|
|
 Re: © تحديات طفل معجزة π√ (Re: دفع الله ود الأصيل)
|
//مع ود أبق و عشوشة و حضرة الناظر//
دي يعود حق السلبطة في إخراجها إلى حبيبنا النفاجي المخضرم/
ود المطامير/ الشهير بعروة إبراهيم من أهلنا الشرفة الشريف بركات.
(7)
________________________________________
لامن الواحد يرجع يتذكر أيام جهلنا ديك و الشلاقة ، لمان يقعد يتكشم
براه متل نار القصب ، التقول مكشكش .طبعاً تريبة حبوبة بامتياز، كانت
مسميانى زي ما قلت، الجنا أب وشاً محومر..أها مرة في المدرسة شايل نبلتي
في جيبي قام أبو الرقيع كان راك لو فوق هجليجة(شدرة لالوب) طوالى حنيت ليك رقبتى
و طفيت نور شمال و مطيت النبلة و نيشت صاح . مع فكة الحجر النصيبة دا سيّك سييييك
وشتت (يعني قال لي : تلقاها عند الغافل) و إتا يا حجر الجن و المحن طاير بس قذيفة سكود
بشار و لا "غرادات"قذافي و ما تلطش علا حضرة الناظر، تراحفي سداغتو و قال كدي الدم
انهمر، عمكلامن اتعتع لورا واتلفت كحلني ليك لسة منيش، و أنا بعد داكلسحت راحاتي وفكيت
صاح.. شلت النهارداك مزازاة فضلت حايم بالحاحاياتوالضللة مع الحمير، و الليل كلو هضاريب
ما نمت و قلت لحبوبتي أمشى حنسيه لي الناظر دا قالت: برى شيل شيلتك وأكل نارك براااك آبوي،
أريتو دا يا يابا يجيب ليك قلب ، أكان بس تهجس فيواطات الله دي. كلامها طير قلبى زيادة ، و من
دغش الرحمان جيت المدرسة كراع ورا والتانية وراها. قام وقفوا لي طابور مخسوس وشحطوني
قدام الشفع متل السجين الهارب. والناظر العوينات شرار سرد مأساته على رؤوس الأشهاد كلمتين
ويقبل علي يقول: أقرأ القنوت ، قت لوما ني حافظ و يقع ليك فينى محط، يمعرني بمطرق لعوت
خددددرة ، لمان أحس بالجمرة تكوي في تمرة فوادي و هويقول للطابور: شوفو زولكم مو حافظ
جدول اتنين و لا عارف الدقعة ، لكن شاطر لي بس فى (فَنَّة) النبلة ، آخر حرفنة ، ينشن في أبو
الدنان في الهوا.يلا قعد يسألنى أسئله تعسفية و من أقول ليهو ماني عارف يقع فيني بس جضيم
و صفيق و شلاليت بس ما فاضل علا يعضيني في أضاني؛ علا النورلمان شفتو خلاس
كترها، قت لو: يافندي دا طابور ما حصة تسميع ، دقنى بالفلقة بس فش غبينتك
وريحنا. والطابور دا كلو قال ليك قررررررو يا الضحك وهو من الحُرقه
جدع المطرق دي متل هنووووك و قعد يخنق فينى خنق ساااه
بالله لمان فرفرت وحيست بلباسي جابلو دعكة (بلل).
|
|
 
|
|
|
|
|
| |
دفع الله ود الأصيل
فيس بوك
تويتر
انستقرام
يوتيوب
بنتيريست