مقطع فيديو لطابور صباحي باحدي المدارس يثير جدلا..

Quote: عارف - مساء الخير الحقيقه فى حاجه مهمه مافى زول جاب خبرها ..ودى فى ظنى مشكله .اللى هى نشيد العلم معروف حتى فى مدارسنا التعبانه دى فى ساريه علم والطلبه واقفين بانتباه واحترام وترديد نشيد العلم (حسب زمنا ) زمن النشيد الطويل داك بتاعى علمى انت رجائى انت عنوان الوفاء .ودى غلطه المعلمين واداره المدرسه درس الاحترام والتقدير (كدرس تربيه وطنيه يومى ) للعلم كرمز للوطن بكل ماتعنى الكلمه . . الزى كزى مدرسى عادى لاطفال فى السن دى (-18) ومافيهو حاجه .مع ملاحظه انو مدرسه زى دى فيها تلاميذ من جنسيات/ ديانات تانيه وممكن خلفياتهم الثقافيه اقل تحفظا من مجتمعنا السودانى (مش بمعايير الكيزان) يعنى العادى (هنا) ممكن يكون متزمت عندهم.

Quote: سلامات... البوستات إلفيها فديوهات و فيها شرائح صوتية بقى عندي معاها تكتيك محدد و هو اني اشوف الفديو أو اسمع الشريحة الصوتية دون أن أقرأ متن الكلام المكتوب و الحمد لله في البوست دا عملته كده برضو و طلعته بنتيجة انو كل الذين أثارو هذا الجدل هم أصحاب نفوس غير سليمة.

Quote: الناس ديل قاعدين وين ..مافي زول بدخل اولادو مداراس حكومية ..اي زول ضغط علي جيبو بكل الوسائل عشان يطلع من مدارس الهوس الديني والدكاتورية بتاعت الاستاذ والناظر والارهاب في مقابل الاحترام المزيف من الطلبة .. ودي السن الي فيها هؤلاء المراهقين بختارو اللبس والاستايل المناسبهم حتي يتعلمو اختيار اشيائهم الخاصة من الان ..الي ان تكتمل تجربتهم العمرية ويختارو بعد الرشد مايناسبهم ...ماعارف الناس عندها عداء شديد للغرب مع انهم كل يوم بموتو في الشواطئ عشان يصلو هناك ... الحرية الشخصية هي اساس تقدم المجتمعات شئنا او ابينا... اثبتت التجارب ان الطفل المعنف والمقموع بالدين القهري والسطوة التعليمية هو جيل مشوة ويبطن عكس مايظهر ..ودونك المثال من مما يحدث الان علي مستوي الدولة والوزراء ... الناس المعلقين تحت ديل فعلا يعانون من امراض نفسية خطيرة جدا ..ويل طبعا عايزين الجيل الجديد يذوق من نفس الكاس الشربوها ...والحسد والسم يغلي بين سطورهم ...

Quote: معقول وصل بالبعض هذه الدرجه من الفكر واصبحوا لا يرون الاشياء الا عبر غرائزهم حتى ولو كانت الطفوله هذه العاهات المعلقه سلباً هم من يتوقع منهم اغتصاب الاطفال  ولكن لا استغرب فهذا نتاج مشروع الكيزان الحضاري نفوس مريضه.. ...

Quote: قران + إنجيل + لبس غير محتشم + إختلاط + غناء + رقص ..... هذه مهزلة تنتج جيل مهزوز ومشوش لا عقيدة له ولا دين ....

Quote: لا حول ولا قوة الا بالله حتى الاطفال ! ! !  أتركوا الاطفال ليعيشوا ويتمتعوا بطفولتهم كارثة حقيقية ومرض استفحل في المجتمع الناس طلعت القمر ونحن لسه في كاكو ولاكو

Quote: عجبتني تلاوة الطالب للأيات من سورة الإنشقاق ومستوي التجويد يا عارف ... ما شايف حاجه في اللبس مقارنة بعمر الأطفال ... يا عارف ياخ موش للدرجه دي ورينا مصدرك ... الوليدات الحلوين ديل majority of them are KOOOzes sons.... موش مدرسه خاصه وبي قروش كتيرا ... (الوليدات تقراء الجِنِيّات للجنسين ) : : : مع التحيات لله الزاكيات .

Quote: الحبيب عارف مودتي .. يا جماعة الحاصل شنو في البلد  ديل أطفال حتى لو عرايا ما في إثارة عادي يا جماعة كنا نسبح في النيل عرايا ملط ونحن أكبر من ديل  حتى البنات ينزلن الموية .. هل لبس هؤلاء الاطفال فيه إثارة ؟؟ إذن الخلل ما في الاطفال ولا في المدرسة الخلل فيمن يثير هذه المسائل  سبحان الله .. هل نظر هؤلاء إلى صور الاطفال وأثارت الغريزة لديهم ؟؟ الموضوع خطير جداً .. مش في لبس الاطفال .. في غرائز هؤلاء .. بكل إستحياء ومضطر أن أقول أن طريقة تفكير هؤلاء فيها شيء من ( الشذوذ) والمرض أين إحساس الابوة ؟؟ بني آدم يشاهد طفلة وتفكيره يذهب إلى مواقع الاثارة .. ضاع الوطن .. تحياتي الحبيب عارف ..

Quote: سلام عارف و ضيوفك درس ابنائي لمدة عامين في K D S. اخترنا المدرسة لمواصلة المنهج الذي درسوه في الخارج igcse وللقرب من السكن و و لأعتدال الرسوم مقارنة بمدارس أخرى. اغلبية الطلاب أجانب و ابناء دبلوماسيين و مسحيين و ديانات أخرى. السودانيين اقباط و من الجنوب قبل الإنفصال و عائدين من اوروبا و آسيا و امريكا و روسيا بعضهم اصحاب جوازات اخرى بالإضافة لكونهم سودانيين. المنهج الديني يتم تدريسه لكل فئة على حدة. مستر جونسون سوداني من اصل يوغندي، صاحب المدرسة رجل مهذب في غاية المهنية. هو و زوجته يتابعون كل صغيرة و كبيرة تخص الطلاب. استاذ فرانسيس كان يدرس business. الطرحة او غطاء الرأس للطفلات كان يخضع لتقدير الأهل. توجد اماكن للصلاة لكل اصحاب ديانة بإشراف استاذ من نفس دينهم. المدرسة لا يوجد فيها مشاكل من نوع هروب بحائط المدرسة او اعتداء و تحرش من الأطفال الكبار بالصغار و لا ضرب قاسي بالخرطوش من الأستاف! الدين يتعلمه الطفل عملياً في البيت اكثر من المدرسة. لذا لا تؤثر ديانة احدهم على الآخر. التحية لإدارة المدرسة و للأمهات اللاتي قابلتهن في الإجتماعات و النشاطات و المتابعة الأسبوعية.

Quote: القران له حرمته ما ممكن يكون فقرة ترفيهية  زيو زي الغناء والرقص النوع ده من المدارس يخرج جيل مميع لا هو مسلم لا هو نصراني ....