|
|
|
 Re: صور و فيديوهات من مظاهرة السودانيين بواشن (Re: بكرى ابوبكر)
|
سلام يا حبيب بكرى أبوبكر معروف دبلوماسيا وسياسيا اى دولة لا تقبل
بسفير لديها من دولة آخر الا بعد الاطلاع على سيرته الذاتية واذا وجدتها
سيرة تخدم مصالحها فسوف توافق دون تردد وأمريكا كدولة عظمى اى
اكيد تعرف البير وغطاها ولا تحتاج لمن يعرفها بذل لذلك فهى لا تمنع
مثل هذه المظاهرات باعتبارها ارض حرية ويحق لكل إنسان ان يقول
رايه دون تخريب لذلك انا بدورى اشكر هؤلاء الأخوة والأخوات على
هذه الوقفة لكنها ستظل كمثيلاتها فى دول العالم الأول الأخرى لذلك
يجب علينا أن نقدم أنفسنا كبديل جادى للعالم الأول عبر برامج اقتصادية
واجتماعية مقنعة والا سنظل هكذا إلى يوم القيامة
| |
 
|
|
|
|
|
|
|
|
Re: صور و فيديوهات من مظاهرة السودانيين بواشن (Re: بكرى ابوبكر)
|
شكراً يا بكري على نقل الصورة للموقع
عندي تعليقين على الصور وليس لهما علاقة بموضوع التظاهرة
التعليق الأول عن Inside embassy of Sudan
والصحيح Inside the embassy of Sudan
التعليق الثاني عن watermark في الصور عن "الحراك الوطني الموحد" وكتبت ترجمة موحد "unifide" والصحيح "unified"
مع أني افضل كلمة sociopolitical mobility عوضاً عن كلمة movement لترجمة كلمة "حراك"
وهو حراك سياسي ذو طابع إجتماعي يعنى بمعارضة النظام لتغيير الوضع الإجتماعي وما يتعلق بحقوقه الأساسية والمكتسبة.
| |
|
|
|
|
|
|
|
|
Re: صور و فيديوهات من مظاهرة السودانيين بواشن (Re: Biraima M Adam)
|
الحبيب بكري ابوبكر
واضح انها فئة لا تزيد على قبضة يد
وجميعهم رجال إلا القليل من النساء
وواضح انهم كلهم من جيلنا
عطالة لا عمل لهم
احسن ما جيت يا بكوري.
بعدين قلنا ليكم عطا دا جا بطلب خاص من واشنطن أي CIA
وما اظن النقطة دي فايته عليكم
ولو محلتك ما بنشر الصور لانو عدد المشتركين لا يرتقي ودعوة تصدرت المنبر لاسبوعين
مودتي
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: Ali Alkanzi)
|
Quote: سلام و تحية
الشكر الى كل الاخوة و الاخوات بمنطقة واشنطن و الى الذين قدموا من الولايات الاخرى تلبيه لنداء الواجب من قوى المجتمع المدنى و السياسى بالولايات المتحدة للتظاهر ضد تعين محمد عطا سفيرا لنا بواشطن
واسف شديد الاسف لعدم تمكنى من الحضور |
التحية والتجلة لمناضلين بلادى اين ماوجدو
اى كوز يجب مطاردته بالخزى والعار
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: Kostawi)
|
سلامات مهندس بكري وضيوفه
الوقفة جميلة وتعبر عن مشاعر أهل السودان الرافض للقتلة
لكن أمريكا هي سيدة القتل والفتك بالشعوب ولا تؤمن بحقوق الشعوب الأخرى في الحرية والديمقراطية إلا ومع من يتماشى مع مصالحها
وهي تعرف جيدا من هو محمد عطا وربما تعرفه قبل أن يعرفه أهل السودان..
وقبلت به أن يكون سفيرا لديها وفق منظومة دبلوماسية رعت هذا الاختيار..
وحقيقة لولا أمريكا لسقط هذا النظام من سنوات..
لكن هي تعرف جيدا أن مصلحتها مع بقاء هذا النظام لهذا تطوعه حسب هواها ولكن لا تدعه يسقط..
مودتي
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: Kostawi)
|
Quote:
يا عمو فرانكلي الأخطاء دي بتحصل كتير و بنمررها عادي.
إبرازها في هذا البوست ما جميل منك
و واضح إنو عندك غرض سالب تجاه البوست...
أرجو حزف مداخلتك لو سمحت عشان رسالة البوست تمشي بمسارها الصحيح.
هذا رجاء و ليس أمر
و شكرا |
بالله ما بتخجل من نفسك الراجل ده صلحك لغويا بس عملت ليها كسور وبواقي بعدين موقع سودانيز اون مؤسسة ديمقراطية من حقو يكتب ويقول اي حاجة
بعدين عندي ليك سؤال
كم عدد السودانيين في امريكا من 1989 لحدي الليلة وما هو حجم الحراك العملتو ؟؟؟؟
ثاني حاجة في اشياء كثيرة تستحق يطلعو لها ملايين السودانيين في امريكا وكل العالم
1- انفصال الجنوب 2011
2- ارسال الجنود الي اليمن 2014
ومخازي كثيرة جدا جدا مارسا النظام ذات طابع قومي اتمس كل السودان وكل السودانيين ...عملتو شنو
ونحن في 2018 وده العدد بتاعكم مش كده
طيب عشان ما تتطاول على فرانكلي ان مغرض عديل كده وحاسد ناس امريكا ديل على امريكتهم وما واعي راي بقولو في اي بوست
هسة كم زوار هذا البوست عشان تعرف حجمك الجاهيري
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: adil amin)
|
Quote:
يا كوستاوي أبداً ما عادي وبتدل على عدم التنظيم وتفتقد للجدية في مخاطبة الجمهور المفروض اللوحات دي معمولة عشانه وعشان تضعه في الصورة.
اعتقد بأمريكا أطفال كُثر ولدوا هناك وتعلموا اللغة الصحيحة يمكن أن توكل لهم كتابة هذه اللوحات.
عادي دي ممكن تكون عندنا هنا في المنبر لكن لما يكون الأمر مخاطبة للإعلام الغربي فدا بيدي انطباع سلبي جداً عن المستوى التعليمي للمتظاهرين.
ودا سبب تداخلي هنا في هذا البوست فالتظاهرة لا تعنيني في شيء بل يقيني أنها غير ذات جدوى لكن أنا هنا من حيث التنظيم والإعداد لعمل موجه للإعلام الغربي والمسؤولين في البيت الأبيض.
ما مفروض يكون هناك أخطاء زي دي تنسف العمل المرتجى.
دي نصيحة مني قد تكون حارة وصعب هضمها لكن دا محلها المناسب تماماً
والثورة مستمرة
وشكراً لتفهمك |
حياك الله يا فرانكلي ..قدمت درس في الاخلاق وايضا درس في الديمقراطية واحترام الاخر
ومحمد عطا جزء من منظومة سياسية يدعمها الامريكيين نفسهم ولم يتاسس لوبي سوداني حقيقي في السياسة الامريكية عشان تسمع امريكا صوت السودانيين الديمقراطين الحقيقيين ولم يقنعو حتى الالاف السودانيين في امريكا باطروحة سياسية متكاملة بعد مات جون قرنق العظيم ورؤيته السودان الجديد وشغالين رزق اليوم باليوم
عملت العليك وخليهم في خواءهم المزخرف
وهسة صورة البنت دي شينة خلاس ,,..دخلها بي النضال شنو ...
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: adil amin)
|
لو ان سعادة الفريق اول مهندس عطا قد جاءللى امربكا في زيارة
عادية نقول يمكن ليكم حق بهذه الجوطة
اما كونه جاء سفيرا معتمدا من قبل امربكا
سفيرا معززا مكرما
معنى ذلك بان هذه الجوطة باطلة دبلوماسيا واخلاقيا
ويجب ان يعاقب من قام بها وحث عليها وروج لها عبر الاسافير
الحق ابلج والباطل لجلج
نسأل الله ان يوفق سعادة السفير في مهامه الدبلوماسية
بما يعزز العلاقات السياسية والاقتصادية بين الدولتين
انتهى
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: بكرى ابوبكر)
|
((((وحقيقة لولا أمريكا لسقط هذا النظام من سنوات..))))
وايضا تعويل المناضلين على الادارة الامريكية لنصرة قضيتهم بعد فشل المحاولات لأكثر من 30 علم أمر محير
عطا وقوش وغيرهم سمن على عسل مع الادارة دحين شوفوا طريقة تانية
سلام ياباشمهندس
التحية عبر البوست للأخ الصديق عمر اسماعيل
والسلام علىكم جميعا أيها البورداب بعد قضاء شهر واسبوع فى الخرطوم من أجمل مايكون
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: محمد أبوالعزائم أبوالريش)
|
ما في أي إساءة في كلمات الأخ علي الكنزي
هو يقصد أن هؤلاء النفر في مثل عمره وهم معاشيون لا يعملون
الفكرة مقبولة من حيث المبدأ لكن التعميم غير دقيق فقد يكون من هو في مثل عمر الأخ علي يعمل أعمال حرة وله أشغاله ومسؤولياته ولكنه تفرغ للحضور
المهم أن مقصده ليس الإساءة وإنما توصيف لحالة إجتماعية يمر بها كثير من الناس في مثل هذا العمر.
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: Biraima M Adam)
|
| Quote: تغتية تفصيلية بالفيديو لمظاهرة السودانيين بواشنطون/البرنامج النهاري الأول أمام البيت الأبيتض و البرنامج الثاني بفرجينيا |
ما مشكلة يا بريمة وكوستاوي للأمانة مؤرخ للفيديوات وممكن نساعد بعدد المشاهدات كمان, في النهاية ماشية لسوداني وزميل منبري
بس يا كرمبة صحّح "تغطية" و "الأبيض"ديل
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: Elbagir Osman)
|
اما عن عدد المشاركين، فخلي ناس المؤتمر الوطني يطلعوا مظاهرة ترحيب بمحمد عطا.. و نشوفها حتكون أكبر..؟
أما إذا كان معلوما أن أغلبية السودانيين ضد النظام، لكنهم لم يشاركوا..
يصبح السؤال موجها لمن لم يشارك
وليس لم شارك..
فمهما كان عددهم.. فقد قاموا مشكورين بتوصيل صوت الشعب السوداني المقهور
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: بكرى ابوبكر)
|
لاحظ ولا امريكي ولا اجهزة اعلام معاهم
شوفو انتو لا ينقصكم التواضع فقط بل الذكاء ايضا
في السودان في نص مليون سوداني تقريبا
هسة لو جاب عطا ده معاه ندى القلعة كان العميان شال المكسر ومعروف هجيج الانقاذ في امريكا
العيب ليس في الانقاذ العيب فيكم ..نفس الناس وعالقين في وعي 1964 وحارسين انتفاضة بي ناس ابو عيسى ومطاردة افراد النظام ...النظم الانقلابية في السودان كلها مدانة وهي سبب بلاوي السودان جات بالحثالة الاجتماعية والسياسية الي سدة الحكم وادخلت الخساسة في السياسة في المجتمع اليوداني ده الفرق بين جيل الاستقلال 1912-1956 وبعد الاستقلال وماخور الصاغ صلاح سالم وعبدالناصر
عدم تواضع وعدم ذكاء ايضا
ونحن قاعدين معاكم من 2001 في البورد ده انتو نفس الوعي ونفس الناس وما عارفين السياسة الدولية وصلت وين واستخدام الميديا
مش كل واحد فيكم في ولاية مش بعرف السنتور حاكم الولاية الذى يمثله..ليه ما تكسب الناس ديل وتتواصل معاه بالتويتر والفيس وبوك مش انت مواطن اميركي من اصل سوداني وتعرض قضية الديمقراطية في السودان بصورة واعية ومعاصرة
والله يرحم عبدالخالق محجوب وصلاح احمد ابراهيم
حتى التكروني بريمة جاء يشمت فيكم
وتستاهلو ..والارقام لا تكذب..زول قاعد 30 سنة في امريكا ما قدر يبقى رقم مؤثر فايدتو شنو طيب جيب معاك صديق امريكي على الاقل متعاطف جيب جهة اعلامية او مؤسسة مجتمع مدني مهتمة بالسودان
غير المجاملات الفارغة ما في شي ضيع السودان
طبعا الناس عارفة الادمغة الدجيتال بتاعتكم بتكون عملت شط دووان الان وما بتقرا ولا بتشوف المداخلات بتاغتي..لكن في ناس ذكية ما دجييتال بتعرف معنى الكلام والحقائق بالبنكتبا هنا والعبرة في زوار كل بوست في 2018
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: adil amin)
|
| Quote: في السودان في نص مليون سوداني تقريبا |
اسف للخطا
في امريكا في نص مليون سوداني تقربيا اكبر تجمع لهم ظهر في حفلة الراحل وردي لمن زار امريكا زمان
اذا كنت غير قادر على الحشد غيرا اسلوبك غير وعيك غير المواكب واسمع نصح الناس هنا حتى ولو سلفيين ذى فرانكلي
الشجرة لا تغيير جذورها ولكنها تغيير اوراقها لتستمر
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: Kostawi)
|
وينو عادل أمين..؟
و الله حا أملاك فيديوهات لغاية ما رأسك يستعدل
عندي أكثر من ١٠ فيديوهات لندوات قرنق في واشنطون
ورينا حقك!
بالمناسبة أنا لم أحضر المظاهرة بتاعة أغسطس 10 أمام السفارة.
و ما كنت مشارك في كتابة أي لافتة
ولكن أحترم كل ما شارك في تلك المظاهرة.
مبروك عليك فرانكلي يا فدرالي ديمقراطي إشتراكي..
سعيد عليك!
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: Kostawi)
|
| Quote: حتى التكروني بريمة جاء يشمت فيكم |
عادل أمين .. الكوكلان كلكس .. بالأمس يوم 11 أغسطس مشيت ندوة المنبر الديمقراطي بعد غياب دام حوالي 7 سنوات .. وجدتهم ما تمامين 70 نفر هم وضيوفهم الكرام .. وممكن أقول 50 نفر هو good estimate
القصة ما شماته ... اللهم أنصر صاحب كل حق .. القصة كلهم أما بقوا كيزان أو تركوا الشغلة بتاعت العياض .. أغلب الذين ظهروا في الفيديو الأن ملاك بيوت وعرفات فارهة في منطقة واشنطن دي سي.
بريمة
| |
|
|
|
|
|
|
|
|
|
Re: صور و فيديوهات من مظاهرة السودانيين بواشن (Re: mohamed osman bakry)
|
يا جماعة بالله قول الكنزي دا ترى وجعكم؟
يا اخوة يا كرام
عطا لن تخرجه حفنة من الناس الذين اضاعوا هويتهم بالانتماء لبلد آخر
الكنزي سوداني وسيظل سوداني
رغم اقامته التي قاربت اربعة عقود من الزمان في سويسرا
ولن اتشرف بجنسية غير جنسية الاخضر الليموني أي لون الجواز السوداني في اواخر السبعينات
وهو الهوية التي تشرفت أن اخرج بها للعالم المتقدم
وعدتُ لوطني مناهضاً للبشير من الداخل منزل رقم 1078
الروضة امدرمان محلية كرري
وليس كما تفعلون على لوحات خارجية ترفع لتحدثنا عن مناضلين لم يسقطوا ذبابة
دعك عن سفير الانقاذ التي اذلت انسان السودان حتى فقد كل احساسه بالألم
فصار انسان السودان لا يعبأ بارتفاع الاسعار ولو بلغت السماء
وهو على استعداد ليقف في صف الخبز والبنزين والجزولين والصراف الآلي وكل صف تبتدعه الانقاذ
ويدفع رغم انفه كل جباية بامتعاض دون ان يحرك ساكنا
فقد نجحت الانقاذ عن صرفه تماماً عن أي عمل سياسي وصار يلهث من بعد صلاة الفجر حتى قبل صلاة العشاء
ليحل مشكلة واحدة من خمسة فيصبح فجر اليوم التالي ويجد ان مشاكله تضاعفت من خمس لعشر
وهكذا دواليك
أما انتم يا معارضة الخارج عودوا لاسرتكم الدافئة واصحوا بعد الفجر لتناول افطاركم بالكورنفلكس مع حليب كامل الدسم
فهو مدفوع القيمة من اموال الضمان الاجتماعي الذي يعيش على نفقته ثلثي من اتخذ من الغرب موطناً
واختم بقول نقد رغم اختلافي معه فكريا ولكني اكبر فيه إنه لم يخرج من حدود السودان قيد انملة ولو للسياحة
فقد قال غفر الله له ووسعة برحمته قال يوماً للمعارضة :
حضرتُ ولم اجدكم؟
وكذا حالي معكم، فإني اقول:
حضرتُ ولم أجدكم ولن اجدكم
| |
|
|
|
|
|
|
| |
بكرى ابوبكر
صديق مهدى على
Frankly
Kostawi
Biraima M Adam
Ali Alkanzi
بدر الدين الأمير
Abdlaziz Eisa
adil amin
Elbagir Osman
محمد أبوالعزائم أبوالريش
سفيان بشير نابرى
صفوان عبد المنعم ابوبكر
حسن حماد محمد
محمد جمال الدين
مني عمسيب
فيس بوك
تويتر
انستقرام
يوتيوب
بنتيريست