سؤال ل موصلي وعزيز

Quote: سمعت امس معتز صباحي في برنامجك يا موصلي ياخ دة علي بجملة الايمان في جنازة ما اجيبو

Quote: يا أبسن رمضانك كريم القصة في التعود غالباً والاعتياد تتذكر ايم الإنقاذ الاولى (أنا ماشي نيالا اوووو) ترديد موسيقى معينة على اضانك بتبقى هي الاستنادرد وهي المعيار، وبيبقى الغناء القديم دايماً هو أجمل الغنا واجمل الالحان يا خي أنا لمن طلعت برة السودان حتى قدرت اسمع صوت الكمان الجد جد عندنا ناسنا عاملين فيها شفوت بيغنو من غير نوتة تسجيل اغانينا كعب وما بتسمع وموسيقياً فيه نشاز ولمن اتعاد توزيعه بتلقى التسجيل القديم دا كروتة ساكت. شوف تسجيل وردي بتاع الطير المهاجر والفرق بين التسجيلات القبله بالنسبة ليك ما حتستسيغ غناء كتير من الشباب لأنك متعود وعندك معيارك بتاع ود اللمين وعركي وكابلي. الجيل البعدك دا بستسيغ الغنا بخشم محمود عبد العزيز، وعنده أغنية (الولد الشفت)  أجمل من الطير المهاجر وممكن لو سمع الجريدة يقول ليك دا غنا دا. الغنا مدور فينا صباح ومساء شيء رادي شيء طهور شيء عرس والتلفزيون وعلى ذلك قس لمن ناس عبد القادر سالم كسروا الحاجز وزغموا اغنية كردفان في الموسيقى الرسمية لقت رواج ناس الانقسنا ما قدروا وناس الوطاويط ما قدروا والماهرية ما قدروا والصبحة ما قدروا وضاع غنا سوداني لو كنا بنسمعوا كل يوم وكلساعة كنا حنستسيغه ويعجبنا  بحكم التعود. أبوي الله يرحمه بيسمع ام كلثوم بالليل كل يوم زمان، أول ايام أنا مغيوظ وما فاهم الموسيقى وشايف انه الموسيقى في جهة والكلمات في جهة تانية وبالزمن بقيت احب اغانيها بالعود والسماع اليومي. أها أو ما طلع محمود عبد العزيز قبل الانقاذ ذاتها عندي قريبي بيشغل محمود يومياً أها انتهيت إنه عجبني صوته وتحديداً كان بيغني اغنية بتاعة ترباس واغنية خضر بشير. نفس القصة حصلت لي مع حنانا بلوبلو وزهرمان واي فنان ما حبيت غناءه بشغل اغانيه كل يوم بنتهي باني بحب غناءه جربتها مع الفنانين الافارقة نجحت مع البرازليين نجحت مع الجامييكين مع الهيب هوب مع الكلاسيك ميوسك وهلما موسيقا. التعود التعود التعود مسألة مهمة وبالمناسبة أنا من معجبي (الزنق وموسيقته) وبسمعها وبسمع مصطفى سيد احمد وعركي والبعيو وقسمة ونصرة (آييي ست الاسم وفيفتي سينت حمد البابلي وكلهم بتعجبني أغانيهم. أما غناء راقي وغناء هابط، فدا اختيار طبقي ما بيفرق معاي كتير البيشوف الغناء الآخر هابط بيستند لمعاييره هو ، لمن نسمع أغنية اووووه دشكا دشكا من موقعنا الطبقى والتعليمي حنحدد مكانها، فلو انتا متعلم وطبقة وسطى حتشوفها هبوط من مقامك التعليمي والطبقى وأنا الأمي والعامل البسيط حتعجبني أغنية هي وحتعجبني برضه أغنية (مغص يا مغص يالعزابة) لو شغلت أي موسيقى ما بتعجبك لمدة اسبوع حتنتهي بأنها تعجبك

Quote: يا عزيز ياخ الوصاية بقت معكوسة منكم لينا

Quote: يا أخ عزيز خليني أحاول أعبر ليك عن رأي الإخوة كما فهمته لدينا ثقافتنا الموسيقية التي تميزنا والتي هي في طبيعتها مزيج متآلف من عدة ثقافات أفريقية في أصلها الإشكالية في الحماس الذي يقود الدارسين في مقارعة هذه الثقافة بأدوات لا تناسبها، أدوات تخص الموسيقى الغربية وحدها نعم هنالك أساسيات مشتركة، طريقة تدوين، ضبط نغمات، تقسيم إلى مقامات وغيرها لكن ما فات على الدارسين للموسيقى الغربية أن التقنيات تختلف واللونيات والأداء كذلك وبالتالي الأثر المباشر لموسيقانا يختلف تماماً عن أثر الموسيقى الغربية المنظمة بطول تاريخها. محاولات حشر تراثنا الموسيقي وأيضاً موسيقانا المعاصرة في القوالب الغربية وبالأدوات والتقنيات الغربية هي التي تجد هذا الرفض من الجميع وفي رأيي المتواضع أن الأوات التي يمتلكها الدارس للموسيقى الغربية لا تناسب نوعاً وكماً ضرورات توصيف ومعالجة موسيقانا وبالتالي الأخذ بها مجرد مضيعة وقت. التطرق لبعض النماذج المتأخرة (أغنية) الود وما لاقته من استحسان ليس لأن هنالك آلات جديدة تم إدخالها بل لنوعية التسجيل ونقاء الصوت، هذا ما تفتقده الأجيال الحالية. ومستقبلاً يمكن إيجاد مقاربات أكاديمية لمناهج متعددة أو موحدة تعيد اكتشاف موسيقانا وتعمل على توصيفها بأدوات تناسبها وتعمل على إبرازها بما يكفل قبول الجميع سواء دارسين أو مستعمين محليين أو أجانب. ___ بالمناسبة أعجبت كثيراً بطريقتك الرزينة في الحوارات التلفزيونية، واضح أنك تتدرب عليها قبل الجلوس أمام الكاميرا، وهذا في ذاته رقي وجدية.

Quote: انت بتقول انو الشعر امر ثانوي في الغناء ، ياتو غناء يا عزيز؟ حقنا نحن كسودانين ولا حق غيرنا ؟ الغناء عندنا قبل الموسيقي .. مصاحب للمزارع ومصاحب للراعي والعتالي ومصاحب للاحتفالات وللمرح اليومي مساءا للناس . بدون موسيقي .. صفقة او طمبرة او تنغيم بالارجل واساسه الكلمات اساسو الشعر عندنا هنا حسب رؤيتي الغناء يعتمد اولا علي الشعر . والشعر ليس ثانوبا في العمل الفني الفنان بغني في جلسات الاجتماع بي العود بس ياخ

Quote: الفنانين يلبسوا فساتين أو ما يوهات دا من حقهم ومن حريتهم يلبسوا يغنوا يهنقوا يعملوا اغاني جنسية او اغاني صوفية دا من حقهم

Quote: حبابك حاتم في ظني دي الاشكالية حقتنا .. المجتمع والغنا اصلا ليهو . لواقع محدد بشبهو . زي ما قلت الفن لاينزل للناس لكن برضو ما يصدمهم ! ممكن تكون انت صاح جدا ، صاحك دة لو نشأ حاجز بينك وبين الناس مابصلهم عشان تكون رائد خليك معاهم وارتفع بيهم

____
أما في دولهم فهم نجوم مافي شك ومافي زول بيشكك في إمكاناتهم وإنجازاتهم الفنية.

Quote: الجزمة البمبية دي فعلا غريبة وأنا مستغرب مش إشتراها كيف لكن باعوها ليه كيف؟

Quote: أبداً، الخماسي ليس قدراً لا فكاك منه. لكني أعتقد أنه لا يمكن أن نتعمّد الخروج على الخماسي، كأنْ نيقول الخماسي سلّم ناقص، ولذلك يجب الخروج عليه. ثمّ أنّ هناك آفاق للخماسي لم نطرقها. لم نعمل هارموني، لم نعمل توزيعاً، نحن بادئين في علم الخماسي، وأمامنا مشوار طويل. بعد أن نصل من سبقونا

Quote: المهم يا حاتم كان محبين وعاشقين للفن وتحملوا فيه الاذي وابدعوا فوجودوا التقدير حضرت الفلم التوثيقي لمايكل جاكسون العملو بنفسو .. الدقة وهاجس الكمال حد الوسواس . الاهتمام بالتوجيد والتفاصيل .. تجويد العمل الفني . الاهتمام بكل عازف وطريقة عزفو وتداخلو والراقصين والكورس تحس انو دة زول بعشق الفن والموسيقي ارضي جمهوره بما يقدمه ولم يبحث عن صرعات السلوك واللبس والمظهر لتحديد شخصيته الفنية فنان بجو شايلنو في كرسي لتثبيت معني الملك ولا واحدة بتجي للمسرح بي عربيتها في مكان ليس فيه امكانية حركة للناس بي رجولهم