|
|
|
 Re: الجلد في الحفلات (Re: عبدالحفيظ ابوسن)
|
منذ اكثر من عشرين عاما بقيت ما زول حفلات . ولا مجاملة زاتو
المهم
هسة جاي من حفلة . الحفلة بأمر السلطات بتنتهي عشرة
حضرتها لظروف خاصة جدا .
الحفلة بي فتانة وساوند يقد الاضان يجعل تبين الكلمات صعبا
ما لفت انتباهي جدا ان الفنانة لا تفتأ تذكر اسم قبيلة العريس في كل اغنية . بتحشرها حشر
وكل مرة واحد من اهل الحفلة يوسوس ليها في اضانها وتجيب قبيلة جديدة
طبيعة الحضور من الجانبين شباب دون الخامسة وعشرين . الناس الزي ديل قاعدين في مكان منفصل . ما بنقوم الا يجينا العريس ولا ابو العروس ولا من هم في سننا . ابشر .. ابشر
مرلت يجروك تخش وترجع قبل تصل الدارة العجاجتها رابطة فوق
| |
 
|
|
|
|
|
|
|
|
Re: الجلد في الحفلات (Re: osama elkhawad)
|
مرحب استاذ الخواض
شباب صغار جدا . ثقافة مختلفة وناس مدن متعلمين
بصرو بشكل هيستيري ينجلدو
امر محية
لابسين لبس عصري وموضة
وشعرهم زاتو موضة
موبايلات حديثة بي سماعات من كل نوع
ودايرين ينجلدو
| |
|
|
|
|
|
|
|
|
|
Re: الجلد في الحفلات (Re: عبدالحفيظ ابوسن)
|
دة شنو دة ؟ ردة ثقافية ام تراجع وعي في المدن ؟
ذكر القبيلة والجلد
لامن الفنانة تذكر اسم قبيلة الزغاريد والكواريك
وانا متأكد تماما مافي زول فيهم يتبع لسلطة قبيلة ولا توجد قبيلة بمعناها الواضح للقبيلة . يعني عمدة ولا ناظر ولا اوامر ولا تراث قبيلة
| |
|
|
|
|
|
|
|
|
|
Re: الجلد في الحفلات (Re: Arif Nashed)
|
يا حفيظ
سلامات
علما الاجتماع والنفس من العلوم الاجتماعية المهمة في مقاربة الظواهر الاجتماعية......
في السبعينيات والثمانينيات كانت الطبقة الوسطى العليا في الخرطوم هي التي تحدد الموضة "الشارلستون، التفة، القمصان المشجرة، الدبابة، لبس الدمورية، تموت تخلي".....
الآن بحسب حدسي الاجتماعي ممثلو الطبقة السائدة "الطفيلية" هي التي تتولى زمام تحديد الموضة في شروط اسلامية متشددة...
فهذا لا يعني عدم وجود تفسيرات أخرى ...
| |
|
|
|
|
|
|
|
 Re: الجلد في الحفلات (Re: osama elkhawad)
|
Quote: مرحب استاذ الخواض
شباب صغار جدا . ثقافة مختلفة وناس مدن متعلمين
بصرو بشكل هيستيري ينجلدو
امر محية
لابسين لبس عصري وموضة
وشعرهم زاتو موضة
موبايلات حديثة بي سماعات من كل نوع
ودايرين ينجلدو |
ديل اهلي دار جعل البقيف وسط الدارة وأقول ديل اهلي
اسيادة السيادة والسمتة والكرامة والعزة والشجاعة والسيط
ديل اولاد عز الرجال يا ود ابسن
واحمد الله أني جعلية
| |
|
|
|
|
|
|
|
|
|
Re: الجلد في الحفلات (Re: Ashraf El Bagir)
|
الجلد يا ابوسن عندنا ذى الكسري وام رقيقة .. تلاقيها موجوده عندنا حتي مع اطيب الاطايب وفي افخم اقصور
لا اعتقد ان الجلد يختفي من الجعلين حتي بعد الف سنة
واضيف ان الجلد ليس حكرا علي قبيلة الجعلين فقط
| |
|
|
|
|
|
|
|
|
|
Re: الجلد في الحفلات (Re: وضاحة)
|
سأعود للرد الراتب
يا وضاحة الجلد في السودان لا يخص قبيلة واحدة . بل هو تراث شاهدته سابقا عند كل القبايل كمفهوم للرجولة
مفهوم الرجولة في ظني لا يعني تحمل السوط وجلده
بل الرجولة في تحمل المسؤولية واغاثة الملهوف وسداد الرأي . الرجولة في الاحساس بالغير
الجلد عقوبة . اذي .. في كل تاريخ البشرية كان الجلد عقوبة بدنية ونفسية
فهو امتهان لكرامة الانسان
ذات الذين ينجلدون في الحفلات يرفضون الجلد في المدارس
يا وضاحة الفخر بالقبيلة يعني الموافقة علي نظام القبيلة
نظام القبيلة كتشكيلة تاريخية فهو نظام متخلف
يعرقل كل مجهود في التحول لدولة مدنية
العز بالمواقف المشرقة الفردية والجماعية . بل العمل الصالح من اجل المجموعة بتجاوز الانسان للدوائر الضيقة
قيل
الداب نفسو قصر
| |
|
|
|
|
|
|
|
|
|
Re: الجلد في الحفلات (Re: عبدالحفيظ ابوسن)
|
البطان يا حفيظكو .. الديامة نقلو من شندي لي كوستي اهلي ناس ديم القراي هههههه
في عرس نزار اخوي اتكبعو كبع ... وتفتح خشمك بطلعوك كعب ههههههه
واحد داير ينجلد امو حلفت عليو شافع كده وحنسا يا يمة اعفي لي ويرجف كان ما جلدو ما بتفك الخرمة دي
| |
|
|
|
|
|
|
|
|
|
Re: الجلد في الحفلات (Re: معاوية الزبير)
|
فعلا عارف . القونة بتلعب صالح جيبها
لكن واضح انو دة استغفال ومخاطبة لاحاسيس بدائية عف عنها التاريخ
الواحد بحزن جدا لامن كان بشوف زي مقطر علي اسرته في المعيشة ومقصر من الواجب ويقول ليك فك ربطة وشتتا في الفنانة
محتاجين بالجد نتجاوز السلوك الطفولي البدائي دة . من المعروف ممكن تخدع طفل بالثناء عليه ليقوم بعمل
| |
|
|
|
|
|
|
|
|
|
Re: الجلد في الحفلات (Re: عبدالحفيظ ابوسن)
|
يا خواض المسائل بقت جايطة
العولمة وانفتاح الفضاء العالمي ميع الواقع الاجتماعي زاتو
لا انكر دور الرأسمالية الطفيلية الاسلاموية كمؤثر في المظهر بالذات عند الذكور
طريقة تفصيل الجلابية والعراقي والالوان الزاهية البراقة . شكل العمة وطريقة اللبس . عمة ومعاها ملفحة تحدد القدرة المالية ورهافة القماش زاتو مما يشف عن داخلة .
عند النساء ياها ربطة الراس بس
وخارج الثقافة الطفيلية تقليد الممثلين الاجانب ولاعبي كرة القدم في قص الشعر والملبس
والاهتمام الزائد والمهووس بالمظهر لدرجة برامج تلفزيونية عالية المشاهدة . ومتخصصي مكياج في المدن للاناث والذكور
| |
|
|
|
|
|
|
|
|
|
Re: الجلد في الحفلات (Re: عبدالحفيظ ابوسن)
|
تحياتي اشرف والطيب
الجلد عادة سودانية قديمة جدا . ويا الطيب اظنها قبل ان يستقر اهل ديم القراي بكوستي . وكما ذكر اشرف وذكرت سابقا فهي لا تخص قبيلة محددة
الطبقة المستنيرة من ابناء الوطن في السابق كانت تنهاضها . وتعمل لابطالها غض النظر عن القبيلة وفي ذلك وعيا متقدما
ولكن ان تعود ثانية ومن قبل شباب صغار لا يشبهون تلك العادة لا سلوكا ولا سمتا ولا ثقافة فهي ردة . ردة ثقافة وردة وعي في نظري
دعك من تطور العلم والحديث عن نقل الامراض التي تنتقل بالدم . او تعطيل المجلود عن عمله فقد يلتهب الجرح او يتأخر شفاؤه
كمغزي فهي لا تعني رجولة وشهامة
بل انه انه يتحمل الجلد والجلد يمكن ان تتحمله المرأة مستصحبا معي معني الرجولة والشهامة !
| |
|
|
|
|
|
|
|
|
|
Re: الجلد في الحفلات (Re: عبدالحفيظ ابوسن)
|
هههه يا معاوية اصلي ناكرك
في قروب مع ناس دفعة احمد اخوي واكبر مطلعني كومر ياخ
الاشكالية اني بحب كوستي وحكاويها بس
حكاويها ممكن اكون سمعتها من ابوي مثلا او جدي
| |
|
|
|
|
|
|
|
|
|
Re: الجلد في الحفلات (Re: محمد حمزة الحسين)
|
Quote: شباب صغار جدا . ثقافة مختلفة وناس مدن متعلمين
بصرو بشكل هيستيري ينجلدو
امر محية
لابسين لبس عصري وموضة
وشعرهم زاتو موضة
موبايلات حديثة بي سماعات من كل نوع
ودايرين ينجلدو |
يا حفايظ كيفنك...
يا حبيب الريف و التريف أم السودان بت عم ابوه.
| |
|
|
|
|
|
|
|
|
|
Re: الجلد في الحفلات (Re: سفيان بشير نابرى)
|
ود أب سن وضيوفه الكرام
التحيات الطيبات
أظن أن للوضع الاقتصادي الراهن تأثير في عودة عادة الجلد بقوة
بين كل المجتمعات المتحضرة والبدوية.
العطال كتر بين الشباب فبقو يفتشو عن أي حاجة تلهيهم.
وكذلك كثر التفاخر بين الشباب بهذه المسألة وانتشار الفهم الخاطئ لمفهوم المرجلة.
ولكن نقول أن للعطال والتسكع المستشري في أوساط الشباب دور كبير في تزكية وإضرام
نيران مثل هذه العادات.
| |
|
|
|
|
|
|
|
|
|
Re: الجلد في الحفلات (Re: Faisal Fadhlallah)
|
عندنا في واوسي
هسع الاولاد بباطنوا
تلك العادة اختفت قبل تلاتة اجيال تقريبا
نحن والجيل القبالنا والاقدم
مافي اي بطان
نلبس الجنز
وناخد كاس واحد
ونسكسك
ونغني ونفرح
دا في الحلة
في القرى المجاورة ناخد الكراسي في اخر الصفوف ونقرب نتبلم!
ونسمع الاغاني ونعاين للجكس
وننبسط ونرجع والليل لم يعد طفلا يحبو،
هسع الحفلة في اي قرية
سكر تقيل
وبطان اتقل
ياخ هنا في الرياض في مناسبة عرس
السوط لعلع
انا غايتو صورت بالموبايل
ومسكت السوط في لحظة ما من العريس
لان الولد الراكز ضعيف جدا
والعريس ماشاء خشب وملان
..............
الاولاد المدورين البطان دا
متاكد جدا ان اباءهم ما باطنوا
جدودهم ربما....
| |
|
|
|
|
|
|
|
|
|
Re: الجلد في الحفلات (Re: عبدالمنعم الطيب حسن)
|
تشكر محمد
يا سفيان اهو دة من امراض الدول ترييف المدن
ومشكلة صارت عامة
تضاءلت الخدمات وصعبت في القري والمدن غير مؤهلة
اضف لذلك ياها ثقافة الحكام الحاليين
ياها عرفتهم هم زاتهم لم يرتفع سوي نمط معيشتهم بمقدار ثقافتهم للحياة . ياكلو لحمة كلو يوم ضابحين ويركبو عربية سمحة وبيت سمح ويعرسو
| |
|
|
|
|
|
|
|
|
|
Re: الجلد في الحفلات (Re: عبدالحفيظ ابوسن)
|
عذرا
محمد المكي
وليس الفيتوري
تآكلت الذاكرة
"هزّي إليك بجذع النبع
واغتسلي
من حزن ماضيك
في الرؤيا وفى الإصرار
هزّي إليك بأبراج القلاع تفيق
النحل طاف المراعي
وأهداك السلام رحيق
الشرق أحمر
والنّعمى عليك إزار
نجري ويمشون للخلف
حتى نكمل المشوار"
| |
|
|
|
|
|
|
| |
عبدالحفيظ ابوسن
osama elkhawad
Arif Nashed
وضاحة
Ashraf El Bagir
الطيب عباس
معاوية الزبير
محمد حمزة الحسين
سفيان بشير نابرى
عبدالمنعم الطيب حسن
فيس بوك
تويتر
انستقرام
يوتيوب
بنتيريست