إهداء لمحمد النور كبر في منفاه غير المكاني كواحد من أجمل الناس الذين تلمست مشاعرهم وإحساسهم بالأشياء عبر كتاباتهم بمنبر سودانيز أوت لاين المغمور.
في زيارتي الأخيرة للخرطوم توقفت عند الجامعة وبعد الونسة مع العساكر الحرس ذهبت للميدان الشرقي عشان أشوف منظر أشجار اللبخ المتشابكة وعروقها الدعامية نازلة في اتجاه النجيلة، لم أجد اللبخ عجبت من الذاكرة فكرت قلت المنظر دا غير في ذاكرتي بكون برضو في ذاكرة كبر بشكل أكثر رومانسية وقلت تاني بالله، شوف المعفن دا قال أبكر الطويل بحب الإريتريين أكثر منهم!!!
09-07-2018, 11:42 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3467
هسّ يا معفن مداخلتك بتاعت غناء رمضان زايد أيام فوز أهلي مدني في بانقي، منو الممكن يحس بيها ويفهمها غيري أنا؟!! ولّ أسيبا مدني عمر من الأبيض وزميل سكن بأربعات البركس قال لي: جيت من الأبيض وأنا في تانية ثانوي بالقطر عشان أشوف مدني بسبب لحن محمد مسكين في أغنية أرض المحنة
رفضت أسألو لقيتا كيف؟
09-07-2018, 11:46 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
انت زعلان ليه مش برضو فيهم ضرب دمك ؟ عارف إنت لو تميت حاجة واااحدة في حياتك يعنى وصلتها الميس كان بقيت نجم ألمع من نجوميتك دي .. هسه ح تشرنا ( عارفا قديمة) تحت اللبخ دا وتمشي ولّ سايقنا معاك ؟
09-08-2018, 00:08 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3467
هسّ يا مولانا، نجوميتي المطلقة هنا استفدت منها شنو؟ أربعة شهور بالسودان ما لقيت لي زول بعرف المنبر دا بس كان نفسي أعرف روحي لزول بعرفو بأنو أنا المستنير لا كذب الأيام دي بفكر أندم على ضياع عمري الأدبي والفكري هنا
09-08-2018, 05:59 AM
Kabar
Kabar
تاريخ التسجيل: 11-26-2002
مجموع المشاركات: 18537
"يا مسافر ، حليلك ، يا حليل ابتسامك ، يا حليل الليالي..!! السؤال: ليه ابكر الطويل ، اقرب ليهو بطران الإرتري من بريمة وكبر ؟ هنا محنتنا .. هنا محنتنا..!"
"فشنو؟ يا كبر، ما امسودان واريتريين وبجة وحبش إلا اسماءٍ أسميتموها فأنتبه نحن نقص عليك أفضل القصص"
"يا أخوانا، كبر دا موش داير معانا مشاكل؟! هسّ غلوتية الحب دي نفكها كيف؟ معقولة أقول ليهو لا بحبك أكتر من بطران؟! ولّ بريد أهلي مدني أكتر؟! ولّ رمضان زايد؟! ولّ محمد مسكين؟! رمضان زايد بغني فرحان بفوز أهلي مدني ببانقي يردد خليك مع الزمن في نص الغنا ولّ أسيبا مدني وأجي أسكن حداكا قول لي يا حبيبي أنا حيران معاك ومع سهى ضربت ليها لقيتها في ستاربكس قالت لي من غير ما أفتح فمي أهدي ليهو أغنية الراقصين التويا كلمولي أبويا عشان أروح الدونكي أجيب شويّة موية"
Quote: شرحوا يا بيت الأشباح دينق اخوان: بدل تغلبكم عاطفة الحقد على كل من يقول خيرا عن محمد النور كبر..اخير تنفقوا جهدكم في تجويد لغة العرب بتاعة ناس كبر..!!
محمد النور كبر.
العرب لو شافو كلامك ده ح يقولو السوداني ده أكيد مصاب بلوثة عقلية.
قال "بتاعت ناس كبر" قال!
Quote: يا ترى ليه مخالب الموساد بشاشا و بيت الأشباح دينق اخوان ، حاقدين على ناس بريمة كبر !!!
الموساد بحاله يستهدف "عيال بقارة" كبر وبريمة؟؟ لماذا وكيف هذا الاستهداف يا ترى؟
لا أحسن أقول لك
كبر أختشي.
09-08-2018, 11:08 AM
Kabar
Kabar
تاريخ التسجيل: 11-26-2002
مجموع المشاركات: 18537
حبيبنا..ول ابا هاشم الحسن..حبابك يا صديقي ونأسف على الإنقطاع..وما انت يا صاحب الإ افضل من (يقص علينا افضل القصص) ياااااااااااااااخ.. شكرا على راقصين التويا..وصاحبها ، زميل صديقنا واخونا ابوبكر كبر..ولنا حكايات كثر..! ولمن قلت ليكم (خلوني احب الزولة دي) كانت جادي يا قريبي..لكن مرات الدنيا بتسقط ليك حجر الريد الباقي في جواك..! لمن مصطفى سيد احمد ، شال من حمد الريح غنية (شال هم فرقتك قلبي)..تضجر اهل الموسيقى قليلا..وقالوا..افسدها حينما ادخل عليها الإيقاع الأعرج ويقصدون الريتم بتاع الريقي..!..ويتخيل لي حمد الريح كان بيشتغل اولا بايقاع التم تم..او كما قال..!! كنت فتشت (من باب خلوني احب الزولة ديك) عن شغل بلال موسى (الصلاح رجال كسلا..هموا لي بي اجلا..مش عشان يسقطوا اجلا بس عشان تعطف وكده)..لكن لقيت بلال موسى في شغلانة (تلاتة سنة)..ايقاع اعرج..وليس في ذلك مشكلة..! المشكلة بدل ما كانت كسلا ، تورت معاها سنار(المحن ضيفات ، كل واحدة بتصحي صاحبتها)..لا عرفت اضحك ولا عرفت ابكي ..ولا عرفت تغلبني القراية ذاتو..ما فضل لي الإ صرف البركاوي..لكن يا ربي لناس وين بالضبط:كسلا ولا سنار ولا الدلنج..!
جراري يا قريبي..وقول لأبكر الطويل ادونا الشيخ (رئيس هيئة علماء امسودان الكان بغالط وئام شوقي) تلاتة شهور حوامة في كردفان..على بالحلال يرجع ليكم اظرط من جون لوك وتوماس هوبز (ليبرالية للطيش)..!!!
الله لينا يا هاشم من : ابو سبيبا جانا..والريق عسل دندورا..!!
غايتو يا هاشم ، كن ناس النظام العام جونا متقاطعين بي هناك..شفت السيطان دي..!!..وعينك ما تشوف الإ النور..!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة