قبيلة سودانية تُعلن تقديمها (10) آلاف مقاتل للدفاع عن المملكة العربية السعودية

Quote: انت اتناقشت معاك كتير وبعرف اساليبك الملتوية دي كويس ، عندك مشكلة self-esteem عايز تسقطا على الناس بمناسبة وبدون مناسبة وتخمهم خم الموضوع هنا صفقة مالية واضحة لا يتناطح حولها تيسان ، اعقبتها محاولة ابتزاز واضحة ايضا لنيل مكاسب اضافية ، معروف ان نظام البشير ارسل جنوده لليمن لكي يقوم محور السعودية باقناع امريكا بفك الحظر على السودان ونيل بعض المساعدات المالية وده كلو حصل ونال البشير ما اراد ، لكن بعد شوية سكرة رفع العقوبات انتهت على فشوش والبشير لقا وضعو اسوأ من الاول ، طيب الحل ؟ الحل نقوم نبتز جماعة الرز ديل ، دفعو لترامب ودفعو للسيسي بدون اي مقابل ، نقوم نشغل اعلامنا ضد ارسال الجنود ونطرح الموضوع في البرلمان و"دق القراف خلي الجمل يخاف" ، منذ متى يطرح اعلام المؤتمر الوطني وبرلمانه امور حساسة مثل هذه بدون ايعاز من جهاز الامن (قرار ارسال الجنود صادر من البشير شخصيا) ؟ ناقص بس يجيبو دايفيد فروست يعمل لقاء متلفز مع البشير ويخليهو يعترف بخطأه في ارسال الجنود على الهواء ! انت مجليها واقفة ده ما موضوع افكار ولا شجاعة ، دي حقائق مجردة انا وانت ما طرف فيها من الاساس ولا بنقدر نغيرا وكل الممكن نعملو او الراي بتاعنا لا يمكن ان يتعدى باي شكل خانة "الضد أو الـــ مع " ، يعني اتفاق او اختلاف مع سياسة البشير .. يعني اسي ده موقفك من الازمة الحاصلة دي كلها ؟ وده البهمك فيها ؟ انك تثبت اننا منبطحين للعرب ؟ نحن من ؟ دي قرارات اتخذتا حكومة يوم واحد ما شفتك كتبت ليك مداخلة سميبنة كده ضدها ولم يتخذها الشعب الطالع ونازل تنبز فيهو ده ، حتى الفرصة النادرة التي اتيحت لنا لنراك في بوست يتعلق بالوضع الراهن الصعب ، استغليتا عشان تجي بس تفش غباينك وتسمم الموضوع بي بقجك الشايلا ليك سنين دي ! طيب انبطاحنا لاردوغان رايك فيهو شنو ؟ قطر "العربية " واردوغان سرجهم واحد الراي كيف ؟ وانبطاحنا لاثيوبيا ، ما قاعد تجيب سيرتو ليه ؟ محتلين ارضنا و وبرضو واقفين معاهم علي كراع واحدة ضد مصر "العربية " وقبل يومين بعنا ليهم حصة غير معلومة من ميناء بورتسودان بصفقة غير معلومة كلو في اطار حل الازمة الوجودية المستعصية التي يمر بها نظام البشير ، رغم ان اثيوبيا لا تمتلك اي خبرة في ادارة وتطوير الموانيء ولا عندها ميناء من الاساس للغرابة والسخرية عشان نقول ممكن عندهم خبرات بشرية او لوجستية افضل ولا حتى موارد مالية مستقرة ! انت عامل بالظبط زي "الداعية " بتاع جامعة القران الكريم الطلع قبل يومين وقال انو الحكومة ما بتتحمل اي حاجة في الحاصل ده ، الشعب هو المسئول ! فرقك منو العزبة بس والعصاية ، ده اذا ما كنت بتلبس عزبة بالفعل .. ياخي شكلك بايخ جدا نفس البقجة في اي موضوع او مقام زول فرويدي بامتياز +++ اهاا عرفنا دوافع الداعية عايز يكسر ليهو شوية تلج يمشي امورو ، وعارفين حاتم زول ما عندو موقف الاعمى المسّكو العكاز ده حكايتو شنو كمان ، شغال يمين وشمال ، لا رافع من حكومة ولاشعب !