|
|
|
 Re: لماذا لا تلغى الحكومة الحج والعمرة ؟ (Re: عبدالحفيظ ابوسن)
|
عمرة رمضان هذا العام 200 ألف شخص بتكلفة 26 مليون للشخص .. مع التذكير انو كل معتمر بشيل معاهو ريالات للصرف هناك
العمرة اصلا 24 يوم تقريبا .
وبملاحظتي في مدينة كوستي الذين يعتمرون كل مرة نسبة 90% منهم يعتمرون بشكل راتب وفي مجموعات ثابتة
| |
 
|
|
|
|
|
|
|
|
Re: لماذا لا تلغى الحكومة الحج والعمرة ؟ (Re: عبدالحفيظ ابوسن)
|
هههه يا منص قال ليهو السكر دة عارفينو حلال شوف لينا العرقي
ياخ رافض شنو ؟ داير تجيب لي تهمة كمان
الحج بالاستطاعة صاح ؟
طيب ليه ما نوسع مخنا ونعتبر الاستطاعة تشمل الدولة كلها .. اقصد الوطن
ياخ البنوك ما تقدر تصرفك 2 مليون والحج يقرب لي 100 مليون مضروبة في كم مية ألف نفر؟
وشايلين عملة صعبة طايرة السماء
| |
|
|
|
|
|
|
|
|
|
Re: لماذا لا تلغى الحكومة الحج والعمرة ؟ (Re: عبدالحفيظ ابوسن)
|
رؤية شنو يا تماضر ياخ
دة فيهو حفرة معوقة وتفخيخ
داير يمرقنا من الجنة وصقطها
ونبقا نناقش في مشروعية الحج ودليله من الكتاب والسنة
وشروط الايمان واترشى بي منقول لامن اعرف حاجة
مافي خلاف الحج من اركان الاسلام الخمسة ولكنه مشروط
انا داير تأويل للشرط دة
| |
|
|
|
|
|
|
|
|
 Re: لماذا لا تلغى الحكومة الحج والعمرة ؟ (Re: محمد أبوالعزائم أبوالريش)
|
Quote: عشان تجينا السنة الجاية وتقول رمضان يا حكومة ,تلقاها عند الغافل داير تحج حج ما داير قول رافض
|
منتصر ياخي العافية درجات
***
اقتصاديا ، ابسن عندو الحق يحتج او يطالب .. طالما في مشكلة نقد اجنبي عويصة جدا يبقى توجيه موارد النقد لما يمس حيوات الناس
ببقى اولوية ، انت ما قادر تستورد ادوية منقذة للحياة الحج ليك شنو ؟ موارد النقد الاجنبي المتاحة البوفرا اقتصاد البلد لا ينبغي ان
يستفيد منها البعض اكثر من الاخرين في ظرف الندرة الذي نعيشه لان اي شخص نشط اقتصاديا ساهم في توفير جزء منها بطريقة ما ..
النقطة الثانية متعلقة بحالة الكساد الشديد في السوق وتضاءل ودائع البنوك وعدم قدرتها على القيام بدورها حتى في حدوده الدنيا ـ
الاموال التي تصرف على الحج يمكن ان تسهم في تحسين الاداء الاقتصادي في قطاعات كثيرة من خلال رفع معدل الاستهلاك او الانفاق
على السلع او الادخار وكلاهما في نهاية الامر يدور في دورة اقتصادية واحدة (مواطن اشترى سلعة - اودع التاجر المبلغ في حسابه - قام البنك باقراض
عميل لمشروع ما ) ..
حتى الحجاج الذين يحصلون على نفقات حجهم من مصدر خارجي (مغترب) ايضا ينطبق عليهم نفس الشيء بحساب ان الاموال التي يحجون بها
كان من المفترض ان تدور في اقتصادنا المحلي وليس اقتصاد دولة اخرى وهذا يقلص مصادر النقد الاجنبي ..
| |
|
|
|
|
|
|
|
|
|
Re: لماذا لا تلغى الحكومة الحج والعمرة ؟ (Re: Abdullah Idrees)
|
يا علاء بعثة الحج قرابة الألف نفر . بحجو وبقبضو ماهية كمان وعندهم امتيازات وكلو من قروش الحج
الشعب السوداني فيهو عاطفة دينية اصيلة وراسخة . في صناديق حج تبدأ من اخر الحج للحج الجاي . توفير قروش الحج .. وبعرف زول باع نص بيتو وحج بيهو
ف شنو الالف نفر ومصلحة الحج مابفكو الفايدة دي . والناس البسطاء مافي سكة تقنعهم
ببقا الاسلم قرار بس بمنع الحج هذا العام . عام الرمادة !
| |
|
|
|
|
|
|
|
|
|
Re: لماذا لا تلغى الحكومة الحج والعمرة ؟ (Re: عبدالحفيظ ابوسن)
|
إذا كان الحج على نفقة الدولة و بأموال المواطن ، يبقا ده الواجب المُلِحْ كمان .
أما المواطن العاوز يحج او يعتمر من حر مالو ، ما أعتقد في دولة أو شخص ليهو الحق يتدخل في خياراتو أو اولوياتو .
مظاهر السفه و التبذير راقدة ، رغم الظروف المعلومة ، الدولة أولى توقفها الأول ثم تتدخل في عبادات الناس.
تقديري ابوسن .
| |
|
|
|
|
|
|
|
|
|
Re: لماذا لا تلغى الحكومة الحج والعمرة ؟ (Re: عزالدين عباس الفحل)
|
المشكلة إنو بتطالب الحكومة؟!
هي ال تلغي كأن المشكلة في المواطن
وليس الحكومة!
ثم إن الشعائر الدينية هي الشىء الوحيد الذي
لم نؤمر فيها باتباع وطاعة ولاة الأمر والحكومات
إذا أمروا بترك شعيره من شعائر الدين أو أمروا بما
يخالف ما شرع من تفاصيل بشأنها
وهم أصلا تجار دين ما ممكن ينظروا للأمر
نظرة لمصلحة المواطن على حساب مصالحهم الخاصة.
والمواطن العادي يحج ويعتمر من ماله الخاص
فلو حج أو اعتمر 100 مرة لا يضر هذا بالاقتصاد شيء
لو هناك منع يكون للحج والعمرة والتسيهيلات بشأنها
للمسؤليين في الحكومة طيلة فترة عملهم أو تحدد
بمرة واحدة في العمر للموظف في الحكومة.
وخاصة المناصب العليا.
| |
|
|
|
|
|
|
|
|
|
Re: لماذا لا تلغى الحكومة الحج والعمرة ؟ (Re: عبدالحفيظ ابوسن)
|
المشكلة اصلا في الحكومة يا منتصر
هي الخلت الناس تعجز عن الحج
انا بقول ليك وحسب المعايشة 90% من الحجاج يحجون كل عام . الناس البتقدر تحج محدودة ومعروفة وثابتة
مالوا يمنع الحج الا مرة كل خمسة سنوات مثلا للشخص
وشوف ألف نفر في مية مليون ديل بي كم عشرة اس حداشر ج يعني مية مليار ديل بحجو علي نفقة الحجاج من الحكومة
عشان كدة تكلفة الحج عالية جدا
سيدنا عمر عطل حد السرقة ونحن لسة عاجزين عن رؤية الجانب الانساني المشرق في الدين انه ليس نصوصا جامدة
الحديث المأثور ألم يقل لا لبيك ولا سعديك؟
ارجو ان تعيد قراءة رد عبدالله ادريس
| |
|
|
|
|
|
|
|
|
 Re: لماذا لا تلغى الحكومة الحج والعمرة ؟ (Re: عزالدين عباس الفحل)
|
ابو سن وضيوفو - سلام عليكم
اسمحوا اعبر عن وجهه نظر من. زاوية تانيه ورومانسية شويه.
كان من قبل حديث عن اتخاذ موقف من اللحوم. طيب ليه ما يكون في حراك وموقف بخصوص غلاء تكلفه الحج والعمرة وتردى الوضع الاقتصادي العام. وفى الإسلام (عن أنس بن مالك ـ رضي الله عنه ـ قال: قال رسول الله صلى الله عليه وسلم: ما آمن بي من بات شبعان وجاره جائع إلى جنبه وهو يعلم به.) رواه الطبراني
(عن ابن عباس قال: قال رسول الله صلى الله عليه وسلم: ليس المؤمن الذي يشبع وجاره جائع إلى جنبه.) رواه الحاكم في المستدرك. والتراحم والتكافل من قيم الدين ليه ما يكون في حراك يخاطب الناس الماشه الحج دي بدل تروح واعلب تكاليف الحج في جيب سماسرة السياحة والطفيليين واهدار لعمله صعبه مكانها فى مفروض يتصرف فى وجه اخر ذو اولويه وطالما ياحجاج القروش طالعه لي الله - والاعمال بالنيات - أنفق جزء (ماداير أقول كلو) تصل رحمك الاهل والاقارب وتتواصل مع جارك سواء فقير او ارمله او ايتام او مريض محتاج دواء غالى او عمليه وتكون عمل خير وعباده. وكدا نضرب كم عصفور بحجر واحد حراك زي دا لو نجح بنسبه 25 او 30 % يكون انجاز وبروفه لنجاح وحدة الكلمة وحراك التغيير. وتانيا محاربه الطفيليين المنتفعين من المواسم دي.
ما ضروري نكون في خانه رد الفعل لازم نكون فاعلين في خانه الفعل وكل ازمه او مظهر استغلال لحق المواطن نحول ولى مبادرة ومصدر قوه
بعد كدا لو الجماعة العاملين فيها البلد دي حقتهم لو دايرين يمشوا كلهم خليهم يمشوا وبدل مايستغلو ويترزقو من مال المواطن اللي عاوز يؤدى فريضه. خليهم يصرفوا وينفعوا مؤسساتهم من أموالهم ويأكلوا من سنامهم.
.
كلامي دا من منطلق ورح مقاصد الاسلام. عشان ناس الصيد في المياه العكرة (يمتنعون)
| |
|
|
|
|
|
|
|
|
|
Re: لماذا لا تلغى الحكومة الحج والعمرة ؟ (Re: Asim Ali)
|
ناس الحكومة عارفين حجم خطاياهم قدر شنو وعايزين يكفروا عنها
واثقين إنو الشعب ما حا ياخد منهم القصاص عشان يمشوا الآخرة نضيفين
عشان كده بمشوا الحج، ولو بمرادم يزوروا البيت تلات مرات في كل عام
بين اليقظة والأحلام
| |
|
|
|
|
|
|
|
|
|
Re: لماذا لا تلغى الحكومة الحج والعمرة ؟ (Re: Asim Ali)
|
بل فكرتك افضل يا عاصم من فكرتي واجدي
في قصص عن من ترك الحج وتبرع بماله من اجل تحقيق شعار التكافل وحق المسلم علي المسلم
الحفاظ علي الارواح مقدم علي الحفاظ علي الاديان
الدين اتي للارتفاع بالانسان وواحدة من اهم عناصر الارتفاع به ان لا يكون محتاجا لما يبقيه علي قيد الحياة
| |
|
|
|
|
|
|
|
|
|
Re: لماذا لا تلغى الحكومة الحج والعمرة ؟ (Re: عبدالحفيظ ابوسن)
|
للحكومة وبعثاتها حج الغلابة أصبح - مصدر دخل ومأكلة ! و لبعضكوادرها وقيادتها - المتوجهة للحج
-
أصبح فشخرة ومسحة تزيين كاذبة - كما - حكة الجبهة - كغرة صلاة والتمتمة بتعبير -جزاك الله
خير" والله أكبر " الجديدة" وهو وسيلة لتصوير سفاح ولص ومحتال - متعلق بأستار الكعبة ومتمسح
بالحجر الأسود - الحج أصبج عند هولاء وسيلة مظهرية للتدين وخداع الناس -
يقول حميد
عُمرة وحجة ... وتسأل ربّكْ
يقبل توبتك يغفر ذنبكْ
يمسح سفّكْ ..
خيرات شعبكْ ..
اصلها كانت عترة في دربكْ
لما تعبت ... وفاتك حزبكْ
لما ضهبت ...وخانك قلبكْ
كانت هفوة في لحظة سهوة
عن الإنسان والحال الأسوأ
ودابك فُقتَ ..
وجاتك صحوة
وجيتَ تكفّر ..
يا رب تغفر ..
اغفر ..
اغفر
عبدك خاسر شيء ما بيسوى
انت القادر ... إنت الأقوى
؟؟؟؟؟؟
يا البتخادع حتى الله .. !!!
وين الشُّهرة .. المال ... والجاه ؟؟؟؟
وين السّطوة ..؟؟
الجّشَع .. ؟؟
القسوة .. ؟؟؟
اركزْ ..
اركِزْ
لا تجيب رَخْوَة
يا مِتلبّك في الأدران ..
الحجر الأسود ما هو البروة
وما ها مكاوى الكعبة تجيها ..
حين ينكَرْفَسْ توب التّقوى
ومافي خُرَط لي الجنّة تودِّي ..
لا في خُطط ممهورة برشوة
.......
| |
|
|
|
|
|
|
|
|
|
Re: لماذا لا تلغى الحكومة الحج والعمرة ؟ (Re: كمال عباس)
|
في البعض الحالات يمكن للدولة منع وحظر الذهاب للحج فمثلا حدث تفشي لوباء قاتل وسريع الانتشار "لاسمح الله"او حدث انفراط كارثي في الحالة الأمنية في الحرمين !فهنا القرار قرار دولةً لا قرار فرد !
*. من ناحية تانية مرات كتير من الناس بتتجاهل شرط الاستطاعة والقدرة -المادبةً -فكثيرا من يذبحون في عيد الاضحي لاتجب علبهم الاضحبة لعدم القدرة والاستطاعة ومع هذا يضحون —واذا غضيت النظر عن
البعد الديني وراعيت. البعد الاجتماعي والنفسي /الأطفال والفرحة ستجدك مقدر لمبررات من يضحي وهو غير مقتدر !
وبنفس القدر تجد جدا او جدة يدخر او يدبر نفقة الحج عشان يزور النبي ويحقق حلم عمره مع ا.نو في الحقيقة غير قادر لامادبا ولا بدنيا علي الحج ولما تشوف اللتاثير. النفسي يمكن تقول أفضل يحج
| |
|
|
|
|
|
|
| |
عبدالحفيظ ابوسن
تماضر الطاهر
علاء سيداحمد
MOHAMMED ELSHEIKH
مدثر صديق
محمد أبوالعزائم أبوالريش
Abdullah Idrees
Ali Alkanzi
محمد محمود محمد
عزالدين عباس الفحل
منتصر عبد الباسط
Asim Ali
معاوية الزبير
كمال عباس
فيس بوك
تويتر
انستقرام
يوتيوب
بنتيريست