|
|
|
 Re: فتاة تعرض ألفي جنيه على شاب وسيم مقابل الظ (Re: MOHAMMED ELSHEIKH)
|
لم تجد فتاة وسيلة لإغاظة خطيبها السابق سوى الإعلان عن رغبتها في أن تجد شاباً يمثل دور
(خطيبها) يرافقها إلى حفل زواجه مقابل ألفي جنيه. ونشرت الفتاة (أ.ع) إعلاناً قالت فيه إنها تطلب
(ولد طويل ملتحي) يذهب معها إلى حفل زفاف (حبيبها وخطيبها السابق)
مقابل ألفي جنيه لمدة ساعتين فقط من الساعة 9 إلى 11 مساءً،
==================
حبيبنا التاج .. تحياتي .. قصة غريبة
نعم الوسامة والجمال من نعم الله على خلقه
الفين جنيه لمدة ساعتين ( دخل عالي جداً ما شاء الله ) يستاهل
أرزاق يا عمر التاج .. واحد محتاج ووسيم يستاهل .. المعايش بقت صعبة
( بعدين ما زي زمنا .. معظم الشباب فيهم وسامة ) زمان الوسامة حاجة نادرة جداً
المشكلة كمان حالياً عند تقديم الوظيفة تجد عبارة ( حسن المظهر )
لله الحمد والمنه زمنا كان الموضوع مختلف ..
أخاف على الشباب من عمليات التجميل ..
شكراً التاج الحبيب .. على البوست
| |
 
|
|
|
|
|
|
|
|
Re: فتاة تعرض ألفي جنيه على شاب وسيم مقابل الظ (Re: MOHAMMED ELSHEIKH)
|
الخرطوم يا محمد الشيخ بقت بلد الوجاهات بامتياز
عشان تتوظف لازم تكون وجيه
وعشان تبقى رجل اعمال لازم تكون وجيه
وعشان تكون زول محترم
وعشان تكون كوز كبير او نظامي رفيع
او حتة قيادي في الحزب او الدولة
لازم تكون وجيه.
وعشان تدخل مؤسسة حكومية او خاصة
او تقابل مسؤول فيها لازم تكون وجيه
وعشان تعرس او يعرسوك لازم تكون وجيه
وعشان تصلي في مسجد نضيف لازم تكون وجيه
بس عشان تترشح ضد الرئيس لازم تكون أشنا منه؟
الخرطوم يا مغتربين ياوجهاء خلاص انطبقت عليه مقولة حسين خوجلي
واتركزت فيها بؤر الوجاهة والمال والقصور عند حفنة مختصة لن تبرحها لغيرها في الوقت الغريب.
| |
|
|
|
|
|
|
|
|
|
Re: فتاة تعرض ألفي جنيه على شاب وسيم مقابل الظ (Re: Hani Arabi Mohamed)
|
حبيبنا علي عبد الوهاب سلامات ورمضان وكذا العيد مبارك عليك
Quote: نعم الوسامة والجمال من نعم الله على خلقه
الفين جنيه لمدة ساعتين ( دخل عالي جداً ما شاء الله ) يستاهل |
زمان اتخيل لي البقولو ليهو انت حلو بسعل
أسه الحلا بقوا يعلنوا عنها ،
لكن أهو رزق ساقه الله اليهم
ألفين حنيه في ساعتين يعني 24 مليون جنيه في اليوم يعني 720 مليون في الشهر يعني تمانية مليار ونصف في السنة
مرتب خمسين وزير نضيف أو خمسة من وزراء الإنقاذ 
| |
|
|
|
|
|
|
|
|
|
Re: فتاة تعرض ألفي جنيه على شاب وسيم مقابل الظ (Re: عمر التاج)
|
| Quote: وقريتا إنت ولا قراها زول قريبك |
لا قريتا بي ضبانتا يا محمد
حتى اتاكدت من اسم الصحيفة في الأول، وراجعت اسم الملاك و رئيس التحرير والكتاب والمصممون وبتاع الكمبيوتر وعامل البوفيه
وطلعت ياها زاااتا المجهر .
سيد بي المجهر لاتطلع قريبتك يالمسلمي ولا قريبة ود البشرى
| |
|
|
|
|
|
|
|
|
|
Re: فتاة تعرض ألفي جنيه على شاب وسيم مقابل الظ (Re: عمر التاج)
|
تحياتي أخي الصديق الصادق عبد الله
رمضان مبارك عليك يا راجل
Quote: وهل الإعلان مكتوب بالحبر السِري حتى لا يقع في عين العريس يا عمر
أم أن العريس أمِّيٌ لا يقرأ .. وإذا قُرِئَ له لا يسمع؟
من الواضح يا عمر أن الخطيبة السابقة لهذا العريس
والتي يبدو أنها تقبع معه في جوف الحوت
تود أن تغيظنا نحن القُراء أكثر من إغاظتها لخطيبها. |
خطيب زي ده ، الله أعلم يكون قرأ الإعلان يا صادق
مابكون فاضي زاتو للقراية، لأنو مشغول بي كم خطيبة جديدة
وبعدين النوع ديل، القراية ما بتأثر فيهم اطلاقا
أسه الإعلان الجرئ من بنات أفكار بناتهم ، طيب رجالهم يكونوا كيف؟
| |
|
|
|
|
|
|
|
|
|
Re: فتاة تعرض ألفي جنيه على شاب وسيم مقابل الظ (Re: حامد بدري)
|
بسمات حبابك، ورمضان كريم عليك يا بت الشيخ
| Quote: وطيب الخطيب السابق ده ما حيقرا الاعلان ده ولمن يشوفها في حفل زواجه حيجي يقول ليها مبروك عليكي |
الخطيب ده لما يشوف الولد الوجيه مع خطيبتو السابق حايندم ، وبعدين حايغير ، ثم يحن إليها ويطلق الجديدة طلاق الأربعة
ثم يطرد الوسيم ويعود الى بيته حاملا اللقب ، وبعد ما يقرأ الإعلان حا يشاكل الأولى و يحن للتانية ،
ويقوم يعلن خطوبته عليها، وترجع الأولى وتعمل اعلان لشاب وسيم ، و .. الخ الخ.
غايتو دي المسلسلات التركية ، إلا السودانية ما قاعد أحضرها
يلا أحكيلنا أنت الأمريكية .
| |
|
|
|
|
|
|
|
|
|
Re: فتاة تعرض ألفي جنيه على شاب وسيم مقابل الظ (Re: عمر التاج)
|
لخطيب ده لما يشوف الولد الوجيه مع خطيبتو السابق حايندم ، وبعدين حايغير ، ثم يحن إليها ويطلق الجديدة طلاق الأربعة
ثم يطرد الوسيم ويعود الى بيته حاملا اللقب ، وبعد ما يقرأ الإعلان حا يشاكل الأولى و يحن للتانية ،
ويقوم يعلن خطوبته عليها، وترجع الأولى وتعمل اعلان لشاب وسيم ، و .. الخ الخ.
غايتو دي المسلسلات التركية ، إلا السودانية ما قاعد أحضرها
يلا أحكيلنا أنت الأمريكية .
اخى عمر اتوقع السناريو حقك ده وكل عام وانتم طيبين
| |
|
|
|
|
|
|
|
|
|
Re: فتاة تعرض ألفي جنيه على شاب وسيم مقابل الظ (Re: محمد ادريس زمراوي)
|
تحياتي للأخت اميرة حسين
كيفنك ولعلك طيبة، ومرحب بيك في المنبر والبوست
| Quote: أسلوب ساذج ، وان دل على شى يدل على انها محروقة ومفتكره انها لما تظهر مع اخر تغيظ خطيبا السابق هو لو هامى كان خلاك ......خلا بلعك |
الأسلوب فعلا ساذج يا أميرة، لكن لما يصل لمرحلة الإعلان عنه فده بيعتبر تجاوز لكل الأطر والأعراف الاجتماعية
وربما يكون سابقة لتجاوزات أخرى يتقبلها المجتمع لاحقا
ودي هي خطورة مثل هذه المبادرات حتى وان كانت موغلة في السذاجة والغباء
| |
|
|
|
|
|
|
|
|
|
Re: فتاة تعرض ألفي جنيه على شاب وسيم مقابل الظ (Re: عمر التاج)
|
Quote: راهب ماشى مع تلميذه ومروا بنهر. الراهب شاهد فتاة تستغيث وكادت تغرق.. فنزل النهر وحملها حتى اوصلها البر. وحين واصلا رحلتهما سأله التلميذ: انت راهب فكيف تحمل فتاة فوق كتفك وتسير بها؟
التفت اليه الراهب وقال.. انا نزلت الفتاة زمان.. ولكنك لا تزال تحملها |
ذكائي خاني تماما يا أبو الريش
ومافهمت منو الراهب
وهل الخطيبة تحمل الخطيب أم العكس
وكل عام وانت طيب
| |
|
|
|
|
|
|
|
|
|
Re: فتاة تعرض ألفي جنيه على شاب وسيم مقابل الظ (Re: مدثر صديق)
|
تحياتي يا اخ حيدر
ورمضان سعيد مبارك عليك
Quote: خليها تمشي تنكد عليهو القصير الشين الامرد لكن العربية دي حتخشى بيها الحفلة
والوسيم يلبس بدلة اسموكنج وهي فستان وسوارية ويرفضوا اسلو
ويعولقوا ليهم حفلتهم وبعد داك خوة فرتق. |
بعد الإعلان ده، البت دي كان مشيت مع وسيمها ولا قعدت بتكون نكدت عليهو
ونحن زاتنا نكدت علينا ،
يعني اسه الواحد لو حب يغير يبقى في زي ده
| |
|
|
|
|
|
|
|
|
|
Re: فتاة تعرض ألفي جنيه على شاب وسيم مقابل الظ (Re: عمر التاج)
|
كيف يا التاج تقول ...لو حبيت تغير تبقى في حال زي ده..
كلامك يزعل و يفقع المرارة ....
وان شاء الله انا اكون فهمت المقصود صاح ..فهمت انك عاوز تغير يعني تطلق وتزوج تاني اذا انت متزوج وتنفصل عن خطيبتك وتخطب واحدة تانية اذا انت خاطب ....
كده ما ينفع ....الزواج وحتى الخطوبة مفروض تكون ليها قدسية خاصة...
ورمضان كريم
ودمت بخير وعافية
| |
|
|
|
|
|
|
|
|
|
Re: فتاة تعرض ألفي جنيه على شاب وسيم مقابل الظ (Re: Basamat Alsheikh)
|
رمضانك مبارك يا ملاك وكل سنة وانت طيبة يا بسمات ..
| Quote: كيف يا التاج تقول ...لو حبيت تغير تبقى في حال زي ده |
تغير هنا من الغيرة ..
يقولون غار الزوج ، يغير فهي غيرة..
وتغيير التانية بتاعة التغيير دي براها،
يقولون غير يغير تغييرا ..
ونحن طبعا اتكلمنا عن التانية ، الغيرة المحمودة.
أما الناس الكانت راجية مني ادافع عن التغيير فليدافعوا بأنفسهم
وحتى إذا قال أحدهم أن التغيير الذي يسبق الزواج أفضل من الطلاق
فالقول في البوست على مسئولية صاحبه
أما للمرتبطين شرعا فالرب أعطى فسحة أفضل من التغيير
هذا والله أعلم
وما يلفظ من قول في المنبر إلا لدى بكري رقيب عتيد
| |
|
|
|
|
|
|
|
|
|
Re: فتاة تعرض ألفي جنيه على شاب وسيم مقابل الظ (Re: عمر التاج)
|
تحياتي اخ مدثر
| Quote: واحد كان خاطب واحدة و انفصلوا ......و في يوم و هو في بقالة شاف خطيبوا الزمان و معاها زوجها ......طوالى امشى شال بمبرز و مشى على الكاشير ... |
وانت الصادق يا ودصديق
الموضوع فعلا حار للرجل والمرأة
ومجرد ذكراه بتوجع القلب والشرايين
حمانا الله وكل اعضاء المنبر وقرائه
| |
|
|
|
|
|
|
| |
عمر التاج
MOHAMMED ELSHEIKH
علي عبدالوهاب عثمان
الصادق عبدالله الحسن
Hani Arabi Mohamed
حامد بدري
Amira Hussien
معاوية الزبير
Abureesh
السنجك عثمان
jini
محمد ادريس زمراوي
مدثر صديق
فيس بوك
تويتر
انستقرام
يوتيوب
بنتيريست