|
|
|
 Re: هههههه (Re: زهير عثمان حمد)
|
تشكر زهير
قبل فترة واحد قال الشمس دى حقتو . اظنو امريكي
شفت الحقوق دي كيف 😆😆😆
من اطرف ما نقل عنه بعد بقا قصة تتناقلها الصحف والمجلات . الوقت داك مافي نت
من الطرائف سألوهو عن حقوق الملكية
سألهم
سمعتو قبل كدة زول قال الشمس دي حقتو ؟
قالوا ليهو لا !
قال ليهم
بس لأنها حقتي
| |
 
|
|
|
|
|
|
|
|
Re: هههههه (Re: معاوية المدير)
|
ود المدير يا صاحب
قال الشاعر مصطفي سند
يقول لى ان مات فى عينيك ظلهم
وسافر النهار
لا تلعن الزمان والسنين والأقدار
لا تبك فالذي ينام فى الأبريق من خزين الصيف
دمع هذه البحار
يقول لى إن مات فى عينيك ظلهم
إياك ان تحدث القساة بالهوان حين يعتريك
لان من يحس ضعفك الذي تحس
يزرع المدى موانعاً ...قطيعة ...ونفرة ليتقيك
خلي دة كلو يا مدير واقرا
لا تحدث القساة بالهوان
ولا اقرأ للقدال
طريتك ليل وبرقا في المشارق لال
وبلل العينة زي دمعي المحقن شال
طريت الطيبة طيبة امي
طريت فرحي وطريت المي
وطريت همي وريدة اهل الفريق للقال
طريت الناس وظلم الناس
رضيت يا دنيا شلت احزاني فوق الراس
اكان يا دنيا تنجمي
قالو البسمة للتانين ودمعك ليك وبيك وناس
وعرق الطيبة عند اهل الحنين دساس
| |
|
|
|
|
|
|
|
|
|
Re: هههههه (Re: عبدالحفيظ ابوسن)
|
ودابوسن دائما ضاحك إن شاء الله
فى بوست ضحكني من الصباح فى الفيس واحدة بتقول مفروض نشيد العلم حقنا يكون اغنية ابطال الديجيتال مسلسل اطفال
فى فخ غريب وقعنا فى عالم الاشرار ضعنا ............. كيف الخروج كيف الخروج ومن اين الطريق ؟
| |
|
|
|
|
|
|
|
|
|
Re: هههههه (Re: Khalid Abbas)
|
ياخي زول الشمش دا القال حقتي ,انا عندي جد عند مقولة قريبة من دي ومفروض تتناقلها الاخبار
لكنو راجل مسكين.
مرة الناس قدام دكان ابزيد ود احمد ينضمو ا عن كروية الأرض والكواكب والشموس والكون قام دق عكازو فرق
كرعيه وقال: " دا هنا نص الواطة(الأرض) والمغالتني اليضرع جاي ويضرع جاي"
| |
|
|
|
|
|
|
|
|
Re: هههههه (Re: عبدالحفيظ ابوسن)
|
حكو في رفاعة
واحد جاب ليهو زول يحفر ليهو بير . ومقاس البير زي ما عارف بقيسو عمقها بطول الراجل زمان . لا متر لا ياردة
يقول ليك بير كذا راجل
ااها بعد انتهو من الحفر جو يحسبو العمق . سيد البير مكر قال خمسة رجال والحفار قال تمنية . سيد البير عشان يحسم الغلات جاب زول طويل جدا وقال ليهو نحسب بي فلان دة
الحفار قال ليهو
هسة انا مستعجل بجيك بعدين يا باكر ومكر برضو
العصيير جاب ليهو اقصر زول في رفاعة واشعت زول وجنو مشاكل
خلاس نقيس بي فلان دة
سيد البير اخد ليهو صنفة لحقو الحفار قبل يفكر في مخارجة
نقيس بي فلان دة ولا كمان اكان ماشايفو راجل قول لينا 😆😆😆😆
| |
|
|
|
|
|
|
|
|
|
Re: هههههه (Re: Hassan Makkawi)
|
ابوسن سلامات
هاك البسمة دي
مسطول خطب خطبة الجمعة وبعد ما انتهى قام سأل صاحبو ...اها لقيتنى كيف ؟
صاحبو قال ليه تمام بس عندك عشرة أخطاء
أولا : المنبر عندو سلم ما كان فى داعى تتلب
ثانيا :حكاية السيجارة بين الخطبتين ماليها لزوم
ثالثا: ما سمعنا بصحابى اسمو فتحي
رابعا : ابوجهل صح كافر بس ود الحرام دى مافى ليها داعى
خامسا: الملك فهد ما شارك فى صلح الحديبية
سادسا : غزوة الخندق ما استعملو فيها الاسلحة الكيماوية
سابعاً : عيد رأس السنة ما فيهو خطبة عيد
ثامنا : السفة فى نص الخطبة ما حبابا
تاسعا: العارف عزو مستريح ده مثل ما حديث شريف
عاشرا : امية ابن خلف صحيح باع بلال لكن ما لى ناس ريال مدريد
| |
|
|
|
|
|
|
|
|
|
Re: هههههه (Re: Ashraf El Bagir)
|
| Quote: تاسعا: العارف عزو مستريح ده مثل ما حديث شريف |
سلام،،
دي قالها السيد جمال الوالي في لقاء تلفزيوني، قال نصا
"وزي ما قال ربنا في كتابه (العارف عزو مستريح)"
| |
|
|
|
|
|
|
|
|
|
Re: هههههه (Re: عبدالحفيظ ابوسن)
|
ياهو البضحك يا المعز ويوجد اكثر من مثال . يعجبك لبسهم وسمتهم ولكنهم خشب مسندة
يتلقون المعرفة سماعا . فلايدرون اهي قافا ام غينا
حديثا ام آية
يظنون انهم يخدعون الناس ولكنهم يضحكونهم
وآسف يخدعون ليست صحيحة ففي الحقيقة انهم لا يعرفون ويظنونها حقيقة
| |
|
|
|
|
|
|
|
|
|
Re: هههههه (Re: تماضر الطاهر)
|
ههههه والله ضحكت عديل كدة يا تماضر
وشوفي الذاكرة بدون سبب ذكرني بيت لحميد
يا بوليس امك مسكينة
واستعين بالضحك احيانا من سخرية الاقدار
| |
|
|
|
|
|
|
|
|
|
Re: هههههه (Re: عبدالحفيظ ابوسن)
|
اظن تعريفك لمقاس الراجل غير دقيق يا قريبك
ما بالطول بل بالمسافة بين الكفين عند مد الذراعين افقيا كما في الصليب
و الله اعلم
| |
|
|
|
|
|
|
|
|
|
Re: هههههه (Re: محمد البشرى الخضر)
|
قد يكون ودو
واظن انهم بقولو طول الرجل يساوي طول مسافة بسط يديه
بعدينك يا ودو دة ما تعريفي 😆 دة جا مع القصة الحكوها لي
برضو بقيت تقرا غلت 😆😆
| |
|
|
|
|
|
|
|
|
|
Re: هههههه (Re: محمد حيدر المشرف)
|
والطير يرقص مذبوحا من الالم يا صديقي
هذا زمان الفاجعة يا مشرف
زمن الخيبات
الهزيمة
ما اسوأ من ان تهزم من داخلك !!!؟
لاشئ يساوي الفجيعة . الفجيعة لا ثمن لها سوي القهر .. القهر بالدارجية والفصحى
ألم يقل
واقف براك والهم عصف
و
سيشرق الصبح رغم جحافل الظلم والظلمات
فطوبى للغرباء
| |
|
|
|
|
|
|
|
|
|
Re: هههههه (Re: حاتم إبراهيم)
|
مرحب حاتم
وكتر خيرك
لكن دي لغة صعبة خلاس لم اعتادها
بل اعتدت التجاوز والترفع والتجاهل والانصراف لما يهمني
ولكننا بشر !!
| |
|
|
|
|
|
|
|
|
|
Re: هههههه (Re: عبدالحفيظ ابوسن)
|
زمان استاذ الحغرافيا في الجيلي الثانوية
ابنعوف من الخوجلاب له التحية
قال لينا:
لو انسان تحرك بالة تسير بسرعة الضوء من الفصل دا
بعد اربع وعشرين ساعة بكون هنا في الفصل دا ذاتو
وعندما راى عدم تصديقنا للحكاية
قال المكضب كلامي دا يجرب بس...
وواصل في الحصة عادي؛
.........
في الجيلي الثانوي حاولنا ان تقنع المدير بامر ما
ولما شاف اكترنا كلامنا قال له:
با ابني ما تتعب نفسك ساكت وتحاول تقنعني بالكلام انا عندي دبلوم في اللغة العربية؛
المدير كان لقبه الرسمي عند الطلبة الحجاج
......
عمنا الباجة غفير المدرسة الجيلي الثانوية؛ وقد سالناه ان كان حضر حفلة امس بحمد الريح
قال والله ساهر بي في سريري
الليل كلو ينبح النخوووول النخل والطير يوجوج
......
الكوز الشايل في ايدو قلم
كتب على الجبهة احب الوهم....
تحويرا لكلام محمد مدني
التيس الشايل في ايدو قلم
كتب على الزريبة احب الغنم
......
ابوسن حبيبنا تسلم؛
| |
|
|
|
|
|
|
|
|
|
Re: هههههه (Re: حاتم إبراهيم)
|
| Quote: لو كنت مكانك لما وضعت قيمة للبهيمة. |
إنت تطلع منها خالص يا ############،
نحن بنعرف كيف ندآوي جروحنا ...
| |
|
|
|
|
|
|
|
|
|
Re: هههههه (Re: معاوية المدير)
|
الكلمة المشطوبة يا الرِمّة حاتم لو عايز
تعرفا قوّل عُووووك .
إنت من متين بتدخل بوستات زي دي ؟،
جِيّت تبغي الفتنة يا حقير ...
| |
|
|
|
|
|
|
|
|
|
Re: هههههه (Re: معاوية المدير)
|
اقسم بالله العظيم متوقع دخولك فى سوء التقدير فى القرايات بين اب سن و كبر
و بخباثة كمان ... لكن ما قدر الخباثة دى
| Quote: لو كنت مكانك لما وضعت قيمة للبهيمة. |
خباثة منتنة تجول مجال النَفَس فى النفسِ
____
يا عبد الحفيظ سورى ليك ما دام بيتضامن معاك نوع الخبيث ده
ما داير معاك تانى
| |
|
|
|
|
|
|
|
|
|
Re: هههههه (Re: جلالدونا)
|
تحياتي مدير وجلال
وهل انا اقصد كبر تحديدا ؟
لو كنت اقصده تحديدا لكتبت له في بوسته !
انا لا اقصد احد بالاسم
وارجو ان لا يتحول البوست لمارثون ردود و ردود مضادة
خلونا نضحك ياخ
نضحك علي مأساة الحوار بيننا الذي يتلبس قراءة النوايا ويستبق الظنون ويصدق الوهم
الحوار الذي يقلب الحقائق
الحوار الذي يحول الضحايا لجلادين
ويقول للمصلوب من اجل حقه في الحياة
اعدل رقبتك عشان منظر السلفي
اعدلها وماتخليك اناني
| |
|
|
|
|
|
|
|
|
|
Re: هههههه (Re: عبدالحفيظ ابوسن)
|
يا اب سن انا اقصد الصورة الكبيرة
بوست ود البا وقة و قريمان
و بوست هروب ود الباوقة
و بوست كبر
كان سوق للتعرّى الكامل و قد كان
و تربة خصبة لكل متصيّد لنفث خبثه و لؤمه و برضو قد كان
و لولا خبثه هنا لوقفت موقف القارئ المتبسّم
| |
|
|
|
|
|
|
|
|
|
Re: هههههه (Re: جلالدونا)
|
هههه
حبابك منعم
كما يقول اهلنا في المثل
الحنين فيهو رحم
وعما لينا يقول ليك
الراجل لو مافيهو رحم بلد كيف
تخيل كنت بفكر فيها وانا طفل قبل درس سادسة ابتدائي بتاع الجهاز التناسلي داك 😆😆😆
| |
|
|
|
|
|
|
|
|
|
Re: هههههه (Re: معاوية المدير)
|
| Quote: واظن انهم بقولو طول الرجل يساوي طول مسافة بسط يديه |
المسافة بين الكفين لليدين الممدودتين
يسمى (الباع)
كان عندنا في الجزيرة ببيعو القصب الجاف بتاع الذرة بالباع
فيكون طول الحبل المحيط بحزمة القصب مقداره (باع)
فحصل أن هناك واحد الله يطراه بالخير عندو مخزن قصب ذرة
فجاءه واحد قال ليهو عايز باعين قصب فقام اداهو مفتاح
المخزن وقال ليهو جيب ليك واحد (يبوع) ليك .
الراجل لما رجع فقد المخزن لقى القصب نقص نقيصة ما بتاعة باعين
فقال للراجل لما لاقاهو الزول البوع ليك القصب منو؟ قال ليهو فلان
قال ليهو ما ليقيت إلا أبونا آدم يبوع ليك!
الراجل رحمه الله كان طوله حاجة عجيبة ما شا الله.
| |
|
|
|
|
|
|
|
|
|
Re: هههههه (Re: Kamal Alalla)
|
ههه دقسو لكن يا منتصر
هسة الرووس بقا يخزنو عديل ويتباع بالملايين
غايتو يا علي الله سونبهار كدة تشكر هههه
لكن بيت المتنبئ الجبتو دة اخدتو بحسن الظن فيك
| |
|
|
|
|
|
|
|
|
|
Re: هههههه (Re: عبدالحفيظ ابوسن)
|
مسطول خطيبتو بتشكر فيهو : انت بطل وشجاع وفارس الفرسان وزول حارة ما بتخاف الحرب .
المسطول راسو كبر قال ليها انتي عارفة،، انا كمان استشهدت قبل كده.
ابو سن وضيوفك انزيكم..
البورد زي العندو حمي والا انا غلتان..
| |
|
|
|
|
|
|
|
|
|
Re: هههههه (Re: Arif Nashed)
|
واحد ياعارف في نادينا انفعل
قال: والله والله الطالب في كلية الطب جامعة الخرطوم يروح يستشهد في
الجنوب ويجي راجع؛
عمك حيدر قاليهو:يازول ما تملا خشمك بالله
برا حليفة مصدقنك؛
.........
| |
|
|
|
|
|
|
|
|
|
Re: هههههه (Re: عبدالمنعم الطيب حسن)
|
ود الطيب انزيك
مسطول مشى لي دكتور نفساني قاليهو :
احيانا بتجيني حالة غريبة كدا بتكلم مع الناس وما بشوفهم. الدكتور سالو :
وبتجيك متين الحالة دي ؟.
المسطول : وانا بتكلم في التلفون..
| |
|
|
|
|
|
|
|
|
|
Re: هههههه (Re: عبدالمنعم الطيب حسن)
|
هسة دي نكتة يا عارف بتضحك هناجوة السودان ؟
انا القدامك دة استشهدت امس مرتين 😆😆😆
مرتين يعني مرة واحدة اتنين ما تقراها امرأتين 😆😆 وتبقي زي الجماعة لا يقرأون الا ما دون الكتفين 😆
| |
|
|
|
|
|
|
|
|
|
Re: هههههه (Re: عبدالحفيظ ابوسن)
|
اضحك مليء شدقيك
المافي شنو
علي الحلف نضحك ونطرب ونغني متمسكين بشعار ابونا الشيخ فرح ود تكتوك خربانة ام بنايا قش
تسلم يا زول يا نادر
| |
|
|
|
|
|
|
|
|
|
Re: هههههه (Re: علي دفع الله)
|
| Quote: لمسطول : وانا بتكلم في التلفون.. |
بس ذكرتني حكاية ولدنا (س) لمان جانا التلفون الكول بوكس في القرية البيشتغل بالطاقة الشمسية داك
اها االيوم داك الناس قاعدين يعزوا في بكاء في الخرطوم . الناس متلمين في دكان مصطفي وكل واحد يدي التاني يعزي.
يقوووم يجي (س) مار ونادوه ليعزي .
مسك السماعة في الأضانى وقال : " هلو"
لمان سمع الرد من الطرف التاني خت السماعة فوق البنك وشال الفاتحية مع الرجل الفي بحري! .
ياترى الفاتحية الزمن دا مع الأسكايب والأيمو ما بتمشي؟؟
| |
|
|
|
|
|
|
|
|
|
Re: هههههه (Re: MOHAMMED ELSHEIKH)
|
سنقاتلهم بالفرح وحب الحياة يا علي
والحياة مطية الآخرة ولكنها لم تتزين في قلوبنا كما زينت لهم
اي الحياة الواحدة
ونقاتلهم بالفرح والبسمة الساخرة الهازئة
آخرها كوم وياهو الكفن والشبر
وزي ما قال ابونا المكاشفي
الكفن مافيهو جيب
ونلاقى الله فردا وهو الحكم العدل
لابتنفع هنا لا يمة لا يا با ولا .. ولا خليك اتا عارف
ما عارف ناشد 😆😆
| |
|
|
|
|
|
|
|
|
|
Re: هههههه (Re: عبدالحفيظ ابوسن)
|
مفروض تمشي يا ود الشيخ فقه الضرورة الحياتية
التذكرة لي الخرطوم كوستي 240 ج يعني ذهاب وغياب بتاكل معاك 480 ج
ووين اكلك وشرابك ومواصلاتك الداخلية ؟ ووين المدة والمشاركة؟
لي رفاعة ايضا كذلك
وبعد دة كلو بنتواصل لو تتدين
| |
|
|
|
|
|
|
|
|
|
Re: هههههه (Re: عبدالحفيظ ابوسن)
|
| Quote: المسطول راسو كبر قال ليها انتي عارفة،، انا كمان استشهدت قبل كده. |
سلام
رئيس الوزراء عملها من قبل
كان في عزاء في العيلفون يوم جمعة واهالي العيلفون مترابطين جدا، حتى جيلنا على الأقل، وفي شباب كانت الكوشتينة عندهم ثابتة كل جمعة، وكانت دعاويهم دايما انه يعدي يوم الجمعة من غير وفاة أو تحصل الوفاة بعد صلاة المغرب عشان برنامجهم ما يتخرب، قوم يا البرنامج اتخرب من صبحا بدري، اتوفى المرحوم، والشباب بكل همة دفنوا ودقوا الصيوان وفطروا الجماعة وصلوا الجمعة وبدو يزوغو للكوشتينة، واحد من الشلة المرحوم عمه، وطبعا لازم يكوم حاضر في الصيوان الشباب بعد اتلموا في بيت الكوشتينة (قبل الموبايلات الزمن داك) في واحد مسكين (ربنا يشفيه ويشفي مرضى المسلمين) عنده متلازمة دوان، الجماعة رسلوه وقالوا ليه امشي لفلان قول ليه براحة في اضانو الجماعة قالوا ليك الكوشتينة، الزول المسكين وقف في نص الصيوان وقال ليه يا عبد المنعم، قالوا ليك الكوشتينة، عبد المنعم قال ليه اصلوا ان بقوا رسلوك انت كان اخير يجو الصيوان يفرشو طربيزتهم ويلعبوا هنا
| |
|
|
|
|
|
|
|
|
|
Re: هههههه (Re: عبدالحفيظ ابوسن)
|
يا ود اب سن كافور ذاتو اظن انو اخد البيت دا بحسن ظن.. ول ده حسن ظن مني بي كافور ما عارف
وما انا بالمصدق فيك قولا.....ولكني شقيت بحسن ظني
| |
|
|
|
|
|
|
|
|
|
Re: هههههه (Re: Kamal Alalla)
|
Quote: هسة دي نكتة يا عارف بتضحك هناجوة السودان ؟
انا القدامك دة استشهدت امس مرتين 😆😆😆
مرتين يعني مرة واحدة اتنين ما تقراها امرأتين 😆😆 وتبقي زي الجماعة لا يقرأون الا ما دون الكتفين 😆؟ |
مسطول كان ما شي قدام القصر الجمهوري وقفوه الحرس قالوا ليهوا ماشي وين ؟؟
قال ليهم انا داير ابقي رئيس !!!
قالوا ليهو يازول انت حمار ؟؟
قال ليهم يعني ده شرط ضروري !!
| |
|
|
|
|
|
|
| |
عبدالحفيظ ابوسن
زهير عثمان حمد
معاوية المدير
MOHAMMED ELSHEIKH
Hassan Makkawi
Ashraf El Bagir
تماضر الطاهر
محمد البشرى الخضر
محمد حيدر المشرف
حاتم إبراهيم
عبدالمنعم الطيب حسن
جلالدونا
منتصر عبد الباسط
Kamal Alalla
Arif Nashed
علي دفع الله
فيس بوك
تويتر
انستقرام
يوتيوب
بنتيريست