل مبيخافش ربنا فيها !
    --
    فلو الراجل : - بقي مَرح وروحه حلوه .. تلاقي الست بقت مزقططه ومفرحاه !
    - ولو الراجل بقي قوي ليها مُش عليها .. تلاقي الست بقت في قمة انوثتها معاه .
    - ولو الراجل اهتم بدون خنقه .. هي يستحيل تهملُه ..
    - ولو خاف ربنا فيها .. من نفسها هتحترمه وتقدره ..
    و علي رأي الدكتور النابولسي دا مش انحياز للمرأه .. بس المرأه اتسمت مرأه لانها مراية راجلها و بتعكس شخصيته .. فلو انت راجل قلبك طيب وبيتصونها ومبتخذلهاش .. هي هتبقي انعكاس لشخصيتك وهتشيلك فوق دماغها .. ناس كتير تقولك دور علي الست تلاقيها سبب تعبُه ! غلط طبعًا .. دور علي الراجل .. لان ورا كل ست مَرحه وسعيده ومبسوطه ف حياتها .. راجل مُحترم بيقدرها ويعاملها بكل احترام .. ( ولعل العيب منك ! ) والنبي قال ( ما اكرمهن إلا كريم ) وربنا بيقول ( فإمساكٍ بمعروف او تسريح بإحسان ) لاما عقد الجواز اللي رابطكم ببعض يخلي حياتكم سوا بالطيبه والحُسني والاحترام .. لاما كُل حي يروح لحاله بالادب وبدون شوشره .. ولو فعلاً عاوزها زي السيده خديجه .. اذًا خلي فيك من أخلاق سيدنا مُحمد :))
    وربنا يصلح حالك ويرزقك بكل خير ^^
    ================================
    خلي قلبك نضيف ..
    علي راي الشعراوي .. ساعات النعمه بتجيلك لانك تمنتها لغيرك في يوم من الايام .. لان لما بتدعي لحد .. في مَلَك من الملائكه بيرد فورًا ويقولك ولك مثله
    ==================================
    خليك مؤمن ان ربنا هيفرجها ويسترها عليك .. سواء ف دراستك او ف اي حاجه ف حياتك .. وربي هتتعدل :))
    #الله_كريم
    ===========================
    لما تضيق عليك بزياده .. اعرف انها خلاص هتُفرج من وسع .. صدقني ربنا هيبهرك ويدهشك بكل خير قريب جدًا .. الله كريم
    ======================
    علمني يارب إن أنا مشتاقش .. للناس محتاجش .. ولا افكر طول الليل وأتغم .. علمني إني ادي الدُنيا طناش .. وان انا مبقاش .. بالحُزن واي هموم مُهتم ! 🙌
    #علمني_يارب
    ============================
    اللهم ان في صدري كلامًا لا استطيع ترتيبه في الدعاء .. وانت يا رباه اعلم بنفسي مني .. فحقق ما اتمناه وأرح بالي وقلبي 💔
    ==================================
    مُتخيل انك لو صليت علي النبي دلوقت .. في ملك من الملائكه هيطير فورًا لرسول الله ويقوله فلان او فلانه صلت عليك دلوقت يا رسول الله ؟! ومُش بس كدا .. كل حد هيصلي عليه بسببك هيبقي ليك جبال حسنات يوم القيامه باذن الله :))
    صلوا علي الرحمة المُهداه ..مُحمد بن عبد الله
    ===========================
    احمد ايمن
    ===================================

    واحده صاحبة امي قعدت لحد سن الـ ٣٢ سنه متتجوزش .. كل شويه يتقدملها عريس وترفضه .. ليها دماغ معينه انا مش هقبل باي راجل وخلاص لابد يكون انسان فاهمني وفهماه ويهتم بأدق تفاصيلي .. كل اللي يشوفها يقول عنها مسكينه ملهاش نصيب وعدلها لسه مجاش وفرصتها ف الخلفه قلت .. جالها دكتور مراته ماتت بعد جوازه بسنه وقعد ٥ سنين مبيفكرش يرتبط لحد لما شافها صدفه واعجب بيها واتقدملها .. دماغها كانت شبه دماغه بالملّي حس انها شبه ونسخه طبق الاصل منه .. اتجوزوا .. عدت سنه مفيش خلفه وجوزها تقي .. يقولها خير .. انا لا يمكن اسيبك ولا اتخلي عنك سيبيها لربنا وزي ما تيجي .. وانقطعت اخبارها عن امي بسبب سفرها برا مع جوزها ومشاغل الحياه .. امي كانت بتكلمها ف التليفون امبارح .. ربنا تبارك وتعالي رزقها بـ ٣ ف بطن واحده ( عُمر .. ومالك .. وخديجه ) وكأنه بيقولها انا حرمتك من شيء نفسك فيه علشان اعطيكي اللي بتتمنيه واكتر .. الست عايشه اجمل واسعد ايام حياتها وجوزها بيقولها انا عندي اربع عيال مش ٣ بس .. انتي بنتي .. بتصغري مبتكبريش ! .. ربنا عوضها بزوج واولاد وحياه كريمه بعد بلاء ومعاناه .. بس منكرش ان العيال مطلعين عين اللي خلفوها :)) ..
    ديمًا كنت اقولك لما تهني حد بعيد قوله ( كل عام وانت طيب ومتقولوش كل سنه وانت طيب ) لان العام معناها ايام الخير والبركه اكتر من ايام الشر والتعب .. والسنه معناها ايام الشقاء والتعب اكتر من ايام الخير والسعاده .. ربنا قال في القرآن ( وارسلنا نوحًا الي قومه فلبث فيهم الف سنةٍ الا خمسين عامًا ) ربنا بعت سيدنا نوح دعي قومه ١٠٠٠ سنه عذاب وشقي وهم وشتايم وتكذيب لُه واهانات .. الا خمسين عامًا صنع السفينه وربنا اهلك الكافرين وعاش سيدنا نوح ٥٠ عام من الهدوء النفسي .. وبرضه ايام سيدنا يوسف لما حصل ٧ سنين المجاعه والعطش ربنا قال بعدها ( ثم يأتي بعد ذلك عام فيه يغاث الناس ) عام خير ومطره ورخاء ) اذًا عام افضل من سنه .. طب واحد يقولي ما احنا بنقول عام الحُزن .. والعام دا مات فيه عم النبي وزوجته خديجه وتسبب في جرح عميق في قلب النبي .. اقولك كلامك صحيح .. بس لو راجعت التاريخ هتلاقي في العام دا برغم البلاء اللي حصل للنبي فيه .. الا انه قبل نهايته ربنا جعل النبي يروح رحلة الاسراء والمعراج ويقابل الانبياء في القدس ويطلع المعراج ويكلم ربنا وفي علماء قالوا انه شاف ربنا كمان ! . . وكأن ربك بيطيب خاطره ويقوله متزعلش انا مش ناسيك ابتليك علشان افرحك ف الاخر ( لانك يستحيل تحس بجمال العسل وحلاوته الا لما تدوق المرار ) .. وفعلاً رحلة الاسراء والمعراج هونت علي النبي موت حبايبه وجرحه بسبب فقدانهم .. فبدل ما تبقي اسمها سنة الحُزن .. بقي عام الحُزن لان خيرها علي النبي اكتر من شرها ! :))
    في عصر من العصور القديمه .. كان في ملك ولُه وزير ديمًا بيراقفه ورجله علي رجله في كل خطوه .. والوزير كان ذكي وعاقل .. لما كانت تحصل اي مصيبه ف المملكه يقوم الوزير قايل للملك ( لعله خير ) .. الملك يتعجب .. فين الخير بس !! .. ومن الواضح ان الملك كان بيحب الصيد جدًا .. وف يوم طلع يصطاد وكان معاه الوزير .. ف وهو بيطلع السهم اللي هيصاد بيه وبيشده لورا فجأه السهم رشق ف ايد الملك وقطع صابعه ! الوزير قال ( لعله خير ) غضب الملك غضب شديد وقال مافيش اي خير في ان صابعي يتقطع .. وقام حابس الوزير .. وبعد فتره من الوقت .. الملك خرج يصطاد في الغابات .. وشاف غزاله وجري وراها بعيد عن الحرس بتوعه .. فمجموعه من الناس اللي بيعبدوا النار مسكوا الملك واسروه عندهم وقلعوه هدومه وقاله انهم هيقدموه هديه للنار .. وفعلاً لسه هيرموه ف النار قام راجل عجوز منهم قال استنوا مينفعش نقدم للاله بتاعنا حاجه فيها عيب او نقص والراجل دا صابعه مقطوع .. سيبوه !! فسابوه بسبب ابتلاء ربنا ليه بان صابعه مقطوع .. فجري الملك فرحان جدًا ووصل للوزير وقاله فعلا لعله خير انا كنت هترمي ف النار لولا ان صابعي كان مقطوع شكرًا يا وزير انا ظلمتك شوف اي شيء اعوضك عن سجنك بيه .. قاله ايها الملك لعل سجني خير ليا .. قاله خير ازاي بس !! قاله ياملك مهو لو كنت متسجنتش وجيت معاك كانوا خدوني انا 😂 .. فلعله خير !!
    😄
    الشيخ الشعراوي الله يرحمه كان له صديق رجل اعمال كبير .. وف ليله كانوا مسافرين سوا .. و ف الطريق .. الشيخ الشعراوي شاف شاب عنده متلازمه دوان ( اللي عندهم ضعف القدره الزهنيه وبيكونوا شبه بعض ف الشكل ) المهم الشيخ الشعراوي نزل من عربيته وقعد علي الارض مع الشاب دا وفضل يهزر ويلعب معاه .. اهل البلد عرفوا ان الشعراوي ف البلد جريوا كلهم عليه وابو الشاب وامه راحوا يشوفوا الشعراوي هما كمان .. وبعدين الشعراوي سلم عليهم واعطي الشاب المريض مبلغ من المال ورفع ايده للسما وقال ( اللهم ارزق اهل هذا الشاب معرفة سر بلاء ابنهم ) فصديق الشعراوي استغرب من الدعاء جدًا ومنامش طول الليل يوميها .. هو في سر ورا البلاء اللي بيحصلنا ؟! فصديق الشعراوي قام من سريره ف عز البرد وركب عربيته وراح لبيت الشاب اللي عنده تأخر زهني .. وسال ابو الشاب وقاله كان نفسك ابنك يطلع ايه ؟! قاله كان نفسي يكون سليم ويشتغل ويجيب كل شهر ١٠٠ جنيه يساعدني بيهم ف البيت .. ف ام الشاب سمعت صوت ف الصاله فخرجت من الاوضه .. فصديق الشعراوي قالها كان نفسك ابنك يطلع ايه ؟! قالت كان نفسي يبقي سليم ويشتغل ويجيب كل شهر ٥٠ جنيه يساعدنا بيهم .. فضحك صاحب الشعراوي وقالهم طيب ولا تزعلوا من النهارده ابنكم هيعتبر موظف في شركه من شركاتي وهياخد كل شهر ١٠٠٠ جنيه .. علشان تعرفوا ان بلائه ومرضه خير ليكم لانه لو سليم مكنش هيجيبلكم غير ١٠٠ جنيه لكن بسبب مرضه هيدخلكم بسببه شهريًا ١٠٠٠ جنيه .. فرحوا فرح شديد وحمودا الله وعرفوا ان ربنا بياخد شيء ويعطي قصاده اشياء لا تعد ولا تُحصي !! وكان مرتب الشاب المريض دا .. سبب ف تعليم بقيت اخواته وانه ابوه وامه يبقوا اغنياء بين الناس لحد وفاتهم . !
    ربنا لُه حكمه ف كل شيء .. بيبتلي دا بالفقر لانه لو اغتني هيفجر ويصرف فلوسه ف الحرام .. بيحرمك من ابن لان بموته ربنا بيبنيلك بيت في الجنه .. بيخليك تفشل في شيء معين علشان تنجح في اشياء تانيه .. بتفقد حبيب علشان تكسب حبايب .. ربنا بيقطع من هنا ويوصل من هنا .. اصله كريم .. مهما الدنيا قصرت معاك والوضع بقي بايخ تاكد انها هتروق وتتعدل .. وعلي راي أنيس منصور ( مافيش شيء بيجعل الانسان عظيم غير الم عظيم ) هتتعدل وتبقي ١٠٠ فُل وعشره ربنا مبينساش .. عالم بالي جواك والنار اللي انت كابشها وهيطفيهالك .. ويواسيك .. ربنا بيبتلي اللي بيحبهم .. بكلمك وكلي يقين وامل في ربنا انه هيعوضك خير ويرزقك من وسع ومين عالم يمكن اجمل ايام حياتك لسه مبدأتش .. ربنا جميل .. باذن الله هيجملك اوقاتك بفضله العظيم .. متيأسش .. اجمد كدا متبقاش خِرع وضعيف .. علي راي الشعراوي يمكن ربنا خد منك اللي انت عاوزه علشان يعطيك اللي انت محتاجه .. وانتي متكلضميش وتكتأبي .. اصعب مواقف بنمر بيها بتبقي احلي ذكريات بعدين لما نحكيها .. ونقول فعلاً مكنش عندنا بصيره نشوف اللي ربنا كان مخبيه لينا في الغيب .. لان والله ثم والله لو عرفت ربنا بيدبرلك ايه في الغيب لهتبكي زي الطفل من شدة الفرح والسعاده .. صدقني #إذا_احب_الله_عبدًا_ابتلاه ..
    #ربنا_بيحبك
    احمد ايمن
                  

12-04-2018, 07:30 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    اوعاك تستهون بجرح قلب اي حد بعد فُراق اللي بيحبه " موت مثلاً .. أو بُعد حد عزيز عليه .. وتقول دي بتضحك وعايشه حياتها ومُش هاممها اي حاجه ومُش فـ بالها .. ياعم دا بيخرج ويهزر ومفيش حُب شاغله ولا غيره .. للاسف كلام غير صحيح .. كتير من البنات بيكون عندها كبرياء يمنعها من البُكا والضعف قدام الناس .. والراجل كذلك يرفض الضعف وانه ينحني ويظهر انه كويس وعال وكُل شيئ تمام .. وبصراحه الأمر دا بيفكرني بموقف ام سيدنا موسي لما رمته فـ التابوت فـ البحر .. وجِه جنود فرعون يسألوها ان كان عندها بن ؟! علشان يقتلوه .. فـ شوف ربنا بيقول عليها ايه ؟! "وأصبح فؤاد أم موسى فارغا إن كادت لتبدي به لولا أن ربطنا على قلبها " في فرق بين الفؤاد والقلب .. الفؤاد جايه من كلمة فئد .. يعني احترق .. بتشوف ف القران ربنا بيقول " نار الله الموقده التي تَطِّلع علي الافئده .. نار ربنا اللي مولعه بتطُل علي قلب الكافر وتحرقه .. اذا فؤاد يعني مكان القلب بعد لما القلب يتحرق وميبقاش موجود .. عارف جيراب الموبايل " اهو القلب الموبايل .. والجيراب هو الفؤاد " مكان القلب .. واصبح مكان القلب فاضي لان القلب اتحرق " مبقاش موجود " !! .. اذا فؤاد يعني مكان قلبها اللي مولع من حُبها ولهفتها وشوقها وخوفها علي ابنها .. عارف لما يكون ف ايدك حتة تلجه ؟! بتعمل ايه ؟! بتفضل تحطها فـ هدومك او تلعب بيها زي الكوره بحيث انها متفضلش ف ايدك فتره طويله فـتسقعك ... كذلك قلبها كان زي ايدك ومكان قلبها مولع وقلبها عمال يتحرك فـ صدرها من الحٌرقه مُش ثابت .. وشوف ربنا قال ايه ؟! : ان كادت لتُبدي به .. يعني كان فاضلها تَكه و تتكلم وتِظهر ضعفها وبُكائها فيعرفوا ان ليها بن ويقتلوه ! .. بس ربنا ثبتها وربط علي قلبها .. وخلاها تجمد .. عارف لما تكونوا مسافرين وتحطوا الشُنط علي العربيه ويقولولك اربط كويس عشان الشُنط متقعش ؟! اهو ولله المثل الاعلي .. ربنا ربط علي قلبها علشان ميقعش وينهار وتبكي وعيونها كانت بتلمع لكنها قويه بقوة الله .. فمتستهونش بحُب حد لحد مهما بلغ منهم فٌراق وبُعد ولو من طرف واحد .. لان قلبه بيكون مشعلل ونفسه يصرخ باللي مخبيه .. بس ربنا رابط علي قلبه ومصبره ومخليه قوي رغم ضعفه الشديد واحتياجه الغير مُنتهي ولكن من رحمة الله بيه بيعطيه من كبريائه .. وعلي رأي الدكتور مصطفي محمود : لو دخل كُل منا قلب الآخر لأشفق عليه :) !
    #الله_يريح_قلبك_ويربط_عليه :))
    #أحمد_أيمن ..
    ==========================

    #الخشوع_في_الصلاه .. :))
    أنا بصلي بس بسرح ف الصلاه ومبخشغش ! اعمل ايه يا صديقي ؟!
    صلي علي النبي : أولاً ربنا ذكر صفات الخاشعين في القرآن وقال " وانها لكبيرة الا علي الخاشعين " هي ايه يارب اللي كبيره وصعبه ؟! الصلاه .. كبيره جداً علي اي حد اٍلا اللي بيخشعوا في الصلاه .. طب ايه مواصفاتهم يارب ؟! قالك : الذين يذكرون الله قياماً وقعوداً وعلي جنوبهم " اذاّ عايز لسانك وانت نايم وقايم وقاعد ميبطلش لا اٍله الا الله يوم بالظبط او يومين ربنا هيقذف حُب الصلاه في قلبك تلقائي ..
    ثانياً : حِب الله صلي حُباً ف جلالة الله مش علشان طالب جنه او نار حِبه علشان هو يستحق انك تحبه ,, كُنت كتبت سَطر من المُقربين الي قلبي : والله يارب لاٍن ألقيتني فـ النار وقررت عَني بُعدك .. لأخُبِرَن يارب أهل النار أني أُحبك :)
    ُثالثاً : انت كل لما بتصلي بتصلي بالسور اللي انت حافظها من جزء عمّ ف ده بيخليك بتصلي من غير تركيز لانك عارف انك مش هتغلط ! لكن لو حفظت كل يوم 5 آيات من القران الكريم وصليت ف كل صلاه بآيه جديده من اللي حفظتهم تركيزك كله هيكون ف انك متغلطش وساعتها هتركز ياسلام بقي لو كُل آيه تحفظها تعرف تفسريها هتحس انك وانت بتصلي في عالم تاني خالص كأنك في كوكب الطاعه خشوع وتأمل الكلمات هيخلي قلبك طاير بجد .. وزي ما قولتك لو آيه وقفت معاك سبها فـ كومنت وهفسرهالك باذن الله وفضله .
    رابعاً : صلي وخليك مؤمن انك بترتاح بيها مش منها ,, يعني السجده بتحضنك واحكي لربنا ومتقوميش من السجده غير لما تكون قولت كل حاجه جواك ومش شرط صيغة دُعاء معينه اٍن شاء الله تقوله يارب تشيرتي اٍتقطع او جزمتي او يارب نِفسي في زوج صالح او زوجه هيقبل دُعائك المُهم ❤ قلبك يكون نضيف ,,
    خامسًا : اعتبر انك الامام والملايكه المخلوقه بنور الله الجميل طايره بترفرف بجناحتها وبتصلي وراك !
    سادسًا والاخيره : وانت بتصلي تخيل ان النبي صلي الله عليه وسلم قاعد قدامك ومربع رجليه وايده علي خده وعمال يبصلك ويبتسم ويتأمل صلاتك :)) ,, ياتري تحب يشوفك ازاي وانت بتصلي ؟! ❤
    #اٍخشعوا :)
    #أحمد_أيمن ..
                  

12-04-2018, 07:31 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    أُحب الصالحين ولستُ منهم .. :))
    ربنا بيقول فـ القرآن " الطيبون للطيبات .. " .. واحد يقولي افرض انا كنت بعصي ربنا وتُبت هل ربنا برده مش هيرزقني بنص طيب ليا ؟! او حتي متوبتش وبحاول اصلح نفسي علي قد ما اقدر كدا ربنا هيبتليني ببنت مهياش كويسه صح ؟! اصل انا عملت بلاوي و الآيه لو إتطبقت عليا !! .. يامصيبتي دنا كدا ممكن اتجوز رقاصه ياعم 😂 !! ؟! او بنت بتعمل ذنب معين تقولي كدا هاخد شخص مُش محترم صح ؟! .. اقولك لاء ! ربنا ممكن يرزقك بنص صالح يِصلَحك .. او نُص تاني انت تصّلِحه .. لان " الطيبون للطيبات " نزلت في النبي صلي الله عليه وسلم والسيده عائشه فقط .. ومُش مقياس لينا .. واكبر دليل ان زوجة سيدنا لوط في النار ! وزوجة سيدنا اسحاق في النار برده ..وزوجة سيدنا نوح في النار !! وزوجة فرعون في الجنه !! .. وساعات تلاقي واحد ف عيتلكم غلبان وطيب وامك تقولك ياعيني ع الحلو لما تبهدله الأيام " مِسم " مراته قرشانه مطلعه عين اللي مخلفينه ربنا يصبره ع اللي هو فيه وتحس من كتر شفقتك عليه انك عاوز تكرمشله عشين جنيه ف جيبه 😂 .. وممكن العكس تلاقي بنت عمك او بنت خالتك او امك .. تقعد مع صاحبتها وتلقع الطرحه وتدعي علي جوزها .. الهي يارب تتحبس الميه تحت منه .. الهي يتحشر في كمين ما يخرج منه ..دا بيتاخر فـ المُخدرات يا اوختشي والله 😂 .. مطلع عين ابويا وبيحرمني وشتميه وضرب ليل نهار .. اذا مهياش مقياس يا صديقي .. انا شخصيًا بحب الصالحين ولست مِنهم وبدعو الله يرزقني بشريكة حياتي اللي تصلحني .. فاطمن ربنا هيعوضك بحد كويس مهما كُنت مقصر في حقه بس صَلح نفسك وادعي بصدق ! .. وكذلك انتي ربنا هيرزقك بشاب تقي صالح مهما قصرتي المُهم ترجعي لربنا وتدعي بصدق " اللهم ان كُنت صالحه فارزقني شخصًا صالحًا مثلي .. وان لم اكن صالحه فاٍرزقني يا الله بمن يُحبني ويصلحني " وان شاء الله حياتك تكون سعيده مع اللي ربنا يخترهولك .. مادام سبتها عليه .. لأن ديمًا اختياره بيكون الافضل والانسب .. اطمن :))
    #أُحب_الصالحين_ولستُ_منهم .
    ===========================
    وصف الرائع .. حبيبك .. رسول الله ❤️
    كان رسول الله احلي من القمر ..#وجه_النبي مدور زي البدر وابيض وخدود النبي لونها أحمر ... قمر قمر يعني☺😂 " أصحاب النبي بيقولوا : إذا رأيت رسول الله قادم من بعيد تقول : طَلع القمر ! 🌕 ..وإذا رايته من قريب تقول : أشرقت الشَمس🌞 ... كان جميل الوجه جدًا " لدرجة ان أحد اصحابه خرج في ليله مُقمره " القمر طالع فيها مُكتمل .. وبيقول : فاٍذا برسول الله قادم من بعيد " فجعلت انظر الي القمر .. وانظر الي وجه النبي ! ..انظر الي القمر وانظر الي وجه النبي !! .. فو الله اٍن رسول الله في عيني أحلي وأجمل من القَمر .. #شَعر_النبي كان طويل ولا خِشن ولا ناعم ,,, الروايه تقولك " كشعر المصريين .. وأم المؤمنين عائشه كانت بتضفر شعر النبي ضفاير رُفيعه زي قادة الجيوش و ملوك العالم في ذلك الوقت ... #دَقن_النبي كانت مُهندمه " يعني متناسقه وناعمه جداً .. مفهاش شعره خارجه عن مكانها او هايشه مظبوطه ومتساويه ..ولو نظرت لـوجهه تشوف أذن النبي يعني دقنه مش زي الملتحين اللي بيجيبوهم في الافلام اللي بتجيب المتدينين ارهابيين ودقنهم تخوف وضخمه !! أبدًا..ولكن دقن النبي ناعمه مرتبه زي دقن المُحاربين .. #شَارب_النبي " شنبه " خفيف و ديماً يِخف الشارب من اجل طهارة الفم وجمال المَظهر الطيب الراقي وعدم تعلق بقايا الطعام والشَراب فيه .. ومَكنش النبي عنده شَعر ابيض نهائَا لحد يوم وفاته .. فقط 3 شعرات لونهم ابيض ف صدره .. سيدنا عُمر قال : رأيت في صدر النبي ثلاث شعرات بيضاء " رآهم في الحج " و حوالي 23 شعرايه بيضه في راس النبي فقط " .. #أنف_النبي ليست طويله .. ولا فيها اٍعوجاج ..ولا عريضه ولكن رُفيعه و مُستقيمه كأنها مرسومه بمسطره .. #فم_النبي كان واسع من أجل اٍنه يعرف يتمكن من مخارج حروفه وكلماته وصوته يكون مُميز وعالي ومعندوش حروف ناقصه .. #أسنان_النبي منتظمه ومرصوصه جنب ببعض ... ورُباعية النبي "يعني السنتين الاماميتين اللي بنُقطم بيهم .. كان بينهم فَرق " أفلج " ودي دلوقت المشاهير بيعملوها عمليات تجميل لأنها بترفع من الجمال وتطوره .. وتجعل الاسنان شكلها أثر اناقه وجاذبيه .. #حواجب_النبي تقيله ورابطهم ببعض خَط شَعر رٌفيَّع موصل الحاجبين ببعض ... #عين_النبي لونها اٍسود داكن .. وواسعه .. و لو شوفت عنيه تلاقي اللون الابيض فيها نفس ججم اللون الاسود .. من الواضح ان عين النبي كانت شديدة الجمال ورائعه علي وجهه لان اللي عيونه واسعه بيكون شكله مُلفت خصوصًا لو لون بشرته بيضه ,, رمش النبي طويل ومن شدة جمال عنيه تقول بيحط كُحل وهو مش حاطط وكان ديمًا يكحلها .. ,, طول النبي .. لا كان طويل ولا كان قُصير .. لو شوفته بين الطوال تقول عليه مهوش قصير .. ولو شفته بين القصيرين تقول مهوش طويل طوله زي مقال بعض العلماء تقريبا 180 سَم تقريبًا ..#حجم_جسد_النبي : كان رفيع مهواش تخين ومعندوش بطن خالص ,, وشعر صَدره غزير واٍسود ..ومفيش شعر فــ بطن النبي نهائيًا ,, غير خط شعر واصل من صدره لحد سُرته .. #خطوات_النبي وطريقة مشيه سريعه .. كأنه بينزل من مكان عالي .. وكان ديمًا يرفع رأسه وهو ماشي ..ويستحيل كنت تشوفه الا وهو مبتسم .. ومتسامح وحنون ورحيم .. ولم يَكن مُتشددًا او مُتعصبًا كما يظن البعض !! تقول ام المؤمنين عائشه : ما خُيَّر رسول الله بين امرين الا واختار ايسرهما اٍن لم يَكن اثمًا .. وكان يساعد زوجاته في عمل المنزل وكان يجوع بالشهور حتي يشبع المُسلمين .. لم يكن رجل عاديًا حين ولدته امه ولكن بمولده وُلدت أمة الاسلام .. وجعل من أُمه بترعي الغنم .. لــ أُمه بترعي الأمم .. كان خير خلق الله .. :)
    وأحسن مِنك لم تري قَط عيني .. وأطيبُ مِنك لم تَلد النساءُ
    خُلقت مُبرأ من كُل عيبٍ .. كأنك قَد خُلقت كما تشاءُ :))
    حبيبي يا رسول الله
    #وصف_النبي :)
    #أحمد_أيمن ..
    =========================

    ارشدني .. قولي ازاي انسي حد بحبه وجرحني ؟! ساعدني اطهر قلبي ازاي من حُبه ومن حُب اي ذنب وروحي تبقي نقيه صافيه بدون تفكير ليلاتي فـ شخص مُعين او ذنب أدمنته ؟! اعمل ايه ؟! صلّ علي النبي يا طيب .. لما رجليك يدخل فيها دبوس او مُسمار وتتجرح بتعمل ايه ؟! بتاخد حُقنة تيتانوس فورًا .. تطهرلك الجرح بحيث تخرج السموم من جسمك .. و بتحط بيتادين .. منعًا للجراثيم وتنضيف الجَرح .. تمام جدًا .. ايه بقي يطهرلي قلبي من حُب ذنب او شخص دخل قلبي زي السِم و مُش قادر انساه ؟! ربنا بيقول فـ القرآن " خُذ من اموالهم صدقةً تُطهرهم بها .. بيقول لمين خُذ ؟! بيقول للنبي .. خُذ يا مُحمد من اموال المُسلمين صدقات وطلعها للفقراء من اجل انك تطهرهم من ذنوبهم وشهواتهم .. اذا لو عاوز قلبك يكون طاهر استمر علي الصدقه .. 2 جنيه لفقير كُل اسبوع صدقه دايمه .. مٌش مهم مبلغ كبير المُهم تستمر عليه زي عاده عندك .. ومع كُل مره بتتصدق فيها قلبك هيخف تدريجيًا لحد لما ينتهي مفعول اي ذنب من جواه وتأثير حُب اي شخص وساعتها ربنا هيكبر في قلبك ولو ربنا كِبر في قلبك الدُنيا بكُل ما فيها هتصغر في عنيك .. ويبدأ قلبك الطاهر يزحزح حُب اي حد غير ربنا ويزُقه من روحك ويُطرده وقلبك يرجع سليم من جديد .. اذا عليك وعلي الصَدقه يا صاحبي لو حابب تهجر اي ذنب بتعمله فـ حياتك وتنسي اي حد ميستحقكش :))
    #احمد_ايمن
    ===============================
    ٣ انواع من الناس يوم القيامه : ربنا سبحانه وتعالي مُش هيكلمهم ولا هيبصلهم وهيدخلهم النار بدون حساب .. ايه هُما ؟! اولاً : الديوث مين الديوث ؟! هو الذي لا يغار علي اهل بيته راجل بارد بيقول اي حاجه عادي مراته تخرج ٢ بالليل عادي مش بقول خرجها حرام ولكن تسال وتهتم هي رايحه فين !! .. تتعامل مع رجاله بدون قيود ولا حدود يقولك بيس عادي ! دا راجل ديوث .. مش بقول يطلق مراته ! لا ياخد موقف ويعرفها غلطها وبعدين يبدأ معاها من جديد بشخصيته الرجوليه ! مُش السلبيه .. وكدا ميبقاش ديوث .. وتاني نوع : المرأه المُترجله : يعني البنت اللي تصرفاتها زي الرجاله .. ممكن تضرب راجل ف الشارع عادي وتسب دين وجريئه .. اعرف واحد شاف ست كانت راكبه عربيتها وفجاه واحد خبط عربيتها غصب عنه .. نزلت من عربيتها وجابت الكوريك ودب علي إزاز عربية الراجل اللي خبطها وكسرته الازاز كله وسبتله بالدين الراجل اللي بيحكي الموقف بيقول اقسم بالله كنت قاعد ف العربيه خايف اخرج أحوش اخد خبطه ف دماغي !! اه متتنزليش عن حقك ولكن بالعقل والتصرف المحترم مش تصرف خشن زي الرجاله !!! لكن لو بتدافعي عن شرفك اه اديله علي دماغه في حاجات اثتثنائيه .. تالت نوع هيدخل النار بدون حساب هو العاق لوالديه .. واحد بيعامل ابوه وحش ويرد عليه ! بنت بتبص لامها بنظرات تجرحها !! مهما كان تصرف الاب لابد تطيعه يا جدع دا لو كافر الدين قالك تعامله كويس تقولي اصله مبيفهمنيش !! واحده تقولك اصل مامتي بعيده عن ربنا وبتعمل ذنوب !! يا بنتي دا في ست زنت ايام النبي والنبي صلي عليها ! ودعالها بالجنه .. كلنا ينعصي الله كلنا بنغلط المهم نتوب اسلوب الشك ف الاهل او معاملتهم معامله سيئه دا اسلوب رخيص منك !! مهما كان تصرفاتهم وعقلهم .. انت وانتي لازم تكون ارقي من كدا .. هات هديه لوالدك مهما كان تمنها واعتذرله علي كل غلط ف حقه مهما كان ..:) اللهم لا تجعلني ديوث ولا تجعل نساء المسلمين تصرفاتهم كالرجال واجعلنا بارين بآبائنا وامهاتنا احيائًا وامواتا .
    #احمد_ايمن ..
                  

12-04-2018, 07:32 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    واحد من عيلتي شاب في سن الـ 30 .. بيكلمني هو وزجته من ايطاليا .. ولسه قافل من شويه .. مراته بتحكيلي قد ايه هما مبسوطين وعايشين اجمل ايام حياتهم .. كُل شهرين فـ بلد شكل .. قريبي دا .. كان عمل حادثه وهو عنده 22 سنه .. الحادثه اتسببت ان رجليه تتقطع .. وركب طرف صناعي .. وبعد 3 سنين من الدمار النفسي وقف علي رجليه وبدأ يمشي طبيعي زي اي حد .. بس كان جواه احساس بالنقص .. وفـ يوم .. قرر انه يتجوز جواز تقليدي بعد اللي كان بيحبها سابته بسبب اصابته .. اهله رشحوله بنت مُتعلمه ذكيه محترمه .. اتقدم وهي متعرفش انه رجله مقطعوعه .. اعجبت بشكله واسلوبه وتعامله وقالتله انها مرتحاله .. عرفت بعدها ان في طرف من رجليه تركيب .. خافت تجرح احساسه وترفض وكمان هي مرتحاله .. قالت علي خيرة الله انا موافقه.. يابنتي يهديكي يرضيكي فكري .. قالت خلاص موافقه .. قريبي مهندس برمجه .. صمم برامج لاكبر شركات العالم " انجلترا .. ايطاليا .. هولندا .. ومراته معاه رجليها علي رجله .. كانت الامل ليه .. ضهره وسنده .. بتحلف بالله لانها خافت علي احساسه .. بقي يخاف عليها من الهوا الطاير .. بتقو الاعاقه ف العقل مش ف الجسم وانها عوضته عن اي ماضي فات وحبها بصِدق .. خلفوا ولدين " عُمر و مُسلم " بتقول جوزي رغم مشاغله بيقرأ عن النبي وتعامله مع زوجته وبيطبق تصرفات النبي معايا بقدر طاقته وقوته .. الله يرعاه ويحفظه .. حبيته بكل ما اعطاني الله من قوه .. يمكن ربنا جعل عنده نقص فـ رجله .. لكنه عوضه بالكمال في طيبة قلبه .!
    من أشهر علماء المُسلمين اللي ظهروا بعد عصر النبي بفتره صغيره .. عالم اسمه " حاتم الاصم " راجل عظيم .. سألت نفسي كتير جدًا ليه بقي اسمه حاتم الاصم " الاطرش اللي مبيسمعش " رغم انه كان بيسمع عادي !! .. لقيت انه فـ يوم واحده ست راحت تسأله وتستشيره في امر من امور حياتها .. فـ وهي قاعده ومُنسجمه وبتتكلم بكل تلقائيه .. فجأه خرج من جسمها " ريح " وكان لُه صوت كمان .. موقف محرج غير عادي .. دا الواحد لو قاعد عند حد والكنبه عملت صوت بيتعمد يحركها تاني علشان يثبتلهم ان الصوت من الكنبه مُش منه ;D !! .. فـ الست وشها قلب ألوان واتكسفت جدا .. الامام حاتم الاصم كان راجل ذكي .. قالها " انا مُش سامعك بتقولي ايه ؟! علي صوتك شويه سمعي تقيل !! .. الست فرحت قوي .. وقالت اكيد مسمعش صوت الريح اللي خرج مني .. لانه أصم " اطرش " !! ومن يوميها بقي اسمه " حاتم الاصم " وهو محاولش يبرر للناس ويقولهم لا ياجماعه انا سمعي سليم .. ولكن عاش عُمره كُله الناس تقول عنه " حاتم الاصم " خوفًا علي احساس الست اللي اخرجت الريح من جسمها . !!
    راجل فقير علي قد حاله .. من اهل القاهره .. دخل محل شهير بيبع بطاطين ودفايات .. وسأل صاحب المحل .. عن ارخص بطاطين عنده .. عاوز 6 بطاطين .. ومكنش معاه غير 125 جنيه .. فصاحب المحل برقله .. وقاله تصدق انك راجل محظوظ .. !! لسه جايلي دُفعة بطاطين حالا من الصين .. البطانيه ب 20 جنيه .. ولو خدت 5 بطاطين تاخد الـسادته من غير فلوس " هديه " .. الراجل الفقير فرح جدًا وطلع 100 جنيه وخد 6 بطاطين .. ومشي مبسوط جدًا .. فصديق صاحب المحل كان واقف وبيراقب الموقف .. ف بعد لما الراجل الفقير مشي .. قاله مهو يا اما انا مسطول لاما انت اللي شارب حاجه !! .. يابني انا مش لسه شاري منك الاسبوع اللي فات بطاطين من نفس النوع والشكل دا .. الواحده بـ 350 جنيه ؟! وقولتلي ان دا احسن وافضل نوع بطاطين نزلك الفتره الاخيره ؟! .. قاله ايوه فعلاً انت اشترتهم مني بالسعر دا .. ووالله هُو هو نفس السعر اللي اشترتهم بيه وادتهملك ومكسبتش فيهم مليم أحمر .. بس انا حبيت اتاجر مع ربنا .. وربنا هيردلي فلوسي اضعاف .. ولولا الملامه واني خايف اجرح احساس الراجل الفقير .. كنت ادتله البطاطين كلها ببلاش.. :))
    أحد علماء المسلمين اسمه الشيخ " أحمد الرافعي " فـ يوم كان نايم ف المسجد .. فجت قُطه نامت علي كُم جلبيته .. ف الاذان اذن للصلاه .. والقُطه نايمه .. وهو خايف يزعجها ويقومها ويجرح احساسها .. عمل تصرف عجيب .. قطع كُم جلبيته اللي نايمه عليه القُطه وقام اتوضي وصلي !! .. ورجع لقي القُطه قامت .. فمسك الكُم اللي قطعه .. وخيطه تاني في جلبيته وقال " رجعت عبائتي كما كانت " !! .. وبمناسبة القُطط .. الامام بن عثيمين .. كان ديمًا يقف قدام باب بيته قُطه تستناه وهو خارج علشان يعطيها اكل .. وفـ يوم مكنش في اكل في بيت الامام بن عثمين .. فعلشان ميجرحش احساس القُطه بانه يقطع عادته وميأكلهاش ... لف وخرج من الباب الخلفي للبيت بتاعه .. واستخبي منها . !
    كان في واحد من الصحابه اسمه " أبا زرع " متجوز صحابيه اسمها " أُم زرع " بيحبوا بعض جدًا .. كُل المدينه بتحلف بحبهم لبعض ,. هدايا وخروجات .. رومانسيه .. كُل اللي تتخيله واكتر .. وفجأه ابا زرع .. طلق ام زرع .. !! .. السيده عائشه اترعبت .. لان النبي بيعاملها برومانسيه وحُب ويهاديها .. فخايفه يطلقها هي كمان !! .. فقالتله " ألا تدري ما حدث يا رسول الله ؟! قالها : ماذا حدث ؟! فقالت : طلق ابا زرع ام زرع !! .. النبي راعي احساسها .. مقالهاش مثلا طب خافي علي نفسك بقي ;D .. أبدًا ! لكن طمن قلبها .. وقالها " كُنت لكِ كأبا زرع لام زرع " أنا بحبك وبحترمك زي ابا زرع ماكان بيعمل مع ام زرع .. غير أني " بس الفرق اللي بيني وبينه " لا أُطلقكِ " اني مُش هطلقك أو افارقك ابدًا .. هاااااااااه .. اطمنت السيده عائشه وقلبها هدي ورجع لمطرحه بعد لما كان مرعوب من الخوف .. لأن النبي .. راعي احساسها .
    احساس الناس يا جماعه .. اللي بيمتلك قلب .. أحسن من اللي بيتملك كنوز الدُنيا .. الذوق ف التعامل .. تعرف ان النبي قال لو جارك شم ريحة الاكل بتاعك وطبيخك لابد انك تأكل جارك منه .. تعرف ان النبي قالك لو جايب فاكهه ومش هتدي منها جارك لابد انك تداريها ؟! ومتخليش ابنك يطلع ياكلها قصاد اي طفل ويغيظه بيها ؟! .. والله اعرف ناس مبترضاش تاكل ف الشارع خوفًا علي احساس حد يشوفهم مُش قادر يجيب اكل زيهم .. !! مرعاة احساس الناس يا جماعه .. شوفت من خطيبتك عيب فيها .. مُش لازم تقولها انتي جبله .. انتي ذوقك غبي .. مهو ذوقها دا هو اللي اختارك فلو ذوقها وحش تبقي انت كمان وحش لانك من ضمن اختياراتها .. عندك بن بيدرس .. راعي احساسه ومترهقوش قوله خُدلك رست واخرجلك شويه .. عندك اخت راعي احساسها وصاحبها وخليك الضهر والسند .. مُش لازم تكسب الموقف .. المهم تكسب الشخص .. ممكن تحرج حد او تجرحه قدام الناس .. الموقف هيتنسي لكن اللي جرحته مُش هينسي .. حِب بضمير .. خليك حساس ذوق .. عندك حاجه حاليًا عُمله نادره ف المُجتمع .. مهو ممكن اللي انت ف حياته ميكرهكش بس انت بتقل من جواه بسبب تصرفاتك الهمجيه .. ففكر ف كل تصرف قبل لما تعمله .. ممكن تكون بتنام وغيرك سهران يفكر ف كلمه جرحته او موقف تعبه بسببك .. ف اتق الله في قلوب الناس لان خوفك علي احساس الناس وادخال السرور علي قلوبهم .. صَدقه . :)) ويابخت اللي عنده ذوق .. احسن واجمل من اللي عنده قصور وفلوس :))
    #الذوق_و
    #مراعاة_الاحساس . <3
    #أحمد_أيمن ..
    =============================

    #ازاي_احس_بالرضا_والقناعه ؟!
    أنا شخصيًا بعشق الشيبسي جدًا بالذات بقي ع الاكل لو خَل وملح يا سلام ..😂 .. كيس الشيبسي لما بتيجي تفتحه .. بتلاقيه مليان هوا والشيبس اللي فيه قليل !! .. فتقول بتلقائيه شديده شركه حراميه شوية نصابين .. الكيس مليان هوا !! .. مع ان دا اصلاً مُش هوا .. دا نيتروجين محطوط خصيصًا من اجل انه يحافظ علي البطاطس اللي ف الكيس من انها تبقي طريه او يروح طعمها ومتحبش تاكلها وترميها !! .. كذلك ممكن ربنا يعطيك نعمه في حياتك وتقول دي قليله ومترضاش عنها .. بالرغم ان ربنا اعطاك القليل علشان يحافظ عليك من انك تبقي غير صالح وممكن كُتر الشيئ اللي بنستخدمه بيضُرك .. زي مثلاً كُتر البيبسي يجيب هشاشة عظام .. كُتر اللحمه بيجيب النقرس ... كُتر الحلويات تجيب السُكر .. كُتر المانجه تجيب أملاح .. وهكذا .. فـ ممكن ربنا يعطيك رزق اقل علشان عارف انك ممكن تأذي نفسك بالكتير وتِفجُر .. تلاقي واحد يقولك دنا لو معايا مليون " هصاحب كُل يوم واحده .. 😂 !! ياختاي دنا هدمر الدِنيا .. 😂.. مهو عشان ربنا عارف انك هتروح جهنم بالمليون دا قالك لاء خُد 1000 بس ويبدأ يعطيك تدريجيًا ويزودك ويربيك علي ايده .. فـ اٍفرح باللي يعطهولك واعرف انه بيحافظ عليك .. خلي عندك حُسن ظن في الله وانه مُش بخل منه حاشاه لانه الكريم .. ولكن خايف عليك ولله المَثل الاعلي لما تكون قاعد علي السُفره واخوك الصغير عنده سنه ونص قدامه طبق شُربه مولع وعايز يمسكه انت بتعمل ايه ؟! بتبعده عنه فجأه وتشده وممكن تضربه علي ايده كمان ! .. هل انت طمعان في طبق الشُربه وعايز تقربعه لوحدك ؟!😂طبعا لاء ! انت خايف ع الواد يتلسع .. فربنا خايف عليك لانه مبيمنعش عنك شيئ غير علشان يعطيك الافضل . منعت عن اخوك الطبق .. علشان تجعل ايده سليمه وضافر صباع ايده بالدُنيا كُلها .. هكذا الله يمنع عنك الشيئ ليُعطيك الافضل .. ولعل المنع يكون هو عين العطاء .. #اٍرضي_بقليلك_يا_صديقي.. :)
    #ارضي_بما_قسمه_الله_لك_تكن_أغني_الناس . :))
    #أحمد_أيمن ..
    =============================
    كُنت بتحب ومحصلش نصيب ؟! اعز الناس عليك فارقك ؟! حاسس باٍنكسار وهَم وحُزن واحباط واكتئاب .. ربنا بيقول فـ القُرآن الكريم : فلا تُذّهِب نَفّسَك عليهم حَسرات .. عُمرك سمعت حد قالك الراجل دا مات بحسرته او من الحَسره ؟! تعرف ان البني آدم حياته عامله البنزين بتتحرق وتخلص بمرور الوقت بس بنِسب مُعينه لو ماشي علي سُرعة 70 كيلو غير اللي ماشي علي سُرعة 150 فرق فـ الاستهلاك !! فمتستهلكش طاقتك وتخليها تنفُذ فتلاقي جسمك اللي زي العَربيه " وقف " لان البنزين اللي هو عُمرك " خِلص " !! .. انت للاسف حياتك عباره عن أنفاس جواك فبلاش تضيعهم بالحسره علي ناس ميستحقوش !! اوعي تِحزن .. يمكن ربنا خد منك حاجه لاجل انه يعطيك الاحسن .. هتقولي ايه الحل ؟! اعمل ايه عشان ابطل حُزن وتفكير .. الحلول كتيره يا صديقي .. اولاً انت وحداني !! لابد متقعدش لوحدك لان الوحده بتجلب التفكير والتفكير بيجلب الهَم والهَم بيجلب الضياع والتشتُت .. اِذًا : اقعد مع اهلك .. اصحابك .. ثانيًا : انت عندك وقت فراغ .. اٍشغله اٍرهق نفسك عشان تيجي ع المخده هلكان معندكش وقت تفكر فيه اساسًا في اي شيئ .. شارك مثلاً فـ عَمل خيري .. اٍقرأ كتير .. متسلمش نفسك للفراغ لان الفراغ بيجلب الذنوب .. ثالثًا : لابد تشوف بديل يفرحك بنفس درجة الشخص اللي فقدته .. هتقولي مُش قادر والحُب مبيتنسيش هقولك انت كدا بتظلم اللي هتتجوزها او اللي تتجوزيه لانك انسان حَنان بتحن للماضي !! هتقولي بس النبي قال يارب متحاسبنيش علي اللي فـ قلبي " علشان كان بيحب زوجته عائشه اكتر من جميع زوجاته !! " هقولك شوف انت قولت مين ؟! زوجته .. مُش ماضي ملوش اي علاقه شرعيه بيا!! فوقي لنفسك يا طيبه .. فوق لنفسك يا صاحبي اللي سابك ميستحقش حُزنك عليه .. انت اكبر بكتير من الذُل والمهانه .. عاوزك تحُط ايدك علي قلبك دلوقت وقول " ياااارب اٍنزع من بين ضلوعي كُل شيئ لا ترضاه ولا تُحبه اللهم زدني تعلقًا وتمسُكًا بك " هتحسك ارتحت وقلبك بدأ يتلملم ويخف تلقائًا وتهدي .. وتفرطش فـ حياتك من الحَسره !! اصل هو الانسان مننا ايه غير شوية حاجات فوق بعضها يا معالي الباشا :).. الله يحبك ويعلق قلبك باللي يحبه ويرضاه :)
    #أحمد_أيمن
                  

12-04-2018, 07:33 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    الناس اللي عندهم كَسل عن الطاعات .. ملل .. مهواش عارف يصلي .. همدان .. بيحس ان حاجه بتمنعه .. ايه الحل ؟! .. وانت صغير لما كان يجيبلك عربيه بالزمبلك لابد تلِف الزمبلك علشان العربيه تمشي ! .. او ترجعها لورا واسيبها تمشي .. انت كذلك رجعت لورا عن الطاعات وتكاسلت ودا امر طبيعي من فطرة البشر التخامل .. ايه بقي الشيئ اللي يخليني انطلق من جديد فـ الطاعه ؟! الأمر بسيط يا صديقي .. هو انك تستمر علي دعوه تدعيها .. وفجأه هتلاقي نفسك فوقت ورجعت بني آدم مُختلف .. الشيخ الشِنقيطي بيقول اذا هبط عنك الايمان وتكاسلت عن العباده فاٍلزم هذا الدُعاء : اللهم لا تجعلني شقيًا ولا محروما .. متجعلنيش شقي في الدُنيا بعيد عن طاعتك مبسمعش كلامك يارب ولا محروم من لذة قُربك وعبادتك ومن جنتك ! .. وايضًا قول دعاء النبي : اللهم يا مُصرف القلوب صَرف قلبي علي طاعاتك ( صَرف قلبي يعني حَول قلبي ناحية طاعتك وحببه في قُربك يارب ) قولهم باستمرار وشِد الزمبلك وانطلق .. بجد يا ايمن يعني هرجع لربنا من جديد .. ايوه ياعم ان شاء الله صدقني .. طب وسع كدا ..ايه هتعمل ايه ؟! .. هنطلق .. بيبببب بيييب اعوااااا اعوااااا D: ..
    #الله_يجدد_ايمانك :))
    #احمد_ايمن
    ===========================
    اللهم لا تكسر قلبي .. ولا تؤخر فرحتي .. ولا تحرمني ممن أُحب .. وإجعله نصيبي ورزقي .. واجعله سعادتي
    ===========================
    المعلومه دي ممكن تفيدك :))
    النبي قال : استعينوا علي قضاء حوائجكم بالكتمان ..
    وربنا بيقول : وأما بنعمة ربك فحدث .
    ايه دا بقي أنا دماغي لفت .. ازاي النبي بيقول كَتِم ومتقولش وربنا بيقول احكي وعَرف الناس قد ايه عندك خير من فضله..مبدئيا هتقولي الحديث ضعيف.. هقولك في فرق بين حديث ضعيف وبين حديث موضوع .. والحديث الضعيف يؤخذ به في مكارم الاخلاق .. والكلام دا لا يتعارض مع الدين :) ..
    معني حديث النبي : استعينوا علي قضاء حوائجكم بالكتمان .. يعني لما تيجي تعمل مصلحه ليك او اي شيئ في حياتك متقولش لحد لان الناس عيونها اوسع من عيون البقر ! 😳 هتنشك عين هتجيبك الارض .. اعطيني مثال يا ايمن .. يعني مثلاً يكون جايلك عريس فـ انتي بقي تفضلي تحكي لصحباتك وتقولي اسكتي يابت جايلي واد انما ايه عربيه وشقه وشكله حلو وشُغله كويس وهيموووت عليا😜 .. وانتي اصلاً لسه محصلش نصيب بينكم ولا حتي اعلنتوا خطوبه .. بس انتي فضحتي الدُنيا .. تقومي بقي واخده عين .. يحصل فركشه للجوازه عشان مين هيجيب السجاجيد ومين هيجيب الستاير #الجوازه_باظت_الجوازه_باظت 😂لانك مكتمتيش لحد لما الموضوع يتم وتحصل الخطوبه رغايه مبيتبلش في بوقك فوله :).
    طيب وأما بنعمة ربك فحدث ؟! شوف قال واما الواو يعني " ولما تحصل النعمه " اتكلم وقول للناس .. يعني اكون متزوج من زوجه كويسه واقول والله دي انسانه مُحترمه وطيبه " اني رُزقت حُبها " زي ما قال النبي .. حُبها رزق وانا ربنا رزقني بيها وبحُبها .. اذا هي بقت مراتك خلاص .. مُش قبل ما تقرأ فاتحه او عينك علي واحده تفضل تسيح وتحكي لصحابك انك بتحب واحده اسمها " أم محمد " 😂 وقريب هتتقدم لـ أم محمد ☺ !! يابني استر علي روحك ؟! انت هتشتري سمك في بحر ؟! مُش لما تصطاده الاول تتكلم عليه ؟! .. اذا لو عندك حاجه فـ مشوار حياتك او خِطه او حلم متحكيش عنه لان اللي بيحكي عن احلامه بيكون نادرًا لو حققها .. لكن لما تحققها احكي قد ايه قدرت تحققها بفضل الله ونعمته عليك .. ويارب تتجوزي افضل شاب في الدُنيا .. وانت يارب يرزقك باللي قلبك يختارها ويكون حُضنها الضيق اوسع من الوطن والدُنيا بالنسبالك و تكون وطنك ودارك وملجأك وامانك :) !
    #احمد_ايمن
    ============================

    النبي قال ان الدُنيا دي متسواش عند ربنا جناح بعوضه " جناح ناموسه " !!
    الدنيا متسواش قُصاد حُضن من امك وابوك وقت رجوعك من السفر ..
    متسواش قصاد كلمة بحبك لما تتقالك من حد فضلت عمرك بحاله تحلم يجمعك ربنا بيه في الحلال .. متسواش قصاد شُربك للميه بدون مُشكله في صحتك ..
    متسواش قصاد انك تِنَزل الميه اللي شربتها من جسمك وتقضي حاجتك بدون ما يكون عندك تدمير في المثانه او احتباس يخليك تصرخ من الالم ..
    الدُنيا متسواش قصاد سندوتش فول تاكله او اكله بتحبها تاكلها بدون مرض يمنعك عنها ..
    متسواش قُصاد كابوس مُرعب فتصحي وتلاقي انه كان كابوس مُش حقيقه فتحمد ربنا ..
    متسواش قُصاد عيل صُغير بمسك ايدك ويضحكلك ويقولك انت عبيط اوي ياعمو 😂 .. هو عيل قليل الادب ! 😂 .. بس الدُنيا ساعتها متسواش قصاد ضحكتك وانت بتسمعها ..
    متسواش قُصاد نومك بُسرعه بدون أرق وقلق وتفكير ..
    متسواش قصاد حد بتحبه ميتغيرش عليك مع مرور الوقت ..
    متسواش قُصاد لحظة روقانك وضحكك بدون سبب .. بتحس انك أهبل .. لكنها مبتكررش كتير ..
    متسواش قصاد دعوه من ستك .. ولمة بيتك في رمضان وقعده للفجر ..
    متسواش قُصاد حُضنك لصاحبك يوم فرحه وبتقوله ( ,,,,, ) مفيش داعي 😂 ..
    متسواش قُصاد سجده بيكون جسمك كُله خاشع فيها لله وندمان وبتقرب اوي من ربنا نادرًا لو حسيتها ..
    متسواش قصاد حتة بوفتيك بتاكلها من المطبخ قبل الاكل وامك مبتزعقلكش ..
    متسواش قصاد روقان ابوك وامك علي بعض بدون خناق بتحس انك نفسك الزمن يقف وربنا يثبتهم علي كدا .. متسواش قُصاد ثقتك ويقينك في الله وانك تبتسم دلوقت وانت بتقرأ وتقول هتُفرج ..
    متسواش قُصاد صاحب يحس بيك وانت بتضحك ويعرف ان ضحكتك تمثيل ويقولك في حاجه ؟! ..
    متسواش وقت لما تزوغ من الدروس وتخرج مع صحابك تاكلوا بره بفلوس الدروس اللي بتخنصرها 😂 .. ياه علي جبروتك يا أخي بيجيبلك نِفس ! 😂 ..
    متسواش قصاد ان ربنا يعوضك بأحسن من اللي خسرته .. متسواش قُصاد لحظه تحس فيها برضا من الله عليك ..:😊 !
    #الدُنيا_متسواش .. !!
    #ياعمو 😂
    #أحمد_أيمن ..
    ========================
    والله يارب أما عصيتك .. مقصدتش اني أستهون بيك .. غرقان فـ ذنوب ايوه انا عارف .. بس انا متعشم جدًا فيك ❤ !
    #اسندني_يارب ..
    =======================

    #مترجعوش_تزعلوا !!
    مترجعوش تزعلوا .. لما عيالكم يكبروا و يعرفوا إنكم كذابين و يكرهوا كلمة إن شاء الله .. لأن كُل وعد توعدوه ليهم تقولوا إن شاء الله و متنفذوهوش !
    مترجعوش تزعلوا : لما يكرهوا الصلاه و الدراسه ! لأن من أقل غلطه كانوا يغلطوها كنتم تسألوهم بكل حِده و لأسلوب غليظ صليت إيه النهارده ؟! ويكأن الصلاه عقاب !! منتاش واكل غير لما تخلص دروسك !!
    مترجعوش تزعلوا : لما بنتكم تدور علي الحنان بره البيت مع ولد أو بنت أو صديق ليها لأنكم مسمعتوهاش و فهمتوها و دايماً بتقللوا من طموحاتها و أحلامها و متفهموهاش وكل همكم أكل و شُرب و خناق !
    مترجعوش تزعلوا : لما يفقدوا الثقه في نفسهم بسبب ضربكم ليهم من صغرهم و كلمة " والله منتا نافع " اللي فعلاً صدقوها و صابهم الإحباط !
    مترجعوش تزعلوا : لما يقفلوا علي نفسهم بالساعات و يقعدوا علي النت دا لأنهم ملقوش مساحه من الاحتواء و القُرب منكم قرروا يشغلوا وقتهم بواقع افتراضي يرسموا فيه حياتهم علي مزاجهم ..
    مترجعوش تزعلوا : لما يبقوا عصبيين و من أقل شئ بيغضبوا .. دا لأنهم اتربوا ف جو كله خناق و زعيق و مشاكل و كُل شئ بالقسوه بدون نقاش ! اعمل يعني اعمل .. !!
    مترجعوش تزعلوا : لما كل يوم قبل نومهم يعاتبوكم في سرهم و قد إيه في مسافه بينكم و بينهم و طُرق مسدوده بسبب جفاكم و قسوتكم !
    مترجعوش تزعلوا : لما ابنكم يفشل في كليته اللي اخترتوهاله غصب عنه و يكره حياته بسبب تدخلكم في مستقبله و منعه عن تحقيق حلمه !!
    مترجعوش تزعلوا : لما يكرهوا السفر معاكم لأنكم روتينين و مبتجددوش و دايماً عصبيين عليهم وممكن تقلبوا الفُسخه غَم !
    مترجعوش تزعلوا : لما ميحبوش ياكلوا في البيت لأنكم بترفضوا تجددوا في الاكل و تعملوه بطُرق جديده قرأوها أو سمعوا عنها رغم مقدرتكم !
    مترجعوش تزعلوا : لما عيالكم يكرهوا بعض لأنكم بتفرقوا في المعامله بينهم و تميزوا حد عن حد ! و متزعلوش لما تموتوا و كل همهم يكون الميراث و ممكن يتخانقوا سنين بسببه لأنكم زرعتوا الفروق و الكُره جواهم بدون أدني تفكير منكم و لو لحظه !!
    مترجعوش تزعلوا : لما تلاقوا ابنكم أو بنتكم كاتبين " كل لما أتمناه حُضن يحتويني " لأنكم مجربتوش تحتووهم و تحضنوهم و لو حد منهم حضنكم تتريقوا عليه وتقولوا إنه عاوز مصلحه ! ولما لقوا الفراغ فـ حضنكم طلبوه من غيركم !
    مترجعوش تزعلوا : لما يطلعوا جشعين بيحبوا الفلوس و الماديات و تفكيرهم كُله بالعُمله دا لأنكم قللتوا مصروفهم بدون وجه حق !
    مترجعوش تزعلوا : لما يطلعوا انطوائيين مبيعرفوش يتعاملوا مع الناس لأنكم ربيتوهم بزمنكم مُش زمانهم .. وانا قدك كنت باخد مصروف كذا و كنت بلبس طقم واحد للمدرسه و الدروس .. تربيه غلط و سيدنا علي قال : لا تربوا أولادكم علي أخلاق زمنكم فان لهم زمناً غير زمنكم !!
    مترجعوش تزعلوا : لما عيالكم يخافوا من العيب و ميخافوش من الحرام ! عيب متتجوزيش لحد دلوقتي !! رغم إنها مش عوزاه رغم إنه حرام تتجوز شخص مُش حباه ! مُش مهم المهم ميتقالش عليها عانس ! فمترجعوش تزعلوا لما تدعي عليكم إنكم سبب فشل حياتها و دمارها نفسياً ..
    مترجعوش تزعلوا : لما ابنكم يصاحب بنات ويعمل معاصي لأنكم قولتوا الراجل ميعيبوش إلا جيبه ! و نسيتوا أخلاقه وعلاقته بالله ..
    مترجعوش تزعلوا : لما تموتوا وميبقاش ليكم ولا ذكري حلوه جواهم .. فقط لأنكم كُنتم زي الطوق علي رقبتهم و بموتكم اتفك واصبحوا أحرار ! :)
    #فمترجعوش_تزعلوا !!
    #احمد_ايمن ..
                  

12-04-2018, 07:33 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    اللهم اني اعوذ بك من تَدَيُنٍ بلا أخلاق .. ومن حُبٍ بلا زواج .. ومن صديقٍ بلا صدق .. واعوذ بك من الحُزن والاكتئاب والانكسار .. ومن التعلق بالذنوب ومن عذاب النار .
    ======================================
    ربنا بيحبك .. و جعلك تشوف البوست دا :)) .. لانه حابك تقربله ومتبقاش مُتمسك بذنب يذلك او حبيب يهينك او اي شيء غيره ! .. اقرأه ووريه لحد قريب ليك لعله ينفعه وتاخد أجره :))
    لو مُستمر علي ذنب وعايز ابطله اعمل ايه ؟! لان ربنا بيقول : ومن اعرض عن ذِكري فاِن له معيشةً ضنكا .. يعني اللي يبعد عن طريقي حياته هتبقي غم ونكد وقرف .. وانا الصراحه قرفان من الذنوب قولي الحل ! :))
    عايز تبطل ذنب ؟! صلّ علي النبي :))
    اولاً : الذنب دا بيفرحك .. اذا لابد تشوف حاجه حلال تفرحك بنفس درجة فرحتك بالذنب .. بمعني انك بتزني والعياذ بالله .. اذا اتجوز ! مثلاً بتشرب حشيش .. اشرب مخدرات 😂 .. بهزر طبعًا ✋ .. بس حاول تلاقي بديل حلال يسعدك بنفس درجة سعادتك بالذنب نفسه بحيث متحسش بالنقص والاشتياق للذنب .
    ثانيًا : انت عندك وقت فراغ والفراغ هو السبب فـ يكون عندك حيز من التفكير في الذنوب لانك زهقان مُش لاقي حاجه تعملها .. تلاقي البنت تقول اووووف ايه الملل دا ؟! اما اقوم اكلم الواد فوزي وحشني واخرج معاه 😂✌ ! اذا الفراغ بيجلب الذنوب لابد تشوف شغل .. او تهلك نفسك ف دراستك .. او فـ شغل البيت .. او مع صحابك .. او تقرأ كتير .. وهكذا .. :))
    ثالثًا : الوِحده .. انت وحداني يا معلم .. والوِحده بتخليك عندك فُرصه للذنوب .. تعمل ذنب شهواني تسمع فيلم اباحي .. خليني صريح تكلم بنت مُعينه تعصوا ربنا ف الموبايل وتقولوا كلام ميصحش فاهمني انت " .. ليه قافل علي نفسك اوضتك وقاعد ؟! اخرج شوف ابوك وامك واخواتك واقعد معاهم .. مُستفزين ؟! مبيفهمكش ؟! اشطه كلم صديق ليك يملي حياتك ويجيلك .. هات قُطه ربيها .. انزل فرح الناس او فرح نفسك .. اخرج اتمشي وسط الناس .. روح مطعم شعبي وكُل .. المُهم متسبش نفسك لوحدك .. :))) 🙇
    رابعًا : الصُحبه .. صاحبي اللي يفكرني بربنا لو نسيته .. غير كدا ميبقاش صاحبي لانه مش هينفعني يوم القيامه .. اختار صاحب صالح يفكرك بالله .. مُش شرط صالح بس يكون عنده خير في قلبه .. يمسكك من ياقتك ويهزك جامد ويقولك اتق الله !! ينصحك بحُب وامانه .. مش مثلاً تقولي لصاحبتك ياختااي الواد دا قمر يابت .. تقولك لا لا مش اوي دا ياخد ٧ ع العشره ! 😂.شايفه اللي جاي دا بقي ! ٩ ع العشره مستريح ،، جرا ايه يابت انتي وهي ؟! انتي ف حصة رياضه ! مفيش واحده تقول للتانيه عيب 😂 ..، انا ولا حاجه واقل الناس وبحب الصالحين ولست منهم .. بس لو انت معندكش اصحاب اعتبرني صاحبك .. واقرألي واعتبر كلامي موجه ليك شخصيًا وشرف ليا انك تكون صاحبي ..يمكن اقول كلمه تنفعك باذن الله .. البانجو ياللي جوااا :))) 😂✌
    خامسًا : لو بتعمل ذنب ومُتمسك بيه قوي .. اوعي تبطله مره واحده .. بتعمله مثلاً مرتين فـ اليوم مثلاً وليكن بتكلمي ولد فـ الحرام 5 مرات ف اليوم خليها 4 .. وبكره 3 .. ولو بتكلميه ساعتين كلميه ساعه .. قللي تدريجيًا لان دا زي الادمان منفعش نبطله مره واحده .. قسمًا برب الكعبه انتي قدها وقد انك تبطلي الذنب وربنا هيكون فرحان بيكي يا زهرة الاسلام .. صدقيني الكلام دا موجه ليكي شخصيًا .. وليك انت يا صديقي كفايه لحد كدا ! ربنا منتظرك .. هيفرح بتوبتك ويباهي بيك الملايكه .. اكسر القيود .. بجد هقدر اكسرها ؟! ايوه طبعًا .. طب وسع كدا يا ايمن .. هتعمل ايه ؟! ياعم بس وسع كدا .. حاضر .. نيهاااااااا ايوه كدا اكسر ياعم .. عنتر بن شداد بيقرأ البوست ياناس " يا حبيبتي يا عبله " 😂 .. عسل يا معلم ☺😂
    سادسًا : السيده عائشه بتقول اول بدعه ابتدعها الناس بعد وفاة النبي هي الشبع ! اكل لحد لما ميبقاش في بطني مكان .. انت بتاكل كتير ودا غلط لابد تقلل من الاكل بحيث عقلك يتشغل بالجوع ! مش بالشهوه والذنوب لان طول منتا شبعان بتفكر في امور تطلع فيها طاقتك ! اذا قلل الاكل لاما تصوم ومتزخمش بطنك حفاظًا عليك .. يا ابو كرش رقيق وصغير 😂
    سابعًا : لما تسلمي نفسك لشاب مُعين قبل ما يخطبك ويتجوزك .. وتديله مشاعرك وكلام بينكم وكل حاجه .. فين بقي عنصر المفاجئه 🙊😂 مفيش !! .. اذا كان انا لاقي كل حاجه دلوقت هيجوزك ليه ؟! فرخه بتبيض ليا كل يوم بيضه .. ببلاش .. هشتريها ليه ؟! منا بنتفع بيها .#بك_بك_بك_بكبكااااااااااك 🐓😂 .. كاكي ياحاجه كاكي .. بجد مينفعش تعطيه نفسك بسهوله .. افرضي مبقاش نصيبك ؟! او انت مبقتش نصيبها .. ذنب اللي هيتجوزك ايه ؟! يلاقيك فاضي من جوا معندكش شيئ تقدمه ؟! لانك استفذت كُل طاقات الحُب والرومانسيه والمشاعر من جواك .. ووالله كل دا بيكون حلو ف البدايه انما النهايات مُش حلوه خالص لانكم مش لاقيين حاجه تقولوها .. اذا متضيعش نفسك ع الفاضي !! حافظ علي قلبك للي تضمن انه نصيبك .. ومتحبش الذنب اكتر من ربنا وانت منتاش حاسس !! او تتكسف تبطل ذنب بتعمله مع حد علشان خايف تخسره ويزعل ! ومش خايف تخسر ربنا وتغضبه ؟! معقول يا صديقي ؟! .. .. قول بينك وبين نفسك هختارك يارب خلاص .. مُش هنحني لمعصيه ابدًا ولو علي حساب مشاعري وقلبي .. انت اهم .. يارب متعلقش قلبي غير بيك .. برافو بجد عليك .. انت قدها :)) !
    #بك_بك_بك_بكبكاااااااك 🐓 😂
    #احمد_ايمن ..
    ====================================
    مش لازم تقول في كومنت ( هو انا لسه هقرأ كل دا ؟! ) علشان بيخلي الناس تشوفك قليل المعرفه .
    -بنات هندسه مُش وحشين .
    -مش هترتاح بعد لما تخلص ثانويه عامه .
    -الحُب ممكن يجي بعد الجواز وبيبقي اقوي .
    -اللي بيدخلوا ادبي مش فشله .. كل انسان ولُه ميوله .
    -مفيش حاجه اسمها كلية القمه .. في قمم في الكليات .. او اي مكان حتي ولو محل خضار .
    -زي ما عشت قبل ما اللي غدروا بيك ما يدخلوا حياتك .. هتعرف تعيش بعد خروجهم من حياتك .
    -مش لازم تاكل في مطعم غالي علشان تبان بن ناس .. الشاورما السوري حلوه جربها .
    -الحاجه الساقعه في ازازه احلي من الكانز .
    -سبرايت و 7up مهماش فوار ولا بيعالجوا مشكلة الهضم بعد الاكل .
    -البنت اللي ترتبط بيها او الشاب اللي ترتبط بيه مش مهم يكون شرط عندك انه يبقي حافظ القران ! المهم يكون بيطبق في اخلاقه ولو آيه من القران .
    الحُضن مش اهم شيء في الشتا .. السحلب برقبته .
    -مفيش حد مثالي .. كلنا مليانين عيوب بس ربنا اللي ساترنا .
    -مش كل بنت مش لابسه حجاب في النار ومش كل واحد بيتكلم في الدين يبقي ف الجنه .. الامور دي ميعلمهاش غير ربنا.
    -مش كل بنت جميله محترمه .. بس كل بنت محترمه جميله
    -الحب عمره ماكان ولا هيكون حرام بس منعملش الحرام بإسم الحُب !
    -متحسدش حد علي نعمه سواء فلوس او اي شيء .. لانك متعرفش هو فقد ايه في حياته قصاد وجود النعمه دي عنده .
    -مفيش بنت اسمها عانس ! في حاجه اسمها نصيب ويمكن امها بتدعيلها بإبن الحلال ولان اولاد الحلال بقوا عُمله نادره هي لسه متجوزتش !
    -مش اي حد يقولك همشي او هقفل بيبقي عاوز كدا ! ساعات بيكون نفسه يسمع كلمة لاء خليك شويه .
    -مش كل اللي بيهرجوا مبسوطين ولا كل اللي بيطبطبوا ويهونوا علي غيرهم بيبقوا بخير .
    -مفيش بنت وحشه مهما كان شكلها او طبعها .. ومفيش بنت مش رومانسيه .. بس لكل بنت راجل معين بيلق عليها مش شرط تكون شكله تمام لكنهم روح واحده بيكملوا بعض وشخصيتها وحنيتها مبتخرجش غير معاه وبس .
    -همسي زحلان زحلانه .. دي سهوكه مهياش رِقه .
    -الحنيه ع الاخت او الام او الزوجه مُش مُحن .. النبي كان احن الناس علي اهله .
    -القهوه مبتدمرش الجسم ولكن بتقوي عضلة القلب و بتشمع الكبد وتقويه وبتحافظ عليه وليها فوايد كتير جدًا لو كانت بنسب معينه .
    -القلب ممكن يحب اكتر من مره .
    -كُل اللي يعجبك وإلبس برضه اللي يعجبك مالك ومال الناس ؟!
    -كتير جدًا مبترتاحش ليهم في الاول لكن بعد ما بتعرفهم مبترتاحش ليهم برضه .
    -مش لازم تبقي عميق عشان تِعجب .. مكنش في ابسط من رسول الله وبنحبه اكتر من نفسنا .
    -متشكتيش لاهل بيتك من حاجه تعباك لان بنسبة ٩٩٪ هيقولولك سببها النت !
    -ابوك وامك مكانوش مملين ومُنغلقين كدا ! بس شالوا الهم لما انشغلوا بتربيتك .
    -لو طلب منك ( حُضن بوسه .. او قال كلام جريء في مكالمه وانتي مصدتهوش ) ابقي قابليني لو اتجوزك .
    -مرض النقرس بيجي من كتر اكل اللحمه وبيجي برضه للفقرا من كتر اكل الفول .
    -خسرت شغل .. علاقتك بحد فشلت اي حاجه سيئه حصلتلك .. مش شرط يكون سببها انك اتحسدت ! ممكن تكون ذنوبك هي اللي مانعه استقرار حياتك .
    -مش كل حاجه لما بتحصلك وتكون وحشه في نظرك .. بتبقي شَر !! مليون٪ ربنا مداريلك وراها حاجه حلوه ( وعسي ان تكرهوا شيء وهو خيرٌ لكم )
    #أحمد_ايمن ..
                  

01-09-2019, 05:09 AM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    ...
                  

12-04-2018, 07:35 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    مفيش أجمل :)))
    -مفيش أجمل من البنت اللي بتتكلم وتشكر في جمال وأخلاق بنت غيرها .
    - مفيش اجمل من الناس اللي متتغيرش علينا .. مهما مر الوقت وغيبنا عنهم .. بيعذرونا ويكلمونا ديمًا بكُل حُب .. كأن مفيش حاجه حصلت .
    - مفيش أجمل من الناس اللي عاملها جيوبها سَلة مُهملات ومبيرموش اي ورقه علي الارض رحمةً بعامل النظافه .
    - مفيش أجمل من الراجل المُحترم اللي بيحب مراته ويحترمها لان مفيش شيئ اعظم من كدا يقدمه لاولاده .
    - ومفيش اجمل من الاب والام اللي مبيخنقوش عيالهم ويعيشوهم في زمن مهواش زمنهم ويحسسوهم انهم فشله ومهماش نافعين ! .. ومؤمنين تمامًا ان الزمن بيتغير زي سيدنا علي ما قال .
    - مفيش اجمل من الاخ اللي بيحتوي اخته ويصاحبها ويخليها متحتاجش غيره .
    - مفيش اجمل من اللي لو صاحبه مات مبيحزفش رقمه من علي الموبايل علشان كل لما يمر بقايمة الاسماء ويلاقي اسمه يفتكره ويقرأ الفاتحه ويوهبله ثوابها.. او عامل باسورد الفيس بإسم صاحبه كل لما يكتبه يدعيله
    - مفيش اجمل من الناس اللي مبتحبش تاكل في شوارع عامه .. خوفًا علي مشاعر اي فقير مهواش قادر يشتري .
    - مفيش اجمل من الناس اللي لما بتاكل في مطعم ويفيض أكل منهم مبيتكسفوش يلفوه ويعطوه لأي مسكين .
    - ولا اجمل من اللي بيهتم بدون خَنقه واللي عنده صراحه بدون وقاحه ..
    - مفيش أجمل من البنت اللي مبتتغيرش علي صحباتها بعد خطوبتها ومبتحطش صورة خطيبها كل شويه للبروفايل وتحسسنا انه تايه ! .. ولا اجمل من اللي مبيتكلمش عن الخِلفه قُصاد عاقر ولا عن الشُغل قصاد عاطل .
    - مفيش أجمل من اللي بيسافروا ويروحوا ويجوا ويستمتعوا ومبيكتبوش علي الفيس جميع خطوات حياتهم ومحافظين علي خصوصياتهم .
    - مفيش اجمل من الشاب اللي بيغير علي خطيبته او مراته.. الناس عارفه انه مرتبط لكن متعرفش خصوصياته معاها ! زي صورة بطاقته بالظبط الناس عارفه ان عنده بطاقه بس محدش بيشوف شكلها .
    - مفيش أجمل من الناس اللي بتبتسم رغم همومها ويضحكوا في وشوش الناس .. قرأت عن احد اصحاب النبي قبل اسلامه .. كان بيقول ما لقيني رسول الله الا ابتسم في وجهي حتي أحببته ودخلت الاسلام ! كان سيدنا ابو أبو أُمامه ! .. اذًا الابتسامه بتسرق القلوب .. فابتسم .
    - مفيش أجمل من اللي لو غلط في حق حد يقول آسف بدون لف ودوران ولو حد عمله شيئ كويس بيقول شُكرًا لان النبي قال : من لا يشكر الناس لا يشكر الله .. وربنا بيقول : فلا تنسوا الفضل بينكم . اعترف بجميل الناس عليك .
    - ومفيش اجمل من الراجل اللي بيصون الست اللي ف حياته .. لان البنات عباره فاكهه .. لكل بنت طعم ولون وصفات مُختلفه عن التانيه .. فلابد الراجل مننا يحسس مراته ان فيها من كُل صفات نساء الدُنيا .. كوكتيل يعني ؟! بالظاااابت الله ينور عليك 👍..
    - مفيش أجمل منك لما تحط ايدك علي قلبك دلوقت وتقوله ( لا تحزن ان الله معنا ) . وخليك واثق تمامًا ان ربنا هحقق اللي بتتمناه . :))
    #احمد_ايمن
    ==============================

    #ميهمكش
    - لو البوست معجبكش متعملش لايك ! وميهمكش !
    -لو شوفت بوست لواحد من الاصدقاء اللي عندك بيقول فيه ( انا حذفت 200 من عندي فياريت ياجماعه كله يعمل لايك ويثبت وجوده لاني هحذف اللي مبيتفاعلش ! ) متعملش لايك وميهمكش !
    - لو محلتش كويس ف الامتحان ! مُش معني انك خسرت معركه تبقي اتهزمت ف الحرب لسه المشوار طويل وهتنجح ! ميهمكش !
    - النبي اتجوز السيده خديجه وهي اكبر منه بـ 15 سنه ! فلو بتحب واحده اكبر منك اتجوزها وطنش كلام الناس وميهمكش !
    - كَلم نفسك وانت ماشي فـ الشارع وغني ف الحَمام وكُل من مطعم شعبي استمتع بكُل لحظه وميهمكش !
    - مُش هتتحبس لو طولت دقنك ! شكلك حِلو بيها وكمان زينه للراجل ! طولها وميهمكش !
    - انتي حلوه جدًا بدون مكياج حِبي نفسك بطبيعتك بدون خِداع بصري للناس وميهمكيش !
    - لو هتخس خس عشان نفسك مُش علشان الناس ولو مرتاح وانت مقلبظ ! خلاص اثبت علي كدا وميهمكش !
    - لو لقيت حد كاتب لو معملتش لايك و مصلتش علي النبي ( ربنا ياخدك ويحرمك من صحتك ويفضل يدعي عليك ) ! مفيش حاجه هتحصلك ومفيش عليك اي ذنب هو اللي هيشيل الذنب .. متعملش لايك وميهمكش !
    - وانتي فـ الشارع او المترو وحد اتحرش بيكي ! اقلعي اللي فـ رجلك واديله علي وشُه .. والراجل بس هو اللي هيضرب معاكي ! متسبيش حقك وميهمكيش !
    - لو مُش مرتاح فـ كُليتك سيبها .. مُش حابب العلمي حَول ادبي ( مش شرط تكون ف مكان عالي قد ما شرط يكون حُبك للمكان عالي ) راحتك اهم ! والرزق علي الله ميهمكش !
    - مُصطفي حُسني عاد سنه ف الكليه .. مُصطفي محمود عاد سنه ف الكليه .. حتي ولو ربنا موفقكش فـ سنه مُش معني ذلك انك فاشل معني ذلك ان دي بداية انطلاقك ومُستقبلك فخليك مؤمن بنفسك وميهمكش !
    - لو عندك اي سؤال فـ الدين اسأله وجادل ربنا قال ( اقرأ ) ومقالش احفظ ! المُهم تقتنع ! وميهمكش !
    - متدفعش لحد فـ مواصله مادام مصروفك علي قَدك ! الامر عادي يعني مهواش مُحرج .. اعمل اهبل وميهمكش !
    - بنت النبي اتأخر جوازها 10 سنين الجواز نصيب متقبليش بأي حد غير اللي حباه حتي ولو هتفضلي بدون جواز ! مفيش حاجه اسمها عانس في حاجه اسمها وقِسمه اجمدي وميهمكيش !
    - اهلك لو فرضوا عليكي عريس متوافقيش ! حقك الشرعي ومفهاش عقوق .. ارفضي وميهمكيش !
    - الكرسي اللي ورا في المكيروباص 3 مُش اربعه قاوح مع السواق وقوله هُما 3 ولو قالك انزل متنزلش ! وميهمكش !
    - لو حد من اللي معاك ف المواصله بص علي موبايلك والشات بتاعك بصُله وقوله متتفضل معايا ؟! علشان يتعلم يبقي فـ حاله وميهمكش ..
    - لو نفس السواق زود الاجُره قاوح معاه ومتدفعش اكتر من المفروض ! وميهمكش !
    - لو السواق في الاخر ضربك انا معرفكش 😂 ..
    - لو اشتريت لبس شتوي وواحد قالك انا جايبه بسعر اقل .. عادي ياعم تتعوض فـ اي حاجه تانيه وميهمكش !
    - لو صورة بروفايل صديق ليك مُش عجابك مُش لازم تقوله ( برنس وجميل والله وباشا ) وتفضل تنفخ فيه !! قوله ف الشات صورتك حقيره ! هيفرح علي فكره وميهمكش !
    - لو بتكلم خدمة عُملاء شركة TE Data قولهم يرنوا عليك لان رصيدك هيخلص واقفل و هيرنوا ..وميهمكش ,,
    - لو كل شويه بيهددك بالفُرقه ويغلط فيكي قوليله بصوت يوسف شعبان ( ولا بنخاف ولا بنتهز 😂 ) ووافقي علي الفراق هتلاقيه بقي بطه بلدي وجر ناعم ! متقبليش بالاهانه مهما كانت العواقب وميهمكيش !
    - لو بنت اتعلقت بيك قالتلك بحبك وانت مبتحبهاش ! صارحها بانك مُش ليها وريحها وتكسر خاطرها دلوقت احسن ما توهمها وتدمر قلبها بعدين ! اقفل الموضوع وميهمكش !
    - لو حالتك كويسه وهي حالتها صعبه .. اديلها فلوس بينك وبينها تكمل تمن جهازها ولو ( 1000 جنيه ) ومتخليش مخلوق يعرف عن الموضوع دا حاجه خليك جدع هتكبر فـ نظرها لانك جدع و الرزق علي الله ميهمكش !
    - لو مفيش بينكم اي علاقه شرعيه وطلب منك بوسه حُضن فلوس اديله فـ جنابه لو طال منك اي شيئ هيستغلك وهيسيبك! صُديه وخليكي شديده وميهمكيش !
    - سيدنا زيد طلق مراته واتجوزها بعد كدا رسول الله اللي هو احسن من زيد وزيد اتجوز واحده احسن من طليقته ! .. فلو خسرت حبيت او اي شيئ .. تاكد ان ربنا هيعوضك بالاحسن .. تقبل الامر وميهمكش !
    - شكلك حِلو وانت زعلان وجميل وانت بتقرأ الكلام وتبتسم دلوقت ! يخربيت جمالك ! اضِحك حتي ولو مفيش سَبب وميهمكش !
    -إنت_جميل .. إش عرفك ؟! .. ميهمكش !
    #احمد_ايمن
                  

12-04-2018, 07:37 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    أنا بحترمك .. :))
    بحترم كُل اللي عامل جيوبه سلة مُهملات ومبيرميش ورق الشيكولاته علي الارض منعًا لانحناء أمُه او اخته او عامل النظافه .
    بحترم : كل اللي بيقول عامل نظافه ومبيقولش زبال !
    بحترم : كُل اللي بيقول كفيف ومبيقولش اعمي .. بحترم كل اللي بيقول اصم ومبيقولش اطرش بيقول ابكم ومبيقولش اخرس .. بيقول صاحب احتياجات خاصه مبيقولش مُعوق .. بحترم كُل اللي بيقول علي الفقير مُحتاج مبيقولش شحات ..
    بحترم : الناس اللي مهما قصرنا فـ حقهم فـ السؤال عنهم والاهتمام مبيتغيروش علينا او يزعلوا ويتجنبونا ولكن بيعذرونا مهما عملنا ويسامحوا ..
    بحترم : البنت اللي بتحط مكياجها كُحل .. لان ضحكتها لوحدها مكياج ..
    بحترم : اللي حافظ من القران ولو آيه وبيطبقها اكتر ما بحترم اللي حافظ القران كُله ومبيطبقش منه حرف فـ اخلاقه !
    بحترم : البنت اللي بتلبس واسع وواثقه فـ روحها وبتلبس فساتين بحس انها السندرلا !بتلبس لبس الاميرات ! #انتي_السندرلا !
    بحترم البنت اللي من غير حجاب بس نفسها تتحجب وبتسعي ديمًا لتطوير شخصيتها وتعديلها بحيث انها ترضي ربنا من جواها وان شاء الله هتوصل :))
    بحترم : كُل اللي بيسمع من الطرفين ومبحكميش من طرف واحد .
    بحترم : اللي بيرد الاسائه بالحُسني وبيسامح رغم قُدرته علي الانتقام .
    بحترم : اللي مبيحبش ياكل او يشرب فـ الشارع العام حافظًا علي مشاعر طفل او شيخ ممعاهوش يشتري ..
    بحترم : اللي مبيتكلمش عن حد بالسوء فـ غيابه لان كُل الناس اقل من انهم ياخدوا منه حسنه ومبيتكلمش عن حد اصلاً ومبيشغلش باله .
    بحترم : كل اللي يسمع عن بنت كلمه مُش كويسه ومينقلهاش ويستر عليها وميرضاش يخوض فـ عرضها ..
    بحترم : كل بنت مبتعبرش اي ولد رغم انها غير معقده وبتخرج وتهزر وتعيش حياتها بكل طبيعيه ..
    بحترم : اللي بيقول لابنه تعالي نصلي لعل ندخل الجنه سوا ومبيقولش تعالي نصلي أحسن تروح النار !
    بحترم : اللي بيكملني عن ربنا بابتسامه ويعشمني ف رحمته مهما عصيت ويطمني انه هيرحمني ويعفو عني وبيحبني ..
    بحترم : اللي بيصلي ويعمل خير كتير جدًا وعمره ما اتكلم عن نفسه وقال انه كويس .
    بحترم : اللي بيقبلني علي عيبي ويرضي بيا لانه عارف ان مفيش انسان كامل وكلنا بشر بنكمل بعض والكمال لله .
    بحترم : كل ست بتخلف مبتتكلمش عن الاولاد قدام ست مبتخلفش .. بحترم اللي صحته كويسه و مبيتكلمش عنها قدام مريض .. بحترم كل حد بيحب مبيتكلمش عن الارتباط قُدام بنت متجوزتش او فقدت حُب عمرها .
    بحترم : كل اللي بيلبس كويس وريحته كويسه عايش حياه كريمه بس عمره ما قلل من غيره .
    بحترم : اللي بيغض بصره عن جميع ستات الدُنيا ويصون الست اللي فـ حياته ..
    بحترم : اللي مبيقللش من جمال بنت لان مفيش بنت مُش جميله ومفيش بنت مُش رومانسيه ولكن لكل بنت راجل معين يليق بيها مش شرط يكونوا شبه بعض ولكنهم روح واحده تكمل التاني ..
    بحترم : اللي مبيعيبش علي شكل شاب لان محدش بيخلق نفسه وممكن يكون عند ربنا افضل مني ومنك ! لان ربنا مبياخدش بالشكل ولكن بياخد بالقلب .. ومتنساش ان سيدنا عبد الرحمن بن عوف كان من اعظم الصحابه وهو أعرج لانه اتضرب بالسيوف فـ رجله فـ غزوة أُحد وسنته اتكسرت جعلت مخارج حروفه تكون ناقصه ! ولكنه عند الله عظيم ..
    بحترم : الانسان اللي بيرضي بقليله وبيحمد الله ع الموجود ومتاكد انه مشاكله اهون من مشاكل غيره بكتير ..
    بحترم : الشخص اللي يدخل بيت حد ويحترم اهل البيت ومينقلش حرف سمعه او يعيب علي لُقمه كلها ...
    بحترم : الراجل اللي لما يرجع من شغله وزوجته عندها ظرف معين ومقدرتش تُطبق فـ يعمل زي ما كان النبي بيعمل ويقولها لا بأس : أنا صايم وينوي صيام .
    بحترم : كل بنت مبتبصش علي صاحبتها جايبه لبس فُلاني او خطيبها جابلها هديه فُلانيه .. ومبترهقش الشخص اللي فـ حياتها وتحسسه بالنقص وقلة الحيله ..
    بحترم : البني آدم اللي ميحبش زوجته شهوه ! ويكون معاها ع الحلوه والمُره ووقت الحيض وتعبها يشرب من موضع شفتيها زي النبي ويتحتمل غيظها وضيقتها وغيرتها زي النبي . ويساعدها ف، شُغل بيتها زي النبي .. ويلعب معاها ويهزر زي النبي .. ويكون راجل ليها مُش عليها وطفل معاها وراجل وقت الشِده زي سيدنا عُمر ما قال .
    بحترم : كل انسان بيهتم بتصليح عيوبه الشخصيه ومبيدورش علي عيوب الناس ويجري وراها .
    بحترم : كل شاب يشوف ست كبيره فـ مواصله يقف ويقعدها .. يشوف بنت ينزل ويخليها تركب بِداله .. ويحُط اخته فـ نفس الموقف ..
    بحترم : كل بنت مبتاخدش برنت سكرين وتفضح الناس 😂 ! اظن دي علي هوا الشباب اوي هاه .
    بحترم : كل شاب كان مرتبط وفركش ومبيتكلمش عنها غير بكل خير ومبيتكلمش عنها اصلاً لانها خرجت من ذمته .. والعكس ايضًا للبنت .
    بحترم : اللي مبيحتقرش العُصاه ويقلل منهم ! لان جميعنا مُبتلون بالمعاصي لولا ستر الله وكرمه لاصبحنا مثل العُصاه !
    بحترم : الشباب لما بيخرجوا ويتقفوا مع بعض يطلعوا صَدقه ع الفقراء ولو 2 جنيه تكفريًا علي البلاوي اللي بيعملوها .. وبحترم برده الشباب والبنات لما يخرجوا مع صحابهم ويفصلوا النت ويفضلوا مع بعض بدون فيس وواتس وتويتر وانستجرام يشغلهم .
    بحترم : اللي عُمره ما عقد شاب تخين فـ عشته وطلب منه انه يخس او قلل منه ! لان التخين مبياكلش من أكلك ! ودي بطنه انت مُش بطنك انت ! فكون فـ حالك .
    بحترم : اللي بيصلي ويدعي لاصحابه .. وبحترم اللي بيحب غيره بدون مصالح .. والناس اللي بتنصح بصدق .. وتحُضن بضمير ..
    بحترم : الناس اللي بتصل رحمها رغم ان قرايبه ميستاهولش بس بيعمل كدا من اجل ربنا ..
    بحترم : اللي يحب وميعلقش قلب بنت بيه ع الفاضي وميصارحش غير لما يتقدم ..
    بحترم : أمي لما تحط علبة الكرنفاليتا بتاعت الايس كريم فـ الفريزر وافتحها الاقي فيها أيس كريم مُش رز بالخلطه بتاع المحشي 😂 !
    بحترم : اخواتي اللي لما بحط ازازة بيبسي فـ التلاجه ومبيشربهواش .. لاني والله قربت احس اني لو فتحت ازازة بيبسي فـ الهند هلاقي اخويا الصغير جاي راكب فيل وماسك فـ ايده كُوبايه 😂.
    بحترم : اللي بيمسك موبايلي وميفتحش الرسايل او يسأل عن الباسورد لاني عامل البسورد عشان امثاله اصلاً .. وبحترم اللي يقعد جنبي فـ مواصله وميبصش علي موبايلي ويفضل يشوفني بكلم مين ..
    بحترم : الولد اللي بيعذر امه او اخته لما تتعصب ويعرف انهم زهقانين من البيت وشُغله ..
    بحترم : الشاب اللي بيفسح اخته ويصاحبها زي ما قال النبي وميخليهاش تحتاج لحد .
    بحترم : العريس اللي مبيندمش يوم فرحه انه اختار العروسه بعد لما شاف صحباتها الاحلي منها .. وتبقي فـ عينه اجمل بنت لان روحها حلوه ..
    بحترم : البنت اللي تصون وتحفظ الشاب في غيابه ومتعملش اي شيئ يضايقه او يعصبه رغم انه مُستفز احيانًا .
    بحترم : ابويا لما يدفع فلوس النت بدون ما اطلب ..
    بحترم : اللي مبينساش ربنا وقت الفرح زي ما بيفتكره وقت الشِده ..
    بحترم : المُحترم مع اهله لان خيركم خيركم لاهله .. والنبي سألوه عن اقرب الناس منه مجلسًا في الجنه قال احسن الناس أخلاقًا !! ومفيش اعظم من ان الانسان يُكون حسن الخُلق زي ما قال رسولنا الكريم ..
    بحترمك .. لانك صبرت وقرأت الكلام دا كُله ومشتمتنيش فـي سرك .. 😂🙊
    #يا_مُحترم .. :)
    #احمد_ايمن ..
    =======================
    زي ما وعدتكم .. لستة كُتب للناس اللي رايحه معرض الكتاب .. انصحكم تجيبوا لوكشة الكتب دي او تجيوا جزء منها ان شاء الله .. الكتب دي معظمهم مطبوع منهم اكتر من ١٠ مليون نُسخه :))
    - لو عاوز تقرأ في سيرة النبي باستمتاع هات كتاب ( الرحيق المختوم ) ولو عاوز تقرأ السيره بالتفصيل يبقي هات ( السيره لابن هشام ) .
    - هقولك كتاب فيه ٤٠ حديث للنبي .. هيعرفك كل شيء في الدين ان شاء الله ( الاربعون النوويه للامام النووي بتفسير بن عثيمين ) .
    - هقولك اسم كتاب لازم تجيبه وانت ف المعرض ان شاء الله .. لو عاوز تستمتع بشوية قصص جميله تقرأها .. تحس انك شايفها فيديو من دقتها وروعتها ومش هتقرأ زيهم .. اذًا هات كتاب ( شيكولاته بيضاء ) لتامر عبده امين .
    - عاوز تقرأ عن الصحابه ببساطه وسلاله .. اذًا هات كتاب ( رجال حول الرسول ) لخالد محمد خالد .. وهقولك اسم كتاب تاني هيفيدك جدًا متمرمغ بقصص عن النبي واصحابه وآل بيته باسلوب سهل وشيق جدًا تحس انك مش عاوز الكتاب ينتهي من جماله .. اسمه ( أثر النبي ) لعمر طاهر .
    - عاوز بقي تفسير سهل للقرآن الكريم اذًا هات كتاب اسمه ( أيسر التفاسير .، او التفسير الميسر .. او تفسير السعدي .. ومفيش اسهل من تفسير الشعراوي ) .
    - هقولك اسم كتاب يخطفك لبلاد العالم كأنك شايفها بعينك من جمال وروعة الكاتب .. كتاب اسمه ( حول العالم في ٢٠٠ يوم ) ل أنيس منصور .. وهنا هيعرفك عادات وتقاليد دول كتير وطباع اهلها بشكل مُبهر .
    - الناس اللي بتحب سيدنا عُمر وتفاصيله .. هات كتاب اسمه ( استرداد عُمر ) هيعجبك جدًا معجون بشوية قصص عنه انما ايه يستاهلوا قرايتك واهتمامك .
    - هات كتاب اسمه ( لا تحزن ) لعائض القرني .. كتاب تُحفه .. الشيخ عائض بيحكي مواقف حصتله وحصلت لناس يعرفهم عن مواقف للهم والحزن وازاي ربنا خرجهم منها زي الشعره من العجينه .
    - هات كتاب ( شاي بالنعناع ) لاحمد خالد توفيق .. الكتاب دا فيه شوية مقالات عجيبه هتغيرلك مودك ونظرتك لحاجات كتير جدًا في حياتك .
    - آخر كتاب .. هو كتاب ( دع القلق وإبدأ الحياه ) الكتاب دا اشهر كتاب انتشارًا في العالم بعد القرآن الكريم والانجيل مطبوع منه اكتر من ٢٠٠ مليون نسخه ! .. هيعجبك جدًا وهيخليك بني آدم تاني .
    - كتاب دع القلق هتلاقي منه نُسخه تانيه ولكن علي طريقه اسلاميه خرافيه للشيخ الغزالي اسمه ( جدد حياتك ) كتاب مُبهج فظيع بمعني الكلمه .. هيعجبك وهتتبسط انك قراته .
    ان شاء الله ذوقي يعجبك .. ومتندمش انك قريت اي كتاب من دول .
    احمد ايمن
                  

12-04-2018, 07:43 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    2 صحابي .. ديمًا يعدوا عليا .. يرنوا يطمنوا علي احوالي .. وفجأه قطعوا السؤال وانهم يزورني .. اضايقت منهم .. وخدت جنب أنا كمان ومحاولتش اسأل عن السبب .. مع اني زعلان جدًا .. بس قولت يتفلقوا انا مغلتطش ف حقهم ف حاجه أساسًا !! .. وفـ يوم قابلتهم صدفه فـ شارع .. سلمنا علي بعض سلام بارد .. وبعد كدا قعدنا سوا في بيت واحد فينا .. قولتلهم اتغيرتوا .. مبقتوش تسألوا ولا ترنوا .. قالوا طول عمرنا بنسأل وانت مبتسألش .. بنجيلك وانت مابتجيش .. بنهتم بيك وانت مبتهتمش .. خلينا عندنا شوية دم وقولنا نبعد يمكن تسأل ولكن للاسف ولا عبرتنا .. حسيت اني صغير .. كلامهم كبير وانا بصغر في نظر نفسي .. شايف ان العيب كان منهم .. و لما عاتبوني وراجعت نفسي لقيت فعلاً العيب فيا ! .. انا فعلاً اللي مقصر ومُهمل .. وموبايلتهم مبتفصلش من كتر ما برن عليهم .. بالعكس بقعد فترات طويله مرنش .. مسألش .. قولتلهم انا اسف .. عندكم حق .. وبوست دماغهم .. ورجعوا زي الاول .. يسألوا ويرنوا .. بس الفرق اني بقيت أسال وارن وبقي في اهتمام متبادل لان العيب كان مني .
    الدكتور عُمر عبد الكافي بيحكي موقف لواحد يعرفه .. الراجل دا متجوز واحده قريبته .. عندهم في العيله مرض وراثي .. وهو ان سمعهم بيبقي تقيل بعد مرور السنين والعُمر .. فـ الراجل حب يعرف مراته سمعها شغال ولا بدأت تتسطل ;D بس برضه بدون ما يجرحها .. فراح الراجل لدكتور أُذن وقاله الحوار كذا كذا .. اعمل ايه ؟! الدكتوره قاله بسيطه .. اقف علي بُعد 50 خطوه من مراتك وقولها كلمه سمعتها يبقي كويس .. مسمعتهاش قرب عشر خطوات وقولها نفس الكلمه .. لحد لما تعرف سمعها قوته قد ايه .. الراجل مكدبش خبر .. راح البيت ووقف علي بُعد 50 خطوه من مراته .. وقالها .. " حبيبتي طبخالنا ايه النهارده ؟! الست مردتش عليه .. قرب منها 10 خطوات .. وقالها " حبيبتي طبخالنا ايه النهارده ؟! " برضه مردتش عليه .. قرب كمان عشر خطوات لحد لما بقي علي بُعد 30 خطوه منها . وكرر نفس الجُمله ومردتش عليه .. لحد لما وقف ورا ضهرها مافيش بينهم متر ! فقالها " حبيبتي طبخالنا ايه النهارده "! ؟! قالتله ايييييييييييه انت مبتسمعش .. عاشر مره اقولك اني طابخه بطاطس وفراخ ف الفُرن !! ;D .. فكان فاكر العيب منها لكن هو اللي اتسطل ;D !
    لما حصلت حرب بين سيدنا علي وسيدنا معاويه بن أبي سفيان .. وكان سيدنا الزبير بن العوام رايح يحارب مع سيدنا معاويه .. ويقاتل سيدنا علي .. لأنه فاكر انه علي حق .. فـ سيدنا علي وقف قُصاد سيدنا الزبير وقاله " بالله عليك .. مش فاكر لما قابلك رسول الله صلي الله عليه وسلم واحنا في المكان الفلاني .. فقالك يا زبير .. تُحب علي ؟! فقولتله : ألا أُحب بن خالي وبن عمي وعلي ديني ؟! ( ازاي محبوش يا رسول الله وهو بن خالي وابوه يبقي عمي وكمان مُسلم زيي ) فـ النبي قاله : يا زُبير .. أما والله لتقاتلنُه وأنت لهُ ظالم .. ( والله يا زبير هيجي يوم من الايام تحارب علي وانت ظالمه وعلي معاه الحق ) فلما سيدنا علي قال الكلام لسيدنا الزبير قال والله كنت ناسي كلام النبي وافتكرته دلوقت .. ورجع عن قراره لما راجع نفسه .. ومحاربش سيدنا علي ! .
    الممثل الاجنبي " براد بت " .. متجوز انجلينا جولي ... انجلينا جولي أمها ماتت بسبب السرطان .. فهي خافت ان المرض يجيلها .. فعملت عملية استئصال للثدي تجنبًا لاصابتها بالسرطان .. براد بت .. بيقول " أنجلينا كانت بتبكي باستمرار .. ليل نهار عياط .. سكوت .. نوم بالليل قليل .. نوم طول النهار .. باختصار " لم تكن أنجلينا سعيده كما وعدتها كانت زي الورده الدبلانه " ... علاقتنا كانت علي وشك انها تنهار وتتدمر .. وهي رافضه تصور اي فيلم .. وفعلاً فكرنا ان احنا نسيب بعض وننفصل .. بس فجأه قولت لنفسي أنا معايا أجمل ست علي كوكب الارض .. ومثل اعلي لكتير من الناس علي حسب قوله .. وبدأت اراجع نفسي يمكن العيب فيا !! بدأت اني اطلع ف برامج ومبتكلمش غير عنها وامدحها قصاد أصحابها .. وانام جنبها وأحضنها من كتفها .. وأغرقها بالورد والهدايا والكلام الجميل الصادق .. بيقول مصدقتش اللي حصل .. أنجلينا بدأت تفتح من جديد زي الوردايه .. رجعت أجمل من الاول ووزنها زاد ومبقتش عصبيه وحبتني أكتر من أي وقت فات .. مكنتش متخيل انها بتحبني كتير كدا .. بس اكتشفت ان العيب كان مني لاني مكنتش بهتم ولا بقدر تعبها .. وفهمت شيئ في حياتي مُهم جدًا .. ان المرأه مراية جوزها .. لو هو صعب معاها هي هتبقي عصبيه ومُهمله ف نفسها .. و لو هو كويس هي هتبقي كويسه وزي الورده واحلي من القمر .
    راجعوا نفسكم يا جماعه .. يمكن العيب فيك مُش فيها .. هي مُش نكديه .. جايز انت اللي ادتها ف البدايه اهتمام وسؤال وحُب وموده وبعد كدا بقيت بارد فكان لازم تدبل وتتغير عليك " لأنك لو مش هتهتم بالورده وترويها باهتمامك وقُربك يبقي ملكش حق انك تقطفها وتخليها ف حياتك من الاول " ! .. ممكن صحابك واخدين علي خاطرهم منك لانك اتغيرت .. مُش ديمًا بنكون صح ! مُش ديمًا راينا بيكون هو الارجح .. " أصل معلش الناس مُش تيشرت جديد او جزمه جديده بتلبسها وتتشد ليها وبعد شويه تزهدها .. الناس ليها مشاعر وبتحس .. ولعل العيب منك .. اقعد مع نفسك وراجع روحك .. يمكن الغلط فيك .. تعرف ؟! النبي غير خطة حرب كامله بسبب راي راجل من الصحابه .. تعرف سيدنا عُمر غير قانون كامل وكان فاكر انه صح فيه لما قال مافيش فلوس تطلع لغير الرضيع ولما سمع بُكاء طفل رضيع عرف انه غلط .. سيدنا عُمر غير قرار خده بسبب واحده ست اعترضت وقالتله ربنا قال غير كدا .. متقاوحش .. محدش هيتعب غيرك .. الحياه والعلاقات " هات وخُد " خيط كُل واحد فيكم ماسك طرف منه .. لو شديت جامد هيتقطع .. ولو هو ساب خالص هتنهار العلاقه .. متتغيرش .. ديمًا كُله ف البدايات حنين وطيب .. وكتير بنتمني ان العلاقات تبقي كُلها بدايات .. الحق روحك قبل فوات الاوان قبل لما تخسر اللي بيحبوك بكُل صدق بسبب انك عندك جفا وبرود ومعاملتك سيئه ومبقتش طيب زي زمان .. ولو لقيت حد واخد جنب منك .. متحكمش عليه وتقول سابني يمكن انت اللي غلط .. حبايبنا عاملين زي السبرتو.. لابد تغلفهم بالتفاهم والمشواره والاحتواء والوِد .. لاما هيطيروا ومُش هنعرف نرجعهم !! .. قلوب الناس زي طبقة الاوزون بتجدد ديمًا ولكن لو انت حاولت ترجع تتصالح معاهم مره تانيه وتعترف بتقصيرك قبل فوات الاوان !! لأنك فعلاً اتغيرت مبقتش زي زمان ! ومن حقهم ياخدوا جَنب وركُن منك ... علي الأقل ف قلوبهم .. مهو في ناس كدا مبنكرههاش لكنها بتقل .. بتقل من جوانا ويقل عشمنا فيهم .. إبليس لو كان راجع نفسه وسمع كلام ربنا مكانش اطرد من رحمته ولا كان قارفنا ف عيشتنا دلوقت ;D لكن شوف الكِبر والعند وصله لفين !!! .. ماهوش عيب انك تعترف بالخطأ لاننا كُلنا بنغلط .. العيب انك تستمر عليه .. الخشب قال للمُسمار فلقتني !! رد المُسمار وقاله : لو حسيت بالدَق علي دماغي كُنت عذرتني . ! !
    #راجع_نفسك ..
    #أحمد_أيمن ...
    ===========================
    البوست دا هديه لكُل طالب ..
    سيدنا علي بن أبي طالب كان سهران مع صديق لُه بيتناقشوا في بعض مسائل العِلم .. فجِه عليهم الليل .. فصديق سيدنا علي قاله : معاد قيام الليل يا امير المؤمنين .. يالا نقوم نصلي.. فسيدنا علي قاله " اٍنا في صلاه " احنا بالفعل بنصلي دلوقت .. كُل لحظه قاعدين نتعلم فيها بتتحسب عند ربنا كأننا واقفين نصلي !! .. اي واحده أو واحد ذاكر ولو نُص ساعه او قرأ جزء من منهجه او اي علم .. مبروك يا صديقي انت بتاخد ثواب طلب العلم .. وثواب الجهاد في سبيل الله .. وكمان ثواب صلاة قيام الليل :))
    #ربنا_يتقبل ^_^ !
    ====================

    -ليا صديق بيكتب علي النت .. معروف الي حدٍ ما .. واحده امبارح قالتله ف تعليق ( انت غبي .. كُل شويه تكتب عن المشاكل .. وتفكرنا بيها .. انسان مُتخلف ندمانه اني قريت لانسان متخلف زيك .. هشيلك من عندي ) .. أنا بصراحه كنت منتظر رد فعله .. وهيتعامل مع اللي شتمته ازاي .. لقيته بيقولها ( حضرتك انسانه محترمه ورايك مُتقبله وعلي راسي .. لكن لو اتهربنا من مشاكلنا اذا مُش هنعرف نحلها .. هتبقي عامله زي المرض الخبيث لو الانسان مواجهوش وشاله !! اذا هيكبر ويكبر لحد لما يقتلنا ف لابد نواجه مشاكلنا منهربش منها .. ولو المشاكل بتتحل بالهروب .. كان زمان كوكب الارض كوكب مهجور ! .. وقالها : وجود حضرتك عندي شيئ مشرفني ويفرحني .. لكن صدقيني انك تشوفي راحتك ف عدم متابعتي .. فراحتك عندي أفضل من مليون لايك علي البوستات .. ودعالها ) بعتله رساله وقولتله ايه يابني الرد دا كنت متوقع ترد رد شديد عليها .. قالي لعلها متجوزه وجوزها مزعلها ومُش لاقيه حد تفرغ فيه غضبها فملتقش غيري قدامها .. فـ غلطت .. او لعل عندها ضغط عصبي من شيئ مُعين .. فعدي ياعم خليها علينا .. وانا كتمت غضبي لعل الله ميغضبش عليا يوم القيامه باذن الله .. والله باعتلي رساله دلوقت بيقولي مُش قولتلك ؟! وقال ان البنت بعتاله وبتقوله ( انا بعتذر لحضرتك أبويا كان مريض ونفسيتي متدمره .. فانفجرت فيك انت .. سامحني ) ! .
    -الشيخ علي الطنطاوي الله يرحمه .. كان راكب تاكس .. سواق التاكس راجل هادي جدًا وماشي ف حاله .. فجأه عربيه جايه وفيها واحد جاي بغضب وعصبيه وقام مزنق علي التاكس اللي راكب فيه الشيخ علي .. ومكتفاش بكدا لاء ! دا شتم كمان السواق بألفاظ غير مُحترمه .. وكمل طريقه بعربيته عادي رغم انه غلطان ! .. فـ سواق التاكس كتم غضبه وغيظه و قام رفع ايده وشاور للي شتمه وابتسمله .. ف الشيخ علي قاله " دا راجل احمق " تقوم تشاورله وترفعله ايدك وتبتسمله .. ميستاهلش .. الشيخ علي قال الراجل دا رد عليا رد .. علمني منه درس منساهوش .. قاله يا مولانا : ناس كتير قلوبهم بتبقي عامله زي عربيات النفايات " الزباله " .. فلما النفايات دي بتكتر جواهم " سواء هم او غم او مشاكل ونكد " غصب عنهم بيضطروا يفرغوها ف اي مقلب زباله قدامهم .. ف انا متعودتش اكون مقلب زباله وآخد الامر بشكل شخصي واعصب روحي علي الفاضي !! .. بالعكس ببتسم واكمل طريقي عادي جدًا وماخدش زبالتهم عندي ! ودا بيخليني متصالح من روحي .. وبدعي ربنا انه يهديهم .. ربنا بيقول " واذا خاطبهم الجاهلون قالوا سلاما " ودا اللي عملته شاورتله وقولتله " سلام " :))
    -الامام ابو حنيفه كان واقف فـ يوم بيخطب ف المسجد .. وقدامه ناس كتير جدًا بتسمعه ..راجل عالم جليل علمه بننفع بيه لحد دلوقت وبنتجوز علي مذهبه " علي مذهب الامام ابو حنيفه " .. نتجوز ؟! يسمع من بوقك ربنا يا ابو ايمن المخده اشتكت من كُتر ما بحضنها ;D ( الوساده الخاليه .. تعبت مني يا غاليه ) ;D .. ياعم انت مسكت ف الكلمه ؟! ;D خليك ف ام النصيحه .. المُهم وهو واقف بيتكلم .. وقف راجل من ضمن اللي قاعدين وشتم الامام .. ف الامام ابتسم وسكت .. ف الراجل غلط ف الشيخ تاني ! ف الناس لسه هترد علي الراجل .. الامام منعهم .. وقالهم سيبوه .. وبعد لما الامام خلص خُطبته .. مسك الراجل اللي شتمه من ايده لحد باب بيته .. وقاله : دا بيتي .. ودا باب بيتي .. فلو كان ف قلبك لسه شيئ قوله يمكن تصفي من ناحيتي .. وليه خده عند بيته بالذات ؟! لان الواحد قدام بيته بيبقي قلبه جامد وسط اهله وحتته .. لكن ابو حنيفه حب يوصله انه حتي برغم اني ف مكان اقدر أرد اعتباري فيه مُش هعمل كدا ! لكن انت لو حابب تكمل شتيمه اشتم ! .. ف الراجل اتكسف جدًا من نفسه واعتذر لابو حنيفه .
    -سيدنا عبد الله بن الزبير بن العوام .. كان عنده مزرعه في المدينه المنوره ( حديقه ) .. وكان جنبها حديقه تانيه بتاعت سيدنا معاويه بن أبي سفيان .. وكان وقتها سيدنا معاويه هو خليفة المُسلمين .. وف يوم دخل واحد من عُمال مزرعة سيدنا معاويه مره واتنين وتلاته جوا مزرعة سيدنا عبد الله .. فسيدنا عبد الله بن الزبير .. غضب واضايق جدًا .. كل شويه عامل يدخل مزرعتي !! .. فكتب رساله لسيدنا معاويه وكان بينهم ديمًا اختلاف .. وقاله فيها : من عبد الله بن الزبير الي معاويه بن هند آكلة الاكباد ( سيدنا معاويه كانت امه السيده هند بنت عُتبه اللي اكلت كبد سيدنا حمزه عم النبي لانه قتل في الحرب ابوها واخوها وعمها ) .. أما بعد .. فان عُمالك دخلوا الي مزرعتي فامرهم بالخروج منها والا والله ليكونن لي معك شأن ( هيكونلي معاك تصرف تاني ) !! .. فوصلت الرساله لسدينا معاويه وكان معروف عنه انه انسان حليم بيسمع شتيمته بودنه ويعديها .. فلما شاف الرساله قال لابنه يزيد ايه رايك ف الرساله والتهديد دا ؟! فقاله : نبعتله جيش ويقطعوا راسه ويجيبهوالك .. فسيدنا معاويه قاله : بل قل خير من ذلك ( قول كلام احسن من كدا ) !! .. فسيدنا معاويه كتب رساله لسيدنا عبد الله وقاله فيها : من معاويه بن أبي سفيان الي عبد الله بن الزبير ( ابن اسماء ذات النطاقين ) قاله باسم ابوه وكمان قاله اسم امه ومدحها بذات النطاقين ( ومعناها انها كانت بتربط قماشتين علي ضهرها وتشيل بيهم الاكل علشان توصله للنبي وابوها في الغار ) ... اما بعد .. فوالله لو كنت بجواري لسلمت لك هذه الرساله بنفسي .. ولكن اذا وصلتك هذه الرساله .. فخذ مزرعتي وضمها الي مزرعتك وعُمالي ضمهم الي عُمالك . فان الجنه عرضها السموات والارض ! . لما سيدنا عبد الله قرأ الرساله بكي .. وسافر بنفسه لسيدنا معاويه لحد دمشق وباس راسه واعتذرله !
    -التحكم ف الغضب يا جماعه .. الله يرضي عليكم السُكر منتشر ف البلد ;D .. لما واحد قال للنبي .. انصحني ! النبي قاله ( لا تغضب لا تغضب لا تغضب ) ! .. وبرضه كل انسان مننا عنده عيب ف شخصيته ( عصبي .. مبيعرفش يعبر عن مشاعره .. مدب . مهما كان هو ايه ) لو عاوز ترتبط بحد مفهوش عيوب تبقي طلبت المستحيل ولو عاوز صديق بدون عيوب تبقي برضه طلبت المستحيل لان الكمال لله .. كتير مننا شخصياتنا بتشبه للبيبسي .. لما تفضيها ف كوبايه تلاقيها فارت من الصوده وهتغرقك .. لكن بعد ثواني الرغاوي بتختفي وتشرب بهدوء .. فمش معني ان حد يفور عليك انه مُش نافع تكمل معاه .. استني لما يهدي وهتسفيد منه كُل خير لان قلبه طيب بيطلع بيطلع وينزل ع الفاضي ! .. مهواش ضغف انك تعدي بالعكس دي قمة القوه .. اعظم انتصار في الدُنيا هو انتصارك علي نفسك .. الامام احمد بن حنبل كان ديمًا يدعي لمراته بعد موتها ويقول عنها ( لما كنت بغضب كانت تراضيني ولما كانت بتغضب كنت براضيها ) ولما راجل شد النبي من جلبيته لدرجة ان النبي رقبته اتأثرت من الشده وقال للنبي اعطيني صدقه !! .. النبي ابتسمله واعطاه !! .. لما سيدنا ابو زر الغفاري .. غضب .. فجأه قعد علي الارض .. ولما سألوه قعدت ليه ؟! قالهم النبي اوصانا لما نغضب واحنا واقفين نقعد .. ولو كُنت قاعد نام .. اتحمل اللي قدامك .. ولكن بدون مذله .. وانت متغضبش وتاخد علي انك تهين اللي قدامك .. لأن كتير من اللي بيتقبلونا .. شخصياتهم عامله زي كيس الكاتشب .. لو ضغطت عليهم أكتر من اللازم هينفجروا ومش هتقدر ترجعهم تاني .. فكر ف كل تصرف بتعمله .. لأن الكلمه وقت الغضب بتتقال ف ثانيه .. وبنندم عليها العُمر كُله .. ياريت لو ليك حد اتعصبت عليه ف يوم تعتذرله فـ رساله او ف تعليق عنده او اي شيئ ساعتها هتاخد ثواب عظيم .. و خُذ قرار انك تتحمل اللي قدامك .. وانت خُد قرار انك من اللحظادي هتتحكم ف غضبك .. واما تغضب خُد نفس عميق وخرج النفس بهدوء وقول اعوذ بالله من الشيطان .. الشيطان هو اللي بيسبب الغضب فإطرده بالاستعاذه منه .. وحط ايدك علي قلبك وقول ( يارب اهدي قلبي ) ١٠ مرات .. مفعلوها جبار والله :)) وتأكد تمامًا انك لما تبقي حليم وتكتم غضبك .. ربنا باذن الله هيكون حليم معاك ومُش هيغضب عليك دُنيا وآخره .. الله يجعلك هادي ديمًا يا اخي .. ويريح قلبك وبالك :))
    #التعامل_مع_الغضب ..
    #احمد_ايمن
                  

12-04-2018, 10:43 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    هتصدقني ؟! ..
    البوست دا انا بكتبه .. لأني محتاج الكلام اللي فيه أكتر منك .. " سألت نفسي ليه السعاده مقصره معايا ؟! ولأول مره اجاوبها بصِدق " لأني بقصر في حق ربنا " .. لعل " اللي مانع فرحتك .. او تحقيق حلمك .. او تسهيل شُغلك او راحة بالك أو امتحاناتك او نجاحك او اي شيئ .. هو بسبب تقصيرك مع ربنا ومحتاج انك تتوب وممكن تكون فاكر ان مافيش ذنب معين .. لكن انت للاسف ممكن تكون عامل ذنب وناسيه !! .. وليه البوست دا ميكونش رساله ليك وليكي وليا ؟! .. لو قريت البوست دا بكُل صدق مع ربنا انك محتاج تنضف من ذنوبك اللي ملياك .. صدقني والله ثم والله ثم والله .. هتطلع منه وانت مفيش عليك اي ذنب .. مهما عملت ؟! ايوه مهما عملت .. مهما كررت الذنب ؟! مهما كررت .. الذنب .. ومُش بس كدا .. لو عملت بلوه منيله وليكن خدت عليها " 1000 سيئه " لو سمعت كلامي للآخر ربنا هيبدلك , الـ 1000 سيئه بـ 1000 حسنه ! .. ايه الدليل علي كلامي ؟! :
    - سيدنا عُمر في يوم كان قاعد مع اصحابه وفجأه ضحك ضحكة سعاده وانتصار " هاهاهاهاهاهاه " ;D وقال لأصحابه " أنا اكتر واحد فيكم حسنات .. قالوله ازاي دا ؟! قالهم : ألم تسمعوا قول الله تبارك وتعالي " أولائك يُبدل الله سيئاتهم حسنات " وأنا كُنت اكتر انسان عاصي قبل الاسلام ومليان سيئات لدرجة انهم كانوا بيقولوا ان الحُمار بتاعي ممكن يهتدي ! انما انا لاء ! اهو انا اهتديت وتُبت .. فلما تُبت ودخلت الاسلام ربنا بدلي بنفس حجم السيئات حسنات ;D .. فـ انا اكتر واحد فيكم حسنات .. !!
    - طب اعمل ايه ؟! علشان أنضف من كُل ذنب .. اللي هتعمله هو امر بسيط خالص .. " تقول الدُعاء اللي هقوله دا ورايا .. بس وانت فاكر الذنب اللي انت عملته ومحدش يعرفه .. وفعلاً زعلان انك وقعت فيه .. مين عالم ؟! زي ما البرسيل بينضف الهدوم من اي بُقعه .. يمكن الدُعاء دا ينضف جميع الذنوب المبقعه فـ قلبك .. قولي ورايا يا طيبه .. قول ورايا يا صاحبي بكُل صدقه وألم واخلاص مع الله .. " اللهم اني تُبت .. وندمت .. علي ما فعلت .. وعزمت .. عزمًا أكيدًا .. علي أنني.. لا اعود الي المعاصي ابدًا .. وأشهد ,, ألا اله الا الله .. وأشهد أن مُحمدًا رسول الله ..
    -يا اخي تصدق بالله ؟! .. القلب فـ ضلوعي مبحسوش بيطرد الدم .. قد منا حاسه دلوقت بيطرد الذنوب والشيطان من جواه !! .. متستهونش بالدُعاء .. دا دُعاء التوبه .. ومادام بتفتكر ذنبك وتحتقر نفسك وتتوجع انك عملته .. أقدر أقولك مليون مبروك ذنبك اتغفر :)) .. وقلبك دلوقت بيلضي ويُبرق من جواه .. واقدر اقولكم ان اكتر انسان عاصي فينا .. بعد قرايته للكلام دا ويبقي الكلام لامس قلبه .. يا بخته هو أكتر انسان عنده حسنات فينا !! ;D أرزاق .. الله يعطيك ثواب التوبه .. ويعطيك ثواب كُل اللي هيقرأ الكلام دا ويتوب بسببك .. لأن اللي بيعمل اي خير وحد يعمل زيه .. بيبقي في ميزان حسناته لحد يوم القيامه باذن الله . :))
    ربنا يريح قلبك ويطهره من كُل هَم وغم وذنب قادر يا كريم .
    #التوبه . <3
    #أحمد_أيمن ..
    ===================================
    -واحد قريبي مبقالوش هو ومراته ٦ شهور متجوزين .. كانوا عندنا من شويه ولسه ماشيين ... طول مهو قاعد عمال يبصلها ويضحك .. يتكلم عنها يقول الله يبارك في عمرها .. الله يصلح حالها .. وطول القعده بيمدح فيها ويدعيلها .. ويشكر في اخلاقها ويرفع مقامها .. خدته علي جنب وقعدت معاه في مكان لوحدنا .. ايه ياعم عمال تشكر في مراتك وتقول عنها غاليه وطيبه .. انت خايف منها ولا ايه ؟! ;D .. ثم انت مش كنت بتحب واحده قبلها وخطبتها ولما فركشتوا الخطوبه قولتلي عمر قلبي ما هيدق تاني ولا هعرف احب غيرها خلاص ! .. قالي كُنت مغفل ! مين قال ان الانسان ميعرفش يحب غير مره ؟! .. تصدق بالله .. لا اله الا الله .. انا ربنا عوضني بواحده تتحط ع الجرح يطيب .. محترماني وصيناني وشيلاني فوق دماغها .. بسلم يا عم بلسم والله .. حسيت انها زي المغناطيس عماله تشد قلبي نحايتها لحد لما وقعت علي ملا وشي ومحدش سمي عليا .. بتفهمني من نظرة عنيا .. وكانت بتحبني من زمان وانا ولا انا هنا .. الست اللي قاعده بره دي يا احمد .. انا فعلاً ندمان اني معرفتهاش من زمان والحمد لله اني خسرت اللي قبلها كل يوم بحمد ربنا انه جعلني اخسرها علشان يعوضني بست البنات .. ثم مين قال الحُب مره في العُمر بس ؟! مبيعرفش حاجه .. الحُب بيجي بالموده والرحمه والتفاهم .. صدقني انا بموت فيها .. مبحبهاش بس .
    -النبي كان متجوز السيده خديجه وبكي يوم موتها وكنا بنقول مش هيحب تاني واتسمي يوم موتها بعام الحُزن .. وبعد كدا ربنا عوضه بعائشه وحبها اكتر من اي حد في الدنيا .. وبقي يقول قدام كل خلق الله احب الناس الي قلبي عائشه .
    -شاب أمريكي اسمه " والاس " كان شغال في ورشة تصنيع اخشاب .. وقضي عُمره كُله فيها لحد لما وصل سن الـ 40 .. المُدير اتكلكله .. وقام طرده من الشغل .. بدون تأمين .. بدون مكافئه .. بدون اي شيئ .. قرف من الدُنيا واللي فيها .. حزن حُزن شديد انه فقد شُغله اللي بياكل منه عيش هو ومراته .. فمراته قالتله هنعمل ايه ؟! هنموت من الجوع ؟!! .. قالها ولا يهمك .. هروح ارهن البيت المحندق بتاعنا .. واشتغل في البُنا " مقاول " ياخد اراضي ويبنيها .. وفعلاً رهن البيت .. جاب تحوشية العُمر .. وبدأ يشتغل ف المهنه دي .. بني بيت والتاني والتالت .. كان عنده ذمه وضمير واتشهر بسُرعة البرق .. المشاريع بدأت تكتر .. وبعد 5 سنين او اقل .. بقي مليونير ! .. اسمه " والاس جونسون " هو اللي بني سلسلة فنادق هوليدي اللي حاليًا من اشهر الفنادق في العالم .. اشهر من النار علي العَلم .. والاس عمل عدد ضخم من البيوت والفنادق في العالم ومراكز الاستشفاء لعلاج المرضي .. والاس بيقول في مذكراته .. انا لو عرفت مديري القديم اللي طردني من الشُغل ساكن فين .. هروحله وابوس دماغه واشكره من كُل قلبي .. لأن لولا اللي عمله وحرمني من شغلي المتواضع مكنتش بقيت فـ اللي انا فيه حاليًا ! ..بيقول وقت لما اتطردت كُنت بتألم وموجوع والدُنيا سوده ف وشي .. بس بعدها فهمت " ان شاء أن يُغلق الله في وجهي بابًا .. فذلك لأنه يُريد أن يفتح أمامي طريقًا افضل لي ولاسرتي . !!
    -سيدنا الخِضر لما كان بيعلم سيدنا موسي اليقين فـ ربنا .. وهُما ماشيين فـ الطريق .. سيدنا الخِضر شاف طفل صغير .. اول لما شافه جري عليه وقتله .. سيدنا موسي غضب .. وقاله : تقتل نفس بدون اي ذنب ؟!! بس طبعًا ربنا كان معلم سيدنا خضر بعض من علم الغيب .. وان الطفل دا ابوه وامه ناس طيبين وعلي قد حالهم .. والولد دا كان هيبقي فاجر وعاصي لما يكبر ومُش هيرضي يتوب ابدًا وكان هيتعب ابوه وامه معاه .. فربنا خده منهم .. علشان يبدلهم بطفل تاني يكون أفضل منه ويكبر ويبقي صالح وتقي .. وفعلاً ربنا رزقهم بابن غير اللي مات وكان بيخدمهم لآخر عُمرهم .. وبقي الاب والام يحمدوا الله انهم فقدوا الابن الاول ... لأنه ممكن مكانش يبقي افضل من التاني .. وربنا عوضهم بشاب صالح يخاف الله فيهم ويبرهم طول حياتهم ويدعيلهم بعد وفاتهم .
    -انا اموت فـ الافلام الوثائقيه .. اللي بتحكي قصص حقيقه حصلت لناس مُعينين .. منهم راجل اسمه " ماركوس " .. كان علي طياره والطياره وقعت في البحر وهو الوحيد اللي نجي منها .. فضل يقدف بدرعاته ف البحر ويقدف لحد لما وصل جزيره مفهاش بني آدم يوحد ربنا .. بدأ ياكل ورق شجر .. وبني كوخ صغير ينام فيه .. وكان بيصطاد ارانب .. ويشرب من مية المطره .. وضرب حجاره ببعض وصنع نار .. وحط السمكه تتشوي .. وفضل يتمشي علي الجزيره شويه .. رجع لقي النار شِبطت فـ العِشه اللي كان بينام فيها .. معرفش يطفيها .. ويُصرخ والنار تعلي اكتر واكتر .. ليه ياربي تعمل فيا كدا ؟! حتي الكوخ اللي بنام فيه يتحرق ! وفضل طول الليل يبكي وفقد الاكل وضاع من قلبه الامل تمامًا .. الصُبحيه .. لقي سفينه ضخمه مُتجهه ناحية الجزيره ونزل منها قارب صغير فيه اتنين ونزلوا علي الجزيره وانقذوه .. الراجل استغرب جدًا وسألهم ازاي قدروا يوصلوله ؟! قالوا بسبب النار علي الجزيره .. لولا انه فقد الكوخ وبقت نار كبيره .. مكانوش شافوا ولا عرفوا ان حد موجود !! .. فهو فقد الكوخ اللي بينام جواه .. لان ورا فقدانه حكمه وهو انه يخلص من الحبس الانفرادي علي الجزيره والمذله اللي حصلتله .. ويرجع لوطنه ويرتاح جواه . !
    -الدكتور مصطفي محمود الله يرحمه .. سقط في كلية الطب 3 سنين .. نايم ف السرير بسبب تعبه .. مبيخرجش برا اوضته غير علشان يدخل الحمام .. بيقول انا بحمد ربنا علي الفتره اللي سقطتها دي .. لاني فـ خلال الـ 3 سنين قريت اكتر من ١٠٠٠ كتاب .. قريت الادب العالمي كُله .. ولولا اني سقط .. مكنتش بقيت مُصطفي محمود .. كان زماني دكتور عادي فاتح عياده بسترزق منها .. وعايش مستني اجلي .. لكن ربنا جعلني آخد رست وفتره اتعلم واقرأ واعد فيها نفسي .. والناس بعدها بقوا يلقبوه بانه عقل من عقول الاسلام .
    -ربنا بيعوض يا جماعه .. " ربنا سُبحانه ماهوش غَرضه .. ياخد مـ الواحد ومايديش .. دا بياخد بس عشان يعطي .. الحاجه الحلوه اللي متأذيش " .. علي راي احلام مُستغانمي " لعلك فقدت الشخص اللي كنت بتعتبره نجم من نجوم السما .. لأن ربنا كاتب من نصيبك القمر !! " .. الشيئ اللي انت فاكره كويس وراح .. هتيجي تقول ف يوم الحمد لله .. دا كويس قوي انه راح .. ارضي بمقسومك وتأكد تمامًا ان الخير جاي من وسع .. بتفتكر انها ضاقت قوي .. بس بيطلع من قلب المِحنه منحه .. الحسن بن الهيثم مكتشفش علمُه غير وهو مسجون في الضلمه .. بتخسر حاجه لأن وقتها ربنا بيدبرلك من نصيبك حاجات أحسن تكسبها .. والله يا صديقي لو عرفت ربنا بيدبرلك ايه في علم الغيب .. لهتبكي زي العيال الصغيره من شِدة السعاده والفرح .. ربنا كريم .. لما بيعطي بيدهش ويذهل من كُتر عطائه .. بس لما ربنا يفتحها عليك ويزقططك وتنشكح وتمشي معاك وتبقي عال .. متنسانيش .. انا زي اخوك برضه ;D .. انت ممكن تحس انك قليل وسط الناس .. لكـن صدقني .. انت عند الله غالي . ! ☝️☺️
    #هيعوضك . ❤️
    #أحمد_أيمن
                  

12-04-2018, 10:44 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    البوست اللي كان واجب يتكتب من زمان .. البوست اللي عن راجل لما قرأت جزء من سيرته .. بدني قشعر .. واتنفض من العظمه ..
    في واحد مات من ٣ ايام .. حضر جنازته مليون و ٥٠٠ ألف بني آدم .. ايوه بالظبط زي منتا قرأت كدا مليون و ٥٠٠ ألف انسان حضروا الجنازه .. ايه حكاية الراجل دا ؟!
    الراجل مهندس زراعي اسمه ( صلاح عطيه ) من قريه بسيطه اسمها ( تفهنا الاشراف ) تبع مدينة ميت غمر .. اتخرج من الكليه هو و ٨ اصحابه .. كل واحد منهم مكنش يحتكم غير علي ٢٠٠ جنيه .. حبوا انهم يعملوا شراكه سوا في مشروع تربية دواجن .. بس ٢٠٠ جنيه لكل واحد .. مبلغ قليل قوي !! .. قعدوا يدوروا علي شريك عاشر مُش لاقيين حد يدخل معاهم .. وفـ يوم البشمهندس صلاح جري علي صحابه وهو بينهج وهمدان .. ووقف قدامهم وقالهم لقيته .. لقيته .. لقيت الشريك العاشر .. قالوا مين ؟! الحقنا بيه بسرعه .. قال : الله ! .. الله هو الشريك العاشر معانا .. وفعلاً عملوا العقد بأسم ١٠ شركاء هُما التسعه .. وكتبوا الله هو الشريك العاشر !! وراحوا سجلوا العقد في الشهر العقاري كل واحد منهم ١٠٪ من الاربح وربنا لُه ١٠٪ .. بدأوا يشتغلوا ويربوا فراخ .. كسبوا .. جابوا فراخ تاني كسبوا اكتر .. عملوا مكان يصنعوا منه العلف للدواجن .. وكسبوا اكتر واكتر .. جم يوزعوا الارباح وطلعوا ١٠٪ بتوع ربنا .. وبنوا مدرسه إبتدائي محندقه في القريه بتاعتهم بالربح ال ١٠٪ اللي طلعوا بإسم ربنا .. بدأت التجاره تتوسع اكتر .. بنوا كمان مدرسه اعدادي .. اكتر واكتر .. بنوا مدرسة ثانوي .. قالوا هنرفع نسبة ربنا لـ ٢٠٪ والتجاره تزيد وتكسب والمشاريع تكتر .. بنوا مستشفي واتنين . بنوا معهد ديني .. عملوا مشاريع في البلد يشغلوا الشباب .. البلد مفهاش ولا واحد عاطل ! .. رفعوا نسبة الله لـ ٥٠٪ !! البشمهندس صلاح راح طلب من الدوله انه يبني جامعه .. متخيل جامعه في قريه ! الدوله رفضت بحجة ان مافيش محطة قطر بتمر من القريه .. راح البشمهندس صلاح لاهل بلده .. وقالهم احنا هنعمل محطة القطر بايدينا .. وفعلاً عملوا خط سكه حديد .. وقدم طلب تاني لبناء كليه .. وبني كليه .. واتنين .. وتلاته واربعه .. ! متخيل ؟! عمل مساجد .. فتح بيت مال لاهل القريه ( فلوس .. تجهيز عرايس .. اكل .. شرب ) كل حاجه مجانًا لاي حد وكل حد .. يروح اي بلد يبني فيها مستشفي ومسجد ويبني مدرسه لو مفهاش ويفتح فيها بيت مال يصرف علي البلد اللي يروحها .. الناس اللي يعرفوه ومنهم ابويا .. يقولي الراجل دا تشوفه تحس انه من زمن اصحاب النبي صلي الله عليه وسلم .. بقي مليادير ! .. والفلوس عماله تكتر والارباح تزيد .. وبرغم دا .. متواضع جدًا .. وبسيط جدًا .. كان بيلبس الجزمه مقاس ٤٤ وهو مقاسه ٤٢ .. تساله عن السبب يقولك ابويا علمني البس مقاس اكبر لاني مش ضامن ظروفي هل لما المقاس يوسع هيكون معايا فلوس اشتري لنفسي ولا لاء ؟! تشوفه وسط العمال متعرفوش من بساطته .. نفس اكلهم نفس شربهم .. الارباح خياليه وعماله تزيد .. طلع نفسه من الشركه خالص وبقت الشركه ارباحها كلها بتروح لواحد بس .. هو مين ؟! ( الله ) .. وبقي ياخد مرتبه زي اي واحد كأنه موظف ف الشركه .. والشركه مُش بتاعته .. البشمهندش صلاح عطيه مات يوم ١٢ في الشهر .. حضر جنازته مليون و ٥٠٠ الف انسان .. بكي عليه كل قريته .. عم الحزن والالم ارجاء البلاد .. فعلاً كما قال رسول الله .. ما نقص مال من صدقه ! .. ولما الانسان بيموت عمله في الدُنيا بينقطع الا لو ساب ٣ حاجات .. ولد صالح يدعو له .. عمل ينتفع به .. او صدقه جاريه .. البشمهندس صلاح ساب ملايين بيدعوله .. صدقات هتفضل لحد ماشاء الله مش هتتقطع .. عمله الخير في الدنيا فاضل منتهاش .. راجل تاجر مع ربنا فربحت تجارته .. عارف انك مش غني علشان تعمل زيه .. لكن لو اشتريت مصحف ب ٥ جنيه وحطيته في مسجد هيبقي صدقه جاريه ليك حتي بعد وفاتك .. البشمهندس صلاح مات في قانون الناس لكنه عايش عند الله تبارك وتعالي .. في ناس كدا ( احياء عند ربهم يرزقون ) .. الله يرحمه ويحسن اليه .. ويرحم كُل من ترحم عليه ودعاله .
    ===========================
    الشيخ الشعراوي الله يرحمه .. كان مسافر اسكندريه في عربيته الخاصه .. السواق بتاعه قُدام .. والشيخ قاعد ورا .. اظاهر مولانا الشعراوي كان مستعجل شويتين .. فـ السواق كان سايق بسُرعه .. وعدوا السرعه المُحدده فـ الردار قفشهم .. وبقي علي الشيخ مُخالفه .. فـ الظابط واقف فـ الكمين .. وموقف العربيات اللي عليها مُخالفات علي جنب .. وقام موقف عربية الشيخ الشعراوي .. وقال للسواق " رُخصك يابني " .. وبيبص في العربيه من جوا .. لقي الشيخ الشعراوي .. الظباط اتصدم .. ورجع لورا خطوه .. واتنين .. وتلاته .. وقال للشيخ الشعراوي انا اسف جدًا يا مولانا والله مكنتش اعرف انها عربية حضرتك .. قاله متتأسفش يابني الله يرضي عليك شوف شغلك وخُد الغرامه واكتبها مُخالفه .. قاله لا لا خلاص مفيش اي مُشكله ولا مُخالفه ولا غيره .. الشيخ الشعراوي قاله لا خُد مخالفه علينا .. قاله ولا يهمك يا سيدنا الشيخ خلاص .. من تواضع الشعراوي وبساطته .. قال للظابط لاما تاخد مُخالفه لاما تعفو عن كُل العربيات اللي عليها مُخالفات .. وتعالمنا زيهم .. قاله خلاص يا مولانا هشيل كُل المُخالفات اللي علي العربيات واعفو عنهم . !
    - وقف سيدنا عمر علي المنبر يوم الجمعه يخطب في الناس .. فقال : ايها الناس كنت ارعي الغنم لخالاتي قبل دخولي الاسلام مقابل قبضه من التمر ( شوية بلح ميملوش الايد ) او زبيب .. " أنا مكنتش لاقي اللضا وشغال راعي غنم لخالاتي وكانوا بيدوني اجرتي شوية بلح ! .. وبعدها سكت سيدنا عُمر ونزل من علي المنبر .. الناس استغربوا !! فوقف سيدنا عبد الرحمن بن عوف وسال سيدنا عمر وقاله : ايه علاقة الكلام اللي انت قولته بالخطبه يا عُمر !! رد سيدنا عمر وقاله : ويحك يا بن عوف ( مالك يا بن عوف !! لما جلست مع نفسي .. نفسي قالتلي : انت حاكم المسلمين وامير المؤمنين .. يعني محدش احسن منك .. فوقفت علي المنبر وحبيت اني اعرف نفسي مركزها ومقامها وافكرها باني كنت راعي غنم واقل واحد فيكم .. علشان متغرش وافضل متواضع زي منا .
    - واحد شاف النبي صلي الله عليه وسلم .. واول لما شافه .. رُكبه خبططت في بعض من اللخمه والارتباك .. عارف لما تشوف واحد مشهور ف تحضنه اسيادنا راضيين عليك ;D وتقول انا مش مصدق نفسي وتتلخبط ف الكلام ووشك يبقي يجيب الوان وتطنطط وترتبك .. متخيل دا بقي يشوف النبي لاول مره .. فـ النبي شافه خايف ومُرتبك ومُش علي بعضه .. فقاله : انما انا بن امرأه كانت تاكل القديد في مكه .. انت قلقان ومترتبك ليه بس ؟! انا راجل عادي امي كانت بتاكل اللحمه الناشفه وهي في مكه من كُتر فقرها .. تعامل ببساطه وهدوء .
    - من أعلم علماء المُسلمين .. سيدنا ابراهيم بن ادهم .. تشوف وشه تقول دا القمر مهواش بشر .. تبصله بس وهو بيتكلم تتوب سنه !! .. في يوم راح مكه ونام في حديقه هناك .. وسُمعته سبقاه بس محدش يعرف شكله .. الناس قالوا ان ابراهيم بن ادهم نايم في حديقه .. فضلوا يجروا علي الحديقه ويصرخوا ويقولوا : أين ابراهيم بن أدهم ؟! اين ابراهيم بن أدهم .. من تواضعه وبساطته .. فضل يجري معاهم ويقول : أين ابراهيم بن ادهم !؟ فين هو ؟! شايف نفسه ولا حاجه واقل الناس وسطهم .. مرفعش صدره وراسه وقالهم ايون انا اهو .. لكن انكر نفسه وذاته علشان ميحسش بالغورو وحب انه يفضل متواضع .
    - سيدنا عُمر بن الخطب دخل في يوم علي النبي ساعة ضُهريه .. لقي النبي نايم علي حصيره .. و أثر الحصير معلم في وش النبي ولون خده أحمر .. فـ سيدنا عُمر اول لما شاف النبي كدا .. قام معيط .. وقاله " رسول الله ينام علي الحصير .. وكسرا ملك الفُرس ينام علي الحرير " !! فـ النبي قاله : اجلس يا عُمر انما أنا نبي ! لست ملكًا .
    - واحد قابل سيدنا علي بن أبي طالب في الطريق وقاله : مين أحب الناس لرسول الله ؟! فسيدنا علي قاله : أبو بكر .. ف، الراجل قاله : ثُم من ؟! سيدنا علي قاله : عُمر .. فـ الراجل تعجب واستغرب هو منتظر سيدنا علي يقول علي نفسه انه هو احب الناس للنبي .. فقاله ثُم من ؟! فسيدنا علي رد وقال : عثمان بن عفان .. فخاف الراجل يسأل تاني سيدنا علي يقول اسم شخص رابع .. فقاله ثم انت يا علي .. انت من احب الناس لسيدنا مُحمد .. فـ ابتسم سيدنا علي ابتسامة تواضع هاه .. وقاله : انما أنا رجل من المُسلمين .. انا فين وعمر وابو بكر وعثمان فين .. أنا مُجرد راجل عادي من رجال المُسلمين .. ! رغم ان النبي قال عنه يحب الله ورسوله ويحبه الله ورسوله .. لكنه كان شديد التواضع لدرجة انه ساوي نفسه باي راجل من المُسلمين .
    - التواضع يا جماعه .. التواضع الله يرضي عليكم .. سيدنا مُحمد كان سيد البشر وكان متواضع وبسيط .. الشمس والقمر نجوم من نجوم السما اللي بنشوفها .. بس ديما نشوف الشمس كبيره والقمر كبير بس النجوم صغيره !! رغم ان حجم النجوم اكبر من حجم الشمس والقمر لكنها بعيده بمليارات الكيلو مترات عننا .. فدا مخليها صغيره ف عنينا .. ف المغرور عامل زي النجوم .. بيبعد ويبعد ويصغر في عيون الناس .. اوعي تتكبر وتتعالي .. من تواضع لله رفعه .. مصر مليانه لعيبة كوره .. بس معظمنا بنحب ابو تريكه لانه محترم ومتواضع .. انا شخصيًا زملكاوي وبحبه اكتر من لعيبه كتير ف الزمالك .. عيش مع الناس وخليك من طينتهم .. كُلنا بنسجد لرب واحد .. كُلنا بنعب رب واحد .. كُلنا عند ربنا واحد .. وياما مشاهير في الدُنيا مجهولين عند ربنا .. وياما مجهولين ف الدُنيا مشاهير بقيمتهم عند ربنا .. خُد قرار من دلوقت انك هتتواضع بدون مذله طبعًا .. وانك يستحيل هتتكبر علي حد .. واعرف وتأكد اللي بيشوف نفسه كبير .. بيبقي ف نظر ربنا والناس صغير .
    فاللهم اجعلني صغيرًا في نظر نفسي .. كبيرًا في نظرك ونظر الناس 👐
    #التواضع
    #احمد_ايمن
                  

12-04-2018, 10:44 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    هقولك حاجه مُحرجه شويتين .. ;D
    امبارح دخلت حَمام بيتنا الساعه 4 الفجر .. قفلت الباب واتاريني مقفلتوش كويس ;D !! .. فـ الباب اتفتح فتحه متواربه قد عُقلة الصُباع .. بقيت مرعوب حد يدخل بدون ما يخبط .. لان الباب متوارب اذا هيفتكروا ان مفيش حد جوا .. اول لما لمحت الباب جريت فـ ثانيه قفلته .. فـ اللحظه دي .. افتكرت سيدنا آدم والسيده حوا .. لأن القرآن بيوصفلنا مشهدهم .. انهم اول لما أكلوا من الشجره اللي ربنا قالهم متاكلوش منها .. ربنا كشف عورتهم .. هدومهم كُلها اتشالت من عليهم عقابًا ليهم لانهم سمعوا كلام الشيطان .. ياتري اول لما الهدوم اتقلعت وبقوا عراينين .. فكروا في ايه ؟! فضلوا يجروا ويجيبوا ورق من الشجر ويداروا بيه عورتهم ومرعوبين حد يشوفهم وهُما عريانين .. وعمالين يبرقوا ! وبيبصوا يمين وشمال ! .. وبعد كدا فكروا يتوبوا .. يعني متابوش الاول .. لاء ! حاولوا يستروا روحهم الاول .. أوجع شيئ علي البني آدم انه يتفضح .. لان الذنب بينه وبين ربنا وربنا مبيعايرش ومبيفضحش .. انما لما تكون حاجه بين البني آدم والبشر بتبقي اصعب لان البشر مبتسترش ! .. يقولك " اعمل شير وافضح فلانه " .. شوفت يابني الواد فلان كان مصاحب البت زميلتنا وبعتتله صورها وهي عريانه ويفضحوها .. شوفت فلان الفلاني عمل كذا ويفضحوه .. .. مع ان لما راح راجل لسيدنا عُمر وقاله اعرف واحد وواحده بيزنوا " ! سيدنا عُمر قاله لو سترتهم كان هيبقي خير ليك !! .. اوعي تفضح بني آدم مهما غلط ف حقك ! .. ربنا بيعامل البشر بنفس معاملتهم لبعض .. الكريم ربنا بيكرمه .. اللي بيسامح ربنا بيسامحه .. فلو حبيت ربنا يتمم عليك ستره .. اذًا بالله اوعي تفضح حد .. لان اللي بيستر بني آدم ربنا بيستره :))
    يارب استرنا فوق الارض وتحت الارض ويوم العرض .
    ====================================
    بوست ميهمش كتير لكنه يهمني .
    انا مليان ذنوب وعيوب .. واقل خلق الله .. انت بتقولي انا ازاي كدا و فاكرني كويس لان ربنا ستر ذنوبي عنك واظهرلك الجميل مني قدامك .. يعني الفضل للي انا فيه وانك شايفني انسان كويس هو ان ربنا خبي المعاصي اللي عملتها عنك .. وخلاك تشوف بس الحلو فيا .. ربنا بيكرمني وبقصر .. بعصيه مهما اعصيه ولما بتوب بيغفر .. ببعد وهو بيقربلي .. انا مكسوف من ربنا لانه بيحرجني بفضله الواسع .. انا بحترم وجودك عندي .. وانت فوق راسي بس ياريت تكون عارف إن ... يظنُ الناس بي خيرًا وإني .. لشرِ الناس آن لم يعفُ الله عني .
    يارب اجعلني خير مما يظنون .. واغفرلي مالا يعلمون .
    #احمد_ايمن .
    ==================================
    البوست دا مكتوب .. لُكل واحد مات لُه حد .. سواء اخ او اخت او عم او خال او اب او حبيب او ام .. اي حد .. اقرأه لعله يريح بالك شويتين . :))
    القصه دي مذكوره في كتاب ( القول البديع ) للشيخ الامام العلامه ( الحافظ السخاوي ) ..
    واحده ست راحت لسيدنا الحسن البصري .. وقالتله ان بنتها ماتت .. وإن نفسها تشوفها في المنام .. تعمل ايه ؟! قالها تصلي وتدعي ربنا انك تشوفيها لما تروحي في النوم ( طبعًا علميًا لما بنفكر في حاجه كتير عقلنا الباطن بيصورها فبيخلينا في معظم الاحيان نحلم بيها ) .. وفعلاً الست عملت اللي اتقال بالملّي .. ونامت وشافت بنتها في المنام بتتعذب ! ومنظر عذابها بشع ! .. ف اتصدمت من المنظر وراحت لسيدنا الحسن بتبكي قالها طلعي صدقه يمكن ترفع عنها العذاب .. يومها بالليل سيدنا الحسن البصري شاف في منامه نفس البنت اللي ماتت .. بس لابسه تاج علي راسها زي الملكات وعايشه في الجنه ونعيمها ومبسوطه .. ف استغرب واتعجب جدا !! معقوله .. ازاي يعني تدخل الجنه .. دي كانت في النار !! .. فسألها عن السبب .. قالتله : انا كنت فعلاً بتعذب ومن اهل النار .. الا ان راجل مر من قدام المقابر وقام قايل : اللهم صل علي سيدنا مُحمد : وكان في من ضمن الاموات في المقابر ٥٦٠ شخص ميت .. ارواحهم بتتعذب وانا منهم !! .. فنادي ملك من السماء وقال : ارفعوا العذاب عنهم وادخلوهم الجنه .. ببركة صلاة الرجل الذي مر علي المقابر وقال : اللهم صل علي سيدنا مُحمد ) .
    قول يا صديقي ( اللهم صل علي سيدنا مُحمد ) واوهب ثوابها لكل عزيز علي قلبك تحت التراب دلوقت .. الصلاه علي النبي رحمه .. ف لعل صلاتك علي النبي تكون رحمه ليهم ولكل مُسلم وهتتردلك بإن ربك هيسخرلك اللي يدعيلك بالرحمه .. وكمان الميت هيعرف انك باعتله السلام والملايكه هتقوله فلان او فلانه صلوا علي النبي علشان ربنا يرحمك وهيفرح جدًا بيك ويحس باللي عملته وانه في قلبك مانستهوش :)) .. ومش بس البوست موجه للي لُه أموات .. لا .. صلي علي النبي وببركتها ربنا هيرحمك من همك وحُزنك ومُشكلتك والشيله التقيله اللي علي كتافك .. ربنا رحيم عطوف .. مبياخدش غير بصدق نيتك .. مخنوق من امتحان .. نفسك في حاجه .. اي شيء شاغل بالك قول دلوقت بكل يقين ( اللهم صل علي سيدنا مُحمد ) مين عالم ؟! لعل ربنا يرحمك ويحميك بسببها من كُل شر .. ووالله ثم والله .. ثوابك عظيم لو حد عرف الكلام دا بسببك ..وصلي علي سيدنا مُحمد سيد البشر .. من كان في وجهه نور .. احلي من نور القمر .. :)))
    #اللهم_صل_عليه 👐❤️
    #رحمتك_يارب .
    #احمد_ايمن
                  

12-04-2018, 10:46 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    جمال البنت فـ كسوفها . .
    ولون الوش لو مخطوف ..
    كأن الخد طارح ورد ..
    ومـ البُستان يدوب مقطوف ..
    احب البنت تستحيا ..
    تكون لسه يادوبك خام ..
    أهننها علي ايديا ..
    وأعيش فيها لسنين قُدام ...
    بتضحك بس تحت لتحت ...
    وايدها تغطي شفايفيها ..
    تشوفها وسط مليار بنت ..
    ومن غير شيئ بتعرفها ..
    بتتلخبط وتداري .
    وخطوتها تكون أسرع ..
    كلامها صعب يتلملم ..
    فـ جُمله مفيده يتجمع ..
    بتسكت لو قصاد الناس ..
    تخاف لو حد بصلها ..
    تشوفها تقول ماشاء الله !!
    بدون تفكير بتدعيلها ..
    بتعشق فيها ايها شيئ
    كـزهره حلمت تُقطفها ..
    كلامي شويه ميكفيش ..
    في بنت ..
    في بنت جمالها فـ كسوفها !
    #جمال_البنت ^^
    #احمد_ايمن ..
    ==============================

    لكل قلب عشمان في ربنا .. البوست دا مكتوبلك :)) .
    بعد عصر النبي .. كان في راجل كل اهل بلده بيكرهوه .. مبيعملش خير يُذكر .. ومكنش حيلته من الدنيا غير عيل واحد .. وفي يوم الراجل دا مات .. صاحب ابنه وابنه غسلوه وصلوا عليه .. وراحوا يدفنوه ومكنش في جنس مخلوق غيرهم في الجنازه .. ماشيين في الصحره ووصلوا مكان الدفن .. شافهم راجل بيرعي الغنم .. وملقاش حد غيرهم جاي يحضر الجنازه .. مرضيش يسأل عن سبب عدم حضور الناس .. شمر هدومه وحفر القبر ودفن الراجل وبعدها .. رفع ايده للسما وفضل يدعي .. ورجع تاني يرعي غنمه .. بالليل بقي .. إبن الراجل اللي مات .. شاف أبوه في المنام بيضحك ومبسوط .. في الفردوس الاعلي .. في الجنه !! فقاله كيف وصلت يا ابي الي هذه المنزله ! ازاي دخلت الجنه وبقيت في الفردوس كمان !! ( دا انت محدش بيحبك ومليان ذنوب ) ! ابوه رد عليه وقاله : ببركة دُعاء الاعرابي ( دخلت الجنه ببركة دعاء الراجل اللي كان بيرعي الغنم ودفني معاك ) ! ف الابن قام من النوم ولف في الصحره ملهوف عمال يدور علي الراجل ... ولقاه .. قاله بالله عليك انت دعيت لابويا بإيه ؟! انا شوفته في الجنه !! قاله مقولتش غير جُملتين .. ؛ يارب .. أنا رجل كريم .. اذا جائني ضيف أكرمته .. وانت يا الله اكرم الاكرمين .. وهذا الرجل ضيفك ! فأكرمه .. وفعلا استجاب الله و اكرم الرجل بالجنه .. :))
    يا صديقي ربك كريم .. قصرت في دراستك متحملش هم اتعشم في ربك وبإذن الله هيلصمها ويعديلك السَنه علي خير بس ابقي اتجدعن بقي .. عملت ذنوب و بلاوي .. اتصرمحت واتسنكحت وقصرت .. توب بسرعه واعرف ان ربك كريم هيسامحك .. نفسك في حاجه اتعشم وقول بيقين يارب .. وهيفرجها .. عارف ان حياتك مدربكه ومكركبه .. بس واللهِ .. ربك كريم و هيعدلها وهتبقي ١٠٠ فُل وعشره :))
    #الله_كريم .. ☝️❤️
    #احمد_ايمن
                  

12-04-2018, 10:47 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    من الحاجات اللي بتحسس الواحد ان لسه الدنيا بخير .. بنت من بنات المُسلمين لقت الجو تلج والمطره نازله ترُخ .. ف جابت ٣ كراتين صغيرين .. وفتحت فـ كل كرتونه فتحه صغيره .. وفرشتهم بقماش قديم .. وحطت جوا كل واحده فتافيت عيش صغيره .. وسابتهم في الشارع في حته ميجيش عليها المطر بحيث يبات فيها قطط الشوارع وياكلوا منها ويكونوا في مكان دافي .. وكتبت علي كل كرتونه ( الراحمون يرحمهم الله ) ! .. وبصراحه هنا افتكرت موقف قاله الدكتور عمر عبد الكافي .. انه بعد وفاة سيدنا عمر بن الخطاب بيومين بالظبط .. سيدنا العباس عم النبي .. شاف في منامه سيدنا عُمر .. ولقاه في الجنه .. فقاله : بأي عمل دخلت الجنه يا عُمر ؟ قاله : في يوم قابلت طفل صغير رابط عصفور من رقبته وبيعذبه .. ف قولت للطفل : أتبيع هذا العصفور ؟! فوافق الطفل واشتريت منه العصفور .. وفكيت الحبل من حوالين رقبته وطيرته .. فربنا تبارك وتعالي رحمني وارفق بحالي .. لاني رحمت العصفور وأرفقت بحاله ! وهنا فعلاً الدليل القاطع لقول ربنا تبارك وتعالي في القرآن : هل جزاء الاحسان الا الاحسان ؟! .. أحسنوا يا جماعه ولو هتحدفوا شوية رُز في الشارع بنية ان عصفور ياكلها او حمامه .. متحتقرش اي عمل وتقلل منه ! لعله يكون سبب دخولك للجنه .. لأن الراحمون .. يرحمهم الله ^_^ !
    احمد ايمن...
    =========================
    هقولهالك تاني يا صديقي :
    لما بتنزل تحت الدُش وتقف فتره طويله تستحمي .. بتلاقي صوابع رجلك وايدك كرمشت .. جسمك تحس انه بيبوش .. صح ؟! .. سيدنا يونس فضل في بطن الحوت 3 ايام بلياليهم .. بعدها الحوت طلعه من بُقه و رماه علي شط البحر .. وكان جسم سيدنا يونس بايش تمامًا زي صوابع رجلك وايدك وانت بتاخد دش واكتر !! شوف كمية الحنان اللي فـ الآيه .. ربنا بيقول " وانبتنا عليه شجرةً من يقطين " تخيل كدا الشجره وهي بتطلع جنب سيدنا يونس علشان تضلل عليه لان الحشرات كانت هتأذيه و الشمس لو لمسته وهو بالشكل دا هياخد ضربة شمس ويموت لابد يلاقي ضِله .. وشوف كمان ربنا قال وانبتنا .. مقالش وكانت بجواره شجَرةً !! .. لاء .. دي شَجره طلعتله مخصوص !! واليقطين " هو شجرة " قرع او كوسه " واشمعنا بالذات ربنا طلعله شجرة يطقين ؟! قالك علشان ورقها تخين وسميك .. الورقه حجمها نفس حجم ودن الفيل ! بحيث تكون ضله تماما وتحميه من شُعاع الشمس لحد لما يفوق وجسمه ينشف وترجع قوته من جديد !! .. ربنا رحيم .. هيضلل عليك .. هيحميك .. مهما تبوشك الايام والصعوبات .. مهما تحس بضعف وكسره .. ربنا هيطلعلك الخير من وسط المِحنه حتي ولو منتاش شايف الخير زي سيدنا يونس مكنش شايف الشجره ولا عارف انها هتطلع ! فـ صدقني ... هتلاقي الحلول طلعتلك فجأه من حيث لا تدري ولا تحتسب .. زي شَجرة يونس بالملّي !! .. ارمي حمولك علي ربنا واستقوي بيه ...هيقدرك علي كُل شيئ .. اوعاك تيأس !! ربنا مبيكسفش حد .. هيجبرك : )) !
    #ربنا_جنبك ..
    #هيضلل_عليك ..
    ====================================
    لما تلاقي خطيبتك بتاخد علي خاطرها من اقل كلمه : متقولش عليها نكديه او بتتسهوك وقاصده تقلبها غم .. او انت تلاقي صاحبك بياخد علي خاطره ويضايق بسرعه : متقولش انه بيتلكلك ومُصمم يحول اي لحظه حلوه نكد .. ولما تيجي تصالحه .. وتقوله حقك عليا فتلاقيه رضي وقال عادي مفيش حاجه مش معناه انه عبيط او كان بيمثل وتستهزأ بيه حتي ولو بينك وبين نفسك ! ..او انت تيجي تهزر مع اختك وتخبطها خبطه وانت مُعتقد انها مبتوجعش وهي تبكي ! وممكن طبعا تقلبها مناحه ف البيت وتفتح الجعوره عاااااا :D كان الله ف عونك :D لاني عندي النوع دا ف البيت :D .. بس صدقني الخبطه فعلاً وقتها بتألمها وهي مبتتدعيش الألم ومفيش داعي انك تخاصمها وتظلمها انها قاصده تضايق علشان تعملك مُشكله ..تأكدوا تمامًا ان الموضوع خارج عن ارادتنا جميًعا و الامر دا يا جماعه مذكور ف القرآن الكريم .. ربنا بيقول : ( وخُلِق الإنسانُ ضعيفا) الانسان مخلوق هَش اضعف من الورقه .. ووصل ضعف الانسان ان كلمه تفرحه وكلمه تجرحه .. ولو شوكة سمكه دخلت ف رجله تأمله وتجيب دَم .. وهديه ترضيه وتسعده !! علي راي جدتي الانسان مفهوش غير لسان : أنفلونزا تهلكه وتنيمه ف سريره شهر ! .. فتعاملوا بهدوء في تصرفاتكم .. وتذوقوا طعم الكلمات قبل ان تنطقوا بها ويُرجي رَج المُخ جيدًا قبل فتح الفم .. رفقًا بقلوب الناس فاٍن الله رفيق يُحب الرِفق في جميع الامور :)
    #أحمد_أيمن ..
    =======================================
    لما زوجتك تغضب متضربهاش او تهينها او تروح تحكي لحد من اهلها وتدخل الناس بينكم !! .. او تخاصمها حتي .. النبي صلي الله عليه وسلم لما كانت زوجته بتغضب كان بيضع يده علي كتفها ثُم يدعو الله لها بالهدايه .. انت كمان ادعيها ربنا يهديها ..ويحوش عنها الغضب والضيق .. واحد بقي يقرأ البوست ويروح يحط ايده علي كتف مراته ويدعي عليها .. :D .. او يطلع لسانه ليها وهي غضبانه ويستفزها .. اقسم بالله انا مش مسؤل عن اللي هيحصل مجنونه وممكن تحدفك بسكينة المطبخ تجيب أجلك .. اعمل اللي قولتك عليه بدون افكار ابداعيه من عندك خلي الليله تعدي علي خير :D .. الله يهدي سركم يا صديقي :)
    احمد ايمن...
                  

12-04-2018, 10:48 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    جالي سؤال بيقول : يعني ايه اليقين في الله ؟! اليقين التأكد بان ربنا هيفرجها ويستحيل يضيعك او يخذلك .. هنضرب مثال عن اليقين تمام ؟ .. ربنا سُبحانه وتعالي قال عن الرزق : فورب السماءِ والارض انه لحقٍ مثل ما أنكم تنطقون ' ربنا بيقولنا انا بحلف ليكم بنفسي ان رزقكم هيجيلكم وهيتحقق فخليكم واثقين ومتأكدين من كدا زي ما انتم واثقين و متأكدين انكم بتتكلموا وبنتطقوا بالملّي .. رزقك من الجواز .. من الفلوس .. من الصحه .. من كُل شيء هيجيلك لانه مقسمولك من قبل ولادتك اساسًا .. فاطمن .. وكُل لما بتأخر إعرف ان ربك بيجهزلك في الغيب مفاجئه هيدهشك بيها ولو عرفت قد ايه هو حريص عليك وبيحبك هتندم علي كل لحظه شكيت فيها انه اتخلي عنك ونسيك لما إتأخر حلمك .. من القصص اللي قرأتها وعجبتني جدًا : ان احد الناس كان رجلاً غنيًا وعنده خادم .. ولم يغيب الخادم عن خدمة سيده ولو ليله طوال حياته .. وفي يوم غاب الخادم و لم يأتي الي العمل ! فقال الرجل الغني لابد أنه لم يأتي بسبب حاجته الي زيادة المال لانه يعلم جيدًا انني لا استطيع الاستغناء عنه .. سوف أزيد علي راتبه دينارًا آخر .. وفعلًا جاء الخادم في اليوم التالي فأعطاه سيده دينارًا فوق راتبه .. فلم يتكلم الخادم ولم يسأل عن سبب الزياده .. وبعد فتره غاب الخادم يومًا آخر !! .. فغضب سيده جدًا وقال والله سوف اخصم منه الدينار الذي اعطيته له فوق راتبه .. وفعلاً جاء اليوم التالي خصم منه الدينار الزياده .. فلم يتكلم الخادم ولم يسأل حتي عن سبب الخصم .. فتعجب الرجل الغني جدًا !! وسأله .. زِدت راتبك دينارًا فلم تتكلم .. وخصمته منك وايضًا لم تتكلم !! فما السبب ؟! .. فقال العامل : عندما غبت عن العمل في المره الاولي رزقني الله مولودًا جديدًا .. فحين كافئتني بالدينار الزياده قولت هذا رزق الطفل قد رزقه الله له .. فشكرت الله وحمدته ورضيت لانه لم يُخيِّب رجائي ولا يقيني فيه .. وعندما غبت في المره الثانيه : ماتت أمي .. فنقص راتبي دينارًا .. فرضيت بما قسمه الله لي وقولت : هذا رزقها قد ذهب بذهابها .
    يا الله علي الرضا واليقين والقناعه بالمقسوم !! وان الله يقسم لكل انسان رزقه ونصيبه من الدنيا ١٠٠٪ .. وقال الشعراوي : اذا وجدت فقيرًا في بلاد المسلمين فإعلم .. أن غنيًا سرق ماله :)
    #ربنا_هيرزقك_لانه_وعدك_بكدا :)
    #اطمن_بجه 😂😄
    #احمد_ايمن ..
    ==============================
    من اول لما الليل يدخل ..
    تبدأ فـ الحُزن ..
    وتسكُن سِجن ..
    وبتحضن إيدك ف موبايلك ..
    وتلوم ف اخواتك مع أهلك ..
    وتحسك فعلاً ..
    اضعف إبن ..
    بالله عليك بطل تتكوم ..
    وتقرفص رجلك ف سريرك ..
    السقعه اساساً مُش ف الجو ..
    السقعه ف ناس مش حاسينك ..
    البرد العادي دفاه ف غطاك ..
    او شاي او مج كابتشينو ..
    والبرد المؤلم والقارص ..
    شيء شايفه الناس مش شايفينوا ..
    دي قلوبهم عاميه مهاش بتشوف ..
    بالرغم بإنك اطيب حد ..
    وبتضحك ضحك كأنه بجد ..
    واقرب ناس ديماً جارحينك ..
    أوجع احساس يوم حسيته ..
    وف روحك شلته وخبيته ...
    اللي انت حاببهم من قلبك ..
    قلبك بيقولك .. كارهينك ..
    مُش فارقه تقرب ولاّ تغيب ..
    اوعاك تتخيل لما تسيب ..
    هيكونوا يا عبيط مُفتقدينك ؟!!!
    اكتم جواك وبلاش تحكي ..
    فضفض لله لما تصلّي ..
    عيط من قلبك وبعينك ..
    عمال تتوجع ولا بتقول ..
    شوف حالي يارب انا كالمقتول ..
    انا عبدك بطلب تهوينك ..
    فتلاقي الله شفي احساسك ..
    ويزيل تفكيرك من راسك ..
    ويهون كُل مرار عيشته ..
    ويطيِّب خاطرك ويعينك ..
    #ويطيَّب_خاطرك
    #ويعينك .. :)
    #خاطره .
    #احمد_ايمن ...
    =====================================
    ليه ربنا قال : إن مع العُسر يُسرا .. ومقالش ان بعد العُسر يُسرا ؟! .. هنشرح الاول يعني ايه ان بعد العُسر يُسرا .. يعني لا قدر الله ممكن واحد يعمل حادثه والدكاتره قالوا لابد ايديه تتقطع علشان ميحصلش انتشار للنزيف ف الجسم كُله .. اذًا دا امر عسير وصعب ! طيب ايه اليُسر اللي يجي بعده ؟! ان الشخص اللي ايده اتقطعت يلاقي طرف صناعي يعوضه عن ايده اللي اتقطعت .. اذًا دا خير جاله بعد الشَر اللي حصله .. لكن ربنا بقي قال : ان مع العُسر يُسرا .. يعني هو عمل نفس الحادثه ودا عُسر وألم .. لكن الدكاتره قالوا ان الخبطه متستدعيش البتر هو مجرد شرخ ف الكف وهيتجبس شهر وهيبقي عال .. اذًا ويا الحادثه العسيره يُسر وستر من الله عليك .. مبتسمعش امك تقول : قدر اخف من قدر ؟! او قدَّر ولطف ؟! اهو دا السِر بقي في تخفيف الممصيبه .. سبتي شاب بتحبيه ودا امر عسير لكن ربنا هيوضعك بأحسن منه او من يُسر الله بيكي ان الشخص دا مدمرش حياتك وخد منك شهوته وسابك .. خسرت فلوسك ؟! ودا عُسر .. لكن في نفس اليوم لو كنت اشتريت اكل كان هيكون مسموم ويحصل مصيبه ... اذًا دا يُسر وخير .. محلتش كويس ف ماده ودا عُسر وامر صعب .. لكن من ستر الله عليك ويُسره بيك انك لو كنت خرجت بدري من الامتحان وحليت كُله تمام .. وروحت بدري كان في عربيه واحد سكران راكبها وكسر الاشاره وكان هيخبطك يموتك .. فربنا أخرك وهتعوض امتحانك باذن الله .. لكن حياتك مش هتتعوض .. اذًا مع كُل عُسر يُسر .. وكم لله من لُطف خفي .. متسمعش واحد كان مرتبط ببنت مطلعه عينه وبعدين يفكرش رغم انه بيحبها وتلاقي ربنا رزقه ببنوته صالحه وهاديه وبتحبه .. تلاقيه يقول دنا كنت بحب صندل 😂😄 .. دا مجرد مثال طبعًا لكن العلاقات اخلاق ومينفعش نجرح حد بعد فراقنا .. اللي عايز اوصلهولك ان ربنا هيعوضك خير عن كل شيء خسرته لانه كريم ورحيم بيك جدًا وعارف مصلحتك وبيختارلك الانسب والافضل .. وانت بتعيط بتكون مش شايف كويس من الدموع .. لكن لما بتمسع عينك الرؤيه بتبقي اوضح . كذلك انت ممكن تكون مش شايف الخير دلوقت علشان الهم اللي انت فيه مغلوش عليك .. لكن لما تروق وتنكشف الغُمه هتشوف قد ايه ان ربنا بيحبك وبيختاربك الاجمل .. متقلقش هيعوضك وهيفرحك جدًا جدًا والله :)
    احمد ايمن...
                  

12-04-2018, 10:49 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    عارف لما تكون معاك لمونه وعايز تعملها عصير .. بتعمل ايه ؟! بتفتح اللمونه وتعصُرها بالعصاره او بايدك جامد صح ؟! طيب انا عاوز اطلب منك طلب .. اعتبر نفسك اللمونه دي وافتح قلبك مع ربنا واعتبر العصاره لقلبك هي الصلاه وقول كل اللي جواه لربنا من هم وحلم ومشاكل وطموحات اسجد ومترفعش راسك من السجود اللي لما تحس قلبك نِشف بعد عَصره زي اللمونه وتكون حكيت علي كل حاجه .. هتحس لحظتها انك بني آدم تاني نقي مفيش شيء جواك الا وفضفضته لله وارتحت .. قوم افتح قلبك مستني ايه ؟! ربنا بيحب يسمع صوتك .. #صلاة_الفجر الله يرضي عليك :)
    #يالمونه 😂❤️
    احمد ايمن
    ===================================
    جايب تيشرت جديد وواقف قدام المرايه فـ بنت عمي عندها ٧ سنين جت وقفت جنبي بتقولي ايه التيشرت الوحش دا ؟! ملقتش غير اللون دا ؟! ازرق ؟! ذوقك وحش اوي اوي .. قولتلها انا بحبك ولا بكرهك ؟! قالتلي بتحبني اوي طبعا .. قولتلها طيب انا اخترت التيشرت وحبيته بذوقي .. وحبيتك برده بذوقي .. فلو ذوقي وحش في التيشرت تبقي انتي كمان وحشه علشان ذوقي اللي بيختار يحب ايه ويكره ايه .، يعني انتي كدا وحشه زي التيشرت .. قالتلي هو حلو يعني مش وحش زي ما انت فاهم .. بص ؟! هو جميل جميل .
    احمد ايمن....
    ====================================
    ديمًا اي مُباره لكرة القدم بيكون ليها حكم صح ؟! وهو بيقرر كُل القرارات داخل الملعب .. و ممكن متفرج زيي يشوف مثلا بلانتي بس الحكم ميحسبهاش .. ممكن يشوف فاول .. والحكم بيقول كَمل !! .. هل انا كمتفرج عندي القُدره اغير قرارات الحكم ؟! بالبطع لاء .. لو حتي هخبط دماغي ف الحيط .. هو يقرر اللي يعجبه .. تمام جدًا.. ولله المثل الاعلي ربنا اسمه الحَكم ..يعني هو اللي يحكم عليك مُش الناس .. فـ سيبك من كلام الناس وخليك مُهتم بقرارا الحَكم ' رب الناس ! هو اللي هيفيدك وهو اللي هيقررلك حياتك والبشر عباره عن مُتفرجين لا بيقدموا ولا بيأخروا منهم اللي هيشعجك ديمًا ومنهم اللي هيقلل منك من اول خطأ تقع فيه .. وحكم المُباراه بشر بيغلط وبيصيب اما ربنا يستحيل يغلط . . لانه اسمه الحَكم العدل يعني عادل وبيحكم بفضله ورحمته .. وصدقني جعلك تبكي فقط لاجل انه يضحكك .. و حياتك عباره عن مُباره وانت اللاعب .. وممكن تكون مهزوم في بدايتها .. لكن في لحظه بقرار واحد ممكن تاخد بلانتي تغيرلك مجري المُباره تمامًا .. صدقني هتفرح وهتبقي بكل خير واوضاعك الصعبه مش هيبقي عندك اسهل منها لان ربنا كريم.. فسيبك من الناس وكلامهم وركز في مُباراة حياتك .. بكره يشجعوك ويسقفولك ... #وجووووول الله الله الله يابني انت اكيد من عالم تاني 😂✌️
    ========================================

    الانسان مننا لما بيتعلق بشيئ جدًا ويبقي نِفسه فيه للاسف بيضيع منه او مبيطلهوش .. وغريبه اول لما ينساه ويتركه تلاقي الشيئ دا قربله وجاله .. يمكن لان الانسان لما بيتعلق بحاجه زياده عن اللزوم ربنا بيغار علي قلبه ؟! فـ يدوقه مُر التعلق ويبعد الحاجه دي عنه علشان يعرفه انه ملوش غيره ؟! لو حبيت حِب بس بهدوء ولو كِرهت اٍكره بهدوء لعل الشيئ اللي بتحبه فـ يوم يضيع فـ متتكسرش !! ولعل الشيئ اللي بتكرهه تجمعكم محبه بعد العداوه فـ متتفارقوش .. :)
    فسلم قلبك لله وخلي حُبه الـ Top جواك .. واي شيئ تحبه بعد كدا يبقي المركز التاني ..لان ربك الوحيد اللي مُش هيغدر بيك او يسيبك .. لكن البشر بيسيبوا فلما حبيبك اللي فـ المركز التاني يفارقك ؟! تلاقي ربنا ملجأك الاول فـ تِسند عليه وتستقوي بيه فـ يقويك و تكمل مشوار حياتك .. وربنا ما يدوقك مرارة الفُرقه يا صديقي :))
    احمد ايمن
    =========================================
    بتشوف العروسه يوم فرحها وهي متصوره بالفُستان وواقفه ورا جوزها ومطلعه لسانها 😜 ؟! علي فكره هي متقصدش العِند هي تقصد ان بقي ليها ضهر بتتحامي فيه من الدُنيا .. لقت امانها .. لما اخوك الصغير يكون بيتضرب من حد فـ الشارع واول لما يشوفك جاي تنصره بيعمل ايه ؟! تلاقيه اشتد اوي وبدأ يضرب الولد اللي كان بيتضرب منه فقط علشان لقاك قُريب وهتدافع عنه .. شوفت مُحي الشَرقاوي ؟! لما كان واقف قُدام ابو موته .. ومحي ضخم بعضلاته الفشنك 💪.. فـ ابو موته اول لما شافه قال : هو الشرقاوي باعت لينا فاندام ولا ايه ؟! 😂💪وبدأ محي يقوله كِلمة السِر اللي كُلنا حفظينها .. يوم ورا يوم 💪 😂 .. محي الشرقاوي كان بتحامي ف عضلاته الوهميه صح ؟! ودي كانت مسبباله القوه انه يخوف اللي قُدامه ...طب انت ازاي تقوي علي الدنيا الصعبه دي ؟! اللي مينفعش يحميك منها حد ؟! سواء الهَم والغم والمشاكل والمرض وكل شيئ مُتعب ممكن تمر بيه ؟! ولله المثل الاعلي طبعًا : النبي قال من صلي الفجر فهو في ذمة الله .. يعني ايه ذمة الله ؟! يعني أمان الله وحمايته .. قوم اتحامي فـ ربنا وحس انه واقف جنبك فـ ضهرك وهيحميك ووالله لو نزلت صاعقه من السماء بعد لما انت تصلي الفجر ما هتصيبك بسوء ولا هتلمسك !! لانك فـحماية ربنا الاقوي من اي شيئ .. #صلاة_الفجر الله يقويك ويحميك من كُل شَر وصعب .. يوم ورا يوم ؟!
    ===========================================
    طول ما اٍنتي بعيده هيتجنن ..
    وهيفضل نِفسه يقربلك ..
    خليكي تقيله ومتحنيش ..
    اٍلا اٍن كان جاي يتقدملك ..
    الشيئ مِن بُعد يبان أحلي ..
    بتحس بقيمته وتحتاجله ..
    وان كان علطول مِلكك ومعاك ..
    تِهمله ولا حَتي بتشتاقله ..
    منتيش كـ السِلعه فـ ڤترينا ..
    تتجرب 100 مليون مَره !!
    دا لان الشاري عبيط أصلاً ..
    بيشوفك ديمًا من بره !!
    البنت بتبقي كما اللؤلؤ ..
    او حِتة ماس ..
    أغلي الاشياء علشان هي ..
    مُش ملك الناس ..
    أغلي الاشياء علشان هي ..
    مُش ملك الناس .. !!
    #خليكي_تقيله .. ^^
    #احمد_ايمن ..
                  

12-04-2018, 10:50 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    كنت سهران مع ٥ اصحابي علي الكفاتريا دلوقت .. وجَه شاب جميل ( صاحب واحد مننا ) عنده حوالي٢٠ سنه .. اتعرف علينا وقعد ويانا .. صاحبنا قال علي الشاب دا إنه بيغني .. اتفاجئنا وطلبنا منه يسمعنا صوته .. الولد فعلاً صوته فيه كمية هدوء وحنان غير عاديه جميل جدًا.. سقفناله كلنا .. فواحد من صحابي قال للشاب اللي غني ممكن اقولك حاجه ؟! قاله اتفضل .. قاله سيدنا عبد الله بن مسعود في يوم كان ماشي جنب الكعبه فسمع واحد بيغني والناس ملمومه حواليه .. وطبعًا اكتر انسان متدين فينا او ف العالم حاليًا يستحيل يوصل لدرجة ايمان عبد الله بن مسعود الصحابي الجليل اللي رجليه عند الله لو وزنتها هتلاقيها اثقل من جبل أُحد حسنات ! .. سيدنا عبد الله مضربش الراجل اللي بيغني ولا شتمه ولا عاب عليه بالعكس مدح في صوته زي ما احنا مدحنا في صوتك الراقي .. تخيل انه سَند ضهره علي الكعبه وغمض عنيه وقال : الله ما أجمل هذا الصوت لو كان للقرآن ! .. الله صوت جميل جدًا ياسلام لو قرأ القرآن ووهب موهبته لربنا :)) .. ف اللي كان بيغني اول سمع سيدنا عبد الله وهو بيقول عنه كدا قال والله عمري ما هستخدم صوتي تاني ابدًا غير في القرآن وفعلاً بقي من اروع اصوات في عصر الصحابه .. وانا كذلك بقولك نفس اللي قاله عبد الله بن مسعود : الله .. ما اجمل صوتك يا صديقي لو استخدمته في قرآة القرآن تريح بيه قلوب الناس ! لان الاغنيه بتعرفك مشكلتك أما القرآن بيهديك ويحلها ! اذًا خليك الحَل ومتبقاش العُقده وانا مبقولكش تعتزل الدنيا بالعكس !! اضحك واخرج واقعد ع الكفاتريا وصاحب ناس فشله زينا 😂 ومبقولكش متغنيش ! ولكن غني غُنا يوصل رساله تُحفرك للابد في قلوب العباد .. زي منا قولت شاب جميل .. اقسمله بعد نصيحته الطيبه وابتسامته انه هيستخدم صوته في رضا ربنا و هيبدأ تسجيل القران الكريم لانه ازهري وحافظ القران .. لعل ربنا يتجاوز عنه يوم القيامه بسبب تغير مساره .. فتخيل لو صاحبي قاله غُني ايه ؟! اسكت لو سمحت استغفر الله !! مكنش حصلت النصيحه ولا الموقف اصلاً !! ولكن سمعه وسقفله ومدح موهبته ونصحه بكل هدوء واحترام وابتسامه .. وبعد لما الشاب تقبل النصيحه صاحبي حلف عليه لازم يشرب حاجه و نده علي صاحب الكفاتريا وقاله : باشااااا واحد بيره للمرحومه 😂 :))
    احمد ايمن
    ============بص يا صديقي : كل واحد هيقرأ البوست دا بسببك انت هتاخد قُصاده حسنات وهيتغفر ليك ذنوب .. ومين عالم ؟! لعله يكون سبب في دخولك الجنه باذن الله :)) .. وانت بتقرأ ف القرآن هتلقي آيات جنبها علامة علي شكل مسجد .. معناها ان ربنا بيقولك لما تمر بالآيات دي اسجد .. وليكن مثلاً سورة الاعراف آيه 206 .. ربنا بيقول :ان الذين عِند ربك لا يستكبرون عن عبادته ويسبحونه وله يسجدون " .. وهسيبلك جميع الايات اللي ف القرآن فيها سجود تلاوه و صورة علامة السجده في التعليقات علشان تعرفها .. :)) طيب اقول ايه لما اسجد ؟!
    قُدامك 3 أدعيه تقول منهم واحد .. وطبعًا دي مُش فرض هي سُنه يعني لو مُش هتقدر تسجد متسجدش وقول الادعيه بدون سجود عادي :)) .
    الدعاء الاول : سُبحان ربي الاعلي .
    الدُعاء التاني : اللهم لك سجدت وبك آمنت ولك أسلمت , سجد وجههي للذي خَلقَه وصَوَرَه وشَق سَمعه وبصره , فتبارك الله احسن الخالقين
    الدُعاء التالت : اللهم اِكتب لي بها عندك أجرًا , واغفرلي بها ذنبًا .. واجعلها لي عِندك ذخرًا , وتقبلها مني كما تقبلتها من عبدك داوود ..
    ========================
    احد علماء المسلمين كان قاعد بياكل لحمه وسايب باب بيته مفتوح ففجأه جت قُطه وخدت حتة لحمه من الطبق اللي قدامه وجريت !! فإتعجب جدًا من جُرأتها !! فجري وراها يراقبها رايحه فين ،، فلقاها وصلت عند جُحر وسابت حتة اللحمه قدامُه .. انتظر ثواني فجأه لقي تعبان أعمي عنيه مخلوعه ! خرج من الجُحر وكل حتة اللحمه !! فبكي العالم وقال سُبحان الله اللي جعل الاعداء يطعموا بعضهم ! ( القطه والتعبان اعداء ومبيستوش ف حله واحده ) !! الا ان ربنا جعل القطه تكون سبب في رزق التعبان !
    كان في عامل بيشتغل عند راجل غني وف يوم العامل غاب يوم عن الشغل .. ف الغني قال يمكن غاب لانه محتاج زياده ف الراتب ؟ هزوده درهم .. وتاني يوم جه العامل الشغل وخد الدرهم الزياده ومتكلمش وبعد فتره غاب مره تانيه !! ف غضب الراجل الغني وقال والله لازم احرمه من الدرهم الزياده ،، وتاني يوم جه العامل الشغل وخد فلوسه ناقصه درهم وبرضه متكلمش !! فإستغرب الغني وسأله ؛ زدتك درهم فلم تسال ! وخصمته منك وايضًا لم تسأل !! فما الامر ؟! قاله : لما غبت اول مره وزودتني بعدها درهم مراتي ف اليوم دا كانت ولدت وقولت دا رزقه ولما غبت تاني مره وخصمت مني الدرهم امي يوميها ماتت وقولت دا رزقها وانقطع بموتها . !!
    زي دلوقت من فتره مش كبيره كنت واقف عند البقال ..فـ لقيت شاب جاي يفُك 200 جنيه .. فـ أخد الفلوس ومعدهاش .. قولته عِدهم لعل يكون للبقال باقي .. قالي تصدق وتؤمن بمين ؟! قولتله لا اله الا الله .. قالي لو البقال نسي ياخد الـ 200 جنيه أنا مُش هرجعهم ولا هديهمله !! انا عاوز اتجوز من الصُبح .. قولته وتقبل الحرام يا مُحترم ؟! قالي ايوه اقبل .. وقتها افتكرت موقف لسيدنا علي بن أبي طالب وبدأت احكيهوله .. ان سيدنا علي كان مسافر برا المدينه ورجع .. ومن طبع اصحاب الرسول انهم لما كانوا بيسافروا ويرجعوا المدينه المنوره كانوا يصلوا فـ مسجد النبي قبل لما يدخولوا بيوتهم وفعلاً سيدنا علي ذهب الي المسجد وكان راكب الفرس بتاعه .. فلقي راجل واقف قُدام المسجد فـ استأذنه انه يمسك الفرس لحد لما سيدنا علي يصلي ويُخرج .. وفعلاً مسك الفرس .. فـ سيدنا علي قال فـي سِره لما أخرج من الصلاه هيعطي للراجل ده " درهمين " جزاء لُه علي انه مسك الفرس بتاعي .. فخرج سيدنا علي بعد لما صلي .. ملقاش الراجل ولا لقي رباط الفرس .. الراجل سَرق الرابط !!! وسيدنا علي لقي الفرس واقف من غير رباط .. فـ سيدنا علي ذهب للسوق يشتري رباط جديد بدل اللي اٍتسرق.. فـ لقي الرباط المسروق متعلق عند تاجر .. فـسأله بكم هذا الرباط ؟! فقال الرجل بـدرهمين .. فسأل سيدنا علي التاجر وقاله : من أين جاء لك .. جالك منين الرباط ده ؟! قاله جاء به رجل منذ قليل فاٍشترتيه منه .. فقال له سيدنا علي بكم اٍشترتيه ؟! قال بدرهمين .. وأردت أن أتخلص منه فـقررت أن ابيعه بنفس الثمن الذي اشترتيه به .. فسيدنا علي قال سُبحان الله .. استعجل علي الدرهمين بالحرام !! رغم اني كُنت ناوي اعطيه درهمين وبالحلال !! .. فاٍوعاك يا صديقي تستعجل رزقك وتاخده بطريقه لا يرضاها الله .. لان كدا كدا هتاخد المبلغ اللي ناوي تسرقه ولكن بالحلال فقط تصبر وتتقي ربنا .. قالي عندك حق .. حد الله بيني وبين الحرام بعد كدا .. قولتله تصدق وتؤمن بمين ؟! قالي لا اله الا الله .. قولته ياجدع والله لهنقطك بـ 200 جنيه فـ فرحك 😂 .. جشطه ؟! قالي إشطه .. 😂
    رزقك من الصحه من الصحاب من الحُب من الفلوس هيجيلك مهما كانت قوتك مهما كانت ظروفك هيجيلك لان الرزاق هو الله واقسم بذلك في القرآن الكريم .. حط ف بطنك بطيخه صيفي ومتقلقش هتُرزق من وسع وهتعدي امتحاناتك ومذاكرتك وهمومك هتروق .. انت بتنام وربنا مبينامش طول الليل بيدبرلك امورك ورزقك ف خليك واثق فربنا و إطمن رزقك جاي .. ^_^
    #أحمد_أيمن
    ========================================
    كنت مستمر علي ذنب .. الذنب دا اني مكنتش بصلي .. اشتكيت لواحد صاحبي ثقه .. قولتله انا بسمع الاذان ومبصليش .. قولي حل ارجوك ربنا بيقول عن الحياه بالصلاه " مستقيمه " وانا حياتي منعكشه ومتنيله بستين نيله بسبب قلة صلاتي .. قالي الحل بسيط اكتب علي ايدك " قل اني اخاف ان عصيت ربي عذاب يومٍ عظيم " وكل لما تسمع الأذان بصلها هتلاقي نفسك خايف تعصي ربنا وقلبك هيفز قبل جسمك علشان تسجد لربنا .. كتبتها لاني كنت زي الغريق متعلق بقشايه .. بقيت اسمع الاذان قلبي يفور ! ابص علي ايدي واردد الآيه كذا مره واجري علي المسجد .. مره ف مره الآيه صدقتها وبقت صديقتي كل لما اجي اسيب صلاه اقولها .. اعمل ذنب اقولها .. الاقي حَبل عمال يشدني بعيد عن المعصيه ويقربني من ربنا بسببها حسيت ان الآيه مكتوبالي أنا ومش الآيه دي كُل آيه ف القرآن بقيت أوجهها لنفسي لو تشبهني !
    النبي صلي الله عليه وسلم مكنش بيعيش لُه أولاد ذكور مات جميع أولاده " القاسم .. عبد الله .. ابراهيم " وطبعًا معروف ان الابن هو اللي بيشيل اسم ابوه من بعده ! .. فكان في واحد من الكُفار كل لما يشوف النبي يقوله : يا أبتر .. عارف انت لما حد يقولك فُلان عمل عملية بتر لجُزء من جسمه " يعني قطعه " اهو الكافر كان بيقول للنبي يا أبتر .. يعني يا مقطوع النسل ! مبيعش ليك اولاد واول لما تموت مفيش بن ليك هيشيل اسمك .. النبي اتجرح نفسيًا جدًا .. متخيل كدا واحده مبتخلفش وكل لما حد يعدي عليها يقولها " انتي لسه عاقر ؟! مبتخلفيش .. متخيل كمية جرح المشاعر والقهر .. النبي حِزن .. حُزن شديد .. ربنا ارسل سيدنا جبريل يقول للنبي " انا اعطيناك الكوثر " متزعلش يا مُحمد انت ليك نهر في الجنه مخصوص اسمه الكوثر هديه مني ليك .. فصلي لربك وانحر .. قوم صلي يا مُحمد ومترهقش اعصابك واستمد قوتك بالصلاه وانحر " ادبح الدبايح ووزعها علي الفقراء والمساكين .. ان شانئك هو الابتر .. الراجل اللي شتمك وعايرك يا مُحمد هو اللي هيجي يوم القيامه ابتر مقطوع النسل ملهوش حد يعبره ! انما انت اسمك هيبقي معروف ومذكور ف الدُنيا كُلها وف الآخره كمان .. لا تحزن يا مُحمد .. ففرح النبي جدًا .. لما ربنا واساه وطيب خاطره .
    بعد لما سيدنا مُحمد عرف انه بقي نبي .. سيدنا جبريل قعد يجيله 3 شهور متواصل ونزله بسورة " الفاتحه .. والمُزمل .. والمُدثر " بعدها مبقاش يجي للنبي ! الوحي انقطع تمامًا .. النبي قلبه اتخطف وبدأ يقول " معقوله ؟! خلاص كدا ربنا استغني عني وأقالني من النبوه وشاف راجل غيري يبقي نبي ؟! تفكير ليل نهار ونوم قليل جدًا كُله قلق .. استغنيت عني يارب ؟! فجأه نزل سيدنا جبريل بالوحي بيقول للنبي " والضُحي .. ربنا اقسم ليه بوقت شروق الشمس ووضحها .. والليل اذا سجي .. ورجع ربنا اقسم تاني بسواد الليل .. ما ودعك ربك وما قلي .. ربنا يا مُحمد مودعكش وسابك ولا اقالك وعزلك من النبوه !! مهما تأخر عليك الشيئ اللي بتتمناه اوعي تقول اني نسيتك يا عبدي ! .. وللآخرة خير لك من الاولي " يوم القيامه في جنه هتعيش فيها للابد .... ولسوف يعطيك ربك فترضي !! " ربنا هيعطيك من فضله وكرمه الواسع لحد لما تشبع وتقول رضيت يارب في الدُنيا والآخره .. ألم يجد يتيمًا فآوي ؟! انت ناسي يا مُحمد لما ابوك وامك ماتوا وانا اللي تكفلت برعايتك لما حننت قلب جدك عليك وخدك رباك ولما مات خليت عمك يحبك وياخدك يربيك مع عياله !! .. ووجدك ضالًا فهدي ؟! انت ناسي يا محمد لما كنت تروح تقعد بالشهور في الغار لوحدك تفضل تتأمل في السما وتسأل ياتري مين ربنا ؟! محتار مش لاقي اجابه .. وانا اللي هديتك وارشدتك باني رب الدُنيا وخليتك نبي !! .. ووجدك عائلاً فأغني .. خلفت فاطمه ورقيه وام كثلوم وبقيت عندك أسره وعائله مسؤله منك فخليتك تكسب في التجاره وتربح وبقيت غني !! .. فأما اليتيم فلا تقهر " زي ما كنت رحيم بيك وانت يتيم .. خليك رحيم علي الايتام واوعي تضربهم او تكسر خاطرهم .. وأما السائل فلا تنهر .. لما حد يجي يسألك سؤال ف الدين او اي سؤال متتريقش عليه او تقوله ايه السؤال التافه دا .. ولكن جاوبه ومتكسرش نفسه .. ولو جالك مسكين يسألك عن اكل وشُرب أكله وارفق بحاله .. وأما بنعمة ربك فحدث .. لما يبقي معاك فلوس قول دي من فضل ربنا .. لما تبقي عندك موهبه قول دي من كرم ربنا عليا .. واحد يقولي مهو النبي قال : استعينوا علي قضاء حوائجكم بالكتمان .. اقوله " لما تبقي ماشي ف شغل معين ولسه متوظفتش اذا داري ومتعرفش حد .. اذا دي قضاء الحاجه .. اما نعمة ربك فحدث انك تكون اشتغلت اصلاً .. ف تقول بقي ربنا وفقني وكرمني وهكذا .
    احد علماء المُسلمين كان ديمًا يفتح القرآن يوميًا ويقول ياتري ربنا بيقول ايه فيا النهارده .. يفتح يبص يلاقي " ان للمتقين مفازا " المتقين هيفوزا الجنه .. يقفل المُصحف ويقول لا يارب انا مُش من المتقين انا بعصاك كتير .. يفتح المُصحف تاني ويقرأ الآيه اللي عيونه تيجي عليها يلاقي " الذين كفروا لهم عذاب شديد " يقفل ويقول لا اله الا الله انا مؤمن بيك يا رب مانيش كافر .. يقفل ويفتح تاني علي صفحه عشوائيه ويقرأ " وآخرون اعترفوا بذنوبهم " يقول ايوه يارب انا معترف اني مقصر في حقك .. اعمل ايه ؟! قالك : خلطوا عملاً صالحًا " عملوا عمل صالح " طلعوا صدقه .. بروا ابوهم وامهم .. زاروا قرايبهم " .. وآخر سيئًا " وعملوا ذنوبهم اللي مش قادرين يبطلوها .. مالهم يارب ؟! قالك " عسي الله أن يتوب عليهم " يمكن ربنا ف يوم من الايام يهديهم بسبب عملهم الصالح حتي ولو كان قليل .. ان الله غفور رحيم " دا ربنا كبير قوي ورحيم ورحمته وسعت كل شيئ " يقوم يبكي الراجل الصالح ويقول علي الآيه " أنا من اصحاب هذه الآيه يارب انا من النوع دا .. لا انا تقي ولا انا كافر .. انا بين دا ودا هزاحم ذنبي بالحسنات لعلك تهديني وتسامحني .
    هو انا عاوز اقول ايه ؟! عاوز اقول ان القرآن نزل لكل زمان ومكان .. نزل ليك وليا ولكل المسلمين والعالم .. اقرأ كُل آيه كأنها متقاللك انت .. خُدها عليك " ولسوف يعطيك ربك فترضي " واثق فيه ولا لاء ؟! واثق ف عطائه وكرمه ولا لاء ؟! ربنا كريم وعظيم " ان الله يغفر الذنوب جميعا " هيغفرلك ويسامحك .. بتحب حد ونفسك يكون حلالك والظروف صعبه " وهو علي جمعهم اذ يشاء قدير " ربنا قادر يجمعكم تحت سقف بيت واحد مهما كانت التحديات والمصاعب والظروف !! قلقان من شيئ " الا بذكر الله تطمئن القلوب ؟!" نفسك تحل ف الامتحانات " ربِ اشرحلي صدري ويسر لي أمري " وهتبقي زي السكينه ف الحلاوه ! .. القرآن كله رسايل كُله عبارات متقالالك تطمنك .. الخريطه والمهنج والفهرس اللي يوصف شخصيتك هو القرآن ! مليان اسرار وحكاوي قال ربنا عن القرآن " وننزل عليك من القرآن ما هو شفاء ورحمه " مقالش دواء ! لان الدوا بياخد وقت لحد لما يجيب نتيجه لكن الشفاء هو نتيجه نهائيه لكل شيء مُرهق جواك وكمان قال ورحمه ! يعني من رحمته بيك انك متتعبش اساسا لو علاقتك بالقرآن كويسه ! " صاحب القُرآن " ! .. دا ربنا علشان عالم ان الانسان بيعشق القصص ويتشوق اليها .. جعله تلتين القرآن الكريم قصص !! يا صاحبي اطمئن ! .. هتنجح وتفرح وترتاح " ربنا بيقول عن الرزق " فورب السماء والارض انه لحق مثل ما انكم تنطقون " ياعبدي بقسملك رزقك هتاخده خليك واثق زي ما انت واثق انك بتتكلم !! .. يا كُل متلخبط وحياته مبينلهاش ملامح .. ياكل دمعه نزلت ف عز الليل ربنا عالم بيكي وهيفرحك ويغسل قلبك من الحُزن .. قال لي : ارجوك لا تهجرني ! لو صفحة اقرأني .. غدًا تتمناني .. قُلت له من أنت ؟! قال : أنا القرآن الكريم !!
    #أحمد_أيمن ..
                  

12-04-2018, 10:50 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    هقولكم سر خطير .. : )))
    واحد صاحبي ابوه حلف عليه لازم ولابد انه يتجوز بنت عمه " هو عارف اني هكتب الكلام دا " .. بيقولي مبيحبهاش واتجوزتها مُضطر .. وانه من بداية جوازهم وهو معندوش قبول تجاهها .. انت متخيل يابني انك متجوز واحده شبه عمك ؟! ;D .. بس هعمل ايه حُكم القوي .. جيت في يوم متأخر من الشُغل فتحتلي وعملت تصرف غريب قشعرلي بدني .. "باست ايدي وقالتلي وحشتني " انا حسيت اني قليل قوي فـ نظر نفسي .. قررت اكتبلها جوابات حُب واعلقها ع التلاجه اهو افرحها بكلمه حلوه وخلاص حتي ولو مبحبهاش .. اجيبلها هديه او ورد وانا جاي .. اعملها شاي .. البت بدأت ربنا يحليها ف عيني يا ايمن .. وشها بدأ ينور .. كُل لما اقولها كلمه حلوه الاقي شكلها يبقي اجمل .. بقيت احافظ علي مشاعرها واحسس ع الكلمه قبل لما اقولها .. كأنها وردايه وعماله تفتح من جديد واهتمامي بيها زي الميه اللي بترويها وتخليها تفتح اكتر ! .. اخدها اخرجها .. ابصلها احس اني شايف قدامي قمر مش بنت عمي خالص .. من الواضح الكلمه الحلوه والمحافظه ع المشاعر مفعولهم جبار يا اخي ! انا حبتها .. اقسملك بالله حبتها . !
    سيدنا أنس بن مالك خادم النبي صلي الله عليه وسلم .. كان لُه أخ يتيم اسمه عُمير .. فـ النبي جاب لُعمير طير صغير يلعب بيه وسماهوله " النُغير ".. المُهم .. النبي كل يوم يعدي علي عُمير يلاقيه بيلعب مع الطير بتاعه .. فـ يضحكله ويقوله : يا عُمير ! ماذا فعل النُغير ؟! اخبار الطير بتاعك ايه ؟ يقوم عمير ضاحك .. كل يوم النبي يقوله كدا .. وفـ ليله النبي معدي علي عُمير وقاله " يا عمير ماذا فعل النغير ؟! " عمير بكي وقال للنبي " يا رسول الله .. مات النغير " الطير بتاعي مات ! .. فـ النبي قعد جنب عمير علي الارض وربع رجليه وفضل يلعب معاه .. فـ الصحابه شافوا النبي واستغربوا !! مااااذااا تفعل يا رسول الله ؟!! ايه اللي بتعمله دا !! .. قالهم " مات النغير .. فجلست ألاعب عُمير " !! شايف كمية مراعاة المشاعر وجبر الخواطر ؟! .. والنبي مكتفاش بكدا .. لاء .. تاني يوم راح لعمير بيته وقعد معاه يعزيه ويواسيه ويقوله كلام حلو يخفف عليه الحُزن بسبب موت الطير بتاعه .. ومش بس كدا .. دا النبي قام صلي ركعتين وهو في بيت عُمير ودعي ربنا انه يصبر قلبه ويهون عليه !!
    إديسون مخترع المُصباح الكهربي .. اترفد من مدرسته والحجه انه طفل غبي " كتبوا جواب لامه يقوللها ابنك غبي جدًا وزمايله هيتعلموا الغباء منه و فصلوه .. اديسون امه بدأت تمنعه من المرواح للمدرسه .. سألها عن السبب ؟! قالتله لانك أذكي من جميع زمايلك ومنتاش محتاج لمدرسه .. انت عظيم .. إديسون بيقول انا صدقت كلام امي واني ذكي وعظيم .. كانوا شايفين ان عقله مظُلم مينفعش للتعليم .. لكن بكلام امه الحلو ومراعاة مشاعره .. نور العالم باختراعه !
    سيدنا عكرمه بن أبي جهل .. ابوه " أبو جهل " من اكتر الناس اللي كانوا بيكرهوا الاسلام .. لما سيدنا عكرمه أسلم .. النبي نهي الصحابه انهم يجيبوا سيرة أبو جهل بأي سوء قدام سيدنا عِكرمه .. وقالهم ان الشتيمه هتوجع ابنه ومشاعره .. ومُش هتوصل لابو جهل !! .. فـ حافظوا علي الفاظكم !!
    الخليفه العباس .. كان بيتمشي مع زوجته فـ حديقة القصر بتاعه .. فـ وهُما وافقين علي البير سوا .. واضح ان الخاتم بتاعها كان واسع عليها .. فجأه فلت من ايدها وقع فـ البير .. الخليفه العباس فورًا قلع الخاتم بتاعه ورماه ف البير .. فقالتله " لماذا فعلت ذلك يا امير المؤمنين ؟! ليه رميت الخاتم بتاعك ؟! .. قالها " خِفت ان يشعر خاتمك بالوحده فأردت ان اجعل خاتمي رفيقًا له " ! بتقول زوجته " انها طول حياتها منسيتش حلاوة كلام الخليفه ليها في الليله دي .
    مراعاة المشاعر والكلمه الحلوه يا جماعه الله يحلي أيامكم .. الست ممكن يكون طالع عينيها فـ شغل البيت .. ولما راجلها يطبطب عليها ويقولها " شيلاني وشايله عني الله يديمك نعمه ويبوس دماغها " وربي بتنسي كُل تعبها ! ابنك بيذاكر متقولوش منتاش نافع " اعمله القهوه بايدك وقوله انا معتمد علي الله ثم عليك وكُل اللي يجيبه ربنا كويس .. الحُب عامل زي السبرتو .. لابد تحافظ عليه بانك تغلفه " بالاهتمام " بدل لما يطير منك .. دا النبي قال ان الكلمه الطيبه بتتحسبلك صدقه وربنا بيقول " وقولوا للناس حُسنًا " ! .. امدح فـ لبس اصحابك واذواقهم ابعتلهم رساله دلوقت مضمونها كلمتين " أنا بحبك " ! .. الكلمه الحلوه بتلزق فـ القلب زي طابع البوسطه .. راعوا المشاعر وقدروا .. تصرفات بنشوفها تافهه جدًا الا انها بتفرق عند غيرنا ومبتتنسيش .. الواحد لو حب واتحب بيحلو ووشه بيفتح زي الوردايه.. في يوم قولت لوالدتي تعرفي ان اجمل شيئ فـ الدُنيا ان الانسان يحب ! قالتلي تعرف ايه الاجمل ؟! ان الانسان اللي بتحبه يبادلك نفس الاحساس فيراعي مشاعرك ويحبك . : ) !
    #_مراعاة_المشاعر
    #الكلمه_الحلوه .. ❤️
    #أحمد_أيمن ..
    ======================================

    كنت مستعجل فـ بجري ورايح اركب ( مواصله داخليه ) سرفيس .. هوووب دماغي اتخبطت في حرف الباب خبطه صعبه جدًا .. دخلت لقيت السرفيس كله ستات ! وشافوني وانا بتخبط .. ف اتكسفت احط ايدي علي راسي وعملت نفسي قال يعني الخطبه موجعتنيش .. نفسي اقول آآه يادماغي .. بس مكسوف مش قادر انطق .. وكمان مبين ان شكل وشي طبيعي مش عليه علامات ألم .. منظري كان يصعب ع الكافر والله 😂 .. نزلت قعدت في جنب .. و مسكت دماغي وطبطبت عليها وقولتلها انتي عارفه الناس وكلامهم مكنش ينفع اطبطب عليكي قصادهم سامحيني يا غاليه غصب عني . 😂 .. بعدها بلحظه زعلت زعل شديد وحزنت قوي علي نفسي وحالي !! ياااه معقول بعمل حساب للناس علي اقل شيء في تصرفاتي وخايف من كسوفي علي رد فعلهم .. ولو قارنت كسوفي من الناس قصاد كسوفي من ربنا لما اقصر في حقه .. ياخبر دي هتبقي فضيحه !! ربنا بيقول آيه بتجرحني كل لما امر عليها ( مالكم لا ترجون لله وقارا ) !!! .. ازاي مبتقدرش ربنا !! و مبتتكسفش من تقصيرك في حقه ؟! .. لا يارب .. افتحلي صفحه جديده عندك .. انا اسف .. انت ياما سامحتني وانا قصرت .. معبدتكش كما تستحق يا كريم .. من هنا ورايح هوقرك وهطيعك .. اذانك عمال يخترق في قلبي دلوقت ويحركني .، هقوم اسجدلك دلوقت ولو حتي التلج نازل من السما .. هسجدلك واصلي الفجر واقاوم برد الدُنيا لعلك تحميني من حر الآخره .
    #صلاة_الفجر ..
    احمد ايمن...
    ===========================================
    نطلع من دربكة الدراسه وضغط المنهج شويه : ))
    ونقول ... #خاطرة ...
    قولتلها : !!
    قولتلها عارفه النبي .. كان ويا زوجته ازاي ؟!
    قالت أكيد عارفه .. كان للزَعل نسَّاي ..
    لو شافها حزنانه .. علي روحها بيهون ..
    يرسملها الضحكه .، ع الخد ويلون ..
    إن جه جعان يسأل .. هل عِندَكُن طعام ؟!
    ان قالوا لاء فيقول : لا بأس وِنّوِي صيام !!
    وقت الصلاه بيقوم .. ويصلي بيها إمام ..
    ان كان عليها الحيض .. يشرب مكان بوقها !!
    لاجل تكون واثقه .. طول عُمره بيحبها ..
    ولا حس مِنّها بضيق .. او يوم زهق مِنَّها !!
    قُدامها كان يقعد .. لافف لها ضهره ..
    هي بقي تغسل .. وتلمله شعره .. !
    ساعد فـ شُغل البيت .. ولوازم الترتيب ..
    و لا نوبه عمره اتكسف .. ولا قال رجولتي وعيب !!
    تبكي البُكا يمسح .. دمع العيون بإيديه ..
    كان قلبه مُتساهل ..لو غار قُلِيبها عليه ..
    طيب ماهوش عصبي ..خاف فيها رب الناس ..
    يضحك يضحكها .. مهواش كئيب وخلاص !!
    بالليل يخرجها .. يتمشوا يتكلموا ! ..
    ويقول حبيبتي يا خلق ..وياصَحَابَه إشهدوا ..
    كانت تشوف الناس .. فـ العيد بيتنططوا ..
    فـ ياخدها سيدنا النبي .. ويرحوا يتفرجوا !!
    يشاركها ويشورها .. يقاسمها افراحه ..
    يحكي حكاوي وقِصص .. ع اللي زمان راحوا ..
    جاره في يوم عزمه ..ع الاكل واستدعاه ..
    رفض النبي يقبل ..لو زوجته مُش وياه ..
    كان كُل شيء عندها .. اب وحبيب وصديق ..
    ديمًا بشوش وضحوك .. رغم الهموم والضيق ..
    ورجولته كات ليها .. ولا عُمره مد ايديه ..
    كان شخص مُتفاهم .. والقسوه مهياش فيه ..
    قالت كلامي صحيح ؟! قولتلها فعلاً صح ..
    كان النبي طيب ..ولا كانلُه ابدًا وصف ..
    فنا ناوي اكون زيه .. فيكي هخاف الله ..
    واعمل معاكي اللي .. قلبك حِلِم يلقاه ،،
    ويا النبي هختلف .. يا حلوة الحلوات ..
    سِدنا النبي اتجوز .. وعدِّد الزوجات ..
    دا لانه كان مأمور .. من خالق السماوات ..
    ولكني مُش مأمور .. فـ في قلبي هبني انا سور ..
    يحجبني ع الستات ..
    ولافيش شبيه للنبي .. فـ هقلده و هقتدي..
    لا عُمري اسيب قُربك .. او ارضي يوم تبعدي ..
    يا أهلي والعِزوه .. يا نصيبي وأحسن بخت ..
    قلبي شباب جنبك .. مهما فـ سِني كبرت .
    وعد أمام الله .. راح احتوي ضعفك ..
    هتحدي كُل الكون .. و أحوُش وجع قلبك ..
    ان يوم خرجت هعود .. ابقي احضنك وانا جاي
    هحكي معاكي كتير .. واعمل بايدي الشاي ..
    هدعي تكوني بخير .. لا تشوفي ضيق ولا كَرب ..
    رفعت كفوفها لفوق .. قالت بلهفه .. ياااا رب ..
    نزلت دموع عينها .. فمَسَحّتَها .. اتبسمت ..
    مـ الفرحه كَات طايره .. بتبصلي وبلِمِت ..
    قولتلها عارفه النبي ؟! مع زوجته كان ازاي ؟!
    قالت اكيد عارفه .. كان للزعل نسَّاي .. ;D
    #قولتلها ؟! ^_^ !
    #احمد_ايمن ..
                  

12-04-2018, 10:51 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    ربنا بيقول ( سيجعل لهم الرحمن وِدَّا ) .. فلما تلاقيي جواك ود لحد وحُب بدون مصلحه .. متسألش عن السبب !! الحُب دا شيئ ربنا بيحدفه في القلب بدون ما نحس .. شيئ لا ارادي .. #من_الله . <3 !
    احمد ايمن
    ==================================
    حاجات مُش هتنساها : )) !
    رايح مشوار النهارده العصر وكنت قاعد جنب السواق .. لقيت شاب جه قعد جنبي في سن الـ 30 سنه .. معرفوش .. لابس ومتشيك وف ايده بوكيه ورد تُحفه .. لما لقيته بشوش ومُبتسم حبيت اتعرف عليه .. وبعد التعارف والسلام قولتله " ماشاء الله حلو الورد جدًا " قالي بجد ؟! يا رب يعجبها .. قولتله مين ؟! خطيبتك ؟! قالي لا لا اختي .. قولت ماشاء الله .. رايح تزورها ولا ايه ؟ قالي بتمتحن وقلقانه وطول الليل مبتنامش من الخضه والخوف والنهارده اول يوم امتحان ليها في الترم .. قولت بقي اعمهالها مُفاجئه واجيبلها علبة شيكولاته وبوكيه ورد واستناها بره الكليه .. واول لما تخلص امتحان افاجئها .. بحيث احسسها ان كل شيئ بخير .. أصل الحاجات دي بتفرق وخصوصًا في اوقات الواحد بيحتاج فيها لأقل تصرف يحتويه .. مهو البنات مُش وحشين من نفسهم اكيد في اسباب .. ومن اهم اسباب ضياعهم هو قلة احتواء اهلهم ليهم .. تفتكر هتتبسط ؟! قولتله لاء .. هتضربك بالقلم من فرحتها ;D
    السيده عائشه كان سنها صغير في اول زواجها من النبي .. كانت ديمًا تجادله وتزعل من ابسط شيئ .. لكن النبي كان راجل ذكي ومُتفاهم .. وف ليله حصل خلاف بينها وبين رسول الله .. فـ قالها ترضي ان عُمر بن الخطاب يُحكم بينا ؟! قالتله : لا عُمر غليظ وشديد .. قالها ترضي بأبوكي " أبو بكر " يجي يحكم بينا ؟! .. قالت نعم ارضي .. فـورًا ارسل النبي لسيدنا ابو بكر يجيبه .. فجه سيدنا ابو بكر .. النبي بدأ يحكيله اللي حصل .. فقالت للنبي " اتق الله ولا تقل الا حق " قول الحق ! ;D مُتخيل بتقول لمين !؟ النبي سِكت ومتعصبش .. لكن سيدنا ابو بكر غضب جدًا وجري وراها وجاب عصايه وراسه والف سيف انه يضربها .. السيده عائشه اترعبت .. جريت ووقفت ورا ضهر النبي يحميها ! .. " مُش يقوله احسن عرفها شُغلها !! " حاشا لله .. ولكن سيدنا مُحمد قام رافع ايده وحاططها علي صدر سيدنا ابو بكر وقاله : أقسمت عليك لما خرجت .. فاٍنا لم ندعُك لهذا " بالله عليك تخرج يا ابو بكر وتسيبنا لوحدنا .. أنا مطلبتش انك تيجي علشان تضربها !! .. فخرج سيدنا ابو بكر .. فـ النبي ابتسم وقال للسيده عائشه : إدني مني" قربي " .. بتقول : فرفضت اقرب من النبي .. فابتسم وقالها : لقد كُنتِ من قبل شديدة اللصوق " بقي كدا ؟! الله يرحم من دقيقه بالظبط كُنتي لازقه ف ضهري علشان أحميكي ;D ! .. فابتسمت السيده عائشه واعتذرت للنبي وقربتله .. النبي احتواها واحتوي عقلها .. وبسبب كدا .. السيده عائشه عاشت بعد وفاة النبي اكتر من 30 سنه .. تحكي سيرته ومواقفه للناس وقد ايه كان أعظم خلق الله .
    من أفضل لاعبين كُرة القدم في التاريخ هو " ميسي " كنت بستغرب جدًا انه لما بيجيب جول .. ألاقيه يحط عُقله من صباع ايده فـ بوقه ! دليل علي انه رضيع او طفل بيحط صباعه ف بوقه .. لحد لما اكتشفت السبب .. السبب ان ميسي متعلق جدًا بجدته.. وهو طفل صغير كان مريض وبيعرج .. واللي كانت بتسنده علشان يمشي هي جدته .. حلفت علي ابوه انه لازم يجيبله كوتش يلعب بيه كوره .. مبقاش حد بيحتوي ميسي غيرها .. هي اللي كانت تروح تحضر ماتشات الكوره وتتفرج عليه .. وتصوت وتصرخ بعلو صوتها فـ قلب الاستاد وتشجعه " ميسي " وتزعق للعيال علشان يشوطوله الكوره .. آمنت بيه .. حبته .. احتوته .. صدقته لما كُل الناس قالوا انه مريض مُش هيبقي حاجه .. بعدها مُباشرةً شافه راجل من مكتشفين المواهب في نادي برشلونه .. وتكفل بعلاج ميسي .. وكانت تكاليف علاج ضعف نموه غاليه جدًا .. لكنه كان شايف انه هيبقي حاجه كبيره .. " وفعلاً بقي أعظم لاعب كرة قدم في التاريخ .. مانسيش فضل النادي اللي احتواه وقرر يعتزل فيه .. ومنسيش جدته اللي احتوته .. فبقي كل لما يجيب جول يعمل علامه تعبر عن طفولته وحنِينُه ليها .
    سيدنا مُحمد كان عنده بنت اسمها " زينب " السيده زينب ماتت وكانت مخلفه طفله رضيعه اسمها " أُمامَه " حفيدة النبي .. النبي صلي الله عليه وسلم .. كان ديمًا يشيل حفيدته ويخرج بيها .. وكان بيصلي بالناس وهو شايلها علي دراعه .. يقرأ الفاتحه وهو شايلها .. يركع وهو شايلها .. يسجد يسيبها علي الارض ولما يجي يقوم يشليها تاني .. كان يلاعبها ويضحكها ويحتوي ضعفها .. كبرت أُمامه الناس يحكولها قد ايه النبي كان حنون ورحيم معاها واحتواها .. متنساهوش ابدًا .. كلنا مبننساش النبي .. بس في حاجات كدا اللي بيعشيها بس هو اللي بيحس قد ايه ليها طابع خاص .. ورابط قوي .. مينتهيش بمرور الوقت .
    فـ اول يوم نزل الوحي علي النبي وجاله سيدنا جبريل بهيئته الحقيقه .. ملاك من نور .. ضخم .. حجم جسمه سادد بين السما والأرض .. والنبي قاعد في مكان ضلمه لوحده علي جبل ! .. مُتخيل المشهد !! .. النبي اترعب .. جسمه اتلبش .. جري مهواش داري رايح فين .. خبط بسرعه علي باب بيته .. فتحتله زوجته " السيده خديجه " جري وقعد في جنب خايف .. ويقولها " زمليني زمليني " غطيني غطيني .. وهي تغطيه وتطبطب عليه وتقوله " لا تخف يا مُحمد " .. حكالها اللي حصل .. حضنته .. قالتله " كلا والله لا يخزيك الله ابدًا " متخافش ربنا يستحيل يكسفك او يرعبك .. ايه يخلي راجل يجري لحضن مراته وهو مرعوب .. رغم انه له صديق واهل .. لابد انها كانت امرأه عظيمه .. لا هي فعلاً عظيمه .. صدقته واحتوته بمالها وحُضنها .. والعام اللي ماتت فيه اتسمي عام الحُزن .. من شدة وجع النبي علي فُراقها .
    الاحتواء يا جماعه .. الاحتواء الله يرضي عليكم .. في حاجات كدا مينفعش اننا منعملهاش .. اننا نحتوي اهلنا واصحابنا وحبايبنا فميلجأوش لغيرنا .. لما تكون عندك عتبة بيتك ولسه معموله بالاسمنت " والمُونه " وتيجي تدوس عليها برجلك وهي طريه .. بتيجي تاني يوم تلاقي آثار رجلك معلمه .. متروحش غير لو كسرنا المونه دي .. كذلك خلي ليك أثر جوا قلوب " حبايبك " باحتوائك وتفاهمك .. ميروحش غير لما القيامه تقوم والدُنيا تتكسر .. نُص مشاكلنا سببها قلة الموده والرحمه .. قلة الاحتواء والتفاهم .. خُد وادي .. شِد وارخي .. خليك سهل بسيط .. سيب ليك بصمه و ذكري طيبه فـ كُل قلب يعرفك .. ولو بضحكه او كلمه طيبه .. بقينا نترعب نعبر عن مشاعرنا علشان خايفين من كِلمة مُحن .. بقينا نداري اجمل ما فينا ونطلع اسوأ ما فينا .. مع ان قرآن ربنا بيقول " بسم الله الرحمن الرحيم " مقالش بسم الله المُنتقم " خليك رحيم .. طيب .. كُل شيئ وقتها هيكون تمام .. خلي اللي يعرفك يقول يآآآآه .. فعلاً فعلاً .. لسه الدُنيا بخير : ) !
    #الاحتواء .. ❤️
    #أحمد_أيمن ..
    ======================================
    شوف .. البوست دا اللي هيقرأه ويتعلم منه بسببك .. هيبقي ليك جبال حسنات باذن الله يوم القيامه :)) ..
    الجو تلج ياجدع .. لابس شرابين والكلوك بتاع اخويا الصغير .. وبرضه رجلي مش حاسس بيها .. الواحد مننا لما يعوز يتدفي بيتغطي ببطانيه .. عاوز يتدفي اكتر يحط علي نفسه بطانيتين .. بصراحه في اللحظه دي . افتكرت حاجه جميله و مُهمه في نفس الوقت .. بس خليني الاول احكيلك موقف لطيف ماشي ؟!
    في يوم النبي راجع من غزوه اسمها ذات الرقاع " وكان جنبه واحد من اصحابه شاب صغير في سن 25 سنه .. اسمه سيدنا " جابر بن عبد الله " المهم دار الحوار بينه وبين النبي .. النبي قاله : أتزوجت يا جابر ؟! قاله : ايوه يا رسول الله ... قاله : بِكر يا جابر .. اتجوزت واحده بنت بنوت ؟! قاله : لا يا رسول الله .. قاله : لما يا جابر ؟! ليه متجوزتش واحده بِكر ! قاله : يا رسول الله مات ابي .. وترك أخواتي بنات لم يتزوجوا بعد فخفت أن اتزوج بِكر تدخل بيني وبينهم .. يا رسول الله ابويا مات وساب اخواتي بنات متجوزوش لسه صغيرين وخُفت اتجوز بنت بنوت زيهم فـ يتخانقوا كتير ويفرقوا بيني وبينها او تفرق بيني وبينهم فحبيت اتجوز ست اتجوزت قبل كدا لعلها تحتويهم .. قاله : أصبت يا جبار .. فعلاً عندك حق .. وبعد كدا النبي قاله : أتعلم يا جابر اننا عندما نصل المدينه لن ندخلها ! .. " لما الجيش يوصل المدينه مُش هيدخلها " قاله : لما يا رسول الله ؟!! ايه السبب ؟! .. قاله : حتي تعلم زوجتك بقدومك .. فتُعد لك النمارق .. هنقف بالجيش علي ابواب المدينه علشان خاطر مراتك تعرف انك جيت فـ تتزين ليك وتتجمل " وتظبط النمارق " المخدات وترتبها !! ... وفعلاً النبي لما وصل المدينه قال للجيش اقف ! ووقفوا كلهم لحد لما مرات جابر عرفت انه جه ف زينت نفسها ليه .. سيدنا جابر فرح جدًا لان النبي حس بيه وقدره .. بس النبي عمل كدا وقلبه كان فيه 3 نوايا " نية ان جابر مراته تتزين ليه .. ونية جبر خاطره .. وكمان نيته ان زوجات الجنود تتزين ليهم هُما كمان " 3 نوايا :))
    تقصد ايه من نوايا النبي ؟!
    قصدي ان في واحد بياكل علشان جعان ودي نيته بس .. وفي واحد تاني نيته انه بياكل علشان يبقي قادر يعيش يطيع ربنا , وكمان لان النبي قال ان لبدنك عليك حق فبياكل علشان يقوي بدنه , وكمان علشان ربنا قال فكلوا واشربوا فبياكل لوصية ربنا .
    في واحد بيطلع صدقه لانه عليها ١٠ حسنات .. وفي واحد بيطلع صدقه لان النبي قال داوو مرضاكم بالصدقه فلما يطلعها اي حد حبيبه مريض هيخف باذن الله , وكمان نيته انه يدعي وهو بيتصدق لان الدعاء وقتها مستجاب , وكمان نيته ان ربنا يطهر قلبه من كل ذنب ومن اي حب تاعبه لان ربنا بيقول ( خذ من اموالهم صدقة تطهرهم وتزكيهم بها ) , وكمان بيزود علي نيته ان الصدقه بتثبت صدق ايمانه بالله , وكمان ان الصدقه بطفيء غضب الرب فربنا لو غضبان عليه هيسامحه . !
    في واحد بيستغفر علشان ربنا يغفرله .. وفي واحد تاني بيستغفر علشان ربنا يغفرله ويرزقه بالفلوس ويرزقه بالولاد وبالجنه ويوفقه ويحوش عنه الضيق ويفتحله الابواب المتقفله .
    في واحد بيقرأ القرآن علشان يرتاح .. وفي واحد بيقراه علشان يرتاح وعلشان ربنا يشيل سيئاته ويحطله بكل حرف عشر حسنات , وعلشان ربنا ينور قبره بالقرآن ويخليه يدافع عنه ويرفع درجاته ومقامه عند ربنا وعلشان يتبدر كلام الله وعلشان يبقي في اعلي مكان في الجنه مع اكرم الناس وابرهم واصلحهم .
    في واحد بيصلي لانه فرض .. وواحد تاني بيصلي علشان فرض وعلشان يرتاح بيها مش منها وعلشان يسجد ويكون قريب من ربنا وعلشان ربنا ينور وجهه بنوره ويحبب خلقه فيه لان الصلاه نور , وكمان علشان ربنا يكفيه شر التعلق بالشهوات لان الصلاه راحه من كل شهوه وعلشان استقامة حياته في الصلاه وعلشان عارف ان المكان اللي بيسجد فيه هيبكي عليه يوم موته ويدعيله لحد يوم القيامه .
    في واحد بيصون مراته علشان بيخاف منها .. واحد بيصونها علشان بيخاف ربنا ومبيهنهاش لان دي وصية النبي وتقربًا من الله ولان للنبي قال خيركم خيركم لاهله وبيجبر خاطرها لان جبر الخواطر صدقه .. وبيطعمها في فمها بايده لانها افضل صدقه .. وبيضحك في وشها لان ضحكته صدقه .. بيساعدها ف اعمال البيت لانها اخلاق النبي وصدقه .. بيتقي ربنا فيها لا ربنا بيحب المتقين ... وبرضه عشان بيخاف منها ;D !
    في واحد بيذاكر علشان ينجح .. وواحد تاني بيذاكر علشان ينجح , وكمان يفرح اهله ويبقي علمه في ميزان حسناتهم , كمان ينصر الاسلام بعلمه ,كمان علشان يبقي مؤمن قوي بذكائه , كمان بينفذ وصية القرآن ( إقرأ ) ,كمان لان طلب العلم بيعادل الجهاد في سبيل الله
    في واحد بيعمل لايك علي بوستات صاحبه علشان دا صاحبه .. وفي تاني واحد بيعمل لايك علشان دا صاحبه وعلشان يدخل السرور علي قلبه فياخد ثواب , وعلشان يجبر بخاطره , وعلشان يحسسه انه مهتم بيه وكمان علشان يآلف قلبه من ناحيته وكمان علشان ربنا يفرحه زي ما بيفرح غيره .
    النوايا ياجماعه .. ( وعلي نياتكم ترزقون ) .. انت بتزود الغطا علشان تدفي اكتر .. وكذلك النبي قال ( انما الأعمال النيات ) قبل لما تعمل اي عمل فتش جواك عن ثوابه وخلي قلبك يقول انا بعمله علشان كذا وكذا وكذا كَتر نواياك علي قدر الامكان وكل نيه عليها حسنات فبدل مثلا ما تاخد 100 حسنه بسبب عمل خير عملته .. ممكن تاخد ١٠٠٠٠٠ حسنه علي نفس العمل .. لانك عملته بأكتر من نيه وبكدا تضمن حسنات اكتر وتبقي برضه دفيان .. مُش بالكلوك .. لا .. دفيان برحمة ربنا باذن الله ☝️😄
    #الله_يجدد_ايمانكم ..
    #احمد_ايمن
    =============================================
    هقولها تاني : ))
    ابويا طول عمره كان نفسه اول خِلفته تبقي بنت .. ولكن للاسف خلفني انا اول واحد .. اتصدم 😂😁 .. أقوله ياعم احمد ربنا .. دنا لو كُنت بنت مكنتش هتلاقيلي جوازه .. يمسكني من دقني ويقولي : تصدق صح .. الحمد لله ;D ... انا برضه نفسي اول خلفتي تبقي بنت .. البنت مع ابوها لو رحمها وعلمها وكان عطوف معاها .. زي ما قال النبي بتكون سبب في دخوله الجنه .. البنت مع اخوها .. لو رحمها وبقي صديقها وتفاهم معاها .. برضه بيكون بسببها رفيق النبي في الجنه .. البنت لما تبقي زوجه .. إكرامها والموده والرحمه بيها .. بتكون سبب في دخول زوجها الجنه .. البنت لما تبقي أم .. برها ووفائك ليها بيكون سبب في دخولك الجنه .. تبقي عمه او خاله . صلة رحمة بيها بتكون سبب في دخولك الجنه ..
    كنت ف قعدة وناس قالولي مُعظم متابعينك بنات !! . رديت فورًا وقولت : شرف ليا !! .. يكفيني شرف ان اول من سجد لله ست " خديجه " .. اول من صَدق النبي انه رسول الله امراه " خديجه " .. اول لما النبي نزل عليه الوحي وكان مرعوب ونازل بيجري من الغار راح لحُضن امراه " خديجه " .. اول من ساعد النبي ووقف جنبه بأموالها ودافعت عنه بروحها " امرأه " خديجه .. الشخص الوحيد اللي ربنا بشره قبل وفاته بقصر في الجنه وارسل سلامه ليه امراه " خديجه " !! .. واحب الناس الي قلب رسول الله امراه " عائشه " .. ومات رسول الله علي صَدر امراه " عائشه ".. والنبي في غزوة اُحد مكنش حد بيدافع عنه غير امرأه " أم عماره " ووقفت قُدام الكُفار وكانت بتضرب بالسيوف علي كتفها لحد لما كتفها اتخلع وابدًا مرضيتش تسيب النبي .. اللي كانت بتحارب الموت وتروح تودي الاكل للنبي وهو في الغار مع سيدنا ابو بكر كانت امراه " أسماء بنت ابي بكر " .. الست اللي ربنا سمع جدالها للنبي من فوق سبع سموات ونزلها سوره مخصوص في القران " خَوله بنت ثعلبه " وكانت سورة " المُجادله " ! .. سبب وجود بير زمزم اللي بيشرب منه الملايين لحد الآن كان عَطش امرأه " هاجر " .. سيدنا عُمر جعل جنود المُسلمين ميغيبوش عن زوجاتهم اكتر من 3 شهور بسبب امرأه اشتاقت لزوجها المُحارب !! .. سيدنا عُمر كان مُستشاره اللي بيتابع معاه أحوال الاسواق ويراقب التُجار ويمنعهم من الغِش وغلاء الاسعار كانت امرأه " الشفاء بنت عبد المَلك " ... سيدنا عُمر غير قرار بعد اعلانه للناس واعتذر عنه بسبب امرأه قالتله انت اخطأت " الشفاء بنت عبد الملك " !! ... اول طبيب في الاسلام امراه " رُفيده " ,, اول شهيد في الاسلام امراه " سُميه " ... اول الناس لحاقًا برسول الله بعد وفاته ورفيقته ف الجنه امرأه " فاطمه " .. يمكن تكون الست مخلوقه من ضِلع الراجل .. لكن الراجل كُله علي بعضه حته من السِت .. يكفيني شَرف ان مُعظم متابعيني بنات كُلهم تمًا بعتبرهم اخواتي .. ويكفي ان اخر كلام للنبي قبل وفاته كان بيوصي ويقول : استوصوا بالنساء خيرًا " .. ومن اجل كدا .. انا نفسي اخلف بنت .. : )) !
    #أحمـد_أيمن ..
                  

12-04-2018, 10:52 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    هعرفك حاجه محدش يعرفها عني ..اشطه :))
    كُنت بحب بنت زميلتي فـ ابتدائي .. عاوز ألفت نظرها بأي طريقه .. احطلها شيكولاته ف الشنطه واحنا ف الفٌسحه .. ألاقيها تفتح الشنطه تبص باستغراب .. وفجأه تاكل الشيكولاته عادي جدًا ;D ومتحسش بيا برضه .. طول منا قاعد عمال ابصلها يمكن تحس علي دمها وتبصلي .. مفيش فايده .. لقيتها بتاكل ضوافرها ديمًا .. تأثرت بيها .. قولت اكل ضوافري زيها يمكن تشوفني وتفهم ان حد مُهتم بتفاصيلها .. طول منا قاعد عمال آكل ضوافري .. ولحد الآن من وقت للتاني باكل ضوافري .. طيب وهي حست بيا وعرفت ؟! لأ .. أكلت ضوافري بس ;D ..
    أحد علماء المسلمين قال لطلابُه : بالامس نمت بجوار إمرأه ليست زوجتي !! .. ف الطلبة كلهم برقوا وخدوا نفس عميق جدا وفتحوا بوقهم :O هااااه !! فـ ضحك الشيخ وكمل كلامه وقالهم : نمت بجوار امى ...فكله طلع النفس وقال هه هه هه ...."الحمد لله " ;D .. فواحد من ضمن الطلبه تأثر بكلام الشيخ فحب يعمل ناصح ويقلده .. فـ راح لمراته وهى واقفه بتطبخ والشربه على النار مولعه ;D .. قالها " انا نمت امبارح بالليل مع واحده غيرك .. ولسه هيكمل...قامت رافعه حلة الشربه ورزعاها على دماغه. ;D !
    عباس بن فرناس هو اول واحد اخترع فكرة الطيران .. ازاي جتله الفكره من اكتر من ١٠٠٠ سنه ؟! عباس بن فرناس تأثر جدًا بآيه من القرآن الكريم بتقول ( يا معشر الجن والانس إن استطعتم ان تنفذوا من اقطار السموات والارض فإنفذوا .. لا تنفذون الا بسلطان ..ربنا بيقول يا بشر .. انتم تقدروا تطيورا في السما زي الطيور بس لازم تخترعوا شيئ يساعدكم علي الطيران .. فعلاً بدأ عباس بن فرناس يعمل معادلات هندسيه معقده علشان يقدر يوازن نفسه في الجو وعمل جناحات ضخمه وركبها في ضهره .. ووقف علي جبل وجمع الناس .. وبدأ يطير فعلاً والناس كُلها كانت مذهوله مُش مصدقه اللي بتشوفه .. وهو بينزل قرب من الارض بكام متر .. مكنش عامل حسابه فـ طريقة النزول فـ رجله اتكسرت وحاول من جديد وظبط الميزان للنزول وصنعها ! وحاليًا في دول كتير غربيه موجود لعباس بن فرناس تمثال وهو مركب جناحات دليل علي انه هو صاحب براءة اختراع للطياره .. بسبب تأثره بأيه من القرآن !!
    كان في واحد من الصحابه اسمه الجُمحي .. شاب صغير .. كان ديمًا يمشي ورا النبي ويدوس علي المكان اللي النبي بيدوس عليه .. ويقلد النبي في لبسه وشُربه ونومه .. تخيل يا صديقي انه من كتر تأثره بالنبي .. بقي يقلد صوته ! النبي كان مُعجب بيه جدًا .. عنده 19 سنه .. لكنه كان مُلفت للانتباه .. لدرجة انه بقي صوته نفس صوت النبي بالملّي ! ويقعد زي النبي .. والنبي من فرحته بيه خلاه يروح مكه ويبقي هو المؤذن لاهل مكه لحد وفاته !
    التأثر يا جماعه .. ياريت تشوف انت بتقلد وبتتأثر بمين .. متبقاش عامل زي الورق الشفاف بتنسخ والسلام !! .. اختار حد ثقه تمشي علي خطاه .. وانت طفل لما امك كانت تسجد وتقول " سُبحان ربي الاعلي " انت مكنتش تعرف بتقول ايه .. فكنت تقول " سِيف سِيف " كل سجودك كان سَفاسِفك .. لانك تأثرت بيها ! .. أختك الصغيره اللي بتعلي صوتها علي امك او اخوك .. معملش كدا شيطاني ! لابد انه تأثر بيك وانك بتعلي صوتك عليها ! ابنك المعقد او العصبي مهو من زعيقك لامه بقي كدا وكره الجواز ! مجربتش مره تاخدها ف اوضه مقفوله تتكلموا وتتناقشوا بعيد عن عيالكم ؟! .. طيب انت مش لاقي حد كويس تتأثر بيه ؟! اخترلك آيه من القرآن وتأثر بيها وطبقها وليكن مثلاً " وبالوالدين احسانا " عامل ابوك وامك حلو .. او مثلاً " الذين يقيمون الصلاه ومما رزقناهم ينفقون " صلي وطلع صدقه .. وهكذا .. وتأكد يا صديقي ان اي حد بيعمل ذنب او شيئ سيئ والناس بتقلده فيه بيشيل ذنبهم لحد يوم القيامه .. واللي بيعمل خير والناس بتقلده فيه .. بياخد ثوابهم وثواب اللي يعمل زيهم لحد يوم القيامه .. خليك زي الشجره .. تطرح خير الناس تجني منه .. طب انا راجل ياعم ازاي ابقي شجره انا ذكر .. خلاص ياعم خليك زي الشجره الدكر ومتطلعش ثمار كفايه انك تضلل علي الناس ;D .. الحيوان بس هو اللي بينساق ! وانت ربنا يحفظك انسان بعقل وقلب .. فمتخليش حد يسوقك .. فكر ديمًا فـ تصرفاتك .. الله يرضي عليك يا اخي :))
    #التأثر ..
    #احمد_ايمن
    ===================================
    انا مش هطول عليك علشان امتحاناتك ومذاكرتك .. بس هحكيلك موقف قشعر جسمي لما قرأته . :))
    احد حُكام المسلمين في عصر من العصور .. كان اسمه مُراد الرابع .. في يوم حصله هم وغم وضيق شديد ميعرفش ايه سببه .. مش طايق القعده في القصر .. وكان من عوايده يتمشي بالليل وسط الناس وهو مُتخفي علشان يعرف احوالهم واخبارهم .. فنده علي رئيس الحرس بتاعه وخرجوا سوا .. وهما في الطريق وصلوا شارع جانبي .. قاوموا داخلينه .. فجأه .. لقوا راجل مرمي علي الارض فاقد الوعي تمامًا .. ف الخليفه جري عليه وفضل يحرك الراجل يمين وشمال يهز راسه مافيش فايده .. الراجل مات !! .. الناس عماله تعدي من جنبه ومحدش معبره ولا مهتم بيه نهائيًا !! ف الخليفه فضل ينادي علي الناس وهُما ميعرفوش انه الخليفه .. يا خلق يا هوووه الراجل مات .. ليه محدش بيساعده ؟! .. يقوم الناس تبص للراجل الميت بإحتقار ويقولوا غار في داهيه .. كان فاجر بيشرب الخمره وبيزني !! ف الخليفه يرد ويقولهم .. أليس من أُمة محمد عليه الصلاة والسلام !! الناس تقول نعم هو مُسلم من امة محمد .. ف طلب منهم يعرفوه بيت الراجل دا .. وشاله هو والحارس الخاص بتاعه ووصلوا بيته .. خبطوا علي الباب .. فتحتلهم ست .. ومتعرفش ان اللي بيخبط هو الخليفه .. فشافت الراجل الميت فقالت : زوجي ؟! فقالها الخليفه : إنا لله وإنا اليه راجعون .. لقد مات زوجك .. فصرخت بعلو صوتها وبكت وقالت : رحمك الله يا نقي القلب .. أشهد أنك من الصالحين .. يقوم يرد الخليفه يقولها : من الصالحين ازاي بس ؟ !! دي الناس كلها بتقول عنه زاني وبيشرب الخمره .. فقالتله كُنت متوقعه ان الناس تقول عنه كدا .. لكن والله جوزي كان يروح للخماره ويشتري الخمره بالفلوس اللي معاه ويجي يرميها علي الارض ويقول الحمد لله خففت النهارده من كمية الخمره اللي الناس هتشتريها .. ويروح للعاهرات ويعطيهم فلوس ويقولهم دا حساب الليله بتاعتكم ف اقفلوا ابوابكم ومتزنوش النهارده .. ويقول بعدها الحمد لله قللت من ذنوب المسلمين وكفيتهم شر الزنا .. ف زوجته كانت تقوله : يا راجل الناس كلها هتطلع عليك سمعه سيئه ومحدش هيصلي عليك ويحضر جنازتك لما تموت .. ضحك جوزها وقالها : ومين عالم ؟! يمكن يصلي عليا الخليفه بنفسه وجنوده وعلماء المُسلمين .. فبكي الخليفه واتنهنه زي الطفل وقال والله انا خليفة المُسلمين .. وهو اللي غسله وكفنه وعمله جنازه عظيمه بيحضرها كل رؤس الدوله وشيوخها وصلي عليه بنفسه !! .. فعلاً .. ( إن بعض الظن إثم ) !!
    حُسن الظن بالناس ياجماعه .. بنت مش لابسه حجاب .. شاب بيعمل ذنوب انت تعرفها .. انت تعرف هما بينهم وبين ربنا ايه ؟! ياخي لو شوفت واحد بيصرخ بعلو صوته وبيقول انا ربكم الاعلي .. قول اكيد بيقرأ من القرآن .. شوفت واحد علي هدومه خمره .. قول اكيد وقعت عليه .. شوفت واحد حاضن واحده قول اكيد مراته .. حُسن الظن الله يجبر خواطركم .. ومن الاحسن متقولش خالص .. محدش مننا صلح كل عيوبه علشان يراقب الناس !! ولكن علي كل الاحوال حُسن الظن بالناس صدقه وعليه ثواب عظيم .. ف اللهم لا تجعلني علي الناس حاكمًا وقاضيًا .. ولكن اجعلني أُُحسِن بهم الظن .. وكُن عني يا رحمن راضيًا <3
    #حُسن_الظن ..
    #احمد_ايمن
    ==================================
    نقولها تاني ..
    الصلاه والحُب .. الاتنين باطل ومينفعوش .. لو مكانوش علي طهاره .. فادخلوا البيوت من أبوابها يرحمنا ويرحمكم الله . :))
    احمد ايمن
    ======================================
    بعون الله .. البوست دا هيفرحك ويطمنك .. ومادام الاسلام حي في قلبك.. اذًا باذن الله مُش هيموت املك وفرحتك :))
    الدكتور نبيل العوضي .. شاف واحد من الدُعاه للاسلام في امريكا .. عامل مؤتمر ضخم للدعوه للاسلام .. فـ الداعيه وهو بيتكلم عن الإسلام .. فجأه وقف واحد وقاله : يا مولانا معايا راجل أمريكي صاحبي .. عاوز يدخل الاسلام .. الشيخ قال : الله اكبر الله اكبر .. وقاله اتفضل .. وقف الراجل الامريكي .. بني آدم شيك جدًا .. لابس بدله مُهندمه .. باين عليه العز والغنا .. فـ الشيخ سأله وقاله : ايه سبب حُبك للاسلام ؟ .. الراجل الامريكي قاله : سبب حُبي للاسلام كانت ابتسامه .. قاله ازاي ؟! رد الامريكي .. وقاله : انا راجل غني جدًا عندي مشاريع ضخمه في جميع انحاء دولة امريكا .. بس مُش مبسوط .. بحاول اشتري السعاده بالفلوس مُش قادر !! عندي من ضمن الموظفين في شركتي .. راجل مُسلم من الهند .. علي قد حاله .. بس كُل لما اشوفه الاقيه بيضحك ومُبتسم ومهواش شايل للدُنيا هم .. استغربت جدًا .. انا صاحب الملايين مش لاقي السعاده والفرحه .. والفقير دا مبسوط اكتر مني !! قولت اسأله عن السبب .. قولتله : انا بشوفك ديمًا مبسوط ومتفائل ومش حامل هم حاجه .. ممكن اعرف السبب ؟! رد الراجل المُسلم وقاله السبب حديث للنبي صلي الله عليه وسلم .. " عجبًا لأمر المؤمن أمره كُله خير .. ان اصابه شر فصبر فهو خير له .. وان اصابه خير فشكر .. فهو خير له ) النبي بيتعجب من المؤمنين بالله .. وبيقولهم ان كل اموركم خير ليكم .. لو كانت شر وصبرتم يبقي خير ليكم لان بالصبر هتدخلوا الجنه .. ولو كانت خير وشكرتم يبقي برضه خير ليكم ! لأن بالشُكر هتدخلوا برضه الجنه اذا في كلا الحالتين كُل امور البني آدم .. خير او شر .. خير ليه .. " فلما قالي الحديث وشرحهولي .. سألته وقولتله ازاي ادخل الدين دا ؟! رد الهندي وقاله : تشهد ألا اله الا الله .. وأن محمد رسول الله " فجيت لحد هنا علشان اقول اني عاوز ابقي مُسلم قدام كل الناس .. الشيخ قال : الله اكبر .. قول وريا : اشهد ألا اله الا الله .. واشهد أن محمد رسول الله .. ردد الأمريكي وقال بخشوع وهدوء : أشهد الا اله الا الله واشهد أن محمد رسول الله " وفجأه انفجر بالبُكاء ! وبكي يعيط زي الطفل .. فـ الشيخ قاله : بتبكي ليه ؟! قاله والله لأول مره فـ حياتي أحس ان الفرحه دخلت قلبي بالشكل دا .. أنا مبسوط . !
    ارضي بحالك ونصيبك و ابتسم يا صاحبي ..سواء حليت ف امتحان .. محلتش .. خير ليك .. حصلك مصيبه وصبرت خير... جالك رزق وشكرت .. خير .. كُل امورك خير .. واعرف ان ربنا بيبتليك بحاجه .. اذا بيحميك من شيئ اسوأ كان هيحصل .. لان ربنا اسمه اللطيف " يعني تبقي ماشي فـ مكان والمكان في حُفره ومتقعش فيها ! وبكدا ربنا لطف بيك .. ومُش بس كدا .. دا ربنا خفِي اللُطف .. يعني انت مكنتش شايف الحُفره اساسًا !! .. كتير جدًا ربنا نجاك وانت متعرفش ! .. ولما بتدعي بحاجه ومتتحققش .. تأكد تمامًا .. ان وقتها ربنا بيحميك من مصيبه .. وبيعطيك ثواب عظيم .. ويبدلك بشيئ اجمل من اللي متحققش.. سيدنا علي بيقول لما كنت بدعي ربنا بحاجه وتتحقق .. بفرح مره .. ولما متتحققش .. بفرح 10 مرات .. لان لما اتحققت كانت اختياري وطلبي ولما متحققش كانت اختيار الله .. وديمًا اختيار الله بيكون الافضل .. وسيدنا عمر بيقول ميهمنيش اصحي الصبح علي حاجه بحبها او بكرهها ! لاني معرفش الخير هيكون في اللي بحبه ولا اللي بكرهه .. تأكد تمامًا ان كُل امورك خير .. تأخير حلمك .. فقدانك حبيب .. مرضك .. كله خير وصبرك بيصُب في ميزان حسناتك وزي ما المواقف الصعبه بتعرفك صحابك الجدعان ولله المثل الاعلي بيحط عباده في مواقف صعبه علشان يعرفهم ويعرف مين العبد الجدع ويرقيه ويرفع مقامه عنده .. ولوكشة الاماني اللي نفسك تحصل باذن واحد احد هتحصل .. خلي ديمًا قصادك " ولسوف يُعطيك ربك فترضي " هيراضيك أصله كريم .. فُك أم التكشيره دي وقول الحمد لله وبطل زعل شويه .. هتتعدل وتبقي تمام .. ابتسم بقولك ! بدل ما اطلعلك م الشاشه واتشقلب قدامك زي البلياتشو ! .. الله .. اخيرًا يا أخي .. والله الدُنيا بتنور بضحكتك ;D !
    #الرضا .. ❤️
    #أحمد_أيمن ..
                  

12-04-2018, 10:53 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    بعون الله .. البوست دا هيفرحك ويطمنك .. ومادام الاسلام حي في قلبك.. اذًا باذن الله مُش هيموت املك وفرحتك :))
    الدكتور نبيل العوضي .. شاف واحد من الدُعاه للاسلام في امريكا .. عامل مؤتمر ضخم للدعوه للاسلام .. فـ الداعيه وهو بيتكلم عن الإسلام .. فجأه وقف واحد وقاله : يا مولانا معايا راجل أمريكي صاحبي .. عاوز يدخل الاسلام .. الشيخ قال : الله اكبر الله اكبر .. وقاله اتفضل .. وقف الراجل الامريكي .. بني آدم شيك جدًا .. لابس بدله مُهندمه .. باين عليه العز والغنا .. فـ الشيخ سأله وقاله : ايه سبب حُبك للاسلام ؟ .. الراجل الامريكي قاله : سبب حُبي للاسلام كانت ابتسامه .. قاله ازاي ؟! رد الامريكي .. وقاله : انا راجل غني جدًا عندي مشاريع ضخمه في جميع انحاء دولة امريكا .. بس مُش مبسوط .. بحاول اشتري السعاده بالفلوس مُش قادر !! عندي من ضمن الموظفين في شركتي .. راجل مُسلم من الهند .. علي قد حاله .. بس كُل لما اشوفه الاقيه بيضحك ومُبتسم ومهواش شايل للدُنيا هم .. استغربت جدًا .. انا صاحب الملايين مش لاقي السعاده والفرحه .. والفقير دا مبسوط اكتر مني !! قولت اسأله عن السبب .. قولتله : انا بشوفك ديمًا مبسوط ومتفائل ومش حامل هم حاجه .. ممكن اعرف السبب ؟! رد الراجل المُسلم وقاله السبب حديث للنبي صلي الله عليه وسلم .. " عجبًا لأمر المؤمن أمره كُله خير .. ان اصابه شر فصبر فهو خير له .. وان اصابه خير فشكر .. فهو خير له ) النبي بيتعجب من المؤمنين بالله .. وبيقولهم ان كل اموركم خير ليكم .. لو كانت شر وصبرتم يبقي خير ليكم لان بالصبر هتدخلوا الجنه .. ولو كانت خير وشكرتم يبقي برضه خير ليكم ! لأن بالشُكر هتدخلوا برضه الجنه اذا في كلا الحالتين كُل امور البني آدم .. خير او شر .. خير ليه .. " فلما قالي الحديث وشرحهولي .. سألته وقولتله ازاي ادخل الدين دا ؟! رد الهندي وقاله : تشهد ألا اله الا الله .. وأن محمد رسول الله " فجيت لحد هنا علشان اقول اني عاوز ابقي مُسلم قدام كل الناس .. الشيخ قال : الله اكبر .. قول وريا : اشهد ألا اله الا الله .. واشهد أن محمد رسول الله .. ردد الأمريكي وقال بخشوع وهدوء : أشهد الا اله الا الله واشهد أن محمد رسول الله " وفجأه انفجر بالبُكاء ! وبكي يعيط زي الطفل .. فـ الشيخ قاله : بتبكي ليه ؟! قاله والله لأول مره فـ حياتي أحس ان الفرحه دخلت قلبي بالشكل دا .. أنا مبسوط . !
    ارضي بحالك ونصيبك و ابتسم يا صاحبي ..سواء حليت ف امتحان .. محلتش .. خير ليك .. حصلك مصيبه وصبرت خير... جالك رزق وشكرت .. خير .. كُل امورك خير .. واعرف ان ربنا بيبتليك بحاجه .. اذا بيحميك من شيئ اسوأ كان هيحصل .. لان ربنا اسمه اللطيف " يعني تبقي ماشي فـ مكان والمكان في حُفره ومتقعش فيها ! وبكدا ربنا لطف بيك .. ومُش بس كدا .. دا ربنا خفِي اللُطف .. يعني انت مكنتش شايف الحُفره اساسًا !! .. كتير جدًا ربنا نجاك وانت متعرفش ! .. ولما بتدعي بحاجه ومتتحققش .. تأكد تمامًا .. ان وقتها ربنا بيحميك من مصيبه .. وبيعطيك ثواب عظيم .. ويبدلك بشيئ اجمل من اللي متحققش.. سيدنا علي بيقول لما كنت بدعي ربنا بحاجه وتتحقق .. بفرح مره .. ولما متتحققش .. بفرح 10 مرات .. لان لما اتحققت كانت اختياري وطلبي ولما متحققش كانت اختيار الله .. وديمًا اختيار الله بيكون الافضل .. وسيدنا عمر بيقول ميهمنيش اصحي الصبح علي حاجه بحبها او بكرهها ! لاني معرفش الخير هيكون في اللي بحبه ولا اللي بكرهه .. تأكد تمامًا ان كُل امورك خير .. تأخير حلمك .. فقدانك حبيب .. مرضك .. كله خير وصبرك بيصُب في ميزان حسناتك وزي ما المواقف الصعبه بتعرفك صحابك الجدعان ولله المثل الاعلي بيحط عباده في مواقف صعبه علشان يعرفهم ويعرف مين العبد الجدع ويرقيه ويرفع مقامه عنده .. ولوكشة الاماني اللي نفسك تحصل باذن واحد احد هتحصل .. خلي ديمًا قصادك " ولسوف يُعطيك ربك فترضي " هيراضيك أصله كريم .. فُك أم التكشيره دي وقول الحمد لله وبطل زعل شويه .. هتتعدل وتبقي تمام .. ابتسم بقولك ! بدل ما اطلعلك م الشاشه واتشقلب قدامك زي البلياتشو ! .. الله .. اخيرًا يا أخي .. والله الدُنيا بتنور بضحكتك ;D !
    #الرضا .. ❤️
    #أحمد_أيمن ..
    ================================================
    مالك بس ؟! قلقان ليه كدا ؟! ..
    ايه رايك احكيلك حاجه لطيفه علي آخر الليل .. تنعنش قلبك وتروق بالك واعصابك ؟! :)))
    في واحد من أشهر علماء المُسلمين .. اسمه " الشيخ عبد السلام " كان من بلد اسمها القصيم في شمال السعوديه .. الشيخ عبد السلام في يوم كان بيحكي قصه ظريفه حصلتله وهو طفل في اللفه .. أبو الشيخ عبد السلام مكنش بيخلف ولما بقي عجوز ربنا رزقه بابن وسماه " عبد السلام " .. بس ابوه كان ديمًا مضايق انه خلفه متأخر وقلقان عليه من الدُنيا ومين هياخد باله منه من بعده وهو راجل عجوز .. سُنة الحياه العُمر خلاص فاضل فيه تخاطيف ! .. و من المعروف زمان ان كانت البيوت بتتبني بالطين .. وفـ يوم جه مطره شديده جدًا .. من قوتها كانت بتهد البيوت .. في نفس اليوم جار أبو الشيخ عبد السلام .. خبط علي الباب " تيك تيك تيك " .. ففتح الباب الراجل العجوز الطيب أبو عبد السلام .. لقي اللي بيخبط جاره .. فقاله والله المطره هدت بيتي ! ساعدني باي فلوس علشان ابنيه من جديد .. مترددش لحظه وقام دخل وجاب تحويشة عُمره اللي حاططها في كيس قُماش ! وادي لجاره نُصهم ! الجار خدهم وفضل يراقب ابو عبد السلام ويشوف هيحط الفلوس فين .. وفعلاً عرف .. وقال في باله انا لازم أسرق بقيت الفلوس دي .. بس ازاي ؟! انا مش عاوز شوشره .. الراجل عجوز ومقدور عليه انما مراته ممكن ترقع بالصوت وتجيبلي بلوه و تفضح الدُنيا .. والستات الحقيقه متتوصاش في الحكايه دي " يالهوتااااااااي ياخرااااابي " روحنا ف داهيه ;D .. فكر في فكره جهنميه بنت لذينا .. جه بالليل متأخر .. فتح شباك بيت ابوعبد السلام .. ومد ايده وخَد عبد السلام من سريره .. وحطه في جنينة البيت بعيد عن الباب بشويتين .. بحيث ان ام الولد تسمع صراخه فتخرج تجيبه .. يقوم الجار داخل قاتل الراجل العجوز وياخد القرشين .. فـ ام عبد السلام سمعت عياطه .. ف استغربت ايه يخرج الولد بره ! جوزها قالها روحي شوفي فيه ايه ؟! قالتله لاء تعالي معايا .. متفضلش لوحدك .. ابننا مبيمشيش ! ازاي يخرج لوحده ؟! اكيد في انه في الموضوع .. المهم خرجوا سوا .. والمطر شديد جدًا والبرد صعب .. واول لما خرجوا ولقوا عبد السلام .. البيت بتاعهم المطره هدته .. السقف اتطربق ! .. قالوا الحمد لله اكيد الملايكه هي اللي جت وانقذت ابننا وخرجته بره قبل لما يموت .. وفـ الليله دي باتوا عند ناس قرايبهم .. تاني يوم راحوا بيتهم يجيبوا عفشهم من هناك ... بيدوروا ف وسط العفش ويفتشوا .. لقوا جارهم واقع عليه السقف و ميت وماسك في ايده كيس الفلوس ! .. فعرفوا انه هو اللي دبر خطة خروج الشيخ ومراته علشان ابنهم .. ويدخل يسرق .. ومن يوميها ابو الشيخ عبد السلام بقي مطمن علي ابنه من بعده .. وان يستحيل يصيبه مكروه .. وان الدُنيا يستحيل تصيب البني آدم بشيئ اكتر من اللي ربنا كاتبه حتي لو مين مدبرله مكيده .. وكبر ابنه وبقي من اعظم علماء المُسلمين . !
    متقلقش ! متيأسش .. هينقذك وينجيك .. وهيطربق أحزانك .. ويهدلك قواعد الدُنيا ويجيب عليها واطيها ويفرحك .. ربك اللي خلي السكينه متدبحش سيدنا اسماعيل ! وخلي البحر ميغرقش سيدنا موسي .. وخلي النار متحرقش سيدنا ابراهيم .. وخلي الحوت ميموتش سيدنا يونس .. لا يُمكن يخذلك .. تبقي وسط المحنه وتحس انها اتنيلت بستين نيله .. وفجأه هتلاقي بصيص أمل وشُعاع نور بيخرجلك .. سيدنا علي كان ديمًا يقول ضيقي ضيقي حتي تنفرجي .. مهي لما تضيق قوي ! اعرف انها هتفرج قوي .. لما بتجيب فتله وتعُقدها علي ايدك وتفضل تشد وتشد وتشد .. بيحصل ايه ؟! الفتله بتتقطع !! كذلك لما تشد عليك الدُنيا اعرف انها خلاص نَفَسها قرب يتقطع وهتفرج .. والله .. هتعدي .. هتتحل .. هتتعدل .. متيأسش .. متنحنيش لشيئ .. اجمد بالله .. ربك قوي .. قادر علي كُل شيئ يا أبو قلب طيب :))
    #سلمها_لله .. <3 !
    #أحمد_أيمن ..
    ============================================
    أحد اصحاب النبي اسمه سيدنا عثمان بن أبي العاص كان في مكان في جسمه بيألمه ووجع شديد حصله ،، فذهب للنبي صلي الله عليه وسلم واشتكاله .. فـ النبي علمه دعاء يقوله واول لما قاله خف باذن الله .. فـ لما مكان في جسمك يألمك سواء بطنك او صُداع او اي شيء .. حط ايدك ع المكان اللي بيألمك وقول : بسم الله .. ٣ مرات .. وبعدين قول ٧ مرات : أعوذ بعزة الله وقدرته من شر ما أجد وأُحاذِر .. أعوذ بعزة الله .. يعني استعين وأستقوي بعظمة الله .. وقدرته : يعني قوة الله .. من شَر ما أجد : يعني من الوجع والألم اللي وجدته في جسمي .. وأُحاذر : يعني اخاف واحذر من اي وجع يحصل في المستقبل واضعاف الالم واعراض جانبيه أخري .. تقولها ٧ مرات ربنا هيشفيك باذن الله .. وخد بالاسباب علي راي المثل : لو راسك وجعاك كُل لها .. ولو بطنك وجعاك صوم لها .. وربنا يجعلك ديمًا بكل خير ان شاء الله :)
    احمد ايمن...
                  

12-04-2018, 10:54 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    بتشوف العروسه يوم فرحها وهي متصوره بالفُستان وواقفه ورا جوزها ومطلعه لسانها 😜 ؟! علي فكره هي متقصدش العِند هي تقصد ان بقي ليها ضهر بتتحامي فيه من الدُنيا .. لقت امانها .. لما اخوك الصغير يكون بيتضرب من حد فـ الشارع واول لما يشوفك جاي تنصره بيعمل ايه ؟! تلاقيه اشتد اوي وبدأ يضرب الولد اللي كان بيتضرب منه فقط علشان لقاك قُريب وهتدافع عنه .. شوفت مُحي الشَرقاوي ؟! لما كان واقف قُدام ابو موته .. ومحي ضخم بعضلاته الفشنك 💪.. فـ ابو موته اول لما شافه قال : هو الشرقاوي باعت لينا فاندام ولا ايه ؟! 😂💪وبدأ محي يقوله كِلمة السِر اللي كُلنا حفظينها .. يوم ورا يوم 💪 😂 .. محي الشرقاوي كان بتحامي ف عضلاته الوهميه صح ؟! ودي كانت مسبباله القوه انه يخوف اللي قُدامه ...طب انت ازاي تقوي علي الدنيا الصعبه دي ؟! اللي مينفعش يحميك منها حد ؟! سواء الهَم والغم والمشاكل والمرض وكل شيئ مُتعب ممكن تمر بيه ؟! ولله المثل الاعلي طبعًا : النبي قال من صلي الفجر فهو في ذمة الله .. يعني ايه ذمة الله ؟! يعني أمان الله وحمايته .. قوم اتحامي فـ ربنا وحس انه واقف جنبك فـ ضهرك وهيحميك ووالله لو نزلت صاعقه من السماء بعد لما انت تصلي الفجر ما هتصيبك بسوء ولا هتلمسك !! لانك فـحماية ربنا الاقوي من اي شيئ .. #صلاة_الفجر الله يقويك ويحميك من كُل شَر وصعب .. يوم ورا يوم ؟! 😂
    احمد ايمن
    =====================================

    في سلسلة مطاعم في السعوديه اسمها " البيك .. جُزء من الناس اللي فـ الصوره دي واقفين منتظرين دورهم علشان يشتروا منه !! سلسلة البيك فتحوا من كام يوم فرع جديد في مدينة ' البريدة ' وسائل الاعلام قالت ان المطعم إزازه اتكسر واتقفل ف نفس اليوم بسبب الزحام الشديد عليه .. انا كنت معتقد تمامًا ان المطعم بيوزع الاكل مجانًا بمناسبة الافتتاح طلع الامر مختلف والناس بتدفع فلوس وكمان اي حد رايح يحج او يعمل عمره تلاقيه لازم ياكل في البيك ! وكأن الاكل هناك جُزء من المناسك !! .. ايه سِر الزحمه دي ماشاء الله معقوله المطعم كويس للدرجادي ؟! القصه ان صاحب مطعم البيك كان بيطلع علي كل وجبه يبيعها المطعم ' ريال صدقه 'واما مات من سنتين اولاده بقوا يطلعوا ' ريالين ' علي كل وجبه .. ودا الدليل الفعلي والقاطع والواقعي الملموس لحديث النبي صلي الله عليه وسلم ' ما نقص مال من صدقه ' :)
    #الصدقه_بركه ..
    احمد ايمن
    =================================
    اصعب شيء ممكن تمر بيه : انك تقضي افضل فترات حياتك تعطي كُل طاقة الحُب اللي جواك للشخص الغير مُناسب .. والاوجع من كدا بقي : ان لما يجي الشخص المُناسب متلاقيش شيء تديهوله وتعامله معامله ميستحقهاش ومتعرفش تحافظ عليه لان جرحك الاول ضيع منك احساس الامان والثقه وكيفية العطاء .. و مشاعرك أصبحت مدبوحه فـ بقيت تإذي ناس بذنب ناس تانيه :)
    احمد ايمن
    =================================
    عارف يارب ؟!
    ' ما انت اكيد عارف يارب !
    .. انا لوحدي
    .. فـ ممكن لو ..
    .. تونسني ؟! .
    . مفيش ولا حد مَره اٍهتم ..
    بوقت منامي او لبسي .
    . ولا بيقوم فـ نُص الليل ..
    ويعمل لقمه من اكلي ..
    عارف يارب ؟!
    انا عُمري ما اتحبيت بجد
    .. وبكتب ليك وانا دمعى موازى الخَد
    .. وكُل صحابي مع اهلي
    .. ف وسط اللمه العُزله بتندهلى
    . فطالب تبني عندك بيت
    .. ويبقي بتاعي وباٍسمي ..
    يارب انا نِفسي ابقي صديق ..
    لواحد عُمره مايسبني ..
    .. وواحده اصيله بنت اصول ..
    فتلحِم كسري وتواسى
    وترفع شأنى وسط الناس
    وتبقى تاج على راسى ..
    عارف يارب ؟!
    ياما عملت ذنوب ..
    ندمان ونفسي أتوب ..
    فـاٍكتبني مـ الصالحين ..
    ياللي انت رب قلوب ..
    طبطب على ضلوعى
    يمكن حنينى يبوح بأوجاعه
    وأقدر أفضفض ف الدُعا حَبه
    واللئِم جروحى فـ قلبي كـ العاده ...
    وابنيلى بيت جوا حُضن سماك
    عارف يا رب انا نفسى يُوم
    اهرب من الدُنيا وأكون وياك
    #عارف_يارب ؟! :)
    #احمد_ايمن ..
                  

12-04-2018, 10:55 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    هو انا اعرف منين ان ربنا بيحبني ؟! اديني دليل او عَمل سهل اعمله يخلي ربنا يحبني ... وانا ف الكليه كنت معتقد اني أفشل طالب فـ الدُفعه مُش حافظ غير حاجات بسيطه من المنهج .. لكني كنت بتفاجئ ان اللي انا فاهمه من المنهج هوا اللي بيجيلي ف امتحاني بدون زياده او نُقصان اه كنت بعرق كتير واستغفر ٢٠٠ مره واوعد ربنا اتوب عن اي ذنب بس نجحني ياااارب أنا آسف 😂🙌 .. بطه بلدي فـ اللجنه 😂 والاقي ربنا يسهلي وينجحني ..في ناس مننا مُش حافظين سور كتير من القرآن " اللي هو المنهج " ! ويمكن يكونوا مبيصلوش غير بالسور القصيره زي ' قل هو الله أحد ' !! وحاسين ان ربنا مبيحبهمش معقوله سوره قصيره بصلي بيها هتنجحني وتخليني اكسب حُب الله ؟! صعبه اوي صح ؟ :)) .. النبي فـ يوم ارسل بعض اصحابه في مُهمه وعين عليهم قائد يصلي بيهم ولكن غريبه جدًا !! كان كل لما يصلي بيهم ميصليش غير بقُل هو الله احد في الركعه التانيه !! .. ف بعد لما رجعوا اشتكوا للنبي وقالوله لا يُصلي بنا الا بُقل هو الله احد يا رسول الله !!فالنبي قالهم اسألوه لماذا يُصلي بيها واخبروني فذهبوا وسألوه لماذا لا تُصلي الا بقل هو الله احد ؟! فقال : لانها صفه الرحمن .. انه واحد احد لا شريك له ' وانا احب ان اصلي بها .. فذهبوا للنبي واخبروه انه يقول انها صفة الرحمن ويحب ان يُصلي بها .. فقال لهم رسول الله اخبروا ذلك الرجل أن الله يُحبه .. ربنا بيحبك يا صديقي حتي بقل هو الله احد المهم تكون صادق مش شرط حافظ قد ايه المهم قلبك مُقتنع بايه لان ربنا رب قلوب #صلاة_الفجر الله يحبك ويرضي عليك يارب ويجعلك ديمًا مُنشكح ومزقطط كدهون 😄😂
    #ربنا_بيحبك :))
    احمد ايمن
    ===============================
    ممكن تكون غير راضي عن اوضتك مثلاً اخوك بينام جنبك ويرفص ومطلع عينك 😂.. مٌش عارف تاخد حريتك وترحرح 😂 .. مُش راضي عن بيتك .. شُغل والدك .. دخلك اليومي مُش عاجبك .. غير راضي عن حياتك تمامًا وبتتمني حياة تانيه .. انا في يوم من الايام شَعرت بعدم راضا عن شيئ عندي فـ ابويا حَس بكدا وقالي تعالي اتكلم معاك وهحكيلك حاجه قولته ماشي : قالي كان في راجل عايش هو ومراته وامه واولاده في اوضه واحده بحمام وبيطبخوا في نفس الاوضه ويناموا فيها ! تعب جدًا من حياته دَخله محدود مُش عارف يعيش ازاي !! فراح لشيخ يشكيله حالته .. الشيخ قاله : هات بقره وكلب وحُمار .. وخليهم يعيشوا معاك في نفس الاوضه وبعد كدا احولك هتنصلح .. استغرب الراجل جدًا !! ولكنه صدق الشيخ وسِمع كلامه وجاب بقره وكلب وحُمار وحطهم في نفس الاوضه اللي هو عايش فيها .. الراجل تعب جدًا : صوت البقره مُزعج !! الكلب بينبح طول اليوم . الحُمار بينهق !! راح للشيخ وقاله انا تعبان يا مولانا !! الحياه صعبه اوي مع الحيوانات دي كأني عايش فـ زِريبه !! .. قاله خلاص طلع البقره وخلي الحُمار والكلب .. وفعلاً عمل كدا وراح للشيخ بعد اسبوع زي ما اتفقوا فـ الشيخ قاله هاه ايه الوضع ؟! قاله احسن شويه يا مولانا بس انا قرفان من صوت الكلب والحُمار !! قاله خلاص متزعلش طلع الحُمار .. وفعلاً طلع الحُمار بره الاوضه .. وبعد يومين راح للشيخ قاله طمني عامل ايه دلوقت .. قاله عااال جدًا يا مولانا بس صوت الكلب مُقلق بس اهو احسن من الحُمار والكلب سوا .. قاله لا ياعم متزعلش طلع الكلب كمان من الاوضه .. قاله حاضر وفعلاً طَلع الكلب بره الاوضه وراح للشيخ قاله طمني عامل ايه دلوقت ؟! قاله يااااااه يا مولانا نعمه والله انا مرتاح جدًا الحمد لله كدا فُل .. قاله يا اخي !! مهي دي كانت حياتك وانت غِضبت ومرضتش بيها .. لو عِرفت ان ال الغيب هتختار الواقع وعمرك ما هتطلب يتبدِل .. كافح واشتغل وحاول تطور حياتك وتبقي افضل مُش عيب !! .. بس المهم تكون راضي لان الرضا باسورد الراحه النفسيه .. وتأكد تمامًا انك احسن من غيرك وخلي ديمًا عندك حِتة الرضا : وافرح انه اٍنت هو انت و غيرك يتمني يكون اٍنت .. وربنا قال : لو رضيت بالمقسوم هيرح عقلك وقلبك وبدنك وتبقي عنده محمودا :)
    #ربنا_يريح_قلبك :)
    احمد ايمن
    ======================================

    كتير مننا لو حد ابوه مثلاً قاله : تعالي يا فُلان عاوزك في موضوع : يبدأ يفتكر كُل المصايب والبلاوي اللي عملها ويقول بينه وبين نفسه : ياسوادك يا قرمط هو عرف ايه عني ؟! 😂 وبطنه تِقلب ووشه يبقي احمر وحالته صعبه وممكن يحبس نفسه ف الحَمام واخواته يعملوها علي نفسهم في الصاله عادي المهم محدش يطوله 😂.. او انتي مثلاً امك تعرف عنك بلوه من بلاويكي اللي ميعرفهاش غير ربنا فـ تتفزعي وتجري علي اوضتك وتأمني نفسك وتقفلي علي روحك وتقولي بصوت واطي يالهوي يا مصيبتي 😂 .. ربنا يستر علينا جميعًا .. طيب دا بالنسبه للدُنيا وفُرص النجاه من المُشكله كتير !! .. طيب ايه يحميك من النار يوم القيامه ؟! سمعت فيلم هاري بوتر ؟! اللي كان بيركب المقشه ويطير دا 😂 ايوه اللي معاه عصايه سحريه بتنور وتحميه صح ياعم ؟! .. ايوه هو ياسيدي :D ! .. اهو انت يوم القيامه : لو عملت حسنه وخير : الملايكه هتأمنك من النار ومُش هتخليك تشوفها ابدًا : ربنا قال وتتلقاهم الملائكه / يعني هتطمتهم وتهون عليهم الرُعب !! .. طيب انت هتكون فين ؟! هتكون في دايره ومعاك النبي صلي الله عليه وسلم وكُل الصالحين اللي زيك حتي ولو مليان ذنوب لو عملت خير واحد فقط لله ربنا هيحميك ومُش هيخزيك !! ربنا قال في القرآن : نورهم يسعي بين ايديهم وبأيمانهم .. نور حواليك وفي ايدك من نور الله بيحميك من النار انها تقربلك !! مُتخيل المشهد والنبي معاك والنور محاوطك كأنك في قوقعه زُجاجيه شايف النار وانت جواها ! بس متقدرش تقربلك ! مُهم انت جدًا عند ربنا وكأنك شغال أمين عام الامم المتحده ياخويا 😂 ! طيب ازاي أحصل علي النور دا ؟! ربنا قال للنبي : فيما معناه يا مُحمد بشِر اللي بيصلوا الفجر بالنور التام يوم القيامه : نور حواليهم يوم القيامه علشان صلوا الفجر مُتخيل ؟! يعني سلاح الحمايه ليك هو #صلاة_الفجر !! وربنا اسمه النور يعني نوره لا يهزمه شيئ ! قوم استمد طاقة القوه واحصل علي عصايتك السحريه اللي بتشِع نور !! لعلك تكون مع النبي في دايرة الناجين من عذاب النار ! ياسلام لو دا حصل ؟! دنا ممكن اولع في نفسي يوم القيامه من الفرحه :D .. جايلك يآآآآآ رب #فُريره 😂
    #الله_يحميك :)
    احمد ايمن
                  

12-04-2018, 10:55 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    ديمًا اسمع دُعاء بيقول : اللهم ردني اليك ردًا جميلاً .. يعني ايه الدعوه دي ؟! ايه هو الرد الجميل ؟! اوقات يقولك الشخص دا اٍهتدي ..لان ابوه مات او امه او جاله مرض خطير !! او قفشوه بيسرق شقة فتاب 😂 .. البنت دي رجعت لربنا لما اختها ماتت او صاحبتها او حبيبها غدر بيها او شافت الشاب اللي مرتبطه بيه بيعرف عليها بنات علي اساس انه كان ماسك جامع قبل كدا يعني 😂 ! .. واتجرحت وعرفت ان الدُنيا حق .. بس اٍتألمت وهي بترجع لربنا ورجعتله بعد وجع بقلب مكسور .. ودا رد شديد شويه .. بترجع لله ولكن بعد شِده ومحنه .. لكن ايه هو الرد الجميل ؟! الرد الجميل اللي بدون جرح جواك يألمك ويوجعك .. يكون شيئ بسيط يرجعك لربنا .. زي سيدنا الفُضيل بن عياض مثلاً .. كان بيسرق ف يوم ورايح يسرق بيت بينط من علي السور فجأه سمع الشيخ ف المسجد بيقول : ألم يأنِ للذين آمنوا ان تخشع قلوبهم لذكر الله ؟! مآنش الاوان بقي للي مُسلمين ومؤمنين بالله يرجعوا لربنا وقلوبهم تقربله ؟! .. فدخلت الآيه قلب الفُضيل ! فـ تاب وبقي من اصلح الصالحين .. الامام مالك تاب بسبب رؤيه شافها ،، اذا دا اسمه الرد الجميل تترد وترجع لله بدون جرح يوجعك ويشرخ قلبك .. يمكن لما تقوم دلوقت لـ #صلاة_الفجر تقرأ آيه من القران وتحسها مكتوبالك شخصيًا فـ يترمي فـ قلبك الايمان وترجع لله .. ممكن تسمعها من شيخ في المسجد لعل ربنا عاوزك تشوف الكلام دا لانك لو نفذته وقومت هتبقي طاهر ونقي من كل ذنب وهترجع لله زي يوم ما ولدتك امك بدون اي جرح او اي ذنب !! ياسلام صدقني والله ممكن يحصل وادعدي ديمًا و قول : اللهم ردني اليك ردًا جميلاً . #ربنا_يحبك .. #يا_حرامي_الشُقق 😂😄
    احمد ايمن
    =============================
    انا عندي ايمان و يقين اٍنك .. دا لايُمكن أبدًا هتسيبني .. أنا واثق فيك أوي دا لاٍنك .. طيب وحنيِّن يا خالقني .. انا أُقسم بيك .. بتمني أرضيك .. انا ايوه عاصيك .. ولكِني بحبك صدقني .. فـ نا هبقي صريح .. انا قلبي جريح .. أفراحي دي ميح .. أنا بغرق فـ الدُنيا اٍلحقني :) !
    احمد ايمن
    =================================

    أنا ممكن اتقبل اي عيب فـ الشخص اللي قدامي .. لكن اكتر شيئ لا اتقبله ان الشخص دا يكون كذاب .. بيبقي شَبه السِبحه لو سَقط منها خَرزه بتتفرط كُلها تلقائيًا وتفقد قيمتها .
    احمد ايمن
    ===================================
    البوست دا انا بكتبه كُل عيد .. وفخور جدًا بالموقف اللي حصل فيه ..والدتي بتحكيلي اٍنها اول لما اتجوزت من سنين طويله .. اول عيد مَر عليها في بيت والدي .. قامت بعد الفجر .. و هي كانت متعوده في بيت اهلها يصلوا العيد ويصحوا بدري .. فـ اول لما صحيت لقت جدي ابو الدي نايم وام والدي وابويا نايم .. كُل اهل البيت نايمين ! طلعت في الڤرندا لقت الناس كُلها ماشيه في الشوارع بتكبر ففضلِت تبكي ! فـ ابويا خرج من اوضته يشرب فـ بيبص لقاها واقفه بتعيط فقالها ليه بتبكي ؟! مالك حصل ايه ؟! قالتله محدش صحي يصلي العيد .. البيت كُله نايم .. وانا متعدوه نصلي العيد عند اهلي من طفولتي ومش حاسه هنا بالعيد ولا فرحته .. فـ ابويا اٍبتسملها وقالها طيب متزعليش وقام بايس راسها وحضنها .. ودخل اتوضي بسرعه ولبس وخلاها تلبس وخدها ونزلوا صلوا العيد وعاهدها انه مُش هيعدي عيد عليهم الا لما يصلوه سوا وكُل اهل البيت يكونوا صاحيين .. وبقت عاده عند ابويا وامي واهل البيت لحد الان .. وعاهدنا امي اننا نصلي العيد ديمًا طول العُمر مع اولادنا وزوجاتنا ان شاء الله .. أمي كُل لما تحكيلي الموقف دا تبكي من الفرحه لما ابويا جبر بخاطرها رغم ان الامر بسيط الا ان أمور ممكن نشوفها تافهه وعاديه لكنها بتفرق جدًا عند الست .. صلوا العيد وكبروا طول الطريق .. سُنه عن الرسول واصحابه .. اٍسعدوا أهلكم .. لان خيركم .. خيركم لاهله :) !!
    #يا_صلاة_العيد :D ! :))
    احمد ايمن
    ===========================================
    لما تدخل المطبخ فتاكل قبل لما ماتك تحضر السُفره تلاقيها تعمل ايه ؟! ممكن تحدفك بالمعلقه او بالطاسه .. اي حاجه تيجي قدامها علشان تخرجك برا صح 😂 .. وانت اول لما تحدفك بتعمل ايه ؟! اكيد بتوطي راسك عشان متجيش فيك.. ساعات تلاقي ناس تعرفها لسانهم طويل وديمًا بيطلعوا من بقهم كلام زي الطوب مهماش عارفين بيقولوا ايه ...ناس مندفعه وممكن بقصدهم او بدونه ميكونش عندهم مُراعاة لمشاعر الاخرين .. دول نعمل معاهم ايه ؟! سيدنا عمر قال : اذا سمعت كلمه مؤذيه فطأطأ لها رأسك حتي تتخطاك .. سمعت كلمه من حد بتأذيك وطي راسك كأنها طوبه محدوفه فيك او شبشب السِت الوالده 😂 وخليك موطي راسك لحد لما تحس ان الكلمه عدت من فوقك ومجتش فيك .. موجعتنيش .. لا دي وجعتني 😂
    #هترتاح :)
    احمد ايمن
                  

12-04-2018, 10:56 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    كل انسان مننا بيستمتع بالحاجه اللي بيعملها بطريقته .. مثلاً انا شخصيًا احب وانا باخد دش افتح بوقي وأملاه ميه وافضل اعمل غرغرغرغرغرغرغرغز 😂 .. انت ممكن تكون مُتعتك ف السندوتش انك تغرقه كاتشب ومايونيز من اللي علي طرابيزة المطعم هو مش حبًا في الكاتشب والمايونيز اكتر من حُبًا في انك تخلصهم لصاحب المحل عشان تحس انك مبتتفعش فلوس ع الفاضي يا لئيم 😂 .. قرأت عن احد السلف قال جُمله عجيبه .. قال ؛ لُكلٍ مِنا مُتعته ومُتعتي في صلاة الفجر ! ياسلام يعني كل انسان لُه متعه ف الامر اللي بيعمله وانا مُتعتي ولذتي بتكون في صلاة الفجر ! تعرف تحس بكدا ؟! ليا واحد صاحبي بيحب الشيكولاته اكتر من خطيبته 😂 .. بيقولي وانا بصلي بحس اني بستمتع اكتر من مُتعتي في اكل الشيكولاته .، مفيش لذه احلي ولا اطعم من انك تكون مع ربنا .. قوم ل #صلاة_الفجر وحس انك رايح تستمتع وتغير جو اتنفس بعُمق وقول يارب والله ثم والله هترتاح يا صاحبي .. الله يحبك ويراضيك .. :) ... #غرغرغرغرغرغرغرغر 😂✌️
    احمد ايمن
    ======================================
    ابويا قالي : شخص مريض اللي لما يرتبط بواحده يفضل يسألها ويحاسبها علي ماضيها قبل ما تعرفه .. الحياه بينهم بتتولد من جديد مع اول يوم بيدخل فيه بيتها وملوش اي علاقه بالماضي .. مُش مهم الانسان زمان كان ايه .. المهم دلوقت .. الانسان العاقل بس اللي يفكر كدا علشان ميتعبش وطبعًا دا مُش مبرر انها تعيش حياتها وتغضب ربنا لحد لما تتخطب لان محدش فينا ضامن عُمره .. انا قولت كدا لامك يوم ما خطبتها .. ميهمنيش اللي فات من حياتك يهمني اللي جاي وانتي معايا .. ومن هنا نبدأ حياتنا بحلوها ومُرها .. نقرأ الفاتحه ؟! وقرأ الفاتحه وأمي قالت آمين :)
    احمد ايمن
    ==========================================
    عارف ما تكون جاي من السفر او من مشوار مُعين ومعاك هدايا لاخواتك .. فيعرفوا انك علي سلم البيت .. بيعملوا ايه ؟! بيزقوا بعض ويجروا علشان اللي يوصل ليك الاول ويقفش اي حاجه من معاك 😂..النوع دا في البيت عندي عيال شقيه بنت لذينا 😂 .. وفي يوم من الايام حصل نفس الموقف بس مع الملايكه .. ازاي ؟! النبي في يوم كان بيصلي بالصحابه وبعدين رفع من الركوع وقال : سَمع الله لمن حمده .. فـ واحد من الصحابه قال دُعاء بصوت عالي من شدة اعجاب الملايكه بالدُعاء وانهم لاول مره يسمعوه !! بقوا يسابقوا بعض مين يكتبه الاول في ميزان حسنات الصحابي اللي قاله !! تخيل ؟! والنبي انبهر واُعجب جدًا بالدُعاء ! وبعد الصلاه قال من قال هذا الكلام ؟! فواحد من الصحابه قال انا يا سول الله .. ف النبي قاله والله اني رايت ثلاثون ملكًا يتسابقون علي من يكتبه اولاً !! عارفين قال ايه لما النبي قال : سمع الله لمن حمده ؟! قال : ربنا ولك الحمد حمدا كثيرا طيبا مباركًا فيه .. ياسلام عليها حسنات ياما لانها عجبت رسول الله والملائكه ياريت تقولها وانت بتصلي وتخيل الملائكه المخلوقه من نور جميل وطايره بجناحتها حواليك وبيتسابقوا مين يكتب الاول في ميزان حسناتك .. تخيل كمية الاهتمام بيك وبكلامك ؟! ياسلام .. احساس رائع .. صلاة الفجر الله يكرمك يارب :)
    احمد ايمن
    ===========================================
    اوعي تفتكر ان الشخصيات اللي مبتهتمش بكلام الناس وبتطنش آرائهم فيهم كانوا كدا ؟! بالعكس .. دول كانوا بيحافظوا جدًا علي تصرفاهم .. بس اكتشفوا انهم بيتعبوا نفسهم ع الفاضي وان رضا الناس فعلاً مُستحيل .. فقرروا يعيشوا ويعملوا اللي يعجبهم حتي ولو فـ نظر الناس عيب !! المُهم يكون في نظر الله مهواش حرام .. تحيه لكل اللي كبروا دماغهم 👍 ويارب الناس اللي بتتأثر بكلام الناس ربنا برزقهم برود فريزر لـ اعصابهم 🙌 :)
    احمد ايمن
    ===========================================
    مُش مهم انت كُنت ايه زمان او الغلط اللي غلطته .. المُهم انت ايه دلوقت وانك بطلت غلطك وبقيت بني آدم مُختلف .. كُلنا بنغلط .. بس افضل الناس هو اللي بيغلط ويعترف بغلطه ويتوب عنه وميكررهوش .. صدقني #انت_كويس :) !
    احمد ايمن
                  

12-04-2018, 10:56 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    اللهم ارزقني صديقًا صالحًا .. وحبيبًا مُخلصًا .. وقلبًا مؤمنا .. ورزقًا واسعًا .. وانزع من قلبي كُل مالا تُحبه ولا ترضاه .. وارزُقني حُبك وحُب كُل من يُحبك يا الله <3
    احمد ايمن
    =====================================
    أسوأ شيء لما تتمني حاجه طول حياتك ومتجيش وتيجي وقت لما تكون كرهتها وزهدتها ومبقاش عندك الشغف ليها زي زمان .. زي بالظبط الدوا لما يجي للمريض بعد وفاته .. ملهوش لازمه :) !
    #فقَدر_القلب_اللي_يحبك ..
    #قبل_فوات_الأوان :) !
    ======================================
    لما الواحد مننا بيتعب بيروح الصيدليه يجيب دوا وياخده ويوم والتاني ويبقي زي الفُل او لما بتحب واحده بتفضل تهتم بيها وتقولها " هل تؤمنين بالحُب من اول نظره ؟! ولا تحبي آخد لفه واعدي عليكي كمان مره " 😂✌️ وتبدأ ترسم نفسك وتلبس اللي ع الحبل 😂 وتعزمها وتدفع دم قلبك لعلها ترضي عليك .. وهي متعرفش انك لابس بوكسر اخوك ولما تروح هيعلقك علي باب الشَقه 😂 ... وكمان قايل للجرسون في ودنه لفلي الأكل وهتوصلها وترجع تاخده عشان تتعشي بيه 😂 ! " #احم__احم .. باشا باشا يعني " 😂 .. المُهم انها ف الآخر هتحبك بعد مُحاولاتك الجُهنميه للفت انتباهها .. اذا كل شيء بنعمله بيكون لُه وقت وفتره وبُنائًا عليه يحصل نتيجه .. بس الامر مُختلف تمامًا مع القرآن الكريم .. ربنا بيقول ( ونُنزل من القرآن ما هو شفاء ورحمة للمؤمنين ) شوف الدقه الرهيبه والمُتناهيه في صياغة الآيه واختيار ربنا لكلماتها ! قال شفاء ! ومقالش دواء لان الدوا بياخد فتره لحد لما يجيب نتيجه .. اما الشفاء معني ذلك انك خفيت خلاص وبدون اي آثار جانبيه .. شفاء ورحمه من القرف والتعب والهم والمشاكل ووجع القلب .. لمين يارب !؟ قالك للمؤمنين بالله .. وانت قايم دلوقت تصلي اكيد هتقرأ الفاتحه وهتعالجك وتشفيك من كل اللي بتمر بيه .. تشفيك من ادمانك لحب شخص جِبله مبيحسش بيك .. تشفيك من تعلقك بذنب معين .. من مُشكله ارهقتك .. من وجع دمرلك حياتك .. اول ما هتتوضي وتبدأ الصلاه هتبدأ مرحلة الشفاء تدريجًا وتخرج بعد الصلاه بني آدم تاني هادي ومُطمئن .. ومش بس كدا ربنا بيقول في القرآن ( ان قرآن الفجر كان مشهودا ) يعني القرآن اللي انت بتقرأه في صلاة الفجر بيقي في حد حاضر وبيسمعه منك .. مين الحد دا ؟! الملائكه ! المخلوقه من نور الله الجميل الطيب .. بترفرف بجناحتها حواليك وتسمعك وتروح لربنا تقوله وتشهدلك انك صليت وقرأت القرآن ووقتها ربنا يفرح بيك ويباهي بيك الملائكه .. فرصه ما بعدها فرصه لعلها تكون سبب حُب الله ليك ويقرر انك من اهل جنته !! .. قوم ل #صلاة_الفجر وربنا هيريحك بعدها ويطمنك صدقني :)
    #قوم_صلي ..
    ياحرامي البوكسرات 😂
    احمد ايمن
    =======================================
    لما الزمالك كِسب الاهلي .. افتكرت آيه من القرآن كنت بقف قدامها مذهول ومش قادر اعرف حلها .. وصلتني لشك فـ نفسي رهيب !! .. ربنا بيقول فـ القرآن " كل يومٍ هو في شأن " قولت معقول يكون ربنا كل يوم فـ حال وبيتغير ! مستحيل .. اكيد ليها تفسير تاني .. لقيت ان ربنا بيقول علي الانسان " كل يوم هو فـ شأن .. كل يوم ربنا بيغير احوال العباد وشؤنهم ! تسمع يقولك " سُبحان المُعز المُذل أو سُبحان مغير الاحوال ! " .. ساعات تلاقي راجل طول عمره غني وبقي فقير .. او انسان مريض وخف او سليم وتعب ! .. وواحد فقير بقي غني وتقول الراجل دا اغتني فجأه .. اذا " كُل يومٍ هو في شأن " يعني العباد كل يوم ربنا بيغير احوالهم واوضاعهم .. مستحيل هتفضل تعيس علي طول ! اكيد ربنا هيفرحك ويسعدك .. اذا الله يُغير ولا يتغير .. والاهلي فاز ديمًا علي الزمالك .. اتغير حاله المرادي علشان الآيه تطبق ويتهزم وينتصر الزمالك .. ودي سُنة الحياه .. فتأكد تمامًا ان حالك الحزين هيتغير وتكون فرحان فـ اقرب وقت !! #ربنا_كريم .. :) !
    #هتبقي_بخير ^^
    احمد ايمن
                  

12-04-2018, 10:57 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    همسحلك عرقك بـ تشيرتي .. وأدعيلك ديمًا .. اذا صليت .. نغسل سجاجيد العيد مع بعض.. ونرتب سوا كراكيب البيت .. واللي يقولي انت اتجننت ؟! راح أرد واقول لاء .. دنا حبيت ! <3
    #ايوه_إتجنيت !!
    #شويه_موده 😂
    ================================
    #البوست_دا_هيريحك :))
    لو انا مش قادر اسامح اللي ظلمني كدا ربنا مش هيغفرلي ذنوبي النهارده !؟ ساعات تلاقي بنت قلبها مكسور من حد ظلمها .. او شاب اتغدر بيه من ناس قريبه منه وظلموه ومعندوش مقدره انه يسامح .. اقولك دي حريتك الشخصيه تسامح او لاء .. حديث المُتخاصيمن مبتتقبلش اعمالهم ف عرفات اولاً حديث غير صحيح .. ثانيًا لو كان فرض عليك انك تسامح مكنش ربنا قال : ولا تحسبن الله غافلاً عما يعمل الظالمون انما يؤخرهم ليوم تشخص فيه الابصار .. يعني عيونهم هتبرق ومش هيقدروا يرمشوا من ذهول المشهد يوم القيامه .. فـ اذا انك تسامح او لاء دي حريتك الشخصيه .. ولو سامحت ربنا هيجازيك خير ولو مسامحتش ربنا هيجيبلك حقك في الدُنيا او فـ الآخره .. لان يوم القيامه في وقت ربنا هيوقف الظالم والمظلوم والمظلوم يقتص من الظالم وياخد حقه ! مبتشوفش حد يقولك قلبي غضبان عليك ليوم الدين .. اذا مهواش شرط تسامح مادام قلبك مش قادر وباذن الله ربنا هيغفر ذنوبك فـ عرفات ماعادا اخطائك فـ حق الناس .. طيب افرض انا ظلمت حد وعاوز اكفر عن غلطتي ومش قادر اوصله او اخليه يسامحني ؟! عندي حل يا صديقي .. اللي انت عملته ف حقه ظلم وعليه ذنب .. اعمله خير وكدا يبقي حسنه والحسنه تكفر الذنب يعني " طلع صدقه باسم الشخص اللي ظلمته .. ادعيله بالرحمه والمغفره " ودعوتك وصدقتك قصاد ظلمك وربنا هيجعله يسامحك يوم القيامه باذن الله .. :)
    وكُل عام وانت طيب يا طيب ^^
    احمد ايمن
    ===================================

    اكتر حاجه كنت بكرهها ف العيد وانا صغير ان امي تقولي هات فلوس العيديه احوشهالك ! وكنت بصدق ومبشفهمش تاني .. بتفكرني بأم اللمبي ياض دنا بحوشهملك عشان تتجوز نوسه .. أحبيبتي أماما وانا اللي كنت فاكرك حراميه 😂 .. كل انسان مننا مبيضمنش يتردله اللي اعطاه لغيره مبتضمنش اللي اديته قلبك هيحافظ عليه ولا لاء .. ادينه فلوسك هيردها ولا لاء .. الا ربنا تبارك وتعالي اسمه الحافظ بيحفظ حاجتك ومبيضيعاش ابدًا .. تدعيله بيحفظ دعوتك عنده انت تنام وتنسي وهو بيدبرلك ازاي يجيبهالك بطريقه شيك وتبقي صالحه .. كُل منتج له تاريخ صلاحيه الا منتج الاجابه تاريخ صلاحيته مبينتهيش .. افضل مكان تدعي ربنا ليه هو السجود .. ربنا بيأجل امنتيك بس مبينسهاش .. بيحوشهالك بس هيردها حقيقه .. ( وقال ربكم ادعوني ) ايوه يارب هدعيلك وكأن الدعوه ماده خام بتدخل في مصنع استجابة الدعاء تتصنع وتطلع مُنتج صالح .. هيحصل ايه يارب لما ادعيك ؟! قال ( استجب لكم ) قوم ارمي حمولك ف سجدة #صلاة_الفجر ياجدع وربنا هتُستجاب بس خليك واثق ومتاكد ان ربنا مبينساش وانك لو عرفت ربنا بيدبرلك ايه ف علم الغيب .. هتجعر من كتر الفرحه وتقول #عااااااااا 😂 ياحبيبي يارب .. صدقني يُحكي ان حلمًا جميلاً تحقق بالدُعاء .. قول يارب :) !
    #وهسدد_فلوسك_يا_نعييييم ✌️
    #أجا_أجا_أجا_أجا 😂
    احمد ايمن
                  

12-04-2018, 10:58 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    الي الزوجه اللي معرفهاش ..
    رساله مِني فاٍهتمي ..
    ..
    انا بَكره سيرة البُعد ,,
    او اٍنك عايزه تفارقي ,,
    من وانا عيل فـ حضانه ,,
    وانا بشبط ديماً فـ امي ,,
    بتقول هتروح مشوار ,,
    اللحظه فـ بُعدها نار ,,
    واقولها هاجي معاكي ,,
    فتقولي انا رايحه أعزي ,,
    افضل اعيط واتطنطط ,,
    وفـ سور البيت بتشعبط ..
    ملهوف علشان سيباني ..
    وبكل برآءه بغني ,,
    ماما زمانها جايه ,,
    جايه بعد شويه ,,
    مهموم بحلم بوصولها ..
    واقف علي نار مستني ,,
    يغلبني النوم فـ الشَقه ,,
    مُجهد وحزين مـ الفُرقه ..
    نايم مفرود فـ الصاله ..
    ودموعي مغرقه خدي ,,
    فكبرت كرهت الغيبه ,,
    بطريقه بجد عجيبه ,,
    فبلاش ياحبيبتي بعادك ,,
    أصلي بحسك زي أمي !!
    #أصلي_بحسك_زي_أمي .. <3
    #أحمد_أيمن ..
    ================================
    ساب ايديها عشان لقاها .. بنت مبتعصاش خالقها .. رافضه يتكلم فـ حاجه .. اٍلا لما يكون حلالها .. مستحيل تقبل تكونله .. سِلعه تُستهلك شويه .. يالي صاينه وحافظه نفسك .. : اٍنتي جدعه و 100 .. 100 :) !!
    ================================
    لما تيجي تدعي ربنا بالجنه متقولش " يارب دخلني الجنه " لان كُل المُسلمين هيدخلوا الجنه .. بس منهم اللي هيدخل بعد لما يتعذب فـ النار تكفيرًا عن الذنوب اللي عملها ! ولكن قول " يارب أدخلني الجنه بغير حساب ولا سابق عذاب "
    ===================================
    قسمًا بالله ربنا قادر ،،
    يفتحها عليك ويزيح همك ،،
    ولكنه بيقيس ايمانك ،،
    وبيعرف كام درجة صبرك ..
    ربنا سبحانه ماهوش غَرضه ،
    ياخد م الواحد وميديش ،،
    وبياخد بس عشان يدي ،،
    الحاجه الحلوه اللي متأذيش ،،
    فنصيبك متقسم ديمًا ،،
    والرزق هتاخده فصدقني ،،
    هيجيلك يوم مليان بالخير ،،
    وتقول ربنا اللي رزقني ،،
    انا عايزك بس متستعجلش ،،
    وتقول علي ربك إنه ناسيك ،،
    انت اللي اكيد مُهمل وناسيه ..
    قال عبدي إدعيني فـ لحظه اعطيك ،،
    عُمرك فكرت ف وقت الآه ،،
    وانت موجع من جواك ،،
    كام محنه وازمه عليك مَرِّت،،
    ربنا كان جنبك نجاك ؟!
    ربنا علي عرشه بيراقب ،،
    ويشوف الناس واللي مدرياه ،،
    وبيرزق ده .. وبيحرم ده ،،
    حِكمته قادر .. سُبحان الله !!
    يهديك المال ياخد الراحه ،،
    يهديك العيل ياخد المال ،،
    يهديك العيل والصحه ،،
    وقصادهم ياخد راحة البال ،،
    كُلنا متقسمه ارزاقنا ،،
    ١٠٠٪ ومظبوطه ،،
    الدنيا بروڤه و مُش اكتر ،،
    حدوده و اصلا ملتوته ،،
    فإرضي بنصيبك واتهني ،،
    الدنيا اساسا فيلم سخيف ،،
    دي حياتك اصلا ف الجنه ،،
    فإعتبر إنها اوقات تخاريف ،،
    وضميرك طول مهو بيعاتك ،،
    ويلومك ديما علي ذنبك ،،
    اقدر دلوقت إني أقولك :
    مبروك يا صديقي ..
    إنت نضيف..
    #قسمًا_بالله ^^
    #أحمد_أيمن
                  

12-04-2018, 10:59 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    متحسدش نفسك .. ياعم دنا فلوسي كتير دنا صحتي حلوه دنا خاطب بنت زي الخاتم ف صباعي !! .. متبقاش مدب وتحسد روحك .. هو الواحد ممكن يحسد نفسه ؟! ايوه طبعًا ممكن انت مقرأتش فـ القرآن ربنا بيقول " ولولا اذ دخلت جنتك قُلت ماشاء الله " ! يعني لو كنت دخلت الحديقه بتاعتك قولت ماشاء الله مكنتش اتدمرت تاني يوم وزرعها اتدمر وكُل حاجه فيها انهارت !! اذا لابد قبل لما تتكلم قول " ماشاء الله " علشان متبقاش حسود لروحك وانت منتاش حاسس " ماشاء الله موبايلي جميل .. ماشاء الله خاطب بنت بتصوني .. ماشاء الله مرتبطه بواحد مطلع عين ابويا :D .. وهكذا .. طيب افرض بخاف من حسد الناس ؟! وانت عارف يابو ايمن الناس عيونها تتدب فيها رصاصه ! اذا " قُل اعوذ برب الفلق " متفارقش تشوف حد يقولك موبايلك حلو او اي حاجه عندك يجيب سيرتها اقرأ " قل اعوذ برب الفلق " مش هيحصلك حاجه .. عارف افلام الانمي " لما تلاقي الساحر يعمل دايره عازله وهو جواها اي حد ميعرفش يدخلها ؟! اهو الدايره العازله علي حاجاتك اللي محدش يقدر يخترقها " قُل اعوذ برب الفلق " تمام ؟! طيب افرض عندي حِلم معين عاوزه يتحقق او ماشي فـ مصلحه .. اذا متحكيش لان النبي قال " استعينوا علي قضاء حوائجكم بالكتمان " اذا محدش يعرف عنك حاجه .. صدقني حتي الاحلام بتتحسد .. مقرأتش ف القرآن ابو سيدنا يوسف وهو بيقول " لا تقصص رؤياك علي اخوتك فيكيدوا لك كيدا ؟! متحكيش حلمك لاخواتك علشان ميحصلكش سوء منهم !! وفعلاً محكاش والحِلم اتحقق وبقي وزير الاقتصاد واتجمع هو واهله من جديد :) !
    #ماشاء_الله ..
    #قل_اعوذ_برب_الفلق
    #خليك_كتوم ..
    احمد ايمن
    ==========================================
    إكفيني شَر الانتظار .. في حاجات مهاش جايَّه .. واكفيني شَر الفرحه .. لو ناقصه مُش دايمه .. واكفيني شَر الاحتياج .. والذُل لو حبيت .. واغفرلي لو قصرت .. وابنيلي عندك بيت 👐
    #يارب
    ========================================

    أكتر شيئ منتشر من بعد ظهور الانترنت والموبايلات الحديثه .. انك بتخرج مع صحابك عشان تقعد مع موبايلك !! .. كُل ما حد يكلمك وشك فـ الموبايل وتهز راسك علي اساس انك بتسمعه .. لكن مبتبصلوش ولا بتعطيه اي اهتمام .. النت ووسائل الاتصال الحديثه جميله جدًا بس متخليهاش تقربك من البعيد وتبعدك عن القريب " فين مراتك من حياتك ؟! اهلك ؟ صُحابك .. النبي صلي الله عليه وسلم لو حد كلمُه كان يبص فـ عنيه ويبتسم ويسمعه باهتمام شديد .. حتي القرآن الكريم امرنا بكدا .. من وصايا سيدنا لقمان لابنه في القرآن " ولا تُصَعر خدك للناس " متبعدش وشك عن الناس وتتجاهلهم .. تلاقي اخوك او ابنك يجي يكلمك .. يفضل ماسكك من دقنك من اجل انك تبصله !! ..للاسف دا بيدل علياحتقارك وقلة اهتمامك باللي حواليك !! " مبقولكش متقعدش ع النت .. بس زي ما انت ليك حقوق فيهم .. هما كمان ليهم حق عليك !#حق_الاهتمام ! .. ونصيحه مني لو بتكلم حد شات مثلاً او فـ الحقيقه ... وعاوز تعرف هو مركز معاك او لاء .. اتكلم فـ موضوع جد مفهوش ضحك او هزار وفجأه في وسط الكلام اضحك " ههههههه " لو لقيته ضِحك اديله علي قفاه ✋ علشان يتعلم يركز معاك بعد كدا .
    ==========================================
    اما يكون عندك بنطلون بتحب تلبسه ويقع عليه وليكن " حِبر " .. تلاقي واحد صاحبك بيفهم في كل حاجه .. العبقري .. كلاوي 😂 .. يقولك الحِبر بينضف بحاجه واحده بس .. نقطة " تِنر " ماده من مُشتقات البترول .. وفعلاً بنقطه بتلاقي الحِبر يختفي تمامًا .. سيدنا زكريا كان راجل عجوز عدي الستين سنه .. دعي ربنا إنه يرزقه بالولد وقال يارب انا جسمي وعضمي مبقاش قوي زي شبابي وشعري بقي كله ابيض فإرزقني بن اتسند عليه .. دعي .. ووثق وأحسن الظن بالله لانه قال لربنا كمان مواصفات الابن اللي هو عاوزه مش اي بن وخلاص ! .. ربنا بيقول ( فأصلحنا له زوجه ) من العلماء اللي قال ان زوجته عجوزه مبتخلفش فربنا اصلح جسدها بإنه يتقبل الخِلفه .. ومنهم قال ان زوجته كانت سيئة الخُلق صعبة الطباع فربنا اصلحها وهداهاله .. وفعلاً ربنا استجاب لُه ورزقه بسيدنا يحي شوف ربنا قاله ايه ( يَا زَكَرِيَّا إِنَّا نُبَشِّرُكَ بِغُلامٍ اسْمُهُ يَحْيَى لَمْ نَجْعَل لَّهُ مِن قَبْلُ سَمِيا ) يازكريا أبشر وافرح انت هتخلف ولد مفيش زيه لا شكل ولا اخلاق ولا اسم .. يحي ! .. شوف كمان سيدنا زكريا بقي مذهول ومتعجب !! وبيقول يارب ازاي يكون عندي بن وانا وزوجتي في الحاله اليؤس منها دي .. قام ربنا رد عليه وقاله ( قَالَ كَذَلِكَ قَالَ رَبُّكَ هُوَ عَلَيَّ هَيِّنٌ وَقَدْ خَلَقْتُكَ مِن قَبْلُ وَلَمْ تَكُ شَيْئًا ) ايوه يا زكريا ربنا قال انك هتخلف وهتخلف والامر دا سهل عندي وبسيط جدًا وانا خلقتك وانت قبل ما اخلقك مكنتش اي شيء اصلاً وجعلت فيك الروح .. وفعلاً ربنا صدق في وعده ورزقه بالولد الصالح .. ف زي ما التِنَر هو الحل الوحيد للبنطلون .. كذلك السبيل الوحيد لفتح باب رزقك هو انك تخبط علي باب ربنا وتلجأله وتثق فيه .. وصدقني ربنا هيصلحلك قلب اللي بتحبه وهو مش حاسس .. ويهدهولك مهما كان سيء الخُلق او صعب معاك وقليل الاهتمام .. ويرزقك بالسعاده والذريه الصادقه .. وهيحقق جميع ما تتمني واكتر .. ربنا سُبحانه كريم معنهوش مستحيل .. واللي يقولك مستحيل .. قوله : و علي كل شيء قدير .. متيأسش ارجوك ربنا رحيم وعالم بيك .. هيفرجها من وسع .. #الله_كريم :))
    #أبشر_يا_كلاوي .. 😂
    احمد ايمن
                  

12-04-2018, 11:00 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    بلاش تتخلي عن حلمك علشان خاطر حد .. مهما كان الحِلم دا ايه ( حُب .. دراسه .. سَفر .. اي شيء ) متخليش حد يأثر وتصالح مع نفسك .. ومش مهم رضا المُجتمع المُهم رضا رَب المجتمع .. هقولك حاجه ممكن تشوفها تافهه " وانا في ابتدائي كنت بحب النبي جدًا ومُتعلق بيه .. فـ ابويا قالي ان المُهندس المَدني بيبني بيوت .. فكان حلم طفولتي اني اطلع مُهندس مدني علشان أبني بيت للنبي فـ الجنه " حِلم وتفكير طفل " جيت فـ يوم مكنتش عارف أصلح جهاز الكمبيوتر بتاعي كُنت فـ 3 اعدادي فواحد قالي انت فاشل .. ف تخليت عن مدني رغم اني كنت جايب مجموعها و دخلت حاسبات علشان ابقي مهندس كمبيوتر وأثبتله إني مُش فاشل .. وأثبتله انك مُش فاشل ؟! لا .. دخلت بس ..
    ======================================
    خسرت حبيب ؟! خسرت ايه ؟! قسمًا برب الكعبه ربنا هيعوضك بأحسن واجمل من اللي انت خسرته : سيدنا موسي لما راح يتعلم من سيدنا الخِضر .. وهُما في رحلتهم سوا وسفرهم .. سيدنا الخِضر لقي شوية عيال بيلعبوا وبدون انذار ولا سابق مُقدامات جري علي طِفل من الاطفال الموجوده وقتله !! فـ سيدنا موسي اتصدم ازاي تعمل كدا ؟! ولان ربنا عَلم سيدنا الخِضر بعض الغيبات تنبدأ فيها بمستقبل الطفل وربنا بيوصفلنا المشهد في القرآن وبيقول { فكان أبواه مؤمنين فخشينا أن يرهقهما طغيانا وكفرا} الطِفل دا ابوه وامه طيبين ومؤمنين بالله فخُفنا عليهم انه لما هيبكبر هيبقي فاجر وكافر ويِرهق اهله من طُغيانه ويقهرهم .. فربنا جعل سيدنا الخِضر يقتله !! لانه شَر .. طيب ولما يفقدوا ابنهم هيحصل ايه ؟! ربنا بيقول { فأردنا أن يبدلهما ربهما خيرا منه زكاة وأقرب رحما} فربنا اراد و حَب ياخده منهم ويرزقهم بابن تاني يكون صالح تقي ويصل رحمه ويبرهم .. اذًا فُقدانك لشيئ خير ليك .. واكيد اكيد ربنا هيعوضك بالاحسن لانه مكنش خير ليك اصلاً وربنا بيقول ( وعسي ان تحبوا شيئًا وهو شَرًا لكم ) .. ربنا كريم ورحيم وهيجبرك ويعوضك ويفرح قلبك متزعلش ! هتُفرج من وسع :))
    ==========================================
    خليك زي البطاطس .. بيحبها الغني والفقير وتقريبًا اجتمع علي حبها العالم كله .. مهما اختلفت طُرق صنعها الا ان اسمها ثابت مبيتغيرش .. بتتقدم ف ماكدونلز ومؤمن وتتقدم علي عربية فول بتاعت راجل علي قد حاله .. يعني من الاخر كل طبقات المُجتمع بتتفق علي اهمية وجودها .. انت كمان خليك مُهم ووجودك مؤثر .. وبرده خلي مبادئك واحده مبتتجزأش .. بطبعك وصفاتك و اللي هيحبك هيحبك علشان انت هو انت ،، مبتتكبرش علي حد زي النبي ماقال " خاطبوا الناس علي قدر عقولهم " خليك بسيط وسهل وسمح ف كلامك واسلوبك وتعاملك كُل الناس بلا مُنازع هتحبك .. رغم ان البطاطس بتتقدم مع كاتشب ومايونيز الا انها محتفظه بمكانتها وسط اي شيء مهما اتقدمت ف افخر الاماكن .. ووقت الشِده خليك زي البطاطس المحمره .. لو ظلمك حد او غلط فيك خُد موقف وخليك ناشف من برا .. لكنك من جواك طري وقلبك ابيض بيسامح بتكره تصرفات البشر لكنك مبتكرهش البشر ! .. قرب من كُل الناس مهما كانت انتمائاتهم واختلافتهم في الشكل واللون والدين .. خلي كل خلق الله تحبك وترضي بيك ! :)
    #الله_يحبك_يا_بطاطس .. ;D
    ===========================================
    الناس اللي مبتحبش وجع الدماغ والجدال ع الفاضي واي حد بيناقشهم بيقلولوا انت صح علشان يسكت ويريحهم .. الناس دي ليهم بيت في الجنه وهُما ميعرفهوش ! النبي قال ؛ انا زعيم بيت في رَبَض الجنه لمن ترك المراء .. حتي ولو كان مُحقًا .. قالوا وما المراء يا رسول الله ؟! قال الجدال .. هيكون ليك بيت بإسم النبي مكانه فين ؟! في رَبض الجنه يعني علي حدود الجنه .. امته يكونلي البيت دا ؟! يكونلك لو بطلت تجادل ومتعصبتش لرأيك حتي لو انت صح :) !!
    #ريح_دماغك_ ..
    #فكك_منهم .. :)
    احمد ايمن
                  

12-04-2018, 11:00 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    لكل اللي عاوز يحافظ علي قلبه ومشاعره وميتفتنش بحد في زمن كتر فيه وجع القلب والمشاعر :))
    -سألت ابويا وقولتله ايه أكتر شيئ عجبك فـ امي وبُنائًا عليه اتجوزتها ؟! .. قالي كنت كُل لما اشوفها ف مكان الاقي عنيها متجيش عليا .. اراقب عنيها الاقيها متبصش علي اي راجل ولا تعبره .. ولما نويت اتجوزها ومكنتش اعرف بيتها .. سألتها سؤال .. مردتش عليا وسابتني ومشيت .. مشيت وراها وعرفت بيتها .. وخدت جدك بعدها وروحت خطبتها .. احترام عنيها حلاها فـ عيني .
    فـ يوم النبي كان قاعد مع اصحابه ( عُمر وابو بكر وابو هريره وعثمان وعلي و و و الخ ) وبيتكلموا .. فـ النبي قالهم انه شاف فـ المنام انه دخل الجنه .. وشاف قصر في الجنه وجنبه واحده واقفه بتتوضي فـ الجنه .. فلفتت نظر رسول الله هي والقصر .. فسيدنا مُحمد سأل سيدنا جبريل وقاله : من هذه المرأه ؟! فقاله ملك من الملائكه : ان الست دي زوجه لراجل من أهل الجنه اسمه " عُمر بن الخطاب " .. فـ من أدب وجمال واحترام النبي .. قام لف وشه بعيد عن القصر فورًا .. وقال انه افتكر غيرة عُمر وانه ميتحملش ان راجل يبص علي الست بتاعته .. فـ لفيت وشي .. فـ الصحابه قاعدين مذهولين وبيسمعوا .. لكن سيدنا عُمر اول لما سمع النبي بيقول كدا .. بكي بُكاء شديد وقال للنبي : أمثلي يغار من مثلك يا رسول الله ؟! .. معقوله يا رسول الله ؟! بقي انا هغير منك انت ؟! انت آخر واحد ممكن اغير علي نسائي منه . !
    - مفسر الاحلام الشهير " ابن سيرين " بيقول : لما بشوف واحده فـ المنام ببعد عنيا عنها !! .. مش انت تقولي هي فين بس ! ياعم دنا لما بتجيلي واحده ف المنام وبصحي غصب عني .. بنام تاني و أكمل الحلم علي مزاجي ;D !! ياجدع اتق الله ياجدع ;D
    -واحد من الناس اللي اتربوا علي ايد أصحاب النبي صلي الله عليه وسلم .. كان اسمه سيدنا مُحمد بن واسع .. لما كان بيروح يزور صديقه .. كان يخبط علي الباب ويرجع خطوتين لورا ويبص في الارض .. تقوم الجاريه ( الخادمه ) تفتح الباب .. فيسألها ويقولها وعنيه فـ الارض : أين سيدك ؟! فـ الجاريه تدخل لسيدها وتقوله : صديقك قدام الباب .. فيقولها صديقي مين فيهم ؟! تقوله صديقك الاعمي اللي بيجيلك كُل يوم !! من كتر مراعاته لُحرمة بيت صاحبه و احترام عنيه .. الست افتكرته اعمي !!
    -السيده اسماء بنت أبي بكر فـ يوم كانت ماشيه ساعة ضُهر فـ عز الحر فـ الطريق وكانت شايلها علي راسها بلح .. فـ النبي كان راكب الجمل وماشي جنب أصحابه وفجأه شاف السيده اسماء .. فصعبت عليه تمشي ف الحر دا .. ف النبي قام مقعد الجمل قُدامها علي اساس انها تركب ويدهولها تروح بيه .. هي اول لما شافت النبي موقف الجمل .. اتمسمرت فـ مكانها وعنيها ف الارض ومتحركتش يمين وشمال .. لانها كانت متجوزه سيدنا الزبير بن العوام وكان بيغير عليها .. بتقول انها افتكرت غيرته فـ نزلت عنيها ف الارض وسكتت متكلمتش .. ف النبي فِهم وحس .. مقالهاش مبتركبيش ليه . رغم ان ابوها يبقي صديق النبي .. وكمان اختها تبقي زوجة النبي .. لكنها مركبتش ف النبي خد الجمل ومشي .. فـ لما رجعت لسيدنا الزبير جوزها .. حكتله الموقف وان النبي سابلها جمل فاضي تركب عليه وهي مرضيتش تقرب وحطت عنيها ف الارض .. فسيدنا الزبير قالها : دنا اغير عليكي من البلح اللي علي راسك .. ومغرش عليكي من رسول الله !!
    -غض البصر يا جماعه .. نظره بتجر نظره وتقلب اعجاب واعجاب بيجُر كلام وكلام بيجُر كلام ويتحول زهق وملل وبرود ووجع قلب وفُرقه .. طب ليه النظره من الاول ؟! :)) . ربنا مبيمنعناش عن شيئ الا لو كان خير لينا ولمشاعرنا الاول .. بلاش ترشق عينك فـ عين البنت ويقولك بتأمل فـ ابداع الخالق .. ابداع الخالق مين ياللي تنشك متتلم يابني ;D .. ولا الانسه تمشي مع صاحبتها تقولها شوفي الواد دا .. ياخد 5 ع العشره .. صاحبتها تقولها لا كتير عليه هُما 3 كويس .. مفيش واحده تقول للتااانيه عيب ! ;D .. مُشتلزق عينك ف البنت اللي قدامك .. وتفضل باصص " طب اديها فرصه تبصلك انت مره وهي مره ;D #بهرج_طبعًا . " نادر تلاقي اللي يغض بصره .. بس اللي مبيحفظوش نظرهم كتير جدًا .. خليك انت الشيئ النادر اللي صعب العثور عليه .. امشي رافع راسك .. متبصش يمين ولا شمال .. واحده بقي تقولي انت هتعقدنا ! مهو في زمايل ف الكليه وتعامل ف حدود شغل او دراسه .. اقولها انا مبقولكيش تخاصمي الناس .. بس انتي فهماني .. في طريقه للوقفه والنظره بتبقي رسميه ودا المطلوب منك علشان اللي قدامك ميطمعش فيكي ! .. عيش حياتك بكل بساطه اخرج اضحك هزر .. لكن في امور لازم تقف عندها .. مفيش اعظم من انك تتعرف وسط الناس بالسُمعه الكويسه .. تيجي سيرتك وسط الناس تلاقيهم يقولوا اسماله عليها مبتعبرش حد بت واثقه ف نفسها .. وخُدي بالك طول ما انتي مُحترمه هتجبري غيرك يحترمك .. ومتآمنيش لاي حد " كتير شباب الا من رحم ربي بيقي عاوز واحده مبتعبرش حد فيحايلها ويعرفها ويعمل الشويتين وبعدين يفسدها ! ويسيبها لانها بقت مش كويسه من وجهة نظره مع انه هو السبب .. ويشوف غيرها وغيرها وهكذا " فخلي بالك .. او يقولك فُلان .. مُحترم ياسلام عنيه ف الارض اي واحده تتمناه .. وهتكبر في نظر اللي قدامك جدًا لما متبصش وتحفظ نظرك صدقني .. طيب يا ابو ايمن مجبش عيني فـ عنيها ولما تلف وشها ابصلها عادي ؟! .. تصدق !! .. حسبي الله ونعم الوكيل ;D !
    #خُد_قرار_من_النهاره
    #تِغُض_بصرك . 🙈
    #أحمد_أيمن
    ================================================
    -ليا صديق بيكتب علي النت .. معروف الي حدٍ ما .. واحده امبارح قالتله ف تعليق ( انت غبي .. كُل شويه تكتب عن المشاكل .. وتفكرنا بيها .. انسان مُتخلف ندمانه اني قريت لانسان متخلف زيك .. هشيلك من عندي ) .. أنا بصراحه كنت منتظر رد فعله .. وهيتعامل مع اللي شتمته ازاي .. لقيته بيقولها ( حضرتك انسانه محترمه ورايك مُتقبله وعلي راسي .. لكن لو اتهربنا من مشاكلنا اذا مُش هنعرف نحلها .. هتبقي عامله زي المرض الخبيث لو الانسان مواجهوش وشاله !! اذا هيكبر ويكبر لحد لما يقتلنا ف لابد نواجه مشاكلنا منهربش منها .. ولو المشاكل بتتحل بالهروب .. كان زمان كوكب الارض كوكب مهجور ! .. وقالها : وجود حضرتك عندي شيئ مشرفني ويفرحني .. لكن صدقيني انك تشوفي راحتك ف عدم متابعتي .. فراحتك عندي أفضل من مليون لايك علي البوستات .. ودعالها ) بعتله رساله وقولتله ايه يابني الرد دا كنت متوقع ترد رد شديد عليها .. قالي لعلها متجوزه وجوزها مزعلها ومُش لاقيه حد تفرغ فيه غضبها فملتقش غيري قدامها .. فـ غلطت .. او لعل عندها ضغط عصبي من شيئ مُعين .. فعدي ياعم خليها علينا .. وانا كتمت غضبي لعل الله ميغضبش عليا يوم القيامه باذن الله .. والله باعتلي رساله دلوقت بيقولي مُش قولتلك ؟! وقال ان البنت بعتاله وبتقوله ( انا بعتذر لحضرتك أبويا كان مريض ونفسيتي متدمره .. فانفجرت فيك انت .. سامحني ) ! .
    -الشيخ علي الطنطاوي الله يرحمه .. كان راكب تاكس .. سواق التاكس راجل هادي جدًا وماشي ف حاله .. فجأه عربيه جايه وفيها واحد جاي بغضب وعصبيه وقام مزنق علي التاكس اللي راكب فيه الشيخ علي .. ومكتفاش بكدا لاء ! دا شتم كمان السواق بألفاظ غير مُحترمه .. وكمل طريقه بعربيته عادي رغم انه غلطان ! .. فـ سواق التاكس كتم غضبه وغيظه و قام رفع ايده وشاور للي شتمه وابتسمله .. ف الشيخ علي قاله " دا راجل احمق " تقوم تشاورله وترفعله ايدك وتبتسمله .. ميستاهلش .. الشيخ علي قال الراجل دا رد عليا رد .. علمني منه درس منساهوش .. قاله يا مولانا : ناس كتير قلوبهم بتبقي عامله زي عربيات النفايات " الزباله " .. فلما النفايات دي بتكتر جواهم " سواء هم او غم او مشاكل ونكد " غصب عنهم بيضطروا يفرغوها ف اي مقلب زباله قدامهم .. ف انا متعودتش اكون مقلب زباله وآخد الامر بشكل شخصي واعصب روحي علي الفاضي !! .. بالعكس ببتسم واكمل طريقي عادي جدًا وماخدش زبالتهم عندي ! ودا بيخليني متصالح من روحي .. وبدعي ربنا انه يهديهم .. ربنا بيقول " واذا خاطبهم الجاهلون قالوا سلاما " ودا اللي عملته شاورتله وقولتله " سلام " :))
    -الامام ابو حنيفه كان واقف فـ يوم بيخطب ف المسجد .. وقدامه ناس كتير جدًا بتسمعه ..راجل عالم جليل علمه بننفع بيه لحد دلوقت وبنتجوز علي مذهبه " علي مذهب الامام ابو حنيفه " .. نتجوز ؟! يسمع من بوقك ربنا يا ابو ايمن المخده اشتكت من كُتر ما بحضنها ;D ( الوساده الخاليه .. تعبت مني يا غاليه ) ;D .. ياعم انت مسكت ف الكلمه ؟! ;D خليك ف ام النصيحه .. المُهم وهو واقف بيتكلم .. وقف راجل من ضمن اللي قاعدين وشتم الامام .. ف الامام ابتسم وسكت .. ف الراجل غلط ف الشيخ تاني ! ف الناس لسه هترد علي الراجل .. الامام منعهم .. وقالهم سيبوه .. وبعد لما الامام خلص خُطبته .. مسك الراجل اللي شتمه من ايده لحد باب بيته .. وقاله : دا بيتي .. ودا باب بيتي .. فلو كان ف قلبك لسه شيئ قوله يمكن تصفي من ناحيتي .. وليه خده عند بيته بالذات ؟! لان الواحد قدام بيته بيبقي قلبه جامد وسط اهله وحتته .. لكن ابو حنيفه حب يوصله انه حتي برغم اني ف مكان اقدر أرد اعتباري فيه مُش هعمل كدا ! لكن انت لو حابب تكمل شتيمه اشتم ! .. ف الراجل اتكسف جدًا من نفسه واعتذر لابو حنيفه .
    -سيدنا عبد الله بن الزبير بن العوام .. كان عنده مزرعه في المدينه المنوره ( حديقه ) .. وكان جنبها حديقه تانيه بتاعت سيدنا معاويه بن أبي سفيان .. وكان وقتها سيدنا معاويه هو خليفة المُسلمين .. وف يوم دخل واحد من عُمال مزرعة سيدنا معاويه مره واتنين وتلاته جوا مزرعة سيدنا عبد الله .. فسيدنا عبد الله بن الزبير .. غضب واضايق جدًا .. كل شويه عامل يدخل مزرعتي !! .. فكتب رساله لسيدنا معاويه وكان بينهم ديمًا اختلاف .. وقاله فيها : من عبد الله بن الزبير الي معاويه بن هند آكلة الاكباد ( سيدنا معاويه كانت امه السيده هند بنت عُتبه اللي اكلت كبد سيدنا حمزه عم النبي لانه قتل في الحرب ابوها واخوها وعمها ) .. أما بعد .. فان عُمالك دخلوا الي مزرعتي فامرهم بالخروج منها والا والله ليكونن لي معك شأن ( هيكونلي معاك تصرف تاني ) !! .. فوصلت الرساله لسدينا معاويه وكان معروف عنه انه انسان حليم بيسمع شتيمته بودنه ويعديها .. فلما شاف الرساله قال لابنه يزيد ايه رايك ف الرساله والتهديد دا ؟! فقاله : نبعتله جيش ويقطعوا راسه ويجيبهوالك .. فسيدنا معاويه قاله : بل قل خير من ذلك ( قول كلام احسن من كدا ) !! .. فسيدنا معاويه كتب رساله لسيدنا عبد الله وقاله فيها : من معاويه بن أبي سفيان الي عبد الله بن الزبير ( ابن اسماء ذات النطاقين ) قاله باسم ابوه وكمان قاله اسم امه ومدحها بذات النطاقين ( ومعناها انها كانت بتربط قماشتين علي ضهرها وتشيل بيهم الاكل علشان توصله للنبي وابوها في الغار ) ... اما بعد .. فوالله لو كنت بجواري لسلمت لك هذه الرساله بنفسي .. ولكن اذا وصلتك هذه الرساله .. فخذ مزرعتي وضمها الي مزرعتك وعُمالي ضمهم الي عُمالك . فان الجنه عرضها السموات والارض ! . لما سيدنا عبد الله قرأ الرساله بكي .. وسافر بنفسه لسيدنا معاويه لحد دمشق وباس راسه واعتذرله !
    -التحكم ف الغضب يا جماعه .. الله يرضي عليكم السُكر منتشر ف البلد ;D .. لما واحد قال للنبي .. انصحني ! النبي قاله ( لا تغضب لا تغضب لا تغضب ) ! .. وبرضه كل انسان مننا عنده عيب ف شخصيته ( عصبي .. مبيعرفش يعبر عن مشاعره .. مدب . مهما كان هو ايه ) لو عاوز ترتبط بحد مفهوش عيوب تبقي طلبت المستحيل ولو عاوز صديق بدون عيوب تبقي برضه طلبت المستحيل لان الكمال لله .. كتير مننا شخصياتنا بتشبه للبيبسي .. لما تفضيها ف كوبايه تلاقيها فارت من الصوده وهتغرقك .. لكن بعد ثواني الرغاوي بتختفي وتشرب بهدوء .. فمش معني ان حد يفور عليك انه مُش نافع تكمل معاه .. استني لما يهدي وهتسفيد منه كُل خير لان قلبه طيب بيطلع بيطلع وينزل ع الفاضي ! .. مهواش ضغف انك تعدي بالعكس دي قمة القوه .. اعظم انتصار في الدُنيا هو انتصارك علي نفسك .. الامام احمد بن حنبل كان ديمًا يدعي لمراته بعد موتها ويقول عنها ( لما كنت بغضب كانت تراضيني ولما كانت بتغضب كنت براضيها ) ولما راجل شد النبي من جلبيته لدرجة ان النبي رقبته اتأثرت من الشده وقال للنبي اعطيني صدقه !! .. النبي ابتسمله واعطاه !! .. لما سيدنا ابو زر الغفاري .. غضب .. فجأه قعد علي الارض .. ولما سألوه قعدت ليه ؟! قالهم النبي اوصانا لما نغضب واحنا واقفين نقعد .. ولو كُنت قاعد نام .. اتحمل اللي قدامك .. ولكن بدون مذله .. وانت متغضبش وتاخد علي انك تهين اللي قدامك .. لأن كتير من اللي بيتقبلونا .. شخصياتهم عامله زي كيس الكاتشب .. لو ضغطت عليهم أكتر من اللازم هينفجروا ومش هتقدر ترجعهم تاني .. فكر ف كل تصرف بتعمله .. لأن الكلمه وقت الغضب بتتقال ف ثانيه .. وبنندم عليها العُمر كُله .. ياريت لو ليك حد اتعصبت عليه ف يوم تعتذرله فـ رساله او ف تعليق عنده او اي شيئ ساعتها هتاخد ثواب عظيم .. و خُذ قرار انك تتحمل اللي قدامك .. وانت خُد قرار انك من اللحظادي هتتحكم ف غضبك .. واما تغضب خُد نفس عميق وخرج النفس بهدوء وقول اعوذ بالله من الشيطان .. الشيطان هو اللي بيسبب الغضب فإطرده بالاستعاذه منه .. وحط ايدك علي قلبك وقول ( يارب اهدي قلبي ) ١٠ مرات .. مفعلوها جبار والله :)) وتأكد تمامًا انك لما تبقي حليم وتكتم غضبك .. ربنا باذن الله هيكون حليم معاك ومُش هيغضب عليك دُنيا وآخره .. الله يجعلك هادي ديمًا يا اخي .. ويريح قلبك وبالك :))
    #التعامل_مع_الغضب ..
    #احمد_ايمن
                  

12-04-2018, 11:01 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    البوست دا هديه لكُل طالب ..
    سيدنا علي بن أبي طالب كان سهران مع صديق لُه بيتناقشوا في بعض مسائل العِلم .. فجِه عليهم الليل .. فصديق سيدنا علي قاله : معاد قيام الليل يا امير المؤمنين .. يالا نقوم نصلي.. فسيدنا علي قاله " اٍنا في صلاه " احنا بالفعل بنصلي دلوقت .. كُل لحظه قاعدين نتعلم فيها بتتحسب عند ربنا كأننا واقفين نصلي !! .. اي واحده أو واحد ذاكر ولو نُص ساعه او قرأ جزء من منهجه او اي علم .. مبروك يا صديقي انت بتاخد ثواب طلب العلم .. وثواب الجهاد في سبيل الله .. وكمان ثواب صلاة قيام الليل :))
    #ربنا_يتقبل ^_^ !
    احمد ايمن
    =========================================
    مهما انحرف ابنك أو قصّر في برك أو في واجبات دينه ودنياه، فإياك أن تقطع حبل المودة بينك وبينه، فإن للشاب صبوة ثم بإذن الله تكون له عوده فلا تعجل
    (يُوصِيكُمُ اللَّهُ فِي أَوْلَادِكُمْ ۖ).
    ربوا أولادكم ليكونوا أسوياء..
    قبل أن يكونوا مهندسين وأطباء
    ربوهم على سلامة النفس قبل حفظ الدرس ☁اطمئنوا على حبهم للخير، وتقديرهم للغير، وحرصهم على حق والديهم في البر..
    ليتكم تنشغلون بالجوانب الأخلاقية..
    بقدر ما تنشغلون بقوتهم في اللغه الإنجليزية!!
    يؤلمني جيل التسعة وتسعين في المائة،وحظه من النبل وحسن التصرف،وعلو النفس لا يكفيه يومين إن وجد!!
    ربوهم على أن العم بمنزلة الأب في الإحترام
    والعمة لها قدرها الكبير وحقها في البر والزيارة وحسن التعامل
    ربوهم على أن الخالة والدة والخال والد، والجد أصل الشجرة،وأبناء العمومة والخوال فروعها...
    ربوهم على أن يكونوا رجالا مع حداثة عمرهم، وسباقين إلى الخير بدافع من ذواتهم...
    وعودوهم على أن تكون الصلاة حبا لا كربا..
    لو علم الآباء كم يتركون ثروة بهؤلاء الأسوياء
    لما ضيعوا أعمارهم في غير ذلك هباء!
    ولو علموا أنهم محاسبون بعد الموت على مازرعوا في أبناءهم من الحب والكره للأقارب
    لأحسنوا الزراعة
    فكل مايصدر من الابناء بعد فقد الآباء سيصب في ميزان الأباء إن خيرا وإن شرا
    فأحسنوا لأنفسكم وأبناءكم ،،،،،
    ✨رسالة للأباء والامهات👍
    منقول
    ======================

    سيدنا هارون الرشيد لما حضرته الوفاة وجه في سكرات الموت نادي بصوت عالي علي قواد جيوشه وقالهم : اجمعوا جيوشي فجاؤوا بهم بسيوفهم ·ودروعهم لا يكاد يحصي عددهم إلا الله كلهم تحت قيادته وأمْره فلما رآهم .. بكى ثم قال : يا من لا يزول ملكه .. إرحم من قد زال ملكه ..ثم لم يزل يبكي حتى مات .. :)
    #لمن_المُلك_اليوم ! :)
    احمد ايمن
    .......
    دخل يهودي من علماء اليهود علي النبي صل الله عليه وسلم ليختبره ويعرف هل هو نبي ام كذاب واخذ ابنه معه ودخلوا علي رسول الله فلما رأي اليهودي النبي صل الله عليه وسلم لم يسأله اي سؤال ومضي هو وابنه فسأله الابن لماذا لم تسأله يا ابي وتختبر صدقه ؟! قال يا ولدي واللهِ ان هذا الوجه ليس بوجه كذاب ! ..
    #رسول_الله_الصادق_الامين .. ❤️
    .......
    النبي قـال متشربش الميه وانـت واقف .. " حاضر يا رسول الله هشربها وانا قاعد .. مُش لازم نفتري علي النبي ونقول الميه بتنزل علي الكبد لان الميه اصلاً ف الجهاز الهضمي ملهاش علاقه بالكبد ولا بتطوله " يبقي تشرب وانت قاعد بدون مزايدات .. النبي كان بيشرب علي 3 مرات .. حاضر يا رسول الله هنشرب علي 3 مرات سُنة بيك .. :)
    ياريت ننقل المعلومات صحيحه .. ومنحاولش نحسن شكل النبي .. لان النبي مش محتاج مننا كدا .. هو احسن خلق الله بدون اي شيئ ^_^
    احمد ايمن
    ........
    من رحمة ربنا بيكي .. فركشتوا مكملتوش .. دا لانك شيئ لُه قيمه .. وحقيقه ميستاهلوش .. الحيطه المايله كَت اٍنتي .. دمر قيمتك واٍتهانتي .. وعشان ربنا بيحبك .. دون داعي وحق اٍتسبتي ! :)
    #متزعليش ^^
    احمد ايمن......
                  

12-04-2018, 11:02 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    خلي عندك يقين ان ربنا هيكرمك بعد كُل ضيقه يا صديقي ,, " يونس بعد لما الحوت بلعه ربنا نجاه ,, موسي كان خلاص هيموت وهو في التابوت في الميه وربنا نجاه ,, سيدنا مُحمد كان في الغار والكفار قدامه وربنا نجاه ,, سيدنا يعقوب ربنا رجعله ابنه سيدنا يوسف ,, سيدنا ايوب ربنا شفاه بعد مرض وصارع مؤلم معاه ,, كل محنه ربنا بيربيك فيها وبيعملك وان شاء الله هتفرج بس انت تفائل وابتسم وخليك واثق في ربنا واجمد كدا :D
    ......
    ليا صديق عنده سرعة نت عاليه شويه " فاتح الواي فاي لكل الجيران بتوعه بدون باسورد " واي حد يدخل علي النت بدون كود او فلوس اقوله ليه بتعمل كدا ؟! يقولي من باب اٍدخال السرور علي قلوب الناس ^_^
    يارتني كُنت جارك يا جدع ,, يارتني كُنت معاهم :D
    #وهل_جزاء_الاحسان_اٍلا_الاحسان ؟! ^_^
    احمد ايمن
    ......
    واحد صاحبي عندهم في البلد في راجل يعنى تعبان شوية عقليا وبيمشى كده فى الشوارع وحالته متبهدلة وشعره طويل ومنظره يخوف جدا ' ربنا يعافيكم ويشفيه ' والراجل ده كان دايما بينام فى المقابر بالليل والمقابر عندهم منعزلة تماما عن البيوت وعن الناس ففيه راجل كان جاى مروح بالليل حوالى الساعة 2.30 وقدامه طريقين طريق طويل جدا وطريق مختصر بس الطريق المختصر ده بيمر من على المقابر دى فقرر انه ياخد الطريق المختصر ده وكان مرعوب جدا جدا وقعد يقرا قران كتير وهو ماشى لوحده لحد ما جه قدام المقابر دى وعدى من قدامها فقال السلام عليكم أمة الاسلام أنتم السابقون ونحن اللاحقون فخرج الراجل اللى تعبان عقليا من القبر وقاله وعليكم السلام ورحمة الله وبركاته اتفضل يا حاج :D صاحبنا ده شاف المنظر حط جلبيته فى اسنانه وطلع يجرى ولحد دلوقتى اعصابه سايبه :D ..
    علشان كدا النبي حَرم انك تفزع حد .. ' والهدف من الموقف دا انك متحاولش تخوف حد من باب الهزار او الجد ' :)
    و ربنا يشفي الاتنين ان شاء الله .. :D
    احمد ايمن
    ========================

    غَسلت الذنب بوضوئي ,,,
    قرأت الفاتحه ودعيتك ,,
    نسيت الناس نسيت نفسي ,,
    يارب الدُنيا ما نسيتك ,,
    فقلبي حَس بالتغيير ,,
    ملاه الطيبه ويا الحُب
    واحسن كلمه رددها ,,
    فـ عِز صلاتي هِي يارب
    ♥.....
    خليك متأكد ان ربنا سبحانه وتعالي مش هيكسفك او يخذلك وكل مشكله بتحصلك هي من حكمته وتدبيره خير ليك لانه الحكيم وكل لما تضديق بيك اوي اعرف انها هتنفرج اوي قُريب ان شاء الله .. #ابشر ^_^
    ......
    اٍمته جالي فِكرة التأليف !؟ انا اقولكم اٍمته بالظبط :D
    لما كنت في اٍبتدائي كان في 2 زمايلي ديما يضربوني بعد الدرس ! وعشان ميضربونيش ! كنت لازم أكدب عليهم وأقول قصه من خيالي كنت بقولهم اني بشتغل فــ حركة حماس وعندي كلاب طويله زي الزرافه :D وعندي مخرن اسلحه وكان عندي طلقه واخدها ف رجلي من شارون :D وعندي تحت البحر اللي عندنا مصنع قنابل :D وفجرت مباني عظيمه ف اسرائيل والشيخ احمد ياسين بيجي كل 4 ايام ويزورني :D واني بدأنا دلوقت ف اننا نبي اضخم مصنع اسلحه وعندنا مصاصين دماء :D بيقتلوا الاسرائلينين :D وكانت العيال تصدق وتقول واييييييييه كمان !!! :O واقولهم عندي طقيه اخفاء بروح بيها المخازن بتاعتي وبقتل اليهود بيها :D من غير ما يشوفوني :D .. لحد لما اوصل البيت بتاعي بسلام بدون ضرب :D كل يوم ويوم علي الله كدا !
    ومن هنا جتلي فكره التأليف :D
    احمد ايمن
                  

12-04-2018, 11:03 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    لما جت السيده مريم تحمل سيدنا عيسي علي دراعها وهو لسه مولود قالولها قومها في القران " يا أخت هارون ما كان أبوكِ امرأَ سَوْءٍ وما كانت أمُّكِ بغيًا "
    معني هارون هنا مش المقصود بيها سيدنا هارون اخو سيدنا موسي ولكنه كان راجل صالح في بني اسرائيل ومن شِدة ايمانه وصلاحه اي حد كويس كانوا بيقولوا عليه اخو هارن شرفاً ليه والسيده مريم قالولها يا اخت هارون يعني يا شريفه يا صالحه ,, و ابوكِ اٍمراٍ سوءٍ المقصود بـ " امرأَ سَوْءٍ " يعني مكنش ابوكي شخص بيجي بالفواحش والذنوب والمعاصي ! كان راجل تقي ! ,, وما كانت أمُّكِ بغياً ,, المقصود بالبغي هِنا ربنا يحفظكم المرأه الزانيه ,, وقال العلماء ان الباغيه دي بتاخد أجر من المال علي الزنا بتاعها ,,, فهما كانوا بيعاتبوها ازاي تخلفي الولد دا وتجيبيه ومن ورانا وتِزني ! واهلك كلهم ناس كويسين وانتي شريفه وطاهره ؟!
    #سورة_مريم :)
    أحمد_أيمن
    ......
    ليا صديق بيروح يصلي الصلوات كلها فـ المسجد ويرجع بعد كُل صلاه يصلي ورا ابوه فـ البيت لان باباه عنده السُكر ومبيقدرش يقف علي رجله كتير فـ بصلي ورا ابوه بالذات الفجر وابوه بيدعي بيه ,, يقولي علشان اديله ثواب الجماعه :)
    احمد ايمن
    .........
    السيده عائشه كانت في يوم بتعيب علي زوجه من زوجات الرسول وبتوصفها قدام النبي وبتقول عليها قصيره ! فقالها النبي صل الله عليه وسلم يا عائشه لو مُزجت كلمتك هذه بماء البحر لمزجته ! يعني كلمتك دي تخلي الميه بتاعت البحر عِكره ! من شدة سوئها لان التريقه علي اي حد حرام ! وربنا ميقبلش بكدا .. وجت برده السيده عائشه بتقول وحكيت للرسول انساناً يعني ,, اٍتريقت علي واحد وقلدته في صوته او حركه بيعملها ! فقالها النبي صل الله عليه وسلم ما أحُب اني حكيت انساناً وان لي كذا وكذا ,, يعني محبش تتريقي علي حد وتقولي بيعمل كذا وكذا ,, يا جماعه لا يسخر قوم من قوم خليكم في حالكم واتقوا الله في الناس حتي ولو مع اقرب الناس ليكم ^_^
    (رواه أبو داود والترمذي وقال: حسن صحيح).
    أحمد ايمن
    =====================

    لو ليك واحد صاحبك مسيحي مش عيب انك تاكل عنده ولا عيب انك تتكلم معاه كويس وتزوره ويزورك وتقبل هديته والنبي عمل كدا واوصي علينا بكدا ! و قبل هدية المقوقس ملك مصر وكان مسيحي وكانت الهدايا جاريتين وكسوه للرسول لبس يلبسه وبغله يركبها فقبل النبي الهديه وعلي فكره واحده من الجاريتين دول كانت السيده ماريه القبطيه زوجة رسول الله وام المؤمنين وهي اللي انجبت بن النبي سيدنا ابراهيم ^_^
    احمد ايمن
    ........
    في يوم النبي كان يسير في طريق من طُرقات المدينه مع اصحابه فاٍذا بأعرابي يعني رجل من الناس اللي عايشه برا المدينه جـِه وشد النبي اوي من ثيابه وكان النبي يلبس ثياب من الصوف خشنه اوي اوي اوي فـ لما الراجل دا جَذب النبي وشده من ياقته والشَده كانت قويه جداً لدرجة انها عملت حز احمر في رقبة الرسول وقاله يا محمد ! اعطني من مال الله الذي عندك !! فيرد النبي المؤدب الكاظم للغيظ الصابر علي الايذاء باٍبتسامه ويضحك ويقول لاصحابه اعطوا الرجل ما يريد ,, وينصرف عنه النبي صل الله عليه وسلم ... دلوقت اللي بيخبط في رجلك بدون قصده وهو ماشي في المسجد بيكون هاين عليك توقف الخُطبه وتضربه :D !
    تعلموا الصبر والعفو من رسول الله ,,,
    #الاخلاق_المُحمديه ,, ^_^
    #===========================
    كان في صحابي من صحابة الرسول دَمه زي العسل اسمه " النُعيمان " كتبت عنه قصه النهارده قبل دي ابقوا شوفوها :D >>> كان لا يدخل المدينة طرفة إلا اشتري منها " يعني اي حاجه حلوه بتيجي تتباع ف المدينه كان بيشتري منها " ، ثم جاء بها إلي النبي -صلي الله عليه وسلم-، فيقول: ها أهديته لك، يعني يجيب الحاجه الحلوه دي ويديها للنبي هديه " :D فإذا جاء صاحبها يطلب نعيمان بثمنها، " يعني لما يجي التاجر يطلب فلوسه " أحضره النعيمان إلي النبي -صلي الله عليه وسلم-، قائلا: أعط هذا ثمن متاعه :D ، فيقول: \"أو لم تهده لي\" انت مش مديهالي هديه ؟! ازاي ادفع تمنها فيقول: إنه والله لم يكن عندي ثمنه :D ، ولقد أحببت أن تأكله، :D فيضحك النبي :D ، ويعطي للتاجر ثمنها :D ^_^
    #احباب_النبي ,, ♥
    ......
    ﻣﺮ ﻋﻤﺮ ﺑﻦ ﺍﻟﺨﻄﺎﺏ ﺭﺿﻲ ﺍﻟﻠﻪ ﻋﻨﻪ ﻋﻠﻰ ﺍﻟﻨﺎﺱ ﻣﺘﺴﺘﺮﺍ ' مُتخفي ' ﻟﻴﺘﻌﺮﻑ ﺃﺧﺒﺎﺭ ﺭﻋﻴﺘﻪ
    ﻓﺮﺃﻯ ﻋﺠﻮﺯﺍ ﻓﺴﻠﻢ ﻋﻠﻴﻬﺎ ﻭﻗﺎﻝ ﻟﻬﺎ : ﻣﺎ ﻓﻌﻞ ﻋﻤﺮ ' يعني ايه رايك في عُمر ؟!
    ﻗﺎﻟﺖ : ﻻ ﺟﺰﺍﻩ ﺍﻟﻠﻪ ﻋﻨﻲ ﺧﻴﺮﺍ . ' ربنا ما يكرمه ولا يكافئه بسببي '
    ﻗﺎﻝ : ﻭﻟﻢ ؟ ، ﻗﺎﻟﺖ : ﻷﻧﻪ - ﻭﺍﻟﻠﻪ - ﻣﺎ ﻧﺎﻟﻨﻲ ﻣﻦ ﻋﻄﺎﺋﻪ ﻣﻨﺬ ﻭﻟﻲ ﺃﻣﺮ ﺍﻟﻤﺆﻣﻨﻴﻦ ﺩﻳﻨﺎﺭﻭﻻ ﺩﺭﻫﻢ ' يعني مخدتش منه اي حاجه من يوم ما مسك الحُكم ولا مليم '
    ﻓﻘﺎﻝ ﻟﻬﺎ : ﻭﻣﺎ ﻳﺪﺭﻱ ﻋﻤﺮ ﺑﺤﺎﻟﻚ ﻭﺃﻧﺖ ﻓﻲ ﻫﺬﺍ ﺍﻟﻤﻮﺿﻊ؟ ' ازاي عُمر هيعرف عنك وانتي ساكنه بعيد كدا.؟!
    ﻗﺎﻟﺖ : ﺳﺒﺤﺎﻥ ﺍﻟﻠﻪ ! ﻭﺍﻟﻠﻪ ﻣﺎ ﻇﻨﻨﺖ ﺃﻥ ﺃﺣﺪﺍ ﻳﻠﻲ ﻋﻤﻞ ﺍﻟﻨﺎﺱ ﻭﻻ ﻳﺪﺭﻱ ﻣﺎ ﺑﻴﻦ
    ﻣﺸﺮﻗﻬﺎ ﻭﻣﻐﺮﺑﻬﺎ. ' عُمري مشوفت حد يتولي امر الناس وهو ميعرفش كُل اماكن رعيته من الشرق للغرب '
    ﻓﺒﻜﻰ ﻋﻤﺮ ﺛﻢ ﻗﺎﻝ: ﻭﺍ ﻋﻤﺮﺍﻩ ! ﻛﻞ ﺃﺣﺪ ﺃﻓﻘﻪ ﻣﻨﻚ ﺣﺘﻰ ﺍﻟﻌﺠﺎﺋﺰ ﻳﺎ ﻋﻤﺮ. ' كُل الناس بتفهم عنك يا عُمر حتي الست العجوزه !
    ﺛﻢ ﻗﺎﻝ ﻟﻬﺎ: ﻳﺎ ﺃﻣﺔ ﺍﻟﻠﻪ ، ﺑﻜﻢ ﺗﺒﻴﻌﻨﻲ ﻇﻼﻣﺘﻚ ﻣﻦ ﻋﻤﺮ؟ ﻓﺈﻧﻲ ﺃﺭﺣﻤﻪ ﻣﻦ ﺍﻟﻨﺎﺭ ' اديلك قد ايه وتتنازلي عن شكوتك ضد عُمر علشان ارحمه من النار بسببك ؟!
    ﻗﺎﻟﺖ : ﻻ ﺗﻬﺰﺃ ﺑﻨﺎ ﻳﺮﺣﻤﻚ ﺍﻟﻠﻪ
    ﻓﻘﺎﻝ ﻟﻬﺎ : ﻟﺴﺖ ﺑﻬﺰﺍﺀ .... ﻭﻟﻢ ﻳﺰﻝ ﺑﻬﺎ ﺣﺘﻰ ﺍﺷﺘﺮﻯ ﻇﻼﻣﺘﻬﺎ ﺑﺨﻤﺴﺔ ﻭﻋﺸﺮﻳﻦ
    ﺩﻳﻨﺎﺭﺍ ' يعني انا مبسخرش منك وفضل يتحايل عليها لحد لما دفعلها ٢٥ دينار علشان تسامح عُمر
    ﻭﺑﻴﻨﻤﺎ ﻫﻮ ﻛﺬﻟﻚ ﺇﺫ ﺃﻗﺒﻞ ﻋﻠﻲ ﺑﻦ ﺃﺑﻲ ﻃﺎﻟﺐ ﻭﻋﺒﺪﺍﻟﻠﻪ ﺑﻦ ﻣﺴﻌﻮﺩ ﺭﺿﻲ ﺍﻟﻠﻪ
    ﻋﻨﻬﻤﺎ
    ﻓﻘﺎﻻ : ﺍﻟﺴﻼﻡ ﻋﻠﻴﻚ ﻳﺎ ﺃﻣﻴﺮ ﺍﻟﻤﺆﻣﻨﻴﻦ. ﻓﻮﺿﻌﺖ ﺍﻟﻌﺠﻮﺯ ﻳﺪﻫﺎ ﻋﻠﻰ ﺭﺃﺳﻬﺎ ' يا مصيبتي :D عُمر !
    ﻭﻗﺎﻟﺖ : ﻭﺍﺳﻮﺃﺗﺎﻩ ﺃﺷﺘﻤﺖ ﺃﻣﻴﺮ ﺍﻟﻤﺆﻣﻨﻴﻦ ﻓﻲ ﻭﺟﻬﻪ !
    ﻓﻘﺎﻝ ﻟﻬﺎ ﻋﻤﺮ : ﻻ ﺑﺄﺱ ﻋﻠﻴﻚ ﺭﺣﻤﻚ ﺍﻟﻠﻪ، ﺛﻢ ﻃﻠﺐ ﺭﻗﻌﺔ ﻳﻜﺘﺐ ﻓﻴﻬﺎ ﻓﻠﻢ ﻳﺠﺪ .. ' يعني ورقه يكتب عليها مش لاقي '
    ﻓﻘﻄﻊ ﻗﻄﻌﺔ ﻣﻦ ﺛﻮﺑﻪ ﻭﻛﺘﺐ ﻓﻴﻬﺎ. !
    " ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﻫﺬﺍ ﻣﺎ ﺍﺷﺘﺮﻯ ﻋﻤﺮ ﻣﻦ ﻓﻼﻧﺔ ﻇﻼﻣﺘﻬﺎ ﻣﻨﺬ ﻭﻟﻲ ﺇﻟﻰ
    ﻳﻮﻡ ﻛﺬﺍ ﻭﻛﺬﺍ ﺑﺨﻤﺴﺔ ﻭﻋﺸﺮﻳﻦ ﺩﻳﻨﺎﺭﺍ .. ﻓﻤﺎ ﺗﺪﻋﻰ ﻋﻨﺪ ﻭﻗﻮﻓﻪ ﻓﻲ ﺍﻟﻤﺤﺸﺮ ﺑﻴﻦ
    ﻳﺪﻱ ﺍﻟﻠﻪ ﺗﻌﺎﻟﻰ ﻓﻌﻤﺮ ﻣﻨﻪ ﺑﺮﻱﺀ " ' قطع من هدومه حِته قُماشه وكتب عليها ان الست دي اتنازلت عن شكوتها لله مقابل ٢٥ دينار ولو قالت لربنا اي حاجه بخصوص عُمر فان عُمر بريء من دا '
    ﻭﺷﻬﺪ ﻋﻠﻰ ﺫﻟﻚ ﻋﻠﻲ ﺑﻦ ﺃﺑﻲ ﻃﺎﻟﺐ ﻭﻋﺒﺪﺍﻟﻠﻪ ﺑﻦ ﻣﺴﻌﻮﺩ ﻭﺭﻓﻊ ﻋﻤﺮ ﺍﻟﻜﺘﺎﺏ ﺇﻟﻰ
    ﻭﻟﺪﻩ ' سيدنا عُمر اعطي القُماشه اللي مكتوب عليها وشاهد عليها علي بن ابي طالب ،، واعطاها لابنه سيدنا عبد الله بن عُمر '
    ﻭﻗﺎﻝ) ﺇﺫﺍ ﺃﻧﺎ ﻣﺖ ﻓﺎﺟﻌﻠﻪ ﻓﻲ ﻛﻔﻨﻲ ، ﺃﻟﻘﻰ ﺑﻪ ﺭﺑﻲ( لما اموت ادفن القُماشه معايا عشان اقابل بيها ربنا واقوله ان الست تنازلت عن شكوتها وفعلاً القُماشه إتدفنت مع سيدنا عُمر ! !
    حكمت عدلت أمنت فنمت رسيخ البال ^_^ ❤️
    #عُمر ❤️
    احمد ايمن
                  

12-04-2018, 11:06 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    شتم اهل قريش رسول الله وقالوا فيه انه " مُذمم " بدلاً من مُحمد " ومذمم يعني مكروه وملعون ومبغوض من قومه ,, فكان اصحاب الرسول يحزنون حزناً شديداً علي رسول الله ويقولون اٍنهم يسبونك يا رسول الله ؟! فقال اٍنهم يشتمون مُذمماً ,, وانا مُحمداً ^_^ ♥
    #حِكمة_الرسول ^_^
    .........
    سيدنا ابو هُريره إتسمي ابو هُريره لانه كان بيحب القُطط جداً وكان عنده هِره ' قُطه ' وديما بتكون في كُم اللبس بتاعه .. فسموه ابو هُريره ،، يعني كأنها بنته وهو ابوها ،، :D اصحاب الرسول كان قلبهم رقيق جداً علي فكره ^_^ ❤️
    احمد ايمن
    .........
    اِن قرآن الفجر كان مشهودا ,,
    طيب يارب ؟!
    بحق قُرانك ,,
    وصلاتك وأدانك
    وحلاوة ايمانك ,,
    والسجده سُبحانك ,,
    تهديلي قلبي اللي عاصيك ,,
    .......
    واحده ايام النبي صل الله عليه وسلم راحت تشتكيله انها بتكره جوزها جدااا مش طيقاه كمان جوزها دا مكنش بيجامعها فكانت مخنوقه وقرفانه منه فذهبت تشتكي لرسول الله مِنه ف النبي جابهم هما الاتنين وقام لزق راسهم في راس بعض وظل النبي يدعوا لهما .. فبعد فتره رآها النبي وهي تحمل علي راسها ايناء من فخار به ماء فلما رات النبي حدفت الاناء علي الارض ثم اخذت تُقبل قدم النبي صل الله عليه وسلم فقال لها النبي كيف حالك مع زوجك ؟! فقالت واللهِ ما رسول الله بعد ان دعوت لي انا وهو وليس عندي احب اليّ من زوجي ❤️ فقال النبي اشهد أني رسول الله ،، فقال سيدنا عُمر وانا اشهد انك رسول الله :D.
    #بركة_النبي .. ^_^
    احمد ايمن
    ==========================

    تصدقوا بالله " انا مِن كُتر شغفي وحُبي لشخصية مُحمد رسول الله ,, معظم اوقات نومي وانا ف الصالون بتاع البيت ونايم وانا حاضن كِتاب السيره او عن مُعجزات او عن شخصية الرسول وافضل اقرا عنه وكل لما اعرف عنه احبه اكتر ,, لدرجة اني بقيت مجنون بشخصيته !! زمان كُنت بحب عمرو دياب اوي واتمني اكتبله ,, بعد كده احب شخصيه معينه تاني وأُلهم بيها ,, دلوقت اقسم بالله اٍني لو مكنتش مسلم كُنت اسلمت ! النبي راجل مؤدب اوي ! كُل لما تقرا عنه وتتخيله تحبه وتعشقه وتبقي عندك شغف بيه ويعلمك ازاي تاكل وتشرب وازاي تنام وازاي تتعامل مع مراتك واهلك وصحابك وجيرانك ازاي تأدب نفسك ,, شخصيه تستحق انك تروح ف النوم من كُتر قرآتك عنه والكتاب علي صِدرك ,, انا وهبت نفسي اني رغم اني عندي اخطاء او ذنوب اني اوصل اخلاقه وتعاملاته بأبسط اسلوب واقول للعالم ان النبي راجل محترم ,, واسافر امريكا وابقي داعيه بالعربي والانجلش واقول للعالم بحاله ان دين الاسلام مُش دين الارهاب ,, حِبي النبي يابنت النبي ,, حِب النبي يا بن النبي ,, حِبه بانك تقرأ عنه هتتزهل من الشخصيه دي ! ^_^ ♥
    #كلام_جوايا_كان_لازم_أقوله ^_^ :D
    احمد ايمن
    ===============================
    وصية ابن حنبل لابنه يوم زواجه
    أي بني: إنّك لن تنال السعادة في بيتك إلا بعشر خصال تمنحها لزوجك فاحفظها عني واحرص عليها:
    أما الأولى والثانية:
    ...
    .فإنّ النّساء يحببن الدلال ويحببن التصريح بالحب، فلا تبخل على زوجتك بذلك،فإن بخلت جعلت بينك وبينها حجابًا من الجفوة ونقصًا في المودة. ' يعني قولها بحبك دلعها لانك لو معملتش كدا هيبقي العلاقه ناشفه جافه مفهاش موده وتكرهك !
    وأما الثالثة:
    فإن النساء يكرهنَ الرجل الشديد الحازم ويستخدمن الرجل الضعيف اللين فاجعل لكل صفة مكانها فإنه أدعى للحب وأجلب للطمأنينة.
    ' يعني متبقاش علي طول مكشر ومبتتفاهمش ولا تبقي راجل مُنساق كل حاجه تقولها حاضر يا بيبي ،، كل مقام له مكانه ووقته '
    وأما الرابعة:
    فإنّ النساء يُحببن من الزوج ما يحب الزوج منهنّ من طيب الكلام وحسن المنظر ونظافة الثياب وطيب الرائحة فكن في كل أحوالك كذلك.
    ' يعني من الاخر متبقاش معفن وعايز مراتك سُعاد حُسني ف بيتك ' خليك نضيف ومتعملش الحجات اللي انت تكرهها فيها معاها مبتغسلش سنانك مبتاخدش دش مش نضيف ف ريحتك كدا خليك زي الرسول جميل الريحه والكلام والاسلوب '
    أما الخامسة:
    فإنّ البيت مملكة الأنثى وفيه تشعر أنّها متربعة على عرشها وأنها سيدة فيه، فإيّاك أن تهدم هذه المملكة التي تعيشها، وإياك أن تحاول أن تزيحها عن عرشها هذا، فإنّك إن فعلت نازعتها ملكها، وليس لملكٍ أشدّ عداوةً ممن ينازعه ملكه وإن أظهر لُـہ غير ذلك. ' يعني متجبلهاش ضُره مثلاً او تخلي اختك او عمتك او اي حد مهما كان يتحكم فيك وفيها وتبقي من الاخر دلدول ! ويتحكموا ف اكلك وشربك ومعاملتك معاها ،، لان دا بيوجع الست اوي ان حد يتدخل في شؤن بيتها '
    أما السادسة:
    فإنّ المرأة تحب أن تكسب زوجها ولا تخسر أهلها، فإيّاك أن تجعل نفسك مع أهلها في ميزان واحد، فإمّا أنت وإمّا أهلها، فهي وإن اختارتك على أهلها فإنّها ستبقى في كمدٍ تُنقل عَدْواه إلى حياتك اليومية. ' يعني متقولهاش يا انا يا اهلك ! وتحطها ف اختيار يوجع ولو اختارتك هتنكد عليك وعلي عيشتك طول حياتكم لانها هتكون مكسوره من جواها '
    والسابعة:
    إنّ المرأة خُلِقت مِن ضِلعٍ أعوج وهذا سرّ الجمال فيها، وسرُّ الجذب إليها وليس هذا عيبًا فيها "فالحاجب زيّنه العِوَجُ"، فلا تحمل عليها إن هي أخطأت حملةً لا هوادة فيهاتحاول تقييم المعوج فتكسرها وكسرها طلاقها، ولا تتركها إن هي أخطأت حتى يزداد اعوجاجها وتتقوقع على نفسها فلا تلين لك بعد ذلك ولا تسمع إليك، ولكن كن دائما معها بين بين. ' يعني متجيش عليها اوووي اووي وتقهرها ف تكسر مشاعرها وقلبها ،، ولا تخاصمها فترات طويله فتقسي عليك ويموت الحب بالاهمال والجفا ' خليك حنين ف العقاب ،، سَمح ف الخصام '
    أما الثامنة:
    فإنّ النّساء جُبلن على كُفر العشير وجُحدان المعروف، فإن أحسنت لإحداهنّ دهرًا ثم أسأت إليها مرة قالت: ما وجدت منك خيرًا قط، فلا يحملنّك هذا الخلق على أن تكرهها وتنفر منها، فإنّك إن كرهت منها هذا الخلق رضيت منها غيره.
    ' يعني الست وقت الضيقه وانت مزعلها بتنسي كل حاجه حلوه عملتها فيها اه هي خصله وحشه بس متنساش ليها الحجات الحلوه اللي بتعملها معاك ،، اهتمام وحب وموده وتفاهم ورحمه وبتطبخلك وتربيلك عيالك ،، خليك جدع '
    أما التاسعة:
    فإنّ المرأة تمر بحالات من الضعف الجسدي والتعب النفسي، حتى إنّ الله سبحانه وتعالى أسقط عنها مجموعةً من الفرائض التي افترضها في هذه الحالات فقد أسقط عنها الصلاة نهائيًا في هذه الحالات وأنسأ لها الصيام خلالهما حتى تعود صحتها ويعتدل مزاجها، فكن معها في هذه الأحوال ربانيا كماخفف الله سبحانه وتعالى عنها فرائضه أن تخفف عنها طلباتك وأوامرك.
    ' يعني هي بيجيلها حيض ويتتعب نفسياً جداً وجسدياً ومبتصليش برخصه من الله ،، متبقاش بقي تيجي عليها ف الوقت دا ٣ الفجر تقولها قومي من النوم هاتي اكل ،، تبقي نايمه جمبك تقولها قومي هاتي ميه اعملي عزومه كذا متجهدهاش في الايام دي ! دا ربنا عفا عنها ف الصلاه ارحمها انت بقي وعاملها كويس زي الرسول مع زوجاته ف وقت الحيض ' وكان بينام ف حجر السيده عائشه تسرح شعره ،، :))
    أما العاشرة:
    فاعلم أن المرأة أسيرة عندك،
    فارحم أسرها وتجاوز عن ضعفها تكن لك خير متاع وخير زوجة ' متهنهاش لانها ضعيفه وانت اهلها وصحابها وجرانها وكل حد ليها. ،، فكون الراجل المحترم الجدع وهي تكونلك زي مقال النبي متاع الدُنيا .. :)) ❤️ هتهنيك :D

    #وصايا_بن_حنبل ..

    احمد ايمن ..
                  

12-04-2018, 11:07 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    كان أحد السلف أقرع الرأس مشلول اليدين و القدمين
    و كان يقول الحمد لله الذي عافاني مما ابتلي به كثيرا ممن خلق و فضلني تفضيلا
    فمر به رجل فقال له مما عافاك أعمي و أبرص و أقرع و مشلول
    فقال له ويحك يا رجل {جعل لي لسانا ذاكرا و قلبا شاكرا و بدنا علي البلاء صابرا}
    اللهم أجعلنا من الصابرين الذاكرين الشاكرين
    الحمد لله علي كل حال_فحالناأفضل من حال غيرنا علي أي حال
    احمد ايمن
    ==========================
    هتمشي فــ الجنه اول شارع يمين ^_^
    هتلاقي نهر من لبن وجمبه قصرين ,,,
    وشجر تفاح وشجر من خوخ ومن تين
    وهتلاقي لؤلؤ ع البحر قصاد الشجر ,,,
    مرمي علي الشطين ♥♥
    هتلاقي فــ كل مكان موجود اسمين ,,,
    محمد النبي واسم رب العالمين ^_^
    هتشم ريحه عنبر ومسك وناس بيك مرحبين ♥♥
    ادخل القصر هتلاقي واحده جميله مشافتش زيها عين,,,
    هتقولك اتفضل قصرك ومبني من سنين ,,,,
    تقولها انتي مراتي ! صح ولا مين ,,
    تقولك انا الخادمه بتاعتك ومراتك اجمل منها مشافتش العينين !!
    تدخل عليك مراتك ! لو كان فـــ الجنه جنون !
    كنت هتكون من جمالها اول المجانين ,,, ♥♥♥
    وتيجي وتقبلنك بين الوجنتين ! ^_^
    وتقولك انا مراتك من الحور العين ♥
    ودا جزات صبرك يا حبيب المصطفي ♥♥
    عيش واتمني وهتلاقي اللي تحلم بيه
    قبل حتي ما ياخدك ليه الحنين ^_^ ♥
    هتمشي فـــ الجنه اول شارع يمين^_^
    #أحمد_أيمن
    ==================================
    ايوه انا الشاب الغيور ^_^
    ايوه انا الشاب الغيور ! اللي دمه حامي ..
    اللي محبش أمي خُصلت شعرها تبان ..
    لو حد كان معايا او حتي في بلكونه البيت اللي قصادي ,,,
    ديما احس ان غيرتي عيبي ,,
    بس غصب عني ومش بايدي ,,,
    ده لو حتي بنت غريبه عني ,,
    وفــ المواصلات مبسمحش لحد غريب عنها يلسمها ولو بالغلط !
    واقعدها بعيد عن الشباب واحفاظ عليها زي اختي ! من اي ولد !
    ايوه انا محبش مراتي تلبس ديق !
    ولو مليون واحد عليها هيتريق ,,,
    ايوه انا محبش اختي تقف وتكلم ولاد !
    وكمان مبحبش اسلم علي ستات ,,,
    وألمس ايدهم ! عشان حرام !
    وربنا حرم ده فــ الاسلام !
    ايوه انا محبش راجل غريب يزور البيت وانا مش موجود
    لان كل بيت له حُرمته ! ولازم محدش يتخطي الحدود !
    ايوه انا مش هقبل ان مراتي تركب اتوبيس ,,,
    وكل اللي واقف جمبها يبصلها ويقول بيس !
    أيوه انا الشاب اللي بغير علي مراتي اللي لسه مجتش
    واحس كأنها تلجايه وهتدوب من عيون الناس اللي زي الشمس
    ومحبش اني اكون راجل نص كم ! وخلاص مبقتش احس !
    ايوه انا الشاب الغيور اللي دمه حامي
    اللي قبل ما يزور حد لازم ياخد معا ,,,
    عشان يكون اللي رايحله لمقابلتي في الاستعداد !
    ايوه انا الشاب اللي لما بروح ازور صديق
    لو ملقتهوش مقعدش دقيقه عنده ف البيت ,,,
    ايوه انا لما بكلم بنت عنيا لازم تكون ف الارض
    لان ده اسمه في الاخلاق والحياه عَرض !
    ايوه انا الشاب اللي متربي كويس ,,,
    ومش هقبل اكون غير كده يا ريس !
    وغير كده محبش ,,,,
    ايوه انا الشاب الغيور ! اللي دمه حامي ,,,
    اللي مسمحش لامي خُصلت شعرها تبان ,,,
    ^_^
    #أحمد_أيمن ツ
                  

12-04-2018, 11:07 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    قولتلها عارفه النبي كان بيعمل مع زوجاته ايه ؟!
    قالت اكيد طبعا عارفه .. كان بيصلي بيهم ! ويأكلهم بايديه ^_^
    وكمان يساعدهم فــ شغل البيت ! وقبل ما يدخل عليهم يخبط ^_^
    صح ولا ايه ؟! قولتلها صح ! وايه كمان ! :D
    قالت كان بيهتم بنظافته وكان بيغسل لبسه ^_^
    وكان كلامه ديما حنون ,, وكان رومانسي لاخر الكون ♥ :*
    وكان بيطمنهم بكلامه ! ^_^ رغم اوجاعه وآلامه ,,
    وكان يقعد السيده عائشه علي رجليه !
    ويلعبها زي طفله بين ايديه ♥
    وكان كمان بيجري قصادها فــ البيت ! ويهزر معاها ,,
    وكان ديما بيحبها ! ودايب فــ هواها ,,
    وحاجات كتير كتير جميله عملها وياها ^^
    صح ؟ قولتلها صح :D
    انــا معاكي بقه هعمل كده ! ^_^ بس مش هتجوز عليكي !
    عشان النبي كأن مأمور بالزواج ! انما انا مش مأمور !
    غير بحبك :) اللي لاي مرض علاج ^_^
    ضحكت ضحكه جميله ! قومت واخدها فــ حضني !
    قالتي مكسوفه بس بقه يابني ! ^_^
    قولتها طيب خلاص انا هبعد عنك ياستي !
    قالت انت ما بتصدق ! :D انت حبيبي وضلي وعمري ^_^
    غمضت عيوني ! وقولتها انــتي شمعه ! ^_^ بتنور قلبي ,,
    يارب تفضلي منوره ! زي الشمس ^_^
    ولما احس بالوحده ! القاكي جمبي
    ! تحضنيني وتضمي ^_^ ♥
    #أحمد_أيمن ツ
    ===============================
    سيدنا عمر بن الخطاب بيقول : الرجل في بيته كــالطفل فاذا ابتُغي منه وُجد رجلا ,,
    بمعني ان الراجل مع مراته وعياله زي الطفل بالظبط يهزر ويضحك ويلعب معاهم ويعمل كل اللي يعجبه ان شا حتي يتشقلب ف البيت
    انما وقت الشده لو طلبناه نلقاه راجل وقت الشده يعتمد عليه يقدر يسد ف المحن ظهر حامي
    بمعني كمان : انه يكون راجل ليهم مش عليهم
    هو ده الاسلام اللي اعرفه ♥♥
    حد موافق علي الكلام ده ^_^
    احمد ايمن
    =================================
    شهادة الثانوية ، الجامعة ، الماجستير ، الدكتوراة
    كُلهن ستغدو هباءاً منثورا في أول ليلة لكَ ف القبر
    ويبقى درس الصف الأول الإبتدآئي ؛
    من ربك وما دينك ومن نبيك !
    #الشقيري
    ..........
    حدث بالفعل إمبارح كنت في مصر الجديدة بالصدفة فى واحد من المطاعم المشهوره (ماكدونالدز) كنت واقفة اجيب ساندويتش - دخل عيل صغير عنده حوالى 8 سنين لابس لبس متوسخ - ودخل بكل ادب للراجل بتاع الكاشير وقاله - ممكن شوية بطاطس ياعمو لو سمحت لانى جعان - الكاشير بصله بقرف وقاله اطلع بره وزعق فيه وطرده من المطعم - الطفل حط وشه فى الارض ومقلش ولا كلمه - بس دموعه نزلت قدامنا كلنا وطلع قعد على رصيف قدام المحل بيعيط واحد من الشباب اللى كانوا واقفين يشتروا من المطعم فضل باصص للطفل شويه وخرج من المطعم ورجع والطفل فى ايده ومسك ال menu بتاع المطعم - وقاله شاور على الساندويتش اللى انت عاوزه - الطفل قاله انا عاوز شوية بطاطس وبس - الشاب اصر ان الطفل يطلب الساندويتش اللى هو عاوزه - لارج - وطلب له معاه بيبسى وبطاطس وقعد الطفل على الترابيزه اللى فى وش الكاشير اللى زعقله - الولد دموعه نزلت تانى بس من الفرحه .. وكل الناس فى المطعم كانوا مبسوطين جدا لسه الدنيا بخير .. والموقف ده ادانى امل . ولسه غالبيتنا عندهم طبقيه مريضه انا عارفة الشاب اللى عمل الموقف ده شخصيا - ورفض انى اذكر اسمه - ولما قولتله انى هكتب اللى حصل ده - قالى - خلى الناس يجربوا يفرحوا بعضهم
    شير في الخــــــــــــير .
    ........
    فــ مره وانا صغيـر كنت عندي حوالي 9 سنين او 10 مش فاكر
    كنت واقف ف البلكونه مع امــي وكانت بتمطر اوي وبدأت تسرج
    والسما منوره اووي وكنا الساعه واحده بالليل وكنت خايف جدا
    وامــي حضناني واحنا ف البلكونه بتاعت البيت وبتقول لا اله الا الله !!
    والمطره تزيد اوووي اوووي والسما تسرج اكتر وتنور اكتر
    امي بتقول شكل النهارده يوم القيامه !! قومت سيبت حضنها
    وجريت دخلت الصاله بتاعت البيت وجبت المصليه واتوضيت وفضلت اصلي كتير اوي واسجد كتير واعيط واقول يارب النهارده القيامه يارب انت زعلان مني ! يارب سامحني يارب انا بحبك ! يارب انت هتدخلني النار ,, يارب والنبي يارب متكونش شايل مني :( ,, وبقيت اعترف بذنوب عملتها ,, يارب انا عارف انك بتحبني ومش هتوديني النار والسما صوتها يعلي اوي وانا اقول يآآآآآآرب واعيط وازود فــ البُكا جامد اوي ,,, :(
    عمري ما هنسي اليوم ده ,, بجد انا مشتاق لدقيقه واحده من الاحساس اللي كنت حاسه ساعتها اعيشه دلوقت ,, قد ايه قلوبنا جمدة وبقت بتستهون بالذنوب ,, قد ايه الواحد مشتاق للرجوع لله !! :(
    #ذكرياتي
    احمد ايمن
    ===========================
    د.امجد قورشه ||
    كان رجل يتمشى في حديقة في نيويورك ..
    وفجأة رأى كلبا يهجم على فتاة صغيرة فركض الرجـل نحــو الفتاه،،، وبدأ عــراكه مـع
    الكلب حتى قتله ، وأنقذ حياة الفتاه الصغيرة ...
    في هذه الأثناء كان رجل شرطة يراقب ما حدث، فاتجه الشرطي نحو الرجل
    وقال له أنت حقا بطل !
    غدا سنقرأ الخبر في الجريدة تحت عنوان " رجل شجاع من
    نيويورك ينقذ حياة فتاة صغيرة من كلب هائج ".
    أجاب الرجل :" لكن أنا لست من نيويورك ".
    رد الشرطي إذا سيكون الخبرعلى النحو التالي "
    رجل أمريكي شجاع أنقذ حياة فتاة صغيرة من كلب هائج".
    رد الرجل:" أنا لست أمريكيا
    قال الشرطي مستغربا :" من تكون ؟". أجاب الرجل :
    " أنا عربي مسلم"
    في اليوم التالي ظهر الخبر في الجريدة على النحو التالي :
    "متطرف إسلامي يقتل كلبا أمريكيا بريئا " !!
                  

12-04-2018, 11:08 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    البنت تحب الراجل المحترم اللي يحترمها ويقدرها وميشتمهاش بأهلها او يجرح كرامتها وميكونش بخيل وجلده وبيموت ع القرش
    ,, ويخاف ربنا فيها وتبقي سكن ليه فـ عز وجه ,,
    يا خي دي كفايه بس انها سابت صحابها واهلها وجرانها وكل حاجه عشان خاطرك وجت تعيش معاك ف بيتك وانت غريب عنها !!
    شوية تقدير ,, صدقني مش عليها مش كتير ,,
    وزي ما قال النبي " ما اكرمهن الا كريم "
    واكيد انت راجل كريم ♥♥
    ...........
    فــي ناس ! مبترتاحش غــير لما بتسجد
    أنــا منهم
    .............
    بكتب شِعر علشانها ,,,بس الشِعر مبعجبهاش ,, اسلوبي بسيط زي طفل صغير بوصفها ,, حتي القافيه مبعرفهاش ,, بحلم اني علاء الدين ! وهي ملاكي بس حزين ! وانا طاير علشان اسعدها ,, عن كٌل معاني الحُزن ابعدها ,, بس ده برضه جوا عنيها مبيملاش ,, قولت اغني واعمل نفسي عمرو دياب ,, بس كل اقرب منها ! حاسس ان كلامي سراب ,, قفلت عن حُبها علشاني يجي مليون 1000 باب ,, واهي فـ الجرح متتوصاش ,, لما بتعمل ذنب وتعصي ,, عن ربها تبعد تنسي ,, انصح فيها وابداً عنها مستغناش ,, لما عنيا تلمح بنت فـ صُدفه ,, حتي و لو مش جمبي و عارفه ,, احفظ بصري وحتي بنظره مبخونهاش ,, تيجي تبيعني ! ولا تسمعني ,,, عينها بتيجي فـ عيون غيري ,, نظره عينها زي رصاصه بتيجي فـ قلبي بـ سلاح مِيري ! بس لايمكن اقول مش ذنبي ,, وانا اصلا عندها ايه ؟! مثلا يعني ,, خوفي اصارح دا بيمنعني ,, غيرتي عليا عندها خَنقه ,, علي طول قاسيه وبايعه معانده ,, تكدب ديما كدا علي قلبي ,, وتقولي فـ بُعدها عَني ... دُنياها مُش تتعاش ,, وانا شاري وهي بيعاني ! بأرخص سعر مش عيزاني ,, تقدر تقول اني حبيب اِتباع ببلاش ,, بكتب شِعر علشانها ,,,بس الشِعر مبعجبهاش ,,
    ..........
    كان في شاب قاعد ف الميكروباص وحاطط السماعات ف ودنه وبيسمع اغاني وكان فـ جيبه علبة سجاير !! فجأه مــات وهو قاعد والسماعات ف ودنه ,,
    فـ كل الناس اللي كانت قاعده قالت ايه النهايه الوحشه دي اكيد ربنا غضبان عليه عشان يموت بالطريقه دي طلعوا السماعات من ودانه لقوا كارت الــ Memory بتاعه مش عليه ولا اغنيه كل اللي فـ الكارت قرآن بس !! طلعوا علبة السجاير من جيبه لقوه مصحف صغير :)
    #حُسن_الظن_عباده ,,
    اللهم احسن خاتمتنا ^^
    احمد ايمن
    ===============================
    علي ضفاف الجنه ,, هتلاقي سِيدنا النبي ,, تمشي شويه تلقي ,, بنوته ويا الصبي ,, والارض مفروشه ,, بلآلئ الرحمان ,, والقصر من ألماس ,, والريحه والريحان ,, والزوجه واقفه قصادك ,, بتقول معاك علي طول ,, والبسمه ماليه خدودها ,, والشكل مُش معقول ,, والسقف عرش الله ,, والجار رسول الله ,, والنهر تحت البيت ,, والشجره تطرح نور ,, وأبو بكر واقف اهو ,, بيبص فوق السور ,, والدُنيا لونها اخضر ,, والزرع بيغني ,, يا جنه آه مُشتاق ,, متقربي مِني ! ,, لا فيها يوم قلقان ,, ولا حُزن هيقرب ,, وتحس فرح وشوق ,, ولا لحظه راح تتعب ,, تركب بساط الريح ,, او فـ السما بجناح ,, كل ما تحلم بيه ,, عايش سعيد مرتاح ,, ف الجنه نور الله ,, بيشع جوا العين ,, فكتبها ليا يارب ,, واللي يقول آمين ^_^ ♥
    .........
    كان رسول الله إذا سَلم علي احد من الناس تظل يد من لمس يد رسول الله فيها رائحة العطر حتي وفاته ^_^
    _========
    لسه راجع من صلاة العصر اقاموا الصلاه وقومت اصلي لقيت ولد صغير ف الصف الاول عنده ٤ سنين تقريبا قام راجل كبير زق الولد وقاله ارجع ورا يالا !!! قام الولد رجع ف الصف التاني اللي انا بصلي فيه قام جاي راجل ع الولد ولسه بيزقه وهيرجعه ف الصف التالت قومت حاطط ايدي علي كتف الولد الصغير ، قام الراجل مزقش الولد علشان اتحرج مني ! الولد بصلي بإستغراب ! قومت مُبتسلمه .. ^^ بدأنا الصلاه والولد طول الصلاه يبصلي ويقلدني ارفع صابعي ف التشهد يقوم رافع صوابعه اسجد يقوم مقرب وشه مني علشان يسمعني ،، وبعدين خلصنا الصلاه والولد بيصلي قومت سلمت عليه وقولته تقبل الله ^^ انت اسمك ايه ؟! قالي عبد الرحمن قولته وانا برده زيك اسمي احمد قام ضاحك :D قولته انت عندك كام سنه قالي ٤ وكان عنده حرف ال ، ر ، قولته ف الحضانه يعني قالي اه انا همشي بقي قولته استني تمشي ازاي هات ايدك قام مد ايده قولته قول ورايا وفضلت اسبحله بصابعه الكبير علي عُقل صوابعه وهو يقول وريا سبحان الله خليته يسبح ١٥ مره علي ال ١٥ عُقله ،، جيت قولته قول الحمد لله قالي الحمد لله وكمل ال ١٤ عقله لوحده ... وبعدين الله اكبر وكمل ال ١٤ قولته انت عارف انك كده هتدخل الجنه لما عملت علي صوابعك قالي بجد قولته ايوه وهقاباك هناك ... قام واقف وباسني من خدي قالي خلاص هشوفك هناك جري قولته نتقابل بكره يا عبده قام ضحكلي :D ،، ساعتها افتكرت النبي صلي الله عليه وسلم لما سيدنا الحسن والحسين كانوا بيطلعوا علي ضهره وهو بيصلي بالمسلمين وفضلوا فوق ضهر النبي فتره طويله لدرجة ان الصحابه شكوا ان النبي يكون جراله حاجه !! كل ده علشان مينزلهمش من علي ضهره ومكنش بيصلي ورا النبي احمد ايمن او الراجل اللي زق الولد لاء كان بيصلي وراه اطهر الخلق عمر وابو بكر وعثمان وعلي ! ..
    ايها الناس ممكن النظره الغليظه وتديق عنيك من الغضب تكون سبب ف تكريه الناس في دينها الرحمه يرحمكم الله ،، ولو كُنت فظاً غليظ القلب لإنفضوا من حولك ^_^
    احمد ايمن
                  

12-04-2018, 11:11 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    اول ما صحيت من النوم و عرفت إن النهارده عدي أربع ايام من العيد وكلها اقل من ساعتين هيبقوا خمس أيام .. قولت : سبحانك يا رب .. الأيام بتجري، و إفتكرت طفولتي .. ايام إبتدإئي لما واحد قريبي جه عندنا وإداني انا وأخويا كل واحد ٥ جنيه عيديه .. ووعدنا إن كُل عيد هيدينا عيديه .. فرحنا جدًا ورستكنا حالنا وعشمنا نفسنا إن مصروف العيد من السنادي زاد ٥ جنيه .. " يا أحلي يوم ف عُمري ؛D .. تمر الايام ويجي العيد اللي بعده .. قريبنا يجي بيتنا يعيد علينا .. وأقعد جنبه، وهو ولا هِنا .. مدانيش ولا جنيه .. يجي العيد اللي بعده واللي بعده، اول وتاني وتالت ورابع يوم العيد يجي، وبرضه ميدنيش حاجه ! وانا عشمان لآخر لحظه إنه يديني ال ٥ جنيه خصوصًا إنه حاله من فضل ربنا ميسور .. لحد ما خلصت الابتدائي والاعدادي، لكنه مكررهاش ! وانا نفسي فقدت الشغف واللهفه علي ال ٥ جنيه بتاعته ومبقتش استناها ..
    - الخُلاصه خليك ديمًا قد كلامك أو خلي كلامك علي قدك ! .. متطلعش حد لدرجه وسقف مُعين وتنزله بعدها الأرض .. تهتم ف البدايات وتهمل تدريجيًا .
    - متوعدش بوعد في وقت صفا تشعبط بيه قلب شاف إن وعدك هو خيط الامل الوحيد بالنسباله، وتقطعه لما متنفذوش ! علي رأي خالتي " قلل من الندر وإوفي " والجُمله دي بتفسر حديث النبي : خير الاعمال أدومها وإن قَل "
    - يبقي متلعبش بمشاعر حد و تغير حاله بـ كلمه، وعد، إهتمام، نظره " وتختفي بعدها .. او تتغير عليه او حتي تنفذ كلامك بس بعد فوات الاوان !
    زكاة الفطر قدامك فُرصه تطلعتها لحد آخر يوم رمضان وهتتحسبلك زكاه إنما لو طلعتها اول يوم العيد تبقي صدقه لأن رمضان خلص !
    ربنا ما يجعلني ولا يجعل كل شخص بيقرأ دلوقت ينشغل باله ويقول : ياتري أحمل هم اللي بتمناه وعشمان فيه ولا احمل هم إن اللي بتمناه ده هيجي في وقته ولا بعد ما افقد اللهفه والشغف عليه !
    #العشم_بزياده ..
    #احمد_ايمن .. ^^
    ===================================

    كنتي بتحبي واحد بس للاسف بعد ما عشمك بالجواز متقدمش ! كسر خاطرك وقلبك.. فعلاً : الحُب للاقوياء فقط " ! ولأن ربنا ارحم من إنه ياخد منك الجميل في نظرك غير لما يبدلك بالأجمل .. بعدها بأقل من شهرين اتقدملك عريس بن ناس .. مُحترم و بيحبك .. بس إنتي للاسف مبتحبهوش، وبسبب ضغط اهلك ولأنها سُنة الحياه، وافقتي .. طول خطوبتكم مبينساش مُناسبه تهمك .. بيودك ويتعامل معاكي بالحُسني .. اتجوزتوا : فبقي يخاف عليكي من الهوا الطاير زي ما بيقولوا .. تتعبي: يسهر جنبك، وميرتاحش إلا لما يشوف ضحتك .. بيحب اهلك وبيحترمك .. كريم وبيصونك .. تحسي قد ايه انه مكانش يستاهل إنك متحبهوش ! وتقولي فعلاً " وعسي أن تكرهوا شيء وهو خير لكم " كنت كرهاه لكن دلوقت لو اطول أعيشله عُمرين علي عُمري مُش هتأخر .. فعلاً مفيش اعظم من عوض ربنا وإختياره .
    - صدقني أكيد راح تتعدل .. وهتضحك من تاني الايام .. مهو ديمًا لما بتتقندل .. بيقرب فرج المولي قوام !
    - من شويه قريت إن سنة ١٩٧٥ حصل شيء عجيب في بلد ما في الصين .. الكلاب البريه اللي عايشه جوا الغابات القريبه من البلد خرجت بعدد كبير، وهجموا علي البلد، وبدأوا ينبحوا بعلو صوتهم بشكل غريب ومن غير انقطاع ! اصواتهم بتعلي وبيرزعوا في ابواب البيوت ! الناس اترعبت .. الاطفال اتفزعوا .. الستات حضنوا عيالهم وعيطوا .. عدد الكلاب كبير بشكل مُخيف ! قرروا يسيبوا اللي وراهم واللي قدامهم ويهربوا ! خدوا اللي قدروا عليه، و كل واحد ومراته شالوا عيالهم وجريوا .. عزلوا من البلد بحالها .. الناس خرجت بالآلاف وهما بيتلفتوا حواليهم و مرعوبين .. بعد خرجوهم بأقل من ١٢ ساعه حصل زلزال دمر البيوت .. نسفها .. جاب عليها واطيها زي ما بيقولوا .. مبقاش في البلد كلها علي بعضها بيت سليم !! اهل البلد وقتها عرفوا ان الكلاب كانت بتبح بشكل مُخيف وبعدد كبير لان الحيوان هو المخلوق الوحيد اللي بيشعر بالزلازل قبل وقوعها فكانوا بينبهوا اهل البلد عن طريق النبح المُستمر ان في هزه ارضيه هتدمرهم !
    - زي ما بيقولوا " بُكره الكويس اللي راح هتقول بعدها عنه كويس إنه راح " ربنا اسمه " الحكيم والرحيم " ياخد منك شيء بتحبه بحكمته علشان يعوضك بأشياء تعشقها برحمته .. مُستحيل يترزع في وشك باب إلا لما ربنا يفتحلك في المقابل أبواب .. متيأسيش من رحمة ربنا هتُفرج من وسع .. القلم لما يتقصف بتبريه فيطلعله سِن أحسن وأجمل .. فلما يتقصفلك حلم ايًا كان بقي " حُب .. دراسه .. شُغل .. صاحب " تأكد إن ربنا هيبريلك حلم جديد وأحسن واجمل من اللي إنتهي بالنسبالك، وهيشوف النور ويعيش لأنه إختيار رباني وربنا لما يختار شيء لابد يهيأ جميع الاسباب اللي تحفظهولك، فديمًا قول يارب إخترلي وراضيني باللي تختارهولي وعوضني ! وزي ما اللي قبلنا قالوا : لو كان خيرًا لبقي، وفعلاً : الخيره فيما إختاره الله .. ☝️❤️
    #عوضني_يارب 👐 : ))
    #أحمد_أيمن ..
                  

12-04-2018, 11:12 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    متستغناش عن الشخص اللي :
    - لو اتصورت علي موبايله يبعتلك الصوره في نفس اليوم من غير ما ينشف ريقك .
    - ميحلاش لُه قعده او خروجه وسفر إلا معاك .
    - بياخد رايك في لبسه وكُل تفصيله من تفاصيل حياته .
    - لما يشوف فيديو او بوست يلفت نظره بيعملك مينشن .
    - اللي لما تقع في الحُب يتحمل رغيك وكلامك المتكرر عن اللي حبيته .
    - اللي بيرد علي رسايلك بسرعه، ولما تحتاجله تلاقيه في ضهرك وبيقويك .
    - لو فيك عيوب الدُنيا برضه باقي عليك وعُمره ما يعايرك ولا بيشوف فيك غلطه !
    - لما يعرف نكته لازم تكون اول واحد تسمعها .
    - لو شافك واقف مع حد مبتحبهوش بيخلعك من الوقفه بشياكه .
    - لو قصرت في السؤال عنه وقابلته بيتعامل عادي وبنفس الود وكأن مفيش حاجه حصلت .
    - بيعاتب عتاب ميحرجكش ويخليك تتهرب من مواجته لأنه هيكسفك .
    - تدخل مطعم يدوس معاك ! تشرب حاجه يقولك هشرب ! بيشجعك و مبيقفلش الطلعه .
    - اللي الخروجه معاه مبتبقاش عباره عن اكل وبس ! بالعكس بتتفسحوا وتشموا هوا وتستمتعوا بوقتكم وف وسط خروجتكم : تجوعوا فتاكلوا !
    - اللي بيوحشك حتي ولو شايفه من ٥ دقايق وبيبقي بالنسابلك عامل زي البطاطس مبتعرفش تشبع منه .
    - بيقدر وبيتفهم إنك اوقات مبيبقاش عندك القُدره ترد علي تليفونات او تتكلم مع حد وبتحتاج تبقي مع نفسك وتعتزل كل حاجه .
    - ممكن ميبقاش من دمك ومُختلفين ف وزنكم.. طولكم .. شكلكم .. لكن شيء رباني ربنا زرعه في قلوبكم فطرح حُب وأخوه وحنين خلاكم دم واحد وروح واحده محطوطه في جسدين .
    - الشخص ده هو اللي لقيت ولو سطر يشبهله وإنت بتقرأ الكلام ده و جه علي بالك دلوقت !
    - قال رسول الله صلي الله عليه وسلم إذا أحب أحدكم أحدًا فليُخبره : ))
    قوله إنك بتحبه .. قوله إنك مهما قصرت في معاه .. مفيش أغلي علي قلبك مِنه ❤️ :)) !
    #حبيبي_يابو_الصُحاب 😄✌️
    #احمد_ايمن ..
    ==============================

    صديقي تامر عبده امين كان عندي في البيت من كام يوم .. فخرجت اوصله للموقف علشان يروح اسكندريه .. كان الجو يومها حر قوي .. قولت اجيبله ازازتين ميه يبل بيهم ريقه .. المُهم ركب جنب السواق ف عربيه " بيجو " ٧ راكب ، بيقولي إنه إدي للسواق إزازه من الازازتين يشرب منها .. السواق واضح إنه كان عطشان لدرجة إنه تقريبًا شرب الازازه كلها ! تامر كان حاطط الشنطتين بتوعه في شنطة العربيه من ورا " واحده فيها اللاب توب والتانيه فيها لبس والذي منه " وصل اسكندريه و نزل وركب تاكسي يوصله للبيت، و ف نص الطريق افتكر انه نسي الشنطتين بتوعه في العربيه البيجو ! فقال لسواق التاكسي : الله يباركلك ياسطي إرجع الموقف بسرعه نسيت الشنطتين بتوعي ! السواق رجع وفضلوا يدورا علي العربيات اللي لسه واصله الموقف من ساعه تقريبًا .. لف هو وسواق التاكسي علي الراجل صاحب العربيه البيجو لحد لما لمحوه فجريوا عليه سواق التاكسي قال لصاحب العربيه البيجو : الاستاذ اللي واقف هناك ده نسي الشنطتين بتوعه معاك في العربيه .. رد وقال : في الحفظ والصون انا واقف مستنيه وعارف انه هيجي يدور عليهم ومكنتش همشي حتي ولو كان جه عليا الدور أحمل .. قاله ليه يعني ؟! قاله لأن الاستاذ صاحب الشنتطين بل ريقي بإزازة ميه في عز عطشي .. فقولت اكيد دلوقت ريقه ناشف بسبب الشنتطين اللي نسيهم فلازم استناه لحد لما يجي وأبل ريقه وأرد روحه زي ما رد روحي .
    - جبر الخاطر والمعروف اللي بتعمله لحد حتي ولو حاجه قليله في نظرك .. يشبه للكوره الجلد .. تحدفها لازم تترد فيك وترجعلك من جديد .. كلنا متشعبطين في كلمه حلوه .. متعشمين في جبر خاطر .. ربنا بيقول : هل جزاء الاحسان إلا الاحسان ؟! يستحيل تزرع مانجه وتطرح جميز ! واللي هتزرعه في اللي حواليك لازم هيطرح، وتجني منه .. جبر الخواطر زي الدايره المقفوله بيلف يلف ويرجعلك .. اعرف واحد قال للبنت اللي بيحبها وهو رايح يخطبها " انا محتفظ بيكي في قلبي من ٣ سنين " بعد سنه من خطوبتهم وتاني يوم جوازهم لقي في شنطه في اوضتهم بيفتحها لقي فيها ورق شيكولاته وكانزات فاضيه وورق هدايا وهكذا " قالتله لما جيت تخطبني وقولتلي انك احتفظت بحبي في قلبك ٣ سنين انا من وقتها قررت احتفظ بكل حاجه من ريحتك وجايه من ناحيتك ! .. علي راي المثل " اللي بيقدم السبت بيلاقي الحد " .. حبيبي يا رسول الله فعلاً صدقت لما قولت : ما عُبد الله بشيء أفضل من جبر الخواطر " ✋
    #إعمل_معروف ..
    #إجبر_خاطر : ))
    #احمد_ايمن ..
                  

12-04-2018, 11:13 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    ليلة العُمر ..
    والله كبرت وبقيت عريس .. مبروك يامعلم .. ربنا يسعدك يا عروسه .. ;D
    - بسم الله الرحمن الرحيم " وجعلنا بينكم مودة ورحمه " ربنا يولف قلوبكم علي بعض ويرمي فيها المحبه من غير حساب 👐
    بما إننا في فتره أغلبها جوزات .. حبيت اتكلم بإختصار عن ليلة العُمر ..
    الفرح خِلص وخلاص رايحين علي شقتكم .. الله يهدي سركم يا رب .
    - أخيرًا إتقفل عليكم باب واحد !
    ربنا سُبحانه وتعالي بيقول في القرآن " وقدموا لأنفسكم " !
    لو أمك عاوزه فلوس من ابوك وقالتله هات ١٠٠ جنيه ممكن يديها من غير نفس لاما يقولها ممعايش ! لكن لو قالتله ديمًا مش حارمني من حاجه الله يبارك فيك وف صحتك يا اصيل كُنت محتاجه ١٠٠ جنيه .. حتي ولو مش معاه هيقولها والله يا ام العيال مفيش دلوقت لاما هيديها بطيب خاطر .. يبقي علي راي المثل كُله بالحنيه بيفُك ! لازم تقدم لنفسك الحنيه والاحتواء ..
    اول لما تدخلوا .. خليك هادي .. فرجها علي الشقه .. اتكلم في اي موضوع .. قولها شعر او أي كلمتين حلوين حتي ولو هتقول مثلاً " الشوق الشوق .. مشتاق مشتاق .. الحضن الحضن " ;D فرفش كده وفُٰك وخليها تطمنلك .. !
    - حسسها إنها كل حاجه بالنسبالك .. الدُنيا ومافيها وطنك ودارك .. كلمها قد ايه حسيت بالامان بوجودها جنبك .. طبطب عليها .. بوس راسها .. الراجل لما يبوس راس مراته معناها إنه بيحترمها .
    - آخر حاجه ممكن توصلهالها إنها شهوه بالنسبالك لأن الليله دي بتلزق في القلب زي طابع البوسطه .. حسسها إنها إنسانه ليها كيان وقيمه كبيره جواك ..
    - فرجتها علي الشقه .. قعدت كلمتها كلمتين حلوين .. هزرت وضحكت .. إبدأ حياتك برضا ربنا سُبحانه وتعالي .. خليها تتوضي وصلي بيها ركعتين لله .. اللي حياته تبدأ بطاعه بتفضل طول العُمر حياه سالكه زي السكينه في الحلاوه .
    - خُش خدلك دُش واغسل سنانك وكل نعناع وظبط حالك .. الصحابه قبل لما يدخلوا علي زوجاتهم كانوا يحطوا ريحه وينظفوا ثيابهم ولما إتسأل واحد منهم ليه بتعمل كده ؟! المفروض هي اللي تتزين ! كان يرد ويقول " و إني لأتزين لها كما تتزين لي "
    - إستني .. في حاجه لازم تكون عارفها .. ربنا بيقول " فأتوهن من حيث امركم الله " اكيد إنت فاهمني .. وتأكد تمامًا إن اللي نهي عنه ربنا سُبحانه وتعالي اكيد شيء في صالحكم .
    - قبل لما يحصل بينكم حاجه استعيذوا بالله من الشيطان الرجيم وياريت تنفض السرير بإيدك ٣ مرات وتقول : اللهم آتني خيرها وإكفني شرها .. قول الدعاء ٣ مرات، وانتي كمان قوليه " اللهم آتني خيره وإكفني شره " بإذن الله هيباركلكم في ليلتكم و حياتكم
    - أهم شيء في اي علاقه هي التودد .. ربنا خلق الحيوان شهوه بدون عقل وخلق الملائكه عقل بدون شهوه وخلق الانسان شهوه وعقل علشان العقل يتحكم في الشهوه، واحاديث كتيره بتتكلم عن النبي إنه كان يقبل زوجاته ويتودد ليهم قبل لما يجامعهم .. اتقرب من زوجتك وتعامل بالحُسني خليها تتونس وترتاح بيك .. رحم الله كل هين لين سهل ! .
    - اكتر حاجه تجرح الست ياصديقي هي ان بعد ما تنتهي العلاقه بينكم تقوم وتسيبها ! اوعي تعمل كده .. هتكسرها .. هتحس انها ملهاش لازمه .. لكن إحضنها وقولها: ربنا مايحرمنيش منك .. إدعيلها وامدحها، وقتها هتحس بإرتياح .. اصل الست لما ترتاحلك تعشقك، وتحلي ايامك بُسكر عشقها .
    - ديمًا بعد علاقتك بيها إحمد ربنا علي نعمة الصحه وانه بفضله قدرك علي القرب منها .. وانه رزقك بإنسانه سابت ابوها وامها واهلها واصحابها وآمنت علي نفسها معاك .. وزي ما قال النبي الدُنيا متاع وخير متاع الدُنيا " الزوجه الصالحه " الله يصلح احوالكم ويرزقكم بالذريه الصالحه .. 👐
    #صباحيه_مُباركه ..☺️❤️
    #احمد_ايمن ..
    =============================

    نقول تاني :
    لما بتنزل تحت الدش، وتقف تستحمي فتره طويله .. بتلاقى صوابع ايدك ورجلك كرمشت .. جسمك تحس انه بيبوش بالظبط زي الصوره دي .. سيدنا يونس وهو فى بطن الحوت فضل 3 ايام جوه بطنه والحوت طلعه من بقه ورماه ع الشط .. جسم سيدنا يونس بايش تمامًا زى صوابع رجلك وايدك وانت بتاخد دش، واكتر !! شوف كمية الحنان اللي فى الآيه ؛.ربنا بيقول : وأنبتنا عليه شجرة من يقطين " تخيل كده : الشجره وهى بتطلع جنب سيدنا يونس عشان تضلل عليه لأن الشمس لو لمسته وهو بالشكل ده هياخد ضربة شمس او الحشرات هتتلم وتإذيه لحد الموت !!
    ربنا قال فى كتابه الكريم " وانبتنا عليه شجره " .. مقالش " وكانت بجواره شجره " ! .. لا .. دى شجره طلعتله مخصوص، واليقطين ده : يعني شجرة ورقها تخين .. الورقة حجمها حجم ودن الفيل . ! بحيث تكون ضله وتحاوطه تمامًا وتحميه من شعاع الشمس لحد ما يفوق وجسمه ينشف وترجع قوته من جديد .. وفعلاً إستعاد قوته من جديد وربنا نجاه بقدرته وعظمته ..
    ربنا طيب .. هيضل عليك، ويحميك .. مهما تبوشك الصعوبات ربنا هيطلعلك الخير من حُضن الأزمه .. حتى لو انت شايف الخير بعيد، وحل معادلة حُزنك مُستحيل يتفك !! صدقنى : هتلاقى الحلول طلعتلك فجأه من حيث لا تدرى زى شجره يونس اللي لا يُمكن كان يتوقع وجودها .. ربنا بيدهش وبيبهر بعطاؤه .. إتسند على ربنا واستقوى بيه لانه عظيم هيقويك، وهيخليك تستعيد طاقتك وعزيمتك ..
    ولما تحس بإنكسار وإنها قفلت في وشك زي الضُمنه السيده خديجه لما قالت للنبي وقت لما حس برُعب وخوف : كلا والله لا يُخزيك الله أبدًا !
    #هتتعدل : ))
    #احمد_ايمن ..
                  

12-04-2018, 11:14 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    قبل ظهور نتيجة الثانويه ب ٤٨ ساعه " نرمين " جارتي، وف نفس الوقت تبقي أُخت صديقي " احمد محمود " توفت بعد تعب ميتعداش الشهرين .. كانت في ثانويه عامه السنادي، ماتت قبل حتي ما تعرف نتيجة مجهودها، وإن مجموعها في التسعينات، ويمكن ده السبب اللي خلاني مكتبش بوستات الايام اللي فاتت لان حزني عليها ارهقني نفسيًا، وهو نفس السبب اللي خلاني مش عارف ابارك للناس اللي نجحت او اهون علي الناس اللي متوفقوش في المجموع .. الاعمار بيد الله .. بس محدش ضامن نفسه ! ممكن في لحظة حزن علي مجموعك تجيبلك انهيار عصبي يجيب اجلك ! انا شخصيًا مؤمن ان مفيش كليات قمه لكن في قمم في الكليات، ومش شرط يكون دخلك ورزقك مقتصر علي مجال دراستك .. عندك اغني اغنياء العالم مكملوش تعليمهم " مارك .. ستيف جوبز، وغيرهم .. اعلم اهل الارض كانوا بيتقال عنهم اغبياء في الدراسه ومنهم " ايديسون وأينشتاين " ! بلاش تحجم نفسك وتقول خلاص مستقبلك مات ! مع ان ربنا إسمه الحي، سبحانه قادر يحيي احلام جديده جواك " حاشاه يحيي جواك امل وحلم فيه الخير ويقتله ! .. هقولكم حاجه يمكن اول مره اقولها انا مكنتش ثانويه عامه انا كُنت " ثانوي صناعي " وبعدها اجتهدت وطلعت من الاوائل ع المدرسه، ودخلت حاسبات .. مش مهم إنت ايه دلوقت المهم إنت فين بعدين ؟!، وزي ما بتحط في عربيتك فردة كاوتش إستبن بحيث لو الكاوتش فرقع تلاقي فردة تانيه مكانها .. اذًا حُط في دماغك حلمين او تلاته وخطط بديله لكل حلم .. لو مجبتش طب بشري هدخل تجاره واعمل مكتب مُحاسبه .. متحطش كُل البيض بتاعك في طبق واحد عشان لو وقع واتشدش متخسرش كُل حاجه ! لكن نوع احلامك .. انا خريج حاسبات اهو وحلمي ابقي داعيه وكاتب، و لو موصلتش لقدر الله يبقي عامل خطه بديله اني اشتغل في مجال الحاسبات مثلاً ،وهكذا .. بس احاول واعمل اللي عليا وصلت خير موصلتش برده خير البنت ماتت في يوم وليله ! مش نهاية الدنيا يعني .. هتموتوا نفسكم ؟! ربنا بيعوض وبيرزق ! واللي بيحصل كله خير جبت مجموع كبير " مبروك عليك واكيد خير .. جبت مجموع صغير برضه مبروك عليك واكيد فيه الخير .. وعسي ان تكرهوا شيء وهو خير لكم ! .. وياريت تخلي مقولة سيدنا عُمر ديمًا في بالك وتؤمن بيها لانه فعلاً صدق لما قال: مَا أُبَالِي عَلَى أَيِّ حَالٍ أَصبَحتُ ، عَلَى مَا أُحِبُّ أَوْ عَلَى مَا أَكْرَهُ ، وَذَلِكَ لأَنِّي لا أَدرِي الْخَيرَ فِيمَا أُحِب أَو فيما ما أكره !
    #لعله_خير 💪============
    ========================
    مُشكلتي إني محتاج الشخص اللي :
    - يقولي إنه مُش هيخرج إلا ورجله علي رجلي والخروجه من غيري هيبقي ملهاش طعم ! .
    - لو زعلت يتحايل عليا اقول مالي وميسينيش الا لما افضفض .
    - ياخد رايي في لبسه ويشاركني في تفاصيل حياته ؛ بمعني اصح : يقدرني .
    - لو لقي فيا عيب ينصحني وينورني ويساعدني
    اعالجه من غير ما يقطمني .
    - ميسوقش فيها ويعمل اللي يضايقني، وميفتكرش إني حنين غصب عني مُش بمزاجي !
    - احكيله اسراري وينساها واتكلم بُكل حريه من غير ما اخاف من معايرته او يمسك عليا ذله !
    - مينقليش اخبار تكئبني ويحاول يبعدني عن اي جو تعب وعكننه .
    - لو عملت ذنب يقولي خاف ربنا ويقولي توب رحمة ربنا واسعه .
    - لو قولتله سلام وهقفل مايقفلش ويصمم ميسبنيش لوحدي مهما حصل .
    - لو قصرت في حقه يعذرني ويقول اكيد عندي سبب في التقصير .
    - لو اتقابلنا بعد غياب ميعاتبنيش عتاب يوجع ويسامحني ويعاملني كأن مفيش حاجه حصلت .
    - يقدر إن كل انسان بيحتاج يكون لوحده فُمش لازم نتكلم كُل شويه وإني بحتاج وقت اختلي بنفسي وانعزل عن الناس فيه .
    - لو غلطت غلطه وعاتبني عليها ميعاتبنيش عليها تاني ميقلبش في القديم والجديد .. يعاتبني اول بأول وينسي ميشلش مني وميسبش فرصه للتراكمات تدمر عشرتنا .
    - يقربني من ربنا ده لو بيحبني لان اللي بيحب حد بيشده لطريق الله .
    - ميجاملنيش وف نفس الوقت ميبقاش وقح !
    - يهتم بيا بس مايخنقنيش! ويعاتبني عتاب ميخلينيش اتهرب من الكلام معاه ! يتعامل بالهداوه .
    - يفهمني من نظره ويقدر ظروفي وميطلبش مني طلبات فوق طاقتي .
    - يحس ويجي بسرعه في حياتي لاني فعلاً قربت اقتنع إن ده مُش هلاقيه غير في الجنه ان شاء الله !
    #وحشتني 😄❤️
    #احمد_ايمن ..
                  

12-04-2018, 11:15 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    لما تكوني بتحبي جوزك وعاوزه تلفتي نظره .. بتتزوقي، وتحطي مكياج، وتلبسي لبس حلو، وتستقبليه أحسن استقبال ;D .. تلاقيه يدخل عليكي مبرق ومصدوم ويحط ايده علي راسك ويقولك : مالك مش عوايدك إنتي عيانه ولا ايه ؟! ;D ايه الجمال ده ؟! ;D .. تقومي قيلالُه : بحبك ونفسي ترضي عني .. يقولك: قلبي راضي عنك ويبوس راسك .. لما تكوني عاوزه ترضي جوزك؛ بتعملي اللي بيحبه فيرضي عنك ولو عاوزه عنيه هيديهالك .. ولله المثل الاعلي طبعًا .. لما تبقي نفسك ترضي ربنا بحيث :
    - يحقق احلامك
    - يريح بالك ..
    - يهدي سرك ويريح قلبك ويكفيك كُل شر ..
    تعمل إيه ؟! افضل الحاجات اللي تعملها ليلة الجُمعه إنك تصلي علي النبي صلي الله عليه وسلم .. لان ده يوم فيه ساعه مُستجاب فيها الدعوات، والصلوات علي الرسول بتوصل شخصيًا بإسمك للنبي صلي الله عليه وسلم ! .. فلو عاوز تحسن صورتك وتزينها في عين الله بحيث يرضي عنك، وتراضيه؛ بدون تردد تقول دلوقت : " اللهم صل علي النبي "، ولو غيرك قالها بسببك الرضا عنك والقبول عند ربنا هيزيد ويكتر.. لأن مُفتاح باب رضا ربنا : " الصلاه علي النبي " .. فالله يرزقني ويرزقكم رضاه .. مهو وقت لما يرضي هيعطينا اللي احنا عاوزينه من غير حتي ما نطلب !
    #اللهم_صلِّ_علي_النبي .. ☝️❤️
    #أحمد_أيمن ..
    =========================
    * بوست يهمك وهيفرق معاك *
    .
    - الناس اللي علاقتهم مع زوجاتهم او الشخص اللي مخطوباله متوتره، وبيتلككوا لبعض ..
    - واللي عندهم قلة توفيق في دراستهم وإمتحاناتهم .
    - الاغلبيه اللي مفيش فرحه او خطوه ايجابيه في حياتهم بتكمل ..
    - الكتير مننا بيوتهم بتقلب خناق ومحدش طايق التاني .
    - اللي تعبانين نفسيًا وجسديًا وعندهم كسل و ضيق مستمر وإكتئاب وقرف من كل شيء ..
    في إحتمالين للي بيحصلكوا :
    الاول ☝️ و التقليدي إنكم بتعملوا ذنوب .. فزي ما المزيل بيمحي العرق ويقضي عليه كذلك مُزيل ذنوبك هو الاستغفار بُخ بخة إستغفار يومي تضيع بيه روايح ذنبك اللي مسيطره علي قلبك لحد ما تدلدق علي شخصيتك اللي بقت مليانه مشاكل وظروف مقندله، وبكده كُل حاجه تتسلك مهما كانت متلعبكه بإذن الله .
    أما الاحتمال التاني ✌️واللي انا شخصيًا برجحه .. إنكم محسودين .. علي رأي المثل " العين فلقت الحجر " وفي واحد من الصحابه مات بسبب نظرة حسد .. ممكن تحسد نفسك وتحسد اللي حواليك وإنت مُش داري ! اي حاجه تشوفها قول ماشاء الله دي جميله .. ماشاء الله ديمًا ملازمه لسانك ..
    الناس المحسوده محتاجه حل يخلصها من اللي هي فيه .. يكفيها شر عنين الناس اللي زي السكاكين بتدبح اي فرحه ومتخليهاش تعيش للآخر .. حتي ليلة العيد تلاقي فيها نكد وخناق ! .. اي مناسبه تقلب بغم .. بتعمل اللي عليك والجوازه مبتكملش ! مبتتوفش في شغلك .. ده الحسد ياجماعه .. النبي صلي الله عليه وسلم قال " إن كُل ذي نعمه محسود " اي حد ربنا رزقه بعيال بجمال بصحه بزوجه صالحه بأي نعمه مهما كانت معرض للحسد .. الحسد عامل زي النار والمحسود لو محاوطش نفسه النار هتشبط فيها ! .. في الشتا بتلبس جاكت عشان تحمي نفسك من السقعه .. طب أعمل ايه عشان احمي نفسي من الحسد وأخلص من اللي انا فيه ؟! .. إستمر علي قراءة المعوذتين " قل اعوذ برب الفلق .. قل اعوذ برب الناس " إقراها كتير .. إبني حصن منيع يمنع عنك عيون الناس وحقدهم وحسدهم .. كل لما تقرأ كل لما السور يعلي وتحتمي أكتر وتدفي بالستر اكتر والارتياح وهدوء الاعصاب والاوضاع يزيد .. و لو عاوز السد يبقي منيع؛ خلي غيرك يقرأهم عن طريقك ويحصن نفسه لانك هتاخد ثوابه فترتاح بسرعه .. الصقر بيبني عشه بعيد قمم الصعب حد يطوله ويهدمه .. خليك زي الصقر .. ابعد عن عيون الناس ومرض نفوسهم .. بالمعوذتين، ويبقوا يقابلونا لو حاجه اثرت فيك .. عيونهم زي الطوب وإنت زي السما عمر طوب حسد عيونهم ما يوصل لسما شخصيتك وحياتك، ولا يأثر فيك ! .. بس طبعًا ناخد بالاسباب؛ مينفعش اقعد ومذاكرش واقول انا محسود .. مدورش علي شغل واقول أنا محسود ! متمرغ في الذنوب واقول تعبي بسبب إني محسود .. ميبقاش الحسد شماعه بعلق عليها كُل حاجه ! وهكذا بقي علي كل حاجه ، وتأكد تمامًا إنك عظيم .. ناجح .. فيك حاجه حلوه حتي ولو ماكنتش شايفها .. علي أي الشيخ الشعراوي " إذا لم تجد لك حاقد فإعلم أنك فاشل " .
    #الحسد ..
    #احمد_ايمن ..
                  

12-04-2018, 11:16 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    كلمتين ع الماشي :
    - إنك ترتبط متأخر بالشخص الصح؛ أحسن بكتير من إرتباطك بدري بالشخص الغلط .
    - قطر حلمك اللي فاتك هتحمد ربنا إنك ملحقتوش لأن آخر سِكته توهان .
    - البنت اللي تعرف إمته تهزر، وإمته تبقي جد .. إمته تبقي ست، و إمته تبقي بـ ١٠٠ راجل .. دي تآمنها علي نفسك وإنت مطمن .
    - الخروجه مش أكل بس .. الخروجه انك تشم هوا، و تعمل اللي نفسك فيه، وفي وسط خروجتك تجوع فتدخل اي مطعم تاكل .. لكن تخرج علشان تاكل بس ! ده اسمه كسل وقلة حيله .. إستمتع بحياتك "
    - تعرف إن الشخص اللي معاك بيعشقك لما تكون مليان عيوب وكلاكيع، ومع ذلك باقي عليك وميقدرش يستغني عنك .. تبقي عبيط لو قصرت ف حقه .
    - لما تلاقي الدُنيا معقده والابتلائات نازله ترِف عليك إعرف إن ربنا بيحبك لأنه لما بيحب عبد بيبتليه.
    - قريت عن النبي فيما معناه " إنك لو سلفت حد ١٠٠ جنيه مثلاً وقتها ربنا بيكتبلك في ميزان حسناتك إنك بتتصدق كُل يوم بـ ١٠٠ جنيه لحد لما تتردلك ! ولو أجل ميعاد السداد ربنا بيكتبلك إنك بتطلع ٢٠٠ جنيه صدقه يوميًا لحد لما يرجعهالك .
    - الناس اللي خسرتهم ربنا هكسبك اللي أحن وأطيب منهم .
    - غالبًا الشهاده مجرد مرحله من حياتك والرزق مُش مقتصر عليها سلمها لله واللي يجيبه ربنا كويس .
    - إنت الوحيد اللي بتحس إن جزمتك ضيقه او الكوتش اللي إنت لابسه .. معني ذلك إن محدش هيقدر اللي إنت فيه غيرك، ومحدش هيحس بيك قدك، ومحدش هيساعدك في الوصول لحلمك زيك .
    - عاوز تبقي سعيد في حياتك الزوجيه .. صاحب مراتك .. الحياه مع زوج او زوجه بدون صحوبيه ! مقرفه وممله .
    - كلنا بناخد من الرزق ١٠٠٪ .. فمتحقدش او تحسد حد علي نِعمه عنده لأنك متعرفش هو فقد إيه في حياته .
    - مهما بلغت من ذنوب وعيوب لو قولت وإنت بتقرأ " أستغفر الله " مبروك عليك كل ذنوبك بإذن ربنا هتتمحي المهم تكون واثق في رحمة ربنا .
    - بتعمل أي ذنب لكن بتصلي ؟! متبطلش صلاه .. صلاتك عامله زي الحبل اللي بيشدك بعيد عن الذنب لورا ومسيرها هتبعدك عنه .
    - أول لما تحس إنك مليت وتعبت من الدُعاء .. إعرف دعوتك قربت تستجاب بس الشيطان بيلهيك عشان تبطل تدعي !
    - ملعون اي " شُغل .. حُب .. عيشه " تيجي علي كرامتك، وتتعب نفسيتك .
    - تبقي بين حيطان اوضتك وحضناك أهون بكتير من إنك تبقي بين درعات حد حاضنك، ومبيحسش بيك .
    - هعمل لايك عشان ميزعلوش .. مُش هعاتب عشان ميزعلوش .. مش هفارق وأقطع العلاقه اللي مُش طايقها عشان ميزعلوش ! كل حاجه عشان ميزعلوش ! وإنت تتفلق يعني ! " إن لبدنك عليك حق " جسمك بقلبك بنفسيتك ليهم حق عليك إنك تريحهم من اي ضغط تاعبهم مهما كانت النتياج ! لو هتبيع حاجه عشان تشتري نفسك إعرف إنه " ربح البيع " ! : ))
    #خلصانه_بشياكه . ✋
    #احمد_ايمن ..
    ========================

    بما إننا في موسم التزاوج ;D ف انا قاعد دلوقت في حنه مع واحد صاحبي .. متجوز .. وبما إني ناوي اتجوز قريب بأذن الله فحبيت اسأله ايه رايك في الجواز ؟!
    قالي كُل حاجه بتفرق ..
    الجواز مرتبط بالتفاهم وإن محدش يدخل بينكم ..
    يعني انا مثلاً واعد مراتي بعد نص ساعه من دلوقت اخدها اعشيها بره واعزمها علي كريب .. قولتله هتاخدها بره عشان كريب ؟! قالي الستات دول بأبسط حاجه تطلعم سابع سما وابسط حاجه تنكد عليهم .. اهم شيء بالنسبالها تكون معايا واوفي بوعدي ..
    عندك إمبارح مثلاً لقيتها قاعده علي السرير مكشره وربنا ما يوريك قلبت وش الستات في ليلة مفترجه .. سألتها مالك يابنتي ؟! قالت مفيش .. من هنا لهنا حلفت تقول مالها .. لقيتها بتقولي : انت اديت اختك وبنت اختك عيديه ومدتنيش ! قولت : يابنتي ما الفلوس في المحفظه ع الكمودينو هو انا عمري حوشت عنك حاجه ! قالت: لا انا كنت عاوزه عيديه تديهالي إنت مش انا اللي آخدها بنفسي ! قولت : طب ما تزعليش ياستي .. وقومت ضارب ايدي في المحفظه ومطلع ١٠٠ جنيه وبوست راسها وقولت : كُل سنه وإنتي طيبه .. لقيتها ضحكت وفرحت وقالت : ايوه كده .. بيقولي الغريبه إنها بعد ما خدت ال ١٠٠ جنيه فتحت المحفظه وحطتها فيها تاني !! .. ده يثبتلك إن المسأله بتفرق، وإنها عمليه تقديريه مش اكتر .. فإوعي تحسسها إنها مجرد حاله بتعيشها .. بإيدك تخلي علاقتكم انجح علاقه، وبإيدك تخليها العكس .. البنات كلهم عجينه واحده .. بيفرق معاهم التفاصيل، ومش البنات بس معظم الناس عامةً بيفرق معاهم ادق التفاصيل
    - افتكر إنه من ٤ سنين كنت مع واحد صاحبي وروحنا لاخوه الصغير مدرسة الابتدائي .. وكان واخد معاه علبة شيكولاته وكرمله .. وإستأذن من مدرس الفصل ودخل وزع الشيكولاته علي زمايل اخوه كلهم .. سألته عن السبب .. قال اخويا العيال بيغلسوا عليه ويضربوه فحبيت اجيبلهم شيكولاته ترقق قلوبهم تجاهه وفعلاً والله تجنبوه تمامًا وبقوا يحترموه ! ..
    - مراتك تتحمل اي حاجه من اللي حواليها لو إنت كويس معاها وبتهتم بالاوقات والحاجات اللي تخصها ..
    - بنتك او إبنك يقدر ياكل الكُتب أكل لو طبطبت عليه وقولتله ميهمكش إعمل اللي عليك واللي يجيبه ربنا كويس ..
    - تكسب حُب حد لو وسعتله في قعده او عديت وسلمت عليه أو جبتله هديه !
    - بتفرق في طريقة النصيحه .. في اسلوب الكلام .
    - بتفرق جدًا لما توفي بوعدك .. لما تهتم بإهتمامات اللي حواليك .. مهما كانت طريقة تفكيره .. ممكن ساعتها يشيلك زي التاج علي راسه .. إهتموا باللي يخصوكوا يا جدعان .. قدروهم .. الحاجات التافهه في نظرنا دي هي اللي بتزيد العلاقه صلابه وتسندها علي راي المثل " نوايه بتسند الزير " الاوضه شكلها ممكن يحلو لو حطيت فيها برواز مثلاً ! اللمسات البسيطه هي اللي بتعمل بصمه وطابع مُلفت ميروحش من القلوب .. البوسه علي الراس بتنسي الشقي وتمسحه بأستكيه .. يهدينا ربنا جميعًا ويحنن قلوبنا علي اللي مالهمش غيرنا .
    #اصلها_بتفرق !
    #احمد_ايمن ..
                  

12-04-2018, 11:19 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)

    كلمتين ع الماشي :
    - إنك ترتبط متأخر بالشخص الصح؛ أحسن بكتير من إرتباطك بدري بالشخص الغلط .
    - قطر حلمك اللي فاتك هتحمد ربنا إنك ملحقتوش لأن آخر سِكته توهان .
    - البنت اللي تعرف إمته تهزر، وإمته تبقي جد .. إمته تبقي ست، و إمته تبقي بـ ١٠٠ راجل .. دي تآمنها علي نفسك وإنت مطمن .
    - الخروجه مش أكل بس .. الخروجه انك تشم هوا، و تعمل اللي نفسك فيه، وفي وسط خروجتك تجوع فتدخل اي مطعم تاكل .. لكن تخرج علشان تاكل بس ! ده اسمه كسل وقلة حيله .. إستمتع بحياتك "
    - تعرف إن الشخص اللي معاك بيعشقك لما تكون مليان عيوب وكلاكيع، ومع ذلك باقي عليك وميقدرش يستغني عنك .. تبقي عبيط لو قصرت ف حقه .
    - لما تلاقي الدُنيا معقده والابتلائات نازله ترِف عليك إعرف إن ربنا بيحبك لأنه لما بيحب عبد بيبتليه.
    - قريت عن النبي فيما معناه " إنك لو سلفت حد ١٠٠ جنيه مثلاً وقتها ربنا بيكتبلك في ميزان حسناتك إنك بتتصدق كُل يوم بـ ١٠٠ جنيه لحد لما تتردلك ! ولو أجل ميعاد السداد ربنا بيكتبلك إنك بتطلع ٢٠٠ جنيه صدقه يوميًا لحد لما يرجعهالك .
    - الناس اللي خسرتهم ربنا هكسبك اللي أحن وأطيب منهم .
    - غالبًا الشهاده مجرد مرحله من حياتك والرزق مُش مقتصر عليها سلمها لله واللي يجيبه ربنا كويس .
    - إنت الوحيد اللي بتحس إن جزمتك ضيقه او الكوتش اللي إنت لابسه .. معني ذلك إن محدش هيقدر اللي إنت فيه غيرك، ومحدش هيحس بيك قدك، ومحدش هيساعدك في الوصول لحلمك زيك .
    - عاوز تبقي سعيد في حياتك الزوجيه .. صاحب مراتك .. الحياه مع زوج او زوجه بدون صحوبيه ! مقرفه وممله .
    - كلنا بناخد من الرزق ١٠٠٪ .. فمتحقدش او تحسد حد علي نِعمه عنده لأنك متعرفش هو فقد إيه في حياته .
    - مهما بلغت من ذنوب وعيوب لو قولت وإنت بتقرأ " أستغفر الله " مبروك عليك كل ذنوبك بإذن ربنا هتتمحي المهم تكون واثق في رحمة ربنا .
    - بتعمل أي ذنب لكن بتصلي ؟! متبطلش صلاه .. صلاتك عامله زي الحبل اللي بيشدك بعيد عن الذنب لورا ومسيرها هتبعدك عنه .
    - أول لما تحس إنك مليت وتعبت من الدُعاء .. إعرف دعوتك قربت تستجاب بس الشيطان بيلهيك عشان تبطل تدعي !
    - ملعون اي " شُغل .. حُب .. عيشه " تيجي علي كرامتك، وتتعب نفسيتك .
    - تبقي بين حيطان اوضتك وحضناك أهون بكتير من إنك تبقي بين درعات حد حاضنك، ومبيحسش بيك .
    - هعمل لايك عشان ميزعلوش .. مُش هعاتب عشان ميزعلوش .. مش هفارق وأقطع العلاقه اللي مُش طايقها عشان ميزعلوش ! كل حاجه عشان ميزعلوش ! وإنت تتفلق يعني ! " إن لبدنك عليك حق " جسمك بقلبك بنفسيتك ليهم حق عليك إنك تريحهم من اي ضغط تاعبهم مهما كانت النتياج ! لو هتبيع حاجه عشان تشتري نفسك إعرف إنه " ربح البيع " ! : ))
    #خلصانه_بشياكه . ✋
    #احمد_ايمن ..
    ====================
    بما إننا في موسم التزاوج ;D ف انا قاعد دلوقت في حنه مع واحد صاحبي .. متجوز .. وبما إني ناوي اتجوز قريب بأذن الله فحبيت اسأله ايه رايك في الجواز ؟!
    قالي كُل حاجه بتفرق ..
    الجواز مرتبط بالتفاهم وإن محدش يدخل بينكم ..
    يعني انا مثلاً واعد مراتي بعد نص ساعه من دلوقت اخدها اعشيها بره واعزمها علي كريب .. قولتله هتاخدها بره عشان كريب ؟! قالي الستات دول بأبسط حاجه تطلعم سابع سما وابسط حاجه تنكد عليهم .. اهم شيء بالنسبالها تكون معايا واوفي بوعدي ..
    عندك إمبارح مثلاً لقيتها قاعده علي السرير مكشره وربنا ما يوريك قلبت وش الستات في ليلة مفترجه .. سألتها مالك يابنتي ؟! قالت مفيش .. من هنا لهنا حلفت تقول مالها .. لقيتها بتقولي : انت اديت اختك وبنت اختك عيديه ومدتنيش ! قولت : يابنتي ما الفلوس في المحفظه ع الكمودينو هو انا عمري حوشت عنك حاجه ! قالت: لا انا كنت عاوزه عيديه تديهالي إنت مش انا اللي آخدها بنفسي ! قولت : طب ما تزعليش ياستي .. وقومت ضارب ايدي في المحفظه ومطلع ١٠٠ جنيه وبوست راسها وقولت : كُل سنه وإنتي طيبه .. لقيتها ضحكت وفرحت وقالت : ايوه كده .. بيقولي الغريبه إنها بعد ما خدت ال ١٠٠ جنيه فتحت المحفظه وحطتها فيها تاني !! .. ده يثبتلك إن المسأله بتفرق، وإنها عمليه تقديريه مش اكتر .. فإوعي تحسسها إنها مجرد حاله بتعيشها .. بإيدك تخلي علاقتكم انجح علاقه، وبإيدك تخليها العكس .. البنات كلهم عجينه واحده .. بيفرق معاهم التفاصيل، ومش البنات بس معظم الناس عامةً بيفرق معاهم ادق التفاصيل
    - افتكر إنه من ٤ سنين كنت مع واحد صاحبي وروحنا لاخوه الصغير مدرسة الابتدائي .. وكان واخد معاه علبة شيكولاته وكرمله .. وإستأذن من مدرس الفصل ودخل وزع الشيكولاته علي زمايل اخوه كلهم .. سألته عن السبب .. قال اخويا العيال بيغلسوا عليه ويضربوه فحبيت اجيبلهم شيكولاته ترقق قلوبهم تجاهه وفعلاً والله تجنبوه تمامًا وبقوا يحترموه ! ..
    - مراتك تتحمل اي حاجه من اللي حواليها لو إنت كويس معاها وبتهتم بالاوقات والحاجات اللي تخصها ..
    - بنتك او إبنك يقدر ياكل الكُتب أكل لو طبطبت عليه وقولتله ميهمكش إعمل اللي عليك واللي يجيبه ربنا كويس ..
    - تكسب حُب حد لو وسعتله في قعده او عديت وسلمت عليه أو جبتله هديه !
    - بتفرق في طريقة النصيحه .. في اسلوب الكلام .
    - بتفرق جدًا لما توفي بوعدك .. لما تهتم بإهتمامات اللي حواليك .. مهما كانت طريقة تفكيره .. ممكن ساعتها يشيلك زي التاج علي راسه .. إهتموا باللي يخصوكوا يا جدعان .. قدروهم .. الحاجات التافهه في نظرنا دي هي اللي بتزيد العلاقه صلابه وتسندها علي راي المثل " نوايه بتسند الزير " الاوضه شكلها ممكن يحلو لو حطيت فيها برواز مثلاً ! اللمسات البسيطه هي اللي بتعمل بصمه وطابع مُلفت ميروحش من القلوب .. البوسه علي الراس بتنسي الشقي وتمسحه بأستكيه .. يهدينا ربنا جميعًا ويحنن قلوبنا علي اللي مالهمش غيرنا .
    #اصلها_بتفرق !
    #احمد_ايمن ..
                  

12-04-2018, 11:21 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مقالات منقولة تهم الأسرة و الشباب و المجت� (Re: سيف اليزل برعي البدوي)


    هتوحشوني .. كان نفسي أفضل معاكم اكتر من كده .. لكن قبل ما أسيبكم .. احب أقول حاجه تريح قلوبكم، وتغفر جميع ذنوبكم باذن الله .. طول اليوم النهارده قولوا " أستغفر الله " زي ما وصانا النبي صلي الله عليه وسلم .. لان ربنا بيكتب الجنه لـ ٦٠ الف كُل يوم في الصيام .. لكن آخر ليله رحمته بتحاوط كل صائم بتبقي قد اللي اتعتقوا من النار طول الشهر بالبلدي ملهاش حدود ! ، وكأن الصايمين موظفين، وأجر نهاية صيامهم : العتق من النيران، والمغفره، وراحة القلب .. مهما إرتكبوا من معاصي ؟! .. ايوه مهما عملوا بس يستغفروا ! .. فإستغفروا .. مين عالم ؟! يمكن تتغيروا بأمر الله ١٨٠ درجه قبل شروق شمس يوم العيد، وثواب اللي يستغفر عن طريقكم في ميزان حسناتكم .. مفيش حد عالم هنتقابل تاني ولا لاء .. فحبيت أسيبلكم نصيحه تنفعكم، كل عام وإنتم بخير .. طيب قول لي قبل ماتمشي : إنت مين ؟! .. أنا البركه في الرزق والحسنات والرحمه واللمه الحلوه .. أنا رمضان 🌙
    أحمد أيمن
    ======================

    كُلنا بنرتاح بسورة يوسف.. من المعاني اللي لفتت نظري في السوره، وكتير مننا بنعاني منها .. موقف سيدنا يوسف مع إخواته .. لما حصل مجاعه و إخوات سيدنا يوسف سافروا مصر يجيبوا أكل، وخدوا اخو سيدنا يوسف " شقيقه " معاهم بعد ما اقسموا بالله لابوهم إنهم هيرجعوه ويحافظوا عليه.. فلما وصلوا مصر سيدنا يوسف عرفهم وعرف اخوه شقيقه ف حط في حاجة اخوه " صواع الملك " وصواع الملك هو حاجه زي كوبايه بيشرب الملك منها، وإتهمهم سيدنا يوسف بالسرقه .. بدأ تفتيش فلقي الصواع في حاجة اخوه شقيقه .. وطبعًا سيدنا يوسف هو اللي دس الصواع في حاجة شقيقه علشان يتلم شملهم .. و اخوات سيدنا يوسف إتصدموا لانهم حلفوا لابوهم يرجعوا بأخوهم وميضيعهوش زي ما ضيعوا سيدنا يوسف زمان ! .. فسيدنا يوسف قال : هحبسه ! فقالوا " فخذ أحدنا مكانه " إحنا ١١ أخ .. خُد واحد مننا بدل اخونا ده ! فسيدنا يوسف كان رده " قال مَعَاذَ الله أن لا نأخذ إلا من وجدنا متاعنا عنده إنا إذًا لظالمون ! " معقوله آخد واحد منكم مكانه وهو اللي متهم بالسرقه ! أحاسب غيره علي ذنب معملهوش ! انا كده ابقي راجل ظالم !
    - كل واحد خاطب بيعامل خطيبته وحش بحجة انه مضغوط في مصاريف الشقه .
    - كُل ام بتعامل بنتها او ابنها بطريقه وحشه لان جوزها مزعلها .
    - كل زوج بيزعق لمراته عشان مصروف البيت وبتحملها ذنب مش ذنبها بسبب ضغط الشغل ! .
    - كل واحد بيعامل عياله معامله سيئه رغم ان ممكن له بن كويس ميستاهلش يتعامل وحش !
    - كل واحد قرفان من حاجه فبيطلعها علي اللي حواليه رغم انهم مالهمش ذنب !
    اصعب واوجع شيء لما حد يحاسبني ويظلمني بسبب حاجه معملتهاش وماليش يد فيها ! .. ده ظلم .. متاخدش ذنب حد بحد .. خطيبتك في كفه وشغلك في كفه .. مراتك واولادك في ناحيه ومشاكل شغلك في ناحيه تانيه .. اللي يستحق من ولادك معامله طيبه متظلمهوش بسبب اخوه اللي ميستحقش .. ربنا اسمه العدل .. متبقاش ظالم .. علي راي المثل " كل وقت وله اذان " في بيتك يبقي تقلع هدمة الشُغل من عليك .. محدش له ذنب تدخله في تفاصيل وحوارات ملهوش ذنب فيها مبقولكش متحزنش ومتزعلش بس بقولك اتق الله في اللي حواليك ! .. إتعامل مع كل موقف باللي يستاهله .. متاخدش ذنب حاجه بحاجه تانيه ميبقاش اقرب الناس ليك هما الحيطه المايله زي ما بيقولوا ! ، وزي ما قال الشيخ الشعراوي ؛ اذا دعتك قدرتك علي ظلم احد فتذكر قدرة الله عليك .
    أحمد أيمن
                  


1 صفحة 1 „‰ 3:   <<  1 2 3  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de