عندي بوست جادي غلبني اكتب فيهو عندنا في السوق مولانا عبدالباقي سعد زول محب للغة العربية والشعر وعندو ماجستير وشغال ببيع المراكيب في السوق ودرسني في العام بدون سبب يرسل لي وامشي ليهو يقول لي اسمع الشعر دة يقرأ لي كم بيت من شعر ما حديث او قديم ولا يحكي لي طرفة من التراث فيها بلاغة او نحو ذلك اسمع منو وابدي اعجابي وحقيقة بتكون مبدعة وارجع شغلي بتكون علقت معاها وداير يقولها لي زول يشاركو اها لو فيكم زول عندو حاجة معلقة معاهو يقولها
10-16-2018, 03:30 PM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
سلام ولعلك طيب برضك عدم موضوع نرمي طوبتنا بمعني دقداق
Quote: تعريف و معنى دقداق في قاموس المعجم الوسيط ،اللغة العربية المعاصر. قاموس عربي عربي
دقق: " الدَّقُّ : مصدر قولك دَقَقْت الدَّواءَ أَدُقُّه دقّاً ، وهو الرَّضُّ . والدَّقُّ : الكَسر والرَّضُّ في كل وجه ، وقيل : هو أَن تضرب الشيءَ بالشيء حتى تَهْشِمَه ، دَقَّة يَدُقُّه دَقّاً ودقَقْتُه فانْدَقَّ . والتَّدْقيقُ : إنعامُ الدَّقّ . والمِدَقُّ والمِدَقَّةُ والمُدُقُّ : ما دقَقْتَ به الشيءَ ؛ قال سيبويه : وقالوا المُدُقُّ لأَنهم جعلوه اسماً له كالجُلْمُود ، يعني أَنه لو كان على الفعل لكان قياسه المِدَقَّ أو المِدَقَّة لأنه مما يُعتمل بها ، وهو أَحد ما جاء من الأدوات التي يُعتمل بها على مُفعُل بالضم ؛ قال العجاج يصف الحِمار والأُتُن : يَتْبَعْنَ جأْباً كَمُدُقِّ المِعْطِيرْ يعني مِدْوَكَ العَطّار ، حَسِب أَنه يُدَقُّ به ، وتصغيره مُدَيْق ، والجمع مَداقُّ . التهذيب : والمُدق حجر يُدّق به الطيب ، ضمّ الميم لأنه جعل اسماً ، وكذلك المُنْخُل ، فإذا جعل نعتاً رُدَّ إلى مِفْعل ؛ وقول رؤبة أَنشده ابن دريد : يَرْمي الجَلامِيدَ بِجُلْمُود مِدَقّْ استشهد به على أن المِدقّ ما دققت به الشيء ، فإن كان ذلك فمدق بدل من جلمود ، والسابقُ إليّ من هذا أنه مِفعل من قولك حافز مدَق أَي يدُقُّ الأشياء ، كقولك رجل مِطْعَن ، فإن كان كذلك فهو هنا صفة لجلمود ؛ قال الأزهري : مُدُقٌّ وأَخواته وهي مُسْعُط ومُنخل ومُدْهُن ومُنْصُلٌ ومُكْحُلةٌ جاءت نوادِرَ ، بضم الميم ، وموضع العين من مفعلُ ، وسائر كلام العرب جاء على مِفْعل ومفْعلة فيما يعتمل به نحو مِخْرَز ومِقْطَع ومِسَلّة وما أَشبهها
10-16-2018, 03:42 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
حبابك مسلمي لعلك شديد تعرف الدقداق لامن تكون راكب في لوري شاحن طوب .. واللوري يكون شاقي طريق غير معبد وانت تكون دوبك ماكل ما مخلي شي مليان للسدادة ويقوم ينهزك تنزل عندك قطايع وفلايت وبطنك طامة تخيل الدقداق مرتبط لي بي سفرية لكركوج كم وسبعين معاي الوالد وانا طفل غر . مشينا في لوري شاحن طوب ورجعنا بي شاحن عيش زيارة للشريف محمد اللمين تلك السفرة ظلت راسخة في ذهني السفر بالليل الواطة باردة
10-16-2018, 04:12 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
😁 والله يا حفيظ معاك حق ... غايتو عدم الموضوع شامل الصفحة الاولي كلها مش بوستيك براهو ... ياخي أخير شراب العرقي اليومين دي من تصفح سودانيز .... جنكيز وكفيلو مع خاشقجي ومعتز .. بس تغمض وتنوم ...
10-16-2018, 04:21 PM
عبدالله عثمان
عبدالله عثمان
تاريخ التسجيل: 03-14-2004
مجموع المشاركات: 19192
من الواتس (خليتونا ذي اللوري لا نور لا بوري) عبارة جادت بها قريحة السلطان بحر الدين سلطان دار مساليت ردا علي سؤال من مدير المديرية لدارفور في زيارة للندن بعد الاستقلال(سلتان كيف هال سودان باد ما اهنا مشا)
10-16-2018, 04:40 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
وفي فترة السبعينات ديك، جارنا مسكين مرتو (في راس ليلتها) .. وبكريه .. وهو مسكين اول تجربة ليهو ومجهجه وحالتو بالبلا .. وتعال شوف النصايح .. وما يكضب واحد من الجماعه ويقول ليهو: امشي اشحد ناس خالد اللاندروفر بتاعهم واطلع بيهو مع الولية، ومن هناك وعلي الاسبتاليه😆
10-16-2018, 04:50 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
ههه ما يكون زلقتو في الشارع يا عثمان عندنا واحد في البلد والناس فقرا ومساكين خم الولية في صفحتو من اول الحلة لي طرفها وداها الداية دخل خلعة في الداية زاتا قربت تلد بدون 😆 حكت لي عمتنا طيبة لها الرحمة قالت لي اشوف الدوهمة نص الليل جايا علي هجمني الله يهجمو مافي حيطان والحوش قليبة شوك
10-16-2018, 05:01 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
هيثم يا غالي مافيش رغد مع الانحشارات الضيقة دي وغد وغد ........ واحد من حلتنا ركب مع سواق لوري للجيلي يجيبوا رغيف بالليل قبالر الظلط وكان الدقداق عظيمن وسواق لورينا عامل خط مع انو الرغيف دا دايرو عشا لمداحين وصاحبنا راكب وراء سالناه وقد رايناه يتجمع ويمشي متطاولن وعامل كموش يازول مالك رد محاولا الاحتفاظ بالنفس دا بطنه ما كموش وكدة: والله صاحبكم السكران دا مع الدقداق قرب يسهلني😂
10-17-2018, 09:43 AM
أيمن نواى على
أيمن نواى على
تاريخ التسجيل: 05-02-2015
مجموع المشاركات: 4327
بوست هادف وموضوعى جدا .. يملاء فراغات المنبر الجوفاء .. استراحة محارب وقت القيلولة عند شجرة الحردلوا تسمع كلاما شوشاى حلو .. بعد ما عد النجوم تب كملن فى نص الليل .. راح اتكاء انتى يا القمرا ما بشبهيها .. وين عيون المها والقوام الممشوق والخصر الناحل والوجنات النايرة .. احيييي انا من صدير الوزين .. انتى يا القمرا مدورة ذى صحن الصينى المطرقع .. فيكى جنس شنا .. لو شفتى حبيبتى تانى ما بتطلعى .. و نورك دا انا زاتوا ما دايرور احتفظى بيهو لى نفسك .. عشان كدة شايل بطاريتى فى يدى .. بسم الله نمشى نشوف اثر حبيبتى .. ياربى تكون مشت بى هنا .. ولا المويه دي تكون كشحتها هى .. ولا مشت الكوشة كشحت الوساخة .. هسى فى الكوشة دى نبدا من وين .. احسن نبدا من هنا .. امكن القى فردة جزمتا ولا قطعة منديل اصبر بيهو شوية ..بس دي بتكون فردة جزمتا ..مالو قلبى بدق كدة ذى دقداق لورى ابو سن ..الا دقداق القلب الله لا وراكم ليهو ..وين انتى يا حبيبتى .
10-17-2018, 08:42 AM
Kamal Alalla
Kamal Alalla
تاريخ التسجيل: 10-14-2018
مجموع المشاركات: 191
وعدم الملام هو كمان ملام يا سلام عليك .. يا سلام وعدم الموضوع هو كمان موضوع تعرف يا اب سن الدقداق مرات بكون رحمة ، مرة في رحلة الى عطبرة ومعاي بعض اصدقاء الجامعة قبل طريق عطبرة الخرطوم ( التحدي) يرى النور راكبين في البص دقداق زي الدقداق ..قوم يا السواق اطلع من الدقداق وخش في تراب (فرناقة ) وعينك ما تشوفش لانور ولا ضلام وامتلأت النخاشيش بالغبار الجماعة قالو للسواق يا زول احسن الدقداق .. يدقنا البلا الياخدنا.. صاحبي جمبي من اولاد الخرطوم قال لي الزول دا كان ماشي في شنو؟ قلت ليهو دي فرناقة .. قال لي يعني شنو فرناقة!! اول مرة يسمع بيها ويشوفا ويشمها.. عثمان بشرى قال: الارض فرناقة البيوت خلفيانه من اشواق مسافر عاد ومن نفاج حنين بفتح من زقاق فى اول الروح لى اقاصى الالفة والونس الطمى اناتيك الحجى البلدى والضحكة فى عافية آهل إتلموا فى طبقين بشارة عصرية البن المتنتن قريفة وبالاً على مد الخيال يسرح حدائق وكرنفال الشدر ود امو من ضلو البرك فى هجعتو الزرزور وعصفور الصبابة وهنن وضلّ زماننُ إنفهقن يشابن لى مقابض العافية ،،، لا إنّقشعت غيوم الحاجة لا مطرّ فرج نهقن يدارى جفيلن الديداب بلا الفاقة وموات اليومى ما صبن جروح والإنحباط والسهوَّ نافورة رتابة قدرك يعّبى الهين سعونك بالفراغ يوماتى والايام بقر متشابهة والمحصول سراب عُلوق الشّدة ما بنفع دواب يا طالما جاعت
10-17-2018, 09:14 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
تعرف يا دوك جار شقيقنا هاشم في العباسية من اصول جنوب سودانية اسمو (عبد الله ...... مين كدى دينق) وايام الفورة بتاعت الانفصال وطرد الجنوبيين وما ادراك, كان عندو ولدو عايز يدخلو المدرسة وطبعا الأسرة لاشافت جنوب ولا عندها علاقة. الراجل بعد ملاواة مع المدرسة قال رفضوا يدخلوا الولد نهائيا. قلنا ليه؟ قال: " والله لقوا (دقداق) كدى في آخر الأسم"
10-17-2018, 09:29 AM
Kabar
Kabar
تاريخ التسجيل: 11-26-2002
مجموع المشاركات: 18537
عارفني ، يا حكيمنا، بحب سمية الجوخ يا عبد الحفيض ..!
ودويم شات والركوب عجلات ،على قول حبيبنا الناضر هشام هباني ، بحبها تلك البقعة يا حبيب..حتى لو جابت ابراهيم غندور او عبد الحليم المتعافي او فضل المولى زنقار، او امير الحسن باكمبا..!!
لو ما عندك موضوع يا حكيمنا ، انا عندي موضوع يا عمك..!
فا شنو..ليما تهديدك..؟؟!!
يكيفني الترحيب بحبيبنا او شقيقنا او زميلنا كمال على الله..!! صاحب الإستقواء (الليلة يستقبلني اهلي)..واستقبال الأهل ذاك مكلف يا عبد الحفيض..بالجد مكلف يا عمك..!!
سلامات يا كمال علي الله..!!
وقول وراي لحكيمنا عبد الحفيض: ميل وعرج يااااااااااااااااااااخ..وكتر اغراضي..!!
كبر
10-17-2018, 09:30 AM
Hassan Makkawi
Hassan Makkawi
تاريخ التسجيل: 02-27-2008
مجموع المشاركات: 6157
اصدر وكيل نيابة امن المجتمع مولانا عبد الرحمن حسن العاقب ، قراراَ قضي بموجبه بشطب الإجراءات التي سبق وان اتخذتها شرطة امن المجتمع في مواجهة الوزير السابق / حاتم حسن بخيت الكلام ده صحيح ولا بتاع واتس سلام شيخ ابوسن
10-17-2018, 05:45 PM
Kamal Alalla
Kamal Alalla
تاريخ التسجيل: 10-14-2018
مجموع المشاركات: 191
واحد راكب طرّاحة * .. و قاعدة علي شمالو بنية سمممحة ... كل شوية يعصر عليها ... و بعدين يستعدل قعدته .. بعد العصرة التالتة البنية قالت ليو في شنو يا ابن العم ما لك كل شوية عاصر شمال؟ قال ليها : ما اللفة !! قالت ليو و ينها هسي اللفة دي ؟ أشر علي الشارع و قال ليها .... هديييك
* بمناسبة الطراحة ...
النميري رفع سعر الطراحة من المحطة الوسطى أم درمان للمحطة الوسطى بحري بقاها ٤ قروش و نص
التكاسة ده كان اجمل قرار بالنسبة ليهم لأنهم بنوموا بالتعريفة ... و الناس بتقول بسيطة و تخليها ...
صاحبنا شيوعي و منضمة ... نزل المحطة الوسطى بحري و ناول السواق شلن السواق عمل نايم ... سالو من الباقي ... السواق قال في أزمة تعاريف و ما عنده باقي .. صاحبنا رجع كراع جوة العربية و خت القزاز تحت اباطو و قال للسواق اها .. حسة حتتصرف كيف ؟
بالله بعد ما قريت الكتبتو قربت امسحو شنو تعريفة و شلن و طراحة ...
قال كم لبثتم ...!!
10-18-2018, 06:06 AM
معاوية الزبير
معاوية الزبير
تاريخ التسجيل: 02-07-2003
مجموع المشاركات: 7893
Quote: سالو من الباقي ... السواق قال في أزمة تعاريف و ما عنده باقي .. صاحبنا رجع كراع جوة العربية و خت القزاز تحت اباطو و قال للسواق اها .. حسة حتتصرف كيف ؟
ديالكتيك الكلمة دي زاتا ضيفها للتعريفة والطرحة
وبالمناسبة -طالما البوست بلا موضوع- لماذا لم يتغير اسم المحطة الوسطى هل لا تزال وسطى؟ يا يتغير الاسم يا يتغير المكان.. ما ممكن كده
10-18-2018, 06:35 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
في معادلات سودانية غلبني افهمها المولانات المسجلين رسميا كمولانات .. يعني امام جامع ومعلم خلوة يقوم يغتصب طفل او طفلة وبعدينك تلقاهو مجنن الناس جن عن الفضيلة ولا وكيل النيابة الاعتقل ويني قال قاعدة تقلب ؟! دة طوالي بقودني للناس البتدين اللبس حق البنات لأنو بس يكون اثارهم ..يقوم يخلو اثارتهم ويشبكو في الاخلاق لو للاثارة كمقياس هسة البغتصب طفل دة وين الاثارة في شكلو ولا لبسو ؟
10-18-2018, 06:49 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22961
آي جانا الصقط علا الزيفة متأخرة قالوا واحد عوير من اسرة ثرية جدا مافي بت قبلت بيهو من معارفهم مشو خطبو ليهو من حلة بعيدة . واداهو اوامر ما ينضم يسكت بس مشو بي قضهم وقضيضهم 😆😆 راكبين ولابسين مما ينم عن سعة ثراؤهم وعلو منزلتهم والامر قرب يتم علا خال العروس مسنوح ومصلت احس ان وراء الاكمة ما وراءها 😆😆 تكل جميع العريس يفتشو وقالوا الانسان بأصغريه قلبه ولسانه 😆 قام سألو دحين الصيف ما خش ؟ فرد العريس بالايجاب - عرفتو كيف ؟ قال ليهو ..... عرقت 😷😷😷
10-18-2018, 08:53 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22961
نسينا نسلم عليك حكيم المنبر وعلى ضيوفك الكرام . كيف الحال والاحوال مع المدة الطويلة التى لم نراك فيها .. اذا سالت عننا نحن بخير وعافية.. و إذا ما سلت عننا نحن عارفنك مشغول بى بوست عدم الموضوعية .. دا الموضوعنا الجابنا داخلين فى البوست .. ذى جلسة الجودية لمن تكون ما فى مشكلة . لكن الهلال والمريخ حريفين فى اللعب الواحد يشوت الكورة و يسبقها يخلى الكورة وراهو ويمشى يبشر للفنان والناس ترقص. جنس رقيص .. العميان شايل المكسر ماشين الاستبالية .. هو انتوا قايلين العلاج دا ساهل .. والعجب لمن الفنان يقول يا ليلى ليلك هووى .. عينك ما تشوف الا النور .. لو ما سد مروى دا الناس كان نفسها أسدت من العرس مع غلاء المهور و دلع الشباب الواحد يقول داير يقرأ الجامعة .. الجامع مالو فيهو امبعلو .. الخلعة الدخلت فى الشباب من زمن الخلاوى ما مرقت مشت لى جارتها قالت ليها انا ماشه اكلم ابوى العمدة ..كلمتوا كلام كتير .. قال ليها خلاس سمح .. قالت ليهو انت اسمح منه .. لكن انا مجبورة اعمل شنو .. ومرقت منه ذى الشعرة من العجين وسادة دى بىطين و دى بى عجين .. عدم الموضوعية يعلم المشاط فى رؤس اليتاما ..ذى كلام الطير فى الباقير المصانع كلها اتقفلت .. قالوا دايرين ينقلوها الحيصاحيصا يلقطوا منها الحصحاص يبنوا بها البنية التحتية شوارع زلظ وكبارى.. الكبريهات فى مصر سمحة سماحة تاكل كابوريا لمن تقول بس .. توديك سقط لقط تلقاها باردة ومره .. انتوا برضوا الشتاء عندكم نزل .. بس ما يكون مشئ محل تانى دقس فى الطريق واقف براهو والهم عصف .. ذى ضلنا المرسوم على رمل المسافة وشاكى من طول الطريق .
10-18-2018, 01:13 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
هههه يا نواي يا زول ولا تشتغل بالبنا ولا البناول الطوب عوس عوسك المطرة صابة وشيل خرطوشك ورش قدام البيت الموية دافع تمنها والبيت بيتك الفكرة في الرش احسان عبدالقدوس عندو قصة قصيرة فيها رمزية ساذجة انو واحد اشتري منظار ضخم جدا وختاهو في راس العمارة . ويجي من الشغل يتفرج علي كيلومترات بعيدة . وهو آمن المنظار فيهو رؤية ليلية 😆😆 اها ادمن القصة من الشغل يجي جاري للمنظار وكل يوم قصص جديدة ومثيرة انتبه ذات سنة 😆😆 ان صار كهلا واعزبا ووحيدا
10-19-2018, 05:21 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
النقول الحكومة دي كلها بقت نسوان . ممكن طبعا . هسة معظم المعلمين نسوان . والرجال يا هاجرو ولا اغتربوا ولا ماتو في الحروب 😆😆 كدي نفترض كدة وممكن طبعا مش قالو وزير الدفاع ولا شنو ما بعرف انتاية وين كدة المهم النظام العام بقا نسوي واسمهم نسوان النظام العام نقرا في الميديا ان فلان قبضوهو نسوان النظام العام بزي فاضح . وواحدة ناشطة ماخدة صورة منو وهو لابس لباس قصير بس وبدفق في موية البلاعة في الشارع 😆😆 وتهيج الاسافير في لبس ناس الرياضة 😆😆 مفروض بنطلون وفضفاض تحت الركبة بي خمسطاشر سنتي وفنلة ذات اكمام تحت الكوع بخمسة سنتي وتكون واسعة 😆😆 ولا صورة لي فنان لابس كباية ومحزق تبين محاسنه الذكورية 😆😆 تجي مارق من البيت المدام تمنعك .. تقول ليك اتيمنت واتنضرت نضرا سدادو عمرو يا تغير ولا ما تمرق ونعمل نظام ماسكيولانزيم بدل فيمنيزم ونطالب بالمساواة 😆😆😆
10-19-2018, 05:57 AM
جلالدونا
جلالدونا
تاريخ التسجيل: 04-26-2014
مجموع المشاركات: 9387
الليل ارخى سدوله و عبق الطلح ينساب عطره من كل بيوتات الفريق فالليلة ليلة خميس و اول شهر زينة جات تتبختر فى غلالة ناعمة و ضعت طيّب الطعام امام زوجها ثم اشعلت بخور صندل و انداحت همسا و باعذب حروف تناغم رفيق عمرها فجأة وقف لورى قدام البيت و دخل الضيوف صاح زوجها مرحبا بسواق اللورى وضيوفه هلا بخميس زينة فى داواخلها ردّدت يخمّسو فيهو القيد
حكي عمنا في السوق اكس واي زد فقال من ألقا الدخاخين عاكلة من الشارع . بقول للشفع طلعو لي عنقريبي في نص الحوش . وقجو لي ناموسيتي وختو لي كوريت لبني بمشي الجامع اصلي العشاء وارجع اشرب لبني واخت عكازي تحت العنقريب واقول تعباااااان وداير انوم . وحات الله البجيني الا يسبقني سبق
10-19-2018, 07:03 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
يا جلال اظنو نزار قباني قال فيما معناه لو وقعت السماء يوم الخميس لسندتها سيقان النساء العربيات انسي قصة عربيات دي ما تدخلنا في زنوج ممزوجة بي دم العروبة وكدة المهم كما اقول دايما نحن شعب مؤدب نمارس العهر بي ادب صحي نمطين ومفروض نطلع من نمطية الخميس دي ياخ شوية
10-19-2018, 07:25 AM
عثمان علي
عثمان علي
تاريخ التسجيل: 06-07-2018
مجموع المشاركات: 190
و مالو يا حفيظ .. نطلع من نمطية الخميس تصدّق يسرا لهلوبة الجمعة و السبت و الاحد و الاتنين و التلاتاء لى حد الاربعاء بقت عجوز و تمثّل دور الام امّا نادية الجندى الغنماية تاكل عشاها و الاهم من كده ست شاى جديدة كتبت عدم الموضوع مشكلة
10-19-2018, 11:03 AM
أيمن نواى على
أيمن نواى على
تاريخ التسجيل: 05-02-2015
مجموع المشاركات: 4327
هئ هئ هئ حفييييييييييظ .. نزار دا زول مسخوط .. دا سر بيدفنوا اثنين سوا .. كل الناس عارفين السر دا وعاملين نائمين .. هو يبحت يخلط شغل السايكولجى مع الاركولجى ..انا كنت قايل الفقرا بشيلوا الفاتحة يوم الخميس تارى هم متكلنها بالشعب وقال يخرج منه شقائق النعمان .. فى النهاية كلو أجر ..
10-19-2018, 02:15 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
حكى لي ضديقي قال لي يوم الجمعة الصباح قبل ما اقوم من سريري جاني ولدي قي سابع ابتدائي خاشي في اوضة النوم قال لي يا ابوي اغتسلت؟ قال راسي بقى كبير وطيرت عيوني وقلت يار ربي الولد المسنوح دا افشنا.. قال قمت قلت ليهو لا ليه أغتسل؟ الولد قال ليهو الاستاذ في المدرسة درسنا انو من موجبات الغسل نوم الرجل مع زوجنه ..بس درسم ليها كدا raw مجرد النوم .. بدون احححي
10-19-2018, 08:51 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
يوسف تامبيرة لطيف الحلة مرتو جنها شيوخ وفقراء جاتو بي فرح طفولي وقالت ليه(مشيت لي شيخ الخدام وقال لي عندك الجن الاحمر الاخدر ام الصبيان ما متذكر) واربعين يوم ما تقربي الراجل ! قال ليها تامبيرة وانا اديتك اربعين يوم فبهتت التي كانت حا تستفزو 😂😂
10-20-2018, 07:21 AM
أيمن نواى على
أيمن نواى على
تاريخ التسجيل: 05-02-2015
مجموع المشاركات: 4327
عدم الموضوعية .. ذى الزول السايق ليهو عجلة فى الكبرى وطالع العلالى ونفسوا قايم .. وفجأة يهبط هبوط اضطرارى .. الجامبو لمن نزلت فى مطار الخرطوم كسرت كل الشبابيك والابواب..المطار ضيق شديد .. لمن قامت الطيارة شالت الزلط .. ولملموا كل العدة وباعوا البيت ...قالوا مسافرين .. شاقى الدريب وشايل المحنة فى كتفوا وحايم لمن فتر رماها فى الواطة قال آه تعبت .. الناس شالت بى صوت واحد وراء الفنان آه آه آه تعبت .. لكن عمك راجع البلد منتظرنوا فى أحر من الجمر وريحة الشية ضاربة المكان .. و دخاخين الكباريت مولوله سير سير ياعريس .. الما ضاق يضوق السيرة .. اتلفت قال ليها ادونا قندكم ..قالت ليهو وين ..قال ليها فى رياض الجنة ندق ونديكم ابيتوا تدونا كاروشة تمسكم . الله يستر .. كان ما اخاف الكضب السيل عدى خور ابو عنجة .. كان ما لحقتوا ترستوا بيصل الدبة .. الله يكضب الشينة .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة