بطران اسم زميل بالأهلية (أ) المتوسطة بمدني، من أولاد البني عامر الإريتريين. كان معاي في نهر جنوب سوا بالمدرسة، ما كان صديقي في السنة الأولى، في سنة تانية يوم جيت شاقي فريق الهوارة -فريق الهواوير ديل منهم مدعي النبوة الأستاذ شمس الدين الأمين ضو البيت- لقيتو واقف جمب باب، وقفت سلمت عليهو وسألتو: ساكن هنا؟ قال لي: أيوة تاني يوم فطرنا مع بعض وكنت لازم أوصل ليهو معلومة انو البيت الساكنين فوقو دا حق أبوي. وأنا راجع للبيت من المدرسة وفِي نص ميدان المولد خجلت من سيناريو الفطور والونسة المصطنعة العملتها مع بطران، قلت لنفسي: عيب عليك يا أبكر تصنع الأحداث صناعةً هذا السلوك يقودك للبهتان
08-01-2018, 11:31 PM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
Quote: قلت لنفسي: عيب عليك يا أبكر تصنع الأحداث صناعةً، هذا السلوك يقودك للبهتان
بالمصطلح الديني المحبّذ صوفيا فـ(النفس اللوامة) دي حتجيب ليك الهوا..!! زي ما أول جابت عليك الهوى.. هههها!! لكن برضو أخير من الزول يتبّطر.. أخير شنو؟ لمن بي هناك!!
08-01-2018, 11:51 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: بالله يا بكور تمشي لبوست مناشدتك بالعودة واي زول لم يدخل ويبارك البوست تحتها معاه قرض.
هههههها،،، يا ود الشيخ مافي استثناءات للكانو كاتلين معاهو جدادة الاعتكاف الثقافي التأملي دا.. :)😜 ثم، يا سيدنا المستنير، بعد ما خميت بيض الكتابة كلو، بالله المرة دي توصل "بطران" وحكايتو للنهاية، ندهتك بشيخي "الطيب"،، إن شاء الله تخليها نهاية مفتوحة، بس ما تعلقو في الهوا وتعلقنا معاهو ثم تزوغ!!
08-02-2018, 06:45 AM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
يمين يا مستنير ما تلحق بطرانك دا بسراع بسراع، نقوم نقلبا ليك ونسة ساهي فلا أدبا تلحق ولا كتابة تقطع،، الشباب كلهم هنا ومتقريفنِّك باقي لي هههههه وبراك شايف عبدالله ود عتمان قال ليك؛ الهوى هوانا ومحمدِّنك معانا!
08-02-2018, 07:48 AM
ابراهيم عبد الوهاب
ابراهيم عبد الوهاب
تاريخ التسجيل: 08-20-2015
مجموع المشاركات: 609
Quote: مثقفين تلاتة يعني ود المدير معاهم تاني ما حاقرا ليك اي بوست
يا حاسد، كونوا يشهد لي المستنير فما ضرني بعد شهادته إن جلستُ معكم في هذا المسيّد أو قمزت فوق بعيري ؤ رحلت، ؤ كمان لو هاشم ود الحسن دعم شهادة المستنير بشهادتو بس إياني الضربت الصي ؤ وآوآي الجايب الضهبان .
القبحة فوقك يا المابتشبة الجنوّن، غريبة اتبرا تكونوا مِنها إنت وأمين حسن عمر !!!...
08-02-2018, 07:22 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
عاجبني المقطع الأدبي الورد في نص جدي العباس عليه السلام المقطع: "وأنا أمشي في دروب كتابة روايتي، زي سواق الركشة في أي لحظة ممكن يلف" خلي عشرين زي الطيب صالح يجوا يكتبوا كلام بهذه الواقعية العميقة السطحية
خلونا باللاي
08-02-2018, 10:34 PM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
أول مرّة اسمع بقضية الشعب الإريتري كانت ونحن قاعدين في خيمة الطريقة البرهانية بمولد ميدان بانت. حدثني عن نضال أبيه ضد الطاغوت الاثيوبي، تخيلت في تلك اللحظة أن أبي لا يأخذ منهم إيجار للبيت؛ إذن هو مناضل وأنا إبن مناضل.. كنت أتشوق لسماع كلامه عن النضال وفِي بعض الأحيان أجد نفسي الخليفة أبوبكر الصديق، وأتخيل نفسي آمراً بن الوليد بتسيير جيش لتحرير أريتريا، ثم أتذكر نفسي مجرد معفن السبب الاساسي الجابو المولد هو الشاي باللبن واللقيمان، وعشان أستاذ محمد الحسن استيف (البرهاني) يشوفنا في خيمتم
08-03-2018, 08:27 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
بالمناسبة، هاشم الحسن دا برضو مناضل مرّة بعد فتّة في المرسى شمبات، رفض يشرب معانا الكوكا كولا قال هو مقاطع الكولا لأنو داير يآخد موقف لمناصرة القضية الفلسطينية
08-03-2018, 10:50 PM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
مرّة بعد فتّة في المرسى شمبات، رفض يشرب معانا الكوكا كولا... ======================================== ههههههههههها،، ولو بشق موقف ياخ... ثم تكاثرت علينا الجعجعات!! ثم، هو بالله مرساكم داك كان فيهو معروضات صهيوامبريالية من النوع دا؟ وانا أقول مالو المستنير دا جنو يصهيِّن من قصصو كدي؟
لكن مرّة في سنة ساتة اتشاكلت مع "عمر" اللاجيء الأرتري الكان أكبر عمرا منا، قبل ما اكتشف انو عرجتو الشديدة كانت بسبب رصاصة كسرت ركبتو في الحرب.. أها من يومها وانا ندمان على شكلتي ديك مع المناضل عمر، وحسع ذكرتني؛ حقو أقاطع الزقني..
08-04-2018, 04:03 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20473
هسه البطران منو فيكم؟ انت وللا الزول الساكن في بيتكم؟ 😅 شوف القصة الميتافزيقية دي: قبل كم يوم وانا راجع على البيت تلفوني ضرب دوب ما طلعتو وعاينت فيهو وشفت اسمك زي ما انا مسجلو فيهو هكذا Abubakr Abbas قام قطع قبال ما أرد. اها طبعا ضربت طوالي ..رد لي افروامريكان قمت اتلخبطت شوية وما لقيت غير اقول ليهو انو هو ضرب لي قبل شوية. قال لي انت منو؟ قلت ليهو محمد قال لي: ما عرفتك لكن هل انت عندك بيت داير تبيعو؟ قلت ليهو لا وبالمناسبة الرقم ده حق زول انا بعرفو.. القصة شنو؟ قال لي اسمو منو زولك ده؟ قلت ليهو عباس قال لي: ده ما تلفون عباس وانا ما بعرفو! قلت ليهو طيب ليه ظهر اسمو لما ضربت وحتى لو ده كان رقمو وهو أتخلى عنو وبَقى حقك مش غريبة انك تضرب لي انا بالذات وانا من معارفو؟ قال لي: والله ما عندي تفسير.. وده رقمي انا وقفل طوالي!
08-05-2018, 02:29 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
يا دكتور سيف ياخي طالما كدي، ما تشوف لينا طريقة كدي ولّ كدي وتصلح بين هذين الخواضين الخائضين في حرب مجرّية شعواء، بأسيافهما من التعبيرات القرآنية التقول هنا المعهد العلمي!! فترنا!! ==== لشوارع فلادلفيا رب يحميها كما لاستار بك رب المجرات، === وين قصة بطران؟؟
08-05-2018, 04:49 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
يا سيف، رجعت فكرت في حادثة المكالمة واحتمالية الصدفة فيها؛ لقيتها منعدمة، وأغلب الظن انو اسمي Abubakr Abbas بكون في أول لستة الأسماء المحفوظة بتلفونك بتكون بالخطأ اتصلت على الراجل دا هو لقى الرقم ضمن المكالمات غير المستلمة ورجع ليك ظاناً أنك شخص يبحث عليه
08-06-2018, 01:35 PM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
سلامات يا سيدنا الحسن والله أبدا ما كنت محلي بالي لوجود مناوشات "اسفيرية" بين الخواض الكاتب والناقد والشاعر والخواض الاخر المستنير والكاتب الاسفيري 😀 والحال كهذه لا يسعنا الا ان نلتمس من الاثنين وقف المناوشات وبدء صفحة جديدة وأناشد استاذنا المشاء ان يتحلى بشوية سعة صدر تعينه على تحمل مناوشات صديقنا المستنير والتي هي في تقديري من النوع الbenign جدا. وَيَا مستنير والله الحكاية ديك حصلت صدفة ولو ما كنت مسحت اسمك من قائمة الcontacts كنت اثبت ليك انو الزول ده هو الاتصل ساكت كده بدون اي اتصال مني وكمان عشان أزيد ليك الموضوع غرابة.. اليوم القبال الاتصال ده كان معاي هشام سنهوري وجات سيرتك والراجل اشتكى انك بقيت ما قاعد تتصل واذا بي تاني يوم طوالي اتلقى الاتصال العجيب ده.
08-06-2018, 10:17 PM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
وأضيف إلى مناشدتك الكريمة، فرمانين.. الأول: في حالة لم يتفرغ المستنير لاكمال قصة (بطران) والماورائها، وبصفتي من محبي شعر المشاء وعشاق الفيلادلفيات، إذن فسأملأن له البوست خيلا ورجلا فيلادلفيين، وكثيراً من "الحطب العاطفيِّ، وبعضاً من الطلْحِ، وأرجوزةًًًٌٌٌٌ لمديح الشتاء"!!
الثاني: في حالة لم يتفرغ المشاء لإصلاح مثل "النشاز" الصوتي الذي في شريط (أعمى فلادلفيا) الفوق هنا، وقعد يطارد في المستنير جادا هكذا، بجراء (غراميات مرحة)، فسأكتفي إذن، كقارئ متابع لشعره، بالمكتوب منه فقط، وبتاً فلن التفت للملتميديا، وبالذات التي في غير محلها!!
إنتو كمان يا أخوانا ما تتبطروا علينا شديد.. كم هنا الذين حظيوا بمثل مناشدات سيف النصر دي؟
Quote: والله أبدا ما كنت محلي بالي لوجود مناوشات "اسفيرية" بين الخواض الكاتب والناقد والشاعر والخواض الاخر المستنير والكاتب الاسفيري 😀 والحال كهذه لا يسعنا الا ان نلتمس من الاثنين وقف المناوشات وبدء صفحة جديدة وأناشد استاذنا المشاء ان يتحلى بشوية سعة صدر تعينه على تحمل مناوشات صديقنا المستنير والتي هي في تقديري من النوع الbenign جدا.
أهلاً دكتور سيف
سأقبل مناشدتك بدون تعليق على "مناوشات المستنير".
لأنّ المناقشة العلمية الرصينة لتلك "المناوشات"،
التي يسمِّيها -تلطيفاً - أبوسن "المكاواة"،
ستفسد حتماً مبادرتك..
خالص التقدير..
08-07-2018, 03:29 AM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
يا سيف، لي مدة شغال بالتخفيف دا بناءً على طلب الجمهور، التخفيف أفقدني ألقي وكتاباتي أصبحت باهتة! حالياً أنا رجل من غير ألق فشنو بفكر أكتب عن الطيور ح أبدأ بالسمبر
08-07-2018, 10:27 AM
Hassan Makkawi
Hassan Makkawi
تاريخ التسجيل: 02-27-2008
مجموع المشاركات: 6157
يا مستنير اقترح تبدا بالطير "الخدارى" وتمر على ملك الطيور بتاع "الجابرى" وعمر الجزلى.... لكن اول تم لينا موضوع بطران اكتب وانا "مغطاظ" من ال"طير" الفوق ديل جهجهوا البوست.....
08-07-2018, 10:53 AM
السيد المسلمي
السيد المسلمي
تاريخ التسجيل: 11-27-2008
مجموع المشاركات: 4954
. . (سمبرية) في اليد ولا عشرة على الشجرة ...... . .. . المستنير وطيلة وجوده في المنبر ... ما حصل كمل توصيل فكرته ... دائما وابدا ما ينقلب البوست تبعه رأسا على عقب ويقوم يحرد ليه كم اسبوع وتاني تجي العرجاء لي مراحا .... ... . .. .
08-07-2018, 01:09 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
صاح يا حسن، الطير الخداري أولى وخاصة ممكن تدعم البوست بأغنية قول لي يا الطير الخداري، قول لي وحيات حبنا، لكن أهم بوست بكون عن طائر أبعنجوك أبعنجوك دا بكون واقف بكراع واحد وخالف التانية ونائم عندي واحد من أصحابي العزاز كنا مسمنوا أبعنجوك هسّ هو عالم طفيليات كبير بألمانيا حبو في الدنيا دي؛ القراد
سميح الزِّي دا يا أخواننا، هو الراحل الأستاذ سعيد شايب، الزعيم الروحي الجمهوري، كان يسكن حي البيان/المدنيين بمدني جوار طاحونة الدي، للذين لا يعلمون ببطون المجتمع الجمهوري: الأستاذ سعيد شايب كان لا يقل منزلة روحية عن الأستاذ محمود خاصة عندنا نحن أصدقاء الجمهوريين وعند الجمهوريين التابعين. واحدمن الأخوان حبّ يعمل لروحو أهمية زيي كدا سألوهو وين ساكن؟ قال ليهم: بين مليح الزِّي وطاحونة الدي
08-07-2018, 02:41 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
نرجع للموضوع الأساسي: بعد الشاي باللقيمات عند البرهانية، وحضور كم مدحة؛ مشينا اشترينا سمسمية وقعدنا في الخور الجنب الكوارتة جنب خيمة الطريقة الدندراوية. قال لي:شفت فيلم the revenant ؟ قلت ليهو لكن يا حبّة نحن الآن في سنة تمانين والفيلم دا ح ينتج ٢٠١٧!! قال لي بس حبيت أقرب ليك المشهد
الحبيب أبوبكر .. مودتي عوداً حميداً .. لم أنتبه لهذا البوست إلا أخيراً .. يا سلام حبيبنا أبوبكر المستنير الجميل .. أنت تتحدث عن جغرافيا غريبة علينا ومفردات كذلك نحن ناس ضواحي الدنيا ..
المهم والمهم جداً إنك رجعت
في بوستات كثيرة في إنتظار مداخلاتك
تحياتي .. نورت الحوش
08-07-2018, 04:35 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
أبوي يوم عصيراً متأخر جاء البيت منزعج، بيتنا في قرية تبعد زي ٣٠ كلم من كسلا وبيتنا في الطرف الغربي للحلّة وبينا والبيوت مسافة كبيرة جنب وادي رملي عندو بندقية طلعها ولماني أنا (١٠ سنوات) وأخواتي تمانية وستة ومعانا أمي في أوضة وبدأ يهمس قائلاً: قلت ليهو أمك كان عمرها كم؟ قال لي: داير تقوم على عوارتك؟ القصّة دي حساسة لا تحمل العوارة
08-08-2018, 03:39 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
السيد المسلمي، الحديث عن الأقطاب والأغواث، بالتأكيد مرورك ليس صدفة الكباشي الكبير كان قطب الأقطاب سلام يحمل سلام وحب شديد ... شيوخي أبكر والسيد ... والماعندو محبه معلم الله من الحبه ... عليك الله يا السيد تحكي لينا قصة سيدي الحسن راجل كسلا مع سيدي القطب العارف بالله الكباشي الكبير والمرا الجاتو تفتش دايرالا ولد تلديهو ... واكان ماك عارفا أسأل الخليفة عبدالوهاب خليفة الشيخ الكباشي لأني سمعتها منو شخصيا" قريب دا ... بعدين يا أبكر (الاغوات) دي حا نقبلا عشان صاحبك بطران دا بس ... لأنو ما عندها علاقة بي اقطابنا ديل ولا رايك شنو ...
08-08-2018, 03:52 AM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
Quote: قلت ليهو لكن يا حبّة نحن الآن في سنة تمانين والفيلم دا ح ينتج ٢٠١٧!! قال لي بس حبيت أقرب ليك المشهد
ويجب التنويه: أن ثيمة الانتقال عبر الزمن، أو فيه، وكذا، الانتقال المكاني قبل أن يرتد إليك طرفك زاتو، أو ما يعرف بمصطلح الأقطاب الكبار و"الأغواث" الآكبر، بـ "طي الآرض طيا" وهو باب من أبواب العلم اللدُّني، فهي ثيمات تأسيسية في أدب كاتبنا الغوث المستنير المجّري ويجب على المتابعين مراعاتها مع مراعاتهم لفروقات الوقت..
08-08-2018, 05:23 AM
Kabar
Kabar
تاريخ التسجيل: 11-26-2002
مجموع المشاركات: 18537
تيه امسودان يا هاشم الحسن ، ولا اسيبا مدني واجي اسكن حداكا؟
عارف يا هاشم ، لو مشيت دار اهلك المسيرية وسألت عن صاحبك محمد النور كبر..مافي زول ح يقول ليك عينك في راسك..!!...لكن لو قلت بطراني كداي درعاي..عينك ما تشوف الإ النور يا هاشم..عينك ما تشوف الإ النور..!!\
ولاد بطران معروفين اكتر من محمد النور كبر وابوبكر عباس وصاحبو الإرتري..ليه؟
كنت حا اجيب محمد مسكين (من ارض المحنة) ، رمضان زايد (لمن بيغني لناس الأهلي مدني في انتصارو على اتحاد بانقي/افريقيا الوسطى) ، وفتاح السقيد..وجكسوية من مدني حظها اللعين كان ناس كبر..!!
يا مسافر ، حليلك ، يا حليل ابتسامك ، يا حليل الليالي..!!
حتى لو حبينا محمد مسكين ، ثنائي الجزيرة ، ابوعركي..صديق سرحان ، محمد بخيت..فتاح السقيد..الكاشف..الخ ..فما نحن سوى ناس مشكوك في ايمانها ويقينها..!
هذا ليس استجداء لأبكر الطويل..فنحن نعرف امسودان اكتر منه ومن صحابه الإرتريين وغيرهم..لأنو امسودان دي حقتنا يا ابكر الطويل..ومش حقت ارترييين وحبش..وشنو كده..!
ولا اسيبا مدني واجي اسكن حداكا؟؟؟؟!!
كبر
08-08-2018, 05:32 AM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
هههههههها إنت حسع كيف عرفتو أقرب ليهو ولّ ابعد ليهو يا كبر؟ هو قال حاجة لسع..؟ بعدين بطران دا ممكن يطلع سوداني برضو خلي بالك.. الوكت داك الجنسيات ما كانت مهمة!! لكن برضو عجبني ليهو السوال.. الأسئلة؟
08-08-2018, 09:08 AM
السيد المسلمي
السيد المسلمي
تاريخ التسجيل: 11-27-2008
مجموع المشاركات: 4954
Quote: الأغواث يا غوث،، بالثاء سمك.. ما الأغوات بالتاء طوبة!! أم إنك متأبط رأيا؟؟
هههههه ... ثاء طوبة وطأبطا بعض الذي منو ... نتيجة اللفحي مع إنو نضري القصير 6/6 ... حالك زين يا زول ...
Quote: الخليفة لميت فيهو وين ؟ والله نحن نفتش فيهو فتيش
الخليفة زارنا وتشرفنا بلقياهو في دار اخوي السر (ود العقيد) ... والشهادة لله .. خليفة شاب ... فكر متقدم .. إستنارة أصلية لا تشوبها شايبه .. أعلم أن مريديه كثر لكن لو أتيحت له نصف الفرص التي تتاح لغيره في الإعلام لتغير الكثير مما نراه ونسمعه ...
08-17-2018, 09:07 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
يا أخوانا، كبر دا موش داير معانا مشاكل؟! هسّ غلوتية الحب دي نفكها كيف؟ معقولة أقول ليهو لا بحبك أكتر من بطران؟! ولّ بريد أهلي مدني أكتر؟! ولّ رمضان زايد؟! ولّ محمد مسكين؟! رمضان زايد بغني فرحان بفوز أهلي مدني ببانقي يردد خليك مع الزمن في نص الغنا ولّ أسيبا مدني وأجي أسكن حداكا قول لي يا حبيبي أنا حيران معاك ومع سهى ضربت ليها لقيتها في ستاربكس قالت لي من غير ما أفتح فمي أهدي ليهو أغنية الراقصين التويا كلمولي أبويا عشان أروح الدونكي أجيب شويّة موية
قلت ليها يمكن بطران يزعل قالت لي: هو حي ولّ ميت؟ قلت ليها: لاقيت أبوهو بعد عشرين سنة من ونسة السمسمية قال لي صديقك استشهد ختت الفنجان وقالت لي عبر التلفون: سجمي
08-17-2018, 09:45 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
ونسة "بطران" بعد أتمها كنت ناوي أكتب شويّة عن طفولتي قبل المتوسطة وأكون بذلك كتبت عبر بوستاتي بسودانيز وسودانيات مذكراتي. في شيء أحزنني حزن كبير الاسبوع الفات موت الصديق الاسفيري الشامي الحبر، حلمت به وأنا صاحي في مدينة سودانية باردة متلفح بتول دبلان فيهو زركشة زرقاء سرحت في علاقة الموت مع البشر قلت هسّ الزول دا يمكن عندو حاجة ضرورية كان داير يقولها ثم تذكرت أنني لم أخض تجربة الموت بعد قد يكون هناك deal بيحدث في لحظة الموت هي قد تكون ثانية لكنها في زمن الخيال تقدر بسنين طويلة
08-17-2018, 09:58 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
أنا غايتو ما فهمتا أيتها حاجه من قصة بطران لذا سأنتظر السنبر والطير الخُداري يمكن اقدر اصتطاد لي زرزور....
أخوووي هاشم الحسن في تلك الضفاف بمرسي شمبات أول مرهـ في حياتي اشوف البلح بشربوا مويتو ويكشحوا الباقي هههههههه والله جد . : : : : : : مع التحيات لله الزاكيات .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة