وئام شوقي غلطاااانه يا جماعه ...

Quote: سلامات أخي محمد حمزة .. كلام صاحب المقال دا رغائبي يجهل الواقع .. أنا عايش في هولندا أكثر بلدان الغرب حرية وانفتاح .. كدا خلى الزول دا يجي يغمز ساكت لفتاة في الشارع عشان يشوف بتوديه في ياتو زنزانة .. الناس دي لسه ما استوعبت الدرس من فضيحة الدبلوماسي السوداني في ذلك الملهى الليلي وما جرى له.. كلنا لمن جينا كنا حاملين المفهوم المغلوط البقول فيهو الزول دا .. لحد ما عشنا في الوسط الاجتماعي وعرفنا الحاصل .. صدقني أنا مطمئن على بتي تعود للبيت الساعة 3 ص هنا .. لكن للأسف لن أكون مطمئن عليها في وطنها حتى لو بترجع منتصف النهار .. لأن اخلاق المجتمع تستبيح حرمة المرأة قبل القانون . صحيح مفوم العفة بمعنى الفيرجينتي تجاوزه الغرب .. ولكن بفهم ضرورة توفر قيدين هما بلوغ السن القانونية للأنثى وسلامة إرادتها الحرة في إنشاء العلاقة . الاسلام يقول بذلك بشرط عقد النكاح بشكلياته .. بينما نحى الغرب وتخلى عن كل الشكليات مكتفيا بكمال الأهلية وصحة إرادة طرفي العلاقة.

الفتاة : شئ جميل ووالله ولو ما شاغلني زول طوالي برجع لانو في غلط ما ممكن أنا طالعه عشان الفت النظر كيف ما يعني ...
المحرر : عظيم وينتقل لفتاة أخري وأنتِ ماذا تقولين ..؟
الفتاة الأخري : ياااااي كيف يعني أُمال أنا قاعدهـ قدام المرايا ساعتين كيف يعني أمر دون الفت نظر واحد من الشباب...
بس حقيقة مقرف جداً تتلفت تلقي البشاغل فيك واحد من الأقاليم ....دوووووووووول

شوفتا كمان جابت لها تنميط واستحقار يا ملك انت عشت مع الخواجات محل المراءه بتلبس البنطلون والتي شيرت وتمرق ماشا الشغل ..الشغل يعني الشغل،
وماعدا ذلك المشاغلات والرقيص والهشك بشك والمواعدات كولها للويك إند ...
أما نحن المراءة معرض للعرض وماشا والله البت عشان تفرز إنها ماشا الشغل أو الجامعه الا تعاين في اضافيرنها عشان تفرزا من المتزوجات كالم الزينه ...
والمتزوجات ديل خليييه لوقت تاني استغفر الله العظيم لذلك المجتمع يطعن ويلعن الحال دون النظر للمآل يعني بت عايزا تلبس اللبس البي يعبر عنها طوالي Objective >>>>

بعدين شوف الملاعين والملعونات العايزين يكونوا اوبجكتف طوالي بلبسوا كويس ويحتشموا ويمشوا الاوبجكتف هههههههههههههههه
ما سمعتا بإمام المسجد اللبس انصار سنه ومشي حفل التخريج بالمناسبه إنت اوبجكتف معناتا شنو ....
:
:
:
مع التحيات لله الزاكيات