|
Re: المواطن معاوية عبيد يجده بخير (Re: Arif Nashed)
|
مرحبا عارف وللتوضيح من خلال اتصال هاتفي افاد معاوية عبيد بانه لا يستطيع الدخول للمنبر ((كلمة مرور خطا )) او ما يشير لعدم امكانية تسجيل الدخول ثانيا بانه لا علاقة له بالبوست المعني من قريب او بعيد ثالثا اكد.معاوية عبيد الصائم علاقته بعبدالحفبظ ووصفها بالجيدة وبانه يكن الاحترام والتقدير لشخصه هذا ما لزم توضيحه تحياتي عبدالحفيظ ابو سن دم بخير معاوية عبيد
| |
|
|
|
|
|
|
Re: المواطن معاوية عبيد يجده بخير (Re: فرح الطاهر ابو روضة)
|
تشكر ابوروضة لو قلت الامر ما ازعجني أكون كضاب .. وحكاية العارف عزو مستريح وشنو داك برضو اكون كضاب ازعجني الامر جدا والتشهير الذي تم مع سبق الاصرار والترصد . وحتي في طريقة الرد علي الاخت امتثال يوجد نفس معاوية لاشئ بيني ومعاوية تجعله يرميني بما قال دون حيثيات بل كانت الاساءة في خشم الباب قبل ان تدلف الي متن البوست ادهشني كونه جاء من معاوية لظن معرفته لي لم اتداخل حتي استبين مرامي ما كتب وكنت غاضبا مما يؤثر في طريقة الكتابة ويجعلني أكتب ما اندم عليه فصمت اشكر من انبري مدافعا عني في البوست الافك والذي تبرأ منه صاحبه اقول بكل صدق لم يقنعني التبرير ففيه تبسيط واستهانة بالمنطق واعيب علي بكري حذفه البوست ماممكن ننشتم بدون سبب او داعي ولا يبق دليل الاتهام ويكون في اذهان الناس عموما اتمني ان اسمع السبب الحقيقي حتي ان كانت في خصلة من انتهازية ان ادعها
| |
|
|
|
|
|
|
Re: المواطن معاوية عبيد يجده بخير (Re: عبدالحفيظ ابوسن)
|
Quote: مرحبا عارف وللتوضيح من خلال اتصال هاتفي افاد معاوية عبيد بانه لا يستطيع الدخول للمنبر ((كلمة مرور خطا )) او ما يشير لعدم امكانية تسجيل الدخول ثانيا بانه لا علاقة له بالبوست المعني من قريب او بعيد ثالثا اكد.معاوية عبيد الصائم علاقته بعبدالحفبظ ووصفها بالجيدة وبانه يكن الاحترام والتقدير لشخصه هذا ما لزم توضيحه تحياتي عبدالحفيظ ابو سن دم بخير معاوية عبيد |
هذا مانقله صاحب البوست عن معاوية انه لاعلاقة له بالأمر Quote: اتصل بي معاوية وقبلت عذره وتبريره حصل خير شكرا ابوروضة |
سلام ياشيخ العرب فهمت من كلامك ده ان معاوية هو من كتب البوست واعتذر وقبلت عذره
السوال هل الصحيح انه لم يكتب كما ادعي هل اعترف واعتذر لك عن ماكتب
شاكر الرد والتوضيح
| |
|
|
|
|
|
|
Re: المواطن معاوية عبيد يجده بخير (Re: عبدالحفيظ ابوسن)
|
سلامات عبدالحفيظ فى مقامك المعلوم.... قراءت البوست المعنى وانا اغالب النعاس ورجعت اكثر من مره للتعليقات حتى افهم المقصود ظننت ان صاحبه يقصد الإثاره لجذب اكبر عدد من المشاركات وهذا تكتيك يقوم به البعض هنا لكن لم استسغ العنوان ولا المضمون فلم اعلق حتى يتضح الامر قبول العذر والاعتذار خلق نبوى عظيم والتأسى به انتصار ذات على ذات .. وما يلقاها إلا ذو حظ عظيم لكن...وبعيدا عن موضوع البوست واستنادا عليه اما أن لسيد الحوش ولاهل سودانيزونلين ابتداع استراتيجيه عمل جماعى تضع سياسات واهداف مستقبليه تجعل هذا الصرح الإعلامى مميزا وقادر على الاستمراريه جنبا إلى جنب مع وسائط تواصل متزايده كل يوم مثلا ان يكون هناك مجلس امناء منتخب يضم كل الاطراف والقوى من مستقلين. يساريين . اسلاميين. محايدين. ناس ساى. متصوفه واهل جذب: ) وإن كانت الاخيره تغشى كل الطيف السودانى بإحسان ومقدار بعلمهم وبدونه لكنها راسخه فى المكنون الثقافى وظاهره دون بصيره هذا من باب التفاكر اما عن الانتهازيه فانت تنتهز كل سانحه لتكتب فى الشأن العام وتفرد مساحه لتعبر عن هم مبعدين ومهمشين يصارعون للبقاء بكرامه لايعرفون للنت طريقا واقصى امنياتهم ماء ودواء وقليل من طعام لصغار سقطت الدراسه والتعلم من اولوياتهم
| |
|
|
|
|
|
|
Re: المواطن معاوية عبيد يجده بخير (Re: معاوية عبيد الصائم)
|
سلام للجميع، صراحة شفت البوست أمس وكتبت تعليق واحد. لما لقيت الناس مستنكرين عنوان البوست .... ضحكت وقلت ليهم (معاوية سطّح بيكم) ... باعتبار إنو عنوان إثارة. لكن ما عرفت البوست إتسحب وما إتذكرتو تاني، وكنت متأكد إنها مزحة من معاوية أو وسيلة إثارة.
ما أظن في واحد من أعضاء أو قراء سودانيز حيظن في أبي سن الظنون.
نقول حصل خير ... ما دام الطرفين متفاهمين.
| |
|
|
|
|
|
|
Re: المواطن معاوية عبيد يجده بخير (Re: محمد أبوالعزائم أبوالريش)
|
غايتو بس الحمد لله أصلو ما لينا في الطيب نصيب الواحد يغيب من المنبر يومين بس يلقى بكري ضاير الطيبات :) خرمانين لينا لي اكشن ما فيه عوائل وذمم مالية عشان نتجدع فوقه ياخ بعدين شنو حركة معاوية يكفكف اكمامه يجي ابو روضه يهديهو .. وابو روضة يكفكف بنطلونه يجي معاوية يمسكوا ما ممكن ياخ شاحد الله واحد فيكم باسويرده تتنشل عشان نلقى لينا آكشن زي الناس
| |
|
|
|
|
|
|
Re: المواطن معاوية عبيد يجده بخير (Re: أحمد محمد عمر)
|
Quote: خرمانين لينا لي اكشن ما فيه عوائل وذمم مالية عشان نتجدع فوقه ياخ |
هههههه .... يعني عامل رايح من داااااك ... ولا عاملين ليك شخيت زي كدي .... ما تقول لي ما شايف ... امشي راجع العناوين بس ... جمبلغ بتقع فيهو ...
| |
|
|
|
|
|
|
Re: المواطن معاوية عبيد يجده بخير (Re: Salah Zubeir)
|
غايتو عليك جنس غتاتة :) ياخي لو عجزان من الرابط كان تديني العنوان ساي خليتني حايم زي الخرمان بفتش لي صعوط الساعة 3 بالليل :)
ما لقيت أي آكشن إلا مسلسلات ابو حسين المكسيكية البتستمر 17 صفحة ويتصفر عدادها بعد كل أرشفة ودي ما عندي ليها طولة بال .. وملاكمة الـ MMA بتاعة دينق ودي فيها دم وضرب تحت الحزام ونحن عاوزين ترفيه عائلي
غايتو هسة شركت لي آكشن نضيف وجهزت مديدتي تب .. لمت لمت كان ما لمت بجي أزرزرك في الآكشن الداسيهو مني دة
| |
|
|
|
|
|
|
|