|
Re: الغرامة لموظف و زميلته باحد الفنادق لانه (Re: Elhadi)
|
Quote: ياخ واللاى الحمد لله.. ما تتخيل نفسى نزل كيف لما قريت العقوبة غرامة بس. |
دي يا أبو الريش لما كانوا في اوجهم كانت شروع في زنا ...
غايتو البركه في الغرامة ...
انا في نظري لقو ليهم سبب يمرقو قروش من الناس ديل ...
| |
|
|
|
|
|
|
Re: الغرامة لموظف و زميلته باحد الفنادق لانه (Re: يحي قباني)
|
Quote: الأدلة دي كانت شنو يا ربي؟ 🤔 غايتو غير الموتر مافي حاجة تانية ظاهرة. كيفك يا هندسة. |
يا دكتور ...
قال ليك ( المتهمة ) كانت رادفة مع المتهم الأول في موتره ...
و عند سؤالهما اتضح بانه لا تربط بينهما علاقة شرعية ..
يعني قبضوهم بالثابتة ...
و المتهم الأول لازم يصلح غلطته ...
| |
|
|
|
|
|
|
Re: الغرامة لموظف و زميلته باحد الفنادق لانه (Re: خالد العبيد)
|
Quote: فضل ظهر حقة عثمان خالد مضوي ... و لا ياتا يا هدهد ------------------------- ابدا .. المجاهد خالد مضوي قبضو عريان ميطي |
يا ود العبيد ...
يعني طفشوكم .. شي استراليا و شي كندا ...
برضكم ما دايرين تنسوا تاريخهم ؟
اصلوا جيلنا ده كان ما انقرض فايدة ما في ...
جيلنا حافظ التاريخ الوسخان ده كلوا ...
و حافظ غنا الحقيبة و الأجيال الأولى ...
فحقوا نموت ... عشان الناس ديل يعيشوا ...
و عشان البكاسي تغني كمان ...
| |
|
|
|
|
|
|
Re: الغرامة لموظف و زميلته باحد الفنادق لانه (Re: Elhadi)
|
سلام يا قبا الشاب ود ناس ما ترك البنت في انصاص الليالى وحدها .... والبنت مكافحة و مثابرة .... لو فى واحد يعرفهما انا متبرع بالغرامة للاثنين .... لو كنت ولى امر البنت كنت شاورت الأنين وعقدت ليهم .... المهم دا مجرد اقتراح لى ولى امرهم .... عشان الولد والبنت يواصلوا فى عملهم و يوصلها البيت من غير شوشرة على العموم اذا وفقوا انا متبرع بالشيلة اها قصرت معاك يا قبا .
| |
|
|
|
|
|
|
Re: الغرامة لموظف و زميلته باحد الفنادق لانه (Re: أيمن نواى على)
|
Quote: سلام يا قبا الشاب ود ناس ما ترك البنت في انصاص الليالى وحدها .... والبنت مكافحة و مثابرة .... لو فى واحد يعرفهما انا متبرع بالغرامة للاثنين .... لو كنت ولى امر البنت كنت شاورت الأنين وعقدت ليهم .... المهم دا مجرد اقتراح لى ولى امرهم .... عشان الولد والبنت يواصلوا فى عملهم و يوصلها البيت من غير شوشرة على العموم اذا وفقوا انا متبرع بالشيلة اها قصرت معاك يا قبا . |
ود نواي ...
انا قايل الغرامة ام 500 جنيه دي ارخص من موضوع العرس :)
الشئ المدهش يا ايمن ...
الولد و البنت شغالين في مكان واحد 8 ساعات كل يوم ...
و المكان ملان غرف ( احد الفنادق ) ...
المشكلة بقت في توصيلها في الليل ؟ و الردفه في الموتر ؟
طيب يا ربي لو هي السايقة الموتر ... كان حصل شنو ؟
بلد موازينو عجيبة ...
| |
|
|
|
|
|
|
Re: الغرامة لموظف و زميلته باحد الفنادق لانه (Re: Basamat Alsheikh)
|
سلام يا أهلنا، بعد الإندهاش وطمام البطن والذي منه ...
يا أيمن ويا بسمات .... كيف عرفتو إنو الشابين ديل ما متزوجين؟ .... بمعنى كل واحد فيهم عندو بيت وزوجة/ زوج. وإذا كانوا ما متزوجين .... ليه الإدانة العبيطة دي تكون سبب ليهم عشان يتزوّجوا وكأنهم فعلاً إرتكبوا جريمة؟
ديل إتنين بالغين عاقلين وعندهم وظيفة محترمة ... لو في نيتهم الزواج حيتزوّجوا بدون تبرعاتنا التجريمية دي وكأننا بنستر في فضيحة.
| |
|
|
|
|
|
|
Re: الغرامة لموظف و زميلته باحد الفنادق لانه (Re: تماضر الطاهر)
|
Quote: الطريقة دي الشغل بتاعهم في كمبالا كلو ح يقيف عاااادي هناك الموظفات في استثمارات المجرمين ديل في كمبالا يصلو الشغل بـ "البودا بودا"
ذي هاف تو ميك ذير أكاونت |
داك مباح للضرورات يا عبد الله ...
مضطرين ياخ ... فقه الضرورة زي ما انت عارف ...
مش الخليفة زمان قال لي انصارو ما تاكلوا الكدروك الا من اضطر منكم غير باغ ...
قالوا ليو و الله يا سيدنا انحنا لامن نشوف الكدروك ده في الخلا ... بنضطر ليو جنس اضطرار ...
| |
|
|
|
|
|
|
Re: الغرامة لموظف و زميلته باحد الفنادق لانه (Re: يحي قباني)
|
Quote: ها وطيب الخدمات الجديدة زي ناس ترحال ووو
وهي متاحة في التطبيقات 24 ساعة
؟؟ ما نرجع البيت يعني؟؟؟ تحياتي سلامات |
يا تماضر ديك ما فيها ردف ...
فلو مضطره ... بس الموتر ابو جناح داك ... زي حق افلام الحرب الزمان ...
و كمان ما يكون الوقت متأخر ...
| |
|
|
|
|
|
|
Re: الغرامة لموظف و زميلته باحد الفنادق لانه (Re: MOHAMMED ELSHEIKH)
|
Quote: الاشكالية انو مافي مواد محددة وواضحة وصارمة التعبير ودقيقة في قانون النظام ، الامر تقديري والقاضي يستمع لإفادة الشرطة ويعتبرها بينة لا تقبل النقض راكبة وراها وحاضناهو من ورا ونهودها داقة في ضهرو وراسها تاكل في رقبتو .. ممكن يكون كدة البلاغ ،، احتمال تلامس عضوين يختصن بالاثارة ولا ياربي تكون راكبة بالجمبة 😆 دي دايره سيناريو آخر يخص المارة بالجد امر محزن ان يتم تشويه سمعة بنات واولاد السودان بالشكل دة وانتهاك ابسط حقوقهم لاتوجد تعاريف واضحة للزي الفاضح او الافعال الفاضحة بعدينك الدايرين يتسافهو ما بركبو موتر علني كدة |
تعجبني فيك صراحتك يا جميل ... you say it as it is
| |
|
|
|
|
|
|
Re: الغرامة لموظف و زميلته باحد الفنادق لانه (Re: يحي قباني)
|
الاشكالية انو مافي مواد محددة وواضحة وصارمة التعبير ودقيقة في قانون النظام ، الامر تقديري والقاضي يستمع لإفادة الشرطة ويعتبرها بينة لا تقبل النقضراكبة وراها وحاضناهو من ورا ونهودها داقة في ضهرو وراسها تاكل في رقبتو .. ممكن يكون كدة البلاغ ،، احتمال تلامس عضوين يختصن بالاثارة ولا ياربي تكون راكبة بالجمبة 😆دي دايره سيناريو آخر يخص المارةبالجد امر محزنان يتم تشويه سمعة بنات واولاد السودان بالشكل دةوانتهاك ابسط حقوقهملاتوجد تعاريف واضحة للزي الفاضح او الافعال الفاضحةبعدينك الدايرين يتسافهو ما بركبو موتر علني كدة
رسينا علي بر اها رجعناهو
| |
|
|
|
|
|
|
Re: الغرامة لموظف و زميلته باحد الفنادق لانه (Re: يحي قباني)
|
الاشكالية يا قباني دة بكون تصور الرجال الركبة حميمة ومستفزة للرجولة البدائية مرات بسأل نفسي ليه ما يكون معاهم بوليسات 😆 يعني نسوان نظام عام مش قالوا مستفز للذوق العام الذوق العام دة برضو فيهو نسوان ، ولا المرة ضلعة ناقصة ؟ شاورها وخنفها
| |
|
|
|
|
|
|
Re: الغرامة لموظف و زميلته باحد الفنادق لانه (Re: عبدالحفيظ ابوسن)
|
شكرا ليكى يا بسمات البسمة الريانة ... الجنة تحت اقدامكن بى اعتبار ما سيكون ... نحن نفاخر بكم الامم بت بلدى ... لا يكرمهن الا كريم ولا يهينهن الا لئيم دى اقل شئ ممكن الواحد يعملوا بدل الشجب والادانة والاستنكار . ابو العزائم ما فعله القاضى لا يمت الى الشرع بشئ والإسلام برئ منه .... حادثة الإفك هى عظة للجميع و تتكرر فى كل زمان ومكان .... ما حدث هو ظلم نستنكره . نحن ثقتنا فى اخواتنا السودانيات ثقة كبيرة و ما يحدث من نشاز هو تقصير مننا نحن الرجال نرى الاغتصاب والتحرش بهن ونحن صامتون .... و نرى الوضع الإقتصادى يطحن الأسر نكتفى بالشجب والادانة والاستنكار فقط .
قبا تمتلك الحصافة والرؤية الثاقبة ما خيبت ظننا فيك يوما أبدا .... شهامة سودانى الاصيل .... موصلها عند اهلها فى رجالة اكتر من كدا...
| |
|
|
|
|
|
|
Re: الغرامة لموظف و زميلته باحد الفنادق لانه (Re: عمر أبوعاقلة)
|
ود ابو العزائم صحي مالو نفسك حار كده زي ما قال ليك ود قباني ... وبعدين نحن ندين إدانة كاملة قرار القاضي ... وبعدين مستحيل سودانية متزوجة حتركب موتر مع راجل تاني غير زوجها ...ومستحيل كمان تقول لينا هم اساسا زوج وزوجته لأننا ما سمعنا قبال كده ان زوج وزوجته شغالين في محل واحد(وجه ضاحك). الأدلة كثيرة جدا على براءة هذا الشاب وهذه الشابة...ولكن صعوبة المواصلات من جراء السياسات الرعناء لنظام اللصوص والحرامية هي التي اضطرت الناس لحلول أخرى للوصول امكان عملهم حتى ولو كانت بعض تلك الحلول يستهجنها البعض مثل هذا القاضي على الرغم من أنه يبدو خفف الحكم عليهما بالغرامة فقط باعتبار أن هذا النظام بجلد البنت البتلبس بنطلون في مكان عام ... وبعدين كمان يا ود ابو العزائم الزواج في السودان بقى هم كبير للشباب لكثرة المصاريف ...وما عيب أبدا نحن نشارك معهم في التكاليف ...وانت يا ود ابو العزائم بدل تشكرنا تنتقدنا ...والله نيتنا سليمة ...ونحن بنعيش حياتنا بالنية السليمة ... ودمت بالف خير وصحة وعافية وكل سنة وانت طيب... ونسينا نسلم عليك صاحب البوست ...
| |
|
|
|
|
|
|
Re: الغرامة لموظف و زميلته باحد الفنادق لانه (Re: Ahmed Yassin)
|
يا بسمات، أنا عارف ومتأكد إنو نيتكم سليمة ... إنتي والأخ أيمن،
أنا احتجاجي على إنو الموضوع واحد بيوصّل زميلته بعد يوم العمل في وقت متأخر يمكن تكون المواصلات وقتها صعبة. ليه إتجهنا لي إنو ديل ذكر وأنثى وخلينا نسترهم بالزواج.
لأ .... ديل ما ذكر وأنثى .... ديل زميل وزميلة ...... period
| |
|
|
|
|
|
|
Re: Re: الغرامة لموظف و زميلته باحد الفنادق لا� (Re: Basamat Alsheikh)
|
سلام أيمن الفاضل انت احسبها الاول قبل ان تطلق الأحكام .... وأحسن الظن فى الجميع ..... اولا نشكر الشابة التى لم تمد يدها لتسأل الناس ولَم تبع الممنوعات ولَم تعمل فى وظيفة حكومية لتنهب المال العام وتتحلل ..... وشكرا للشاب الشهم صاحب المروة .... يا أيمن الفاضل هناك غرامة مالية يجب دفعها .... ثم هناك خيارين للبنت تترك العمل وتبحث عن عمل اخر .... مع الوضع الإقتصادى الذى يعانى منه الجميع من الصعب تجد عمل اخر.... أو ان تواصل عملها وتدفع التكاليف الباهظة فى وقت متاخر فى الليل للترحيل وتكون عرضة للمضايقات .... المطلوب حل عاجل وهذا القانون لا يتغير بين يوم وليلة ..... عندما تفكر من منطق هى اختك تجد ان هذا هو الحل المناسب الان .... فكر قبل ان تطلق الأحكام .... الرجاء من المتداخلين فكروا من منطق هئ اختكم فقط ولاتطلقوا اعنانكم للخيال ... وشكرا .
| |
|
|
|
|
|
|
|