|
Re: السلطات الهندية تقبض على سودانيتين حاولت� (Re: walid taha)
|
حبيبنا حسن فرح .. مودتي .. نحن خائبين حتى في السرقة ( كيلو واحد ) إحتمال يكون نوع من الزينة مثل السلاسل التي تربط في الخصر ( زمان كان بالخرز) وهل لا يعرفن أن هناك معدات تكشف حتى داخل المعدة .. دعك من الاماكن الحساسة
سؤال زول تربال حبيبنا حسن : ( هل الاعضاء الحساسة تظهر لمفتيشي المطارات ؟ )
مودتي الحبيب حسن ..
| |
|
|
|
|
|
|
Re: السلطات الهندية تقبض على سودانيتين حاولت� (Re: Hassan Farah)
|
الحبيب الرايق ديمة على عبدالوهاب عثمان لك اطيب تحية والله يا اخى السودان اصبح امره عجيب و بعض السودانيين والسودانيات التقول فقدوا عقولهم خالص...يعنى قبل تلاتة اسابيع كان فى حادث مشابه الهنود قبضوا النسوان ومعهن رجل وصادروا كل شئ معقولة الهايفات ديل ما سمعن بالحكاية دى عشان يكررن نفس العملية الفاشلة؟ P.S :عندى ابن اختى ابوه دنقلاوى من إندكم اسمه الدرديرى ككانتود اها ككانتود دى معناها شنو
| |
|
|
|
|
|
|
Re: السلطات الهندية تقبض على سودانيتين حاولت� (Re: Hassan Farah)
|
عندى ابن اختى ابوه دنقلاوى من إندكم اسمه الدرديرى ككانتود اها ككانتود دى معناها شنو
================
أهلاً يا الحبيب تشرفنا كثير كثير .. الدرديري عائلات ممتدة في منطقة دنقلا وكل الوطن وأحسب أن الأصل من حفير مشو وهي من الاسر الممتدة ، ومعروف عنهم تفوقهم العلمي ومستوى الذكاء لديهم يعني ما كانوا ترابلة ولكن أهل علم .. ( ككانتود ) بالعربي ( آل ككا ) وأيضاً هناك ( كنتود ) بالعربي ( آل كنه ) وهناك عائلات مشهورة أيضاً فيها الكثير من النخب السياسية السودانية ( بابتود ) بالعربي ( آل بابا ) الترجمة الحرفية لعبارة ( تود ) معناه ( إبن ) ولكن في حالة العائلة تصبح ( آل فلان )
مرحب حباب إبن الاخت .. دنقلا أصبحت 4 ساعات من العاصمة ممكن يقوم بسياحة لأهله .. وكمان يزور آثارات كوش في كرمة ومتحف شارلي بونيه الغريبة حبيبنا حسن الخواجات في الشتاء بالمئات يزوروا المنطقة ما في سياحة داخلية ولا حتى وزير السياحة ..
معليش طولت عليك ياالحبيب مودتي .. دائما أقرأ بوستاتك
| |
|
|
|
|
|
|
Re: السلطات الهندية تقبض على سودانيتين حاولت� (Re: Hassan Farah)
|
معليش طولت عليك ياالحبيب ----------------------------------------------------------- يا ريتك واصلت كلامك الحلو دا ياالحبيب يا اخى دى معلومات ثمينة خالص ساستغلها واستعرض بيها على ابن اختى هو بالمناسبة مشى فى سكة المرحوم والده وتزوج دنقلاوية وعندو منها وليد وبنية ربنا يحفظهم
| |
|
|
|
|
|
|
|