حفينا في صف التنوك وفترنا من صف البنوك الغاز قطع دايرين نلوك لو قلنا حاجة بيكتلوك سنة في الزنازين يهملوك ما برحموك شلوت معاو يلعن ابوك باجوز يجوك ما انو بس دايرين رغيف ما بفهموك ما انو بس دايربن نصل ما بعبروك ما انو بس دايرين بصل ما بعشموك فترنا من صف التنوك و تعبنا من صف البنوك .... نتابع osman musa
05-18-2018, 11:00 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
فترنا من صف التنوك ديل في الحراسة يعلقوك دمك ينقط يعدموك عرقك يخرخر يرفسوك ما بعرفوك مهما عملت بيمسحوك في نصهم ياخ انت ما بتعرف صليحك من عدوك و بضيعوك في اي لحظة يفلسوك. في اي لحظة بينكروك في اي لحظة يسوطوا عينك و يطعنوك في اي لحظة انت حشرة وانت واجب يدهسوك .. نتابع
05-19-2018, 02:02 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
عبدالعظيم . والله يا عبدالعظيم ديل في سكاتك يحسدوك تطلع من البلد الصعب . بره البلد هم يلحقوك تجي بالمطار يا وقعتك ح يجمركوك في اي حته معاك معاك بحصلوك تعبنا من صف التنوك وحفينا من تعب البنوك
05-19-2018, 08:38 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
يا عثمان ديل بمصوا دمك وبلحسوك بالكضب والهمبتة بشيلوا مالك ومال ابوك ديل الضمير مات من زمان بقي همهم بس يفقروك حالفين قسم ما يريحوك.. تمشي المقابر يدفنوك تقفل خشم بابك يجوك.. تطلع علي السوق يلحقوك تمشي الزراعة يحصلوك.. تحرد تمش بيتكم يجوك
05-19-2018, 10:16 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
اخونا سفيات سلامات يا ختري . ههههها ديل في الدقيقة خمسة يشلبوك زواج جماعي يكلفتوك ما اصلو هم كايسين طريقة يمقلبوك وتلف علي صف التنوك حالة البلد حالة عدوك باعونا في دلالة الزمن ومن تاني تاني بيشتروك
05-20-2018, 11:21 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
فترنا من صف البنوك و تعبنا من هادي التنوك بلدي الخسارة يكسروك بلدي الحقارة بمرمطوك بلدي الجعان و ملان عسل اتفننوا كيف يسرقوك اتفننوا في شكل الكضب يا خوفنا كلك يرهنوك .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
تماضر الطاهر
عبدالعظيم عثمان
Mohammed Haroun
سفيان بشير نابرى
فيس بوك
تويتر
انستقرام
يوتيوب
بنتيريست