|
Re: دولار من كل كرتونة بيــرة .. لدعم اعادة توط (Re: يحي قباني)
|
Quote: اللجوء ولا البيرة الحلال ولا حرام؟؟ سؤال لا یخلو من براءة 😜😉😋 |
شيخنا الوِرِع عووضة ...
يالله مع حر الصيفية دي اتذكر نكتة السأل الشيخ في المسجد و كان حر ينجض الكبده جوه الخروف
سال مولانا و كان بتحدث عن حرمانية الخمر فقال : كمان البيرة حرام يا مولانا ؟
فرد مولانا و هو يجفف عرقه قائلا :
سااااقطة البيرة البتسال عنها دي ؟
فقال السائل نعم ...
فاجاب مولانا : لا دي معليش ...
| |
|
|
|
|
|
|
Re: دولار من كل كرتونة بيــرة .. لدعم اعادة توط (Re: بدر الدين الأمير)
|
Quote: لجوء من غير وسكى وفوتكا يبقى حرام |
مش كده يا بدر التمام ...
جات اسرة من السودان لكندا و قرروا اللجوء ... انا اعرف رب الاسرة ... و خلال طلعاتنا عزمته عشاء ... جات المضيفة و سالت تشربوا شنو ؟ ... قام هو زي اتضاير كده ... قلت ليه ما عليك مني ... اخد راحتك ... فنظر لي نظرة حسيت انو كلامي شال جبل من كتفه ... وقام قال لبنية ... وسكي ... قالت ليو و هي ماسكة قلمها و ورقتها و بي كل بساطة ... : ياتو نوع ؟ هنا صاحبنا اتلخم شوية و بعد داك قال ليها : رد ليبل ... قالت ليو سنجل اور دبل ؟ صاحبنا عاين لي ... و قال انزل قزازة ؟؟؟ ضحكت و قلت ليا حيبدا بي دبل ... و عاينت ليو قائلاً ... يا زول اتمهل ... شفقة السودان دي خليها ... الوسكي راااقد ... و حقو تتحلل من عقدة الرد ليبل دي ... في خمسمية نوع ويسكي هنا ... و بعدين في المطاعم هنا الزول بس بنزل قزاز الواين او الشامبانيا ... قزازة وسكي دي ما شفناها هنا حتى لو كنا عشرين نفر ... و الناس شربت ما مجموعه عشره قزازات
و بعدين ... الدنيا ما كلها رد ليبل و كورولا 80 ....
| |
|
|
|
|
|
|
Re: دولار من كل كرتونة بيــرة .. لدعم اعادة توط (Re: يحي قباني)
|
كورولا ٨٠ دي ما فهمناها ...عايزة شرح... وبعدين يوم كنت بسمع في شريط للشيخ كشك..والناس بعتبره متطرف ..لكن قال يوم في شيخ بيخطب واحد سأله:هل الخل حلال ولا حرام؟والشيخ كشك علق..قائلا..يعني الناس دي عاوز ة تحرم اي حاجة ...الاسلام ما كدا ..بعد شويه حيحرموا علينا البصل والطماطم... مع وافر التقدير والاحترام
| |
|
|
|
|
|
|
Re: دولار من كل كرتونة بيــرة .. لدعم اعادة توط (Re: بدر الدين الأمير)
|
حبيبنا قباني .. هي كريسيدا 80 ( مشهورة لقوتها وطويلة العمر ) ومازالت تجوب الشوارع واحد من جماعتنا شغال مع أمير في السعودية وعند شفائه من مرض خطير .. أراد أن يهدي قريبنا سيارة فسأله الامير : يا صالح .. اطلب نوع السيارة فرد صالح : كريسيدا 80 لكن موديل السنة (1990) ضحك الامير وضاعف له الهدية (رحم الله صالح ) لأن صالح كان يسمع في الجمعية في حلقات الونسة ( عن قوة كريسيدا 80) ولم تكن لديه خبرة في السيارات
نحن كده في السودان : سجاير بنسون صابون لوكس معجون سيغنال مازدا 79 كريسيدا 80 تويوتا بكس 83
قباني الحبيب ( في السودان ) نحن ضواحي الدنيا الكلام ده هنا في السعودية
تحياتي ..
| |
|
|
|
|
|
|
|