|
Re: السفارة الامريكية بالخرطوم تطاعن البشير (Re: Nasser Amin)
|
أكثر ناس سفارة لاقين راحتهم وقاعدين متوهطين بمهلة هم ناس
السفارة الأمريكانية ديل
ما يدوك احساس ابداً انهم ضيوف وعندهم حركات كدا في رمضان
يشيلوا انتاج المزرعة .. اقصد السفارة .. من التمور ويروحوا يوزعوها
بأنفسهم السفير ولا القائم بالاعمال ولا الدبلوماسيات الـ صح صح ديلاك
وهاك يا عم وهاكي يا خالة ضوق .. ضوقي .. تمور السفارة المزرعة
الاكبر في وادي سوبا التي لا نتباهى في بلادنا وتاريخنا إلا ... بخرابهـا
بالله عليكم لو حدائق كل الوزارات والمصالح الحكومية في بلاد ملتقى
النهرين دي .. حقت ناس .. ناكل مما نزرع .. لو كل الحدائق دي انتجت
تمور زي ناس السفارة الامريكانية دي (كم الف طن من التمور) ممكن
ننتج بس من حدائق الوزارات والمصالح الحكومية والمفوضيات والمجالس
القومي وشئون الولايات وشئون الشئون ومراكز الشرطة وعوووووووك
الناس ديل لما كانوا بيقولوا (دنا عذابها) ما كانوا خاتين عليكـم ...
يا حليلهــم في أيامهم ديك .. أيام العيون الحمـر
أحمد الشايقي
|
|
|
|
|
|