|
|
|
 Re: ذهابك طوعا لدار المسنين..هل يعني عقوق ابنا (Re: أيمن محمود)
|
Quote:
عن نفسي بتمنى لما اصل لمرحلة العجز(لو وصلنا ليها) يودوني دار عجزة في امريكا او استراليا او اوروبا ..
لكن الصراحة الواحد الافضل يتخارج بدري بدري |
اطال الله في عمرك اخي ايمن
بس ناس امريكا واستراليا ديل ياللخو بدفعو فلوس متلتله لي اشتراكهم و دخولهم لي دار المسنين
وهم لسع بي عافيتهم
ناس بتقعد تفكر في مستقبلها وهو لسع في شبابو
نحنه مانفكر الا في قطعة الارض والاسمنتي حصل كم
والسيراميك المتر بي كم عمرك كلو تضيعو في جنس ده
لامن يجو يردموك بيهو
| |
 
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
Quote: اخرتك حتكون تحت النيمه الزرعتها قدام البيت ملقح في كرسي تمعط
في شعيراتك وتهش في غنم الحله |
مش تهش فى الغنم بس يا دفعة .....ما تنسى الضبان.....الضبان الاخضر المتين....خاصة زمن الخريف.
يا ريت يا على عندنا دار مسنين زى الناس فيها رعاية وكمان تسلية مع الاخرين واكيد حتكون هناك ذكريات مشتركة مع دفعة المسنيين ...ولو الواحد محظوظ يكون معاهو فى الدار ناس من دفعة الدراسة والزمن الجميل زى خضر جعفر وبخيت وشلة الانس ايام الدراسة
فاقدينك يا على فى قروب الواتس (دفعة 75)
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عبد الباقي الجيلي)
|
Quote:
أبناء الأستاذ كايلي لم يودعوه في دار المسنين
بل أشكوه في نادِ للمسنين يقضي فيه جزءا من يومه
عندما يكون أبناؤه في أوقات دوامهم ... |
دي معلومه جديده اخي عبدالباقي
طبعا لم يتم ذلك الا بموافقة وبطيب خاطر من الفنان كابلي
وده اكيد قرار سليم وموفق خاصة في بلد زي امريكا
كل زول هاجي بي جهه ومافي حد فاضي للتاني
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: ابراهيم عبد الوهاب)
|
Quote:
اتا قايتو خرفك بكون كعب خلاص حتطلع عين اولادك
يختوك في اوضة جنب باب الشارع ، قاعد براك
صحن واحد لكل الوجبات كلب بس
|
والله ياابراهيم اخوي الواحد لو بعرف خرفو حيكون شكلو كيف
اكان ظبط امورو عليها
ومن عرفتي المهببه بيك انت النوع البنطلق بالحله يرسلو الشفع
يفتشو عليك اليوم كلو
ناس امش ياولد كوس جدك الفاضحنا كل يوم ده طار وين
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
حبوبتي حبره ما كان عندها طريقة تتحرك من
العنقريب المخصص لها ... الكبر وجميع أمراض
العظام والمفاصل ... لكن اللسان فلقه واصلو ما
أبت الأكل ... اها عذبت الناس ساعة تخرم للتنباك
.... هوي يا ولاد جيبو لي الحقه ... يا ولاد جيبو
الحقه ... وتظل تردد لغاية ما تجيب الحقه القاعده
تحت العنقريب وتقعد جنبها وتدردملها السفه
وترميها ليها في خشما الخالي من السنون
والضروس ... اها تقوم من جنبها وتمشي
خطوتين تسمعها ... ووووب علي ... وووب علي
السفه كتلتني .... تعالو امرقوها مني ...
اها نبقي في زي دا ... اي نعم بكون برنامج
لذيذ علي حسب جهلنا لكن .......
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: Salah Zubeir)
|
قال تعالى : ( وقضى ربك أن لا تعبدوا إلا إياه وبالوالدين إحساناً إما يبلغن عندك الكبر أحدهما أو كلاهما فلا تقل لهما أف
ولا تنهرهما وقل لهما قولاً كريماً واخفض لهما جناح الذل من الرحمة وقل ربي ارحمهما كما ربياني صغيراً )
بر الوالدين سبب لدخول الجنه
( ووصينا الإنسان بوالديه إحساناً )
هل جزاء الاحسان الا الاحسان ....
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
سلام سيد البوست وضيوفة
ربما كان المدخل ما اشرت إليه
، لكن بالنسبة لى بدا من تجربة حياتية
ومعرفية ،. وبالذات شخصيا انا
زول تاريخ وثقافة شعبية ، لكن اصبح
الموضوع اكثر الحاحا فى الآونة
الاخيرة (دخل العضم ) ، المهم
بهذة المقدمة اسمح لى او قم
انت با فتراع بوست منفرد
عن ( ثقافة التفكير فى المستقبل )
وهو الموضوع الذى اصبح يؤرق
اكثر من 5 - 7 مليون سودانى ( ومتوقع
الزيادة فى عددهم خلال العشرة سنوات
القادمةو ملاحظة معظهم ذكور ) .
ويصبح الناقش نقل خبرات ومعارف
وابعاد مستمدة من واقع ماضى عشناه
ومتغيرات حاضر ، و مستجدات مستقبليه.
وذلك لصالح أنفسنا ، والأجيال القادمة
والمساهمة ، فى نشر الوعى بالداخل
لإعطاء حلول لهذا السؤال الشخصى
البحت ظاهرة ، والذى هو مجتمعى
فى جوهرة .
ولَك التحية
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: هاشم احمد ادم)
|
Quote:
حبوبتي حبره ما كان عندها طريقة تتحرك من
العنقريب المخصص لها ... الكبر وجميع أمراض
العظام والمفاصل ... لكن اللسان فلقه واصلو ما
أبت الأكل ... اها عذبت الناس ساعة تخرم للتنباك
.... هوي يا ولاد جيبو لي الحقه ... يا ولاد جيبو
الحقه ... وتظل تردد لغاية ما تجيب الحقه القاعده
تحت العنقريب وتقعد جنبها وتدردملها السفه
وترميها ليها في خشما الخالي من السنون
والضروس ... |
تحياتي صلاح الزبير
ربنا يمد في ايام حبوبتك ويديها الصحه
وكويس حبوبتك بتنضم وتاكل وتسف كمان ههههه
كتابتي عن هذا الموضوع والله من تجارب مريره مريت
بيها ودخلت بيوت عشان اسال واسلم عن اباء وامهات يسعلني
الله رامنهم في غرف طرفيه في المنزل وكان ليهم يسوو ليهم
كريقه خشم الباب. وحالتهم تحنن الكافر.
وكل من ياتي يسال عنهم يقولو ليك نايم
ياكل براهو وعيشتو مفروزه وكبايتو مفروزه وصحنو مفروز
والانكأ لمن يكون محتاج يدخلوهو الحمام!!!! تلاقي الفي البيت كلهم هجو
| |
|
|
|
|
|
|
|
|
 Re: ذهابك طوعا لدار المسنين..هل يعني عقوق ابنا (Re: امتثال عبدالله)
|
Quote: أبناء الأستاذ كايلي لم يودعوه في دار المسنين
بل أشكوه في نادِ للمسنين يقضي فيه جزءا من يومه
عندما يكون أبناؤه في أوقات دوامهم ...
نأمل ألا نتسرع في تصديق كل ما يشاع |
شكراً عبد الباقي الجيلي علي التطمين لما يثار حول الفنان الكابلي ببلاد العم سام ...
ما كتبته يستحق بوست منفصل لأهميته ونزوله برداً وسلاماً علي قلوب وأفئدة معجبي القامة عبد الكريم الكابلي ،،
المنفطرهـ اصلاً بذهابه من وطن يحبه ويقدرهـ كمان جابت ليها دار مسنين ...
دخلت بوست الأخ كوستاوي لم اجد ما يطمنني علي صحته بل الصورهـ توضح بجلاء نحول جسمه واهمال طاله حتي غلب الشيب علي صبغة شعرهـ الأنيق ...
شكراً الحبيب عمر عثمان عبد الواهاب ...
رغم إني أجد نفسي حسن الإستماع والإهتمام بكبار الأسرهـ لأنه البر وليس غيرهـ ...
خيطك دا بخلي الةاحد يدعو صباح وعشيه (يارب من القوهـ للهوهـ ) أو كما تدعو حبوبتنا التي تتأفف من منظر عجايز الحله ...
:
:
:
:
مع التحيات لله الزاكيات
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: محمد حمزة الحسين)
|
حبيبنا عمر عثمان .. مودتي ..
في ضواحي الدنيا عندنا أهم الناس هم كبار السن
ديل مرجعية ..
رغم أننا بلغنا من السن ولكن نحتاج إلى مرجعيات لمعرفة النسب والاحداث
والتوثيق والجغرافيا زمان ..
بعد صلاة الجمعة من تقاليد ناس منطقتنا التوجه إلى هؤلاء والجلوس معهم لساعات طويلة
وكمان بالنسبة للبعض بصفة يومية .. حديثهم لا يمل وحكاياتهم فيها دهشة وإنبهار
في إجازتي السابقة في قريتنا اصابتني الوحشة لأنني أثنين من الاعمام غادروا هذه الفانية
ولم أجد مرجعية أتكيء عليها ..
ديل عندنا أهم الناس .. ومع الكهرباء والانفتاح تجد مجالس مخصصة لهم هو في سريره والكراسي للزوار
كلما زرت هؤلاء وجدت مقامك عالياً عند المجتمع أو الأهل ..
عذرا الحبيب عمر أنا لم أجرب مجتمع العاصمة أو المدن أنا أتحدث عن مجتمع القرى ..
تحياتي ..
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: محمد حمزة الحسين)
|
Quote:
ربما كان المدخل ما اشرت إليه
، لكن بالنسبة لى بدا من تجربة حياتية
ومعرفية ،. وبالذات شخصيا انا
زول تاريخ وثقافة شعبية ، لكن اصبح
الموضوع اكثر الحاحا فى الآونة
الاخيرة (دخل العضم ) ، المهم
بهذة المقدمة اسمح لى او قم
انت با فتراع بوست منفرد
عن ( ثقافة التفكير فى المستقبل )
وهو الموضوع الذى اصبح يؤرق
اكثر من 5 - 7 مليون سودانى ( ومتوقع
الزيادة فى عددهم خلال العشرة سنوات
القادمةو ملاحظة معظهم ذكور ) . |
لك التحيه اخونا هاشم احمد
وبما انك زول تاريخ وثقافه شعبيه يرجي منك الكثير بهذا الخصوص.
اهو الكم مليون الذين ذكرتهم نصهم طالقين في الشوارع الواحد تلقاهو
ظابط جلابيه وعمه ويسير بلا هدف ومرات تلقاهو يتلفت بيكلم نفسو
واهل بيته كأن شيء لم يحدث يرجع وقت مايرجع وخلاص.
اها زي ديل احسن ليهم دار مسنين ولا يطلقوهو في الشوارع او
يدفسوهو ويرموهو جوه مخزن في البيت متر في مترين؟؟
ناس امريكا وكندا واستراليا رميتهم بتكون مومنجهه واريته رمية السرور
المصيبة فينا نحنه !!
هسع ان اقتنعته بينك وبين نفسك تمشي دار رعاية مسنين في البلد
تمشي وين وتقبل وين؟؟
دار المسنين في بحري (الملجأ) تدخل ابوك الليله تجي تزورو بعد
اسبوع تلقاهو مدمن مريسه. تسأل زملاءه في الدار ابوي وين ياجماعه يقولو
ليك مشي السوق يجيب اوم فتفت وبصل اخدر.
عموما وعلي قولة اخونا حمزه من القوه للهوه دي امسكو فيها قوي
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
عمر عثمان
حتى اذا كان ابوي عايش في امريكا او أوروبا وسكنوهو في قصر لوحده فلن أرضى أن يعيش ابوي وحيدا ولازم يكون مع أولاده...واذا فرض على الزمن ان اقوم برعاية والدي ورأى زوج المستقبل غير ذلك وخيرني ان اختار ما بينه وبين ابي اي ان أوافق على سكن والدي في دار العجزة ..فسوف اختار بالطبع ابي ..والماعنده خير في اهله مستحيل يكون عنده خير في اي زول تاني...
مع وافر التقدير
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
بشرط وجود دار رعاية Home Care بمواصفات عالية تتوافر فيها خدمة متكاملة ..
وبشرط ثاني توافر هذه الثقافة عند الاباء .. لاحظوا لا اتكلم عن قبولهم بذلك فقد يقبلوا وهم مرغمون او ان يتملكهم احساس بالتضحية
في هذه الحالة لا يكون في الامر عقوق كما اعتقد
بيد ان الشرطان غير متوافران في السودان
وفوق كل هذا وذاك
سيكون هناك الاجمل الذي يليق بوالديك ..
ان يعيشوا وسط ابنائهم واحفادهم ..
اليس كذلك؟!
| |
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
الموضوع شائك ومعقد ولذلك الإجابة عليه لن تكون بسهولة نعم أو لا
1 - وضع الوالد (أب/أم) الصحي
2- البيئة التي هم فيها. هل داخل السودان أم خارجه
3- عدد الأبناء أو الأحفاد وإمكانية رعايتهم له
4- الوضع المادي
5- نوعية المنزل شقة منزل طابق أرضي غيره
6- المرافق الصحية وأعني بها دورات المياه وملاءمتها لذوي الإحتياجات الخاصة
7-
8-
9-
هي عوامل تؤثر في اتخاذ القرار الصحيح
فمثلاً لو كان الوضع الصحي يتطلب رعاية صحية أو رعاية خاصة طوال اليوم ولا يتواجد أبنائه بالبيت أغلب الوقت ولا يستطيعون استخدام ممرض أو ممرضة للوقوف على رعايته أثناء غيابهم ففي هذه الحالة الراجح أن يتم نقله لدار رعاية مسنين وهنا لا تختلف كثيراً عن نقله لجناح خاص في مستشفى.
وعلى ضوء هذا المثال يمكننا أن نستنسخ أمثلة وحالات أخرى كل واحدة منها تأتي بقرار وفق هذه العوامل.
فقط أحب أن أقول أن اتخاذ قرار اسكان الوالد أو الأم بدار رعاية مسنين ليس به عقوق بل قد يكون هو البر ذاته خاصة عندما يتعلق الأمر بتكاليف الرعاية وجعلهم سعداء واصحاء قدر المستطاع وتقبيل رؤسهم عند كل زيارة وقبل كل مغادرة.
ولا يقل البر هنا عن دفع كامل التكاليف لرعاية والدك الصحية في أي من المستشفيات والعيادات.
أما إذا سمحت الظروف بأن ترعاهم بنفسك وفي بيتك وتقدم لهم كل ما يبرهم ويسعدهم فنعما هو.
ربنا يحفظ والدينا ويرحم وتغمد برحمته من وافته المنية منهم والبر بالوالدين لا ينقطع حتى بموتهما فكن عملهما الصالح في حياتهما وموتهما.
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: سيف النصر محي الدين)
|
Quote: عمر عثمان
الجواب على سؤالك هو :: نعم هو عقوق ...مستحيل ابوي يمشي دار العجزة وانا حية ....مستحيل حتى ولو جار علي الزمن واشحد في الشارع ..ابوي لازم يعيش معزز مكرم حتى يلقى الله سبحانه وتعالى وهو بين أبنائه وأحفاده..
مع وافر التقدير |
ما شاء الله يا إمتثال عبدالله .. كلام جميل مكتوب بأحرف من النور ..
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: Ali Abdalla Hassan)
|
سلامات عمر
نحن في السودان عندنا مسلمات، منها أن دار العجزي والمسنين للناس المقطوعبن من شجرة بلا أهل.. أسهمت المسلسلات والدراما في ترسيخ هذه الصورة.. إذا كان في مكان آمن لكبار السن نسبة لإنشغال الأبناء في الحياة اليومية، ما المانع أن يتلقى هذا المسن الرعاية والعناية فى مكان مناسب.. أفضل من أن يكون مرمى في البيت ما لاقي زول يوديه الحمام..
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عبدالعظيم عثمان)
|
والله يا خوانا في كلام حاقص لي في حلقي لاستاذنا الكبير كابلي
والله مكانك ماامريكا يااستاذ
مكانك بين اهلك وناسك ومريديك ومحبيبك وزملاءك من الوسط الفني
مكانك وين مالناس كلما تشوفك في مكان عام ياتون اليك هرولة
يفتحو ليك باب العربيه تلاحقك دعواتهم وكلمات الثناء والاعجاب
مكانك محلما بيتك فاتح النهار كلو في استقبال ضيفانك ومحبيك وبالليل
مناسبات ومجاملات ودار فنانين
مكانك حيثما سكنت وجدان الناس الذين احبوك ليكون كل ابناؤه ابناءك
بلا امريكا بلا جنسية بلا جرجير
ولاستاذنا الفاضل عمر الجزلي اقول ليهو نفس الكلام
اي نعم انت خال عيالو لكن بقوليك ابعد من استاذنا كابلي ده ياخ وسيبو في حالو
امريكا دي خلوها لي وليداتكم لينعمو بالحريه والديمقراطيه ويعيشو حياتهم المابتشبه ولا حتشبه حياتكم
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
Quote:
الجواب على سؤالك هو :: نعم هو عقوق ...مستحيل ابوي يمشي دار العجزة وانا حية ....مستحيل حتى ولو جار علي الزمن واشحد
في الشارع ..ابوي لازم يعيش معزز مكرم حتى يلقى الله سبحانه وتعالى وهو بين أبنائه وأحفاده..
مع وافر التقدير |
احييك اختنا امتثال علي هذه الروح الطيبه وربنا يكتر من امثالك
في زمن ركلاته متسارعه ونواميسه متشقلبه
بس سؤال لو امكن يا اخت امتثال:
بتتكلمي عن ابوك طبعا انتي
طيب فرضا لو ابو زوجك واليفترض في مقام ابوك جا وقعد ليك في بطن بيتك ووسط عيالك
اكل خاص وعنايه خاصه ودواء في مواعيدو وشيلوهو وختوهو
ويبول ليك في ا لمراتب والملايات وماسك ليك حيز في البيت يفترض
انه يكون نضيف ومرتب.هل حتقومي بواجبه كما في حال ابوك؟؟؟
فرضا جوابك ايجابي هل اولادك ممكن يتحملو الوضع ده؟؟
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
سؤال ليه ما تتفتح دور رعاية للمسنين لقضاء بعض الساعات من اليوم
زي مع الأسر الأن بتودي الأطفال دور الحضانة لدمج الطفل مع أقرانه وتوفير الرعاية الأولية حتي يعود الوالدان.. ليه ما تكون في مؤسسات زي دي لكبار السن الذين لا تتوفر لهم الرعاية من الأبناء (ل مشغوليات الحياة).. الكلام دا يصبح ضرورة إذا لم تتوفر الرعاية المباشرة من الأبناء.. لماذا المجتمع شديد الحساسية مع دور الرعاية بينما تنعدم هذه الحساسية تجاه إهمال كبار السن؟
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عبدالعظيم عثمان)
|
Quote:
سؤال ليه ما تتفتح دور رعاية للمسنين لقضاء بعض الساعات من اليوم
زي مع الأسر الأن بتودي الأطفال دور الحضانة لدمج الطفل مع أقرانه وتوفير الرعاية الأولية حتي يعود الوالدان.. ليه ما تكون
في مؤسسات زي دي لكبار السن الذين لا تتوفر لهم الرعاية من الأبناء (ل مشغوليات الحياة).. الكلام دا يصبح ضرورة إذا لم تتوفر
الرعاية المباشرة من الأبناء.. لماذا المجتمع شديد الحساسية مع دور الرعاية بينما تنعدم هذه الحساسية تجاه إهمال كبار السن؟ |
كلام سليم يااخ عبدالعظيم
طيب ليييه مايكون في دار رعايه ثابت مؤسس خمسه نجوم يقوم بتاسيسه احد المستثمرين
واهو البلد كلها استثمار في استثمار خليهم يستثمرو اموالهم في هكذا مشروع
والدفع شهريا يدفعو لابوهم بالشهر او بالسنه او هو يكون عندو قريشات ومقتدر ده طبعا كان خلوها ليهو
يدفع لنفسو
حكاية يودوهو ويرجعوهو دي زاتا فيها لكلكه ومع الزحمه دي بينسوك ياللخو هههههه
حكمة الله ولدو الفي الروضه ماينساهو ينساك
عموما الوليدات خليهم علي جمبه كده المصيبه الضربه لمن تجيك من مرتك زااااااتا
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
Quote:
انا شايف ابراهيم عبد الوهاب ده اخير من هسه يدخلوه بيت مسنين.
خير البر عاجله |
اخونا سيف النصر سلام
ابراهيم ده راجل خبره ويستفاد منه في الدار
اولا بلعب ضمنه وحريف كونكان وزول بتاع ونسات ونضميهو كتير خلاس بالذات
لمن تفتح ليهو موضوع حلة خوجلي وحمد والمقابر والبلديه بحري ويوسف عبدالفتاح رامبو
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
يقوليك حياتك دائرة متصله
تتولد يربوك يعلموك تكبر تتزوج تخلف عيال تربيهم تكبر تتكسح تقعد
اولادك يشيلوك ويشيلو الشيله من بعدك لغاية ماتتوفي يدفنوك وهكذا
هسع الدائره دي انخرمت واتبشنت وبقت تدور عكس
كنا من الساعه 2 نحرس ابونا خشم الباب اولما يظهر في راس الشارع نقوم
جاريين عليهو نكورك ابوي جا ابوي جا نسلم عليهو ونبوس ايدو.
ومافي صينية غدا تتختي الا بعدما الوالد يجي ويرتاح حبه.
في ايامنا السودا دي تدخل في بطن البيت تقيف في نصهم تقول السلام عليكم مافي واحد يشتغل بيك شغله.
كل واحد ماسك موبايلي وقاعد ماسك ركن يوطصب ويفسفس .
انقلبت الشغله وبقو الاولاد واحد داخل البيت من الشغل الساعه خمسه والبنيه
جايه من الجامعه الساعه سبعه وانت يكون رمو ليك صحنك من الضهر.
ويمكن عادي باليومين والتلاته كعائله مايقعدو او يشوفو بعض
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
زمان ... كنت متطوعة في جمعية رعاية المسنين السودانين ... وكان في احتفال باليوم العالمي للمسنين ... المهم في واحدة من الخطب الـ قالها واحد من المؤسسين :
انه اي واحد فينا لمن يبني بيتو ... يكبر غرفة الشغال/ة ... لانه ح يجي يوم ح تحتاج ليها
واحد تاني من المؤسسين قال :
فكرة دارالمسنين حاليا صعبة تقبلها في المجتمع السوداني ... فقال حقو نبداها بنادي للمسنين ... يجو يتلاقو فيها ... يكون فيها غرف نوم ... للعايز ينوم ... شوية وشوية الفكرة ح يتم تقبلها في المجتمع
.
.
.
انا واحدة من الناس ... المعترضه على الثقافة دي ... قصدي ثقافة دار المسنين ... ولمن اشتركت فيها كان بهدف خدمة المسنين الـ ما عندهم اسر...
واسأل الله انه ما يحوج زول من اهلي ليها ... اللهم آمين
بس في اسر محتاجة ليها ... بتذكر كنت ماشة ازور صحبتي ... وكنت ماشة برجولي ... لقاني راجل ... فوق السبعين سنة ...
لابس جلابية بيضاء جميلة جدا ... بس نحيل خالص ... وبقدرة قادر ماشي ... ناداني وسألني سؤال ... جاوبت ..وبعد داك الراجل اتكلم معاي بالانجليزي ...
ما شاء الله خواجة بس ... قال لي كان شغال في كلية الزراعة جامعة الخرطوم ... زوجته متوفية ... قاعد مع اولاده ... وكلهم متزوجين ... البيت كله بطلع من الصباح للمكاتب ...
اولاده وزوجاتهم ... وبخلوه مع البت الشغالة ... مافي زول حتى يتكلم معاه ... خلي يخدمه... فااااا بطلع كلي يوم ... يلف برجولو ... لغاية ما مواعيد رجوع اولاده حتن يرجع البيت ...
ففكرت انه الراجل ده لو كان في نادي للمسنين ... اولاده ينزلوهو من الصباح وهو راجعين من المكتب يغشوه يسوقوه البيت ... مش كان افضل ... اخير من البهدلة والحوامة في الشارع ...
لانه ممكن يوم ... يقع يموت
(منقول)
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عبد الباقي الجيلي)
|
Quote:
وفوق كل هذا وذاك
سيكون هناك الاجمل الذي يليق بوالديك ..
ان يعيشوا وسط ابنائهم واحفادهم ..
اليس كذلك؟ |
والله ياود المشرف اكيد احسن طبعا
بس موضوع الاحفاد ده لو ربنا طول في عمرك لغاية مايتزوجو انساهو خالص
ابقي في وليداتك المن صلبك
وديل الواحد فيهم لو النوع البحب وبموت في مرتو تبقي تنسي موضوعك خالص
وعليك امان الله ضل النيمه زاتو ماتلم فيهو
اولا حتختو في حته بينك وبين مرتو ودي مالذيذة خالص وفي العمر ده الواحد بكون عجوز وحسيس ممكن
اي كلمة يسمعها من هنا ولا من هنا يروح فيها مغسه ساي
خصوصا لمن تكون وحداني وزوجتك اللي هم امهم اتوفت ودي نادرا ماتحصل
كلهن يكتلن رجالن ويقعدن يتمردغن في حلالو وعمك تلاقيهو كان يلملم فيها مستخسر
في روحو دسته برتكان
الحروم احسسن بالخطر القادم و بقن نجيضات وبداو الان ببناء دار في سوبا بمساعدة سيدة اعمال وهي
التي تتبني المشروع وهي زاتا بقت مشروع جلكيمه ومهيأه نفسها تكون يوما ما نزيله فيه.
ياخوانا ابناء الامس ليسم كابناء اليوم وابناء اليوم ليسم كابناء الغد وده حال الدنيا
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: امتثال عبدالله)
|
يعني لو ربنا اخد امانتو وانت في دار المسنين وبعيد عنهم يمكن يبكوك بي حبة حرغه
ويتذكرو ليك ايام حلوه
اما الزول ان ماتلهم في بطن البيت وبالذات لو
كان النوع البشيلوهو ويختوهو وساوي لي
مرت ولدك غاغه وكارهاك ومكجناك
يودوك يدفنوك و يشيلو ويردمو
في التراب عشان ماتحلم تنقلب علي صفحتك ساي
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
Quote:
عمر عثمان
ردك الأخير على ود المشرف ورانا انك متشائم شديد ...وباكد ليك ان الدنيا لسع بخير السودانيين والسودانيات
لسع بخير ...خلي التشاؤم ده وأتفاءل ...حتى الجيل الجديد عندهم عاطفة جياشة
وحقيقية نحو والديهم ...حتى أولاد وبنات المغتربين
مع وافر التقدير والاحترام |
كل يحمل بعضا من اسمه
فيا اخت امتثال انتي شايله كتير جدا من اسمك ومثاليه ومتفاءله
لدرجة كبيره امد الله في ايامك
انا مابحكي قصص وهمية او اتوقع شيئا سيحدث او لايحدث
انا بكلمك من واقع شفتو امام ناظري وشفت ناس كبار في السن
ووضعهم داخل بيوت ابناءهم او بناتهم
جيل اليوم الانا شايفو ده ماجيل حاره وعليك ان تتوقع الاسوأ منهم
بس ماذنبهم لانهم وجدو نفسهم في زمن مافاضين لي حاجات كتيره
ومن ضمن الحاجات دي انت .وفي نهاية المطاف حتلاقي نفسك زي
الجريو الماعندو سيد في وقت بتكون فيهو محتاج لشخص جنبك
يساعدك يشربك مويه الله دي
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: ابراهيم عبد الوهاب)
|
Quote:
رغم أننا بلغنا من السن ولكن نحتاج إلى مرجعيات لمعرفة النسب والاحداث
والتوثيق والجغرافيا زمان ..
بعد صلاة الجمعة من تقاليد ناس منطقتنا التوجه إلى هؤلاء والجلوس معهم لساعات طويلة
وكمان بالنسبة للبعض بصفة يومية .. حديثهم لا يمل وحكاياتهم فيها دهشة وإنبهار
في إجازتي السابقة في قريتنا اصابتني الوحشة لأنني أثنين من الاعمام غادروا هذه الفانية
ولم أجد مرجعية أتكيء عليها ..
ديل عندنا أهم الناس .. ومع الكهرباء والانفتاح تجد مجالس مخصصة لهم هو في سريره والكراسي للزوار
كلما زرت هؤلاء وجدت مقامك عالياً عند المجتمع أو الأهل ..
عذرا الحبيب عمر أنا لم أجرب مجتمع العاصمة أو المدن أنا أتحدث عن مجتمع القرى |
امبس علي وياقمي
ياخوي جدودنا واعمامنا في البلد كانو اصلا ترابله وبنيتهم قويه
ضاربين القمح والتمر واللبن والمشي الكداري والواحد فيهم لمن يصل ارزل العمر
بيكون نصيح ولسانو فصيح ورامي ليهو عنقريب تحت نخله
ينوم يصحوهو يضرب القراريص ويرجع يرقد ينوم تاني
ونادرا ماتلقي واحد فيهم مزهمر وحريمهم وبناتهم ربات بيوت غير
عاملات يقومن علي خدمته ورعايته كما ان نسبة الترابط الاسري
قوية ومتينه ماعلي مستوي الاسره وبس بل تجد كل اهل الحي
يقومون علي خدمة كبار السن .ولو انه في الاونه الاخيره قد ضربت
اهلنا شيئا من العولمه كحب الرغيف واكل البوش وركوب الركشات
والمكيفات الاسبلت
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
جزاك الله خير اخي فرانكلي فقد اجزت واجدت
وياريت الناس كلها تعرف حقيقة وثقافة دور الرعايه
ودورها في تقديم خدمات لكبار السن ان كانت طبيه او
ترفيهيه واولادك يكونو مطمئنين عليك ويشوفو حالهم
بدلما تبقي في ماما ماما الحقي جدو بال في الملايه الجديده
ولا ينادوك بالسحليه زي قولة واحد اخونا
ولا لما وكت الاكل تجي الكديسه تاكل معاك ماتلقي زول يقولها بيسسس
وعيشتك مفروزه غرفتك وصحنك براك وكوزك براك وسريرك براك
وغتاك براك وكبايتك براك وتكح لامن تظرط وعيونك يدمعن
ماتلقي اليلبعك في ضهرك
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
الموضوع ده كلما أقول انتهي واقفلو القاهو دور و بدا من تاني
ويجب فتحه من اول وجديد
احد الأصدقاء المقربين قالي ابوهو شال هدومو في شنطه وخرج
من البيت ليهو تلاته شهور ماعارفين جهتو وين
اخر لحظات وجوده في البيت كانت خناقه بينه وبين اصغر اخوتي
فشتمهم وسبهم جميعا بما فيهم امهم ولعن اليوم الجابهم فيهو
| |
|
|
|
|
|
|
|
|
|
Re: ذهابك طوعا لدار المسنين..هل يعني عقوق ابنا (Re: عمر عثمان عبد الوهاب)
|
ماعرفته من صديقي هذا ان اباهم دائما مايشتكي باهمالهم له وعدم الاعتناء
باحتياجاته رغم محاولتهم توفيرها له
وقالي الحاج اخلاقو بقت هبشه وحسيس ويزعل من أي شي
اظن دي مراحل ان امد الله في الاجال حنمر بيها كلنا ان لم يكن معظمنا لامحاله
اها احسن الحالة دي تظهر عليك في دار مسنين محترم ومع دفعتك يسمعو ليك
وتسمع ليهم ولا تقعد تغلغل اولادك واسرهم ويبقي وجودك في البيت غير مريح
| |
|
|
|
|
|
|
| |
أيمن محمود
عبد الباقي الجيلي
ابراهيم عبد الوهاب
Salah Zubeir
هاشم احمد ادم
محمد حمزة الحسين
علي عبدالوهاب عثمان
سيف النصر محي الدين
محمد حيدر المشرف
Frankly
Ali Abdalla Hassan
عبدالعظيم عثمان
Amin Eltaib
فيس بوك
تويتر
انستقرام
يوتيوب
بنتيريست