المضحك المبكى -- بعد انهيار المشروع الحضارى --توثيق وتعليق على بعض فشل الاخوان فى الحكم

مرحبا Guest
اخر زيارك لك: 05-02-2024, 04:05 PM الصفحة الرئيسية

منتديات سودانيزاونلاين

مكتبة الفساد

ابحث

مدخل أرشيف اراء حرة و مقالات

News and Press Releases

اتصل بنا

Articles and Views

English Forum

ناس الزقازيق

مدخل أرشيف للعام 2018م

نسخة قابلة للطباعة من الموضوع ارسل الموضوع لصديق اقرا المشاركات فى صورة مستقيمة

« | »
اقرا احدث مداخلة فى هذا الموضوع »

09-16-2018, 04:41 PM

الكيك

الكيك
تاريخ التسجيل: 11-26-2002
مجموع المشاركات: 21172

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

المضحك المبكى -- بعد انهيار المشروع الحضارى --توثيق وتعليق على بعض فشل الاخوان فى الحكم
ما احوجنا لحجاب الخال معالى ابوشريف احد الزملاء كتب على صفحته ما كنا نطلق عليه امتحان الذكاء فى المعرفة وسرعة البديهة عن حال الكاش فى عهد اخوان السودان بعد انهيار مشروعهم الحضارى على رؤوسهم ونخشى ان ينهار الوطن بسببهم وينهار على رؤوسنا جميعا كتب صديقنا ما يلى : ( فى البيت بتتسرق وفى السوق بتتحرق وكان وديتا البنك تانى مابتتلحق .. ) هذه الكلمات ذكرتنى كيف كان اهلنا فى شمال السودان يحفظون اموالهم قبل معرفتهم بالبنوك التى دخلت السودان حديثا فى اربعينيات القرن الماضى وكان التعامل معها محدودا لقلة المال والمعرفة بالتعامل نفسه ابتدع اهلنا فى شمال السودان اساليب مختلفة اضافة الى تحويلها الى معدن الذهب . كان خالى الاكبر من اوائل العاملين بمشروع الجزيرة وكان يمتهن مهنة حراثة الارض اذ استجلب الانجليز ابناء شمال السودان وكانوا الادرى بهذه المهنة الاحترافية وكان خالى ابراهيم عبدون وجدى ومعظم اهلى من العفاض وقنتى وارقى ومنطقة منحنى النيل من اوائل اولئك العاملين فى هذه المهنة التى كانوا يجيدون التعامل بها قبل مجىء التراكترات وكسبوا منها اموالا كثيرة ساعدتهم فيما بعد فى عملهم التجارى كان الخال ابراهيم عبدون يعمل فى هذه المهنة فى منطقة المسلمية يقوم بالمقاولة ويجلب ابناء البلد باعداد كبيرة ومعه جدى الشريف للقيام بهذا العمل الشاق فى ذلك الوقت وحرثوا مناطق كبيرة فى مشروع الجزيرة وحكى لى احد الاعمام عن المال الذى كانوا يكتسبونه يخبئونه فى شكل احجبة يجلدونها بجلد الثور وكان اهل السودان فى ذلك الوقت يقدسون المصاحف والكلمات القرانية ويغلفون الايات القرانية الورقية بجلد الثور المدبوغ ويبلسونها لتحفظهم حسب الاعتقاد السائد فى ذلك الوقت فالكل كان يلبس الحجبات ولم تكن ملفتة للنظر وهكذا استطاع الخال ابراهيم استغلال هذا فى حفظ امواله قبل ان يفتح متجره الاول فى منطقة ابوقوتة وروى لى طرفة فى هذا تعرض لها الخال اذ قام بزيارة الى منطقة القوز بالقرب من الحصاحيصا لللاهل هناك ودخل الحمام ووضع حجباته فى منورة الحمام او الطاقة او قل شباك صغير وصاداف ان جاء احد المارة ولاحظ وجود حجبات فى طاقة الحمام فاخذها وهو لا يعلم طبعا ما بداخلها وعندما خرج الخال من الحمام تذكر اول ما تذكر احجبته المليئة بالاموال ولم يجدها الا انه وبفراسته التى اكتسبها قص درب الذى اخذهاه الى ا ن وصل اليه وبكل ذكاء طلبها مه لانه احجبة خاصة تخصه ولن يستفيد منها بل سوف تضره لان كل انسان له حجابه الخاص الذى يكتبه له فقيه منطقته وبالحيلة اخذ احجبته او امواله من هذا الرجل ذكرتنى هذه الحادثة حال الاهل فى السودان اليوم وهم يصارعون الاخوان المسلمين الذين اخذوا الاموال من البنوك وتركوا اصحابها يستجدونهم اياها اعطوهم او منعوهم او زجروهم والله يكون فى العون رحم الله اهلنا الاذكياء ونحن الان فى اشد الحوجب لما يحجب الاموال عن المجرمين وقطاع الطرق الجدد الذين ظهروا فى القرن الواحد وعشرين -------------------------- 04:41 PM September, 16 2018 سودانيز اون لاين الكيك- مكتبتى رابط مختصردا كلام يا عزو آخر تحديث سبتمبر 16, 2018سعيد شاهين من خلال زفة عرس حكومته الرشيقه كما تغزلوا فيها وحتى تكون العروس مطيعه لعريسها ويلزم اهلها جحورهم قام بذبح الكديسه فى مقولته الشهيرة {الصدمه} اى حكومة الصدمه حتى يستعد الجميع لما هو اقسى اها تحسبو لعب دى عريس عينو جمره اصلو جاى من انحاء الجهاد وشم ريحة المسك من دم الشهداء الماتوا فى الجنوب والسماهم الترابى الفطائيس{طبعا لازم ادلعك شويه ما بتجى كده لما اقول ليك يا معتز ناشفه كده} اها علا يا ولدى يا عزو كدى تعال الزم الجابره دى النحدثك لانك عامن الجماعه هولك ديل بدو الحكايه كنت لسه شافع فى دربم الجديد دى اها من يوم صبحنا وكنا واقفين فى الفرن فى صف العيش بعد صلينا الفجر حاضرشفت كنا مسلمين وموحدين كيف وجينا وقفنا وزحينا الطوب والشباشب ووقف كل واحد فى محله دى كان في 30 يونيو 1989 الا بعد شويه النسمع الجماعه العساكر قلبوها عشان شغل الملكيه ما عجبم من الفرحه حتى حسنى مبارك ما قشه عيونه من النوم كويس ركب طيارتوا وجا بارك للشعب السودانى وللعساكر وساقو الجماعه السجن وهم للقصر عدييييييل اها الصدمه الاولى كانت الفرحه وبعد داك النوريك الصدم الجدامسك الخدمه المدنيه عدموها نفاخ النار عشان يقدروا يتمكنواالصدمه التانيه تلاعب بالعمله مافى الا ليهم وامسك الجماعه الوارثين من اهلهم العيونم مليانه وبحقهم وعرق جبينهم امسكوهم وصادروا مش دولاراتم لا ارواحم ذاتها ولسه الفرامل فاكه والدقيش اقصد الصديم ماشى تعال يالراسك مليان علم وادب واخلاق وولد الاصول الاسمك بروف على فضل جيب نافوخك دى النقدو ليك يعنى قسما هتلر الكافر المابعرف الله ما عملا فى اليهود علا ناسك القالوا هم اهل الله سوو سواة الساحق والماحق مسكوا راس الفهم والعلم ودقوا فيه مسمار ايوه مسمار عديل كده ودى كانت صدمه لى هسه الزنزانه ما فاقت منها اها تانى شن نقولك وشن نحكيلك ما خلاص سعروا والشغلانيه بقت عاديه قبلوا على بعضهم الزبير القال لو شفتونا ركبنا عربات وبنينا بيوت اعرفونا سرقنا اها قامو لحقو امات طه وراجل الحنينه السكره الما بقدر قيمة الجمال والراميها فى الجريف لحقوا الزبير اها الصدمات دى خلت مهووسم الاسمو الطبيب الماهو طيب بتاع السيخ يفوت ويطلع بره الشبكه ما شاف بعينو ما كلمو شاف الزبير راح فيها قداامو ولحقوا راجل المره … .والمره نقلوها من الييت العشوائى فى الجريف لشاطى النيل والهواء العليل بدل هوا الدوكه وبى حيطة الجيران ادونا حتة طايقوه لى ناس الهوت دوق وماكدوننز والفنادق النجومه فى السما والبنوك والعملات البقت تحفظ اسمها زى ما كانت حافظه محطات بصات الجريف زمان ايام ما كنا نعيش الفقر فى عهده الاول …. وديدى دى صدمتها لى هسه ما قادره تفك منها من الجريف لى جروف النيل فى كافورى وتقول لى الكفار حطب الناراها يا ولدى يا عزو الصديم دى كلو كوم وقالو لى ناس قرنق اها دى جنوبكم حلال عليكم ما فاضين ليكم خلونا مع اولاد عمنا ديل نصفى حساباتنا وبقى الدقش الجد بلا مشروع جزيره بلا سودانير بلا هيئة موانى بلا علاج مجانى بلا تعليم مجانى وبلا فقر معاكم … ويا مليزيا ودبى والصين والما بعرفو شنو داك جوك الحفاة العراة يكدسون فى خزائنكم المنهوب ويسكنون فى فارهات القصور بلا كتاحه بلا هم لغاية تورنتو فى كندا ناس دولار وصلو واشتروا وبنو اها بعد دى كلو فى شيتين يصدموا يا عزو يا ولدى؟؟؟!!! غايتو الا ان كان تصدم نفسك من الخمج الجاى تشيل باقيهو ياخى ديل بعد صدمة قروشك حقتك ما بصرفوها ليك وطق راسك فى اقرب حيطه اها تانى فضل صدمه تصدما لينا الجلد تخن تب يقول لجلد التمساح انت حنكوشطبعا بديت ليك الحكايه يوم صبحنا وكنا واقفين فى صف العيش وجماعتك جو عشان زعلانين كيف امهاتم وابواتم واخواتم يطلعو يقيفو فى الصف من صباح الرحمن عشان العيش ولاالغاز ولا البنزيم والوقت داك بترولنا لسه تحت الواطه ودهبنا ما طلع قالو عشان كده عملو حركتم عشان ينقذونايا ولدى ياعزو لحد يوم الليله منتظرين ينقذونا من نفسهم ويرجعونا لى عامن اول لانو الليله لسه واقفين فى الصف بعد تلاتين سنه وبعد البترول طلع والدهب طلع والدولار عيييك وزيت الشعب ذاتو طلع وبرضه واقفين فى نفس الصفوف لا كمان زادت ليها صفوف السفارات والصحارى والبحار وزى ما عمك حسنى مبارك اتصدم فى اديس لغاية مانسى محل الاجتماع ورجع حمد لبد وبالله حلف براس ابوه انو حلايب دى تبعهاها يا عزو يا ولدى كان جد عايز تصدمنا صدمه جد جد وزى ما غنا الغناى شوفو لى حلل خارجنا من جماعتك ديل واتخارج معاهم او اقول ليك انسى الموضوع وخلى ناس الحركه فى شغلم لانو صدمتنا دى متعوده بس خايفين انت تجيك صدمه لما تلقا الحكايه ببح ومافى حتى مرتب سواقك ما يصرفو تقول ليهو لقط مصارفك لغاية ما اطلع من الشغل وفيفتى فيفتى اشتغل مع ناس ترحال اضمن تتطلع مصاريفك ومصاريف السواق بس ما تصدموا وتعدموا الفرطاقه خلى يرعى معاك لغاية ما ترحلوا قال صدمه قال.سعيد عبدالله سعيد شاهين[email protected]إدارةأ (عدل بواسطة الكيك on 12-09-2018, 05:27 PM) (عدل بواسطة الكيك on 12-09-2018, 05:28 PM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]