أول رئيس للولايات المتحدة حدّد بنفسه مدة ولايته الرئاسية تخلّى أول رئيس أميركي، جورج واشنطن، طوعًا عن المنصب الرئاسي قبل أكثر من قرنين من الزمان. ولا يزال الخطاب الذي ألقاه ليعلن فيه عن تركه منصب الرئيس في غاية الأهمية لدرجة أنه يُقرأ بصوت عالٍ كل عام في مجلس الشيوخ. كتب واشنطن بنفسه خطاب الوداع من منصبه في العام 1796، عند نهاية فترة ولايته الثانية لمنصب الرئيس. وقد استغل الخطاب ليعلن أنه لن يسعى لفترة ثالثة، وإنما سيتقاعد في مزرعته في ماونت فيرنون. قالت باربرا بيري، التي تدير قسم الدراسات الرئاسية في مركز ميلر بجامعة فيرجينيا، إن واشنطن كان يتمتع بشعبية كبيرة لدرجة أنه “كان بإمكانه أن يظل رئيسًا طالما كان يريد ذلك.”
تعليقات بعض المتداخلين :
- في واحد كدا اسي بكون قرا البوست دا وقاعد مع اصحابو يضحك ويقول ليهم انتوا عارفين ناس السفارة ديل قاصدين السيسي ما دايرنو يترشح تاني . الله يصبرنا عليه الواحد دا بس 😂
- قاصدين الثقيل ألابا يستقيل
- ياخي زولنا دة امبارح ديسالين كلمو بالواضح كدي قال ليهو أنا اتنازلت عشان مصلحة بلدي .. ولا اشتغل بيهو زاتو 😂😂 الكلام دة امبارح القريبة دي خلي خطاب واشنطن القبل ٢٠٠ سنة 😂😂 فانتو يا ناس السفارة الأمريكية يا ساعدونا بتسهيل الفيزا يا اما حوموا حوامتكم دي وافطروا معانا في رمضان وخلونا نبتهج كلنا سوا وخلاص 😂😂😂 الزول دة نحن راجين ليهو امر الله بس
- نتو قاصدين شنو يعني ؟ 😎 نحن كمان عندنا زول احسن من جورج واشنطن .. خطاباتو تسمع في كل مناسبة مع الموسيقى والرقص .. زول ما حصل كضب علينا .. زول اكلنا الهوت دوق .. زول ما عندو اي شعبية لكن (يريد ان يظل رئيساً مدى الحياة) .. وهنا تكمن الديكتاتورية الخلاقة
- حتى عندنا الرئيس البشير حدد فترتو بنفسو بس كل ما يجي عايز يتنحى نحن بنرفض 😹
- نحن ناسنا ديل عندهم عقد نفسية الواحد شخصيتو بتكتمل بالتصلط والمشى على اجساد شعبه حتى يصبح خالدا مخلدا والموضوع محتاج مننا الى سنين طويلة حتى يتعلم كل الشعب ويحترم بعضه البعض ويصل الى قناعة مفادها هى ان السلطة امانة وتكليف كما قال النبى صل الله عليه وسلم
- لكن من يقنع جورج واشنطن السوداني أن يتنازل عن الحكم الذي أتي إليه علي ظهر دبابة. الرسالة وصلت يا ناس السفارة البشير سيذهب إلي مزبلة التاريخ غير مأسوف عليه وسينعتق الشعب السوداني من هذا الديكتاتور قريبا، مجرد وقت فقط.
- هوي ياناس السفارة خلو شغل المغارز دة 😂😂😂😂😂
- شكراً على ركيييب الطوووواقي ، طلعت قدرنا طق طرق فصلتوها لينا في ياتو ترزي دي ، زي ماقال بوب مارلي " who the cap fit let em wear it “ 😆😆😆😆
- لرئيس عندكم لكن نحنا كرهنا الحكومة وسئمنا الرئيس كدا انتوا حنوا لحالنا دا وادونا الفيزا نمش باقي حياتنا دا نعيشها ف امريكا بس شغلت نجاة غرزة دي ما بتنفع معانا
- حتى نحن عندنا رئيس حدد فترته بنفسو لمن فتر .. لأبد الآبدين وحالف إلا يسلمها للمسيح !!
جبتوها حامضة يا ناس السفارة 😂
- هس في داعي للكلام ده بعدين بشة يزعل ويصرف ليكم بركاااااااوي عديييييل 🤣🤣
- هناك اختلاف وفرق كبير جدا جدا جورج واشنطن كافر دمقراطي البشير امير المؤمنين و مسلم و ما حيسلمه الا لي المهدى المنتظرر هذه وصية الرسول لي واحد في المنام جابو في الواتساب
- ههههههههههه تصرف جورج واشنطن دة مناقض لرغبات بشة اعملو حسابكم ياناس السفارة الأمريكية ما يصرف ليكم بركاوي بسبب المنشور دة
- ياريت فلان بتاعنا دا يقرا الكلام دا ويفهمو كوووووووويييييس😒😒😒😒 قاعد لينا في حلقنا وفاقع مرارتنا 😒😒😒
- بطلو شغل المطاعنات دا ورسلو ليو مصيبه تاخدو and make it look like an accident
- والله كلامكم ده يا ناس السفارة حيجيب ليهو بركاوي تقيل.. اتاقيهو ليكم ؟؟
- واشنطن زول ما عميق.. كيف يخلي السلطة ويقعد في مزرعة؟ رئيسنا رغم انو المزرعة بتجيب ليه مليار في الشهر متمسك بالسلطة.. عادات وتقاليد
- مقرزة عدييييييل غايتو اي زول بدخل السودان دا ببقا سوداني حامضة منكم يا السادة الأمريكان 😂😂😂
- ناس السفارة الأمريكية ما سمعتو بي مقولة البحر علم و نحن كيزانو و زارعنا غير الله يجي يقلعنا
- نحن الريس كان ناوي ينزل في ٢٠١٥ بس بله الغايب حلف عليهو طلاق الا يكمل ال٣١ سنة
- كلمو عمر البشير الكلام ده عليكم الله 😨😨😨 الراجل جلط ام البلد ولسه يقراء (يعطي الملك لمن يشاء)
- سفارتكم طعميتها حارة
- لاحظوا إن كلامكم جارح😏 😂😂😂 تقصدو شنو
- مافي داعي للطعيين يا الطاغية الامريكان 😂😂😂
- دي شنو حركات المغارز دي 😂😂
- زولنا المزرعة عندو بس ربنا يديهو الاحساس
- زول يعمل تاق لي بشه 😂😂😂😂 دا شعر ماعندو ليو رقبه
- شغل الضراير دا شنو؟؟
- الناس ديل دمهم تقيل وخالدون فيها برشاااام والبرشام مابفك إلا بحجر نار⚙⚙⚙💥💥💥 او مرزبه⚒⚒⚒😂 وبعد ده يا اما خربت القفل او بوظت الباب يعني في كل الأحوال ضائعين ومتصيعيين
- مغارز امريكيه. حتي الأمريكان يابشه بقوا يمغرزوا فيك 😂😂😍😂😂
04-24-2018, 10:46 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
الاخوات منى و نعمات مرحبتين حبابكم لقيت الفيديو دا للاستاذ الراحل حيدر حيدربى والمبدعة حنان ابراهيم فى ملحمة ثورى مهيرة السودان من كلمات البروفسير السر دوليب الحان الاستاذ حسن بابكر والاغنية الوطنية ما هماك وعيد لخشيت الزمن من كلمات الاستاذ عثمان خالد والحان الدكتور أنس العاقب واداء الاستاذ المبدع محمد ميرغنى / انتفاضة 6أبريل 1985 ضد الرئيس الراحل جعفر محمد نميري. وفيهو لقطات من انتفاضة 6 أبريل
مولانا احمد الشايقى سلام ناس السفارة ماخدين راحتهم بالكامل و عملوا تواصل مع مختلف شرائح المجتمع و حتي الطرق الصوفية اكيد التواصل دا بديهم فكرة كاملة عن المجتمع السوداني المسالم و عن النظام الحاكم الذي يدعو بدنو العذاب
04-25-2018, 01:18 PM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
Quote: كان المشهد رائعا ومؤثرا .. وثقّته الكاميرات .. لحظة مغادرة رئيسة تشيلي المقر الرئاسي بعد إنتهاء فترة ولايتها الثانية هذا العام .. كان اللقاء عفويا وكذا المشاعر .. دفق من المحبة صدّقتها الدموع .. وحب نابع من بين الضلوع .. لم تصنع ميشيلي المعجزات .. لكنها ببساطة صدقت ما وعدت وأنجزت ما خفف عن معاناة شعبها الكثير .. على مدى فترتين رئاسيتين هما ثمان سنوات .. استطاعت أن تحقق إنجازات كبيرة على الصعيدين الإقتصادي والإجتماعي فتراجعت معدلات البطالة العالية وتحسن المستوى المعيشي للشعب .. سياسيا يكفي شهادة مفوض الأمم المتحدة من أن تشيلي تحولت في عهدها إلى مدافع قوي عن حقوق الانسان في الساحة الدولية .. بعد أن كانت نموذجا للقهر والتسلط .. دخلت القصر وهي حاملة معها آمال شعبها وطموحاته .. وفي الذاكرة ثقوب سوداء وذكريات مؤلمة عن الألألف من أبناء شعبها الذين قضوا تحت التعذيب وفي مقدمتهم والدها .. لكن كل ذلك لم يثنيها .. بل كان دافعا لها لتقدم لشعبها شيء يذكره التاريخ .. محمد السيد علي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Nasser Amin
مني عمسيب
نعمات عماد
أحمد الشايقي
فيس بوك
تويتر
انستقرام
يوتيوب
بنتيريست