الكاروري في خطبة الجمعة الفاتت قال : *بعد ما كان في الخرطوم 144 بار هسي في 5500 مئذنة* رد عليه واحد مقهور وقاليهو :- ✋البارات دي قفلتوها إنتو يا الكاروري ولا شنو؟! البارات دي قفلا نميري في آخر عهدو (الشريعة) وبين عهد نميري وعهد الكيزان، في عهد إنتقالي (سوار الدهب)، وبعد سوار الدهب، في عهد ديمقراطي (الأحزاب). 😭في عهدكم يا الكاروري ظهرت كل أنواع المخدرات الما كانتع معروفة في السودان بتاتا.. مخدرات دخلت البلد بكونترات وأوراق شحن مدون فيها كل البيانات الضرورية لنقل كونتنر عبر البحر (إسم السفينة الناقلة/بلد المصدر/إسم المصدر/إسم المستلم... إلخ) والكونترات دخلت عبر ميناء بورت سودان ووصلت لميناء سوبا البري. النوريك يا الكاروري الكان ما موجود وظهر في الكيزان.. 😭في عهد الكيزان أصبحت كل موبقات المدن متوفرة لدينا:- 1- العاهرات.. داخليا وعالميا .. 3- الشعوذة والدجل والاتجار بالدين 4- الرشوة. 5 المحسوبية. 6) الاغتصاب 😭في عهدكم يا الكاروري إتجير الفقة لصالحكم كزمرة منقذة للبلاد:- 1- التجنيب. 2- التحلل. 😭في عهدكم يا الكاروري المال العام أصبح مباح لدرجة سرقة 100 مليار دولار حصيلة البترول + 60 مليار دولار حصيلة الذهب. 😭في عهدكم يا الكاروري إنهارت كل المشاريع التي قامت أثناء وجود 114 بار:- 1- إنهار مشروع الجزيرة. 2- إنهارت كل مصانع السكر (كنانة/الجنيد/الحاج عبدالله/سنار/عسلاية). 3- إنهارت كل مصانع النسبج 4- انهارت الخطوط البحرية السودانية . 5- انهارت الخطوط الجوية السودانية 6- انهارت السكة حديد 😭في عهدكم يا الكاروري ظهرت المشاريع الوهم المدرة للسحت:- 1- الثورة الخضراء. 2- ترعتي الدندر والرهد. 3- سندس. 4- المدينة الرياضية. 5- ثورة التعليم. 6- نأكل مما نزرع ونلبس مما نصنع. 7- المدن الوهم (الحزام الأخضر/الخوجلاب/المندرة... إلخ). 8- طريق الإنقاذ الغربي. 9- مطار الخرطوم الجديد. 😭في عهدكم يا الكاروري تم تمجيد توافة لتشغل الناس:- 1- الذكر والذاكرين (الصافي جعفر بتاع سندس). 2- كرة القدم. 3- برامج ونوادي لتمجيد الغناء. 4- حفلات تخريج أطفال الروضة وهبل الجامعات. 😭في عهدكم يا الكاروري إنهارت الخدمة المدنية بإحالة (27) ألف موظف للصالح العام، واستبدالهم بالضعفاء منكم اللصوص (التمكين). 😭في عهدكم يا الكاروري دار المايقوما لفاقدي الأبوين (أولاد الحرام) أصبحت تستقبل في اليوم الواحد 20-30 طفل لقيط. 😭في عهدكم يا الكاروري إشتعلت حروبات الأطراف. 😭في عهدكم يا الكاروري همش الجيش وبدل بمليشيات (الدبابين/الجنجويد/حمدتي). 😭في عهدكم يا الكاروري أصبح المال دولة. وإشرأبت أبراج وقصور وفلل السحت ومال التجنيب والتحلل والإختلاس (حسب موظف الحكومة في تقرير النائب العام من زمن مارن). 😭في عهدكم يا الكاروري وصل سعر الدولار الواحد لأكتر من 40 ألف جنية سوداني (40،000) وكان قبل إنقلابكم ب12 جنية الساكت عن الحق شيطان اخرس ياشيخ الكاروري ... 😷رجعوا لينا سودانا ابو 144 بار احسن من سودانكم دا يا فاسدين لو كان فيه مليون مسجد ضرار .
العنوان
الكاتب
Date
بعد ما كان في الخرطوم ١٤٤ بار هسع في ٥٥٠٠ مئذنة؟؟؟ منقول
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Yasir Elsharif
فيس بوك
تويتر
انستقرام
يوتيوب
بنتيريست