|
Re: أتمنى الليلة أن يستقبلني اهلي (Re: عبدالله عثمان)
|
الليلة يستقبلني أهلي: خيلٌ تحجل في دائرة النّارِ، وترقص في الأجراس وفي الدِّيباجْ امرأة تفتح باب النَّهر وتدعو من عتمات الجبل الصامت والأحراجْ حرّاس اللغةَ – المملكة الزرقاءْ ذلك يخطر في جلد الفهدِ، وهذا يسطع في قمصان الماءْ.
الليلة يستقبلني أهلي: أرواح جدودي تخرج من فضَّة أحلام النّهر، ومن ليل الأسماءْ تتقمص أجساد الأطفالْ. تنفخ في رئةِ المدّاحِ وتضرب بالساعد عبر ذراع الطبّالْ.
الليلة يستقبلني أهلي: أهدوني مسبحةً من أسنان الموتى إبريقاً جمجمةً، مصلاة من جلد الجاموسْ رمزاً يلمع بين النخلة والأبنوسْ لغةً تطلعُ مثلَ الرّمحْ من جسد الأرضِ وعبَر سماء الجُرحْ.
الليلة يستقبلني أهلي. حبابك كمال
| |
|
|
|
|
|
|
Re: أتمنى الليلة أن يستقبلني اهلي (Re: Kamal Alalla)
|
معاوية المدير .. وحبيبي فاكرك معاوية وييين حبيبي فاكرك معاوية ..حاسدنك على العنقريب والعراقي الهبابي ونسايم عطبرة الحلوة شكرا سفيان بشير شكرا عبد الله عثمان شكرا ود اب سن ..وكرت عبد الحي الجدعتو دا سمين وبجرك خمسين
| |
|
|
|
|
|
|
Re: أتمنى الليلة أن يستقبلني اهلي (Re: عبدالحفيظ ابوسن)
|
من أين لك هذا يا أبا سن!
أعجبني في افتتاحية كمال هذا الاستشهاد Quote: يقول الفيلسوف الانجليزي جون ستيوارت: يمكن للشخص أن يسبب الأذى لآخرين ليس فقط عن طريق الفعل، بل أيضا عن طريق الامتناع عن الفعل؛ |
دحين ديل ماهن الرماديون؟
| |
|
|
|
|
|
|
Re: أتمنى الليلة أن يستقبلني اهلي (Re: معاوية الزبير)
|
مرحب كمال على الله اسم "على الله" لم اسمع به سوى في كوستي رجل الأعمال الراحل عباس حسن مُركَب على الله من جهات رفاعة
نتمنى ليك رحلة طيبة في شارع سودانيز وخليك في العالي ما تنزل الدقداق
ــــــــــــــــــــــــــــــــــــــــــــــــ
مرحب كمال على الله فى حوش بكرى وكما قيل ،، دخلة جامدة
الأخ معاوية ،، عشان مكتوب بالأنجليزى KamalAlalla فقد قرأتها أنا ( كمال ألالا ) مخمناَ أنه من عائلة الفنان النوبى العريق إبن منطقة السكوت قرية عبود ( حسين ألالا )
أذن يمكننا القول بأن إسم ألالا ماهو ألا المرادف النوبى لإسم ( على الله )
هل هذا صحيح يا أهل التراث واللغات ؟؟
| |
|
|
|
|
|
|
Re: أتمنى الليلة أن يستقبلني اهلي (Re: Mahir Mohammed Salih)
|
وماضرنا سوي ذلك يا معاوية ليس الرمادية بما يقصده البورداب هنا بل الرمادية بضبابية الرؤيا اصطلاحا . الرمادية التي يقصدها البعض لتمييع القضايا التي تمس عضم الوطن ودائما ما تذكرني بالنكتة وسأوردها كاملة وخلي علي يركب الدقداق من اول الطريق 😆😆 قالوا ليهو لقينا مرتك نايمة مع فلان المهندس قال ليهم هو زاتو ما مهندس هم صادقين وهو صادق ولكنها ليست القضية الاساسية كون انو مهندس ولا فني ساي هذا ما يفعله البعض هنا
| |
|
|
|
|
|
|
Re: أتمنى الليلة أن يستقبلني اهلي (Re: Kamal Alalla)
|
السيد معاية الزبير في العالي طوالي دي صعبة علينا ..لكن نحنا ناس مرة يطلع ومرة ينزل ومرة يشرب من سبيلو .. عندك نكتة الحبشي قالوا راكب في المواصلات شماعة .. الكمساري بخلص في العربية مرة يقول ليه امشي قدام تاني يقول ليه ارجع ورا وهكذا.. لمن كترا الحبشي قال ليه والله انا جوة الحافلة دي مشيت مشواري كداري ..شنو مرة ورا ومرة قدام انا حبشي ول مكواة.. شكرا معاوية ان اكون عند حسن الظن
| |
|
|
|
|
|
|
Re: أتمنى الليلة أن يستقبلني اهلي (Re: Kamal Alalla)
|
يا ود اب سن ما تخاف علينا نحنا ناس قير اتوماتيك ومكنة دبل تيربو.. تدعس بس زي ما بقولوا السعوديين وبعدين الرمادية والضبابية مرات مهمة ..بتمنح اللوحة ازدواجية القراية وكدا..يعني لازم تحتفظ بالمراقة ..زي واحد من شيوخ الازهر ديل كل ما يطلع فتوى وتلقى معارضة ونقد كبير طوالي بجر واطي ويشبكم ليك انا أولت كدا وما أولتش كدا
| |
|
|
|
|
|
|
Re: أتمنى الليلة أن يستقبلني اهلي (Re: محمد حمزة الحسين)
|
نسايم عبطبرة الحلوة ترسينا وتنساينا نشاهد فيها ناس طيبين .......... الف مرحب بك الاخ كمال واتمنى ان يطيب لك المقام في هذا الحوش الوهيط ... شكلك داخل دخلة تنم عن دراية كاملة بدروب المنبر وتحويلاته ... دم بخير ..
تحياتي : ياسر العيلفون .....
| |
|
|
|
|
|
|
Re: أتمنى الليلة أن يستقبلني اهلي (Re: Kamal Alalla)
|
حباب ماهر محمد صالح ...على الله دا عندنا في الشمالية شوايقة وبديرية دهمشية انا والدي اسمو على الله عباس وفي نفس الحي في واحد تاني اسمو على الله عباس .. شكرا/ محمد الشيخ احمد ياسين احمد حمودي محمد ابو العزائم ابو الريش علي الكرار هاشم من الضواحي وطرف المداين الطيب شيقوق محمد حمزة الحسين ياسر السر ...العيلفون اسعدتموني بترحيبكم يا مدير ويا ود اب سن الدخلة الاولى دي مهمة وانا زول بتاع مبيعات وتسويق .. نحنا ناس ice breaking و first impression lasts بعد داك بنشريك بضاعتنا حتى لو كانت مزجاة
| |
|
|
|
|
|
|
Re: أتمنى الليلة أن يستقبلني اهلي (Re: Kamal Alalla)
|
حبابك كمال احيك والله ايوة خليك رشيق كدة وما معسم بضاعة مزجاة دي بتدخلك في دحشة ووالدة قالوا معاوية معاوية عمرو بن العاص عن الدهاء فقال ليهو اي امر اخشو لازم اعرف مخرجو معاوية قال ليهو وانا امر محتاج للتفكير في مخرج منو ولا بخشو طبعا الحوار كان بلغة عربية قحة ف شنو اختا البضائع المزجاة وقول معاي الله يكفينا شر البيعة الكاسرة والولدة الخاسرة كن نفسك ولن تندم
| |
|
|
|
|
|
|
Re: أتمنى الليلة أن يستقبلني اهلي (Re: Kamal Alalla)
|
شكرا حامد بدري .. وهدية من ايدك مقبولة ..ست التوب ست الاغاني لاحدهن شكرا سيد بيكاب يا اب سن التعسيمة مشكلة والتقسيمة كان عالية برضو مشكلة .. مرة قاعد في المكتب جاني داخل شاب وشايل فايل سلم واداني الفايل قلت ليه اتفضل اقعد وانا بفتح في الورق لقيتو سيرة ذاتية .. قام الشاب قال لي: عندكم فاكيشن vacation !! فاستغربت لي سؤال الزول اللسة ما اشتغل وبسأل عن الاجازة قلت ليهو ايوا عندنا اجازة للاستاف .. وشكلو تداخلت عليه كلمة وظيفة شاغرة vacancy مع كلمة vacation ..تعسيمة من امها
| |
|
|
|
|
|
|
Re: أتمنى الليلة أن يستقبلني اهلي (Re: Kamal Alalla)
|
مرحبتين الاخت نعمات عماد نحن لا نقرض الشعر ولكن نستمتع به ايما استمتاع عموديا كان ام حرا (ام شعرا غنائيا) ولصديقي وزميلي بجامعة الخرطوم خالد حسن بشير نقرأ: الليل اغلق بابه المسدود في وجهي اساسا من زمان والحب اعلن موقفا ضدي وحاصرت المدينه كل تاريخي فلم اقوي علي شي سواي وقصيدتي كانت عزاي وقصيدتي لجات لمملكه المياه واعلنت عصيانها جبل من الفلتان يلزمني برغم قساوه الابحار دونك من ذا يساعدني اذا وينزعني من حبيبي ومن اعاصير الندي من ذا يساعدني اذا وينزعني تماما من دماي انا الذي نزع الدماء جميعها الان ابحث في المدي عن من سينزع لي دماي..
| |
|
|
|
|
|
|
|