|
|
 Re: ارتفاع فاحش في السلع (Re: عبدالحفيظ ابوسن)
|
زمان يا حفيظ
1998 تقريبا
وقدام عيادة احد الاصدقاء في شارع الدكاترة امدرمان ..
راقبنا مشهدا يدور بين عسكري مرور وسائق حافلة للركاب مليانة لي ود عينها ..
يبدو ان الحافلة كانت رخصة للعمل في خط في الخرطوم ..
وسائق الحافلة يقطن امدرمان الثورة
وللوصول للخط المصرح به يأخذ ركابا للخرطوم ..
المهم قد يكون مخطئا من ناحية قانونية وليست تلك هي المشكلة .. المشكلة ان العسكري قرر معاقبة صاحب الحافلة عقابا اضافيا لانو اتكلم معاهو بلهجة (عادية) .. وفي تصور العسكري ان اي لهجة مافيها خوف وتبجيل لسعادتو قلة ادب فقرر انو ما يقطع الايصال ويخلي السواق والحافلة والركاب لاطول فترة ممكنة عقابا لهم ..
خضع الجميع لهذه العقوبة بلا "بغم واحدة"
الا عمك كده لابس عمة وجلابية نضيفة جدا لكن مهترئة انتهر الجميع على سكوتهم واخرج راسه من شباك الحافلة وقال مخاطبا العسكري في صوت جهور:
يا ولدي البلد دي لو لمينا في واحد من الحكام وضبحناهو جخخخخخ .. ما كنتو انتو قليتو ادبكم على الشعب السوداني
|
|
  
|
|
|
|
|
| |
محمد حيدر المشرف
فيس بوك
تويتر
انستقرام
يوتيوب
بنتيريست