17 ونص!

Quote: محمد الامين موسى اولا بالنسبه لقصه الخرائط مش هى بس وانما الحديث عن ساعات السطوع موجود ملفات مواقع الارصاد الجويه لتوضح ليك اختلاف عدد ساعات سطوع الشمس باختلاف خطوط العرض (وبالمناسبه قصه التفضيل دى حتلقاها برضو فى دراسه معهد فرانهوفر اللى اوردها الاخ اسامه الخواض عن الطاقه الشمسيه فى مصر وتفضيل جنوب مصر على شمال مصر). ثانيا الخلايا الشمسيه او الكهروضوئيه هى واحده من (تقنيات الطاقه الشمسيه ) وعن امكانيه استخدامها فى مشاريع كبرى يوضحو مشاريع استراليا والصين وغيرها .اذا رجعت ببساطه لللفيديو الاول فى مداخلتى قبل مداخلتك دى تلقى مزارع شمسيه وانتاجيتها توضح ليك الصوره. ثالثا قصه الكفاءه دى بتختلف باختلاف نوع الماده المصنوع منها الخليه الشمسيه.وتتعدى فى بعضها حاجز 20% والابحاث كل يوم بتطلع جديد. رابعا اتمنى انو الناس قبل ماتدحض راى لمجرد انو حاتم واقف ضدو تجاول تكون موضوعيه . وانا لاحظت ومثال مداخلتك انك ماحاولت تتباع مجرى الموضوع وكلامى عبر البوستات الثلاثه وحديثى عن التقنيات ونوع القنيه العبرت عنها فى البوست الاول ممكن استخدامها فى المنطقه المعنيه. خامسا حاتم اصر على الهروب من النقاش وحصر الموضوع فى الخلايا الكهروضوئيه لانو ملقط شويه معلومات ومصطلخات عنها واثبت عدم معرفتو بالموضوع بصورتو الكليه فى ردو على محمد الشيخ فى قصه التوربينات دا غيير نفاصيل كتيره تانيه. سادسا هنيئا للسودان بمن يهدمو كل راى حتى ان لم يكن لهم به كثير معرفه او تابعه لمجرياتو . كيف للسودان ان يتقدم ونقول دا ما ممكن ودا جهوى ودا وننساق وراء فتاوى امثال حاتم هل ننتظر ان تهبط علينا تنميه من السماء ؟ لانريد ان نعمل حتى ولو بعقولنا وان تقدم احد ليقول كلمه تم اغتيالها واغتيال من يتكلم معنويا كما باسلوب حاتم وتكاتيكو ومؤيديه.. سابعا موضوع الطاقه والطاقات المتجدده وطرحها لامكانيه احداث تنميه كالحاله موضوع النقاش مشاركه بين اهل العلوم البحته كيمياء/فيزياء /جيولوجيا والمجال الهندسى بتخخصاته المعلومه للجميع والزراعيين والاقتصايين بجانبمجال البيئه. لذلك اغتيال اقتراح قبل ان يتحول لدراسه متكامله تغطى جميع الجوانب حتى يقدم ليجد مكانه فى سلم اولويات مشارع الدوله بناء على استراتيجيه واضحه(بعديا عن التعاطى السياسى مع الوضع القائم الان اين نحن من التخطيط لمستقبل السودان وطن وشعب ..هل نجلس وننتظر جودو ليهدينا تغييرا وثوره ثم نبدا بعدها فى التفكير والتخطيط - طبعا بعد ان ننتهى من صراعاتنا حول تقاسم السلطه من منظورسياسى وجهوى وعنصرىومطامع شخصيه - يجب ان يتسع مدى الرؤيه ويمتد ونبعدعن ردود الفعل والاراء الانيه دون تروى وبحث ) من يتابع محاولات التقليل من شان الراى وصاحبه يظن ان هذا الراى موضوع قانون موجود على منضده البرلمان او معد كقرار رئاسى والبلد مليان فوضى وفساد وظلم وحروب ومن توجه اليهم اصابع الاتهام معروفين ولكن حاتم لايحرك ساكن جول هذا وانما يتفرغ لاغتيال راى ويتبع مزماره جيش من المؤيدين غير هدى ولا استبانه(هى الجهويه دى كيف ؟ الا جغرافيه ؟) . لكن مايزال فى اهل الوعى وسعه الافق خير يحفز ويعطى الامل للتقدم خطوات للامام التحيه والاحترام لهم