على كل رحبنا باخينا قدورة في اطروحاته ونرحب به ثانية وثالثة ولكن الاخ قدورة والاخ النذير كلمة المناضل اوعا تكون عندنا زي كلمة يا دكتور التي ينالها الآن في السودان كل من له وجاههة اجتماعية لأن النضال الاسفيري دا لا يقتل ذبابه لكنه يحرك السحب فقط هذا حسب فهمي وليس بخساً لجهد احد من الناس وواضح أنك داخل بتقلك مع تمنياتي لك بالتوفيق
07-14-2018, 03:10 PM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
Quote: على كل رحبنا باخينا قدورة في اطروحاته ونرحب به ثانية وثالثة ولكن الاخ قدورة والاخ النذير كلمة المناضل اوعا تكون عندنا زي كلمة يا دكتور التي ينالها الآن في السودان كل من له وجاههة اجتماعية لأن النضال الاسفيري دا لا يقتل ذبابه لكنه يحرك السحب فقط هذا حسب فهمي وليس بخساً لجهد احد من الناس وواضح أنك داخل بتقلك مع تمنياتي لك بالتوفيق
عليكم السلام علي ما انا الا مواطن ولا يهمني الالقاب همي وجود وطن معافي وشامخ يسع الجميع والالقاب (سلبية او ايجابية كانت) متروكة لتقديراتكم كيزان وشرفاء فهي لا ترفعني مكانة ولا تضعني في موضع اهانة ...
07-14-2018, 03:11 PM
عبدالقادر محمد
عبدالقادر محمد
تاريخ التسجيل: 07-09-2018
مجموع المشاركات: 2780
اخي قدورة اتمنى لك كل توفيق واثراء البورد بما يحرك ركوده وتجدني من المعاضدين لك بدليل مداخلاتي المتعددة فيما تطرح ولكني ضد الالقاب الاسفيرية الخاصة بالنضال الوطني فقد لاحظت أن بعض من نالوا جنسسيات دول غربية يأتون للوطن في عطلاتهم ويختفون من المنبر بصفة تامة وعندما يعودوا لتكم البلاد تُسَنُ أقلامهم وينادوا بالنزال لاسقاط وتصفية اهل الانقاذ وعشيرتهم الاقربين والابعدين نسباً بالتوفيق
07-14-2018, 05:49 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
أهلاً بكم .. على هذه الساحة العامرة بأصحابها الكرام .. الذين يهدونكم السلام .. على الدوام .. وكما تعودنا .. أن نقدم فى هذه المناسبة .. الجبنة أم شرغرغ .. والشاى أبو نعناع ..
و هنا .. و فى حوشنا المرشوش .. وعلى الطريقة السودانية الأصيلة .. من كراسى الخيزران .. و بين الحبايب والجيران .. لا خوف من نفاذ الكراسى والمكان .. لأنه بعد هنيهة قصيرة .. تجد البنابر نطت الحيطان .. و أحضرت فى الحال .. ومش بس البنابر .. حتى العناقريب .. أم كرًاب .. بالحبال المشدودة .. تقول يا ليل .. وترفع كراعيك .. وتشوف السما الزرقا .. ولاسيما .. مع قطوعات الكهربا هذه الأيام .. و يا سلام على القمره .. النجوم .. تخليك تقول .. يا حليل الخرطوم .. وناس الخرطوم .. وبالمناسبة .. ناس الحوش دا .. أغلبم من ناس زمان .. ناس .. " إذاعة هنا أمدرمان " .. والراديو الفيلبس ..
...
يا حليل الزمن الروح .. و يا حليل سودانا حق زمان .. وناس زمان .. وفنانين زمان .. وبهذه المناسبة .. أهديك هذه الأغنية الفريدة .. للفنان .. الجميل .. عبد الكريم الكابلى ..
مرة أخرى .. آلاف من المراحب .. من عمك العجوز .. أى .. يا هو زاتو .. سودانى عجوز .. عمك العجوز .. ارنست .. +++
07-15-2018, 05:26 AM
Kabar
Kabar
تاريخ التسجيل: 11-26-2002
مجموع المشاركات: 18537
عارف يا عبد القادر ، ناس امسودان مرات عندهم شفرات قاسية وصعبة ، بتفكها اشارات بسيطة للغاية ، لدرجة تحير العالم كلو (هل تصدق يا عبد القادر ، العالم ، ما قادر ، حتى الآن ، يفهم عقلية ناس امسودان ، وبكل جبروتهم وادواتهم (ناس العالم وكده) محتارين في هذه الشخصية المتميزة على مستوى الكرة الأرضية..!!)
صورة البروفايل بتاعك يا عبد القادر ، براها بالدنيا ياخي ، فالنور الجيلاني ايقونة عظيمة ، حتى الآن شعوب البنادر والنخبة السودانية ما قادرة تتأمل معاني النور الجيلاني : شكلا..سلوكا..الإضافة المفارقة في المشهد الثقافي والغنائي والشعري في امسودان....!!
هل تصدق يا عبد القادر ، كلما احن لتأمل خريطة امسودان قبل انفصال الجنوب ، اضعها كاملة امامي والخلفية تجربة النور الجيلاني كاملة ، لا اتوقف فقط في اغنيات من شاكلة (فيفيان) ، و (ميري) ، و(جوبا)..وفي كل لحظة تأمل اسأل نفسي: يا ربي الحاجات الشايفها النور الجيلاني في امسودان ح نقدر نشوفها بنفس قدرة الرجل؟..
مرحب بيك..ولن اوصيك كثيرا: فقط كن ذاتك..وتوقع الإختلاف مع ناس كتار..وصدقني اختلاف سيكون بسيط للغاية (دايما افهمو سوداني سوداني)..وكل المطلوب دافع عن حاجاتك ورؤيتك..وما تشتغل بي زول او زولة ..سواء اتفق معاك (عشان يخلق منك جندرمة وباشبوزك في صف معين) أو اختلف معك وحاول يشيطنك ويختك في صف معين عشان يسويك تختة تنشين ما جايب حقو..!
في أي وجود ليك في المنبر ده يا عبد القادر..خت في بالك حاجتين: صورة البروفايل بتاعك ، وحضور استاذنا ارنست (سوداني عجوز)..بس اوع تزود المحلبية وتبقى مسيحي..!!
فقط اتذكر انو في رمضان ، ناس عمنا ارنست بيمرقوا صينة الفطور لمدة تلاتين يوم مشاركة لجيرانهم في الحلة/ الحي..فهل بتقدر تمرق صينة فطور في ايام اعياد الكريسماس احتفالا مع ناس ارنست؟..
لو بتقدر تسوي الحركة دي أو معترف بيها وتضعها في اعتبارك..ممكن يا قريبي نكورك معاك في ضرورة اسقاط نظام الجبهة الإسلامية من قعر القاعدة..اما اذا ما بتقدر..فشنو ليك حق حرية التعبير غير الناضجة..ودي برضك ليها تمنها..!
ليك ولحبيبنا سوداني عجوز..!
كبر
07-15-2018, 06:14 AM
علي دفع الله
علي دفع الله
تاريخ التسجيل: 08-31-2012
مجموع المشاركات: 2435
كون مبادر وهميم وصادق انقل الهموم ولك في ود ابسن اسوة حسنة دي ما استاذية بس الخط دا وصلت ليه بعد عك وعوة لي عنان السماءفي المكان دا .. بما انك عمل ليك التقديم النذير علي الحلف انت في منزل عليا .. تحياتي
07-15-2018, 06:23 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: ما انا الا مواطن ولا يهمني الالقاب همي وجود وطن معافي وشامخ يسع الجميع والالقاب (سلبية او ايجابية كانت) متروكة لتقديراتكم كيزان وشرفاء فهي لا ترفعني مكانة ولا تضعني في موضع اهانة
ياخي والله دا رد وفهم راقي جدا اشفقت عليك صراحة و النذير يلخّك بلقب مناضل لأنه ليس دائما ولا عند الكل يحمل دلالات ايجابية, دا غير انه عادي الالقاب الاسفيرية دي بدوك ليها ويجوا يقلعوها في أوّل ملف زي ما حصل مع لقب "الكنداكة" لتراجي :)
مرحب بيك في المنبر ومرحب بجهودك في سبيل الوطن ولا شيئ غيره
07-15-2018, 07:03 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
Quote: ياخي والله دا رد وفهم راقي جدا اشفقت عليك صراحة و النذير يلخّك بلقب مناضل لأنه ليس دائما ولا عند الكل يحمل دلالات ايجابية, دا غير انه عادي الالقاب الاسفيرية دي بدوك ليها ويجوا يقلعوها في أوّل ملف زي ما حصل مع لقب "الكنداكة" لتراجي :)
مرحب بيك في المنبر ومرحب بجهودك في سبيل الوطن ولا شيئ غيره
الله يكرمك اخوي محمد الخضر اتمني ان اكون عند حسن ظنك وظن الجميع تحياتي ...
07-15-2018, 10:17 AM
عبدالقادر محمد
عبدالقادر محمد
تاريخ التسجيل: 07-09-2018
مجموع المشاركات: 2780
كون مبادر وهميم وصادق انقل الهموم ولك في ود ابسن اسوة حسنة دي ما استاذية بس الخط دا وصلت ليه بعد عك وعوة لي عنان السماءفي المكان دا .. بما انك عمل ليك التقديم النذير علي الحلف انت في منزل عليا .. تحياتي
الرجل الفنان الانسان علي يديك العافية ولي اسوة حسنة بالجميع الله يكرمك واتمني ان اكون عند حسن الظن ...
07-15-2018, 10:14 AM
عبدالقادر محمد
عبدالقادر محمد
تاريخ التسجيل: 07-09-2018
مجموع المشاركات: 2780
عارف يا عبد القادر ، ناس امسودان مرات عندهم شفرات قاسية وصعبة ، بتفكها اشارات بسيطة للغاية ، لدرجة تحير العالم كلو (هل تصدق يا عبد القادر ، العالم ، ما قادر ، حتى الآن ، يفهم عقلية ناس امسودان ، وبكل جبروتهم وادواتهم (ناس العالم وكده) محتارين في هذه الشخصية المتميزة على مستوى الكرة الأرضية..!!)
صورة البروفايل بتاعك يا عبد القادر ، براها بالدنيا ياخي ، فالنور الجيلاني ايقونة عظيمة ، حتى الآن شعوب البنادر والنخبة السودانية ما قادرة تتأمل معاني النور الجيلاني : شكلا..سلوكا..الإضافة المفارقة في المشهد الثقافي والغنائي والشعري في امسودان....!!
هل تصدق يا عبد القادر ، كلما احن لتأمل خريطة امسودان قبل انفصال الجنوب ، اضعها كاملة امامي والخلفية تجربة النور الجيلاني كاملة ، لا اتوقف فقط في اغنيات من شاكلة (فيفيان) ، و (ميري) ، و(جوبا)..وفي كل لحظة تأمل اسأل نفسي: يا ربي الحاجات الشايفها النور الجيلاني في امسودان ح نقدر نشوفها بنفس قدرة الرجل؟..
مرحب بيك..ولن اوصيك كثيرا: فقط كن ذاتك..وتوقع الإختلاف مع ناس كتار..وصدقني اختلاف سيكون بسيط للغاية (دايما افهمو سوداني سوداني)..وكل المطلوب دافع عن حاجاتك ورؤيتك..وما تشتغل بي زول او زولة ..سواء اتفق معاك (عشان يخلق منك جندرمة وباشبوزك في صف معين) أو اختلف معك وحاول يشيطنك ويختك في صف معين عشان يسويك تختة تنشين ما جايب حقو..!
في أي وجود ليك في المنبر ده يا عبد القادر..خت في بالك حاجتين: صورة البروفايل بتاعك ، وحضور استاذنا ارنست (سوداني عجوز)..بس اوع تزود المحلبية وتبقى مسيحي..!!
فقط اتذكر انو في رمضان ، ناس عمنا ارنست بيمرقوا صينة الفطور لمدة تلاتين يوم مشاركة لجيرانهم في الحلة/ الحي..فهل بتقدر تمرق صينة فطور في ايام اعياد الكريسماس احتفالا مع ناس ارنست؟..
لو بتقدر تسوي الحركة دي أو معترف بيها وتضعها في اعتبارك..ممكن يا قريبي نكورك معاك في ضرورة اسقاط نظام الجبهة الإسلامية من قعر القاعدة..اما اذا ما بتقدر..فشنو ليك حق حرية التعبير غير الناضجة..ودي برضك ليها تمنها..!
ليك ولحبيبنا سوداني عجوز..!
كبر
تحياتي استاذ محمد النور شفرتنا نحن لم نستطيع ان نفككها حتي الان لنتعايش باحترام في هذا الوطن الغالي فطبيعي ان تستصعب علي الاخرين ولكن عزاؤنا ان المستقبل لنا مهما بعد الانسان الوطن نور الجيلاني عالم قائم بذاته لا يحسه كل من استمع له ولكن هو يحس بنا جميعاً اسال الله ان يلبسه ثوب العافية فنحن نفتقده بشدة ونحس بفراغ عظيم لا يملؤه الا (النور ) كبر اخوي ادرك انه في دواخل الجميع يتمنون زوال هذه (الجبهة ) القبيحة من وجه الوطن الذي اصبح كالحاً بسببها مهما علت هتافاتهم ولنا في معمر اسوة مقتداة قريبا .. ستجدني ان شاء الله امارس ادب الاختلاف الجميل الا علي من تمرد عن جادة الحق والحق ابلج تحياتي لك ...
07-15-2018, 08:40 AM
عبدالقادر محمد
عبدالقادر محمد
تاريخ التسجيل: 07-09-2018
مجموع المشاركات: 2780
أهلاً بكم .. على هذه الساحة العامرة بأصحابها الكرام .. الذين يهدونكم السلام .. على الدوام .. وكما تعودنا .. أن نقدم فى هذه المناسبة .. الجبنة أم شرغرغ .. والشاى أبو نعناع ..
و هنا .. و فى حوشنا المرشوش .. وعلى الطريقة السودانية الأصيلة .. من كراسى الخيزران .. و بين الحبايب والجيران .. لا خوف من نفاذ الكراسى والمكان .. لأنه بعد هنيهة قصيرة .. تجد البنابر نطت الحيطان .. و أحضرت فى الحال .. ومش بس البنابر .. حتى العناقريب .. أم كرًاب .. بالحبال المشدودة .. تقول يا ليل .. وترفع كراعيك .. وتشوف السما الزرقا .. ولاسيما .. مع قطوعات الكهربا هذه الأيام .. و يا سلام على القمره .. النجوم .. تخليك تقول .. يا حليل الخرطوم .. وناس الخرطوم .. وبالمناسبة .. ناس الحوش دا .. أغلبم من ناس زمان .. ناس .. " إذاعة هنا أمدرمان " .. والراديو الفيلبس ..
...
يا حليل الزمن الروح .. و يا حليل سودانا حق زمان .. وناس زمان .. وفنانين زمان .. وبهذه المناسبة .. أهديك هذه الأغنية الفريدة .. للفنان .. الجميل .. عبد الكريم الكابلى ..
مرة أخرى .. آلاف من المراحب .. من عمك العجوز .. أى .. يا هو زاتو .. سودانى عجوز .. عمك العجوز .. ارنست .. +++
ما عجوز ولا شيئ عمنا ارنست ولسان حال حروفك دائماً يقول خلق الشباب ولا أزال أصـونه .... وأنا الـوفي مودتي لا تخـلق علي قدر سعادتي بحروفك الا انها لا تكتمل الا بعد ان تصبح هذه المودة حاضرة علي ارض واقعنا وان تعود ايام زمان حيث ان الجميع احبة يعيشون علي ارضنا الطاهرة بلا ضغائن ولا احقاد في مودة تامة لا تستطيع ان تميز الي ديانة يتبع هذا او ذاك الا عندما يذهب الجميع الا معابدهم لممارسة طقوس الحب بحق من يعبدونه اتانا في ليلة ظلماء من فرق بيننا قاطعا لوصل حبل المودة الذي يجمع ستدر الايام وسنعود جميعا متعانقين بحنين الماضي نحمل الشوق بين اضلعنا لنقول للعالم هذا هو السودان الذي صوره لكم اخوان الشيطان بأنه كابوس العالم ومنبت الشر ومنبع الارهاب لك التحية عم ارنست وللجميع وشكرا علي الترحيب ...
07-15-2018, 08:28 AM
عبدالقادر محمد
عبدالقادر محمد
تاريخ التسجيل: 07-09-2018
مجموع المشاركات: 2780
سفيرنا المحترم منان القومة ليك لأنك اخترت الصاح وانحزت للوطن في وقت كان فيه الصاح لايظهر الا علي استحياء الله يشرف قدرك وحنبنيهو البنحلم بيه يوماتي ...
نفسي قام وانا ارد واتمني ان لا اكون قد نسيت احدكم احبائي اشكركم علي حفاوة الترحيب وكرم الضيافة واجمل ترحيب بي هو مشاركتكم لي اوجاع الوطن من خلال ما اكتب لكم مني فائق المحبة وخالص الود ...
07-15-2018, 10:24 AM
عبدالقادر محمد
عبدالقادر محمد
تاريخ التسجيل: 07-09-2018
مجموع المشاركات: 2780
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة