|
|
 Re: الكلاكلة، الجغرافيا المتكاملة، حكاوي سا (Re: اندرو كوات)
|
الكلاكلة،
الجغرافيا المتكاملة...
حكايات بنطلون الخيمة ..
و مَنْ (القشرة) مَا قَتّلْ 😊😊
في الزمن داك، قصدي الزمن الغابر، الكلاكلة امتازت بتصنيفات غريبة في الوسط بتاعنا. كان في مجموعة المدارس، و ديل كانوا مهمومين بالدراسة و إبراز عضلاتهم (الفكرية) كمدخل للجنس المسمي جزافآ باللطيف 😂😂😂، المجموعة التانية كانوا ناس شياكة و (جنصصة)، وده طبعا كان كفيل بانه يجيب ليهم (الحمام). المجموعة التالتة كانوا ناس كورة قدم، ديل طبعا حتي لما تكونوا قاعدين في محل عزاء، بيصروا ليك يتكلموا عن هدف ماردونا في المكسيك 😂😂😂، المجموعة الرابعة ديل ناس العضلات، و ديل طبعا لازم يخلقوا مشكلة من مافي في الحفلات عشان يكونوا حديث اليوم التالي...
اها، في ظل التناقضات ديل، الطريقة الوحيدة للسلامة الشخصية انك تكون دبلوماسي جيد و تبني علاقات قوية خارج مجموعتك، خاصة مع ناس العضلات، شايف كيف 😉😉😉
واحد من اظرف الناس، كان من مجموعة الشياكة و الاناقة المفرطة، لكن كان بيحب يلف مع مجموعتنا، و ده طبعا كان بيعود ليه بامتيازات كبيرة، اولها انو كان بيتفوق علينا في الشياكة، و علي كده هو بيخطف انتباه الناس (التانية) طوالي، حريف مش 😊😊😊
علي فكرة الشياكة ذاتها كانت فن ابتكار اللاممكن، مثلآ الزمن داك، الجينز كان غالي شديد، يعني اتنين منهن ممكن يكملوا ليك مشروع عرس عديل كده ههههههه، فعشان كده الناس المفتحة ابتكرت فكرة بنطلون الخيمة، اي والله الخيمة الواحده دي كانت بتتخيط بنطلون و عمرها الافتراضي كان اطول من (الموت تخلي) زاتو 😂😂😂، للناس المستغربة من الكلام ده، بنطلون الخيمة طلع في نفس الوقت لما الناس كانت بتضرب بنطلون الجينز بالاورنيش،
الله واحد،
و لو ما مصدقني، اسأل قريبك من الكلاكلة 😉😉
المهم، في واحد من امسيات الخميس الكاربة، كان في حفلة في ابو آدم، مربع واحد، يعني حفيلة صغيرة بتاع نجاح، اتطقطقت سريآ عشان نتفادي مجموعة العضلات، و ناس الجنصصة المفرطة، طبعا من مبدأ الحفاظ علي حظوظ التنافس الشريف😂😂😂، لكن للاسف واحد من ناس الاناقة نقش الفيلم و اتلصق ورانا و ما قدرنا نزحلقه فاشترطنا عليه ما يكلم بقية مجموعته.
المهم، علي الساعة سبعة الزول جانا قاشر ببنطلون خيمة مخيط دبل (كمر) و لابس عليه قاشين (يعني حزامين للحناكيش)، و شاكي بقميص كاروهات، و جزمة دوغلاس، الفيها حديد في المقدمة، يعني من الآخر، الزول بوظها لينا قبال ما نصل الحفلة 😕😕😕،
المهم وصلنا الحفلة و قعدونا في راوند محترم فيها طليعة محترمه من الناس الحلوين، لكن صاحبنا بتاع بنطلون الخيمة، مع اصراره علي الوقوف الغير مبرر و قطع الميدان ذهابا و إيابآ، خطف الأضواء و قرب يبوظ المخطط الاستراتيجي للحفلة 😕😕
الا انو ربنا، نصير الغلابة و المستضعفين، جاب لينا حلاوة مطرة تقيلة علي الساعة واحدة، يعني مباشرة بعدما الجلاكين اتخارجوا و بوظ الحفلة 👌👌👌
المهم، رحلة العودة للحلة كانت ظريفة جدآ لانو القشرة بقت مشكلة لصاحبنا.
اول حاجة الخيمة اخذت كفايتها من الموية و فاضت انهارآ 😂😂😂، تاني حاجة جزمة الدوغلاس شال ليها طن بتاع طين، و فوق ده كلو بوليس المرور سجل حضور و احنا يادوب لسع في صحراء بتاع ابو آدم، شايف المآسي كيف 😂😂😂،
احنا طبعا كنا لابسين بناطلين (طوكيو) بتاع الغلابة و قادرين نجري، لكن صاحبنا طبعا ما قدر يجري عشره امتار 😂😂😂 فاضطر يدخل في المجري جنب الردمية بتاع الكلاكلة الشرق 😂😂😂
احنا وصلنا البيت و نمنا و تاني يوم سمعنا انو صاحبنا اضطر يخلو طرفه من الخيمة و الدوغلاس و خلاهم في الخور عشان يقدر يزوغ من ناس المرور 😂😂😂😂
ربك قدير رحيم كثير العذاب👌👌👌
الكلاكلة، ليكِ وحشة والله
|
|
 
|
|
|
|
|
| العنوان |
الكاتب |
Date |
 الكلاكلة، الجغرافيا المتكاملة، حكاوي سانتوس المستهبل... | اندرو كوات | 09-05-18, 08:31 PM |
| Re: الكلاكلة، الجغرافيا المتكاملة، حكاوي سا | Dr. Ahmed Amin | 09-05-18, 08:41 PM |
 Re: الكلاكلة، الجغرافيا المتكاملة، حكاوي سا | Hatim Alhwary | 09-06-18, 05:15 AM |
 Re: الكلاكلة، الجغرافيا المتكاملة، حكاوي سا | الطيب رحمه قريمان | 09-06-18, 05:37 AM |
| Re: الكلاكلة، الجغرافيا المتكاملة، حكاوي سا | سيف النصر محي الدين | 09-06-18, 06:03 AM |
| Re: الكلاكلة، الجغرافيا المتكاملة، حكاوي سا | اندرو كوات | 09-07-18, 04:47 AM |
| Re: الكلاكلة، الجغرافيا المتكاملة، حكاوي سا | محمد بدرالدين | 09-07-18, 05:15 AM |
| Re: الكلاكلة، الجغرافيا المتكاملة، حكاوي سا | اندرو كوات | 09-26-18, 08:33 PM |
| Re: الكلاكلة، الجغرافيا المتكاملة، حكاوي سا | عثمان علي | 09-26-18, 09:30 PM |
| Re: الكلاكلة، الجغرافيا المتكاملة، حكاوي سا | اندرو كوات | 09-27-18, 04:45 AM |
| Re: الكلاكلة، الجغرافيا المتكاملة، حكاوي سا | اندرو كوات | 09-27-18, 04:44 AM |
| Re: الكلاكلة، الجغرافيا المتكاملة، حكاوي سا | اندرو كوات | 09-27-18, 04:49 AM |
| Re: الكلاكلة، الجغرافيا المتكاملة، حكاوي سا | MOHAMMED ELSHEIKH | 09-27-18, 05:18 AM |
| Re: الكلاكلة، الجغرافيا المتكاملة، حكاوي سا | حامد بدري | 09-27-18, 05:21 AM |
| Re: الكلاكلة، الجغرافيا المتكاملة، حكاوي سا | اندرو كوات | 10-11-18, 06:00 PM |
| Re: الكلاكلة، الجغرافيا المتكاملة، حكاوي سا | اندرو كوات | 10-06-18, 06:51 AM |
| Re: الكلاكلة، الجغرافيا المتكاملة، حكاوي سا | محمد حمزة الحسين | 10-10-18, 11:44 AM |
| Re: الكلاكلة، الجغرافيا المتكاملة، حكاوي سا | اندرو كوات | 10-11-18, 05:58 PM |
| Re: الكلاكلة، الجغرافيا المتكاملة، حكاوي سا | Nasr | 10-11-18, 11:46 PM |
| Re: الكلاكلة، الجغرافيا المتكاملة، حكاوي سا | MOHAMMED ELSHEIKH | 10-14-18, 08:27 AM |
|
| |
اندرو كوات
فيس بوك
تويتر
انستقرام
يوتيوب
بنتيريست