الإخوة والأخوات الأعضاء والزوار الكرام في منبر سودانيز أونلاين السلام عليكم ورحمة الله وبركاته طابت أوقاتكم بكل خير أكيد بيت الشورى ما خرب __________ زين العابدين -الحليلة
09-08-2018, 00:08 AM
elhilayla elhilayla
تاريخ التسجيل: 02-05-2002
مجموع المشاركات: 5551
ألتحقت بالمنبر في مطلع العام 2002 وقد كنت قبله عضواً بمنبر سودان نت منذ العام 1998 في الفترتين كونت صداقات ممتازة ما زلت أعتز بها، لذا أحس أن علاقاتنا بالمنبر وطيدة للدرجة التي تفرض علينا التشاور والتفاكر فيما يهمنا ___ زين العابدين-الحليلة
09-08-2018, 06:56 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: وصدق اهلنا يا الحليلة بيت الشورى ما بخرب قول
مرحب ود أب سن زمان ونحن صغار نسمع بي (عندنا شورة)، وعادة الكلمة دي في مناسبات معروفة: الخطوبة أهمها للأسف الشديد عندما يسمع الخطاب عبارة (عندنا شورة)، بلغة العصر معناها الموضوع مستحمي كانت العبارة تستلف لمخرج من رفض والولوج بمدخل دبلوماسي: شورتنا ما تمت! على المستوى الشخصي أكره هذه الطريقة التي أعتبرها لا تنم عن صدق، لأن الموضوع من أوله معروف (رفض طبعاً)، لكنهم يعلمون بفطرتهم أن الرفض لا بد أن يكون له مدخل معين، حتى ولو كان مكروهاً أو محرّماً راسو عديل (من تعاطى المكروه عمداً ... غير شك يتعاطى الحرام) رأيك شنو يا ود أب سن في فلسفة أهلنا ناس الهوْي؟ معليش متوعك شوية، إن شاء الله برجع في موضوع الشورى أو الشورة كما يحبذ ود البشرى __ الحليلة
09-08-2018, 12:18 PM
elhilayla elhilayla
تاريخ التسجيل: 02-05-2002
مجموع المشاركات: 5551
Quote: بيت الشورة يا الحليلة الشورى دي مرتبطة في الأذهان بالجماعة زي نحسب وجزاك الله خير و مجاهدات و مخرجات و حراك ... إلى آخر جارقون الكيزان .
مرحب ود البشرى تصدق وتأمن بالله في المسودة كتبتها بطريقتك، لكن رجعت مرة أخرى غيرتها الفهم شنو؟ الشورة: بالعامية السودانية صحيحة، حسب ما بنستعملها في كلامنا اليومي، وهي تؤدي الغرض مية المية لكن المقصود حقيقة هو شورى والمفهوم المحلي والحمول للفظ المتعارف عليه ينصرف إليها لذا فضلت اللفظ الأخير أتفق معك تماماً كان جينا لي حتة الكيزان وإفراغهم لمفهوم ومدلول اللفظ، يجوز لنا كتابة اللفظ بطريقتك مخالفة لهم، وعندنا سند قوي عجبتني جارقون -لو عربناها تجيب خبرنا أحتاجك بشدة فكن قريباً يا صديقي (صديقي دي حقت كبر ، نحتاجه بشدة برضو) _____ الحليلة
09-11-2018, 04:56 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
شفاك الله وعافاك طريقة اهلنا تنم علي الحساسية والذوق الرفض ممكن يكون لسبب جوهري معيب جابو زول من اهل الشوري . ولا البت رفضت . ولا ولا يختصر في شورتنا ما تمت لتجنب حرج الخاطب تعرف وقفت الشوري دي من سنوات جاني واحد بسأل من واحد لزواج بت اخوهو في الخرطوم سقتو من يدو وديتو لي زول شايفو بقعد معاهو . الزول قال ليهو متزوج وعندو مشاكل مالية وشيكات بعد اسبوع جاني الخاطب في بيتي وشاكلني قال لي انت قلت الشاورني طبيب مسكتو من يدو وقلت ليهو ارح في باب عيادة الدكتور نتل يدو مني وجري خشيت للدكتور ياخ سألتني وانا وديت لي زول في داعي لي ذكر الاسماء مش كان افضل شورتنا ما تمت
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
elhilayla
محمد البشرى الخضر
عبدالحفيظ ابوسن
فيس بوك
تويتر
انستقرام
يوتيوب
بنتيريست