|
|
|
 Re: أهم عبارات عليك قولها خلال مقابلة التوظيف (Re: معاوية الزبير)
|
يا بتاع الرصاص في الراس
خليني أديك الابديت للتحضير لمعاينة الوظيفة من ك. فرانكلي.
1- تعرف جيداً على الشركة التي ستتقدم إليها وذلك بالبحث عن الشركة في الإنترنت
احصر بحثك في LINKEDIN FACEBOOK وموقع الشركة على الإنترنت
2- إذا سئتلت هل تعرف شيء عن شركتنا لا تقل لا أعلم وهذه أول مرة اسمع بها ولكن قل نعم كونت فكرة جيدة عن الشركة واعلم أنها تعمل في مجال كذا وكذا وأنها تنمو بشكل جيد واتمنى أن اسهم في نموها بسرعة أكبر
3- حاول أن تضع اسئلة "ذكية" أثناء المقابلة عن نشاط الشركة
4- ايضاً تحصل على أكبر معلومات ممكنة عن مجري المقابلة معك في الوساط المختلفة LINKEDIN FACEBOOK وبالبحث عن اسمه في قوقل فقد تجد له نشاطات أخرى خارج الشركة حاول أن تكون دقيقاً في الداتا ماينيغ وتأكد أنّك تبحث معلومات عن الشخص الصحيح.
5- إذا لم يكن باستطاعتك الحصول على معلومات يمكنك البحث عن نشاط مماثل في الإنترنت والتعرف على النشاط بصورة جيدة.
5- يجب قراءة ما يبحث عنه المخدم جيداً وحاول أن تسوّق نفسك وفق لهذه المطلوبات
6- كيّف أجوبتك حسب نشاط الوظيفة واجري مقارنات سريعة عن ممارسة تلك المهام في الوظيفة السابقة.
-7 إذا سئلت عن شيء ولم يكن لك به خبرة قل بصراحة لا أعلم فذلك أفضل من الوقوع في فخ السؤال التالي وإذا فهمت السؤال حاول أن تتطرق لعمل مماثل قمت به وأنّه يمكنك تعلم هذا الأمر بصورة جيدة وأنّك منفتح جداً لتعلم الجديد.
8- لا تتحدث كثيراً عن شهاداتك ولكن تحدث عن خبراتك واثبت لهم بلغة المهنة أنك الرجل المناسب لهذه الوظيفة وأنك ستكون إضافة للشركة لا عالة عليها.
9- انصت جيداً ولا تقاطع ولا تسهب في الكلام واجعله مركزاً ومختصراً.
أهم شيء يجب على المتقدم للوظيفة وعيه أنّ المقابلة تبدأ من موقف السيارات
صحيح أنك كونت معلومات جيدة عمن يجري معك المقابلة ولكنك لا تعرف من يكون متواجداً على الطاولة, حاول أن تكون ودوداً مع الكل حتى خارج مبنى الشركة فقد يكون من سبقك على موقف السيارة هو مخدمك وقد يكون من فتح لك الباب هو رئيسك في القسم. لا تقيّم أحد في يوم المقابلة بمظهره أو شكله ففي عالم اليوم مديرك يمكن أن يكون وجهه مليئ بالوشم والحلقات والبيرسينغ,
أحدث طريقة لمعاينات الوظيفة والتي تشق طريقها بسرعة في عالم اليوم هي "يوم الأسسمنت".
| |
  
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: Frankly)
|
في الآونة الاخيرة أصبحت أغلب المعاينات عملية ..
أي يتم اخضاعك عمليا في مجال توظيفك ..
تنجض مجالك العايز تطلب الوظيفة فيهو ..
وتجي بقلب حامد لانه من يجري المعاينة يسبقك بخطوات بعيدة ..
وغالبا لايهتم بالشكليات كتير وان لم تكن مستعدا بتفقد فرصتك ..
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: جمال ود القوز)
|
Quote: بالغت يا معاوية ياخ ما كان تقول كلامك دا امس
طلعت من معاينة هسه سالوني سؤال تحدث عن نفسك |
حمد يا عجوز انت تاني المقدم ليها شنو!
كان تقول ليهم: مثلي لا يُسأل عن نفسه 
----
بتاع الرصاص في الراس
أول مرة تكون عندك مداخلة مفيدة في المنبر
----
Quote: في الآونة الاخيرة أصبحت أغلب المعاينات عملية ..
أي يتم اخضاعك عمليا في مجال توظيفك .. |
تمام يا جمال، لكن كمان المقابلة الشخصية مكملة للمعاينة العملية
فهي تكشف الصفات الشخصية للمتقدم
يطلع ليك واحد متغتطرس أو متقرضم.. تكوس للتحلو منك
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: معاوية الزبير)
|
سلامات معاوية
تعرف اغلب الاسئلة في قروبات السودانيين في الفيسبوك مثل "وصف لي"
عن متقدمين لوظائف و عندهم معاينات وما عندهم فكرة و بالذات الخريجين الجدد.
اهم شئ في المعاينة معلومات كافية عن الوظيفة و الشركة كما ذكر فرانكلي
لانو مثلا متطلبات الوظائف المرتبطة مباشرة بالجمهور تختلف عن الوظائف الاخرى
الثقة بالنفس ,الهندام و المظهر العام ,الابتسامة اول الاشياء التي يرصدها فريق الانترفيو
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: Nasser Amin)
|
معاوية ازيك
مرة دخلت معاينة في جدة وانا جديد في الغربة الوظايف كانت مناديب تسويق
وكنت لابس فل سوت وعامل فيها ولا مهند
لمن دخلت لقيت كل الناس المتقدمين من لبنان سوريا آخر الستة
وانا براي السوداني الوسطهم حتى بقوا يعاينو لي بي استغراب
عرفت الموضوع بايظ بس بروح الشباب والمغامرة والتحدي قلت اواصل القصة
جابوا لينا فورم كلو انجليزي وفيه كم سؤال كلها اجبتها وفيها الراتب المتوقع
حسب ما بطني طمت قمت كتبتو 7000 الف ريال الكلام دا سنة 2000 مبلغ كبير على الوظيفة خصوصا انو المندوب بكون راتبو بسيط عشان يشد حيلو ويدخل للشركة وياخد على حسب انتاجو
المهم ندهوني تاني واحد لقيت سعودي واتنين خواجات
اول سؤال سالوني ليه ليه ختيت راتب كبير
قلت ليهم لاني عارف انكم ما حا تاخدوني لانكم عندكم انطباع انو السوريين واللبنانيين هم سادة التسويق
ضحكو ضحك شديد وقالو لي اخدناك بس مش بالراتب الانت خاتيه
حقيقة اشتغلت معاهم ستة شهور واتخارجت لي شركة احسن منهم
فعلا تجربة المعاينات مفروض الحاجة الهلامية الاسمها جهاز العاملين بالخارج مفروض يهتمو بيها
تحياتي
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: Nasser Amin)
|
سلام ود الزبير
بالاضافة الى ما تفضلتم ايضا :
من المهم جداُ هيئة الجلوس ولغة الجسد والنظر الى من يقوم باجراء المقابلة اثناء الكلام واثناء الاستماع اليه
وهناك سؤال مهم جداُ وهو : لماذا يجب علينا توظيفك ؟
المطلوب هنا هو : المهارات والشهادات والخبرات التراكمية
ابعدا نهائيا وخلال المقابلة عن كلمة ( لا )
هناك فى كل دولة نماذج لاسئلة الانترفيو - مقابللات العمل - ومن الافضل على طالب العمل الاطلاع على تلك الاسئلة
قبل المقابلة .
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: محمد أبوالعزائم أبوالريش)
|
| Quote: متقدمين لوظائف و عندهم معاينات وما عندهم فكرة و بالذات الخريجين الجدد. |
عشان كده يا ناصر قلنا نهدي ليهم البوست ده وندعو ربنا يوفقهم
وشكرا على النصائح
----
| Quote: فعلا تجربة المعاينات مفروض الحاجة الهلامية الاسمها جهاز العاملين بالخارج مفروض يهتمو بيها |
والله يا ود دفع الله أنا مما ألقى كلمة "جهاز" بتحسس قلبي
من زمن الـ (كيه جي بي) زاتو.
في آسيا والدول الما متقدمة بجهزوا خريجيهم للعمل في الخليج وبياخدوا منهم نسبة من رواتبهم بالتراضي
لصالح مشاريع وخدمات للبلد والمغتربين. أين نحن من ذلك؟!
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: معاوية الزبير)
|
| Quote: من المهم جداُ هيئة الجلوس ولغة الجسد والنظر الى من يقوم باجراء المقابلة اثناء الكلام واثناء الاستماع اليه |
والله يا علاء سيد أحمد ده إلا في معاينات عارضات الأزياء
---
| Quote: قلت ما أجيك يدي فاضية يا معاوية |
دايما إيدك مليانه يا ابو الريش، بقرأ الرابط الصباح وأرجع ليك
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: عثمان علي)
|
و احدة صاحبتنا مجضمة الكمبيوتر قلبة و عدله و عندها فيهو عدد من الشهادات مشت لمعاينة في السودان دا و هي سمحة سماحة مقطعاها عديييل كده فوق لي دا وداك طول عجيب و فوق لي دا كلو هاف كاست سوداني إثيوبي المهم اول ما دخلت الزول العامل معاها معاينة دنقر تحت قالت لي طوالي عرفته انو الوظيفة دي ما لي انا المهم قالي اتفضلي اقعدي بدون يعاين لي ذاتو و طوالي سألني :- الأخت حافظة شنو من القرآن الكريم؟ طوالي رديت عليهو :- حافظة قدر يفتح لي الكمبيوتر و شلته شنطتي درعتها في كتفي و مرقته.
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: سفيان بشير نابرى)
|
| Quote: وغالبا لايهتم بالشكليات كتير وان لم تكن مستعدا بتفقد فرصتك .. |
ود القوز يا حبيب .. الكلام ما صحيح .. أخر معاينة دخلتها ..الشركة التى أرسلتني للوظيفة .. أرسلت لي "بروشوار" عن المعاينة .. أول ما فيه وقالت لي المسؤولة Dress to empress .. تتذكر حكمة فرح ول تكتوك "أكلي يا كمي قبل فمي" .. الأمريكان مطبقنه بحذافيره. أنا بلبس ذي الرئيس أوباما أو أشد ..
أتذكر زمان كنا جداد في هذه البلد .. أمريكا .. ومشينا نشتغل في السكيورتي .. حراس .. أنا لابس "فول سوت" لبسة كاملة بدلة وجزمة تلمع .. وصحبي المعادي لابس بنطلون عادي وشبش (صندل) .. صحبي طردوه من باب المكتب القاعدين ناس التعيين .. "قالوا ليه أنت جاي تعمل شنو؟ قال ليهم جاي المعاينة .. قالوا له جاي كده المعاينة قال ليهم نعم .. قالوا له أمشي .. وزولنا زول الله قال ليهم الله يعدلها عليكم وعلينا .. " .. وفي النهاية لقي شغل لكن فهم قيمة الزي ..
شكراً يا ود المدير .. أنا السنة دي صرت سنير مثلك .. ما تخاف ..
بريمة
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: Biraima M Adam)
|
في المداخلة السابقة أنا كتبت empress .. وهى خطأ .. الصحيح impress .. هناك بعض الوظائف لو عندك غلطة ذي دي في السرة لا يقبلونها .. لازم تراجع السيرة من ناحية قواعد وأملاء .. وترتيب زمني صحيح ..
وإياك والكذب .. ما تبقوا ذي زول متداخل هنا .. يكذب في أي حاجة ...!
بريمة
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: Biraima M Adam)
|
| Quote: اهمية الاهتمام بجزئية الهندام، وخصوصاً ضرورة نظافة الحذاء وتهذيب شعر الرأس، والشارب واللحية |
مرحب بيك يا عثمان علي في المنبر والبوست
طبعا المظهر العام مهم لكن أهميته تبرز في وظائف العلاقات العامة والسكرتارية وما شابه
يمكن تجاوز الأناقة الشديدة في بعض الوظائف العملية "شديد"
ده رأي شخصي
----
| Quote: طوالي رديت عليهو :- حافظة قدر يفتح لي الكمبيوتر و شلته شنطتي درعتها في كتفي و مرقته |
هههه دي يا سفيان أظنها حافظة "بسم الله الرحمن الرحيم".. نقطة.
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: معاوية الزبير)
|
Quote: : من المهم جداُ هيئة الجلوس ولغة الجسد والنظر الى من يقوم باجراء المقابلة اثناء الكلام واثناء الاستماع اليه
والله يا علاء سيد أحمد ده إلا في معاينات عارضات الأزياء |
هههههههههههههههههه
يا معاوية انا قصدى من هيئة الجلوس الهيئة المعتدلة لان البعض : يتفشّخ فى الجلسة وهذا خطأ
وايضا اثناء الكلام ايضا بعضهم يتكلم وهو ينظر الى مكان اخر .
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: معاوية الزبير)
|
معاوية إزيك بوست مهم للغاية أحييك على إفراده هذا الصباح
لاحظت كتير من الخريجين الجدد القادمون الى دول الخليج والسعودية تحديدا -وهم أولاد شُطار - يقومون بتقديم سيرة ذاتية فقيرة جدا لا تستوفي معاييرالمنافسة فى سوق العمل ، وبالطبع لا أعتقد فى ان اى واحد منهم يملك أدنى علم بما أرودته من نصائح فى هذا البوست .
والسودانى عموما لا يجيد تسويق نفسو وعفوى زيادة عن اللزوم .
أوصى كل سودانى يستضيف قريب أو حبيب يأتى الى العمل أن يتكرم ويكمل جميلو فى إنو يشتري ليهو (بنطلون وقميص رسمي وكرفتة ) وكمان جزمة بدلا عن بنطلون الجنز والشبط فكثير من شبابنا يهمل قصة الهندام دى بدون قصد. personality is appearance
تحياتي ،،
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: معاوية الزبير)
|
سلام ود الزبير و المتداخلين
المظهر مهم first impression is the last impression
في المعاينات عندي المقدرة في جررت المحاور الي الكورنر و اخته في خانه انه فاهم شغلته و له لا و الحمد لله كسبت الجولات عبر 30 سنة خدمة و دردحه
غير المحظوظ يقع في محاور فاهم حاجه واحده و فنية و بس ده بطلعك من المولد بدون حمص
طبعا انا بقول الكلام ده للوظائف المالية
مع كامل الامنيات بالتوفيق في المعاينات
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: الزبير بشير)
|
| Quote: شكراً يا ود المدير .. أنا السنة دي صرت سنير مثلك .. ما تخاف .. |
أخاف من شنو يا أخا العرب. أهلك يا بريمة بقولوا "أم جركم ما بتاكل خريفين"
بيد أن الواحد كان نفسو في معاش مريح زي أفندية زمان
يجلس على كرسي حديقة ويتأمل ما لحقه وما فاته في الحياة
علا الزمن ده النظرية بقت تجري وراء الرزق حتى يقعدك العجز
| |
|
|
|
|
|
|
|
|
|
Re: أهم عبارات عليك قولها خلال مقابلة التوظيف (Re: أحمد الشايقي)
|
Quote: لاحظت كتير من الخريجين الجدد القادمون الى دول الخليج والسعودية تحديدا -وهم أولاد شُطار -
يقومون بتقديم سيرة ذاتية فقيرة جدا لا تستوفي معاييرالمنافسة فى سوق العمل ،
وبالطبع لا أعتقد فى ان اى واحد منهم يملك أدنى علم بما أرودته من نصائح فى هذا البوست . |
أوافقك يا وليد طه
أعتقد للأمر علاقة بثقافة التواضع المتوارثة في الجينات السودانية
حيث الواحد فينا لا يحب أن يتحدث عن نفسه أو يكتب عنها
و\أو ربما لعدم انتشار ثقافة كتابة السيرة الذاتية في السودان
(بما في ذلك المذكرات الشخصية)
لا أعرف كيف كان يتم التعامل مع السير الذاتية في سودان زمان!
يمكن هناك مبرر
| |
|
|
|
|
|
|
| |
معاوية الزبير
حمد عبد الغفار عمر
Frankly
جمال ود القوز
Nasser Amin
علي دفع الله
علاء سيداحمد
محمد أبوالعزائم أبوالريش
عثمان علي
سفيان بشير نابرى
Biraima M Adam
الزبير بشير
محمد حمزة الحسين
أحمد الشايقي
فيس بوك
تويتر
انستقرام
يوتيوب
بنتيريست