|
|
|
 Re: الحلفاوية الملقوفة احلام وهبى غدا على تلف (Re: بدر الدين الأمير)
|
الحبيب الأمير بدرالدين ... يا جميل
بقينا ننتظر بوستاتك الاخوانية الرائعة .. تانجبو للسني الجميل
والتحية لبنتنا الحلفاوية ..
يا الامير .. كيف كلامك .. المحاشي والحلويات والكفته واللحوم بالفرن .. دخلت عن طريق حلفا قبل قرن ونصف تقريباً
يا سلام يا الامير بوابة الاستنارة في اللبس والاكل والسلوك الحداثي .. ووو حلفا ..
حتى بعض أجدادنا كانوا طباخين من الطراز الأول .. مش ( عصيدة وبس ) هههههه
تعرف القمح هو السبب في تفوق حبوباتنا ( الرغيف البيتي ، البسكويت ، المنين .. واللقيمات .. إلخ)
الطباخة يا الامير فن ومقدرات عالية جداً .. مقادير وزمن بأجزاء من الدقيقة
حتى في القرآن هناك الإعجاز .. بإنزال مائدة من السماء بهرت الناس بدقة صنعها وطعمها
في اسواقنا من زمان ( فلفل أخصر ، جزر ، كوسا .. إلخ ) اهلنا الصعايدة ما كان يقصروا
وناسنا من مصر نقلوا تكنولوجيا الطبيخ إلى قرانا ..
طبعاً التركين ( نزهة للتغيير زمان في الاسبوع مرة ) غالباً يوم الجمعة
وهي النسخة الشبيهة بالفسيخ المصري ..
حتى ثقافة الشراب وبكل أنواعه : ( الدكاي ، النبيت ، هسوا ، عرقي تمر ، مرسه .. إلخ)
كان عندكم فقط ( المريسا ) .. بدون تمر وقمح ما في أكل صح وشراب صح ..
آه ثم آه يا زمن .. الله يرحم ذلك الجيل الرائع ..
ومصر زمان ( مصر لو ما تغنيك تستر حالك ) مش مصر اليوم
صدقني يا الامير إنت زول جميل ... رجعنا ستين سنة .. أيام الكرب والغزلي
والعكش ودينار والفرج الله والسوميت ..
| |
 
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: ناصر حسين محمد)
|
Quote: حتى ولدها محمد سامى الدين السهرة وردى محمد السنى شابكنا ماما بكره في تلفزيون قطر
قلت ليهو خلاص عرفنا بكره اوبرا حلفا في تلفزيوقطر تانى في شنو واديتو هو وامو وابو
كم بركاوية |
دي حسادة منك ساااااي
اربط فوطتك وادخل المطبخ قبل يصرفوا ليك كيلة بركاوي.
خخخخخخخخخخخ
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: Arif Nashed)
|
الكلام مع الفنان محمد السنى
الو
هلا ابوسامى
اسمع انت شايل حالى وجايب سرتى فى موضوع الحلفاوية ليشنو
قلت ما اكيد دا من تدبيرك
قال : تدبير شنو انا جيت البيت خبرتنى زى زيك انو بكره هى على تلفزيون قطر
قلت : وسكت ليها قال انت عربى جزيرة وهم دى حلفاوية وجندرية انا بقدر عليها
صدقو حنيت على السنى
| |
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: بدر الدين الأمير)
|
Quote: الحبيب الأمير بدرالدين ... يا جميل
بقينا ننتظر بوستاتك الاخوانية الرائعة .. تانجبو للسني الجميل
والتحية لبنتنا الحلفاوية ..
يا الامير .. كيف كلامك .. المحاشي والحلويات والكفته واللحوم بالفرن .. دخلت عن طريق حلفا قبل قرن ونصف تقريباً
يا سلام يا الامير بوابة الاستنارة في اللبس والاكل والسلوك الحداثي .. ووو حلفا ..
حتى بعض أجدادنا كانوا طباخين من الطراز الأول .. مش ( عصيدة وبس ) هههههه
تعرف القمح هو السبب في تفوق حبوباتنا ( الرغيف البيتي ، البسكويت ، المنين .. واللقيمات .. إلخ)
الطباخة يا الامير فن ومقدرات عالية جداً .. مقادير وزمن بأجزاء من الدقيقة
حتى في القرآن هناك الإعجاز .. بإنزال مائدة من السماء بهرت الناس بدقة صنعها وطعمها
في اسواقنا من زمان ( فلفل أخصر ، جزر ، كوسا .. إلخ ) اهلنا الصعايدة ما كان يقصروا
وناسنا من مصر نقلوا تكنولوجيا الطبيخ إلى قرانا ..
طبعاً التركين ( نزهة للتغيير زمان في الاسبوع مرة ) غالباً يوم الجمعة
وهي النسخة الشبيهة بالفسيخ المصري ..
حتى ثقافة الشراب وبكل أنواعه : ( الدكاي ، النبيت ، هسوا ، عرقي تمر ، مرسه .. إلخ)
كان عندكم فقط ( المريسا ) .. بدون تمر وقمح ما في أكل صح وشراب صح ..
آه ثم آه يا زمن .. الله يرحم ذلك الجيل الرائع ..
ومصر زمان ( مصر لو ما تغنيك تستر حالك ) مش مصر اليوم
صدقني يا الامير إنت زول جميل ... رجعنا ستين سنة .. أيام الكرب والغزلي
والعكش ودينار والفرج الله والسوميت ..
|
على يابوب
على قول نجمة على عبدالوهاب بقدر عليك بالمنطق وبفقدك المنطق
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: بدر الدين الأمير)
|
Quote: دي حسادة منك ساااااي
اربط فوطتك وادخل المطبخ قبل يصرفوا ليك كيلة بركاوي.
خخخخخخخخخخخ |
عارف
الحلفاوية دى وحسب معرفتى بيها لمن تفقد المنطق طوالى بتقلب الكيى بورت وتحوله لرطانة
كدى النشوف البرنامج انا طلبت منها فى نهاية اللقاء تقدم لينا ( حلفا دغيم ولا باريس
...... ياعبود )
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: بدر الدين الأمير)
|
Quote: دي حسادة منك ساااااي
اربط فوطتك وادخل المطبخ قبل يصرفوا ليك كيلة بركاوي.
خخخخخخخخخخخ |
عارف
الحلفاوية دى وحسب معرفتى بيها لمن تفقد المنطق طوالى بتقلب الكيى بورت وتحوله لرطانة
كدى النشوف البرنامج انا طلبت منها فى نهاية اللقاء تقدم لينا ( حلفا دغيم ولا باريس
...... ياعبود )
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: بدر الدين الأمير)
|
اميرنا البدر.. و بدرنا الامير
صباحات الجمال المنعكس منك علينا
دائما كما انت .. جمال و هز مشاعر و وجدان و انبعاث فرح
حلفاوية .. حلفاوى ... حلفا ...
توقظ المشاعر و تهز الاحاسيس
ذلك لانها لم تكن مدينة او منطقة عادية
...ظلت شابة و لم تشيخ على مر التاريخ
حتى غدر بها العالمون ببواطن اسرارها خشية ان تبوح
و حملها ابنائها فوق المهج و داخل قلوبهم و تلهج بحبها السنتهم
و لا يخلو اى مجلس لهم بذكرها بل لا يحلو الا بالتغنى بها
امتزاج الحب و الوفاء
.. و اما اذا ما ارتبط ذلك بالتركين فذاك مجال اخر للجماااال ..
..
و اذا قدمت بنتنا احلام المطبخ و الخلفية مناظر من حلفا وتخللته موسيقى نوبية
فاعتقد انه سيضفى جمالا على جمال ..
و السودانية عموما طبخها روعة ...
... و با اميرنا انت ماش شايف صحبك السنى ماشاء الله صحتو كيف ؟؟ هههههه عشان تامن بمطبخ الحلفاوية
و تقديرنا لنسيبنا السنى الجميل و مدرستهم ( محطة التلفزيون الاهلية ) اتت اكلها
و بالتوفيق لها و لكل من يرفع اسم الوطن عاليا
و شيخنا على كعادته امطرنا بروعاته بارك الله فيه
امير انت جميل و جملت لنا صباحنا
كل التقدير و المودة و الاحترام
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: محمد بدرالدين)
|
Quote: ... و با اميرنا انت ماش شايف صحبك السنى ماشاء الله صحتو كيف ؟؟ هههههه عشان تامن بمطبخ الحلفاوية
و تقديرنا لنسيبنا السنى الجميل و مدرستهم ( محطة التلفزيون الاهلية ) اتت اكلها
و بالتوفيق لها و لكل من يرفع اسم الوطن عاليا
و شيخنا على كعادته امطرنا بروعاته بارك الله في |
محمد يابدرالدين
الحلقة بثت على الهواء وسوف تعاد الثانية ظهرا بتوقيت الدوحة وقريبتك ابدعت
بس رميت التوب دى بتجيب ليها الهوى مع طيور الظلام السلفين وفى رواية اخرى
ناس النظام العام مستننها تعتب السودان
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: najma)
|
Quote: أيها العربجي القادم من نواحي أربجي .
Wake up ودعك في الويكاب .
وخذ أحلام وخبرات مطبخك من بتنا الحلفاوية . |
ولياب
وانت ماطالبنى حليفة
طبعا ماطالبنى حليفة عندها قصة اخرى لدى عرب الجزيرة
لكن الويكاب هو كعب ارخبيل بتاعى او مايصيبنى فى مقتل
اختى الحتالة على قول شوايقة تهانى الامير حين تشتاق لى هى وعيالها
تهاتفى :
انا عاملة ليك ملاح ويكاب طوالى بنسى كل حاجة وامشى ليها الاهم
زوجتى ام امير خرتومية بتكتب هنا باسم ( نجمة ) لاحظت ان مجرد
ماتقلى تهانى عاملة ملاح ويكاب بقول لها لبسى ولدك نحن ماشين ناس تهانى
اها فى يوم سالتنى انت ملاح الوياكاب دا مش ملاح التقيلة بس لونو ابيض كضمت الغيظ ...
ماطلقتها قلت لها لمن نرجع بشرح يعنى شنو ويكاب وياريتنى لاقلت ولا شرحتت
وبجيك لباقى قصة والويكاب المحيرة نجمة لحدى اليوم وبتحاول تعتذر عن رايها و انا رافض الاعتذار ههههههههههه
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: بدر الدين الأمير)
|
| Quote: وبجيك لباقى قصة والويكاب المحيرة نجمة لحدى اليوم وبتحاول تعتذر عن رايها و انا رافض الاعتذار |
اها جيتك ياولياب
لباقى قصة الويكاب
شرحت لها ان الويكاب هو فى الاصل معمول من سيقان الزرة اى الفتريتا ومن على شاكلتها
بعد ماتجف سيقان الزرة بتم حرقها ومن ثم رماد سيقان الزرة يتم تنقيعة ويصفى البنزل من
هذه السيقان يجفف وبتحول لشبه حجارة حجر صغير منه يوضع فى الحلة الفيها حليب وموية
بعد ماينطبخ يتم اضافة الويكة عليهو يصبح ملاح ويكاب مع البهارات ويتم تجهيز العصيضة
والعجب لو فى سمن بلدى تاكل وماتدى الجنبك
قالت بلاهى هو انتو كانت عندكم مجاعة ......
دا مش سبب مقنع للطلاق
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: بدر الدين الأمير)
|
الامير بدر الدين الامير وضيوفه الاعزاء
تحيات عطرات لكم وللجميل السني والاجمل الحلفاوية احلام وهبي
Quote:
ان الويكاب هو فى الاصل معمول من سيقان الزرة اى الفتريتا ومن على شاكلتها
بعد ماتجف سيقان الزرة بتم حرقها ومن ثم رماد سيقان الزرة يتم تنقيعة ويصفى البنزل من
هذه السيقان يجفف وبتحول لشبه حجارة حجر صغير منه يوضع فى الحلة الفيها حليب وموية
بعد ماينطبخ يتم اضافة الويكة عليهو يصبح ملاح ويكاب مع البهارات ويتم تجهيز العصيضة
والعجب لو فى سمن بلدى تاكل وماتدى الجنبك |
دا شنو يا الامير!!!! انت جادي!!!؟
دا اكل!!!!؟
سيقان ذرة ورماد وحجار !!!؟
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: Farida Mahgoub)
|
شرحت لها ان الويكاب هو فى الاصل معمول من سيقان الزرة اى الفتريتا ومن على شاكلتها
بعد ماتجف سيقان الزرة بتم حرقها ومن ثم رماد سيقان الزرة يتم تنقيعة
=============
الامير تحياتي يا جميل .. صدقني بوستاتك مرجعية للنزهة من وعثاء الشغل ..
معقول طبيخ من القصب .. سبحان الله .. أول مرة اسمع تفاصيل عن الويكاب
===============
حبيبنا الامير ..
بدون قمح ما في فن في الطباخة ولا الخبيز
الذرة فقط للكسرة والمريسة .. لأن طبيعة القمح تساعد على فن التشكيل والخلط
استخدامكم للقمح كغذاء رفع من سعر القمح وكلفت الدولة ملايين الدولارات للدعم (هههههههه)
تخيل الذرة في القضارف فائض عن الحاجة وما في زبائن ..
كمان يا الامير الأهم هو البلح ( التمور) حتى عندكم عرقي العيش قاتل وسكرته فيها عداونية ( سيف وتح .. إلخ )
تعال شوف عرقي التمر والدكاي والنبيذ .. سكرته فيها إبداع ( فن ولحن وطنبور )
سؤال الامير الحبيب : هل كان في فرن في البيت ؟ وكيف كان خبيز العيد عندكم ؟
صدقني عندنا الأفران في البيوت من قبل قرن تقريباً ( الرغيف البلدي .. الطاجن .. البسكويت .. القرقوش .. المنين .. الناعم )
بالله القرقوش ده عندنا من قبل عشرات السنوات .. حتى الخلجيين تعرفوا عليه قريباً تحت مسمى ( الشابورة )
شكراً الامير بدرالدين .. خليتنا نأصل شوية للمطبخ في الشمال النوبي ..
المشكلة ( الكلام بالعربي صعب ) يا ريت بالنوبية ( دنقلاوية أو محسية ) كنت أستلمت سودانيز
اليوم القمح في كل السودان وحتى النخيل إنتشرت ..
يا جميل واصل بوستاتك الرائعة نطلع شوية من كتمة الخليج ..
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: علي عبدالوهاب عثمان)
|
Quote: شرحت لها ان الويكاب هو فى الاصل معمول من سيقان الزرة اى الفتريتا ومن على شاكلتها
بعد ماتجف سيقان الزرة بتم حرقها ومن ثم رماد سيقان الزرة يتم تنقيعة |
ههههههه
أخير التركين بتاعنا مليون مرة ..
ده شنو يا بدر ده , سيقان ذرة محروقة ؟ ..
يأخ حبوب الذرة ذاااتا عندنا فوقا راي ..
الويكاب عندي معاهو قصة الله لا وقعك فوقا ..
الدنيا رمضان وصايم أصروا علي إلا أمش أفطر معاهم ..
عروبك بتاع الجزيرة ديل , قالوا لي عندنا ملاح ويكااب كاارب ..
وحاتك قايلو ملاح ويكة وهم بينطقوها كده ..
أها الآذان أذن وشلت لقمة وااااحدة والله ما تنيتها ..
وحتى الفي خشمي احترت أمرقا كيف فغمضتا وبلعتها ..
لكن يدي تاني ماوديتا للصحن وهم يضربوا وعرقانين ..
فقضيت باقي الفطور سلطات وشراب عصاير وآبري ..
فمن يومها مابرضى زول يجيب لي سيرة البتاع الاسمو ويكاااب ده .. 
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: جمال ود القوز)
|
Quote: زمااااان أثناء الدراسة لمن نسافر مصر بالقطر
أكل أهلنا الحلفاويين في السوق ... غايتو بيفك ليك الجوع و يمشيك ههههه
لكن لمن يكون معانا واحد حلفاوي و يعزمنا عندهم في البيت تتمنى تقعد ليك اسبوع كامل.
سلامات بدر |
كمال
ياخى اسف دوشونى الرطانة وما انتبهت لمداخلتك
بس انت اوعك تكون منهم
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: علي عبدالوهاب عثمان)
|
صاحب السمو الأمير بدر
تحياتي
ياخي سيقان ذره محروقة ، معقولة يا خي بالورتاب والهبوت بيسمدوا الأرض ، وأنتوا بتسمدوا مطبخكم .
على كل الويكاب في نظركم صنو التركين لدينا، إلا أن التركين من مصدر غذائي (معلوم يا صديق)
بس خلينا نوافقك على إحترام ثقافتكم الغذائية ، بس الدكتورة أعفيها من حاجاتكم البلدية .
مشكور على الشرح للويكاب ودائما إن شاء الله تستمع بوجباتك المفضلة .
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: ولياب)
|
الويكاب بالسمن .....الله عليه .............أنا جنّ وجن زول يعيب حاجة ما جربها......ههههههههههههههه
لكن والله التركين رائع ..أنا طبعا غرباوي المولد لكن زوجتي محسية من جماعة مسقلمي ...بتعمل ترمين زي البالوظة
بس ياجماعة إنتو التركين والملوحة شئ واحد ..لأني بعرف إنو في تركين بخش النار وفي تركين بتعمل بدون طبخ
أسف يا ود الأمير ما قلت ليك إزيك ......وتحية لحبيبنا بتاع زمان السني دفع الله
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: Osama Mirghani)
|
شكرا أسامة وأنت ترفع أسهم التركين ، مما يدل على حسكم وذوقكم الرفيع .
التركين والملوحة إسمان لبند واحد ، التركين الذي يطبخ بالنار هو الأحلى حيث يحمر البصل
ويضاف عليه صلصة الطماطم والبهارات وتضاف الدكوة في اللحظات الأخيرة ، أما التركين
الغير مطبوخ (الني) فيأكل بدون طبخ وذلك بعد تصفية التركيب يضاف إليه البصل
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: ولياب)
|
حبيبنا سمو الامير .. طولت الغيبة
ولياب .. أننقا .. تحياتي ..
التركينج .. كما في النوبية .. صدقني يا ولياب أصبح مشوه
إنتاج جبل أولياء وفي أكياس نايلون ( بلاستيك ) حتى الطعم مختلف جداً
زمان كنا نشاهد كيف التجهيز كان ناس متخصصين في صناعة التركينج
وكان يحفظ في أزيار ( فوكيه ) .. كان دائماً فطور يوم الجمعة
قبل الصلاة الناس تمشى الصلاة عادي .. لأن التركجين في الاجازة أفضل
مع الشغل ما ينفع يجيب النعاس .. والبعض كان يرش كاسين من موية التمر
أهلنا كان يعتبروا ( موية التمر .. ودالجريد) نوع من الوقاية للمعدة
حالياً التركينج اختفى تماماً في مناطقنا لأن الانتاج وقف كلياً إلا من جبل أولياء
تذكر زمان الطرد من البلد شنطة صفيح مليانة دقيق بداخله زجاجة سمن بلدي وعلبة تركينج
يا جماعة ( التركينج ) مش ( تركين ) ناس اللسان العروبي صعبة عليهم ( نيج )
تحياتي ولياب ..
وعذراً يا أمير طبعاً إنت زول وجيه لن البوست أصبح (تركين وويكاب)
| |
|
|
|
|
|
|
|
|
|
Re: الحلفاوية الملقوفة احلام وهبى غدا على تلف (Re: علي عبدالوهاب عثمان)
|
| Quote: يا جماعة ( التركينج ) مش ( تركين ) ناس اللسان العروبي صعبة عليهم ( نيج ) |
تحياتي حبيبنا علي
كما أشرت كلامك سليم (كيينج) من الصعب نطقها ولذا تعودنا هنا في البورد الكتابة بتلك الطريقة حتى تكون (مهضومة)
الاتقان في الصنعة كانت زمان ولكن كل الصناعات طالتها ( دقة سريعة ومكسب رهيب) دون الجودة المعهودة .
شكرا للمشاركة وعلى كلماتكم .
ولكم ودي ،،، آفيلقوا
| |
|
|
|
|
|
|
| |
بدر الدين الأمير
علي عبدالوهاب عثمان
ناصر حسين محمد
Arif Nashed
يحي قباني
محمد بدرالدين
معاوية المدير
kamal omer
MOHAMMED ELSHEIKH
ولياب
زهير عثمان حمد
Farida Mahgoub
جمال ود القوز
Osama Mirghani
فيس بوك
تويتر
انستقرام
يوتيوب
بنتيريست