|
Re: شَغِّلْ مُخَّكْ: ما أعظم اختراع عرفته الب� (Re: دفع الله ود الأصيل)
|
تقول الأسمرانية؛ صباح الخيرغايتو أنا عاينت بي تحت كرعيني ما لقيت حاجهحيرتنا اسي انا كنت حقول ليك اجهزة الحاسب ( نظام فلسفه وكدا)عليك الله قول ..................... (2) يا الأسمراني بس حاول تاني عليك الله! يا جماعة المسعلة ميها محتاجة فلفسةً لي هنووووك .. وين ياخي قوة الملاحظة.. كلامي الفوق رامي فيه براشيم (بخرات) واضحة بس دايرة شوية تركيز عشان مخرجات الأفكار مارقة براها بكل سهولة و بدون حوجة لأي (دَعِمْ ) فني. يعني يمكن حبيبنا ود البلال قرب من سنة الاختراع.. و اب شيبة دحين قلت الدزمة؟ لا تحت مداس الدزمة كمان! يعني شنو أقول أكتر من كدي عاد.. بعدين ممكن تجيبو حاجات غير الفي بالي وتكون أصح..علا غايتو كدي شدو حلكم شوية قبال ما يجوكم الشفوت ناس ود التهامي و أخونا معروف أواشي لغاية ما بعيدن ما أعرف ظاطو ، وين أودي وشي!!
| |
|
|
|
|
|
|
Re: شَغِّلْ مُخَّكْ: ما أعظم اختراع عرفته الب� (Re: دفع الله ود الأصيل)
|
الياسمين كتبت: صباح الخيرات ألو الدفاع بالنظر ، عاد تحت الكرعين دي علا الفسنجة وكده تاني في شنوما يكون ده البعرفوا انا وانت داك عاد تكون اتلومت تب. (4) يسوم ياخي بالله ترتفعو بمسوب نظركم إلى أعلى و أبعد من أرانب (أنوفكم) شوية.. هي الشغلانة من تالا اختراع فاختراع ونص وخمسة وكمان ضروري خالس .. وربما نقشتو تحتاج بعض الفلسفة؟؟؟ أفتكر بعد كدا علا نكشف ليكم (المغتا) عدييييييييييييييل. يا ود التهامي عووووووووووووووك! أللخو ما تلحق حناكيش آخر زمن ديل؟؟؟؟.
| |
|
|
|
|
|
|
Re: شَغِّلْ مُخَّكْ: ما أعظم اختراع عرفته الب� (Re: دفع الله ود الأصيل)
|
المشاركة الأصلية كتبت بواسطة kdrawy [ مشاهدة المشاركة ]
ود الاصيل سلامات...غايتو ما دام تحت اقدامنا ممكن تكون الطرق الاسفلتيه ... لانواخترعت فى خلال القرنين الماضيين ...تقبل مرورى (6) مين كُوكُو، والله الظاهر عليك أأجني أب ع يونات متل أم باجوت، إتا ياكا الحا تزمبر و تدردقني في الظلط توقعني في شر شلاقتي تفك علي متعة سادية التلذذ بشحتفة الجماعة ديل.. خابرك ما لأنك قريب فيصفاقنا هنا.. ظنيتك بتتصنت علينا..علا برضك لو قارنت أهمية الحاجة دي بزفت الطرق الأسفلتية تلقاها أهم منها زاتو علا كاناللهط والتكرع؟؟ أها شن اسيلكن عاد بعد داكلو؟؟؟ هبشة:والغريبة كل الردود الأنا عملتها دي فيها تلميحات للشيء الفي بالي.
| |
|
|
|
|
|
|
Re: شَغِّلْ مُخَّكْ: ما أعظم اختراع عرفته الب� (Re: دفع الله ود الأصيل)
|
وأخيرن جاء تعليق بشير ود التهامي قال الجاذبيه ها ها ها ها ، قال.
فردتي ود التهامي ياخ تحين دا إ تا الجايبنك فزعة تبقى لينا (وجعة) إذا قاصد مغنتطيسية الأرض و شغل نيوتن مع تفاحتو! د حين كدي ما ظنيت متل الشبحتها أكتر من قرنين؟؟؟ علا لو قصدك جاذبية من نوع الناعم الطالعالأيامات دي فدي تكون فزلقة منك علا نفكر فيها من هنا ولا غادي, كدي حاول مرة أخرى. هبشة: الجاذبية بهذا المعنى الرومانسي اختراع لا تمنح براؤته إلا لنا معاشر العربان وبجدارة.. حين قال شاعرهم النابغة الذبياني أحببتها وأحب ناقتها بعيري! وبرضو شاعرنا ود العيلفون ما قصر حين قال: حبيتا وجيت البيت ما لقيا.. لقيت أختا في الحيطة وحالاً حالاً عضيتا!!! بس فالحين لي في الفارغة ومقدودة!!!
| |
|
|
|
|
|
|
Re: شَغِّلْ مُخَّكْ: ما أعظم اختراع عرفته الب� (Re: دفع الله ود الأصيل)
|
اقتباس : المشاركة الأصلية كتبت بواسطة نسمة الصباح [ مشاهدة المشاركة ] اسكت ساكت يا عبد العظيم انا مصاريني اتقطعت من الضحك من جواب زولنا المقددا ايتو احنا نشيل ونحرس ونرجى وود تهامي جا ود تهامي ما جا ود تهامي جا ود تهامي ما جا وفي النهاية قال الجاذبيه والسفنجات وااااااااااااااااااااااااك واااااااااااااااااااااااااااك غايتو يا ود تهامي أقول ليك حاجة :، قولم لف و الشماتة في صاحبك كاتلاني عدييييل كدة (8) آآجماعة الجنا أكان ما جاوب ليهو حق .. يشكي قال (مزرور) بين حامل المسك ونافخ (القرن).. بعدين برضو إمكن ما مركز كويس جاي جاري طابق سفنجاتو في اباطو نفسو منكطع..كان حاول مرة تانية بعرف.. لا كين ختفوها..
| |
|
|
|
|
|
|
Re: شَغِّلْ مُخَّكْ: ما أعظم اختراع عرفته الب� (Re: دفع الله ود الأصيل)
|
مشاكسة من أخونا/ تنقا ، حيث قال: لا تعليق يعلقوك من (نخرينك) أن شاءالله. (9) تنقا مالك ياخي علي الجماعة ديل.. ما أنتو براكم عملتوها غلوتية وعاد قلتو هج.. خابر مرة جداً لينا ماشي السوق شفع أولادو كلهم قامو اندرعو ليك فيهو يوصو:ياجدي كان ماشي السوق جيب لي معاك زمبارة.. يا جدي عليك الله تجيب لي معاك زمبارة من السوق.وهو ما داير يزعل زول يقول لهم سمح..سمح..علا العين بصيرة و الإيد قصيرة بس لحد ما شافعاً كدي فرد واحد نجيض طب قام عصر لجدو تعريفة و قال ليه: هاك ياجدي بي دي تجيب لي معاك زمبارة قام جدك مما حس بالتعريقة صاقطة في راحة يدو قال للشافع: والله يا وليدي ياكا عاد أنتا بس الزمبرتا. فغايتو حت أتو كلكن اجتهدتو ؛ علا بس أختنا بت أبوها هي ال أنا خايفا تنقش الحاجة دي و (تقعد) تزمبر لينا لد الصباح.
| |
|
|
|
|
|
|
Re: شَغِّلْ مُخَّكْ: ما أعظم اختراع عرفته الب� (Re: دفع الله ود الأصيل)
|
كتبت بواسطة عبدالرحمن البلال [ مشاهدة المشاركة ] انا الوحيد الجبتها اقول ليكم ليه لأنو الزول دا يعني الزول دا رد عليكم كلكم و لم يرد علي مشاركتي انا فبالتالي احدي امرين ام تكون اجابتي هي الصاح وداير يأخرها الي اخر المشاركان فيشان ما يحسمكم ويخليكم تزيدو المشاركات او ما داير يرد علي لانو ما شاف اجابتي (أو شافها لكن غتاتا ما داير يرد ما علي كيفو)...لكن الاحتمال االاول هو الجايزان شاء الله ربنا يدي كل واحد دخل البوست دا عربية زيي. (10) # لا والله يا الدخري عشا البايتات بس بحب نضمك ساااه و دايرك تكترو لامن رويحتك هق تقع في أيدك.خابر متل عضم أب قبيح وكتين تلفو في حرف الكسرة (اللهمة) وتخليه على جنبة ووتواصل لهمقة مع الجماعة و حتى بعدين ترجع تقبل عليه تدكد المشاش علىمهلتك. علا لا لا أللخو احتمالاتك كلها طلعت فشنك لا هذه ولا تلك و لا تلكم.. بعدين يا جماعة الخير قلنالكم هي ما غلوتية عايزين اختراعات بالجد علاالرك علىالأنفع للبشرية من وجهة نظر عامة.. كدي زي ما قالولك آود البلال دنقر شوية ووبعدين (توس تان تلداها).. و للمعلومية الحاجة الفي بالي دي أهلنا ناس البطانة هناك ماعندهم معاها أي كبير غرد.. يعني حقتكم الحناكيش براكن ؛ علا أها اتحداكن أكان تعرفوها!!!
| |
|
|
|
|
|
|
Re: شَغِّلْ مُخَّكْ: ما أعظم اختراع عرفته الب� (Re: دفع الله ود الأصيل)
|
كتبتْ بت أبوها : هي نعلك قاصد اللدبخانه ..؟؟ ولا ياربي قضاء الحاجه دا قاصد بيه شنو ؟؟ (11) # لعمري إنه حق لك أيتها النابغة الذوبيانية أن تتفخري بأنك فعلن (بت أبووووك عشرة) ينصر دينك يا أخت..هو ذاك ما عنيناه و لكن على محمل اوسع و أرقى شوية من كدا يعني: قصدنا أنظمة وشبكات الصرف الصحي ؛أول من اخترعها لأنكليز و في لندن شبكة للمجاري لا تزال قائمة منذ عام 1882. حاولت المساعدة وتركت قرائن كثيرة و لكن سلامة النظر؛ ركز الجميع على ما تحت القديمن فالباب كان مفتوحاّ للدخول من غير( إحححححم) ولادستور و قلنا الأمر فيه ( قضاء لحوائج البشرية) و لا (غنى عنه صباح مساء) و أنه يأتي في ترتيب الأولويات( بعد الأكل والشرب)..وأن أهل الريف لا حاجة لهم به (عندنا بتق اللعوت)؛ و لنكون صريحين حتى أهل البنادر أنفسهم لا يجدون هذه الخدمات إلا بالجهد الشخصي حيث لا توجد شبكة عامة للمجارير في أي من مدن البلاد الشاسعة وصراحة نبهت لأكثر من مرة أن هذا الاختراع الأفيد من وجهة نظري فقط لعظم تأثيراته البالغة والمباشرة على إصحاح البيئة العامة. فلك أن تتصور حياة الناس وسط قمم و جبال من الفضلات البشرية خصوصاً في متل يوم المطرة (أعوذ بالله).. لكنني عجبت لأمرالأخوة المتداخلين! حيث اكتفى معظمهم بالنظر تحت قدميه ولم يأتوا بجديد.. عدا محاولات مقدرة لللبعض مثل الجنا المتل بريقع دا (كدراوي) وأيضاً ود البلال ولا ننسى فلسفة ود المحينة عن رقائق السليكون. أما أنت يا أب شيبة و البشيــر ود التهامي الرميت عِمَّتنا و شمت فينا الأصدقاء قبل الأعادي إ ن شاء تجبدكم نار أهلك (المجاذيب) و ترتاح من لي روحك نهضي الغربة قال جاذبية قال!! مع خالص دعواتنا لنا و للبلد بأسره أن يذهب الله عنا الأذى الحاصل و يعافينا ، فإنه وليُّ ذلك و القادر عليه. آمين.
* ود الحيشان التلاتة،،،،،
| |
|
|
|
|
|
|
Re: شَغِّلْ مُخَّكْ: ما أعظم اختراع عرفته الب� (Re: دفع الله ود الأصيل)
|
اقتباس : مشاكسة من إسماعيل ود المحينة: و الله يا ود الأصول ياخوي غايتو النقولوا زاتو غالبنا. ...البوست ماشي زي الساروخ لامن توووووووووش انقرض ليهو جوة{ حفرة}! الناس استنطقت أدمغتها، و أخرجت مكنونات بنات أفكارها...ناس قالو السيارة و ناس تقول البترول... وناس تقول السيراميك..و ناس مسكو في درب الظلط.. و ناس تقول الجاذبية... وناس تقول رقائق السليكون و العدسات... الخ...وأخيراً جاتنا لت أبوها ... و جابت ضقلا يكركب و طبعاً ضبانها ينوني!! قال أيه؟؟!!.... قال: تدخل غير من لا إحححححححم ولا دستور ياسيادي..ثم القال ليك منو ياخ؟! موش لازم تقدم يسراك على يمناك وتقول بسم الله اللهم إني أعوذ بك من الخبث والخبائث. {{{{{{ 12}}}}}} [} فغايتو جاملناه قلنالو : سعيگم مشكور و ذنلگم مغفور أديبنا القدير و گاتبنا النحرير ود المحينة. و بالموناسبة قمة الإبداعو الأهلية لارتياد{بيوت الأدب} تگمن في وضع الگلم في (مواضعه) و المقال في مقاماته و النقاط على حروفها تماما گزرع القنابل في بؤر (تفجيرها) . فأنت أكتر واحد أرقهت نفسك زيادة عن اللزوم!..علا هع! والله عافي منها الاخت أراحت و(استراحت) و (البتاكلو) إن شاء الله ينفعا! علا لاكين عليكم الله القلتوهن ديل چت أكان الواحد شايلن كليقة في صفاقو و قامت جاتو حالة (الإبداع) ديگ ، ما بلفضا متل هنووك و يقوم مكربت لا يلوي على شيء؟!
| |
|
|
|
|
|
|
|