قال ليهن أبكوا لينا المرحوم وأجركم عندي وبعدين ما دفع -عجايب الخرطوم !!!#

مرحبا Guest
اخر زيارك لك: 05-06-2024, 12:22 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2018م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-28-2018, 08:41 AM

زهير عثمان حمد
<aزهير عثمان حمد
تاريخ التسجيل: 08-07-2006
مجموع المشاركات: 8273

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
قال ليهن أبكوا لينا المرحوم وأجركم عندي وبعدين ما دفع -عجايب الخرطوم !!!#




















                  

11-28-2018, 10:53 AM

امتثال عبدالله

تاريخ التسجيل: 05-15-2017
مجموع المشاركات: 7424

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قال ليهن أبكوا لينا المرحوم وأجركم عندي و� (Re: زهير عثمان حمد)

    دي مصيبة شنو كمان !!! وقبل كده قرينا ان ناس العريس والعروس بياجروا حناكيش ويشتروا ليهم ملايس جديدة ويشاركوا في حفل الزواج عشان يجملوا صورة الزواج...فهل في مصيبة اكبر من كده؟؟؟ نظام الانقاذ جاب لينا جديد ما كان على البال...ومن اكبر المصايب انك تفتح حساب في بنك وما تقدر تسحب قروشك ..وما تقظر تبيع حاجة تخصك...قال حكومة قال ....متى يذهب هؤلاء الى مذبلة التاريخ !!!؟؟؟؟
                  

11-29-2018, 07:22 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قال ليهن أبكوا لينا المرحوم وأجركم عندي و� (Re: امتثال عبدالله)

    @ نُحيي قلمك الرشيق أخي أيو الزوز، و أنت تزرع
    بنا الأرض ذهاباً و إياباً رجالاً و رُكباناً على ظهر كلِّ
    ضامر ٍ نأتي بها من كلِ حدبٍ و صوبٍ و من كلٍّ فجٍّ
    عميقٍ .؛ و على كتِفيك كاميرا نزيهةٌ خفيةً تلقط يمنةً
    و يسرةً لترصد بشفافيةٍ لنا كل ما تقع عليه عدستها
    من غرائب ما يجري جهراً نهاراً ، هنا و هناك .

    # طبعن ظاهرة همبتة الأتراح كما الأفراح دي
    تراها بقت سبل أكل عيش بعرق جبين و استثمار
    ليه شناتٌ و رنَّاتٌ . كلٌ على شاكلته و لكل شيخٍ
    طريقته الخاصة. فإذا أخونا الفوق دا عملا سرقة
    بكيات عديل كدا، فهناك منيمارسونها مهنة ككلك
    المهن بي قومة نفسها و ردحيها و سكلليبها.

    # عمومن ، الجاياك دي من بريدي الخاصن ؛ و ليست
    بالضرورة ملطوشة ، و حيثما مررتم بها عند غيري
    فاضربوا بها عُرض الحائط فربما تنسب إلى كائنٍ من كان
    أو لي شخصياً تحت إحدى كنياتي المنتشرة عبر اثير الأسافير.
    فالأمر سيَّان و لكن ليس المدردم كلُّو ليمون . أقول هذا تجلية
    لأية رواسب و عدولاً عن قرارٍ سابقٍ بالمتناع عن الخوض في
    أمراض الأُمم . هذا ، علماً أن ثقــافة الأدب الشعبي تـلاقيـط و
    ماعونها متل قرعة الشحاد ، لو حكرت لغيرك ما و صلت إليك.

    الدراما بعنــــــــــوان :
    ( عووضية رَدَحِي و حنان سَكَلَيْــب)

    # طبعاً كنبذة خاطفة: ملاح قرع ( كارجقل) و بامية مفروكة (أم بقبق)
    و ريكة كسرة فتريتة و صحن سلطة و (ملاحة) و كان الله يُحبُّ المحسنين .
    ده كان الأكل فى بيوت البكيات قبل أن يصبح البكاء مظهر فشخرةٍ و برستيج
    سبعة أنجمٍ .بعد أن اجتاح البلد (سرب جراد) و قطيع (قِطط سِمانٍ ) مما بات
    يُعرفبالمليارديرات الجدد. أصبحتتؤثر سلوكياً على بقية المطاحين حتى صار
    رفع (الفاتحة) هى الفرق الوحيد بين سرادق عزاء و هيصة فرح! في فراش
    الوجيه (حسن يورو) شرعت أسرته أبواب(الفيلا) الفخمة الثمانية لأفواج
    المعزين علاوة على صيوان ضخم نصب ليسد عين الشمش، مزود بشبكة
    كوابل مهولةلأغراض الإضاءة الساطعة و التكييف (الهيف الـاقط).
    ***
    # ساعة الغداء انتشر فتيان مهندمون بزيٍّ مُوَحَّدٍ يحملون (صوانى الأكل)
    النيكل الناصعة التى ترتاح بداخلها أطباق المَشويات والمُحمرات و المُشمرات
    والمقبلات وقطع الرغيف المنفخ بينما وضعت أمام كل صينيةعدد من زجاجات
    المياه المعدنية السااااقطة (بس نخرة كلب)! فى صايدالحريم جلست سوسو و هي
    (فى الأصل ست النفر حتي قبيل أن يصبح حسن يورو زعيم برجوازيةً صغيرةً
    و رقماً صعباً) في عالم المال و الأعمال ، جلست على سريرٍ خشبيٍ مهوقنيٍّ
    مستورد عليه ملاية قطيفة نـــاعمة تتلقى فروض التعازى من جاراتها
    و صويحباتها اللواتى جئن بكامل أطقم زينتهن ناقشات الحنة ديك عادالميها
    خمج التياب شيفون كشميري مطرزات والشباشب أبو كعب (بلية) و رقابهن
    مرصات بأطنان قلائد الدهب المجمَّ{ من آخر مهرجانات دبي للتسوق.
    يعني تقول بالله بس مدعوات لحفلة تنكرية بمناسبة (هالوين)
    - اسمعيني يا دي ، كلمتي لينا (عوضية ردحى)؟
    همست (سوسو) لجارتها و فردتها (نوسة) التي رمت
    رأسها بين منكبيها كي تصغي جيداً و تجيب:
    - والله (عوضية ردحى) دى سامعة بقولو عملت ثنائي مع
    (هناية مدني) و سافرت ليها، بعدين ياختي دي عدادا أرقام فلكية،
    قمت مشيت ل(هاجر حى ووب) قالو ليا عندها إرتباط هجيج فى
    (الدوحة)،واحد من ناس الجالية مات هناك أها فى الأخير لميت
    في(حنان سكليب) لقيناها بايرة (ضبانا ينوني)مضيت العقد
    مع مدير أعمالا! وعربنتو ليك باتنين باكو مقدم.
    ***
    - أها ، وشالت منك البيانات، لزوم الوصيف المجيه!
    - أديتا ليها كووولها.. المرحوم كان شغال شنو؟ و عندو
    كم عمارة؟ و قاعد يتبرع لى ياتو (نادي) وإشترى ليهم كم
    لاعب (نظام مسؤولية اجتماعية و كدي ) و (همرو) موديل كم ,
    و موبايلو أي فون و لا بلاك بيري ولا سامبسونغ لونو كيف؟
    انتهت النسوة من تناول وجبة الغداء الفندقى ثم جيء لهن بالتحلية
    ( كنافات و عين جمل وأم على) شئ باللوز و شيء بالجوز وشئ
    يالما بعرفو شنو داااك و بعد أما (ضربن) كويس زحزحن كراسيهن
    (البامبو) الفي كياني وتحلقن كيمان وجدَّعن كرعيهن لطق الحنوك
    بالشمارات الحارة العجيبة و هنيمسكن بثرامس مذهبة شاي و جبنة
    مدنكنلة تفوح بريحة البن الحبشي فائحة مع (المستكا)..
    ****((((+))))***
    وفجأة كدا، دخلت إلى الصالون شابة (آخر شياكة)ذات مظهر
    يطابق إلى حدٍّ كبير مظهر مغنيات زماننا هذا ..ترافها جوقةُ
    شرفٍ جوقة ٌ مكونةٌمن ست(شيالات) من نفس الشاكلة يرتدين
    زياً موحداً وهن يرفعن أياديهن عالياًفى حركات بهلوانية
    و يصحن بصوتكالجرس يشق عنان السماء:--
    ***
    - ووووب ووووب
    وووووووووووووو
    وووووووووووووووووب
    وووووووووووووووووووب.
    ثم تبدأ (حنان سكليب) فى السكلى و (الوصيف) وهن يرددن خلفها:
    - ووووب عليا والله ليا يا حسن يوروو..يا البتدى البتدورو والما بتدورو
    - ووووب عليا والله يا صغير وجاهل يا البتجيب القروش بالساهل
    - يا ود امي.. هيء يء يء يء ..
    - الكورس وراها: وووب ...
    وووب..ووووووووب
    ***
    - الليله يا حليلك يا زين الرجالياملك الدولار يا البتستر الحال
    - الليله يا حليلك يا البتشيل من البنوكوتشتت قبال ما يلحقوك
    - يا ود أمي.. هيء يء يء يء ..
    ***
    - الكورس: وووب ... وووب ...ووووووووب
    - الليلة وينك إنتا يا الإسبليت هبوبك والهمر ركوبك
    - الليله وينك إنتا يا البنيت المقصورة وركبت النافورة
    - الليله وينك إنتا يا أب جيوب منفخة وأب عربية مصفحة
    - يا ود امي.. هيء يء يء يء ..
    ***
    - الكورس: وووب ... وووب ...ووووووووب
    - يا حليلك الليله يا البتفك الصعيبة ويا البتسجل اللعيبة
    - يا حليلك الليله يا جوكى البنوك يا التهريبك بالسنبوك
    - يا ود امي.. هيء يء يء يء ..
    ***
    - الكورس: وووب ... وووب ... حيييي ووووووب
    ثم تعدل (حنان سكليب) توبا الشفون (الترانسبيرنت) الكان
    واقع وتنظر للكورس خلفها نظرة الفنان الداير يرمي (الكسرة)
    فيبدأن برفعن عقائرهن بالبكاء، يضربن بأرجلهِنَّ ليبدين كل ما
    يخفى من زينتهن(ما خفي منها)وهن يطلمن الخدود و يشققن
    الجويب و يدعين بدعوى الجالية الاولى..

    (((((ود الحيشان ال لا ت ة ) ))))
    /رافع الأذان عالياًبهنا في جزيرة مالطة/

    (عدل بواسطة دفع الله ود الأصيل on 11-29-2018, 07:55 AM)
    (عدل بواسطة دفع الله ود الأصيل on 11-29-2018, 08:15 AM)
    (عدل بواسطة دفع الله ود الأصيل on 11-29-2018, 12:11 PM)
                  

11-29-2018, 10:50 AM

امتثال عبدالله

تاريخ التسجيل: 05-15-2017
مجموع المشاركات: 7424

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قال ليهن أبكوا لينا المرحوم وأجركم عندي و� (Re: دفع الله ود الأصيل)

    الله يجازي محنك يا ود الاصيل ..ويجازيك بالخير،،،
    ضحكنا لمن شرقنا...سيناريو اوسكار ..اوسكار...بدون شك ....
    وبعد قرينا خبر ابو الزهور اظن ياهو ده الحاصل الان في السودان..
    سودانا انتهى ...يا رب نلقى سودان جديد وين!؟؟ لكن ما فقدنا الامل..
    لو دامت لغيرهم لما الت اليهم...
                  

11-29-2018, 11:46 AM

زهير عثمان حمد
<aزهير عثمان حمد
تاريخ التسجيل: 08-07-2006
مجموع المشاركات: 8273

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قال ليهن أبكوا لينا المرحوم وأجركم عندي و� (Re: امتثال عبدالله)

    أهلابك أخي وصديقي العزيز ود الاصيل
    تحياتي
    دوما انت الاروع فينا ربي يحفظك أخي العزيز
    ولك خالص الود
                  

11-29-2018, 12:42 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قال ليهن أبكوا لينا المرحوم وأجركم عندي و� (Re: زهير عثمان حمد)

    تحيتي و تجلتي لك الحبيب زهير موصولة
    إلى أخت امتثال ممتناً جدن، لباقات ثنائها العَطِرة.
    و لو لا خشية أن احتكر البوست لأوسعناكم سرداً بأمثلةً حيةً
    و مواقف مُعاشةٍ من سلسلة كنت كتبها بعنوان( حرامية البكيات).
    و بعد الإذن منكم، ندفع إليكم منها بقصاصة (آخر تقليــعة)!!)

    @ كعادته جلس هذا الوجيه يستمع إلىنشرة الوفيات الصباحية:
    هذا ويوارى الثرى بمقابر(أحمد شرفى) فى تمام الساعة العاشرة
    ويقام المأتم بمنزل الفقيد بالحارة الثامنة جوار مستشفى (النو) .. ما إن
    تنامى إلى سمعه إلى هذا (الخبر) حتى قام بإغلاق الراديو وبدأ فى تجهيز
    نفسه للذهاب إلى العزاء. قام بفتح الدولاب الخشبى القديم ...أخرج (جلابية
    المناسبات) السكروته و(العمة التوتال) و المركوب ( النمر)..عند مدخل باب
    (المقابر) وجد كمية من العربات التى حضر بها المشيعون ، دلف إلى الداخل
    فوجد الجميع وهم يستعدون لأداء صلاة الجنازة على الميت فقام بإسباغا
    لوضوء على المكاره والتوجهإلى الصف الاول (خلف الإمام مباشرة) ثم
    ما أن إنتهت (الصلاة) حتى هب يمسك بركن من أركان (العنقريب)
    !كان البعض داخل المقبرة يقومون بتجهيزها عندما شمر (جلابيته)
    و اتحزَّمبها تب،ربطا (فى نصو) ونزل يحفر مع (الحافرين) .

    # و هو يقوم بتوجيههم:
    - وسع الحته دى شوية ... (غرق هنا ) (واسى) الحته دى!
    ما أن تم الدفن حتى قام بصوتجهورى يطلب الدعاء و الفاتحة
    (حداشر) مرة لروح (المرحوم) .ثم أخذ يتلقى العزاء مع (المتلقين)
    ما أن عاد المشيعون من المقابرحتى قام بإرسال أحد الصبية لإحضار
    (خرطوش) ثم شرع فى رش أرض الصيوان (والأراضى المجاورة)
    وكان بين الفينة والاخرى يضطر لوضع الخرطوش على الأرض
    مستقبلاً أرتال المعزين رافعاً معهم الفاتحة .
    *****(((((+)))))*****
    - إنتا الزول الطويل اللابس (السكروته) و(النضارة
    السودا)القاعد يرش ده مش (الحاج) ود عم المرحوم..
    - لا والله ما ظنيت ... الظاهر من أهل أمهم..
    وفى مكان آخر من الصيوان:
    - إنتا يا حاج أبراهيم دحين الزول الطويل
    البشيلو معاهو الفاتحة اللابس العمة و(النضارة)
    ده ما منصور ود خالة المرحوم..
    - ما أظن والله يا حاج ... الشبه ده شبه اهل ابوهو..

    # بعد أن إنتهى من رش الصيوان إتجه نحو حفاظات الماء
    للتأكد من وجود الثلج ولما وجد انها لا تحتوى على ثلج
    بان عدم الرضا على وجهه و صاح فى أحد الصبية
    و هو يخرج (رزمة قروش) من جيبه:
    - تعال يا ود هنا ... شوف ليك (ركشة)
    أمشى بى سرعة جيب ليكا خمسة الواح تلج..
    *****(((((+)))))*****
    انتصف النهار وجاء وقت الغداء .. وقف
    يحث المعزين على الجلوس لتناوله:
    - يلا يا جماعه قربو على الصينية دى! ... لا .. لا
    يمين تقوم تغسل إيدينك!ثم بعد أن يتأكد من أن الجميع
    حول الصينية قد أخذوا أماكنهم يرفع (راسو) فى عملية (
    مسح للصيوان) ثم يصيح بلهجة آمرة و هو يشير نحو
    مكان آخر فى الصيوان:
    - يا ولد ودى صينية لى (أعمامك)
    ديك هناك!بعد أن جلس الجميع (يأكلون)
    فى صمت أخذ يتجول بين (الصوانى)
    يتفقد (الناقص):
    - يا ولد جيب ليكا شوية رغيف هنا!
    - يا جماعة ناقصة ليكم حاجة؟
    - يا ولد جيب ليكا صحن (دمعة) للناس ديل..
    - يا ولد كلمم يجهزو الشاى..فى اللحظة التى تأكد فيها
    تماما أن الجميع يتناولون الغداء (وما ناقصاهم حاجة)
    إتجه نحوه إبن المرحوم وهو يشير إلى أحدى
    الصوانى (الجات مؤخراً) ويقول له:
    - خلاص يا حاج الناس دى كووولها
    قعدت يلا أقعد إتغدا بعد ده..
    - الغداء ملحوق النشوف الناس دى الناقصا شنو.

    # بعد إنتهاء (الغداء) إتجه (إبن المرحوم) نحو (غسالة الأيادى)
    فتبعه للتأكد من وجود (صابون للغسيل) أمام (الغسالات)
    ولما لم يجده أدخل يده فى جيبه واخرج ورقة
    (أم عشرين) وهتف فى أحد الصبية:
    - أمشى يا ولد جيب ليك خمسة صابونات (لوكس)..
    ثم أمسك بيد إبن المرحوم وإنتحى به جانباً:
    - إنتو ح تعملو (كشف) مش كده!لم ينتظر
    الإجابه فقام بتوجيه حديثه لأحد (الصبية):
    - خد يا ولد أمشى جيب خمسة صابونات لوكس و كراس
    و قلم!فى اليوم الثانى وبعد أن صلى الجميع (المغرب) وتم(فك
    الصيوان)جلس الجميع (كيمان) كيمان يتحدثون فى كل شئ ...

    # عم المساء و حان وقت العشاء ،فا قترب أصغر الأبناء :
    - قالو ليك يا عصام عاوزين حاجات العشاء.زيت و فول و جبنة
    و كبكبي لطعمية و رغيف و بيض و دقيق فيني سيجا و زادنا ناعم
    لعشا الضيوف الباقيينأدخل عصام يده فى جيبه فلم يجد سوى حفنة
    جنيهات قلال (ما بتجيب حاجة) فتشلأخوه التاني (هشام) حتو لقاه
    مرق مع شلة من أصحابة:
    - ناداوه . رضو قال: و الله انا ذاتىالقروش المعاى
    كملت .كدى شوف قروش (الكشف) شيل منهامشي حالك!
    - الزول (الماسك الكشف)ده من ساعة من التفريقة أنا ما شايفو .
    قامو يفتشوه بالله السما سعل منو الواط.معقول يكون عمك أتلحس
    و زاغ بى إيراد كشف الموجب؟!

    (طلع الراجلحرامي بكيات محترف الله لا كسَّبو!!)

    # أتاريه فى تلك اللحظة كان صاحبنا مستكيناً تماماً في
    داره و قد انكب يبل في أصبعو با لبزاغ و يحسب ربطة
    رزم القروشلرزق ذلك اليوم قبل أن يتوسد(الكراس) و
    اضعاً أمامه (الراديو) مستمعاً لإذاعة نشرة الوفيات
    المسائية ممنياً نفسه الأمارة بالسوء (بضحيةٍ) تالية

    (عدل بواسطة دفع الله ود الأصيل on 12-02-2018, 07:12 AM)
                  

11-29-2018, 01:22 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 5507

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قال ليهن أبكوا لينا المرحوم وأجركم عندي و� (Re: دفع الله ود الأصيل)

    ود الاصيل الممتع
    رغم ان البوست بيت بكا لكنك جملته وصبح الحزن مليان ضحك
    الحرامي الفوق دا .. قال ليهن ابكو المرحوم واجركم عندي
    بعد تلاتة يوم بعد بكن وعيونهن حمرن وورمن وحلقهن نشف وصوتهن راح قال ليهن
    اجركم على الله
                  

11-29-2018, 03:58 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قال ليهن أبكوا لينا المرحوم وأجركم عندي و� (Re: Ahmed Yassin)

    [} يمتعگ ربي بتمام العفو و العافية صديقي الودود/ ود ياسين بالنقليزي، و قسما إن مرور موگبگ المهيب من هنا لتنزل ساحتنا لهو الذي و لا أمتع. فلگأنأبواب السماء الدنيا قد فتحت لي بسبعين ألف مرحب على رأسهم. شخصگالحبيب، و نحن نتضحك قسرا؛ تماما كما الطبر يرقص مذبوحا من الألم.

    [} لقد سئمنا حتى هرمنا من حالة اللاحرب و لا سلم التي نعيشها گحالة عشق عذري لا ينجب أطفالا، و كحال دون گيشوت في صراعه العبثي مع طواحين هوائية ، تظل تجعجع و لكن بلا طحين يذگر.

    [} نقول هذا بلسان حال تجاني سعيد: رحلت و جيت في بعدك لقيت كل الأرض منفى}ﻭ ﻟﻤﺎ ﺭﺟعت حتى اﻟﻄﻴﺮ ﺭﺣﻞ ﺧﻼﻧﻲ ؛ ﻭ أمل التمرجية بقت (مؤتمرجية)و عرست أكبر ﻣﻘﺎﻭﻝ ﻣﺒﺎني؛ من بياع ترمس و كبكب و دخن الدخدخاني {أكل الحمار و العاني}. و الساحر ﻭ ﺍلأﻃﻔﺎﻝ طفش و لحق بلة ﺍﻟﻐﺎﺋﺐ في الركايب. أم سيسي الفار ﺑﻘت أغلد ﺟﻘﺮن حفار..إلهام و ﺳﻬﺎﻡ ﻭ عنايات ﺑﻘﻦ بايرگس و ﺣﺒﻮﺑﺎﺕ..ﻭ ﻃﻪ ﺍﻟﻘﺮﺷﻲ(موش الدلاهة) باقي لينا مريض..و هاشم في العيد نفوه بعيد..ﻭ جندينا ﺍﻟﻤﺠﻬﻮﻝ أصبح عربيد. و ﺯﻳﺪﺍﻥ الگسلاﻥ ركب الموجة و علق نجمة مطرب ﻓﻨﺎﻥ.. ودع حرمان ﻣﻦﺣﻴﺚ ﺃﺗﻰ.. حتى أبو الدردوق ﻫﺟﺮ الأوطان .منقو زمبيري ﺍلكان فرز عيشتو هداك هايم حيران 😜والكان ضهبان أصبح ترعان😜 و { الكوز} الگان رجرجة دهماء بقو ليك وجهاء و زعماء جاهزين لعرس الزهراء. و عمك تنقو الكان دلدول متلبهلول في إسطنبول ما أصبح زولن أصبح مسعول؛ في الحلة يصول و يجول و وراه طبول. و هييي لبلب
    و كم في الخت؟! ما ستة؟! ما يلا خلاس ، تشد و اركب!!

    ¶ مع خالس اعتذارنا ليكم و لصاحب البوست ، زهير، لوجع الوش.

    (عدل بواسطة دفع الله ود الأصيل on 11-29-2018, 04:02 PM)
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de