|
Re: عطبرة علي الخط وبقية مُدُن السودان ... (Re: محمد بدرالدين)
|
ما قُتُو زمان بتجونا !!! مُش قلت سعادتك يوم، في الشارع برّا أرجونا ؟؟؟ اهُو نحن طلعنا الشارع وجّه أُخوانا يدُقونا، وارغِم ابُواتنا يجلدونا اهُو نحن مرقنا الشارع جِيّب نافع وشيخك وتعالوا يا أسد العُرب أهِينونا جِيّب أمّنك ؤ جلآدِيّك ؤ تعال يا حارس البيضة أذِلوّنا، ولو ما أديّنا ولاء الطاعة أبداً، أبداً، ما تخلُونا اهُو نحن مرقنا الشارع طلبة وطالبات ؤ مُزآرِع نسوان، واطفال، ؤ عُمآل حالفين للظُلم نصارع قسماً بعِزة سودانا بسيف النصر نقارِع اهُو نحن مرقنا الشارع وإنت الفي قصرك لآبِد أمرُق يا زول لآقينا برجاحة عقلك هديّنا، ؤ لدرب إنقاذك أهدِينا ؤ بإنجازآتك حجيّنا اهُو نحن مرقنا الشارع حضرنا نِحاس ؤ دلوُّكة رآجيّن العرضة الصقرية الّفح توّبك ؤ شوتآلك حدّرِ يا زول الطاقيّة أمرُق لنا في الساحة جِهاراً لاتبقى وُعُودك مرخيّة دآيِر تِترآجع، ؤ تنُط ؟؟؟ ما كانت فيك المحرِيّة اهُو نحن مرقنا الشارع يا حُكم الدجل الشيطان ما بحِلّك عسكر ؤ بُمُبآن ؤ مهما ليل الظُلم إتمدد الحق لآبُدّ يبان، والشعب الثائر بُركان يِمتدّ لهيّب من نيرآن يهدِر ؤ يغلي في الشارع سقطت، سقطت يا كيزان اهُو نحن مرقنا الشارع، والثورة طريق الأحرار حالفين نمشيهو المشوار قسماً، قسماً ما نرجع سنُحطّم عرش الظالم حانقيّف في وجه المُدفع، ولرآية الحق حانرفع اهُو نحن مرقنا الشارع كان غلبك تمرُق احسن ليّك في دم الشعب لآ توّحل سُوّق نآسك، ؤ لملم عفشك يا زوّل إتخارج أرحل اهُو نحن مرقنا
الشارع... . . . معاوية المدير ...
| |
|
|
|
|
|
|
عطبرة علي الخط وبقية مُدُن السودان ... (Re: معاوية المدير)
|
عطبرة دائماً هي ذرؤوة سنام الثورات وعندما تخرج عطبرة للشارع فليتيقن جرابيع الكيزان ان ايامهم قد ولت .. تيقن الكيزان اللصوص بأن الثورة قادمة لا محالة فاخذوا يخرجوا في جرابيعهم علي سودانيز اون لاين ومنصات التواصل الاجتماعي والقنوات ظناً منهم انهم سيوقفون المد القادم وما دروا بأن ذلك ان كان فاعلا لنفع القذافي
| |
|
|
|
|
|
|
Re: عطبرة علي الخط وبقية مُدُن السودان ... (Re: محمد بدرالدين)
|
حـلـفـنـا يـمـيـن ...
والله يا عمر البشير غرآك جد طول السنين خلآك تتحدى الغلآبة الكادحين ؤ تنفُخ، أكان دآيرننا لاقونا في الشارع دحِيّن بتدورنا نلحس كوعنا يا حانث اليمين ؟؟؟ يا زول أقيّف أسمع كلآم الشعب جوّك متحزمين أسمع هدير الشعب جوّك متلزمين حلفنا يمين، وتاني يمين لا نجارا لا نضارا ويّن شُفتُو القبور بتخوّف الميتيّن ؟؟؟ وويّن شُفتُو الشعوب قهروها رقاصيّن ؟؟؟ يوم دآك دآيرنّك تمام تركز تقيف ما تجري يا ابقلباً رهيّف ما تجري، ارجى الصاقعة في عِزّ الخريف اركز تمام، يوم نصرة الحق المُبيّن قسمنا يمين، ونطبُق فوقو تاني يميّن لا نجارا لا نصارا ويّن شُفتُو القبور بتخوّف الميتيّن ؟؟؟ إنتبهوا هوّي يا غافليّن خلّوا الصلف والكبرياء لا يغركم زبد الحُكُم اما الزبد يذهب جُفاء ؤ ينساب علي وجه الأرض عرق التعابا الأوفياء يغسل فساد الفاسدين ؤ يطمِس رُسُوّم حُكماً لعيّن حلفنا يميّن، قسمنا يميّن لا نِجارا لا نِضارا ويّن شُفتُو القبور بتخوّف الميتيّن ؟؟؟ يا نافع قليل الشآن، امرُق لينا في الميدآن ؤ جيبو معاك علي السجمآن جهاز الأمن يا وسـخـآن ويا غوّش العميل ؤ جـبـان يوم الحآرة ما تِدسوا يا خاينيّن يوم الحآرة امرقوا برّة يا خايبيّن حلفنا يميّن، لا نجارا لا نِضارا ويّن شُفتو القبور بتخوّف الميتيّن ؟؟؟ تجونا تحت ستآر الدِيّن وإنتو في أصلكم فاسديّن لباس الهيّبة فوقكم شيّن عشان في أصلكم نجسيّن يوم الحق يهِل ويبيّن، عآد ما شيّن تقبلوا ويّن ؟ حلفنا يميّن، قسمنا يميّن لا نِجارا لا نِضارا ويّن شفتو القبور بتخوّف الميتيّن ؟؟؟ شباب العآزة، أمرقوا في النهار الحار سِلّوا الصارم البتآر علي حُكماً تجبّر ؤ جآر قسمنا يميّن، نخوض النار نجيب التار، نساند جُمّلة الأحرآر نزرع في بلدنا سلآم و ننضُم لوطنا كلآم، كلآماً زيّن، عديّل ورزيّن يسعِد أهلنا السمحيّن، ويفرِح جُملة الطيبيّن، قسمنا يميّن حلفنا يميّن في درب النضال سايريّن، و برب العباد حآلفيّن لا نِجارا، لا نِضارا ويّن شُفتُو القبور بتخوّف الميتيّن ؟ ؟ ؟ ؟ ؟ ؟
معاوية المدير ...
| |
|
|
|
|
|
|
Re: عطبرة علي الخط وبقية مُدُن السودان ... (Re: معاوية المدير)
|
Quote: عطبرة تحت سيطرة الثوار لماذا لا يتم السيطرة الفعلية عليها لماذا لا يذهبون الى قيادة الشرطة و الجيش لماذا لا يقنعوهم بالانحياز للشعب و تكون خارج سيطرة المركز و كذا تتبعها باقى المدن؟ |
لحدي الآن في إنحياز من قِبل القوات النظامية الجيش والبوليس للشعب ...
| |
|
|
|
|
|
|
Re: عطبرة علي الخط وبقية مُدُن السودان ... (Re: محمد بدرالدين)
|
**الوضع حتى الآن :
مافي أي شهيد حتى الآن لا في البورت و لا في عطبرة و لا معتقلين و لا اشتباكات ، الشاب محمد اوهاج حي يرزق بحمد الله و تعرض لأزمة فقط و خرج من المستشفى. الجيش يتمركز في كبري عطبرة و مانع أي حد من دخول المدينة.. لم يستشهد اي قائد مدفعية حيث لا وجود لقائد باسم أسامة حيدر
في البورت الاعتداء كان بالضرب و الركل فقط و لم يتم اطلاق رصاص مباشر ..
الحصاحيصا لم تصل أي قوات هناك لا شرطة لا
| |
|
|
|
|
|
|
Re: عطبرة علي الخط وبقية مُدُن السودان ... (Re: عمر دهب)
|
نصرك و فرجك يا رب الوالى الخائف المرعوب بعطبرة يصدر قرار توزيع الدقيق ع الافران بحي لا يزيد الرغيفة عن جنيه و بيع السلع باسعار مخفضة و امر بسلة غذاء مجانية لاصحاب المعاشات و التامينات ............ ههههههههه القصة ما رغيف و ى غذاء المسالة كرامة وطن ة عزة مواطن ... كن سودانيا ايها الوالى لتفهم جماهيرك و الثورة ماضية حتى النصر
| |
|
|
|
|
|
|
Re: عطبرة علي الخط وبقية مُدُن السودان ... (Re: معاوية المدير)
|
Quote: قال احدهم : عندما تتوضأ مدينة الحديد والنار بالدم وتيممم وجهها شطر الشارع فاعلم أن الصلاة قااااائمة. |
قال الآب لإبنته البالغ الجميله ادخلي لا جوة وغطي شعرك يا بت جاييين علينا رجال! قالت الأم معام ناس من عطبرهـ واللا الباوقا قالها لا..لا ! قالت مخاطبةً بنتها اقدل يا بت سااااي ...
| |
|
|
|
|
|
|
Re: عطبرة علي الخط وبقية مُدُن السودان ... (Re: محمد بدرالدين)
|
Quote: من الواتس : شهيد عطبرة : الرائد اسامة استشهد في مواجهة مع الدعم السريع لمنعهم من دخول مدينه عطبرة الي جنات الخلد انشاء الله ربنا يكضب الشينة ,, و يحفظ الجميع |
الخبر تم نفيه يا محمد بدر الدين من مصادر لايف في موقع الحدث والصحيح خبر ود المدير بتاع ونسة الكبري ... : : : مع التحيات لله الزاكيات.
| |
|
|
|
|
|
|
Re: عطبرة علي الخط وبقية مُدُن السودان ... (Re: محمد بدرالدين)
|
عصام ركب البص اليوم لعطبرة ,, ليناصر و يعاضد اخونه و كتب فى صفحنه :ـ أهلي وناسي ناس عطبرة بتاعين الحركات السمحة... ارح تعالو الشغله مدوره هسسسي وكاتمة في شارع سوق الخضار الرئيسي... وبعدين نتلاقي الساعه 4 في ميدان المولد القديم اللمه الكبيره.. ابقووو كتااار
يا أمي ماتبكي؛ كان مارجعت البيت... انا شرفك ان جيتك؛ وشهيد اكان ماجيت... يا يما لاتخافي... حاميني رب البيت.. يا يما ولدك حر.. لاترضي ليهو الذل.. لي بلدي شن سويت؟ يا يما ما وفيت.. نادتني اوطاني؛ وانا للنضال ناديت... يكفيك فخرا بي.. كان ثرته واتوفيت..
عصام العطبراوي..
حياك الله عصام و حفظكم و نصركم
| |
|
|
|
|
|
|
Re: عطبرة علي الخط وبقية مُدُن السودان ... (Re: محمد بدرالدين)
|
عصام ركب البص اليوم لعطبرة ,, ليناصر و يعاضد اخونه و كتب فى صفحنه :ـ أهلي وناسي ناس عطبرة بتاعين الحركات السمحة... ارح تعالو الشغله مدوره هسسسي وكاتمة في شارع سوق الخضار الرئيسي... وبعدين نتلاقي الساعه 4 في ميدان المولد القديم اللمه الكبيره.. ابقووو كتااار
يا أمي ماتبكي؛ كان مارجعت البيت... انا شرفك ان جيتك؛ وشهيد اكان ماجيت... يا يما لاتخافي... حاميني رب البيت.. يا يما ولدك حر.. لاترضي ليهو الذل.. لي بلدي شن سويت؟ يا يما ما وفيت.. نادتني اوطاني؛ وانا للنضال ناديت... يكفيك فخرا بي.. كان ثرته واتوفيت..
عصام العطبراوي..
حياك الله عصام و حفظكم و نصركم
| |
|
|
|
|
|
|
Re: عطبرة علي الخط وبقية مُدُن السودان ... (Re: Osman Musa)
|
ود المدير ود عطبرة نقول للزول الخايس ده نحن ناخذ العبرة فقط من هؤلاء اللصوص الذين سرقوا اموال الشعب وتاجروا بالدين وهم ابعد الناس عن الدين ونقول له نحن نريد دولة سودانية ديمقراطية يحكم فيها الحاكم لفترة واحدة فقط مدتها ثلاث سنوات فقط وليست اربعة،،،نريد ادارة رشيدة لرخاء وعزة ومجد السودان وكفى ذلة ومهانة ،،،،لا نريد دولة يحكم فيها الحاكم مدى الحياة.... والتحية مرة اخرى لعطبرة التي انطلقت منها الثورة والتحيات النواضر الان لثوار الخرطوم الذين اشعلوها ثورة عارمة ، وهذا ضروري لان اسقاط النظام يبدا من الخرطوم،،،والتحية لشرطة دنقلا حيث انضم افرادها لجماهير الشعب بعد ان ملصوا اللباس الرسمي ورموها في الزبالة... شعب عظيم يحكمه اقزام ولصوص
| |
|
|
|
|
|
|
Re: عطبرة علي الخط وبقية مُدُن السودان ... (Re: معاوية المدير)
|
هدية الصباح لبسمات ورجال عطبرة... نكتة الموسم: بت كاشفة شعرها وماشة مع امها في شارع من شوارع الخرطوم ، الام قالت لبتها :هوي يا بت غطي شعرك في رجال جايين من هناك،، البت ردت لامها: كدي عايني فيهم رجال من عطبرة، الام قالت: لا ...ما فيهم ناس من عطبرة،، والبت قالت: كان كدي ما في داعي اغطي شعري،،،الرجال خليناهم في عطبرة،،،(وش ضاحك)
| |
|
|
|
|
|
|
|