طلب (رخيص) من حاتم ابراهيم

Quote: إنت يا حاتم استعملت علامة التشديد (~) عشان توضح التشديد في حرف الـ(z) في (blg Alsyl Alz~ubY) لـ(بلغ السيل الزُّبى). فإذا أخدنا بكلامك وافترضنا إنك شغال بالنقل الحرفي وما الصوتي (زي ما إنت بتقول) معناها ما ممكن تظهِّر اللام وفي نفس الوقت تظهِّر التشديد في حرف الـزاي (ز - z). التشديد إصلاَ ظهر لعدم ظهور اللام بسبب الحرف الشمسي، فإذا (مشَّيناك في الكلام) يبقى إذا ظهرت اللام لازم يغيب التشديد. السين في كلمة (السيل) نفسها حرف شمسي وغيرها كتير، لكن إنت عندك مرَّاقة واهية إنه التشكيل ما ظهر في الكتابة ولذلك لا يمكن (تفترضه) هههههه مع إنه إنت صاحب الجملة وما محتاج تفترض، وتبريرك بإنه إنت شغال "بمزاجك" وتساؤلك بإنه هل الشغل مزاجك "حرام" ده شغل مخارجة ما بينفع في أكاديميات. يا زول إنت يا حاتم شغلك ده ما شغل مزاج، ده شغل جهل بأسس الـ(transliteration). وزي ما قلت ليك لو كتبت مجلدات نظامك ده فضيحة بمعنى الكلمة وما حا تقدر تبرر للخرمجات فيهو.

المفردة دي (الزُّبى) مش انت شايف فيها خمسة حروف وحركتين؟
يبقى تنقلهن كلهن، أي اعتبارات صوتية دي ما شغلة نظام النقل الحرفي يا جاهل جداً
ما تبقى زول فهمك ضيق ومصر تثبت وقاحتك بالزندية ساكت، شرحنا ليك بالبلدي البسيط جداً
شنو الفرق بين النقل الحرفي والنقل الصوتي وقلنا ليك

1- النقل الحرفي بيهتم بالمفردة (أنت شايفها شنو)، يعني الإسبلنغ بتاعا
2- والنقل الصوتي بيهتم بالمفردة (أنت سمعتها شنو)، يعني القراية بتاعتا
حاول أفهم يا جاهل


فيبقى كلامك دا غبي جداً

Quote: معناها ما ممكن تظهِّر اللام وفي نفس الوقت تظهِّر التشديد في حرف الـزاي (ز - z). التشديد إصلاَ ظهر لعدم ظهور اللام بسبب الحرف الشمسي، فإذا (مشَّيناك في الكلام) يبقى إذا ظهرت اللام لازم يغيب التشديد.

شنو يعني (عدم ظهور اللام)؟ قصدك في النطق مش؟
ماهو شوف، أنا لي يومين بحاول أفهم مخك التخين دا إنو النقل الحرفي بينقل الحروف بهيئتها مش صوتها
يعني الإملاء الأنت شايفها في المفردة (الإسبلنغ) بتعوض كل حرف بآخر طق طرق، شايف لام تكتب القصادها
أما الصوت يظهر أو يختفي لأي سبب فداك عندو نظم بيسموها (النقل الصوتي)، وقع ليك يا الفونا والنيفيا؟
الصعب شنو في الكلام دا عشان ما تفهمو؟

فإذا انت بنفسك كتبتها كدة (الزُّبى) يعني دا الإسبلنغ بتاعا، كيف تجي تتلعمط وتقول (عدم ظهور اللام)؟

أمسك دا نظام نقل حرفي تاني، فيهو كلمة (الناس) النون حرف شمسي واللام ظاااااهرة دبر عنزاية
من عنزاياتك التزعة ديلك، حقات ديفز المترجم الكنت عايز تتسلقه إلا طقيناك بضهر اليد ونفضناك من قميصه!

https://en.wikipedia.org/wiki/Buckwalter_transliteration

حتشوف اللام تم نقلها هي والنون والشدة، أنت ما عاجبك الكلام دا معناها جهلك منعك الفهم السوي
ألعن الشيطان يازول وأرجع عيد البكلاريوس في قراية أهم.


ودا برضو كلام غبي جداً جداً

Quote: لكن إنت عندك مرَّاقة واهية إنه التشكيل ما ظهر في الكتابة ولذلك لا يمكن (تفترضه) هههههه مع إنه إنت صاحب الجملة وما محتاج تفترض

أنت عقلك صغير جداً بالمناسبة!
وللأسف ما عندي وقت أضيعو في محاولة تعليمك أسس اللغويات
لأنو تفكيرك اتجاه واحد، زي حمار الموية، نظرتك تقليدية جداً ومصحوبة بوقاحة الجاهلين.

مشكلتك ما قادر تفرق بين الحرف كصورة والحرف كصوت، دامجن ساكت
وغالباً متخيل إنو (الله) أنزل الحروف دي بشكلها وصوتها من السماء
مش كدة؟

___
قول ما تخجل عليك الله!

Quote: أنا نبَّهتك إنك ما تتكلم عن الكمبيوتر والنظام من اليوم اللي بريمة جاب فيهو النيران الصديقة لنظام التشكيل الضارب بتاعك داك؟ ده لو في نظام أصلاً.

أنت بحسب الوقائع أعلاه لغاية الآن ما مؤهل عشان (تنبه) أو حتى تعلق!
وماعندي فكرة بريمة دا قال شنو يتعلق بالتشكيل، لكن الشيء المتأكد منو أنك 100% بتكون جاهل بكلامو
مع ذلك نديك الفرصة تعوض عن (الهبالة) والموقف الصعب الأنت فيهو دا وتورينا مشكلتك شنو مع التشكيل.

Quote: وأنا مستعد أواصل معاك 10 سنة. ما تفتكر حا أتعب. +++ يا حاتم ورجغتك دي كلها ما بتحلَّك ولو كتبت ألف صفحة ما عندك مخرج. +++ وزي ما قلت ليك لو كتبت مجلدات نظامك ده فضيحة بمعنى الكلمة وما حا تقدر تبرر للخرمجات فيهو.

مافي مشكلة، بس أنت شغل لينا المخ، إن وجد!
أها جنس العولاق الفوق دا أنا كنت بسميهو (وقاحة) لكن اتضح إنو سلوك فطري طفولي كان المفروض أتوقعه
من زول كل همو يشرح للناس داخل بفيزا شنو وساكن وين وبيتفسح بكم وبدفع إيجار قدر شنو وبيتواصل مع منو!
who cares عليك الله ياخ؟، أكبر شوية واتصرف بطريقة راشدة تشبه حملة البكلاريوس.

نعرتك القبيحة بتاعت (افتراض الخطأ) ثم الموت في سبيل إثباته انجلت عن فشخ أكاديمي صريح هنا، أخجل شوية!
يعني كمان شوية خلي فرقة للناس تحترمك، فلو ما عندك حجة اكتفي بالتعلم لغاية ما تحرز تقدم يؤهلك للنقاش المتخصص.




هسع يعني غلبك تشرح لينا (فهمك) لأغراض النقل الحرفي؟
بيستخدموهوا لشنو بالمناسبة، أنا والله حزين أشوفك مجدوع جدام النيس كدة براك
لا يمكن تتمرمط بالطريقة البشعة دي ياخ وكل مرة تجي بمدخل جديد ونقطعه ليك في راصك
كدي برااااحة كدة أقرأ الشرح في اللنك الفوق دي وحاول (تفهم) موضوع النقل الحرفي
لازم تتعلم ياخ، الكرتونة دي المفروض تصحبها معلومات ومنطق وحجة مقنعة
والكثير من التهذيب.


تنح بالله، خلينا نشوف (غيرك)، أنا شبعت منك هنا، الأسبوع دا.

___
Case closed.