كتب الكاتب الفاتح جبرا المتوفرة بمعرض الدوحة
|
Re: sticky لوايق المنبر (Re: عبدالحفيظ ابوسن)
|
اللياقة بكون معاها تخانة الجلد وقلة الاحساس الشخص الطبيعي بحذر ان يضع نفسه في مكان مهانة . او أن يبدو ثقيلا سخيفا يفتقر للذوق والحس الانساني اما اللايوق قدر ما تكيل ليهو ولا تتجاهلو يزداد لياقة
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
وَمَن يَجعَلِ المَعروفَ مِن دونِ عِرضِهِ يَفِرهُ وَمَن لا يَتَّقِ الشَتمَ يُشتَمِ وَمَن يوفِ لا يُذمَم وَمَن يُفضِ قَلبُهُ إِلى مُطمَئِنِّ البِرِّ لا يَتَجَمجَمِ وَمَن يَغتَرِب يَحسِب عَدُوّاً صَديقَهُ وَمَن لا يُكَرِّم نَفسَهُ لا يُكَرَّمِ وَمَهما تَكُن عِندَ اِمرِئٍ مِن خَليقَةٍ وَإِن خالَها تَخفى عَلى الناسِ تُعلَمِ وَمَن يزل حاملاً على الناسَ نَفسَهُ وَلا يُغنِها يَوماً مِنَ الدَهرِ يُسأَمِ
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
درسونا في تالتة كتاب البلاغة وفيهو بيت شعر ظل راسخا في ذهني نجا بك عرضك منجى الذباب حمته مقاذره ان ينالا وكان في السرقات الادبية البيت دة لحظتها ذكرني بواحد من حلتنا . خامل الذكر سئ الاخلاق لو انقرن معاك وجاريتو إلا ترحل ولا ينقرن في غيرك خملة اها الزول دة ما بهمو شئ وانت بهمك بتفرغك ليك زمنك مليان وهو فاضي
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
سبحان الله اللياقة بتكون مصاحبة لضيق الافق مع اضافة الصفات الفوق من تخانة الجلد وغيرها ف شنو يجيك ناطي فجأة في أي مكان .. مناسب ما مناسب جاي مع الرصة ولا قاعد مشاتر عندنا واحد لايوق في قروب . اول مشاركة بتكون ليهو ومشهور بي ردو شتلة مرة واحد جاب خبر وفاة لصق ليهو وبقينا في الاعتذار ومرة آية دون ان يشير ناسخها لذلك وبدون بسلمة ولا تصديق لصق ليهو ودورنا فيهو و لي الليلة شغال الا تمرق تخلي ليهو القروب 😆😆😆😆
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
هل تصدق يا حفيظ .. أنا قصدت كلمة .. وكتبت كلمة أخري .. أنا قاصد كلمة vicious
Quote: أنا أفتكر المتداول في الأستعمال في الغرب .. هى كلمة viscous
كلمة sticky تحمل نفس المعني .. لكنها لا تستعمل في هذا السياق ..
وهذه my cents والله أعلم يا عبد الحفيظ.
بريمة |
الكلمتين sticky وviscous .. الأثنين صحاح لغوياً.. لكن غير متداولتان .. الكلمة الصحيحة هى vicious
بريمة
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
زمان سفيان واحد جارنا بضرب القوية 😆 مشي لليماني داير ورق برنسيس ، اداهو ريال وورق البرنسيس اسمو دفتر قال لليماني اديني دفتر اداهو كراس ! اصلا ما صلحو قال ليهو اديني استيكة .. وقلم رصاص اداهو الاستيكة وقلم الرصاص قال ليهو ابراهو ليهو ، براهو اها باقي لي كم ؟ قال ليهو باقي ليك قرش قال ليهو خلاس اديني بيهو املاء 😆😆😆
| |
|
|
|
|
|
|
Re: sticky لوايق المنبر (Re: حمد عبد الغفار عمر)
|
Quote: vicious تعني خبيث بريمة .. لكن قلت امكن عندها استعمال تاني نحن ناس مان اند بان وتريشا ايلاند ساي |
نعم يا حفيظ .. وهى تستعمل أيضاً للأنسان اللايوق .. sticky تسعمل للمواد .. مثل القراء والصمغ .. وغيرها viscous تستعمل للسوائل مثل الزيت وزيت الفرملة والبترول .. وغيرها.
حسن مكاوي ..
أخرج من عقلية البوست الفات .. عبد الحفيظ بوستيه عام .. ما تخليني نرشك ساكت .. خصوصاً من أنا ما شفت الخلايق مثلك قامت علي كاروشة.
بريمة
| |
|
|
|
|
|
|
Re: sticky لوايق المنبر (Re: Biraima M Adam)
|
آمنتو بالذي نجر الكوكاب !! يا منص كدى النتحل اول من حسن وسفيان اخونا صلاح الرفاعي اتشاكل مع صلاح اللمين شكل خوة ومباجحة صلاح الرفاعي قال لي صلاح اللمين والله انقرن فيك إلا يفرزونا باللباسات صلاح اللمين قال ليهو انا ما قاعد ألبس لباس 😆😆 مش قال ليك تكة سروال كان قطع سمح الدواس معيوب تنويه لازم تم ذكر الاسماء في ناس بقو يغالتونا في قصصنا .. وبتاع القوية لولا انو معروف لأهل كوستي كان ذكرت اسمو
| |
|
|
|
|
|
|
Re: sticky لوايق المنبر (Re: حمد عبد الغفار عمر)
|
هلا يا قريبك لا تعليق على موضوع البوست نفسه فهو احد البوستات الأنيقة المعتادة :) تعليقي على الجزئية التالية Quote: الانسان الطبيعي يشتري عرضه اما اللايوق فآنه يبيعه ! |
ثم بيت الشعر العجزه " من لا يتّق الشتم يشتم! ولأنّها ذكّرتني بمنطق الخبير - حيّاه الغمام - فا عايز افهم المقصود بالضبط شنو هل وقوفك دون انتهاك عرضك يعتبر لياقة في نظرك ولاّ شنو؟ وكيف كنت ستتصرف انت الما لايوق دا لو جاء أخدهم واتّهمك بما يمس عرضك
كدي النسمع منّك أوّل
| |
|
|
|
|
|
|
Re: sticky لوايق المنبر (Re: جلالدونا)
|
يا جلالدونا الفرق بين اللزج و اللايوق كالفرق بين الماء الطاهر والطهور
فالماء الطاهر طاهر في ذاته غير مطهر لغيره بينما الماء الطهور طاهر في ذاته مطهر لغيره
فاللزج لزج في ذاته لكن طالما انت لم تأت إليه فهو لا يلحقك
بينما اللايوق يحلك منه الحل بله
والله أعلم
| |
|
|
|
|
|
|
Re: sticky لوايق المنبر (Re: معاوية الزبير)
|
Quote: تم ذكر الاسماء في ناس بقو يغالتونا في قصصنا .. وبتاع القوية لولا انو معروف لأهل كوستي كان ذكرت اسمو |
يا زول إنت أصلك متعوّد، تقول فلان وعلاّنة ... وعمّاً لينا وحبوتاً لينا، لامن تجيب سيرة الطاحونة يجوا يوروك المكشّن بلا بصل واللياقة الجد جد.
| |
|
|
|
|
|
|
Re: sticky لوايق المنبر (Re: Ahmed Khalil)
|
يا جلال فرق كبير ياخ اللزج دة اظرط من اللايوق . كل لزج لايوق وليس كل لايوق لزج 😆😆 اب سطر واب سنارة ديل متحرفين لي كتال يلقوها عند الغافل 😆😆😆 يامنص قال ليك سي هو إذ توكين 😆😆 ياحمد اري عناقر تمد رؤوسها من فوق الصريف .. حا اعمل رايح ديل اكان اتشالبو البوست دة بلحقو اخوانو
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
يقيس شنو يا حسن يا خوي!! اتا جايبها مخسوس ليهو وتقول قيس 😆😆 يا ودو العرضو مصون اصلو مصون لايؤثر فيه قول قايل، وبعدينك رد الشتيمة بالشتيمة لن يحسم حوارا . سيوالد الشتايم واشطرهم هو الفايز اكثرهم شتما مش في حديث لاتشتمو آبائكم ؟ وفي آية فإذا الذي بينك وبينه عداوة كأنه ولي حميم دة حسن الخلق .. شوف انت داير تتأسي بي منو؟
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
حتي كمان يا جلال يعتر وينزلق كيف في دلقة 😆😆 وما تدخلنا في دحشة ووالدة تشكر عربي وكتر خيرك محمد الشيخ طول بالك ياخ المكان اصلو زلقيبة يا الشايقي اخوك الفيس دة بخشو طوفة طوفة فعلا احمد خالد slimy برضو لايوق لا يا معاوية برضو صاح في ظني
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
الرسول عليه الصلاة و السلام في من أمر بقتلهم ولو تعلّقوا باستار الكعبة منهم من هجاه وآذاه وجارية تغنّت بسبه مسالة العرض مصان دي ما محل تساؤل لكن ولأنه مصان لايمكن السماح لي تـــافه لا يسوى في سوق البني آدمين تعريفة ان ينال منه و القصد ياهو زي فهمك دا اشتري راحة بالك وابعد عنه !! لذا مكان سؤالي لك و اتمنى اجابة واضحة ولو عايز امثلة بجيب ليك
Quote: ل وقوفك دون انتهاك عرضك يعتبر لياقة في نظرك ولاّ شنو؟ وكيف كنت ستتصرف انت الما لايوق دا لو جاء أخدهم واتّهمك بما يمس عرضك |
| |
|
|
|
|
|
|
Re: sticky لوايق المنبر (Re: محمد البشرى الخضر)
|
ياودو انا شخصيا لن اسب من يسبني ابدا .. هذا موقف مبدئي سأطالبه بالدليل ومن خلال الرد سيعرف المتابعين انهم متعدي ودعي وساتجاهله تماما واعلمه بذلك دة انا بعمل كدة وأي زول بعمل بقيمه وضوابطه فمن عفا واصلح
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
انا لم اتحدّث عن السب بل عن التعدي على العرض عديل سعني ما قلت زول قال ليك انت - الله يكرمك - حمار او غبي مثلا لكن مطالما قلت ساطالبه بالدليل طيب ما ياها دي اللياقة زاتها حسب كلامك !!
يا اب سن ياخوي حركة اليدو في الموية يجيب بعد نهاية الفلم بعظ ويعمل فيها ظريف ويكف يد المظلوم عن اخذ حقه جارحة جدا وقاسية اسألني منها أنا جربتها من اخوان - كنت اظنهم اخوان - هنا الحق حق, تاخذه باذوق بالعافية في النهاية حق وابدا المطالبة به ليست لياقة, طبعا الكلام دا ما ح يقع ليك إلاّ لو لاقدّر الله تعرّضت لمثل هذا التعدّي و اتمنى ان لا يحدث لك ذلك
| |
|
|
|
|
|
|
Re: sticky لوايق المنبر (Re: محمد البشرى الخضر)
|
حصل ياودو تعرضت وانا عضو جديد وتعرضت كم مرة وهسة في زول تعرض لي ما أكضب عليك حارة نار بس ولست نبيا ولا مسيحا .. عشان كدة بمرق نهائي من النت اللهم أكفني شر المشاكل ويكفينا جميعا
| |
|
|
|
|
|
|
Re: sticky لوايق المنبر (Re: محمد البشرى الخضر)
|
التعدي يا ود البشرى بيديك الحق ترد الظلم بكل الطرق، بما فيها القانونية أو بالدرب عديل.
لكن السب القالو ود ابسن ده، إذا أخدنا بوستك الأخير الإتحول لمكتبتك، سوف كمية السب الفيهو، ده يشتم وده يرد ... وصلوا لي شنو؟
شخصياً أجاهد في أن لا أنجرف في مسألة السب ... أنجح حيناً وأفشل أحياناً ... لكن بواصل.
| |
|
|
|
|
|
|
Re: sticky لوايق المنبر (Re: محمد أبوالعزائم أبوالريش)
|
تعرضت لإعتداء على عرضك؟ عديل كدا والله ما حصل شفتها والا على الاقل كان ادنتها وهذا اضعف الايمان لكن انت اخترت ان تخرج من النت هذا حقك, غيرك يختار ان ياخذ حقه بنفسه ودا خياره ما في كتالوج بحكم كيف الناس تتصرف في رد حقوقها و التعدي على عروضها يبقى احترم خيارات الناس ولا تصفها باللياقة
يا ابو الريس السباب وتبادل الشتائم حاجة و التعدي على العروض حاجة تانية خالص لو كان الكلام عن ان تبادل السباب لياقة كنت بقول معليش لكن ابو سن هنا يتحدث عن بيع عرض!! ودا في رأيي استهانة بحاجات الناس ربنا أمرنا بالموت دون العرض و اعتبرها شهادة
| |
|
|
|
|
|
|
Re: sticky لوايق المنبر (Re: محمد أبوالعزائم أبوالريش)
|
سلام ابسن و الضيوف
يمكن النظر للأمر من زاوية اننا ابناء و بنات ثقافة ما زالت تعاني آثار الجهل و التخلف، لذلك ضريبة التغيير و التحول التدريجي، يدفعها رواد التغييرحتى يصل المجتمع لمرحلة قوانين تحفظ المساحة الشخصية و تطبق ال Political Correctness و حقوق الإنسان و الحيوان، و هذه مرحلة حتمية قادمة لا محالة.
| |
|
|
|
|
|
|
Re: sticky لوايق المنبر (Re: محمد البشرى الخضر)
|
آمين يا ودو حارة والله ... نار بس تم التعرض لي أكثر من مرة في مستويات مختلفة . ما بقول ليك نفسي ما حدثتني بالرد .. لكن صبرت علي مضض .. الحل اقفل النت نهائي حتي اروق ف شنو تعود علي كظم الغيظ وعدم الانتصار للنفس مرات بعمل ما شايف مافهمت بليد مرت فيني اللهم أكفنا واياكم شر المشاكل والشبك
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
ما اختلفنا يا قريبك, كل زول وعنده طريقته وفهمه لكن انا ما بجي اقول ليك كظم غيظك دا اسمه تنازل مثلا أو جبن أو اي راي سلبي يغمطك حق ان تختار و بنفس المنطق لا اقبل منك ان تسمي خيارات الناس ان لا تقبل في عروضها : لياقة !
| |
|
|
|
|
|
|
Re: sticky لوايق المنبر (Re: محمد البشرى الخضر)
|
سلام أخ عبد الحفيظ أبوسن تعرف عبارة كل مقام مقال لخصت كل شئ!! كيف تقابل التعدي !! يقول الشاعر : للحلم أوقات وللجهل مثلها ما عايز إستشهد بقول الشاعر حرفيا ولكني أقول للحلم أوقات وللحسم مثلها * أحيانا يكون التجاهل أبلغ رد! وعبارة العارف عزو مستريح أبلغ إجابة ! * حينما يكون التعدي إساءة لفظية نحو ياكلب ياحمار- ياغبي ياجاهل ممكن تسكت وتفوتها ** ولكن حينما يتجاوز التعدي الخطوط الحمراء واللعب الخشن للطعن في الأخلاق والعرض والشرف والأمانة - والتحقير المتعمد يصبح الحلم والصفح والإعراض ضعفا وهوانا ومن يهن يسهل الهوان عليه !السكوت يشجع علي التمادي والتعدي! بل ويكرس ويرسخ الإساءة ويجعله محل تصديق ويتم التعامل مع محتواها كأمر واقع ! ** حجة مواجهة المتعدي بمنطق جيب دليلك وأثبت كلامك دي عندها مواضعها ومقاماتها يمكن أ ن تقال في موضع إتهام وإزالة سوء فهم لا في مواجهة أحكام وأقوال تقريرية قصد منها الإساءة والترويج لقبح ! * الثقة بالنفس والعقلانية والموضوعية لا تعني قبول الذل والإستهانة بالنفس والصمت علي باطل وضار القول ! الملائكية والمثالية وعرض صفحة الوجه الأخري للضرب لامجال لها في بعض المواضع ! * للناس حسابتها وتقديراتها وأساليبها في مواجهة التعدي - فالضحية وحده هو من يحدد ذلك - فالمتعدي قد يكون متعمد ومدمن للإساءة - وسئ النية وقد يكون شخص إنفعالي أو قد يكون منطلقا من سوء فهم ! وقد يكون مسئ وجارح ومتعدي ولكن من دون الوصول لتخوم الخطوط الحمراء - إذا الضحية هو من يحدد كيفية الرد وفق الحالة والظرف وطبيعة الطرف الآخر! * ولكن لكل شئ حدود قمت برد التعدي وحسم المتعدي وإبانة الحقيقة وأتضحت الصورة وأنزوي المتعدي - معتذراأو مدعيا الإعتذار وإنكشفت حقيقته وإرتد السهم لصدره ! يبقي خلاص الرد وصل ومافي داعي للجاج والملاحقة المارثونية والمطاردات العقيمة وتحول ا لضحية لمعتدي يستلف نفس السلاح الصدئ لخصمه ويسقط في مستنقعه بل ويفوقه إساءةوإسفافا ! أو ينخرط في مسلسل مكسيكي من الملاحقات والمطاردات تستمر أعوام وسنين طوال! * خذ حقك وتصدي للتعدي بحسم - وضع الأمور في نصابها - من دون أن تفقد إسلوبك وشخصيتك وعقلانيتك وخطك الأخلاقي ومن دون الغرق في دوامة عراك سيزيفي لاينتهي ! ,,
| |
|
|
|
|
|
|
Re: sticky لوايق المنبر (Re: Hassan Farah)
|
يبدو انك ياودو محدد موقفك من البوست من البداية مش سمعت بقضية عادلة اجهضها مدافع عنها ؟ العرض البينتهك في منبر ويتم الانتصار له في منبر ما بعرفو ياتو عرض دة مثلا ؟
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
ايواااا وقعت لي نقطة ودو كدي نعرف اللفظ او نقول المصطلح العرض مثلا نحن بنقول الزول دة ما عندو عرض .. متين ؟ لامن يكون سئ الخلق تجاه الاكبر منو سنا .. او في الملمات الاجتماعية بنسمي اكرام الضيف عرض .. ويقول ليك كفو عرضكم اول والزول البتبذل قدام الناس في اللبس او القول وبالذات لامن يكون في نسوان بنقول ما عندو عرض والاولاد والزوجة عرض اخواتك عرض الحفاظ علي كرامتهن وتوفير العيش الكريم ليهن عرض وهكذا هل انت يا ودو بتقصد نوع عرض معين وشوف معاك بيت الشعر القديم نجا بك عرضك يعني هوانك وقلة قيمتك وسوء خلقك
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
تشكر ابوالريش مافي زول بمنع زول من اخذ حقه .. القال حقي غلب .. لكن بياتو طريقة ؟ دي هي البتحدد انت منو صحي يا نعومة لازم يكون في رواد للتغيير .. يتحملون الاذي ويبثون الوعي وقد يظلمو كثيرا زي ما قال ودو ممكن يقولو جبان وخواف وكدة حتي نصل مرحلة ان يمتلك كل المجتمع ان اخذ الحقوق بشكل فردي يحولنا لغابة .. وان تسن تلك القوانين التي تحفظ الحرية الشخصية التي لا تضر الآخرين ان نتحول نحو سلوك انساني راقي بحكم القانون ثم يكون سلوكا مجتمعيا
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
تعرف يا كمال معجب جدا انا بالمقولة ان كل ظلام العالم عاجز عن اطفاء نور شمعة نحن كاعضاء لا نقرأ وحدنا بل آلاف يقرأؤن معنا . وهم اذكياء وقادرين علي التمييز وهم الهدف في ظني لم اشهد صراعا في هذا المنبر رفع المهزوم يده ولم اشهد يوما معلومة مسيئة الا تم اعادتها ومنذ سنوات اهلنا بقولو الكلام لو داير تكملو هملو
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
ابدا يا ابسن ما حددت موقف من بداية البوست وقلت ليك قريته في اطار بوستات الأناقة المعتادة زي واحد تاني برضو لاقاني فيه اغنية الجابري بوستات الليدو في الموية وجاي رابط كارفته عادي ما جديدة اتعودنا عليها بعد كل عوّة . لكن الخلاني استغرب و ادخل متسائلا هو تكرارك في تلاتة اربعة مداخلات حختة الببيع عرضه و من ابيات شعر ومن لم يتق الشتم وبتاع ودا منطق انا رفضته من الخبير و ارفضه من غيره أنا لم آت بسيرة العرض أنت من اتيت بها وعلى هذا الاساس كان تداخلي
| |
|
|
|
|
|
|
Re: sticky لوايق المنبر (Re: محمد البشرى الخضر)
|
انا فهمته انو بوست ود البشرى المشي المكتبة فيهو تعدي على ود البشرى وصل التعدي لمرحلة بعيدة شخصياً ما شفته البوست أو ما قريتو ولا قريت التعدي لكن أصدق ود البشرى تماماً و معاهو في الرد بأي طريقة يراها هو مناسبة.
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
اعتذار على شنو يا قريبك ما بيناتنا ان هي الا اختلاف وجهات نظر.
يا سفيان لا البوست داك مافيه تعدي شخصي علي اللهم الا انو انحراف البويت عن موضوعه، لكن فيه تعدي متبادل من زملاء بحق بعض وكل واحد فيهم شايف طبعا ان معه حق رد الاعتداء. لكن هنا تداخلي ما كان عشان ذلك البوست بل بسبب عدم قبولي لمنطق من لم يتق الشتم يشتم وما فيه من لوم.
| |
|
|
|
|
|
|
Re: sticky لوايق المنبر (Re: محمد البشرى الخضر)
|
سلام أخ سفيان الحساسية 1(ون) مافيهو الكلام اللي بتقول عليهو دا ! يعني مافيهو إساءة لود البشري ! وإنما تحول البوست لمرتع لتصفية حسابات شخصية وداحس غبراء بين أطراف تانية!
تحول من "حساسية" لأزمة ! موضوع ود أبسن فيهو نقطة خلافية وهي إنو ما إي تعدي بواجه بالتجاهل والسكوت ومقولة العارف عزو مستريح والناس بتقرأ وبتقيم وعارفة الصالح من الطالح ! لا !في تعدي لاينفع معه إلا الحسم والتصدي ! * يا أخي في المنبر في عضو تم التعدي والزعم بأنه يعاشر أمه جنسيا - أها دا يسكت كيف ؟ وما عايز أخش في تفاصيل الفرية التي أطلقها عضو المنبر السابق -تاج السر الحسين في حق عضو آخر ثم عاد المتعدي ليعتذر ويعترف إنه ألف الفريةالتلفيق في لحظة غضب ولكن
وللأسف لازلت تلك الفرية سلاحا يستخدمه البعض !
| |
|
|
|
|
|
|
Re: sticky لوايق المنبر (Re: سفيان بشير نابرى)
|
[b
Quote: Political Correctness |
هههههاي .. الله يهونيني !! هل نحن نتكلم عن السياسة! .. أم هي قصة الجارة التي عرفت كلمة فجأة وعايزة تقشر بيها علي جارتها "تكلمت معها فوق الحيطة ثم قالت .. وفجأة أديني بصلة"!
المثالية في السياسة .. شيء من سابع المستحلات ..
بريمة
| |
|
|
|
|
|
|
Re: sticky لوايق المنبر (Re: Biraima M Adam)
|
ود ابسن الحردان بوستيهو .... ههههه عااااادي بقيت تحرد ... غايتو في حسابي دا البوست التالت ... المشكله حرم وطلق نوت فاليد هنا ... غايتو بوستيك دا طلعنا منو بي مداخلة استاذنا كمال عباس الشحمانه والتي تمثل خارطة طريق ممتازة للتعامل في المنبر ...
Quote: تعرف عبارة كل مقام مقال لخصت كل شئ!!
كيف تقابل التعدي !! يقول الشاعر : للحلم أوقات وللجهل مثلها ما عايز إستشهد بقول الشاعر حرفيا ولكني أقول للحلم أوقات وللحسم مثلها * أحيانا يكون التجاهل أبلغ رد! وعبارة العارف عزو مستريح أبلغ إجابة ! * حينما يكون التعدي إساءة لفظية نحو ياكلب ياحمار- ياغبي ياجاهل ممكن تسكت وتفوتها ** ولكن حينما يتجاوز التعدي الخطوط الحمراء واللعب الخشن للطعن في الأخلاق والعرض والشرف والأمانة - والتحقير المتعمد يصبح الحلم والصفح والإعراض ضعفا وهوانا ومن يهن يسهل الهوان عليه !السكوت يشجع علي التمادي والتعدي! بل ويكرس ويرسخ الإساءة ويجعله محل تصديق ويتم التعامل مع محتواها كأمر واقع ! ** حجة مواجهة المتعدي بمنطق جيب دليلك وأثبت كلامك دي عندها مواضعها ومقاماتها يمكن أ ن تقال في موضع إتهام وإزالة سوء فهم لا في مواجهة أحكام وأقوال تقريرية قصد منها الإساءة والترويج لقبح ! * الثقة بالنفس والعقلانية والموضوعية لا تعني قبول الذل والإستهانة بالنفس والصمت علي باطل وضار القول ! الملائكية والمثالية وعرض صفحة الوجه الأخري للضرب لامجال لها في بعض المواضع ! * للناس حسابتها وتقديراتها وأساليبها في مواجهة التعدي - فالضحية وحده هو من يحدد ذلك - فالمتعدي قد يكون متعمد ومدمن للإساءة - وسئ النية وقد يكون شخص إنفعالي أو قد يكون منطلقا من سوء فهم ! وقد يكون مسئ وجارح ومتعدي ولكن من دون الوصول لتخوم الخطوط الحمراء - إذا الضحية هو من يحدد كيفية الرد وفق الحالة والظرف وطبيعة الطرف الآخر! * ولكن لكل شئ حدود قمت برد التعدي وحسم المتعدي وإبانة الحقيقة وأتضحت الصورة وأنزوي المتعدي - معتذراأو مدعيا الإعتذار وإنكشفت حقيقته وإرتد السهم لصدره ! يبقي خلاص الرد وصل ومافي داعي للجاج والملاحقة المارثونية والمطاردات العقيمة وتحول ا لضحية لمعتدي يستلف نفس السلاح الصدئ لخصمه ويسقط في مستنقعه بل ويفوقه إساءةوإسفافا ! أو ينخرط في مسلسل مكسيكي من الملاحقات والمطاردات تستمر أعوام وسنين طوال! * خذ حقك وتصدي للتعدي بحسم - وضع الأمور في نصابها - من دون أن تفقد إسلوبك وشخصيتك وعقلانيتك وخطك الأخلاقي ومن دون الغرق في دوامة عراك سيزيفي لاينتهي ! |
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
ود ابوسن وضيوفه سلام متابع البوست ومهتم وقد تفاجأت انك تركت البوست لامر ماء المهم انت تكتب وفق راي وتعتز به ولَك متابعين من الزملاء وخارجه ارجوا منك العودة مرة اخري حتي تكتمل الصورة ونفهم الفكرة
| |
|
|
|
|
|
|
Re: sticky لوايق المنبر (Re: محمد المسلمي)
|
ود ابسن رمضان كريم على رُسُلِك يا عنترة شاعر بني عبس وانت تقول:
Quote: درسونا في تالتة كتاب البلاغة وفيهو بيت شعر ظل راسخا في ذهني نجا بك عرضك منجى الذباب حمته مقاذره ان ينالا وكان في السرقات الادبية البيت دة لحظتها ذكرني بواحد من حلتنا . خامل الذكر سئ الاخلاق لو انقرن معاك وجاريتو إلا ترحل ولا ينقرن في غيرك خملة اها الزول دة ما بهمو شئ وانت بهمك بتفرغك ليك زمنك مليان وهو فاضي |
وتحديداً: درسونا في تالتة كتاب البلاغة وفيهو بيت شعر ظل راسخا في ذهني نجا بك عرضك منجى الذباب حمته مقاذره ان ينالا أأنت يا اخ العرب درست الكتاب في بادية نجد، ام ماذا؟ ونحن كهول المنبر درسنا الكتاب او قل الاولية ولم يمر بنا بيت شعر كهذا الذي تستشهد به وانت ما زلتَ صبياً يافعاً في ا لصف الثالث من الكتاب: نجا بك عرضك منجى الذباب حمته مقاذره ان ينالا فأفتينا من ما تقول إن هذا إلا أمر عجباً يا فتي باديةرنجد. مع انو اسمك محفور في بادية الباطنة مودتي
| |
|
|
|
|
|
|
Re: sticky لوايق المنبر (Re: محمد المسلمي)
|
Quote: السيد المسلمي اولا لم افتح بوست مطاعنة وانا لا اطاعن ولا اهمز ولا ألمز والبوست حقي كان واضح وهو يخص موضوع العكلتة كظاهرة انا ما حردتو انا احجمت عنو لسبب واضح . ودو اخد الكلام ليهو وحول البوست لقضية أخري كدة بس[/red |
اقرا المداخلات الفوق يا ود ابوسن عشان تعرف ان البوست حقك بتاع مطاعانات ولا غيره
| |
|
|
|
|
|
|
Re: sticky لوايق المنبر (Re: محمد المسلمي)
|
يا الكنزي ما عارفك قريت وين .. لكن منهج ثالثة ثانوي عالي فيهو كتاب البلاغة الواضحة ل علي الجارم . وقيهو درس اسمو السرقات الادبية يا مسلمي انا لا اتحكم في ردود الاعضاء . واتجاهل من كانت بها اشارة لعضو بشكل يدعو لتدوير بوست خلافي انا استغربت رفعك للبوست بعد ان هجرته انا ولكن قدمت حسن الظن . ظننت اني اعرفك وها انت تعيد الاشارة لرد ليس مني بل يشير لشقيقك .كأنك تقول اني اقصده يبدو لي ان هذا المنبر يتطلب اكثر من حسن الظن واكثر من عفوية الونسة في نفس الكتاب واقصد كتاب البلاغة الواضحة ل علي الجارم يوجد قول حول النقد الادبي وهو من طلب عيبا وجده ويقول اهلنا من يعذرك لن يلومك ومن يلومك لن يعذرك المهم بوست مطاعنة ولا بوست برئ ولا بوست ساي فليظن من يظن ما يريده ولست ملزما بتبرير كل كتاباتي من ظن اني اقصده فليقل ذلك وليرد بالشكل الذي يرغبه تجعلون وجودنا في هذا المنبر يزداد صعوبة اهو ترصد ام قصد ام ام كتبت كلام البفتكر اني هبشته لايوجد اقصر من اللغة فليقل
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
يا ود ابوسن سلامات وحمدلله علي سلامة العودة المهم فتحت بوست لم تكتبه في صفحتك الخاصة ( الفيس بوك ) وإنما كتبت في منبر عام من حقي ارد عليك في حدود الاحترام البوست حقك ده كله مطاعنة وتبرير للعنف ضد المشارك في بوست وتبرير للإساءة وتحميل المعتدي غليه تبعات الاساءة مهم تكون السيد اخوي انا لا أدافع عنه يملك حساب هنا مثلي ولكن الكتابة بالتلاويح ليس لها مبرر من ناحيتي ده طريقي اقول النصيحة الفلول 2 هو الاسم الحقيقي للذين يطاعنوا من خلال البوست حقك ده وأظنهم اتبعوا قصة ان ود ابوسن لايمكن ان يكتب الا الحق هنا في البوست جانبت الصواب والطريق الذي رسمته او رسموه لك الاخرين .. من حقك الاستمرار او ترك المنبر فهو شان يخصك حسن النية متوفر ولكن اظن انك نصبت نفسك فوق النقض وخلافه
| |
|
|
|
|
|
|
Re: sticky لوايق المنبر (Re: محمد المسلمي)
|
المسلمى محمد كيفك ياخ يمين الله ود اب سن بعيد كل البعد عن الشى البتقول فيهو ده اوقّع ليك الكلام من زمن اب سن بيعانى من مطاردة اخونا صديق مهدى على و الكلام ده فى بوستات كتيرة اخرها بوست اختنا د/ نعمات بوست اب سن رسالة لى اخونا صديق مهدى ان توقّف لكن نعمل شنو مع ودّو .. شال الطاقية و لبسا و جاب سيرة القديم بحجة الحديث عن المبدأ و الموقف يعنى الزول لمّا يرد على الاساءة بكل ادب و احترام يبقى زول مطاعنة معقولة دى يا مسلّمى
| |
|
|
|
|
|
|
Re: sticky لوايق المنبر (Re: محمد المسلمي)
|
قلت مطاعنة يا مسلمي سمي طاعنت منو ؟ لا احد فوق النقد ولا احد منزه انت قلت مطاعنة يعني في ضحية دة المنطق طاعنت منو ؟ منو ضحية مطاعنتي ؟ لم احجر عليك او علي غيرك الرد وقلت فوق من شاء فليرد بالطريقة البتعجبو سأتغاضي عن ضمير الغائب في رسموه لك منو الحمل المعتدي عليه الذنب وانا استشهد بحديث الرسول او بيت الشعر لأنو شرحو ببساطة ان تنأي بنفسك من نقاش وحوار سيقود للاساءات ومن لم يتق الشتم يشتم لو لم تبعد عن مكان يمكن ان تساء فيه سيتم اساءتك هذا هو المعني ببساطة اشكرك لتقديم النصح لي بخصوص اقامتي هنا .. وفعلا متي ماشعرت ان هذا المكان سيقلل من قيمتي سأغادره دون اعلان
| |
|
|
|
|
|
|
Re: sticky لوايق المنبر (Re: محمد المسلمي)
|
Quote: لكن نعمل شنو مع ودّو .. شال الطاقية و لبسا و جاب سيرة القديم بحجة الحديث عن المبدأ و الموقف |
جلي... سيب الكلام الساي و المجّأني أنا لم البس اي طاقية ولم ار في البوست مطاعنة تداخلت اعتراضا على فكرة معينة و عبارة بيع العرض ودي لو اتت من اب سن او منك او من اي شخص موقفي منها نفسه لم ولن يتغير غض النظر عن اي ظروف وملابسات أخرى دا من ناحية ومن ناحية أخرى أنا لا اتحجج بشيئ لأفعل أو ابرر شيئ آخر, احب الوضوح و المباشرة حتى لو بدا فيها نوع من الجلافة وقلة الذوق ان كنت لم تعرفني او تفهم خطي بعد فا شنو.. اسأل بورّيك بدل تشرّع من راسك* ساي
______________________________
راسك دي اقرا الراء مخففة على طريقة الشايقية
| |
|
|
|
|
|
|
Re: sticky لوايق المنبر (Re: محمد البشرى الخضر)
|
و احب اعيد يا ابسن مداخلتي في بوست الفلول ان كان سبب تركك البوست ظنك اني تضايقت من اشارتك وانها تعنيني فا ارجو ان تعود وتكمل بوست و ان تعلم اني لم ولن افهمك بشكل حاطئ ومساحة حسن الظن بيننا أكبر من سوئه فما بيننا ينيح لي استفهامك بشكل مباشر عن ما غم علي
| |
|
|
|
|
|
|
Re: sticky لوايق المنبر (Re: عبدالحفيظ ابوسن)
|
Political Correctioness
Quote: Fox News on Wednesday admitted that Roseanne Barr’s tweets attacking former Obama White House aide Valerie Jarrett were racist — and many of its fans are not happy about it
While it is generally not controversial to say that it’s racist to tell a black person that they look like an ape, Fox News fans were nonetheless dismayed by their favorite network acknowledging this on its own social media account.
|
بريمة
| |
|
|
|
|
|
|
Re: sticky لوايق المنبر (Re: Biraima M Adam)
|
يا ابسن هل اخطأت أنا ام أنت ؟ وخطأي انني قرأت (كِتابْ) (كُتْابْ) لهذا كان تدخلي وهي تدخل للطرفة اكثر من سؤال جاد. ولكن جاء ردك مبتسراً ومختصراً وليس في ذلك بأس ولكن البأس في انه اتي ضمن رد يخص محمد المسلمي وبتوسع وجاء اسمي في اعلى الرد ومن بعده جاء ردك على المسلمي مما يمكن أن يوهم القارئ ان المقصود هو الكنزي لهذا رجائي ان تسحب ردك علي واطالبك عرفاً باعطائي حقي الادبي في الرد منفصلاً ان لم تسطع ان تفرد له مكانا منفرداً فلا يجوز لك ضمه لمثل ردك على محمد المسلمي ولك شكري وانظر للبس الذي خلقته
Quote: ]يا الكنزي ما عارفك قريت وين .. لكن منهج ثالثة ثانوي عالي فيهو كتاب البلاغة الواضحة ل علي الجارم . وقيهو درس اسمو السرقات الادبية يا مسلمي
انا لا اتحكم في ردود الاعضاء . واتجاهل من كانت بها اشارة لعضو بشكل يدعو لتدوير بوست خلافي انا استغربت رفعك للبوست بعد ان هجرته انا ولكن قدمت حسن الظن . ظننت اني اعرفك وها انت تعيد الاشارة لرد ليس مني بل يشير لشقيقك .كأنك تقول اني اقصده يبدو لي ان هذا المنبر يتطلب اكثر من حسن الظن واكثر من عفوية الونسة في نفس الكتاب واقصد كتاب البلاغة الواضحة ل علي الجارم يوجد قول حول النقد الادبي وهو من طلب عيبا وجده ويقول اهلنا من يعذرك لن يلومك ومن يلومك لن يعذرك المهم بوست مطاعنة ولا بوست برئ ولا بوست ساي فليظن من يظن ما يريده ولست ملزما بتبرير كل كتاباتي من ظن اني اقصده فليقل ذلك وليرد بالشكل الذي يرغبه تجعلون وجودنا في هذا المنبر يزداد صعوبة اهو ترصد ام قصد ام ام كتبت كلام البفتكر اني هبشته لايوجد اقصر من اللغة فليقل |
|
| |
|
|
|
|
|
|
Re: sticky لوايق المنبر (Re: محمد أبوالعزائم أبوالريش)
|
Quote: ولكن البأس في انه اتي ضمن رد يخص محمد المسلمي وبتوسع وجاء اسمي في اعلى الرد ومن بعده جاء ردك على المسلمي مما يمكن أن يوهم القارئ ان المقصود هو الكنزي لهذا رجائي ان تسحب ردك علي |
المهم يااستاذ علي الكنزي سلامات أظن رد ابوسن علي لم يتجاوز اي حد من الاحترام الذي بيننا او يتعدي علي او المتابع .. استغرب طلب فصلك من المداخلة عشان كدي انا اطالب ابوسن تحقيق رغبتك .. فانا احب الصحابة اجمعين واترضي علي سيدنا معاوية ابن ابي سفيان رضي الله عنهم اجمعين وعندي التابعي او الصحابي كما يقول بعض السلف يزيد ابن معاوية رضي الله عنهم من افضل الناس فقد ورد حديث في معناه يغزوا جيش القسطنطينية فنعم القائد ونعم الجيش بيننا مسافات ياود ابوسن افصل الله يرضي عليك
| |
|
|
|
|
|
|
Re: sticky لوايق المنبر (Re: محمد المسلمي)
|
الاخ محمد المسلمي رمضان كريم ولك مني الود اكمله ولا حظت انك سحبت مني كلمة الاخ علي الكنزي وعدلتها للاستاذ علي الكنزي لم افهم ما ترمي إليه بقولك ادناه وهو خارج ما طرحه صاحب البوست ابوسن وما اظن ان ابوسن يسمح لطرحه ان ينتقل لحوار لا له فيه ناقة ولا جمل فلو اردت حواراً معي حول ما تقول فعليك بطرحه في مكان منفصل عن هذا
Quote: فانا احب الصحابة اجمعين واترضي علي سيدنا معاوية ابن ابي سفيان رضي الله عنهم اجمعين وعندي التابعي او الصحابي كما يقول بعض السلف يزيد ابن معاوية رضي الله عنهم من افضل الناس فقد ورد حديث في معناه يغزوا جيش القسطنطينية فنعم القائد ونعم الجيش بيننا مسافات ياود ابوسن افصل الله يرضي عليك |
| |
|
|
|
|
|
|