دا لأنك ما بتشغل مخك وملاحظتك ضعيفة جداً ودي مؤهلات أساسية لأي مشتغل بالعلوم.
دلقتي أنا جدعت ليك ريـال في حساب الفترات بين الرحلات ومشى فيك عادي!
وجاء البليد التاني طمسك زيادة العجل بتاعك كان يمكن تلقى ليهو مخارجة بشوية فلسفة من عينة الكجامة والسيلوتيب!
قام جاب ليك الصورة الكبيرة، وعينك للمسافة قدام الروفر ووراهو فااااااضية ههههه الروفر معناها كان بينطط في القمر زي الكنغر!
بعدين انتو شنو حكاية الأعطال دي؟ يوم الرفرف انكسر صلحوهوا بكجامة وسيلوتيب ويوم كمبيوتر القيادة مفتاحو انكسر صلحوهوا بغطاية قلم ويوم المركبة ذاتا حصل فيها انفجار ومع ذلك رجعوا سالمين!
___ كتيرة كتيرة وما بتنفع إلا للعقول الخربانة.
12-03-2018, 05:58 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
محمد مختار شكراً جزيلاً للإجابة الضافية، لكن ما زال جدار البداهة صلداً، اللهم إلا أن أتجاوزه محمولاً وعيي فوق (أمواج الإيمان). *** التطور التكنولوجي بطبيعته متطور دائماً، بصورة مطلقة، عبر الزمن. (لا يمكن) أن يتراجع. *** طائرة الكونكورد، أوقفت لعدم مناسبتها للطيران المدني. وأعتقد أن تقنيتها ظلت متطورة إلى اليوم، لكن في الطيران العسكري. *** فكان المتوقع في عصر التقنية الرقمية: إنشاء مراكز بحثية دائمة في القمر ذاتو.
12-03-2018, 12:18 PM
Frankly Frankly
تاريخ التسجيل: 02-05-2002
مجموع المشاركات: 35211
Quote: الشخص لما يكذب بيكون تركيزه دائماً على التفاصيل وبينغمس في تخليقها لدرجة إنو ينسى المنطق البيربط بينها.
هذه تنطبق عليك حرفياً فأنت تكذب بغباء وبلادة عجيبة
حتى أنك تجعل من المعلومات الخاطئة "حقائق" ومنها أنك قلت أن انعكاسات الضوء على القمر تصيب بالعمى منها أنك قلت أن الرفور له عجلات منفوخة بالهواء
وكل هذا كلام فارغ وجهل مدقع ويعني حاجة واحدة أنك بلييييييييييييييييييييييلد
ولا يوجد في جمجمتك غير مخاط
في هناك من يدور الخبر ولكنه يعقله ولكنك تدور الخبر دون أن تعقله ثم تضيف عليه جهالات مدوية يستحي منها حمار طاحونة
حمار الطاحونة لا يمكن أن يدور للخلف ولكنك تفعلها كما فعلت في حكاية كذبك عن أن الروفر كان موجود في منتصف الخمسينات ووضح كذبك وقلت أنك أخطأت الترجمة ويا للغباء لمن يترجم 70 ل 50
هذا بدون شك أقل ما يقال عنه أنه بلييييييييييييييييييييييييد بلادة لا توجد عند حيوان دع عنك إنسان.
أساسيات يا هبنقة أساسيات!!
12-03-2018, 07:11 AM
Yassir Ahmed Yassir Ahmed
تاريخ التسجيل: 07-27-2017
مجموع المشاركات: 356
أ/ محمد مختار النص الإنجليزي المترجم إلى عربي ، لاحظت إن النص العربي يختلف عن النص الأصلي ، قد أكون مخطئ . الكلام ده في الصفحة الأولى تقريبا. ثانيا في معلومة أدونا ليها من المتوسطة إنه القمر أصلا ما بصدر ضوء ، ولكنه يعكس أشعة الشمس ، وإنت قلت في ترجمتك للنص الإنجليزي أنه ( لأن القمر يفتقر إلى غلاف جوي يعكس أشعة الشمس )
فأيمها أصح نحن ناس عنقالة ساكت عايزين نعرف بس .
12-03-2018, 07:42 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
مرحب أستاذ ياسر .. النص العربي (خبر) وهو منقول وليس ترجمة للنص الإنجليزي. الكلام الفي خبر يراد بيهو انو عدم وجود غلاف جوي بينفي إحتمال حدوث الظاهرة الشافوها رواد الفضاء بالشكل المتعارف عليه بالتالي هي مسألة غامضة وتحتاج لدرسة لكشف أسبابها.
12-03-2018, 07:50 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: يحدث هذا عندما يجلب الأغبياء الصور بدون تركيز!
كما ذكرت لك سابقاً وكررها لك فرانكلي كثيراً .. انت زول (بليد) بتجي مطير عيونك وتعاين في الصور دون استصحاب اي معلومات فيزيائية أو أخذ معطيات واقعية انا الآن مشغول وحا أجي المساء ان شاء الله أشرح ليك بالتفاصيل وأثبت ليك انك زول عنقالي ساي بتعلف الصور من النت وزي ما قلت ليك انت ماشي معاي للغريق وانا حا اغتس ليك حجرك.
12-03-2018, 08:00 AM
Yassir Ahmed Yassir Ahmed
تاريخ التسجيل: 07-27-2017
مجموع المشاركات: 356
فرضية عدم وجود علاف جوي للقمر بيعني أن كل أشعة الشمس تسقط عليه مباشرة دون حدوث اي انعكاسات في محيطه الخارجي.
رجال الفضاء وهم على سطح القمر لاحظوا وشاهدوا انعكاسات من فوقهم وهذا حدث غامض ويحتاج لدراسة وتحقيق إذا لم يكن هناك غلاف جوي يؤدي ليحدوث مثل هذه الظاهرة.
اذلك تتكلم ناسا الآن عن وجود جو على القمر ولكنه ضيئل جداً يصل لنسبة الفراغ في الفاكوم أو يشابه المنطقة الخارجية للغلاف الجوي الأرضي حيث تدور محطة الفضاء الدولية.
في الرابط تحت هذا العنوان: Is There an Atmosphere on the Moon؟
ناسا تقول
Quote: بالمقارنة مع الغلاف الجوي للأرض. في مستوى سطح البحر على الأرض ، نتنفس في جو حيث يحتوي كل سنتيمتر مكعب على 10،000،000،000،000،000،000 جزيء. بالمقارنة ، يحتوي الغلاف القمري على أقل من 1،000،000 جزيء في نفس الحجم. هذا لا يزال يبدو كثيرًا ، ولكن ما نعتبره فراغًا جيدًا جدًا على الأرض
Quote: بتجي مطير عيونك وتعاين في الصور دون استصحاب اي معلومات فيزيائية أو أخذ معطيات واقعية انا الآن مشغول وحا أجي المساء ان شاء الله أشرح ليك بالتفاصيل وأثبت ليك انك زول عنقالي ساي بتعلف الصور من النت وزي ما قلت ليك انت ماشي معاي للغريق وانا حا اغتس ليك حجرك.
إذا كان صورتك أم عجل حديد غلبك تلقى ليها مخارجة وبقيت تشرد منها للفيديوهات شوفوا وتأملوا وعليكم الله.
معلومات فيزيائية ومعطيات واقعية
___ هههههه تاني تجي يا بليد؟
12-03-2018, 09:10 AM
Yassir Ahmed Yassir Ahmed
تاريخ التسجيل: 07-27-2017
مجموع المشاركات: 356
أستاذ فرانكلي ، المعلومة التي أشار إليها أ/ محمد مختار أن القمر يفتقر إلى غلاف جوي يعكس أشعة الشمس ، وبالتالي يتأكد من هذه المعلومة أن القمر غير عاكس لأشعة الشمس ، لذلك سألت ، من أين يأتينا ضوء القمر، عشان بس أصحح المعلومة العندي من زمن المتوسطة.
12-03-2018, 09:16 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
نحن على الأرض لنا غلاف جوي يعكس ضوء الشمس وبيحدث انكسارات ضوئية مثل ظاهرة ضوء الشمال أو ما يعرف بالشفق القطبي
لذلك وجود ظواهر وانعكاسات وانكسارات ضوئية في الغلاف الجوي أمر طبيعي بالنسبة للأرض. لكن بالنسبة للقمر ولعدم وجود غلاف جوي مماثل للغلاف الجوي في الأرض كان لظهور انعكسات في محيط القمر وأنت على سطح القمر ظاهرة تستحق الدراسة.
من هنا تؤكد هذه المعلومة أنّ القمر فعلاً يعكس الأشعة الساقطة عليه.
والله سبحانه وتعالى سمى الإنعكاس على القمر نور "هُوَ الَّذِي جَعَلَ الشَّمْسَ ضِيَاء وَالْقَمَرَ نُوراً"
تحياتى للجميع , خصوصا الأخوان حاتم , محمد عبدالله مختار و فرانكلى:
سؤالى لكم جميعا ،وهو سؤال غير استنكارى انما الغرض منه الوصول الى الحقيقة
الواضح أن الأخ حاتم يشك بما يقارب اليقين أن الأميركان قد وصلوا القمر , بينما يصدق الأخوان محمد و فرانكلى بما يصل درجة اليقين أنهم قد وصلوا فعلا للقمر.
سؤالى هل لنا جميعا من المعرفة ما يكفى لتأكيد أو ضحد هذه المعلومة؟
عن نفسى أنا بعيد كل البعد عن التخصص الذى يجعلنى مع/ضد تأكيد المعلومة عملت بشركة أمريكية لما يربو قليلا عن العشرين سنة ، بدأت العمل معها العام 1984 فى مجال ما يعرف بال Programmable Logic Controllers ،كنت كثير التردد على أمريكا بغرض التدريب "تحديدا لمدرسة ألن برادلى للأتمتة"Automation" بمدينة كليفلاند بولاية أوهايو" منذ ذلك الحين أى ثمانيات القرن الماضى كانت و ما زالت أمريكا تتقدم العالم فى مجال العلوم و التقنية , هنا لا أرى غرابة أن زعموا أنهم فعلا وصلوا القمر . لذلك تجدنى محايدا فى "تخاشنكم" هذا لا أستطيع أن أرجح كفة أحديكم"على الأقل لأنى لا أملك المعطيات العلمية الدامغة لترجيح احدى الكفتين.
دعونى أهمس فى آذانكم،:جميعكم يملك من المعارف ما فيه فائدة كبيرة جدا, ان تعاهدتم أن تبذلوها لتعليم الناس " و أنا واحد منهم" لكان هذا خير من هذا "التخاشن" الذى أهدر كثيرا من طاقات كان يمكن أن تبذل فيما يفيد.
ما كتبت هو عشم و رجاء....
12-03-2018, 12:24 PM
Frankly Frankly
تاريخ التسجيل: 02-05-2002
مجموع المشاركات: 35211
يا أسامة المشككون في وصول الإنسان للقمر كثر ومنهم مهندسون لكن هؤلاء يتناولن الأمر بموضوعية قد يختلف البعض في توصيفها كذلك لكن في إطار البحث العلمي
أما ما يأتي به مستر بنانا حاتم فلا علاقة له بقريب أو بعيد بمجموع المتشككين فهو يأتي بخربطات وجهالات وكذب وتلفيق يلفها ببعض معلومات لا يفقه كنهها ولا بعدها يرميها لك دون أن يرمش له جفن وهو كاذب.
شوف حكاية 50 سنة التي صارت 70 وشوف اللستك المنفوخ هواء وشوف الأشعة التي تصيب بالعمى وغيرها الكثير من الجهالات والكذب والتضليل والتدليس والتلفيق.
تدل على شي واحد أنه إنسان بليد وغير واعي بمدى غبائه وبلادته وهذا هو سبب تقريعي له.
تحياتي وتقديري
12-03-2018, 01:02 PM
Osama Siddig Osama Siddig
تاريخ التسجيل: 10-08-2006
مجموع المشاركات: 1078
اتيحت لى فرصة زيارة لكيب كانافيرال فى العام 1984 "لاحظ العام 1984" ، حضرنا عرضا لتأهيل رواد الفضاء فى قاعة تسمى ال I-Max Theater بعدها أخذنا جولة تسمى ال Red Bus Tour وهى جولة تأخذك حتى منصة الاطلاق للمركبات. بصراحة ما رأيته ذاك العام كان يفوق التصور بل يصل حد الخيال ، وقتها "وما زال"كان البون العلمى شاسعا جدا بين أمريكا و بقية دول العالم، لذلك تجدنى لا أستطيع أن أنفى وصولهم للقمر.
أمريكا هى رائدة العلم منذ ذلك التاريخ بل قبله و حتى الآن و ربما لأزمان طويلة قادمة.
لك ودى و تحياتى....
12-03-2018, 11:17 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
يا أستاذ أحمد كلام المهرج حاتم ما عنده علاقة بسؤالك
أنت سألت
Quote: ثانيا في معلومة أدونا ليها من المتوسطة إنه القمر أصلا ما بصدر ضوء ، ولكنه يعكس أشعة الشمس ، وإنت قلت في ترجمتك للنص الإنجليزي أنه ( لأن القمر يفتقر إلى غلاف جوي يعكس أشعة الشمس )
فأيمها أصح نحن ناس عنقالة ساكت عايزين نعرف بس .
كلام المهندس محمد عبدالله مختار يتحدث عن ظواهر حدثت في محيط القمر شاهدها رواد الفضاء من على سطح القمر وحتى هذه الجملة "أن القمر يفتقر إلى غلاف جوي يعكس أشعة الشمس" تعني أن أشعة الشمس لا يحدها شيء لتسقط على سطح القمر وبالتالي ما نراه هو فعلاً انعكاس ضوء الشمس على سطح القمر.
للناظر للقمر من الأرض يرى هذا الإنعكاس لكن ما رأه رواد الفضاء شيء أخر وقد ضربت لك مثلاً لظاهرة الشفق القطبي. مثل هذه الظاهرة لو شاهتدها وأنت على سطح القمر تدعو لدراستها وفق المعطيات المتوفرة التي ترجح عدم حدوثها لذلك حدوثها يعني أن هناك معطيات أخر يجب أن توضع في الحسبان ودراستها والإستفادة منها مستقبلاً
لو المهرج حاتم دا بيرد على أسئلتك من غير لولوة خليه يجي يثبت الكلام القال عنه "حقيقة" أن عجلات الروفر منفوخة بالهواء أو يعتذر عن الكذب والتضليل والتدليس وعدم الفهم
تحياتي وكامل تقديري
12-03-2018, 01:20 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
الحديث هنا عن ظاهرة في محيط القمر يعني يا بليد وأنت طالع في "الكفر" بتاع القمر وبتعاين لسماء القمر بتشوف انعكاسات وهذا ليس له علاقة بالإنعكاس الكلي أو الجزئي للضوء وأنت في الأرض أو في الفضاء الخارجي.
زي ما الغلاف الجوي الأرضي بيعكس أشعة الشمس وللإنعنكاسات دي تأثيرات وظواهر كثيرة منها الشفق القطبي ومنها وجود مناخات ورياح وحماية الأرض من الأشعاعات المضرة المباشرة مثل الأشعة فوق البنفسجية وطبقة الغلاف الجوي والأوزون كذلك على تقليل درجة حرارة الأرض من أشعة الشمس الحرقة المباشرة, رؤي انعكاسات في محيط القمر يعد حدث مهم جداً لدراسة الظاهرة واستخلاص الأسباب والمسببات.
أما إنك حمار بصورة عجيبة يا أبو لستك منفوخ هواء والأشعة القمرية التي تصيب بالعمى.
12-03-2018, 01:27 PM
Yassir Ahmed Yassir Ahmed
تاريخ التسجيل: 07-27-2017
مجموع المشاركات: 356
Quote: أن القمر يفتقر إلى غلاف جوي يعكس أشعة الشمس" تعني أن أشعة الشمس لا يحدها شيء لتسقط على سطح القمر وبالتالي ما نراه هو فعلاً انعكاس ضوء الشمس على سطح القمر.
أ/ فرانكلي ، معليش ما قدرت أفهم كلامك ، مع أني فهمت من الجملة الأولى أن القمر لا يستطيع عكس اشعة الشمس، بناء أن الوسيلة الوحيدة لإنعكاس أشعة الشمس هو الغلاف الجوي، وطالما أنه يفتقر لهذه الوسيلة ، فهناك إستحالة لإنعكاس أشعة الشمس بصورة عامة إن كان لمن يشاهد وهو على سطح القمر أو على الأرض، فضلا عن أن رواد الفضاء طالما أنهم يعلمون إمكانية القمر على عكس أشعة الشمس على الأرض فلما الإندهاش؟ ولم أفهم الإفتقار للإنعكاس هو فعلا إنعكاس . على كل مشكور على إجابتك ، وأعذرني إن كنت لم افهم ما قلته، هذه تساؤلات شخص غير متخصص .
12-03-2018, 01:31 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
الأخ ياسر - سلام عليكم اسمح لى اضيف للفائده العامه صوره الكوكب/القمر تظهر بانعكاس الضوء عن سطح الكوكب سواء كان ليهو غلاف جوى ام لا (او طبيعتو مختلفة عن الكواكب الأخرى سمك الغلاف وكثافتو وعدد طبقاتو). الغلاف الجوي اضافه للانعكاس والانكسار تضيف ليهو خاصيه امتصاص (absorption) زى مابيحصل بواسطة طبقه الاوزون وتشتيت (/diffuse/dispersion)الضوء لجزء من الضوء اما اغلب الضوء يصل سطح الكوكب. الغلاف الجوي اثرو البصري بيظهر بوضوح وانت على سطح الكوكب لو لاحظت بالنسبة للصور في القمر – الشمس مشرقه هناك يعنى منطقه هبوط المركبة وقت الرحلة كان نهار فيها وفى نفس الوقت السماء سوداء زى الليل عندنا. وفى نفس الوقت صوره الأرض من الفضاء بتظهر تفاصيل سطح الأرض يابسه ومحيطات والقمر باللون الأبيض والصور بواسطة المناظير الفلكية بتظهر تفاصيل تضاريس القمر ودا يعنى انعكاس الضوء من سطح الكوكب /القمر طيب ليه الفرق بين مشهد السماء عندنا في الأرض وفى القمر؟ في القمر لإنو مافى غلاف جوى (كثافتو منخفضه حسب مداخله فرانكلى بمقارنه عدد الجزيئات) بنشوف السماء على طبيعتها قبة من الظلام. اما في الأرض نشوف السماء زرقاء نهارا وبرتقالية عند الغروب لتشتت الضوء بزوايا مختلفة يعنى نحنا في الأرض بسبب الغلاف الجوي ما بنشوف السماء السوداء وانما يصطدم البصر بحدود الغلاف الجوي . الامتصاص (مثالحاله الاوزون)
. تشتت وانعكاس . المثال فى الصوره انعكاس(ارتداد-جزء من - الشوء من بعد سقوطه على السحب اوبواسطه جزيئات الغلاف الجوى) وانكسار (انحراف مسار الضوء بواسطه الغلاف الجوى ويصل الجزء من الضوء الى الارض)
12-03-2018, 01:36 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
يمكن أن يسافر زيد من الناس إلى دولة ما وينبهر بطريقة العرض السينمائية والمقاعد والسيارات، هذا وارد. لكن لا يدعم هذا أي من مزاعم ناسا التي نرى أبسطها يعجز الناس عن تفسيره بطريقة مقنعة.
12-03-2018, 03:20 PM
Frankly Frankly
تاريخ التسجيل: 02-05-2002
مجموع المشاركات: 35211
شوف كمية الغباء والجهل في كلماته لتعرف أن كان إنسان سوي يقيم الأمور بميزان العقل أم لا
Quote: يا أخ أسامة دهشتك دي ذاتا هي دافع أخينا مختار للتصديق ولا شيء سواها. لذلك معظم المنكرين للهبوط من دول متقدمة. بينما المصدقين معظمهم من دول متخلفة.
معطم المنكرين من الدول المتقدمة وهو طبعاً من ضمنهم شفت كيف؟
مع أن ناسا من وكل رواد الفضاء وكل البرنامج البينتقد فيه هو من صنيع الدول المتقدمة وكل المصدقين من دول متخلفة بيعني أنّ من هم بالدول التي وصفها بالمتخلفة متخلفون كذلك ولا عقل لهم ولا ميزان كدا بالجملة وهو ليس منهم شفت كيف؟؟؟
مع أنّ المصدقين والمنكرين من كل دول العالم كل يرى وفق أمور موضوعية ما يؤكد وجهة نظره وليس لذلك علاقة بتقدم أو تخلف الدول أو الأشخاص.
طبعاً هذا الهبنق الحمار لا يعي أن العلوم الإنسانية لا جنس لها ولا لون ولا عرق وكلماته أعلاه هي تنميط عنصري بليد أن يصدر من شخص هو من هذا العالم الذي وصفه بالمتخلف ويجي مع هذا يقول ليك 17.5 خط جهوي في بلادة أكتر من كدا؟
هههههههههه الزول العوير ده قام على الفليق خلاص .. اعمى ومسكوهو عكاز قلت لي الشهب بتعكس الضوء يا الحمبرة ؟؟ معناتا ما عارف الشهب دي هي زاتا شنو
طيب يا (بليد البورد) ركز معاي بالله .. شايف الحاجة الكتبتها قبيل انت (النيازك) - بالانجليزي Meteoroids اها الشهب دي (Meteors) مرحلة منها .. يعني بإختصار لمن النيزك يدخل (الغلاف الجوي) بيسموهو (شهاب) .. بالتأكيد الشهاب ده كتلة من النار يعني هو زاتو مصدر ضوء مش حاجة تعكس الضوء يعني لو كنت بتفهم لغة عربية وتقرأ القرءان الكريم وتحديداً قول الله عز وجل : (فَأَتْبَعَهُ شِهَابٌ ثَاقِبٌ) كان فهمت يعني شنو (شهب) وما كان عوقتنا بي قصة إنو الشهب بتعكس الضوء .. في التفسير : إلا من استرق السمع منهم (فأتبعه شهاب ثاقب) يعني: (((مضيء متوقد))).
بالله زول ناهز الخمسين من عمرو ولي يوم الليلة ما بعرف شنو يعني (شهب) والحالة كمان (دكتور) وعندو كرتونة قدر الضربة هههههههههههه
أخيراً .. لأني عارفك (حمار) مع الإعتذار للحمير يعني ، وما حتكون فهمت كلامي الفوق فده فيديو يوريك يعني شنو (شهاب)
وما ضروري الا الدنيا تكون (ليل) عشان القصة دي ما تربط في راسك .. ممكن الدنيا صباح تشوف الشهاب ده مضوي السما
بالطبع .. حجم الشهاب عندو علاقة بي حجم النيزك.
___________ وأغبى منك لم تلد النساء
12-03-2018, 08:32 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
الشهب meteors و النيازك meteoroids الاختلاف بينها اختلاف مقدار و هي نفس الحاجة يعني نفس الجسم بس الاختلاف في الحجم و المرحلة المهم في الامر انهم يمتلكوا نفس خصائص المادة و التي هي عاكسة للضوء ! التسمية بعد داك ما مهمة ، الجسم دا يسموهو نيزك لما كان حجمه كبير شوية و بعدين لما يتناقص حجمه و يخترق الغلاف الجوي يقولوا عليه شهاب عشان توهّج نتيجة للإحتكاك الشديد !
التركيز على كلمة شهاب كمرحلة يعتبر تلاعب بالمسميات ساي ما عندو وزن حين يكون الكلام عن طبيعة و خصائص الجسم في حد ذاته !
12-04-2018, 00:27 AM
جلالدونا جلالدونا
تاريخ التسجيل: 04-26-2014
مجموع المشاركات: 9389
نجي لي موضوع عدم ظهور أثر للعجلات في الصورة موضوع النقاش ..
حاتم قال في الأول :
Quote: الأندروبل دا بعجلاتو دي دقش خلا القمر
ثم جا ختم الموضوع بالآتي :
Quote: مجرد مركبة تم تصويرها في الأرض، يعني نزلوها وختوها وصوروها
واضح جداً الزول ده بعاني من إضطراب .. في الأول يأكد ليك إنو الروفر (دقش خلا القمر) وهو ما يوافق تماماً الفيديو الذي أوردناه .. بعد داك يجي يقول ليك (مركبة .. نزلوها .. ختوها .. صوروها).
Quote: يوم التصوير رتبوا الأرضية وزبطوها ونزلوا الروفر بونش لكنهم نسوا إنو المفروض تظهر آثار العجلات
انت مش قلت قبل كده الأفلام بتاعت القمر دي المخرج بتاعها ستانلي كوبريك ؟؟ هسي عليك الله لو جبنا فرقة الأصدقاء المسرحية عشان تخرج الموضوع ده -ناهيك عن شخص بإمكانات ستانلي كوبريك- بيغلط غلطة زي دي؟؟ وليه زاتو يعملوا كده ما دام إنت بي نفسك أكدت بي إنو الروفر (دقش خلا القمر) ؟؟ مخ مافي ؟؟
نجي لي موضوع الأثر ..
معروف إنو وزن الروفر في القمر خفيف جداً .. وحصل كتير رواد الفضاء شالوهو وختوهو في مكان تاني وده شئ ثابت بعد أي عملية بتاعة deployment وفي الصيانة لو حصل عطل والمكان ما مستوي عادي جداً ممكن يشيلوا الروفر يودوهو لي مكان مستوي بالتأكيد قصة شيل الروفر دي ممكن نثبتها بالفيديو التالي (10:15 ولي قدام)
كذلك خفة الوزن دي زاتا والتصميم المميز للعجلات بيخلي الأثر في أحيان كتيرة ما واضح بالطبع المكان نفسو وطبيعة الصخور والتربة القمرية عندها تأثير -سلباً أو إيجاباً- على القصة دي وبتلقى إنو أثر أرجل رواد الفضاء واضحة جداً مقارنة معاهو .. كما هو واضح أدناه
الآن نجي لي حاجة مهمة جداً وهي إنو الغبار في القمر بيتحرك بسهولة كرد فعل لحركة الأرجل بالتالي ممكن يغطي على آثار العجلات في أي مكان فيهو حركة كتيرة للرواد لاحظ الصورة التالية :
ونرجو التركيز بشدة في الفيديو التالي وهو لرائد الفضاء جين سيرنان - أبوللو 17 لاحظ حركة التربة في القمر .. هل يمكن أن يحدث شئ كهذا في الأرض ؟؟
كذلك في فيديوهات ممكن الواحد يكبشر منها صور للروفر وهو متحرك والغبار نازل من العجلات ولا يظهر أثر واضح .. مثال الصورة التالية : ليه الكلام ده ؟؟ لأنو ببساطة الفيديوهات دي في القمر ولو كانت في الأرض لما كانت النتائج هكذا
لا يوجد ونش ولا بطيخ .. هذه أوهام لشخص مضطرب تعود أن (يعلف) ما لا يعرف
12-04-2018, 03:20 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: كان البون العلمى شاسعا جدا بين أمريكا و بقية دول العالم، لذلك تجدنى لا أستطيع أن أنفى وصولهم للقمر.
مرحب بالباشمهندس أسامة صديق .. حقيقي الزول الما عارف الناس ديل عملوا الحاجات دي كيف ما بيصدق الموضوع ده مع العلم إنو معظم برنامج الفضاء كان بالتعاقد معا شركات وجامعات ومراكز بحثية يعني ناسا ما عملت الموضوع ده براها .. عندي نية أفتح بوست بيتكلم عن النواحي الهندسية وكيف تم الوصول للقمر الحاجة الكويسة في برنامج الفضاء الأمريكي إنو أي شئ موثق ومعظم الأشياء المتعلقة برحلات أبوللو متاحة الآن على الإنترنت الروس ضنينين جدا بالمعلومات ..
12-04-2018, 03:31 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
نرحب مرة أخرى بـ(بليد البورد) وعندنا سؤال بخصوص الكلام التالي :
Quote: دايرين أثر العجل في الفرناغة، صعبة دي؟
معروف إنو الروفر لمن ينفض (الفرناغة) فوق الجو بيبقى مليان غبار والرؤية بتبقى مغبشة .. ما دام إنت أثبت إنها (فرناغة) تعال ورينا في الفيديو التالي ليه الفرناغة دي بتمشي فوق وتنزل بدون ما تخلّف أي غبار في (الجو) زي ما حضرتك بتعتقد ، لأنك بتقول انو الفيديوهات إتصورت في (الأرض) نحنا بنقول الكلام ده ما ممكن يحصل الا في فراغ Vacuum وبالتالي ده واحد من أوضح الدلائل على انو الكلام ده كان في القمر
أدينا كلام علمي بالله وبطل الهرجلة ..
12-04-2018, 05:46 AM
صلاح عباس فقير صلاح عباس فقير
تاريخ التسجيل: 08-08-2009
مجموع المشاركات: 5482
Quote: واضح جداً الزول ده بعاني من إضطراب .. في الأول يأكد ليك إنو الروفر (دقش خلا القمر) وهو ما يوافق تماماً الفيديو الذي أوردناه .. بعد داك يجي يقول ليك (مركبة .. نزلوها .. ختوها .. صوروها).
لا ريب أن حاتم بقوله: إنو الروفر (دقش خلا القمر)، لا يعني الإثبات، ولكن الاستنكار. ودي مسألة واضحة معلومة بالبداهة. لأنو موقف حاتم من المسألة معروف ، ومن ثم فلا اضطراب في كلامه في هذه الجزئية.
___________________ ليس دفاعاً عن الأخ حاتم بالتأكيد، ولكن دفاعاً عن الحقيقة التي يمكن أن تضيع وسط الغبار الذي يثيره منهج التكاتيك، والرد الانفعاليُّ عليها.
12-04-2018, 05:26 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: معروف إنو وزن الروفر في القمر خفيف جداً .. وحصل كتير رواد الفضاء شالوهو وختوهو في مكان تاني وده شئ ثابت بعد أي عملية بتاعة deployment وفي الصيانة لو حصل عطل والمكان ما مستوي عادي جداً ممكن يشيلوا الروفر يودوهو لي مكان مستوي بالتأكيد قصة شيل الروفر دي ممكن نثبتها بالفيديو التالي (10:15 ولي قدام)
أخف من الرائد مثلاً؟ ويشيلوهوا ليه؟ طبلية سجائر؟ المفروض هو اليشيلهم حسب ظني في الفيديو بتاعك طلعوهوا من المركبة لكن ما شالوهوا لمكان (مستوي)، ولا مرة!
وما أظن في توثيقات ناسا إنو حصل زي كلامك الفارغ دا (شالوهوا لمكان مستوي) لأنو عطلان) المنطق بيقول المفروض يتحرك بعجلاته للمكان المستوي ولا كيف؟ فإذا ما قادر يتحرك في التراب وهو فاضي كيف حيتحرك بيهم وهم راكبين فوقه؟
Quote: كذلك خفة الوزن دي زاتا والتصميم المميز للعجلات بيخلي الأثر في أحيان كتيرة ما واضح بالطبع المكان نفسو وطبيعة الصخور والتربة القمرية عندها تأثير -سلباً أو إيجاباً- على القصة دي وبتلقى إنو أثر أرجل رواد الفضاء واضحة جداً مقارنة معاهو .. كما هو واضح أدناه
بس في صور ناسا مركزين على التأثير دا بشفقة تماثل شفقتك على الكذب متناسياً المنطق!
ناسا حتزعل منك لو قلت إنو خفيف ومرات ما بيعمل آثار، دي الكنتة ذاتا الهم معتمدين عليها تقوم تفرطقا ليهم؟
Quote: الآن نجي لي حاجة مهمة جداً وهي إنو الغبار في القمر بيتحرك بسهولة كرد فعل لحركة الأرجل بالتالي ممكن يغطي على آثار العجلات في أي مكان فيهو حركة كتيرة للرواد
في الأرض برضو بيتحرك بسهولة كرد فعل لحركة الأرجل! بالتالي أدعى لأنو يهيج مع حركة العجلات بالتالي تصنع أثر واضح على الأرض مكان الغبار الطار!
بس صورتك للعجل ما جمبها أي آثار للأرجل، وصورة الحمار الكبير برضها ما بتثبت الاندفانة دي إلا لو شالوا التراب ودفنو الأثر عمداً.
Quote: ونرجو التركيز بشدة في الفيديو التالي وهو لرائد الفضاء جين سيرنان - أبوللو 17 لاحظ حركة التربة في القمر .. هل يمكن أن يحدث شئ كهذا في الأرض ؟؟
نعم يمكن يا بليد وفي أي تربة رملية أو سفاية
أنت ليه عقلك صغير كدة؟ ياخي كل المشاهد دي عادي تتصور داخل هنغر وطبيعي جداً الغبار يتحرك للأعلى طالما مافي رياح.
Quote: كذلك في فيديوهات ممكن الواحد يكبشر منها صور للروفر وهو متحرك والغبار نازل من العجلات ولا يظهر أثر واضح .. مثال الصورة التالية :
تكبشر لينا بدل فاقد يعني! هههههه
صورتك الفوق دي (مكبشرة) من فيديو؟ والغبار نازل؟
طيب الراجل الظاهر أثر كراعو في النص دا كان واقف عشان يطسوهوا قال يعني؟
____ اجتهد معانا شوية ياخ، الحمورية دي صوتا عالي وطيهو شوية.
12-04-2018, 05:40 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: كذلك في فيديوهات ممكن الواحد يكبشر منها صور للروفر وهو متحرك والغبار نازل من العجلات ولا يظهر أثر واضح .. مثال الصورة التالية : +++ ليه الكلام ده ؟؟ لأنو ببساطة الفيديوهات دي في القمر ولو كانت في الأرض لما كانت النتائج هكذا
بساطتك عينة هذه الفينة! بتقول الصورة مكبشرة من فيديو فلو الأثر كان موجود قبل أخذ اللقطة للروفر (وهو متحرك) وين أثر العجل القدام؟ ما اعتقد الروفر خفيف لدرجة أنو العجل بتاعو ما قادر يطمس أثر كراع الراجل المر بيها أو حتى يخلف أثر، مش كدة!
أهو زي ما قلت ليك الكضاب دايماً بيهتم بالتفاصيل وينسى منطق ربط الأشياء. زي لما علقت أنت الدرون في الشجرة بسيلوتيب ونسيت إنو المنطق بيفرض عدم الحاجة لشجرة أصلاً، لأنها طيارة ما بتخش جوة الشجر.
___ فهل لديك أي أقوال أخرى نحترما مع الكراهة؟
12-04-2018, 05:48 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: معروف إنو الروفر لمن ينفض (الفرناغة) فوق الجو بيبقى مليان غبار والرؤية بتبقى مغبشة .. ما دام إنت أثبت إنها (فرناغة) تعال ورينا في الفيديو التالي ليه الفرناغة دي بتمشي فوق وتنزل بدون ما تخلّف أي غبار في (الجو) زي ما حضرتك بتعتقد ، لأنك بتقول انو الفيديوهات إتصورت في (الأرض) نحنا بنقول الكلام ده ما ممكن يحصل الا في فراغ Vacuum وبالتالي ده واحد من أوضح الدلائل على انو الكلام ده كان في القمر
مشكلتك أنك بتنطلق من قناعة دافعها الانبهار والجهل بالأساسيات وما عندك قدرة تقارن الحقائق أو حتى تبرر بالمنطق البسيط جداً.
___ لا فراغ لا حاجة، غباوة منك ساي وعدم ملاحظة.
12-04-2018, 05:53 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
(الموسوعة) دا طلعتوه أي كلام ...؟؟؟؟ قال ليك النيازك والشهب بتعكس الضوء، وما عندها غلاف جوي. ...... و عندها (ضنب) كمان .... (الموسوعة) شكلو غير الصنف و الصنف دا حا يبهدلو .... يعني (الموسوعة) طلع من ناس الكنبة الأخيرة ...؟؟؟؟ زنقتوه لمن خلص قاموسه من الشتايم ....
(الموسوعة) ثروة قومية بالله خففوا عليه شوية ....
12-04-2018, 10:01 AM
Osama Siddig Osama Siddig
تاريخ التسجيل: 10-08-2006
مجموع المشاركات: 1078
كان أول عهدى بالمعارف أن كنت عنيدا جدا ، متصلبا فى الرأى حتى و ان تبين لى خطأه "تناحة كدة لله فى اللهّ" ، كنت أظن أن معرفتى فى "مجالى" تتيح لى أن أبدى رأيا فى أى موضوع يطرح للنقاش" حتى و ان كان الموضوع عن الفيزياء النووية" تمر السنون لأحتك بمن هو أعلم ،كذلك كان لعامل التجارب و السن دور فى أن أتقبل الرأى الآخر"العرب بيقولوا الكبران حسنان"و أكتشف أن الأفضل أن تظل تتعلم ما وجدت لذلك سبيلا.
ما زلت عند عشمى أن ندخر "طاقة الدواس" الهائلة هذه فيما ينفع بدلا عن بذلها فى هذه المعركة التى لن يخرج منها منتصر
ودى لكم....
12-04-2018, 10:45 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: اها يا دكتور .. ورينا في الأول إنت مقتنع بالكلام بتاع صاحبك ده ولا مختلف معاهو .. أرجو الرد بوضوح يا دكتور عشان أعرف اتفاهم معاك.
يا باشمهندس سلام يا ريت تبعد عن المهاترة معاي عشان ما امشي معاك في السكة دي !
لو عايز كلام مباشر و بدون لولوة اها بقول ليك انو مشكلة فقدان النظر التدريجي و العمى مشكلة شائعة عن رواد الفضاء و هي من الأشياء المقلقة لوكالة ناسا و لجميع العاملين في مجال الفضاء ! تقريباً اتنين من كل تلاتة رواد فضاء قضوا فترة في مهام خارجية ، ظهرت عليهم مشاكل في البصر !! هناك ما يسمّى بال Visual Impairment Inter-cranial pressure Syndrome السبب شنو ؟!!! هناك عدة نظريات ارجع لتقارير و بحوث وكالة ناسا حول الموضوع دا و تحليلاتها للأسباب المُحتملة !!
12-04-2018, 11:30 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
الاخ محمد عبدالله وضويفو - سلام عليكم موضوع الاطارات وأثرها ممكن نخت تلاته نقاط - طبيعة شكل وتركيب الإطار (شبكه وشرائح رقيقه معدنيه) - طبيعة التربة القمرية (مسار المركبة على ارض رملية -يبدو-اتها ناعمه) - المركبة بما فيها قائد المركبة كتلتها في حدود 325 كجم (كتله المركبة 210 +كتله قائد المركبة) ويبدو وزنها على سطح القمر وزن جسم كتلته 55 كجم (وزن شخص بالغ خفيف الوزن) * بناء على دا ما المفروض نتوقع أثر (واضح) لإطارات المركبة المعدنية على القمر بنفس نمط الإطارات المطاطية على الأرض. . . * قوه الجاذبية (الوزن) على القمر سدس (1/6) قوه الجاذبية (الوزن) على الأرض. للمتابعين من غير التخصصات العلمية.
12-04-2018, 12:16 PM
Frankly Frankly
تاريخ التسجيل: 02-05-2002
مجموع المشاركات: 35211
-الرفرف ضرورى لحجزتطاير التراب والغبار الحجوز ومنعه - بل ونفاذو عبر الاطار المعدنى الشبكى مرورا الى الارض- من التطاير والوصول التراكم على الاجهزه فى جسم المركبه .ولو ماكان فيهو فايده ماكان صمم كجزء من جسم المركبه فى رحله زى دى واصبح عمليه صيانتو مهمه. -الغبار المحجوز من المركبه واضح جدا بيغطى على اغلب اثر اطارات المركبه المعدنيه بشكلها الشبكى (اضافه لخفه وزن المركبه حيث وزنها بقائد المركبه يتجاوز قليلا وزن شوال سكر زنه 50 كحم)
12-04-2018, 01:34 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
زي قصة الشيعة والسنة كان إتلاقوا ناس القمر والما قمر السودانيين ممكن يتضاربوا غايتوا أنا كان حضرت الشكلة دي رغم إني أؤمن إيمان العجائز إنه الأمريكان وصلوا القمر لكن بقيف في صف الكفار ناس حاتم وبوب عشان أركب الحبرتجي فرانكشتاين بي عكازين في دقنوسو ثم أتوب
12-05-2018, 01:59 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: لا ريب أن حاتم بقوله: إنو الروفر (دقش خلا القمر)، لا يعني الإثبات، ولكن الاستنكار.
يعني انت عايز تقول انو الروفر ده ما بيتحرك ؟؟ خليك من حاتم اديني انت قناعاتك الشخصية يعني خلينا نفترض جدلا انو الفيديوهات دي مزورة هل في الفيديوهات المزورة دي الروفر بيتحرك ولا لأ ؟؟ واذا كان بيتحرك لزومو شنو يجيبو ونش ويختوهو في حتة ويصوروهو؟؟
12-05-2018, 02:08 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
من الأفضل لك أن تضحك فأنت (عاجز) تماماً أن تنقذ نفسك وأنت متعلق بقشة رمال الشاطئ رجاء أن تنقذك من (الفرناغة) يا كذاب فأنت أدرى بمعني (الفرناغة) ولكنها اللولوة ..
________ ولا يستقيم الظل والعود معوج
12-05-2018, 02:17 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: لو عايز كلام مباشر و بدون لولوة اها بقول ليك انو مشكلة فقدان النظر التدريجي و العمى مشكلة شائعة عن رواد الفضاء
يا دكتور كلامك ده عام .. يعني من بداية برامج الفضاء قبل ما يفكروا في القمر ظهرت المشاكل دي في التجارب الأولية في المدار حول الأرض بالتالي كلامك ده ما في محلو .. زولك ده بيقول الآتي :
Quote: فأي شخص يطوف حول القمر سيصاب بالعمى من شدة الضوء القوي المنعكس
قال سبب العمى (شدة الضوء القوي المنعكس) .. أها جيب لينا دراسة علمية بتقول الكلام ده ثم انو قبل كده قال مستحيل زول يتخطى حزام فان آلن بالتالي مافي زول وصل القمر أوكي مافي مشكلة نمشي معاهو في إفتراضاتو الوهمية دي .. اها ما دام مافي زول مشى القمر قصة الزول البلف حول القمر يعمى دي جات من وين ؟؟
12-05-2018, 02:19 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
من بداية صورة العجل المترب كنت تنسحب. تقوم تجيب صورة وتقول الروفر خفييييييف. ومرات بيشيلوهوا زي المرحوم؟
أها كلامك كلو طلع فارغ ساي وكضب للأسف، ما حصل شالوهوا في القمر افتراضا وما خفيف لدرجة إنو يطير على ارتفاع منخفض يحافظ بيهو على نعومة التراب وجمال نقش الجزم القاشرين بيها رواد ناسا.
___ اعترف بالزهللة والحمورية أحسن ليك.
12-05-2018, 03:19 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
BepiColombo is Europe's first mission to Mercury. It will set off in 2018 on a journey to the smallest and least explored terrestrial planet in our Solar System. When it arrives at Mercury in late 2025, it will endure temperatures in excess of 350 °C and gather data during its 1 year nominal mission, with a possible 1-year extension. The mission comprises two spacecraft: the Mercury Planetary Orbiter (MPO) and the Mercury Magnetospheric Orbiter (MMO). BepiColombo is a joint mission between ESA and the Japan Aerospace Exploration Agency (JAXA), executed under ESA leadership.
الرابط : sci.esa.int/bepicolombo
دحين قالوا منير ربط الكربريتر بتاع الداهية دي .. فلو شايف القصة دي لعبة نجيب ليك سيد الشئ زاتو يناقشك (إذا تفضل علينا بذلك وزمنو بيسمح) يلا يا شاطر ورينا حتعمل شنو ..
12-05-2018, 03:34 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: الاستعداد لإطلاق مركبة تستكشف كوكب عطارد ..فى أحد أجهزة هذه المركبة تقبع الأحرف الأولى لـصاحب البوست Munir Munir M.A.A 😊 منقوشة فى الشريحة الالكترونية التى تمثل قلب الكاميرا الأيونية المسماة PICAM ، وذلك اختصار لـ Planetary Ion CAMera المخصصة لتصوير أيونات العناصر المكونة لكوكب عطارد وأجوائه (تحليل طيفى) .. دورى فى هذا المشروع كان تصميم الجزء الأمامى من الدائرة الالكترونية الدقيقة فى PICAM.. وأنهيت العمل فيه سنة ٢٠١١ .. 😊المهمة الفضائية اسمها بيبى كولومبو ـــ Bepi Colombo ــ على اسم العالم الايطالى الذى تمكن من حساب المسار المؤدى لمدار الكوكب .. المشروع هو عمل مشترك بين وكالة الفضاء الاوربية ESA واليابانية JAXA .. وتحت مظلة ESA شاركت عدة مراكز بحوث من فرنسا وبلجيكا والنمسا وايطاليا وهولندا ..المركبة الآن تم نقلها لقاعدة الإطلاق بعد تأجيل لعدة سنوات .. رحلة المركبة من كوكب الأرض حتى تستقر فى مداراتها حول عطارد ستستغرق سبع سنوات
ده كلام الأخ منير .. سيد الشئ زاتو
12-05-2018, 04:09 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
تجارب الرواد الروس يا أخينا دلت على الواحد منهم بيسحبوهوا سحبان ويشيلوهوا شيلان ويختوهوا ختتان حيلو ميتان ودا بعد ساعات تحليق في المدار وبعضهم بيغمى عليهم.
أنت منبهر بكل بساطتك عايز تقنعنا إنو في زول بيقعد في مركبة تسافر بيهو يومين وينزل منها نشيييط عشان يعتل روفر ويصين رفارفو ويصور ويركب يجي راجع؟
____ معناها مصدق أفلام سوبرمان وجيمس بوند بسلامة عقلك.
12-05-2018, 04:22 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: ما قالوا حينزلوها في الكوكب. وتعليقي كان عن لعبات مقصود منها النزول على الكواكب مش الدوران حوله.
ههههههههههه يعني الحاجات البتلف حوالين الكواكب ما لعبات لكن البتنزل في الكواكب لعبات بي كلامك ده المسبار حق ناس منير حاجة جادة والروفر بتاع ناسا الفي المريخ مجرد لعبة. اقسم بالله انت زول وهم
12-05-2018, 04:26 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: ما عارف ليه بتصر على تحميل كلامي بخطرفاتك. كل تعليقاتي على كذبات مشروع أبولو فترة السبعينات والكانت مبالغات عصية على التصديق إلا على الأغبياء طبعا.
فإذا في السنوات الأخير نجحوا في إنزال لعبات على أي كوكب مع الفشل في بعضها فدا يطعن في صدقية الوهمة الكبيرة أم رفارف غلاد وكتاحة ودركسون.
أُماااااااااااااااااااااااااااااااااااااك
الهبوط الناعم قاليك
ما قلت نوبة
12-05-2018, 04:49 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
عفارم عليك يا هندسة بالعلم والمنطق وصلتوا يعترف إنه في قدرات فضائية وفي وصول لكواكب بعيدة جابة مضايرة المرة دي قال ممكن يكونوا نزلوا على المريخ وما ظنيتوا يقدر يلحس كلامه دا بس عشان الخجلة ما قال روفر قال نزلوا لعبات (xbox3) مثلاً ههههههه طيب ما دام مبدأياً سلمت بإمكانية الوصول والهبوط على كواكب أخرى البمنع شنو حدوثه أمبارح أو أول امبارح غايتو جنس غرور وعناد في الغلط
12-05-2018, 05:12 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
كلامي عام كيف عاد ! سيبك من الدراسات الأولية و التوقعات و غيرها انا قلت ليك كلام محدد و صادر عن وكالة الفضاء و جهات طبية عديدة ، تقريباً ثلثين رواد الفضاء الذين قضوا فترة خارج الغلاف الجوي تعرّضوا لمشاكل في النظر ! دي إحصاءات و دراسات جادة جداً و مثيرة للتساؤلات ! السبب الحقيقي في تدهور النظر شنو ، الموضوع دا ما إتحسم حتي الان و هناك إفتراضات و نظريات عديدة لتفسير الأمر . بتاعين ناسا سموها VIIPS و قالوا غالباً تدهور النظر بكون نتيجة لإنعدام الجاذبية خارج الغلاف الجوي و دا يؤدي لاندفاع كمية كبيرة من السائل الشوكي النخاعي CSF لداخل الرأس مما يؤثّر علي قاع العين و العصب البصري ! الكلام دا لسه حوله بحوث كتيرة في افتراضات طبية تانية المانع شنو يكون من ضمن النظريات انو فقدان البصر التدريجي دا ناتج عن التعرّض لإشعاعات او انعكاسات محددة ؟! ليس دفاعاً عن كلام حاتم ، لاكين سؤال جاد كدا انت ليه مستنكر الإختمالية دي و لو بنسبة واحد في المية طالما لم يتم نفي او استبعاد الاحتمال دا يظل مقبول و لو نظرياً !! .....
هناك مرض يسمى moonlight blindness ودا بصيب الحصين بالمناسبة يعني ممكن المستنير يفتي لينا فيه شوية 😂 .... رغم عدم قناعتي بنظرية المؤامرة لاكين عملياً كدا القدرة على اختراق حزام فان ألن الإشعاعي كان و مازال من النقاط التي يثيرها المتشككون في الشغلة دي ! و عقبة لم يتم تجاوزها تماماً لأنو بعض الدراسات تشير فعلاً لأنو عشان الجسم البشري يخترق حزام فان ألن دا ، محتاج لدرع واقي من الرصاص سمكه مترين و ذيادة ! و الحساب ولد ! الشيء البعرفو انو ناسا حاولت التقليل من خطورة الحزام و تأثيره علي رواد الفضاء او انو ذو تأثير محدود جداً او شبه معدوم !! و انو ما كان مشكلة تحول دون الرحلة !! مع ملاحظة انو حالياً و في2018 , هناك شركات عالمية أمريكية و إسرائيلية تدرس تصميم دروع و بدلات لرواد الفضاء بمواصفات خاصة تقيهم مهددات الاشعاعات و المخاطر. اثناء تنقّلهم في الفضاء ، كما يتم العمل على تصميم عقاقير و فايتامينات تؤخذ في شكل حبوب او كبسولات تعمل على استعادة حوالي اكتر من 70% من الخلايا المتوقّع تدميرها نتيجة هذه الإشعاعات !
... بالمناسبة شايفك عايز تربط بين كلام حاتم بفرضية إصابة شخص بالعمى اذا طاف حول القمر و بين نفيه لمسألة حصول هبوط فعلي علي القمر !! انا غايتو لم افهم انو هناك تناقض ، بإعتبار انو إلكلام الاول فرضية نظريه و لا تعني بالضرورة التسليم انو فعلاً في زول طاف قريب من القمر او هبط عليه !! غايتو إلا كان الربط بين الحاجتين ديل زنديّة ساي ! احتمال أكون غلطان في فهمي دا و ربما يكون خذلني تفكيري و حسّي السليم !
12-08-2018, 04:24 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
بخلاف كلامك دا يا أمير دجالين ناسا زادوها شوية خلال مشروع أبولو زعموا أنهم كانوا بيشوفوا أجسام غريبة ظلت تطاردهم. وليوم الليلة في حوارات دايرة حول المواضيع الفارغة دي.
12-08-2018, 04:31 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
إسبيس إكس نفسها ما كان ليها تنجح لولا رغبة ناسا في الانسحاب التكتيكي بدون شوشرة من مجال اللوجيستك الفضائي لأنو الانتقادات عليها كترت من ناحية التكاليف يعني إيلان مسك مصنوع صناعة في المجال دا (puppet) فالناس بقت واعية ما زي زمان، أيام أبولو ناسا كانت بتنشر صورها في مجلات هسع ياااااا الله تقدر تعدل من صورها البتنشرها في الانترنت وعاملين حسابهم كوييييييس تصريحاتهم.
أكتب ليهم عليك الله اسألهم وين آثار الروفر العامل زي سرير الحديد دا هههه الله أعلم يردوا عليك، مش لأنك ما مهم ودا أكيد، لكن لأنو دي سياستهم، التطنيش نفس السياسة الشغالين بيها معاي ناس بوست الصوت الجبلي متورطين وما لاقين مخرج غير يدعوا بأنو دا (علم خاصة) ههههه
___ وبالمناسبة حساب التكاليف الفوق دا تقريبي.
12-08-2018, 01:45 PM
Frankly Frankly
تاريخ التسجيل: 02-05-2002
مجموع المشاركات: 35211
Quote: الصين تطلق مسبارا لاستكشاف الجانب المظلم للقمر
وكالات السبت، 08 ديسمبر 2018 10:56 ص
الصين تطلق مسبارا لاستكشاف الجانب المظلم للقمر
أطلقت الصين، اليوم، مسبار "تشانغ آه-4" لاستكشاف الجانب المظلم من القمر.وحمل الصاروخ "لونغ مارش-3 بي" المسبار القمري الذي يتضمن مركبتي هبوط وجوال انطلاقا من مركز "شيتشانغ" لإطلاق الأقمار الصناعية في مقاطعة سيتشوان بجنوب غربي الصين، ومن المتوقع أن يقوم هذا المسبار بأول هبوط ناعم على الجزء البعيد من القمر لتنفيذ ثلاث تجارب علمية وتكنولوجية.
وقال السيد تشانغ خه المدير التنفيذي لمشروع المسبار، "إن الهبوط الناعم واستكشاف الجانب البعيد الذي لم يسبق اكتشافه من قبل، سيوفر معلومات مباشرة عن التضاريس ومكونات التربة القمرية وغيرها من البيانات العلمية، ما سيساعد على إثراء الفهم للقمر والكون".
وفي السياق ذاته، أعلنت إدارة الفضاء الوطنية الصينية أن المهام العلمية لبعثة المسبار "تشانغ آه-4" تشمل الرصد الفلكي الراديوي منخفض التردد، ومسح التضاريس والأراضي، والكشف عن التركيبة المعدنية وهيكل سطح القمر الضحل، وقياس الإشعاع النيوتروني والذرات المحايدة لدراسة البيئة على الجانب البعيد من القمر.
وكانت الصين قد أطلقت في 21 مايو الماضي قمر التناوب الصناعي "تشويتشاو" لتأسيس الاتصالات بين الأرض والجانب البعيد للقمر.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Frankly
حاتم إبراهيم
Yassir Ahmed
محمد عبدالله مختار
ABUHUSSEIN
Asim Ali
جلالدونا
MOHAMMED ELSHEIKH
فيس بوك
تويتر
انستقرام
يوتيوب
بنتيريست