فاطنة سيدي غالي: جماليات النشاز..!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 21-07-2019, 07:57 PM الصفحة الرئيسية

مدخل أرشيف للعام 2018م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
15-08-2018, 08:53 AM

Kabar
<aKabar
تاريخ التسجيل: 26-11-2002
مجموع المشاركات: 17185

للتواصل معنا

FaceBook
تويتر Twitter
YouTube


Re: فاطنة سيدي غالي: جماليات النشاز..! (Re: هاشم الحسن)





    كتب هاشم الحسن:

    Quote:
    فالتجربة القصيرة لأحمد سعيد ابو آمنة وحتى الآن،


    قصيرة كيف يا هاشم؟..ياريت ما تكون قاصد الحاجة الفي بالي..!!!!!!!!

    صديقة من الباربادوس ، عيونها كبار شديد ، اسمها نادية المسيح..قاعد اشاغلها باسمها الأخير (بالإنجليزية ينطق مسايا/المسيح) وبقول ليها اسمك بالعربي السوداني (نادية مزايا)..!!

    كالعادة ، بتتفرج معاي وبقية الزملاء والزميلات في فيديوهات امسودان المفارقة..!

    في فيديوهات احمد سعيد* ، اتفرجت في حاجة غايبة عني تماما..الأكسسوار كما قالت..يعني الصوت ما عندها مشكلة..استخدام الكيبورد والبلي باك..
    Play back
    عندها مشكلة كبيرة (مثلها مثل اهلنا الجات وعاشت في كندا..!!)..

    صديقتنا نادية بتسال عن الخلال ، طريقة الزي ، الحجبات..!

    لمن شرحتها ليها الليرك بتاع (حبيبي) قالت لي : انتا صاحب غرض ساكت..!

    وعشان اقرب ليها المسافات اخترت ليها المادة التالية..





    هنا المشكلة بقت..ككيف زول افريقي قح زي احمد سعيد بتشتغل معاهو فرقة عماده ناس خواجات..!!

    من تنبيهات صديقتنا نادية تلك ، حينما رأت عمل احمد سعيد ابو امنة مع ناس اوتاك..سطوة الطمبرا (طمبور) وعزاءها انو دي الة افريقية صميمة وبيشتغلها زول افريقي كامل الدسم..!

    طبعا خبطتني بنية (لغاية الآن كتفي بيوجعني) لم قلت ليها: ما فاهم الليرك لأنو بلغة سودانية لا اعرفها..!!

    فهل انت قاصد الزول ده يا هاشم؟..

    باقي الملاحظات في الحسبان ، وح اعقب عليها..!



    كبر


    ________________________
    *
    الفنان السوداني احمد سعيد ابو أمنة ، يحمل درجة الماجستير من جامعة الخرطوم ، قدم اوراق/بحوث اكادمية باللغتين العربية والإنجليزية ، حسب افادة ايهاب ابراهيم في تعليقه باليوتوب..
                  
|Articles |News |مقالات |بيانات

15-08-2018, 09:34 AM

هاشم الحسن
<aهاشم الحسن
تاريخ التسجيل: 07-04-2004
مجموع المشاركات: 1407

للتواصل معنا

FaceBook
تويتر Twitter
YouTube


Re: فاطنة سيدي غالي: جماليات النشاز..! (Re: Kabar)

    أهلا بكبر في بيته، ليك وحشة ياخي هههها
    الآن كنت أسوح معك في الــ"استامبيد"
    ما بين غرانيق الحيوات الأولى والثانية وثالثة أخرى في الأثافي..

    نعم هو أحمد سعيد أب أمنة،
    والأسم هكذا (أب آمنة) كما كنت أنادي إنسانا لا أنساه أبدا وماسنكوبه لم يفارقه حتى توفي،
    لدرجة مرة استخدمه درقة يدرأ بها فوقاه من حد السيف.. حقا لا مجازا.. عليه رحمة الله (هُمَّد "شريف" أب آمنة).

    سألتني:ـ(قصيرة كيف يا هاشم؟ ياريت ما تكون قاصد الحاجة الفي بالي..!!!!!!!!)
    هههههههها الله أعلم بالفي بالك.. ما تقولو لينا هنا ياخ ومؤكد حيضيف فائدة...
    أما قصدي بقصر التجربة فهو للفترة ما بين ظهوره ذي المعنى في الساحة العامة (بالنسبة لي هي اللقاءات في قناتي النيل الأزرق والشروق من على اليوتيوب)
    وبين هجّته لنواحي أمريكا وتعاونه مع الفرقة الأمريكية (أوتاك) وهو اسم بجاوي بمعنى (الفتى أو الولد)، يعني وكأن الأمريكان ديل أحبوا موسيقى الشرق لدرجة أن بعض تسجيلاتهم معه كانت في بورتسودان وأظن عندهم ألبوم أو ألبومين.. ولكنها ايضا تجربة لا تزال تحتاج لعمل تأصيلي وتطويري ووألا ترتهن لفكرة وسلبيات (موسيقى الشعوب).. ولكن عموما، من الفيديوهات المتوفرة، فهي تجربة مبشرة جدا في الحفاظ على وفي محاولة الارتقاء بإرثنا الموسيقي..

    الأغنية والإيقاع في الفيديو الثاني من تراث غناء الفروسية، ولو كان الوتر دا دقا في شرق الله الناشف فعجاج "البيبوب" ما حيوريك الدرب..
    و"البيبوب" رقصة جماعية بالصفقة الجماعية مع مقاطع شعرية ملحمية تأني من الدائرة، وأما الرقص (عرضة سريعة قصيرة حارة) ففردي، واحدا تلو الأخر
    أو اثنين معا، والسيف والسوط، والجلد كلو زول يجلد نفسه ما استطاع... إلا أن يهوش أحدهم فيشبك الصف كلو من سوط العنج..

    لو عندك جديد منو، فبرَّنا بيهو عليك الله.

    (عدل بواسطة هاشم الحسن on 15-08-2018, 09:43 AM)

                  
|Articles |News |مقالات |بيانات

15-08-2018, 10:16 AM

Kabar
<aKabar
تاريخ التسجيل: 26-11-2002
مجموع المشاركات: 17185

للتواصل معنا

FaceBook
تويتر Twitter
YouTube


Re: فاطنة سيدي غالي: جماليات النشاز..! (Re: هاشم الحسن)

    مهتدي الخليفة..حبابك يا صديقي

    والتحية عبرك لصديقنا هاشم الذي قام بالمواجبة..

    ذكرت يا مهتدي ، عابرا ، استاذنا الكابلي..وعبرك التحية له اينما كان وكيفما ما كان ، وما يدور حوله في هذه الأيام ذكرني بتجربة مماثلة تعرض لها الشاعر الكبير مظفر النواب حينما زار الخرطوم في اواخر ثمانينات القرن الماضي ، ومقولته عن (ضبعة العراق التي ناشته) وهو يشير لأصدقائنا البعثيين في امسودان..!

    كتبت من قبل عن اغنية استاذنا الكابلي (شذى زهر) والتي اداها في حفل عام المغني الأثيوبي علي بره..قلت وقتها ان علي بره وضع تلك الأغنية في موقعها الحقيقي بان حولها من اغنية استماع رتيبة الى اغنية بوب راقصة وفيها حيوية كبيرة..!



    بعدها ، بالصدفة ، انتبه استاذنا الكابلي وعمل اشغال مع فرقة اثيوبية (نموذج العمل المعروض هنا) وهذه التجربة لا اقول انها تصحيحية في كل مشروع الكابلي ولكنها وضعت مشروع الكابلي في نقطة مفارقة كبيرة: فمن كان يسمع الكابلي بالفرق السودانية (مع احترامي لكل موسيقي ساهم في هذا المشروع الكبير) ويسمعه بالفرق الأثيوبية يشعر بالفرق الكبير للغاية..العمل مع الأثيوبيين يضع اعمال الكابلي في مجالها الحقيقي..لأن المستمع السوداني تربى على الإنحياز للكلمة ، والأثيوبيين يعملون على ترسيخ الموسيقى اكثر..!

    الجميل في هذا العمل (كابلي والفرقة الأثيوبية) هي اداء اعمال الكابلي بفرقة مصاحبة تظهر فيها ربابة (طمبور) ، جيتار بيز ، ساكسفون (بدرجات مختلفة) وكيبورد يؤدي اشغال ثانوية ..ثم الكرايغروفي (على قول اخونا هاشم)..وهذه ملامح تجعل الأغنية تخرج عن رتابتها..!
    كنت ساقتبس من كلامك يا مهتدي ، نفس الفقرة التي اقتبسها صديقنا هاشم الحسن وعقب عليها تعقيب اتفق معه تماما..واضيف نقطة لم اقل بها من قبل..

    النيل في المنطقة النوبية كانه فاصل مداري او نقطة تقسيم الأشياء..الة العود والة الربابة هي مختراعات تلك المنطقة الحضارية..العود ذهب شرقا (الشرق الأوسط ومناطق الحضارة السومرية القديمة )..ثم اتجه شمالا (اثنيا) ليكون هناك مندلينا..اما الربابة فكان مسارها في الغرب (طوارق ، مالي...تشاد ، دارفور ، كردفان) حيث احتفظت بشكلها في كردفان ودارفور وتشاد ، ثم تحولت الى الجيتار الصحراوي والكورا ، والجيتار الصحراوي هو اساس موسيقى البلوز التي نعرفها اليوم بانها موسيقى عالمية..!

    ايضا الربابة اتجهت جنوبا كما نراها اليوم في ثقافات جبال النوبة..ثم اتجهت شرقا في مناطق البجا ، اثيوبيا الكبرى لغاية القرن الأفريقي ، وهي التي نراها في التنويعات المختلفة..!
    فهي يا صديقي سر الطمى والماء والجبل والسهل..!

    فعلا يا صديقي المعمار والمكان لهما الأثر الكبير في التفاعل والتلقي وطرائق استنباط الأسئلة لمعرفة ما يحدث..مثلا..مدحة دولة العطا ، تم تصويرها بصورة مدهشة للغاية ..خصوصا ربطها بالجماعية ، فكرة النفير ، الحصاد..وهي هنا اشبه بفكرة الجلالة من اجل اثارة الهمة والحماس (توظيف عبقري للفكرة أي فكرة المدحة) بخلاف شكل المديح في وسط السودان مثلا ، والذي يعني الإنصات بخشوع وسكون (دعوة للكسل)..!

    فكرتنا يا صاحب ان الفيديو رسالة متكاملة ، وملاحظته عن اغنية اسمر لونا (اسمر اللونا) التي تؤديها الفرقة ، اعمق من صورة اداء استاذنا وردي (مع احترامي لوردي) لأن الفرقة منحتها ابعاد يظهر فيها المكان (العمران) ، الإنسان ، الإكسسوار وطريقة الزي وهذه كلها شارات ثقافية تساهم في فهم العمل بصورة اعمق..!
    شكرا يا صاحب ، ولا داعي للإعتذار عن التطويل ، تحدث كما تشاء وسنقرأ ..لأن هذه الأشياء تحتاج التفصيل والشرح..

    كبر
                  
|Articles |News |مقالات |بيانات

22-09-2018, 02:14 PM

هاشم الحسن
<aهاشم الحسن
تاريخ التسجيل: 07-04-2004
مجموع المشاركات: 1407

للتواصل معنا

FaceBook
تويتر Twitter
YouTube


Re: فاطنة سيدي غالي: جماليات النشاز..! (Re: Kabar)

    يا كبر تحياتي،
    قول بسم الله، البوست ما بعاتي هههه، لكن بي سبعة أرواح...
    البوست دا ما ممكن نتفكا منو ومن مزازيكو ومن مفاكراتو (الجذرية في رأيي) بي أخوك وأخوي.. قبل فترة أخونا عوض أبوجديري (زميل منبر) أتانا في الفيسبوك بفيديو اصلي بلادو فيه مزازيك عجيبة جدا في طقس تقليدي جدا ولكن بآلات موسيقية فيها ملامح كالتي رأيناها وأشرنا إليها في موسيقا الماليين، ولكنها ايضا بملامح وتنغيم شديد القرب إلى حاجاتنا لدرجة الحميمية..
    لم أجد ذلك الفيديو في اليوتيوب ولا يزال رهين الفيسيوك ويصعب علي نقله هنا الآن (سأحاول)، ولكن بالبحث والتقصي في النت فقد قاربناه إلى مصدر في يوغندا يراوح بين شعبي الباقندا والأشولي وتقاليد موسيقاهما، الأشولي أقرب..
    في أثناء ذلك البحث كانت كلامات الهنا حاضرة وبالتالي فقد ضمنت أن عوضا ممن سيقرأ هذا الوست، لكن ابوجديري فأصلا هو من شيعتنا..

    أما الآن، فهي كتابة تلقائية وحسنة النوايا كتبها صديقنا عبد الله الشقليني كتعليق مادح لعمر احساس، هي التي أثارت التالي مما أظنه يتعلق هذا بالبوست.


    Quote:
    ٤) لقيت كلام حبيبنا الباشمهندس الشقليني الفوق، والمقتبس تحت هنا دا، قام ذكّرني بي كلام أولاد قلبا.. بعمل لي ارتكاريا اقليمية..

    كتب شقليني:

    Quote: الفنان عمر إحساس

    استطاع الفنان عمر إحساس ، أن يدخل في لفافة الثقافات للشعوب السودانية ،
    فنظم أغنيات بالرزم واللحون التي توافق وسط السودان ، مما سطع نجمه في الثقافات السودانيين .
    وتلك إمكانية متقدمة في فهم كيفية تطور النجم المطرب ( عمر إحساس ) ،
    وتلك محمدة في نقل الغناء إلى ساحات ثقافية متنوعة . تماماً كما عدّل المطرب الفنان " أبو عبيدة حسن "
    في إيقاعات الشايقية وقد استبدلها بإقاعات موجودة وسط السودان.

    ======
    فكان تعليقي:
    يا باشمهندس والله إنا نحبك ونحب غنا وموسيقى هنا أم درمان حبا جما وزيكم واحد ويمكن زيادة.. وعارف كلامك دا وارد من باب الثناء على ما طوره وقدمه عمر احساس وأبوعبيدة وآخرون من موسيقا وغنا الأطراف وتقريبها من ذائقة الوسط.. كلام سمح وكل حاجة لكن، لكن كلمتينك ديل (توافق) و(يستبدلها)، خلوني أحس وكأنك بتتكلم من موقع قوميسار المركز الفني الذي يشرح للآخرين مطلوبات النجاح والمرور عبر (هنا أم درمان) وملحقاتها.. وطبعا انت عندنا كبير وحبنا ليك كتير وكلاماتك ما بتمر بدون تأثير وقد وجب أن نكشف الغطاء عن البير.. وعشان كدا الواحد حقو يقول الصراحة، وبي كل صراحة..
    بي صراحة حكاية إنو غنا وفنون الضهاري يجب عليها، أو إلا تتوافق، مع ذائقة (الوسط) المركزية عشان تمر إلى الذائقة العمومية؛ الحكاية دي عملت لينا شوية تحسس كدي وارتكاريا وبارانويا كمان.. حقو تراعونا شوية ياخي والله.. نحنا ناس الربوع (الما) ناس الوسط، وعلى اختلافاتنا، محتاجين للغنا بتاعنا دا، غنااانا.. انتو يا ناس الوسط استمتعموا بي غناكم ونحنا مستمتعين معاكم، لكن أدونا فرصة عشان نسمع غنانا بي طريقتنا وخلونا نسمتع بيهو برانا في الأول، وبعدين كان عجبكم فخير وبركة وكان ما عجبكم فتراهو نحنا كلنا اخوان وطالما أخوانكم مبسوطين فانتو حتنبسطوا برضو..

    يمين بالله قتلتنا وقتلت فنوننا هذه المركزية ودفنتنا بالحياة .. لم تعد هناك أي فرصة حقيقية لأن تتطور بقية موسيقانا بطريقة علمية وأن تتبادل الإثراء عبر تنوعها الثر فعلا، إلا أن تتسلل مسارقة بين أغنيات (الوسط) وبقبول وتأشيرات من متنفذي الوسط الفني.. كدا ما كويس والله.. بعد شوية أنا خايف إيقاع الوسط يبقا هو ايقاع (الزنق) ويصبح على الباقين أن يقاربوه ويرقصوهو برضو!! لا يمكن أن ترتهن كل موسقتنا لـ (تخت) الفرقة (الرسمية) ولو كسر رقبة وقد لأضان المستمع بي ألات نفخ وأورغنات ما أنزل أبولو الطرب السوداني بها من سلطان وزاتو ما أظن صانعيها فكروا في السودان لما صنعوها..
    ياخي بالجد ما ممكن نتجاهل أكثر من (مليون*) طريقة للغناء في كردفان براها، ودي حالتا ٨٠٠ ألف منها بالعربي.. بالله ما مفروض يكون في كلية موسيقا في غبيش؟ هسّع لو ما عمر احساس دا ما كنا مفتكرين إنو السلم السباعي دا مستورد وما من عندينا إلا جابوهو ناس خليل فرح (أعبدة) واسمعيل عبد المعين (التاكا) معاهم من مصر ثم قالولنا خنقته خماسية التم تم خنقا (طبيعيا!)؟ طلع يا هو داك عايش في دارفور!! ما ممكن ياخي موسيقا البجا الوحيدة البعرفوها السودانيين هي لسّع موسيقا أغنية (يا بنية فندان دبنة بي شمالو) الدب الياكل اذاعة أم درمان وتلفزيونها وكلية الموسيقا وأساتذتها!! يبدو انها مرت إلى الذائقة العامة عبر ما قدمت من الرشاوي اللغوية ولا تزال تقدم لهم في الرشاوى الفكاهية.. أو كفولكلور!!
    بي صراحة وبالله، ناس غنا وموسيقى (الربوع) ديل أظنهم قدموا ما يكفي من هدايا ورشاوي ومن صبر ومن غيرو.. خلاص كفاية.. مامفروض يكون في هوامش موسيقية تاني، الاذاعات الاف ام والفل اوبشن والمذيعات السمحات على قفا من يشيل.. محمد النصري براهو يساوي ٥٠٠ من ناس أغاني وأغاني، تاني ما عايزين زول يستبدل ايقاعات أي قوم لتناسب مزاج وإيقاعات أي قوم تانيين مولودين وقاعدين في داونتاونات الخرطوم القديمة .. الما عاجبو يقلب الموجة طوالي..

    ومن هنا نحي عمر احساس طالما حافظ على أصل أغنيته وإيقاعها ورقصتها وطالما طورها وبا ريت بعيدا عن تخت الاذاعة والكلية.. كما ونصفق لبطولات عبد القادر سالم ولعاصم الطيب وتاني منو؟ حافظ عبدالرحمن والباقين ما بعرفهم، لا أحد.. لا موسيقا لا كدنداية لا كول لا سلات لا ربابة لا لا لا.. ياخي محتاجين الفرصة لكي يمكن لأي موسيقى وغنا موجود لأن تتطور لأهلها أولا وثم فليعرفها الأخرون لو رغبوا، لكن عن اصالة وكما هي، وليست كمنحة تستوجب الرشوة أو الشكر.. والأهم، لأن أهلها موجودين وعايشين، فليست بعدها فولكلور، أوعا من الفلكرة..
    يا (أولاد قلبا) المرة الجاية حنطلع مظاهرات من (جابريات) الهوامش الموسيقية والغنائية، وبدل (دايرين بوسطة ومدرسة وسطى والشفخانة وسوق منضبطة) حنهتف (دايرين كليات موسيقا محطتين إذاعة وتلفزيون وحديقة).. ما معقول يا ناس هنا أم درمان ياخي، هناك آخرون!!

    هذا، مع أكيد محبتي وتقديري..

    * مليون دي مبالغة حسنة النية.. فوجاج ناس الأقاليم.. :)

    فاطنة سيدي غالي: جماليات النشاز..!فاطنة سيدي غالي: جماليات النشاز..!
                  
|Articles |News |مقالات |بيانات

24-09-2018, 03:01 AM

Kabar
<aKabar
تاريخ التسجيل: 26-11-2002
مجموع المشاركات: 17185

للتواصل معنا

FaceBook
تويتر Twitter
YouTube


Re: فاطنة سيدي غالي: جماليات النشاز..! (Re: هاشم الحسن)

    up
                  
|Articles |News |مقالات |بيانات

27-09-2018, 01:10 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 4105

للتواصل معنا

FaceBook
تويتر Twitter
YouTube


Re: فاطنة سيدي غالي: جماليات النشاز..! (Re: Kabar)

    شكرا استاذنا ومولانا محد النور كبر

    في مدينة تمنراست (Tamanrasset) الواقعة في وسط وجنوب الجزائر داخل الصحراء هناك تحس ان موسيقي المردوم تسكن النخاع عندما تسمع للمرحوم عثمان بالي وعلا البشاري تحس ذلك العمق!

                  
|Articles |News |مقالات |بيانات

27-09-2018, 01:12 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 4105

للتواصل معنا

FaceBook
تويتر Twitter
YouTube


Re: فاطنة سيدي غالي: جماليات النشاز..! (Re: Elsanosi Badr)

    Quote: يتدمزّق
    يااااااااااااااااه
    والله المفرده دي طولت طول ما سمعتها
    شكرا يا هاشم والله رجعتنا لزمن جميل شديد

    امي كانت ترددها عندما الواحد يتلبش ويتبشتن _من البشتنة_
    فتقول عليك الله خلي الدّمزاق وما تدّمْزق لينا!!
                  
|Articles |News |مقالات |بيانات

27-09-2018, 01:15 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 4105

للتواصل معنا

FaceBook
تويتر Twitter
YouTube


Re: فاطنة سيدي غالي: جماليات النشاز..! (Re: Elsanosi Badr)

                  
|Articles |News |مقالات |بيانات

28-09-2018, 06:35 AM

هاشم الحسن
<aهاشم الحسن
تاريخ التسجيل: 07-04-2004
مجموع المشاركات: 1407

للتواصل معنا

FaceBook
تويتر Twitter
YouTube


Re: فاطنة سيدي غالي: جماليات النشاز..! (Re: Elsanosi Badr)

    التلبش دا يا دكتور لما تلعب دمازيق عمر بومبينو بالجيتار،
    طوالي دستورك ينزل في الصحراء الكبرى.
    دمازيق ودمزوق ودمزقة دي بنكون سمعناها منك أو من عزت الماهري
    أو من محجوب عبدالله، تشبه لي أسماء أرواح الصحارى ههههها..

    شكرا على الفيديوهات والمزيكة ياخي ..
    غايتو في ظني وبالقليلة كدي، فنص سر موسيقانا تراهو مع الطوارق ديل.

    هاك فقير تمبكتو دا، موسيقتو بتطرد الجن اللحمر والعين الشريرة هههههها
                  
|Articles |News |مقالات |بيانات

28-09-2018, 08:40 AM

Kabar
<aKabar
تاريخ التسجيل: 26-11-2002
مجموع المشاركات: 17185

للتواصل معنا

FaceBook
تويتر Twitter
YouTube


Re: فاطنة سيدي غالي: جماليات النشاز..! (Re: هاشم الحسن)


    الأصدقاء..عيال ابا
    هاشم الحسن ..
    السنوسي بدر
    كتر خيركم على المرور ونكت هذا الخيط من الأسافير البعيدة..
    شكرا للأضافات والملاحظات..
    صديقي هاشم..
    مناغمة للأصدقاء ابوجديري والشقليني..فيها تمرد عديييل يا صاحب..والهامش والمركز يبدو انها مفاهيم ستخرج لأفاق ارحب..
    ولكن الأهم..في اعتقادي..مراجعة مفهوم (الغابة والصحراء)..ولقد قدمنا الصحراء كثيرا..والآن نحتاج ان نقدم الغابة بمفهوم جديد..
    كتر خيرك للأشارة للفيديو الرايح منك..وهناك مشروع موسيقى اسمه (الأبار تغني)..او الأبار الصادحة..
    The Singing Wells Project
    وهو مشروع مهم للغاية للباحث والمحلل والمتأمل والمتذوق..
    هنا نموذج ، ولو تابعت النموذج في اليوتوب أو كتبت اسم المشروع سينقلك الى افاقه العجيبة والمدهشة..والإهتمام بعرض الآلآت الموسيقية الشعبية لشعوب كثيرة من وسط القارة (معظم الأعمال الآن من كينيا ويوغندا)..






    في هذا النموذج تلاحظ استخدام الطبول العديدة ، وطريقة عزف الطمبرا ، والأهم طريقة صناعة امكيكي وعزفها والأصوات التي تصدرها..!!
    لغاية ما نشوفكم..
    كبر
                  
|Articles |News |مقالات |بيانات

15-10-2018, 04:49 AM

هاشم الحسن
<aهاشم الحسن
تاريخ التسجيل: 07-04-2004
مجموع المشاركات: 1407

للتواصل معنا

FaceBook
تويتر Twitter
YouTube


Re: فاطنة سيدي غالي: جماليات النشاز..! (Re: Kabar)

    عودة،
    وهل غادرنا؟
    لكن بخبر.. عن "مهرجان ساما: دورة الآلات الوترية"..

    وتــــــريات؟
    أم كيكي/رباب وماسنكوب/طنبور/ربابة
    وعود وكمان وجيتارات... وتريات.. رائع..
    رائع!!
    هي الموسيقى السودانية أصلا شنّها بلا الوتريات والطبول؟
    جيد ان يكون وعي واهتمام بالوتريات.. لو في زيادة كمان، فخير وخيرين.
    عاصم قرشي، عمر احساس، الفاتح زولو.. تنوع جيد أيضا والأفضل أن يتسع..
    بس شوف الخبر..
    https://www.alaraby.co.uk/Print/510245b1-8cac-447a-899e-ea8b01db740c/28b863d5-d1ca-4f32-b75b-710ad017dd27https://www.alaraby.co.uk/Print/510245b1-8cac-447a-899e-ea8b01db740c/28b863d5-d1ca-4f32-b75b-710ad017dd27
    Quote: "مهرجان ساما": دورة الآلات الوترية
    2018-10-14 | الخرطوم - العربي الجديد
    تنطلق عند الثامنة من مساء اليوم الأحد فعاليات الدورة الرابعة من "مهرجان ساما الموسيقي" في الخرطوم، والذي يتواصل حتى التاسع عشر من الشهر الجاري تحت شعار "وتريات"، بتنظيم من "معهد غوته الثقافي".

    تهدف التظاهرة التي تتوزّع عروضها بين المسرح القومي في أم درمان و"المعهد الثقافي الفرنسي" و"غوته" إلى "خلق حالة تبادل الموسيقى بين السودان وموسيقى باقي بلدان العالم، ولعكس تراث البلاد الثري وتنوعها الموسيقي الموغل في التاريخ، الذي تمتد جذوره إلى آلاف السنين، وللدمج بين الفنون الشعبية والحديثة لشعوب العالم"، بحسب المنظّمين.

    تختص الدورة الحالية بالآلات الوترية (الحديثة والتقليدية)، وتُفتتح بحفل بعنوان "أصوات من السودان" للموسيقي عاصم الطيب الذي اهتمّ بتحويل ألحان الاَلات الشعبية إلى نوتات موسيقية بآلة الكمان، خاصة في المناطق السودانية التي شهدت نزاعات مسلحة، ومن أبرز أغانيه "رحل بيّ دقندرا"، و"سوداني أسمراني"، و"دوشا"، و"سجن سجن".

    في اليوم الثاني، يُقام عرض "ارتجال" للفنان السوداني عمر إحساس الذي قدّم منذ بداياته موسيقى الحقيبة التراثية المستندة على السلم الخماسي، موظفاً إيقاعات منطقة دارفور؛ مسقط رأسه، إلى جانب إدخاله موسيقى الريغي والراب في أغانيه مثل "دروب السلام"، و"الصغيرون"، و"حمراء"، و"زولي"، و"قال الغلابة".

    يشارك في المهرجان الباحث والموسيقي يوسف الموصلي، الذي قاد "أوركسترا المعهد العالي للموسيقي والمسرح" السودانية لسنوات عديدة، وقدّم عشرات الأغاني منها "مسدار"، و"رسالة إلى أمي"، و"وينك انتي"، إضافة إلى نشره بحوثاً ودراسات حول الموسيقى السودانية وأعلامها كالفنان محمد وردي ومصطفى سيد أحمد.

    يتضمّن البرنامج حفلاً للفنان السوداني محمد الفاتح زولو الذي يقدّم أغاني تنتمي إلى التراث الصوفي وأخرى تخصّ منطقة النيل الأزرق، وفرقة "جيم جيم" من ألمانيا، وفرقة "مازافيري زاوسي" من تنزانيا.

    يُعرض أيضاً فيلم "بروكلين" (2016) لـ باسكال توسو من فرنسا، والذي يروي قصة الفتاة بروكلين التي تهرب من منزلها الكائن في سويسرا، وتتوجه للعيش في باريس لكي تثبت نفسها في مجال أداء موسيقى الهيب هوب.


    الضيوف من المانيا (معهد جوتة هو المنظم للفعالية) ومن تنزانيا (قول دي تجربة للتفاعل الموسيقي الغربي الأفريقي) أوكي!!
    لكن ليه مافي ضيوف من اثيوبيا ولا من أرتريا ولا من مالي ولا من الجزائر ولا النيجر ولا من يوغندا ولا من جنوب السودان ولا من مصر الوترية.. غريبة!!
                  
|Articles |News |مقالات |بيانات

15-10-2018, 05:06 AM

هاشم الحسن
<aهاشم الحسن
تاريخ التسجيل: 07-04-2004
مجموع المشاركات: 1407

للتواصل معنا

FaceBook
تويتر Twitter
YouTube


Re: فاطنة سيدي غالي: جماليات النشاز..! (Re: هاشم الحسن)

    (الغربي) في الغربي الافريقي تقرأ (العربي)
    التعديل صعب ياخي..
    والمداخلة من (قسمة) فيديو عمر احساس
    (دارفور بلدنا) الموجود برابط الصحيفة.

    لو تلاحظ، في الفيديو، في زول فاضت بيهو المشاعر لدرجة (خر على ركبتيه)..
                  
|Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de