وانا معرد ياااااااااااااااخ..الهروب من دار الإفك والجـــبن الآخلاقي ليست منقصة....زيها زي الت############ة للأخوان رجالة..!!! شكرا يا احمد ياسين..بالجد شكرا ياااااااااااخ.. كانت خواطر عجيبة ، فيها خطتيك في مقام (بدوي السافنا الأخير ، من يهديني اليقين والمحبة والبحث عن سودان التسامح الجميل ،هاشم الحسن بيعرف ذاك البدوي الجميل ، بدوي السافنا الأخير)..ولكن..الله غالب..واخونا حسن فرح كمان برضك غالب..! خواطر بدايتها ، باصغرنا سنا واكبرنا مقاما ، المدعو الشبح احمد ياسين..!! عملت احصاء للمعارضين والموافقين..وسبب دخولي لهذا الخيط العجيب..كانت مداخلة اخونا واحد اسمو احمد ياسين..ياريتك بتعرفو يا حبيب..! وكنت داير اعير بالشغلانة لمقاربة طرائق التفكير عند اهالي امسودان الجميلة..لكن..ونجرت لي عنوان لخيط ، لأني كنت متوقع انو اخونا حسن فرح يقلب لينا ظهر المجن ويتأبط شرأ ..! الزمبارات (على قول حبيبنا معاوية المدير) ، الهوائيات يا احمد فيها شغل عجيب..والأعجب سلاح الموسيقى يشتغل غنية (سلوي)..هنا ابونا الفريق بشير اخير يمشي الضل (مع كامل احترامي للرجل ، فهو كردفاني اصيل..لكن فيهو صرامة..).. شكرا ، عبرك يا احمد ، للأصدقاء عبد الصمد وعبد المنعم حسن الطيب..وياها المحرية فيهم..فالتسامح الثقافي بالجد محتاج ناس صمود وناس يقين.. اذهلني اخونا ول ابا حسن حماد..ويا حسن انا اشهد..ايام الشباب في حفلات الدلنج..كنا بنخاف من اعمامنا ضباط الهجانة كمبا (المجموعة الجاي منها اخونا جنابو العقيد فيصل جنقول)..كانوا انيقين (فول سوت ، الوان حتى الليلة بفتش عليها)..ورقاصين وبتاعين بهجة..الواحد يوقف عربية الجيب بعيد..ويجي يسكسك معانا لغاية الساعة ستة صباحا..وبعدها يقوم داقش عمليات زي الترتيب..!!!!..لو هبشت ليك بنية بطريقة مش كويسة..تتملئ كفوف لمن تآمن ذاتو..!!! حركة الــــــ SWING العملها فيصل جنقول مع الزولة..يااااااخي دي اخير من عملية احتلال جوبا ذاتو..!! شكرا يا صحاب..!! مثلما اندهشنا في بعض الصحاب ، برضك انخذلنا في صحاب.. انخذلت في حسن فرح (صاحب مقولة مؤخرة العاهرة) ، وعارف ناشد (صاحب الفرز بين رقص الرجال ورقص الكداينة..!!) ، وبالأكثر خذلانا في صاحبنا عبد العزيز عيسى..وبالطبع خذلان في استاذتنا بت ابا نور تاور..وين فكرة الحريات يا يا اميرة والتعبير عن الذات؟؟؟! وبالطبع ساجد العذر لصديقتنا وبتنا امتثال عبد الله (فقط لأنو ما عندها فكرة عن امسودان التحتانية)..! كنت من باب السفاهة ، داير اجيب فيديوهات لمديح صوفي (فيهو اسفاف للطيش) ، وعرضة صقرية (فيها مؤخرات رجال ماشة لسقط لقط..ومياعة ستدهش ابونا الفريق محمد بشير سليمان)..ولكن..! هل لذلك معني؟ بالطبع لأ..خصوصا مع عقلية دوغما ما بتشوف الإ ذاتها..! الرجال في السودان يرقصون رقص فيه اسفاف اكتر مما فعل فيصل جنقول,.لكن الناس ممكن تلقى العذر وتقدر تفرق بين رقص الرجال ورقص شنو كده ما عارف..مع انو الرقص هو الرقص..! لمن شفت الفيديو يا احمد ، ونقاش الصحاب هنا..استعنت بصديق من الأعدقاء على قول استاذنا دكتور حسن موسى ، وكانت هي الحيكومة (صديقتي المدام)..واول انطباع قالت لي: ده شنو؟..قلت ليها : رقص عادي..قالت لي: مش الرقص..الكلام في الزي..ياخي الزي ده مكوي ومعلق الناس بتديهو تحية تعظيم..!! ابوها ضابط شرطة ، عندو صورة نادرة مع الفريق عبود ، معلقة في الصالة..طوالي مشت ادتها تحية تعظيم سلام وشنو وكده ما عارف..! من هنا احترمت فكرة الناس البتتكلم عن الزي,,جايز اولاد عساكر..لكن الرقص؟.. شكرا يا احمد ياسين على احتمال هذه الثرثرة..! بالمناسبة البوست التصور عنوانو (العقيد فيصل جنقول: عن الرقص وبينة الوعي التناسلي)..وتلك نقة عميقة..شعب السودان ما بستاهل..ياخي شعب عشان رقصة ضابط عظيم كشف عن اخرو وبقى مع الجبهة الإسلامية والدواعش في سرج واحد..! شكرا يا صاحب.. وده طرفي من الخيط ده..! كبر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة